-
နိုင်ငံရေးက ကိုယ်နဲ့မဆိုင်ဘူးလို့ မပြောပါနဲ့၊ နိုင်ငံရေးက ကိုယ်အပေါ်တိုက်ရိုက်သက်ရောက်လာပါလိမ့်မယ်--ဘယ်လိုလုပ်မလဲဆိုရင် ပြည်သူ့အားနဲ့လုပ်မယ် --ကျမတို့ကို ပြည်သူက ယုံကြည်ရင် ၊ ထောက်ခံရင် ၊ လက်တွဲရင် ကျမအားရှိပါတယ် --

Wednesday, March 31, 2010

အန်အယ်လ်ဒီ၏ မူလနိုင်ငံရေးမပျက် ဆက်လက်လုပ်ဆောင်မည်ဟုဦးဝင်းတင် ပြောကြား


NEJ/ ၃၁ မတ် ၂ဝ၁ဝ


အဖွဲ့ချုပ် ဖျက်သိမ်းခံရလျှင် အဖွဲ့ချုပ်ပျက်စီးသည်ဟု မယူဆ၊ ပျက်စီးခြင်းမဟုတ်ဟု ဒေါ်အောင်ဆန်းစုကြည်၏ မှာကြားချက် အတိုင်း အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က ချမှတ်ထားသည့် နိုင်ငံရေးဦးတည်ချက်များအရ နိုင်ငံရေး ဆက်လက်လုပ်ဆောင်သွားမည်ဟု ဦးဝင်းတင်က ပြောကြားသည်။

၂၀၁၀ ခုနှစ် နအဖကောင်စီက ထုတ်ပြန်ထားသည့် ရွေးကောက်ပွဲဆိုင်ရာ ဥပဒေများသည် တရားမျှတမှု လုံးဝမရှိသဖြင့် အန်အယ်လ်ဒီသည် ပါတီအဖြစ် ထပ်မံမှတ်ပုံတင်တော့မည်မဟုတ်ဟု မတ် (၂၉) ရက်တွင် ပြုလုပ်သည့် ဗဟိုဦးစီးအဖွဲ့ အစည်းအဝေး ဆုံးဖြတ်ချက် ထွက်ပေါ်ခဲ့ပြီးနောက် အဖွဲ့ချုပ် ဗဟိုအလုပ်အမှုဆောင်တဦးဖြစ်သူ ဦးဝင်းတင်က ခေတ်ပြိုင်သို့ ပြောကြားခြင်းဖြစ်သည်။

၎င်းက “ဒေါ်အောင်ဆန်းစုကြည် ညွှန်းတဲ့အတိုင်းပဲ။ ကျနော်တို့ခေါင်းထဲမှာ၊ ကျနော်တို့အသည်းနှလုံးထဲမှာ နိုင်ငံရေးတွေရှိနေရင် အဲဒီနိုင်ငံရေးတွေကို ကျနော်တို့ ဒီမိုကရေစီအဖွဲ့အစည်းတခုအနေနဲ့ ရပ်တည်တဲ့အချိန်တုန်းက ရှိခဲ့တဲ့အတိုင်းပဲ ဆက်ပြီးတော့ ဒါတွေကို ထိန်းသိမ်းသွားရမယ်လို့ မြင်ပါတယ်” ဟု ပြောသည်။

မြန်မာနိုင်ငံတွင် စစ်မှန်သည့် ဒီမိုကရေစီတည်ထောင်ရန်၊ လူ့အခွင့်အရေးများ အပြည့်အ၀ရရှိရန်၊ စစ်မှန်သည့် ပြည်ထောင်စုစနစ် ထွန်းကားရန်နှင့် အာဏာရှင်စနစ်မှန်သမျှ ဖယ်ရှားရန် ဆိုသည့်အချက်များသည် အန်အယ်လ်ဒီက ချမှတ်ထားသည့် နိုင်ငံရေးဦးတည်ချက်များဖြစ်ကြောင်း ဦးဝင်းတင်က ပြောကြားသည်။

သာမန်အားဖြင့် နဂိုရှိပြီးသား နိုင်ငံရေးရပ်တည်ချက်များကို ထိန်းသည့်သဘောဖြင့် ဆက်လက်လုပ်ဆောင်သွားရန် လိုအပ်ကြောင်း၊ တနိုင်ငံလုံးရှိ အန်အယ်လ်ဒီပါတီဝင်များနှင့် နဂိုရှိပြီးသား စည်းရုံးမှုကို ဆက်လက်တည်ဆောက်ပြီး တိုင်းရင်းသားအဖွဲ့အစည်းများ အပါအ၀င် ကျောင်းသားအဖွဲ့အစည်းများ စသည်တို့ဖြင့် ဆက်သွယ်လုပ်ဆောင်မှုများကို လုပ်ဆောင်သွားရန် လိုအပ်ကြောင်း ၎င်းက ပြောသည်။

“တိုင်းရင်းသားတွေ အဖွဲ့အစည်းတွေနဲ့ ပူးပေါင်းဆောင်ရွက်ခဲ့တဲ့ အစဉ်အလာကို မြင့်မားစွာဆက်လက်ပြီး ဆောင်ရွက်သွားမှာ ဖြစ်ပါတယ်။ ကျနော်တို့ဟာ တတ်နိုင်သမျှ ကျနော်တို့ရဲ့ နဂိုရှိနေတဲ့ ညီညွတ်ရေး လူထုထောက်ခံမှုတွေကို ကိုင်စွဲပြီး ရှေ့ဆက်သွားရမှာ ဖြစ်ပါတယ်။ ပြည်သူလူထုရဲ့ ထောက်ခံမှုဟာ ကျနော်တို့ အန်အယ်လ်ဒီပေါ် ကြီးမားစွာပဲရှိတယ်လို့ ယုံတယ်။ ကျနော်တို့ဟာ ပြည်သူတွေရဲ့အရေးတွေကို စောင့်ရှောက်ရမယ်၊ ကြည့်ရမယ်၊ ကြားနာရမယ်၊ ပြည်သူတွေရဲ့ ထင်မြင်ယူဆချက်တွေကို တုံ့ပြန်ရမယ်ဆိုတဲ့ဟာ ရှိတဲ့အခါကျတော့ ပြည်သူလူထုရဲ့ခွင်ထဲမှာလည်း လှုပ်ရှားသွားမှာပဲ ဖြစ်ပါတယ်။ လူထုကို မျက်နှာမူတဲ့ နိုင်ငံရေး လုပ်ကြရမယ်” ဟု ဦးဝင်းတင်က ပြောကြားသည်။

အန်အယ်လ်ဒီအနေဖြင့် မှတ်ပုံတင်ခြင်း မတင်ခြင်းသည် အဓိကမဟုတ်ဘဲ နိုင်ငံရေးဦးတည်ချက်၊ နိုင်ငံရေးရည်မှန်းချက်များ၊ နိုင်ငံရေးပန်းတိုင်များက အဓိကဖြစ်ကြောင်း ၎င်းက ဆက်လက်ပြောကြားသည်။

“တွေ့ဆုံဆွေးနွေးပွဲဆိုတာ ကျနော်တို့ရဲ့ နိုင်ငံရေးပစ်မှတ်တခု ဖြစ်ပါတယ်။ ဒီဟာကို ကျနော်တို့ အစဉ်တစိုက်တောင်းဆိုနေတာ အန်အယ်လ်ဒီ စဖွဲ့တဲ့ ၁၉၈၈ ခုနှစ် အောက်တိုဘာလလောက်ကတည်းက ဒေါ်အောင်ဆန်းစုကြည်ကိုယ်တိုင် စာရေးပြီးတော့ န၀တထံ ပို့ထားတဲ့ စာကစခဲ့တာ။ နောက်ဆုံး ဗိုလ်ချုပ်မှူးကြီး သန်းရွှေဆီ စာရေးတဲ့အထိလည်း ဒေါ်အောင်ဆန်းစုကြည်က တွေ့ဆုံဆွေးနွေးဖို့ကိစ္စကို ပြောနေတာပဲ” ဟု ဦးဝင်းတင်က ပြောသည်။

“ဒီနေ့ပါတီ မရှိပေမယ့်လို့ ဒေါ်အောင်ဆန်းစုကြည်ရှိတယ်၊ ပါတီမှတ်ပုံမတင်လို့ ပါတီအနေနဲ့ မရပ်တည်နိုင်ဘူး။ ဒါပေမယ့် ဒေါ်အောင်ဆန်းစုကြည်က မှတ်ပုံတင်မှ ဒေါ်အောင်ဆန်းစုကြည်ဖြစ်တာ မဟုတ်ဘူး။ ဒေါ်အောင်ဆန်းစုကြည်က မှတ်ပုံမတင်လည်း လူထုခေါင်းဆောင်၊ အမျိုးသားခေါင်းဆောင်၊ ကမ္ဘာ့ခေါင်းဆောင်ဖြစ်နေတာ။ ဒီနေ့တိုင်းပြည်ရဲ့ နိုင်ငံရေးပြဿနာတွေကို ဖြေရှင်းမယ်ဆိုရင် ဒေါ်အောင်ဆန်းစုကြည်ကို သူတို့ ဘယ်လိုမှ ဖယ်ရှားလို့မရဘူး။ ဒေါ်အောင်ဆန်းစုကြည်ဟာ ပြည်သူက အသိအမှတ်ပြုထားတဲ့ ပြည်သူကနေ ယုံကြည်ကိုးစားနေတဲ့ နိုင်ငံရေး မိခင်ကြီးတယောက်လို ဖြစ်နေတယ်။ ရှေ့ဆက်ပြီး တွေ့ဆုံဆွေးနွေးပွဲကို တောင်းဆိုနေရမှာပဲ” ဟုလည်း ၎င်းက ပြောကြားသည်။


::: Copyright © 2004 The New Era Journal :::

“လူထုတိုက်ပွဲ ဦးဆောင်ပါတီ NLD”

