ယနေ့ လူထုခေါင်းဆောင် ဒေါ်အောင်ဆန်းစုကြည်၏ အယူခံအမှုကို တရားရုံးချုပ်မှ ပယ်ချလိုက်ကြောင်း ဒေါ်အောင်ဆန်းစုကြည်၏ အကျိုးဆောင်ရှေ့နေကြီးဦးဥာဏ်ဝင်းက ပြောဆိုပါတယ်။
" ဒီနေ့ မနက် ၁၀နာရီက တရားရုံးချုပ်မှာ ဒေါ်အောင်ဆန်းစုကြည်နဲ့ အတူနေ ဒေါ်ခင်ခင်ဝင်း၊ ဒေါ်ဝင်းမမတို့ရဲ့ အယူခံအမှုကို တိုင်းတရားရုံးက ပယ်ချလိုက်ပါတယ်။ ဘာကြောင့် ပယ်တယ်ဆိုတဲ့ အကြောင်းပြချက်ကတော့ အန်ကယ်တို့ မသိရသေးပါဘူး..... ။ စီရင်ချက်ရဲ့ အောက်ဆုံးအပိုဒ်က အမိန့်စာကိုပဲ ဖတ်ပြသွားတာပါ။ အန်ကယ်တို့ ကော်ပီကူးပြီးမှ ဘာကြောင့် ပယ်တယ်ဆိုတာ သိရပါမယ်။ အဲ့ဒီကော်ပီကူးပြီးရင်တော့ ဘာကြောင့်ဆိုတာ ပြောပြနိုင်ပါမယ်...။ နောက်ဆုံးတစ်ဆင့် အနေနဲ့ အထူးအယူခံပဲ ကျန်ပါတယ်။ အန်ကယ်တို့ကတော့ လုပ်စရာရှိတာ ဆက်လုပ်မယ်။ ဥပဒေအရ ရပိုင်ခွင့်ရှိတာ တွေကိုဆုံးခန်းတိုင်တဲ့အထိ ဆက်လုပ်သွားမယ်။" ဟု ဒေါ်အောင်ဆန်းစုကြည်ရဲ့ အကျိုးဆောင် ရှေ့နေတစ်ဦးဖြစ်တဲ့ အဖွဲ့ချုပ်ပြောခွင့်ရပုဂ္ဂိုလ် ရှေ့နေကြီးဦးဥာဏ်ဝင်းက ပြောဆိုသွားပါတယ်။
လူထုခေါင်းဆောင် ဒေါ်အောင်ဆန်းစုကြည်ဟာ အမေရိကန်နိုင်ငံသား ဂျွန်ယက်တော နေအိမ်အတွင်း တိတ်တဆိတ် ဝင်ရောက်မှုနှင့်ပတ်သက်ပြီး ၂၀၀၉ ခုနှစ် သြဂုတ်လ ၁၁ ရက်နေ့က ထောင်ဒဏ် ၃ နှစ် ချမှတ်ခဲ့ပြီး နအဖဥက္ကဋ္ဌ၏ အမိန့်ဖြင့် ဆိုင်းငံ့ပြစ်ဒဏ်နှင့် နေအိမ်အကျယ်ချုပ် ၁၈ လ ကျခံခဲ့ရပါတယ်။ အဓိက တရားခံဖြစ်တဲ့ ထောင်ဒဏ်(၇)နှစ် ပြစ်ဒဏ်ချမှတ်ခံထားရတဲ့ အမေရိကန်နိုင်ငံသား ဂျွန်ယက်တောကိုမူ အမေရိကန်လွှတ်တော်အမတ် လာရောက်စဉ်မှာ ပြန်လည် လွတ်ပေးခဲ့ပါတယ်။
ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာကင်တာနားက ဒေါ်အောင်ဆန်းစုကြည် အပေါ်တွင် အရေးယူထားသော ဥပဒေသည် အပြည်ပြည်ဆိုင်ရာ အဆင့်အတန်းနှင့် ကိုက်ညီမှုမရှိကြောင်း ဒေါ်အောင်ဆန်းစုကြည်၏ ရှေ့နေများနှင့်တွေ့ဆုံစဉ် ပြောဆိုခဲ့ပါတယ်။ လူထုခေါင်းဆောင် ဒေါ်အောင်ဆန်းစုကြည်မှလည်း ဒီအမှုဖြစ်စဉ်ကို ကြည့်ပြီး မြန်မာနိုင်ငံမှာတရားဥပဒေ စိုးမိုးမှုရှိမရှိကို သိရှိရမှာဖြစ်ကြောင်းနဲ့ ဥပဒေအရှဆုံးခန်းတိုင်အောင် ဆောင်ရွက်သွားမည်ဟု ပြောဆိုခဲ့ပါတယ်။
သတင်း... ဒီမိုဝေယံ
ဒေါ်စုအမှု ပြင်ဆင်မှု တရားရုံးက ပယ်ချ
ဖနိဒါ | သောကြာနေ့၊ ဖေဖေါ်ဝါရီလ ၂၆ ရက် ၂၀၁၀ ခုနှစ် ၁၅ နာရီ ၀၂ မိနစ် .