ရဲဘော်ဗိုလ်သူ

စစ်အုပ်စု နိုင့်ထက်စီနင်း ထုတ်ပြန်လာတဲ့ နိုင်ငံရေးပါတီများ မှတ်ပုံတင်ခြင်းဥပဒေ၊ ရွေးကောက်ပွဲကော်မရှင် ဥပဒေတွေက NLD ဘာလုပ်မလဲလို့ စိန်ခေါ်ခဲ့ပါတယ်။ စစ်အုပ်စုရဲ့ ထိုးနှက်မှုကြောင့် NLD ပါတီတွင်း ရှေ့ ဘယ်လိုရပ်တည်မလဲ၊ သဘောထားကွဲလွဲမှုတွေ ထုံးစံအတိုင်းရှိခဲ့ပေမယ့် “ မတရားတဲ့ အမိန့်အာဏာဟူသမျှ တာဝန်အရ ဖီဆန်ကြ” ဆိုတဲ့ လူထုခေါင်းဆောင် ဒေါ်အောင်ဆန်းစုကြည်ရဲ့ အဆိုအမိန့်နဲ့ ရွှေဂုံတိုင်ကြေညာ စာတမ်းကို အခိုင်အမာ ဆုပ်ကိုင်ရင်း အညံ့မခံ အရှုံးမပေးတဲ့ ဆုံးဖြတ်ချက်ကို အမျိုးသားဒီမိုကရေစီအဖွဲ့ချုပ် (NLD) က ချမှတ်လိုက်ပါပြီ။

ဒါဟာ စစ်အုပ်စုရဲ့ စိန်ခေါ်မှုကို “မှတ်ပုံမတင်ဘူး၊ ဘာလုပ်မလဲ” ဆိုတဲ့ စိန်ခေါ်မှုနဲ့ တုန့်ပြန်လိုက်တာပဲဖြစ်ပါ တယ်။ ခုလောက်ညီညွတ်ကြမှာမဟုတ်ဘူးလို့ တွေးထင်ပြီး ရည်ရွယ်ချက်ရှိရှိ NLD ပြိုကွဲအောင်လုပ်ခဲ့ပေမယ့် ဒီလို မပြိုမကွဲ တညီတညွတ်ထဲ ဆုံးဖြတ်လိုက်တော့ စစ်အုပ်စု နည်းနည်းတော့ ပြာယာခတ်သွားမှာပါ။ ဒါပေ မယ့် ဒီလိုဖြစ်လာရင် ဘာလုပ်မလဲဆိုတဲ့ ကြိုပြင်ထားတာမျိုးလည်း ရှိချင်ရှိမှာပါ။ သူတို့ရဲ့ထုံးစံအတိုင်း တက် ကြွသူတွေကို ဖမ်းမယ်၊ မတရားအသင်း ကြေညာမယ်၊ ပါတီဆိုင်းဘုတ်တွေ ဖြုတ်ချခိုင်းမယ်၊ အနိုင်ကျင့်မှုမျိုးစုံ ကို ကောက်ကျစ်တဲ့ နည်းလမ်းစုံသုံးပြီး လုပ်လာမယ်။ ကြံ့ဖွတ်တွေ၊ ရာဇ၀တ်သားတွေကို သုံးပြီး NLD အဖွဲ့ဝင် တွေကို ၀ိုင်းရိုက်တာမျိုးတွေ လုပ်လာမယ်။ ပြီးတော့ NLD ထဲက မှတ်ပုံတင်ချင်တဲ့ လူကြောက်တွေ၊ ရွေး ကောက်ပွဲဝင်ချင်တဲ့ အခွင့်ရေးသမားတွေကို မြှောက်ပေးပြီး အနိမ့်ဆုံးအဆင့် NLD က နှုတ်ထွက်ပါသည် ဆို တာမျိုး လုပ်ခိုင်းနိုင်ပါတယ်။


“စစ်အုပ်စုက ဖိနှိပ်မှုမျိုးစုံ လုပ်လာခဲ့ရင် နယ်စပ်ကို ထွက်လာတာမျိုးမဖြစ်ဖို့တော့ သတိထားရပါမယ်။ ကိုယ်က နယ်စပ်မှာနေပြီး ဒီလိုပြောရတာ NLD ကို အားနာမှုများစွာနဲ့ တောင်းပန်ပါတယ်။ စစ်အုပ်စုက နယ်စပ်က တော်လှန်ရေးအင်အားစုတွေကို လက်ရှိအခြေအနေမှာ ဂရုကိုမစိုက်ပါဘူး။ ပြည်သူလူထုအုံကြွမှာနဲ့ ငြိမ်းချမ်းရေးရထားတဲ့ တိုင်းရင်းသားအဖွဲ့တွေက ပြန်တိုက်မှာပဲ ဂရုစိုက်တာပါ။ လူတွေ နယ်စပ်ကိုထွက်တာ တခြားနိုင်ငံတွေကို ခိုလှုံတာ စစ်အုပ်စုအကြိုက်ပါ။ နယ်စပ်ရောက်သွားပြီးရင် တော်လှန်ရေးအလုပ်ထက် ဘ၀ရပ်တည်ရေးအလုပ်တွေပဲ လုပ်ဖြစ်သွားကြတာ များပါတယ်”


NLD အနေနဲ့လည်း ရှေ့လုပ်ငန်းစဉ်တွေ ပြင်ရပါတော့မယ်။ စစ်အုပ်စုရဲ့ မတရားတဲ့ ဥပဒေတွေအောက်မှာ ပါ တီမှတ်ပုံမတင်ဘူး၊ တင်စရာမလိုတော့ဘူးဆိုတဲ့ ဆုံးဖြတ်ချက်ဟာ စောင့်ကြည့်နေတဲ့ ကမ္ဘာ့နိုင်ငံတွေကြားမှာ ဗမာပြည် ပြည်သူလူထုကြားမှာ ဒီမိုကရေစီအင်အားစုတွေကြားမှာ ဂုဏ်သိက္ခာရှိတဲ့ ရပ်တည်ချက်သာဖြစ်ပါ တယ်။ အဲဒီရပ်တည်ချက် ခိုင်မာကြောင်းပြဖို့၊ ရန်ပြုလာမယ့် စစ်အုပ်စုကိုကာကွယ်ဖို့ လုပ်ငန်းစဉ်တွေ ချမှတ်ရ ပါမယ်။

ရွှေဂုံတိုင်ကြေညာစာတမ်းပါ အချက်တွေကို ကြွေးကြော်သံအဖြစ်ကိုင်ဆွဲရင်း လူထုကို ဦးဆောင်ရပါမယ်။ NLD ဟာ လူထုဦးဆောင်ပါတီ၊ လူထုရှေ့က တပ်ဦးပါတီ ဖြစ်နေရပါမယ်။ စစ်အုပ်စုက ဖိနှိပ်မှုမျိုးစုံ လုပ်လာခဲ့ရင် နယ်စပ်ကို ထွက်လာတာမျိုးမဖြစ်ဖို့တော့ သတိထားရပါမယ်။ ကိုယ်က နယ်စပ်မှာနေပြီး ဒီလိုပြောရတာ NLD ကို အားနာမှုများစွာနဲ့ တောင်းပန်ပါတယ်။ စစ်အုပ်စုက နယ်စပ်က တော်လှန်ရေးအင်အားစုတွေကို လက် ရှိ အခြေအနေမှာ ဂရုကိုမစိုက်ပါဘူး။ ပြည်သူလူထုအုံကြွမှာနဲ့ ငြိမ်းချမ်းရေးရထားတဲ့ တိုင်းရင်းသားအဖွဲ့တွေက ပြန်တိုက်မှာပဲ ဂရုစိုက်တာပါ။ လူတွေ နယ်စပ်ကိုထွက်တာ တခြားနိုင်ငံတွေကို ခိုလှုံတာ စစ်အုပ်စုအကြိုက်ပါ။ နယ်စပ်ရောက်သွားပြီးရင် တော်လှန်ရေးအလုပ်ထက် ဘ၀ရပ်တည်ရေးအလုပ်တွေပဲ လုပ်ဖြစ်သွားကြတာများ ပါတယ်။

လက်ရှိ နယ်စပ်တွေမှာ ရှိနေကြတဲ့ နိုင်ငံရေးသမားဆိုသူ အများစုဟာ အလုပ်သမားရေး၊ ကျန်းမာရေး၊ ပညာ ရေး၊ကလေးအခွင့်အရေး၊ အမျိုးသမီးအရေး ... စသဖြင့် ခေါင်းစဉ်တွေပြ၊ NGO တွေနဲ့ပေါင်းပြီး ကိုယ့်ရပ်တည် ရေးအတွက် ကိုယ်လုပ်နေကြတာများပါတယ်။ လင်မယားနှစ်ယောက်ရှိရင် လင်က တဖွဲ့၊ မယားက တဖွဲ့၊ လင် မယားနှစ်ယောက်ပေါင်းပြီး တပ်ပေါင်းစုရယ်လို့ တဖွဲ့၊ နှစ်ယောက်ရှိရင် သုံးဖွဲ့ ဖွဲ့ပြီး လစာထုတ်စားနေကြတဲ့ လ ခစား နိုင်ငံရေးသမားတွေ များပါတယ် (မှန်မှန်ကန်ကန် တိုက်ပွဲဝင်နေသူတွေကို မပြောပါ)။

ဒါကြောင့် စစ်အုပ်စုက နယ်စပ်က လူတွေကို မကြောက်ပါဘူး။ ပြည်တွင်းထဲက NLD အဖွဲ့ဝင်တွေကိုတော့ လူ ငယ်လေးတွေကအစ သူတို့ ကြောက်ပါတယ်။ ပြည်သူတွေနဲ့ ထိတွေ့နေပြီး ပြည်သူ့အုံကြွမှုကို ဦးဆောင်နိုင် မယ့်သူတွေ ဖြစ်သွားမှာ စိုးရိမ်လို့ပါ။ ဗမာပြည် အကျဉ်းထောင်အသီးသီးက နိုင်ငံရေးအကျဉ်းသား (၂၁၀၀) ကျော်မှာ NLD အဖွဲ့ဝင် (၅၀၀) နီးပါးရှိနေတာ လူထုက ၁၉၉၀ ရွေးကောက်ပွဲမှာ ရွေးချယ်ခဲ့တဲ့ NLD ကို စစ် အုပ်စု တလျှောက်လုံး ကြောက်နေခဲ့လို့ပါ။ အဲဒီတော့ အဖမ်းခံစရာရှိ ရဲရဲအဖမ်းခံ၊ သေစရာရှိ ရဲရဲသေပြီး ပြည် တွင်းမှာပဲ ပြည်သူတွေနဲ့အတူ တိုက်ပွဲဝင်ရင်း ဖြတ်သန်းဖို့၊ ပြည်သူကို ဦးဆောင်မှုပေးဖို့ အားနာနာနဲ့ပဲ တောင်း ဆိုပါရစေ။

“ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများလွှတ်ပေးရန် တောင်းဆိုသည်” လို့ တဆက်တည်း ဆုံး ဖြတ်ခဲ့တာ ဒီကနေ့အဖြေအနေနဲ့ အကိုက်ညီဆုံး တောင်းဆိုမှုပါ။ အရေးကြီးတာက တောင်းဆိုမှုက အချိန်အ ကန့်အသတ် လိုနေပါတယ်။ ပြီးရင် အဲဒီအချိန်အတွင်း တောင်းဆိုမှုကို မလိုက်လျောရင် ဘာလုပ်မလဲဆိုတာ ပါ။ ကြိုတင်ပြင်ထားဖို့လိုပါတယ်။ တောင်းဆိုနေရုံသက်သက်ဆိုရင်တော့ စစ်အုပ်စုက မလိုက်လျောတတ်ဖူး ဆိုတာ (၂၁) နှစ်စာ အတွေ့အကြုံတွေကနေ သိသင့်ပါပြီ။ တိုက်ပွဲနဲ့ တောင်းဆိုမှရမှာပါ။

ကျနော်တို့ ဒီမိုကရေစီဘက်တော်သားအားလုံးကလည်း NLD ကို တပ်ဦးတင် လိုက်ပါဖို့ လိုပါတယ်။ စစ်အုပ်စု က NLD ကို (၂၁) နှစ်တာကာလ တလျှောက်လုံး နှိပ်ကွပ်ခဲ့သလို ခုလည်း အရင်ထက်ဆိုးတဲ့ နှိပ်ကွပ်မှုတွေနဲ့ တုန့်ပြန်လာတော့မှာပါ။ ခုချိန်မှာ NLD အရေးဟာ ပြည်သူ့အရေးပါ။ NLD ဖြိုခွဲခံရရင် ကျနော်တို့တော်လှန်ရေး ကြာသထက်ကြာနေဦးမှာပါ။ “စစ်အုပ်စုရဲ့ ရွေးကောက်ပွဲကျင်းပရေးကော်မရှင်မှာ ပါတီမှတ်ပုံတင်ဖို့မလိုပါ” ဆို တဲ့ NLD ရဲ့ ဆုံးဖြတ်ချက်ကို ထောက်ခံပါသည်ဆိုတာမျိုး၊ ကြေညာချက်တွေ ထုတ်နေရုံသာမဟုတ်ပဲ NLD နှင့်ထပ်တူ ထိထိရောက်ရောက် တိုက်ပွဲဝင်မှုမျိုး လုပ်ကြရပါတော့မယ်။ ၂၀၁၀ လူထုတိုက်ပွဲကြီး လူထုအရေး တော်ပုံကြီးဆင်နွှဲဖို့ အချိန်ကျပါပြီ။ ဦးဆောင်ရမှာက NLD ပါ။

စစ်အာဏာရှင်စနစ် မုချကျဆုံးရမည်။
ပြည်သူ့ဒီမိုကရေစီအရေးတော်ပုံ အောင်ရမည်။

ယုံကြည်ချက်ဖြင့် ...
ရဲဘော်ဗိုလ်သူ

NLD နိုင်ငံရေး ဆက်လုပ်မည်



တနင်္လာနေ့က ပြုလုပ်သည့် ပါတီ မှတ်ပုံတင်ရေး မတင်ရေး အစည်းအဝေးတွင် NLD ဒု ဥက္ကဌ ဦးတင်ဦး တွေ့ရစဉ် (ဓာတ်ပုံ - Reuters)
ရန်ပိုင် Wednesday, March 31, 2010 .အမျိုးသား ဒီမိုကရေစီ အဖွဲ့ချုပ် (NLD) အနေဖြင့် ပါတီ မှတ်ပုံမတင် သော်လည်း နိုင်ငံရေးနှင့် လူမှုရေး လုပ်ငန်းများ ဆက်လက် လုပ်ဆောင် သွားမည် ဖြစ်ကြောင်း သိရသည်။

ပါတီ၏ လက်ရှိ အနေအထားမှာ စစ်အစိုးရ၏ ဥပဒေအရ သတ်မှတ်ထားသည့် ကာလကျော်လွန်လျှင် ဖျက်သိမ်းရမည် ဖြစ်ကြောင်း၊သို့သော် အာဏာရှင်စနစ် ဆန့်ကျင်ရေး၊ ဒီမိုကရေစီ အရေး၊ ပြည်ထောင်စုစနစ်ထူထောင်ရေး၊ အမျိုးသား ပြန်လည် သင့်မြတ်ရေး နှင့် အခြားသော လူမှုရေးလုပ်ငန်းများကို ဆက်လက်လုပ်ဆောင်သွားမည်ဟု ပါတီခေါင်းဆောင်တဦးဖြစ်သည့် ဦးဝင်းတင်က ဧရာဝတီ သို့ပြောသည်။



“ဒေါ်အောင်ဆန်းစုကြည် ပြောခဲ့ပြီးပြီ၊ ပါတီကို ဥပဒေအရ ဖျက်လို့ မရဘူး၊ ပါတီ ရှိနေသေးတယ်လို့ ယူဆတယ်”ဟု ၎င်းက ဆိုသည်။

NLD ပါတီနှင့် ပါတီဝင်ထုကို ဆက်လက် ထိန်းသိမ်း ထားပြီး ဒီမိုကရေစီ အဖွဲ့အစည်း များနှင့် ဆက်လက် ဆက်ဆံ သွားရန်၊ နိုင်ငံတကာနှင့် သတင်း မီဒီယာများ ဆက်ဆံရေးကို ဆက်လက် ဆောင်ရွက်ရန်၊ တရားမ၀င် နိုင်ငံရေး လှုပ်ရှားမှုမျိုး မဟုတ်ဘဲ ဥပဒေဘောင် အတွင်းမှ ရနိုင်သမျှ လူထုအကျိုးပြု နိုင်ငံရေး လှုပ်ရှားမှုများ ဆောင်ရွက် သွားရန် ဖြစ်ကြောင်း ဦးဝင်းတင်က ပြောဆိုသည်။

၂၀၀၈ ဖွဲ့စည်းပုံအခြေခံဥပဒေကို လုံးဝ လက်မခံကြောင်း၊ ပါတီ ဖျက်သိမ်းခံရလျှင် ပျက်စီးသည်ဟု မယူဆ၊ ပျက်စီးခြင်းမဟုတ်ဟု ပြီးခဲ့သည့် တနလာင်္နေ့က ပြုလုပ်သည့် ဗဟိုကော်မတီအစည်းအဝေးသို့ ပေးပို့ခဲ့သည့် စာတွင် ဒေါ်အောင်ဆန်းစုကြည်က ရေးသား ခဲ့သည်။

ပဲခူးတိုင်း NLD ဗဟိုကော်မတီကလည်း နိုင်ငံရေးနှင့် လူမှုရေးလုပ်ငန်းများကို ဆက်လက်လုပ်ကိုင်ရန် ယမန်နေ့က ရန်ကုန်ရှိ NLD ရုံးချုပ် တွင် အစည်းအဝေးတခုပြုလုပ်၍ ဆုံးဖြတ်ခဲ့ကြောင်း တောင်ငူမြို့နယ် မဲဆန္ဒနယ် အမှတ် ၁ လွှတ်တော် ကိုယ်စားလှယ် ဦးအောင်စိုးမြင့် ကပြောသည်။

“ပါတီရပ်တည်ခွင့်အတွက် ကျန်နေသေးတဲ့ သက်တမ်းကာလမှာ ဗဟိုအလုပ်အမှုဆောင်အဖွဲ့အနေနဲ့ မတရားတဲ့ ဥပဒေတွေကို တရားဝင်ထပ်မံ ကန့်ကွက်ဖို့ကိုလည်း ဆုံးဖြတ်ချက်ချခဲ့တယ်”ဟု ၎င်းကဆိုသည်။

ပါတီဝင်များ အနေဖြင့် ရှေ့လုပ်ငန်းစဉ်များတွင် အခက်အခဲအမျိုးမျိုးနှင့် ရင်ဆိုင်ရနိုင်ကြောင်း၊ မှတ်ပုံမတင်သော်လည်း ပါတီ ခေါင်း ဆောင် ဒေါ်အောင်ဆန်းစုကြည်၏ လမ်းညွှန်ချက်အတိုင်း တရားဝင်ပါတီဝင်များ အဖြစ်ခံယူပြီး ပြည်သူအကျိုးပြုလုပ်ငန်း များကို ဥပဒေဘောင်အတွင်းမှ ဆက်လက်လုပ်ဆောင်မည်ဖြစ်ကြောင်း ဦးအောင်စိုးမြင့်က ပြောသည်။

ပါတီပြောရေးဆိုခွင့်ရှိသူ ဦးဉာဏ်ဝင်းကလည်း စစ်အစိုးရ ပြုလုပ်မည့် ရွေးကောက်ပွဲတွင် ပါတီအနေဖြင့် ၀င်ရောက်ယှဉ်ပြိုင်ရန် မှတ်ပုံတင်မည်မဟုတ်သော်လည်း ပါတီရပ်တည် ရှင်သန်ရေးအတွက် နိုင်ငံရေးလှုပ်ရှားမှုများကို ရပ်ဆိုင်းလိမ့်မည်မဟုတ်ကြောင်း ပြောဆိုသည်။