ချင်းမိုင် (မဇ္ဈိမ)။ ။ လူထုခေါင်းဆောင် ဒေါ်အောင်ဆန်းစုကြည်အား နေအိမ်အကျယ်ချုပ် ၁၈ လချမှတ်ထားမှုအပေါ် ပြစ်ဒဏ်ပြင်ဆင်မှု တင်သွင်းသည်ကို ရန်ကုန် ဗဟိုတရားရုံးချုပ်က ယနေ့ ပယ်ချလိုက်ကြောင်း ရှေ့နေ ဦးဥာဏ်ဝင်းက ပြောသည်။
စစ်အစိုးရအကြီးအကဲ ဗိုလ်ချုပ်မှူးကြီးသန်းရွှေ၏ အမိန့်ဖြင့် နေအိမ်အကျယ်ချုပ် ၁ နှစ်ခွဲ ဆိုင်းငံ့ပြစ်ဒဏ် ချမှတ်ခံရသော မြန်မာ့ဒီမိုကရေစီခေါင်းဆောင်၏ အမှုပြင်ဆင်ချက်ကို ဗဟိုတရားရုံးချုပ်သို့ ပြီးခဲ့သည့်နှစ် နိုဝင်ဘာလအတွင်းက တင်သွင်းခဲ့ပြီးနောက် ယနေ့တွင် ပယ်ချလိုက်ခြင်း ဖြစ်သည်။
“၁ဝ နာရီစပြီးတော့ ၁ဝ နာရီခွဲလောက် ပြီးသွားတယ်။ ဒေါ်အောင်ဆန်းစုကြည် တင်တဲ့ အမှုတမှု၊ ဒေါ်ခင်ဝင်းက တမှု၊ နှစ်ခုစလုံး တရားရုံးချုပ်က ပလပ်ပါတယ်။ ပယ်တာပေါ့နော်။ တရားရုံးချုပ်က မဆုံးဖြတ်ပေးဘူးပေါ့။ အရင်အတိုင်းပဲပေါ့” ဟု ရှေ့နေ ဦးဥာဏ်ဝင်းက မဇ္ဈိမကို ပြောသည်။
ဗဟိုတရားရုံးချုပ်၏ တရားသူကြီး ဦးဟန်ရှိန်က စီရင်ချက် အောက်ဆုံးအပိုဒ်ကိုသာ ဖတ်ပြသွားသဖြင့် ပြစ်ဒဏ်ပြင်ဆင်ချက်အား မည်သည့်အကြောင်းပြချက်များဖြင့် “ပယ်လိုက်” သည်ကိုမူ မသိရသေးဟု ဆိုသည်။
ယနေ့ ဗဟိုတရားရုံးချုပ်၏ ဆုံးဖြတ်ချက်ကို ဒေါ်အောင်ဆန်းစုကြည်၏ ရှေ့နေ ၄ ဦး တက်ရောက်နားထောင်ခဲ့ပြီး ဆုံးဖြတ်ချက်သည် တရားဥပဒေနှင့် မညီကြောင်း ရှေ့နေဦးဥာဏ်ဝင်းက ယူဆသည်။
အမေရိကန်၊ အင်္ဂလန်၊ သြစတြေးလျ၊ ပြင်သစ် စသည့် အနောက်နိုင်ငံများမှ သံတမန်များလည်း ယနေ့ တက်ရောက်လေ့လာခဲ့သည်။
ပြစ်ဒဏ်ပြင်ဆင်ချက် လျှောက်ထားမှုကို အထူးအယူခံရုံးသို့ အမြန်ဆုံး ဆက်တင်မည်ဟု ဦးဥာဏ်ဝင်းက ဆိုသည်။
အမေရိကန်နိုင်ငံသား ဂျွန်ယက်တော နေအိမ်အတွင်း တိတ်တဆိတ် ဝင်ရောက်မှုနှင့်ပတ်သက်ပြီး ပြီးခဲ့သည့်နှစ် သြဂုတ်လ ၁၁ ရက်နေ့၌ သူမကို ၁၉၇၅ ခုနှစ် နိုင်ငံတော်အား နှောင့်ယှက်ဖျက်ဆီးလို သူများ၏ ဘေးအန္တရာယ်မှ ကာကွယ်စောင့်ရှောက်သည့် ဥပဒေ ပုဒ်မ ၂၂ ဖြင့် ၃ နှစ် ချမှတ်ခဲ့သည်။
ဒေါ်အောင်ဆန်းစုကြည်နှင့် အတူနေသူ ဒေါ်ခင်ခင်ဝင်းနှင့် သမီးဖြစ်သူ မဝင်းမမ တို့ကိုလည်း နိုင်ငံတော်အား နှောင့်ယှက်ဖျက်ဆီးလိုသူကို ကူညီမှု ပုဒ်မ ၂၂/ ၁ဝ၉ ဖြင့် ပြစ်ဒဏ်တူချခြင်းအတွက် ပြစ်ဒဏ်ပြင်ဆင်မှု လျှောက်ထားသည်ကိုလည်း တရားရုံးက ပယ်ချလိုက်သည်။
(ကိုဝိုင်း တည်းဖြတ်သည်။)
No comments:
Post a Comment