ပြီးခဲ့သည့် တနလာင်္နေ့က NLD ခေါင်းဆောင်များနှင့် နိုင်ငံတ၀န်းရှိ ဗဟိုဦးစီး အဖွဲ့ဝင် ၁၁၃ဦးတို့ ကျင်းပသည့် ဆွေးနွေးပွဲတွင် ပါတီ ပြန်လည်မှတ်ပုံတင်ခြင်း မပြုရန်နှင့် ရွေးကောက်ပွဲ မ၀င်ရန် ဆုံးဖြတ်ခဲ့ကြသည်။


Copyright © 2010 ဧရာဝတီ

ဖြိုခွင်းမှုသစ်များ လုပ်လာနိုင်ကြောင်း ဦးဝင်းတင်ပြော

ဒီမိုကရေစီဘက်တော်သားတို့အတွက် မြန်မာနိုင်ငံက အဆုံးအဖြတ်အခါသမယ


ဦးဝင်းတင်
၃၀ မတ် ၂၀၁၀
မြန်မာပြည်ကစစ်အစိုးရဟာ ကျနော်တို့ပါတီဖြစ်တဲ့ အမျိုးသားဒီမိုကရေစီအဖွဲ့ချုပ်ကို တရားဝင်ဆက်လက်ရပ်တည်လှုပ်ရှား မယ် မလှုပ်ရှားဘူးဆိုတာနဲ့ပတ်သက်ပြီး ခက်ခဲတဲ့ဆုံးဖြတ်ချက်တရပ် ချဖို့အခြေ ဆိုက်စေခဲ့ပါတယ်။
နိုင်ငံတော်အေးချမ်းသာယာရေးနဲ့ဖွံ့ဖြိုးရေးကောင်စီလို့ ခေါ်တဲ့ အာဏာရဗိုလ်ချုပ်တွေဟာ ဒီလထဲမှာ မတရားတဲ့ ရွေး ကောက်ပွဲဥပဒေတစုံကို ထုတ်ပြန်ခဲ့ပြီး ကျနော်တို့ပါတီကို ရွေးကောက်ပွဲကော်မရှင်မှာ ရက် ၆၀ အတွင်း အသစ်ပြန်မှတ်ပုံမတင်ရင် ဖျက်သိမ်းမယ်လို့ ခြိမ်းခြောက်ခဲ့ပါတယ်။
ကျနော်တို့ဟာ စစ်အစိုးရရဲ့ ရက်စက်ယုတ်မာတဲ့သဘာဝကို သိထားပါတယ်။ သူချမှတ်တဲ့ရွေးကောက်ပွဲဥပဒေတွေဟာ တရားမျှတမှု စိုးစဉ်းလောက်ပြလိမ့်မယ်လို့ ကျနော်တို့ မမျှော်လင့်ခဲ့ပါဘူး။ ဒါပေမဲ့ စစ်အစိုးရဟာ အဲဒီဥပဒေတွေသုံးပြီး ကျနော်တို့ ခေါင်းဆောင် ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားအားလုံးကို နိုင်ငံရေးလုပ်ငန်းကနေ ဖယ်ထုတ်ပစ်လိမ့်မယ်လို့လည်း မမျှော်လင့်မိခဲ့ပါဘူး။ စစ်အစိုးရဟာ ပါတီအားလုံးပါဝင်တဲ့ ပွင့်လင်းမြင်သာ လွတ်လပ် တရားမျှတတဲ့ရွေးကောက်ပွဲကျင်းပပေးဖို့ တောင်းဆိုချက်ကို လျစ်လျူရှုလိုက်ခြင်းအားဖြင့် မြန်မာပြည်သူတွေနဲ့ နိုင်ငံတကာအသိုင်းအဝိုင်းရဲ့ ဆန္ဒကို အာခံလိုက်ပြန်ပါပြီ။
နိုင်ငံရေးပါတီမှတ်ပုံတင်ဥပဒေက နိုင်ငံရေးအကျဉ်းသားအားလုံးကို မဲပေးခြင်း၊ ယှဉ်ပြိုင်ခြင်း၊ နိုင်ငံရေးပါတီထောင်ခြင်း ဒါမှမဟုတ် ပါတီဝင်ဖြစ်ခြင်းတို့အားဖြင့် ရွေးကောက်ပွဲမှာ ပါဝင်ဆောင်ရွက်မှုကို ပိတ်ပင်ထားပါတယ်။ နိုင်ငံရေးအကျဉ်းသားတွေ ကိုယ့်ပါတီဝင်အဖြစ် ရှိမနေအောင် ပါတီတွေက အာမခံရမှာဖြစ်ပြီး နိုင်ငံ့ဖွဲ့စည်းပုံအခြေခံဥပဒေကို လိုက်နာ စောင့်ရှောက်ပါ့မယ်၊ ရွေးကောက်ပွဲဥပဒေတွေကို လိုက်နာပါ့မယ်ဆိုတဲ့ ခံဝန်ချက်ကိုလည်း လက်မှတ်ထိုးရမှာ ဖြစ်ပါတယ်။ နိုင်ငံရေးပါတီတွေဟာ ရွေးကောက်ပွဲကိုလည်း မဖြစ်မနေ ဝင်ပြိုင်ဖို့လိုပါတယ်။ ဒီကန့်သတ်ချုပ်ချယ်ချက်တွေကို လိုက်နာဖို့ပျက်ကွက်ရင် ပါတီဖျက်သိမ်းခံ ရမှာဖြစ်ပါတယ်။
ကျနော့်အတွက်တော့ ဆုံးဖြတ်ရတာ လွယ်ကူရိုးစင်းလှပါတယ်။ ဒါကတော့ ဘူး ဆိုတာပါဘဲ။ ကျနော်တို့ဟာ ဖောက်ပြန် ခြစားပြီး မတရားတဲ့ ဒီတရားရေးစနစ်အောက်မှာ အကျဉ်းချခံနေရ အကျဉ်းချခံခဲ့ရဖူးတဲ့ ဒေါ်အောင်ဆန်းစုကြည်နဲ့ တခြားလူတွေကို မထုတ်ပစ်နိုင်ပါဘူး။ သူတို့မပါရင် ကျနော်တို့ပါတီဟာ အလကားဖြစ်သွားပါလိမ့်မယ်။ သူတို့ဟာ ဒီမိုကရေစီနဲ့ တရားဥပဒေ အာဏာပိုင်စိုးမှုကို ယုံကြည်လို့ ထောင်ထဲရောက်နေတာဖြစ်ပါတယ်။ ယုံကြည်လက်ခံလောက်ဖွယ် ဒီမိုကရေစီလုပ်ငန်းဖြစ်ဖို့ဆိုရင် သူတို့ကို ချက်ခြင်းလွှတ်ပေးပြီး ဗမာပြည်ရဲ့ နိုင်ငံရေးလုပ်ငန်းထဲ ပါဝင်ဆောင်ရွက်စေဖို့လိုပါတယ်။
ထာဝရ စစ်အာဏာရှင်စနစ်ကို တရားဝင်အောင်လုပ်ဖို့ ရည်ရွယ်ပြီး စစ်အစိုးရ တဖက်သတ်ရေးဆွဲထားတဲ့ အခြေခံဥပဒေကို ကျနော်တို့ လက်မခံပါဘူး။ ဒီအခြေခံဥပဒေ အတည်ပြုဖို့ ဆန္ဒခံယူပွဲကို ၂၀၀၈ ခု နာဂစ်မုန်တိုင်းအပြီးမှာ ကျင်းပခဲ့ပြီး အဓမ္မဖိအားနဲ့ မသမာမှုနဲ့ "အတည်ပြုခဲ့"တာ ဖြစ်ပါတယ်။ ကျနော်တို့ရည်မှန်းချက်ကတော့ ဒီအခြေခံဥပဒေအတုအယောင်ကို ပယ်ချပစ်ပြီး အားလုံးပါဝင်တဲ့ စစ်မှန်တဲ့နိုင်ငံရေးအရတွေ့ဆုံဆွေးနွေးမှုကတဆင့် ဒီမိုကရေစီ၊ လူ့အခွင့်အရေး၊ တရားမျှတမှု၊ တရားဥပဒေ အာဏာပိုင်စိုးမှုနဲ့ တိုင်းရင်းသားလူမျိုးအားလုံး တန်းတူညီမျှမှု ကိုအာမခံမယ့် အခြေခံဥပဒေတရပ် ဖန်တီးဖို့ဖြစ်ပါတယ်။ အတု အယောင်အခြေခံဥပဒေကို လိုက်နာပါ့မယ်လို့ ကျနော်တို့ ခံဝန်ချက်မထိုးနိုင်ပါဘူး။ ဒီလုပ်ငန်းကနေ စစ်မှန်တဲ့ဒီမိုကရေစီ ပေါ်ထွက် လာမှာမဟုတ်ပါဘူး။
အဖွဲ့အစည်းတခုအဖို့ ဒီလိုဆုံးဖြတ်ချက်မျိုးချနိုင်ဖို့ ဆိုတာ မလွယ်လှပါဘူး။ ဒေါ်အောင်ဆန်းစုကြည်က သူမပါတီ ရွေး ကောက်ပွဲအတွက် မှတ်ပုံတင်ဖို့ "စဉ်းတောင်မစဉ်းစားဘူး" လို့ ပြောခဲ့ပါတယ်။ ဒါပေမဲ့လည်း ဒီမိုကရေစီကို သက်ဝင်ယုံကြည်တဲ့ ခေါင်းဆောင်တယောက်ပီပီ ပါတီကဘဲ ကိုယ့်ဖာသာကိုယ် ဆွေးနွေးဆုံးဖြတ်ဖို့ကို အလေးပေးခဲ့ပါတယ်။ တနင်္လာနေ့မှာတော့ ကျနော့်ရဲဘော်အားလုံးက ဒီမတရားမှုတွေကို အတူတကွရင်ဆိုင်ဖို့ သဘောတူခဲ့ကြပါတယ်။
တချို့ကတော့ ကျနော်တို့ပါတီ ဆက်လက်ပြီး တရားဝင်အနေအထားရှိဖို့ ပိုအရေးကြီးတယ်လို့ ယူဆကြပါတယ်။ သူတို့စဉ်း စားချက်အရ ကျနော်တို့ပါတီ တရားမဝင်ဖြစ်သွားရင် မြန်မာနိုင်ငံပြည်သူတွေအတွက် ဘယ်လိုအလုပ်လုပ်နိုင်တော့မှာလဲတဲ့။ ကုလ သမဂ္ဂနဲ့ တချို့နိုင်ငံတွေကလည်း စစ်အစိုးရကို ဒီမတရားဥပဒေတွေ ပြောင်းလဲပေးဖို့ ပန်ကြားခဲ့ပြီး ဒေါ်အောင်ဆန်းစုကြည်နဲ့ နိုင်ငံ ရေးအကျဉ်းသားအားလုံးကို ရွေးကောက်ပွဲမှာပါဝင်ခွင့်ပေးဖို့ တောင်းဆိုခဲ့ကြပါတယ်။ အတွင်းရေးမှူးချုပ်ဘန်ကီမွန်းဟာ ဗမာပြည် အခြေအနေ ဆွေးနွေးနိုင်အောင် သူ့ရဲ့ "မြန်မာ့မိတ်ဆွေများအုပ်စု" အစည်းအဝေးတခု ခေါ်ယူကျင်းပခဲ့ပါတယ်။ အမေရိကန်အစိုးရ ဟာ ကျနော်တို့တိုင်းပြည်ထဲက စစ်ရာဇဝတ်မှုတွေနဲ့ လူသားမျိုးနွယ်ဆန့်ကျင်ရေးရာဇဝတ်မှုတွေကို စုံစမ်းစစ်ဆေးဖို့ "စုံစမ်း ရေးကော်မရှင်"တရပ်ကို ကုလသမဂ္ဂကနေထူထောင်ဖို့ အကြံပြုချက်အပါအဝင် ကုလ အထူးစုံစမ်းရေးသမား တောမတ်စ်အိုဟေး ယားကွင်တားနား မကြာခင်ကထုတ်ပြန်ခဲ့တဲ့ အစီရင်ခံစာနဲ့ အကြံပြုတိုက်တွန်းချက်တွေကို "အလေးအနက်စဉ်းစား" နေတယ် လို့လည်း ကျနော်တို့ကြားရပါတယ်။ ဒီလိုနောက်ကွယ်က နိုင်ငံတကာ့အသံတွေရဲ့ ထောက်ခံအားပေးမှုနဲ့တင် မလုံလောက်နိုင်ပါ။ နိုင်ငံတကာ့အသံတွေ ကြေညာချက်တွေကို ဗမာပြည်နိုင်ငံရေးအကျပ်အတည်း ပြောင်းလဲပစ်ဖို့ ထိရောက်တဲ့လုပ်ဆောင်ချက်တွေနဲ့ အားမဖြည့်တဲ့အတွက် ကျနော့်ရဲဘော်တွေ ပူပန်ကြောင့်ကြမိတာ ဖြစ်သင့်ဖြစ်ထိုက်ပါတယ်။
ကျနော်တို့ပါတီဟာ လွတ်လပ်ရေး၊ တရားမျှတရေးနဲ့ ဒီမိုကရေစီအတွက် အသက်ပေးလှူသွားခဲ့ကြသူတွေရဲ့ မပြီးဆုံးသေးတဲ့ လုပ်ငန်းကို ဆက်လက်ဆောင်ရွက်ဖို့ဆိုတဲ့ မြင့်မြတ်တဲ့ရည်ရွယ်ချက်နဲ့ ၁၉၈၈ ခု ဒီမိုကရေစီရေး လူထုအုံကြွမှုကနေ ပေါက်ဖွားလာ တာဖြစ်ပါတယ်။
ကျနော်တို့ဟာ ၁၉၉၀ ရွေးကောက်ပွဲမှာ တခဲနက်အနိုင်ရခဲ့ပြီး နှစ် နှစ်ဆယ်ကျော်တိုင်အောင် မြန်မာ့ဒီမိုကရေစီလှုပ်ရှားမှုကြီး ရဲ့ခေါင်းဆောင်ဖြစ်ခဲ့ပါတယ်။ ဒါပေမဲ့ ဒီမတရားတဲ့ ရွေးကောက်ပွဲ"ဥပဒေတွေ"ကို ဒူးထောက်ဖို့ငြင်းဆန်တဲ့အတွက် မကြာခင်မှာ စစ် အစိုးရကနေ ဖျက်သိမ်းတာကို ခံရတော့မှာဖြစ်ပါတယ်။ ဒါပေမဲ့လည်း အဲင်အယ်လ်ဒီ ဟာ ပျောက်ကွယ်သွားမှာ မဟုတ်ပါ။ ကျနော် တို့ဟာ ပြည်သူတွေအကြားမှာ ပြည်သူတွေနဲ့အတူ ရှိနေမှာဖြစ်ပါတယ်။ ကျနော်တို့ဟာ ဒီမိုကရေစီရေး၊ လူ့အခွင့်အရေးနဲ့ တိုင်းရင်း သားလူမျိုးစုများတန်းတူရေးအတွက် ငြိမ်းချမ်းတဲ့နည်းလမ်းတွေနဲ့ ဆက်လက်တိုက်ပွဲဝင်သွားမှာဖြစ်ပါတယ်။
နိုင်ငံတကာ့အသိုင်းအဝိုင်းအနေနဲ့ ကျနော်တို့နဲ့အတူ ရပ်တည်ဖို့ ကျနော်မျှော်လင့်ပါတယ်။ နိုင်ငံတကာကအစိုးရတွေဟာ စစ်အစိုးရရဲ့ရွေးကောက်ပွဲနဲ့ ကြိုတင်စီစဉ်ထားတဲ့ရလဒ်ကို လက်မခံကြောင်း ကြေညာဖို့လိုပြီး စစ်အစိုးရအနေနဲ့ ဗမာပြည်အတွက် သိသာထင်ရှားပြီး တိုးတက်တဲ့အပြောင်းအလဲလုပ်ဖို့ ဖိအားပေးသင့်ပါတယ်။ အပြောင်းအလဲဆိုရာမှာ ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားအားလုံး ချက်ခြင်းလွှတ်ပေးတာနဲ့ တိုင်းရင်းသားလူနည်းစုတွေအပေါ် စစ်ဆင်ရေးတွေ ရပ်စဲတာက အစချီရမှာဖြစ်ပါတယ်။ ဒီနောက် စစ်အစိုးရဟာ ဒေါ်အောင်ဆန်းစုကြည်ခေါင်းဆောင်တဲ့ မြန်မာ့ဒီမိုကရေစီအင်အားစုတွေနဲ့ တိုင်းရင်းသားကိုယ်စားလှယ်တွေနဲ့ စေ့စပ်ဆွေးနွေးပြီး အမျိုးသားပြန်လည်သင့်မြတ်ရေးနဲ့ စစ်မှန်တဲ့ဒီမိုကရေစီပေါ်ထွန်းရေးအတွက် ငြိမ်းချမ်းစွာအဖြေရှာရမှာဖြစ်ပါတယ်။
ဦးဝင်းတင်
မတ်လ ၃၀ ရက် ၂၀၁၀ ထုတ် ဝါရှင်တန်ပို့စ်သတင်းစာမှ Decision Time in Burma for Democracy's Advocates ဆောင်းပါး
ဦးဝင်းတင်ဟာ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်လည်းဖြစ် စတင်တည်ထောင်သူလည်းဖြစ်ပြီး ၁၉၈၉ ခုကနေ ၂၀၀၈ ခုအထိ နိုင်ငံရေးအကျဉ်းသားဖြစ်ခဲ့ပါတယ်။

Tuesday, March 30, 2010

NLD သပိတ်မှောက်မှု စစ်အစိုးရကို အမေရိကန် အပြစ်တင်

30 March 2010


အမျိုးသားဒီမိုကရေစီ အဖွဲ့ချုပ် (NLD) ပါတီက ဒီနှစ်အတွင်း ကျင်းပမယ်ဆိုတဲ့ ရွေးကောက်ပွဲကို မ၀င်ဘူးလို့ မနေ့က ဆုံးဖြတ်ချက် ချလိုက်တာနဲ့ ပတ်သက်လို့ အမေရိကန် ပြည်ထောင်စုနဲ့ ကုလသမဂ္ဂတို့က ဘယ်လိုတုံ့ပြန်ချက်တွေ ပေးခဲ့ကြသလဲဆိုတာ ကိုကျော်အောင်လွင်က တင်ပြပေးထားပါတယ်။

NLD ပါတီက ရွေးကောက်ပွဲကို မ၀င်ဘူးလို့ ဆုံးဖြတ်လိုက်တာဟာ စစ်အစိုးရဘက်က နိုင်ငံရေးအရ တွေ့ဆုံဆွေးနွေးဖို့ ဆန္ဒမရှိဘူး ဆိုတာကို ထင်ဟပ် ပြသလိုက်တာ ဖြစ်တဲ့အကြောင်း အမေရိကန် နိုင်ငံခြားရေး ၀န်ကြီးဌာနက ပြောလိုက်ပါတယ်။ မနေ့က ကျင်းပခဲ့တဲ့ အမေရိကန် နိုင်ငံခြားရေး ၀န်ကြီးဌာနရဲ့ ပုံမှန် သတင်းစာ ရှင်းလင်းပွဲမှာ နိုင်ငံခြားရေး ၀န်ကြီးဌာနရဲ့ ပြောခွင့်ရပုဂ္ဂိုလ် ပီ.ဂျေ ခရော်လီ (P.J Crowley) က အခုလို ပြောခဲ့တာပါ။

“NLD ပါတီက အခုလို ဆုံးဖြတ်ချက် ချလိုက်တာဟာ မြန်မာနိုင်ငံမှာ ပွင့်လင်းတဲ့ နိုင်ငံရေး လုပ်ငန်းစဉ်တွေ အကောင်အထည်ဖော်ဖို့ မရှိမဖြစ် လိုအပ်တယ်လို့ ကျနော်တို့ လက်ခံ ယူဆထားတဲ့ ဒေါ်အောင်ဆန်းစုကြည် အပါအ၀င် အဓိက နိုင်ငံရေး အဖွဲ့အစည်းတွေ၊ တိုင်းရင်းသား အဖွဲ့အစည်းတွေနဲ့ အလေးအနက် ဆွေးနွေးလိုတဲ့ဆန္ဒ မြန်မာစစ်အစိုးရမှာ မရှိဘူးဆိုတာ ထင်ဟပ် ပြသလိုက်တာပါပဲ။ NLD ဘက်က အခုလို ဆုံးဖြတ်ရတာကို ကျနော်တို့ နားလည်ပါတယ်။

“ရွေးကောက်ပွဲ ဥပဒေတွေဟာ စိတ်ပျက်ဖို့ ကောင်းတယ်ဆိုတဲ့ အကြောင်း ကျနော်တို့ဘက်က သဘောထားကို ထုတ်ဖော် ပြောဆိုထားပါတယ်။ ဒီလို ထုတ်ဖော်ပြီးတဲ့ နောက်ပိုင်းမှာ မြန်မာစစ်အစိုးရနဲ့ တိုက်ရိုက် ဆွေးနွေးမှုတွေတော့ မရှိသေးပါဘူး။ ရှေ့မှာ ရှိကောင်း ရှိလာနိုင်ပါတယ်။ ဘာပဲဖြစ်ဖြစ် မြန်မာစစ်အစိုးရ ချမှတ်ထားတဲ့ ရွေးကောက်ပွဲဆိုင်ရာ ဥပဒေတွေဟာ နည်းမှန်လမ်းမှန် ချမှတ်ထားတာ မဟုတ်ဘူး။” လို့ မစ္စတာ ခရော်လီက ပြောသွားခဲ့ပါတယ်။

အမေရိကန် ပြည်ထောင်စု အနေနဲ့ မြန်မာစစ်အစိုးရနဲ့ ထိတွေ့ဆက်ဆံရေး မူဝါဒကို ဆက်လက် ကျင့်သုံးမှာဖြစ်ပြီး မြန်မာနိုင်ငံမှာ အပြောင်းအလဲတွေ ပေါ်လာအောင် ဆက်လက် တွန်းအားပေးမှာ ဖြစ်တဲ့အကြောင်း၊ စစ်အစိုးရ ခေါင်းဆောင်တွေနဲ့ နှစ်ခါ သုံးခါ တွေ့ဆုံ ဆွေးနွေးရုံနဲ့ ပြဿနာတွေ အားလုံး ပြေလည်သွားမယ်လို့ မျှော်လင့်မထားတဲ့အကြောင်းနဲံ့ မြန်မာ စစ်အစိုးရဘက်က အပြောင်းအလဲတွေ အမှန်တကယ် ဖေါ်ဆောင်ချင်တယ်ဆိုတာ သက်သေပြနိုင်တဲ့ အခွင့်အလမ်းကောင်းတခုကို ဆုံးရှုံးသွားတဲ့ အကြောင်းလည်း မစ္စတာ ပီ.ဂျေ ခရော်လီက ထည့်သွင်း ပြောဆိုပါတယ်။

မနေ့က ကျင်းပတဲ့ နယူးယောက်မြို့ ကုလသမဂ္ဂ ဌာနချုပ်က ပုံမှန် သတင်းစာ ရှင်းလင်းပွဲမှာလည်း သတင်းထောက်တွေက NLD ပါတီရဲ့ ဆုံးဖြတ်ချက်နဲ့ ပတ်သက်ပြီး ကုလသမဂ္ဂရဲ့ တုံ့ပြန်ချက်ကို မေးခဲ့ကြပါသေးတယ်။ ကုလသမဂ္ဂ အတွင်းရေးမှူးချုပ်ရဲ့ ပြောခွင့်ရပုဂ္ဂိုလ် မာတင် နီစာကီး (Martin Nesirky) ကတော့ ပြီးခဲ့တဲ့ အပတ်က ကုလသမဂ္ဂ မြန်မာ့မိတ်ဆွေ နိုင်ငံများနဲ့ မြန်မာပြည်ဆိုင်ရာ ကိစ္စတွေကို ဆွေးနွေးခဲ့ကြတုန်း အတွင်းရေးမှူးချုပ် ပြောခဲ့တဲ့ သူ့ရဲ့ သဘောထားကိုပဲ ပြန်ပြောခဲ့ပါတယ်။

“ဒေါ်အောင်ဆန်းစုကြည်နဲ့ NLD ပါတီဘက်က ရွေးကောက်ပွဲနဲ့ ပတ်သက်ပြီး ဘယ်လိုဆုံးဖြတ်ချက်မျိုးပဲ ချခဲ့ချခဲ့ နိုင်ငံတကာ အသိုင်းအ၀ိုင်းက လေးစားဖို့ လိုလိမ့်မယ်လို့ အတွင်းရေးမှူးချုပ်က ရှင်းရှင်းလင်းလင်း ပြောထားပါတယ်။ နောက်ပြီး ရွေးကောက်ပွဲတွေဟာ ယုံကြည်စိတ်ချရဖို့ လိုတယ်၊ မျှမျှတတ ဖြစ်ဖို့လိုတယ်၊ တတ်နိုင်သမျှ နိုင်ငံရေးမှာ ပါဝင်သင့်တဲ့ အဖွဲ့အစည်းတွေ ပါနိုင်သမျှ ပါဖို့ လိုအပ်တယ်။” လို့ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်း (Mr. Ban Ki-moon) က ပြောဆိုခဲ့တာကို သူ့ရဲ့ ပြောရေးဆိုခွင့်ရှိသူ မာတင် နီစာကီးက ရှင်းပြခဲ့ပါတယ်။

အန်အယ်လ်ဒီပါတီ မှတ်ပုံမတင်သည့်အပေါ်ပြည်တွင်းပြည်ပမှ အတိုက်အခံအဖွဲ့အစည်းများ၏ သဘောထားများ

အန်အယ်လ်ဒီပါတီ မှတ်ပုံမတင်သည့်အပေါ်
ပြည်တွင်းပြည်ပမှ အတိုက်အခံအဖွဲ့အစည်းများ၏ သဘောထားများ
NEJ / ၃၀ မတ် ၂၀၁၀


၂၀၁၀ ခုနှစ် နအဖကောင်စီက ထုတ်ပြန်ထားသည့် ရွေးကောက်ပွဲဆိုင်ရာ ဥပဒေများသည် တရားမျှတမှု လုံးဝမရှိသဖြင့် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) သည် ပါတီအဖြစ် ထပ်မံ မှတ်ပုံတင်တော့မည်မဟုတ်ကြောင်း မတ် (၂၉) ရက်၊ အန်အယ်လ်ဒီရုံးချုပ်တွင် ပြုလုပ်သည့် ဗဟိုဦးစီးအဖွဲ့ဝင်များ၏အစည်းအဝေးမှ ကန့်ကွက်သူမရှိ အများသဘောတူ ဆုံးဖြတ်ခဲ့သည်။

ထိုသို့ စစ်အစိုးရ ပြုလုပ်မည့် ၂၀၁၀ ရွေးကောက်ပွဲတွင် အန်အယ်လ်ဒီသည် ပါတီအဖြစ် မှတ်ပုံတင်ခြင်းမရှိသည့်အပေါ် ပြင်တွင်းပြည်ပမှ အတိုက်အခံအဖွဲ့အစည်းများ၏ သဘောထားအမြင်များကို ခေတ်ပြိုင်က ဆက်သွယ်မေးမြန်း တင်ပြလိုက်ပါသည်။

::: Copyright © 2004 The New Era Journal :::


ဦးစိန်ဝင်း (၀န်ကြီးချုပ်)
ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရ (အန်စီဂျီယူဘီ)

အန်အယ်လ်ဒီရဲ့ ဆုံးဖြတ်ချက်ကို ကျနော်တို့အပြည့်အ၀ ထောက်ခံတယ်။ ဒါဟာ လုပ်သင့်လုပ်ထိုက်တာကို လုပ်တာပဲလို့ ကျနော်တို့မြင်ပါတယ်။ တရားဝင်မှုထက်စာရင် ပြည်သူလူထုရဲ့ ထောက်ခံမှုက ပိုအရေးကြီးတယ်လို့ မြင်ပါတယ်။ အန်အယ်လ်ဒီရဲ့အသံဆိုတာ မတိတ်ပါဘူး။ ဖိနှိပ်မှုတွေ အများကြီးရှိတာ၊ မတရားဥပဒေတွေ အများကြီးရှိတာ၊ မတရားလုပ်ငန်းစဉ်တွေ လုပ်နေတာ၊ ပြည်သူလူထုကို လုံးဝအရေးမထားဘဲနဲ့ အမျိုးမျိုး ဒုက္ခဝေအောင် လုပ်နေတာတွေ ရှိနေသမျှ တော်လှန်တဲ့အသံတွေကလည်း ထွက်နေမှာပါပဲ။ ရှေ့ဆက်ပြီး နိုင်ငံရေးလှုပ်ရှားဖို့ဆိုတာ ပြည်သူလူထုက လက်ခံရင် လုပ်လို့ရပါတယ်။

ဦးမောင်မောင် (အထွေထွေအတွင်းရေးမှူး)
ပြည်ထောင်စုမြန်မာနိုင်ငံအမျိုးသားကောင်စီ (အန်စီယူဘီ)

ကျနော်တို့အနေနဲ့ အန်အယ်လ်ဒီရဲ့ ဆုံးဖြတ်ချက်ကို အများကြီး ကြိုဆိုထောက်ခံတယ်။ ဆက်လက်ထောက်ခံသွားဖို့လည်း နည်းမျိုးစုံနဲ့ ကြိုးစားသွားမယ်။ ဒီဆုံးဖြတ်ချက်ရဖို့ တက်ညီလက်ညီလှုပ်ရှားခဲ့တဲ့ မြို့နယ်အဆင့် တိုင်းအဆင့်အဖွဲ့ဝင်တွေ အမှုဆောင်တွေ၊ လွှတ်တော်ကိုယ်စားလှယ်တွေရဲ့သတ္တိဆုံးဖြတ်ချက် ပြတ်ပြတ်သားသားကို မြင်ရတဲ့အတွက် တော်တော်ကြီးကို ၀မ်းသာပါတယ်။ မြန်မာပြည်ရဲ့ သမိုင်းမှာ အများပြောသလို အန်အယ်လ်ဒီဟာ သူ့ကိုပေးထားတဲ့တာဝန်ကို သူထမ်းဆောင်ဖို့ အဆင်သင့် ရှိတယ်ဆိုတာကို ပြလိုက်တာဖြစ်တယ်။ ၉၀ ပြည့်နှစ် ရွေးကောက်ပွဲတုန်းက ပြည်သူက ရွေးချယ်ခဲ့တာ ဖြစ်တယ်။ ပြည်သူရွေးချယ်ခဲ့တဲ့ ရွေးကောက်ပွဲကို ပုံမဖော်ဘဲနဲ့ နောက်ထပ်ရွေးကောက်ပွဲတခုကို လုပ်လို့မရဘူးဆိုတာကို အန်အယ်လ်ဒီက တိတိလင်းလင်း ပြလိုက်တာဖြစ်တယ်။

ကျနော်တို့အနေနဲ့ နိုင်ငံတကာမှာရှိတဲ့ အစိုးရနဲ့ အပြည်ပြည်ဆိုင်ရာ အသိုင်းအ၀ိုင်းအားလုံးကိုရော အန်အယ်လ်ဒီနဲ့ ရွေးကောက်ပွဲအနိုင်ရ ပုဂ္ဂိုလ်တွေရဲ့ လှုပ်ရှားမှုကိုရော ၀ိုင်းဝန်းပြီးတော့ နည်းမျိုးစုံနဲ့ ထောက်ခံအားပေးသွားဖို့ ကြိုးစားနေပါတယ်။

ဦးဘိုလှတင့် (နိုင်ငံခြားရေးနှင့် ဘဏ္ဍာရေးဝန်ကြီး)
ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရ (အန်စီဂျီယူဘီ)

ဒီကိစ္စနဲ့ပတ်သက်ပြီး အန်အယ်လ်ဒီဟာ အင်မတန်မှ ရဲရင့်ပြတ်သားပြီး မှန်ကန်တဲ့ဆုံးဖြတ်ချက်ကို ချတယ်၊ အင်မတန်မှ သိက္ခာရှိတဲ့ ဆုံးဖြတ်ချက်ကို ချလိုက်တဲ့အတွက် ကျနော်တို့က လှိုက်လှိုက်လှဲလှဲ ကြိုဆိုပါတယ်။

အန်အယ်လ်ဒီဟာ မြန်မာနိုင်ငံမှာ ဒိထက်ပိုပြီးတော့ ဖိနှိပ်ခံရဖို့ အကြောင်းရှိတယ်၊ ချုပ်ချယ်ခံရဖို့အကြောင်းရှိတယ်၊ ခေါင်းဆောင်တွေလည်း ဖမ်းဆီးထိန်းသိမ်းတာ ပိုပြီးခံရဖို့ အကြောင်းရှိတာကို သိလျက်နဲ့ တကယ်ကို မှန်ကန်တဲ့ဆုံးဖြတ်ချက် ချခဲ့တဲ့အတွက် သူတို့ဟာ ဘယ်လိုအခြေအနေမျိုးကိုမဆို ရင်ဆိုင်ဖို့ အသင့်ဖြစ်တယ်လို့ ကျနော်တို့က မြင်ပါတယ်။ ဒါပေမယ့် နိုင်ငံတကာမိသားစုကဖြစ်စေ၊ ပြည်တွင်းက တိုင်းရင်းသားလူမျိုးပေါင်းစုံ ပြည်သူလူထုကဖြစ်စေ၊ တကယ်တမ်း အန်အယ်လ်ဒီနဲ့ ဒေါ်အောင်ဆန်းစုကြည်ကို ၀န်းရံထောက်ခံအားပေးကြမယ်ဆိုရင်တော့ နအဖ လုပ်ချင်တိုင်း လုပ်လို့မရဘူးလို့ မြင်ပါတယ်။

တကယ်တမ်းပြောရမယ်ဆိုရင် နိုင်ငံရေးပါတီ ပေါ်ပေါက်လာတာဟာ လှုပ်ရှားမှုကြောင့် ပေါ်ပေါက်လာတာ ဖြစ်ပါတယ်။ နိုင်ငံရေးပါတီ ရှိနေလို့ လှုပ်ရှားမှုကြီး ပေါ်ပေါက်တာမဟုတ်ပါဘူး။ အားလုံးသိတဲ့အတိုင်း ကျောင်းသားလူငယ်တွေက စပြီးတော့ ၈၈ ခုနှစ် လူထုလှုပ်ရှားမှုရဲ့ အကျိုးဆက်အဖြစ် ၁၉၉၀ ရွေးကောက်ပွဲဆိုတာ ပေါ်လာတာဖြစ်ပါတယ်။ လူထုလှုပ်ရှားမှုနဲ့ တကယ့်ဒီမိုကရေစီလှုပ်ရှားမှု ရှိတဲ့အတွက်ကြောင့်မို့သာလျှင် နိုင်ငံရေးပါတီဆိုတာ ပေါ်ပေါက်လာတာဖြစ်ပါတယ်။ နိုင်ငံရေးပါတီ ထောင်ပြီးတော့မှ နိုင်ငံရေးတို့၊ ဒီမိုကရေစီရေးတို့ လှုပ်ရှားနိုင်တာမဟုတ်ပါဘူးလို့ ကျနော်တို့မြင်ပါတယ်။

ဦအောင်မိုးဇော် (ဥက္ကဋ္ဌ)
လူ့ဘောင်သစ်ဒီမိုကရက်တစ်ပါတီ (ဒီပီအန်အက်စ်)

မနေ့က အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ဆုံးဖြတ်ချက်ကို ကြိုဆိုပါတယ်။ ပြည်သူလူထုတရပ်လုံးရဲ့ သဘောထားကို ထင်ဟပ်စေတယ်။ ဒီနေ့လို အခြေအနေကာလမျိုးမှာ တိုင်းသူပြည်သားအားလုံး၊ ဒီမိုကရေစီအင်အားစုတွေ၊ နိုင်ငံရေးအင်အားစုတွေ အားလုံး အန်အယ်လ်ဒီနဲ့ တစိတ်တ၀မ်းတည်းရှိဖို့လိုပြီး ၀ိုင်းရံပံ့ပိုးကြဖို့ အထူးလိုအပ်တဲ့အချိန် ဖြစ်တယ်။ အဖွဲ့ချုပ်ကို နအဖက ဖျက်သည်ဖြစ်စေ၊ မဖျက်သည်ဖြစ်စေ အမျိုးသားဒီမိုကရေဒီအဖွဲ့ မပျက်ဘူးဆိုတာ ယုံကြည်တယ်။ အကယ်၍ နအဖက ဖျက်လိုက်ခြင်းအားဖြင့် တတိုင်းပြည်လုံး အမျိုးသားဒီမိုကရေစီအဖွဲ့ချုပ် အဖွဲ့ဝင်တွေ ဖြစ်သွားဖို့လိုတယ်။ ဖြစ်သွားလိမ့်မယ်လို့လည်း ယုံကြည်တယ်။ စစ်အုပ်စုနဲ့ ၂၀၀၈ ဖွဲ့စည်းပုံကို ပြည်သူလူထုအားနဲ့ တိုက်မှ ရမယ်ဆိုတာ အားလုံးလက်ခံပြီးသားဖြစ်တယ်။ ပြည်သူတွေ ရဲဘော်ရဲဘက်တွေအနေနဲ့ အဖွဲ့ချုပ်နဲ့ တစိတ်တ၀မ်းတည်း ရှိပြီးတော့ ကျားကုတ်ကျားခဲ ဆက်လက်ဆောင်ရွက်သွားဖို့ တိုက်တွန်းလိုတယ်။

မိုင်းဘုန်းကျော် (အထွေထွေအတွင်းရေးမှူး)
အမျိုးသားဒီမိုကရေစီတပ်ပေါင်းစု (အန်ဒီအက်ဖ်)

အမျိုးသားဒီမိုကရေစီအဖွဲ့ချုပ်က ပါတီမှတ်ပုံတင်မယ့်ကိစ္စကို ကန့်ကွက်သူမရှိ ဆုံးဖြတ်တာ မြန်မာပြည်သူတွေဘက်ကို ပြတ်ပြတ်သားသား ရပ်တည်တဲ့ သမိုင်းဝင် ဆုံးဖြတ်ချက်ဖြစ်တယ်။ ဒီဆုံးဖြတ်ချက်ကို လှိုက်လှိုက်လှဲလှဲကြိုဆိုတယ်။ အဖွဲ့ချုပ်က ဆက်လက်လှုပ်ရှားမယ့် လှုပ်ရှားမှုတွေအကုန်လုံးကို ၀ိုင်းရံပံ့ပိုးသွားမယ်။ တိုင်းရင်းသား ပြည်သူလူထု တရပ်လုံးကလည်း ၀ိုင်းရံပံ့ပိုးပေးဖို့ ကျနော်တို့ တိုက်တွန်းချင်ပါတယ်။ နအဖဟာ အဖွဲ့ချုပ်စတင်ဖွဲ့စည်းတဲ့ ၁၉၉၀ ကတည်းက တောက်လျှောက် ပြဿနာရှာနေတာပါ။ ဘယ်လိုပဲ ပြဿနာရှာရှာ အဖွဲ့ချုပ်ဟာ ပြည်သူထောက်ခံမှုနဲ့အတူ ကနေ့အထိ ရပ်တည်နေတာ ဖြစ်တယ်။ နအဖက ပြင်းထန်တဲ့ဖိနှိပ်မှုတွေ ဘယ်လိုပဲလုပ်လုပ် လူထုဝန်းရံမှုနဲ့အတူ အဖွဲ့ချုပ်ဟာ ဆက်လက်ရှင်သန်နေမယ်။ ကျနော်တို့လည်း အဖွဲ့ချုပ်နဲ့အတူ လှုပ်ရှားမှုတွေကို ဟန်ချက်ညီ ဆက်လက် ဆောင်ရွက်သွားမယ်လို့ ပြောချင်ပါတယ်။

သခင်ချန်ထွန်း (၀ါရင့်နိုင်ငံရေးသမားကြီး)

ဒါက ရွေးကောက်ပွဲဥပဒေမှာ လက်မခံနိုင်တဲ့ အချက်တွေပါနေတော့ ဒီဟာတွေကို တောင်းဆိုပြီးတော့ အန်အယ်လ်ဒီက ရွေးကောက်ပွဲမ၀င်ဘူးလို့ ဒီလိုပဲမြင်ပါတယ်။ သူတို့က သေသေချာချာလေ့လာပြီးတော့မှ အဲဒီအခြေအနေပေါ်မှီပြီး ဆုံးဖြတ်တာဆိုတော့ သူတို့အယူအဆ သူတို့အတွေးအခေါ်နဲ့ ဆုံးဖြတ်တာဖြစ်တော့ ဒီရွေးကောက်ပွဲဝင်တဲ့အတွက် ပြဿနာတွေကို ကမ္ဘာက အသိအမှတ်ပြုမလား၊ မပြုဘူးလား ဆိုတဲ့ကိစ္စတွေ ပေါ်လာမှာပါ။ ဘာလို့လဲဆိုတော့ ကမ္ဘာကအသိအမှတ်ပြုထားတဲ့ မြန်မာ့ခေါင်းဆောင် ဒေါ်အောင်ဆန်းစုကြည်နဲ့တကွ ထောင်ကျနေတဲ့ နိုင်ငံရေးအကျဉ်းသားတွေ ရွေးကောက်ပွဲမ၀င်ရဘူးဆိုတာတွေကို တချို့က ထင်ထင်မြင်မြင် ကန့်ကွက်နေကြတာတွေလည်း ကြားနေရတယ်။ အမှန်ကတော့ ဒီရွေးကောက်ပွဲကြီးဟာ အောင်မြင်မယ်လို့ လုပ်တဲ့သူတွေက ထင်မြင်ကြပေမယ့် ကမ္ဘာ့နိုင်ငံတွေ အထူးသဖြင့် ဥရောပ၊ အမေရိကန် အစရှိတဲ့နိုင်ငံတွေက ဒီရွေးကောက်ပွဲကို အသိအမှတ်ပြုကြလိမ့်မယ် မထင်ဘူး။

ဦးဝင်းတင် (ဗဟိုအလုပ်အမှုဆောင်အဖွဲ့ဝင်)
အမျိုးသားဒီမိုကရေစီအဖွဲ့ချုပ် (အန်အယ်လ်ဒီ)

ဒေါ်အောင်ဆန်းစုကြည်ရဲ့ အညွှန်းအရဆို ဘယ်လိုပဲဖျက်ဖျက် ပါတီမပျက်ဘူး။ ကျနော်တို့နိုင်ငံရေးမပျက်ပါဘူး။ နိုင်ငံရေးဆိုတာ ဒီမိုကရေစီနိုင်ငံရေးပဲ။ မြန်မာနိုင်ငံမှာ စစ်မှန်တဲ့ ဒီမိုကရေစီတည်ထောင်ဖို့၊ လူ့အခွင့်အရေးတွေ ပြည့်ဝဖို့၊ စစ်မှန်တဲ့ ပြည်ထောင်စုစနစ် ထွန်းကားဖို့ အာဏာရှင်စနစ်မှန်သမျှ ဖယ်ရှားဖို့ဆိုတဲ့ ကျနော်တို့ရဲ့ မူလနိုင်ငံရေးတွေက မပျက်ပါဘူး။ ကျနော်တို့ရဲ့ အသည်းနှလုံးထဲ၊ ခေါင်းထဲမှာ ဒီနိုင်ငံရေးတွေရှိနေရင် အဲဒီနိုင်ငံရေးတွေကို ကျနော်တို့က ဒီမိုကရေစီအဖွဲ့အစည်းတခုအဖြစ် ရပ်တည်ချိန်တုန်းက ရှိခဲ့တဲ့အတိုင်းပဲ ဒါတွေကို ဆက်လက် ထိန်းသိမ်းသွားရပါမယ်။ ပါတီတို့ဘာတို့ဆိုတာ ပုံသဏ္ဌာန်ပဲဗျာ။

ဦးအေးသာအောင် (အတွင်းရေးမှူး)
ရခိုင်အမျိုးသားဒီမိုကရေစီအဖွဲ့ချုပ် (အေအယ်လ်ဒီ)

အန်အယ်လ်ဒီဟာ စီအာပီပီအဖွဲ့ဝင်ပါတီတခုဖြစ်ပါတယ်။ အထူးသဖြင့် ဒီလို ပါတီမှတ်ပုံမတင်ဘူး၊ ရွေးကောက်ပွဲကို မ၀င်ဘူးဆိုတာဟာ တိုင်းရင်းသားအဖွဲ့တွေရဲ့ ဆုံးဖြတ်ထားတဲ့ ဆုံးဖြတ်ချက်နဲ့လည်းကိုက်ညီတယ်၊ စီအာပီပီရဲ့မူနဲ့လည်း ကိုက်ညီတဲ့အတွက်ကြောင့် ကျနော်တို့အနေနဲ့ ဒါကို ကြိုဆိုပါတယ်။ အခုလို ဆုံးဖြတ်လိုက်တာဟာလည်း ၂၀၀၈ ဖွဲ့စည်းပုံ အခြေခံဥပဒေကို အန်အယ်လ်ဒီက လက်မခံဘူးလို့ ထုတ်ပြန်ပြီးဖြစ်သလို အခု ရွေးကောက်ပွဲဆိုင်ရာ ဥပဒေတွေ၊ နည်းဥပဒေတွေဟာ တနည်းအားဖြင့် မမျှော်လင့်တဲ့ မထင်မှတ်တဲ့ နိုင်ငံရေးပါတီတွေကို ကန့်သတ်တားဆီး ချုပ်ချယ်မယ့် ဥပဒေတွေ ဖြစ်နေတော့ ရွေးကောက်ပွဲကော်မရှင်ရဲ့ ဥပဒေအောက်မှာ လှုပ်ရှားရမယ့် နိုင်ငံရေးပါတီတရပ်အနေနဲ့ မှတ်ပုံမတင်တာဘဲ ကောင်းတယ်လို့ မြင်ပါတယ်။

အန်အယ်လ်ဒီဟာ မှတ်ပုံတင်ပြီးသားဖြစ်တယ်။ နောက်ထပ်မှတ်ပုံတင်စရာမလိုဘူး၊ ဆက်လက်ပြီးတော့ တိုင်းပြည်အတွက် နိုင်ငံရေးအရ လှုပ်ရှားသွားမယ်ဆိုတာ ပေါ်လွင်ပါတယ်။ ကျနော်တို့ တိုင်းရင်းသားပါတီများနဲ့လည်း လက်တွဲဆောင်ရွက်သွားမှာ ဖြစ်ပါတယ်။

ဦးဉာဏ်ဝင်း (ဗဟိုအလုပ်အမှုဆောင် အဖွဲ့ဝင်)
အမျိုးသားဒီမိုကရေစီအဖွဲ့ချုပ် (အန်အယ်လ်ဒီ)

အန်အယ်လ်ဒီ မှတ်ပုံတင်လိုက်ရင် နိုင်ငံရေးအပြောင်းအလဲက ပိုပြီးတော့ ဆိုးသွားမယ်။ မှတ်ပုံမတင်တာကမှ တော်တယ်ဆိုပြီး ဒီလိုယူဆတာပါ။ တလုံးတစည်းတည်း စစ်အာဏာရှင် ကျွန်ခံရမယ့်အလုပ်ကို ကျနော်တို့မလုပ်ဘူး။ နိုင်ငံရေးက ပါတီဆိုင်းဘုတ်ရှိမှ မဟုတ်ပါဘူး။ ကျနော်တို့ နိုင်ငံရေး ဆက်လုပ်သွားကြမယ်။

အမျိုးသားဒီမိုကရေစီ အဖွဲ့ချုပ် အထူးကြေညာချက်

NLD Statement 300310

သတင်း-မြတ်လေးငုံ

Burma Update - NLD Will NOT Register, Daw Aung San Suu Kyi's Six-point Message - 29 March 2010

Burma Update - NLD Will NOT Register, Daw Aung San Suu Kyi's Six-point Message - 29 March 2010

သတင်း-မြတ်လေးငုံ

အမျိုးသားဒီမိုကရေစီအဖွဲ့ချုပ် ဗဟိုဦးစီးအဖွဲ,အစည်းအဝေး မှတ်တမ်းဓာတ်ပုံများ..






အမျိုးသားဒီမိုကရေစီအဖွဲ့ချုပ် ပြောခွင့်ရပုဂ္ဂိုလ်ရှေ့နေကြီးဦးဥာဏ်ဝင်းနှင့် ဆက်သွယ်မေးမြန်းချက်



အန်ကယ်တို့ဒီနေ့ ဆုံးဖြတ်ချက်(၂)ခုချပါတယ်.. ပထမဆုံးဖြတ်ချက်က နအဖက ထုတ်ပြန်ခဲ့တဲ့ ရွေးကောက်ပွဲဆိုင်ရာ ဥပဒေကတရားမျှတမှုမရှိဘူး အဲ့ဒီလို တရားမျှတမှု မရှိတဲ့အတွက် အမျိုးသားဒီမိုကရေစီအဖွဲ့ချုပ်က ပါတီကို မှတ်ပုံမတင်ဖို့ အများစုက ဆုံးဖြတ်ပါတယ်....။ အများစုဆိုတာ အားလုံးပါ ကန့်ကွက်သူ မရှိဆုံးဖြတ်တယ်။ ဒုတိယတခုက ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားများ အားလုံးကို ချွင်းချက်မရှိ အမြန်ဆုံး လွတ်ပေးဖို့တောင်းဆိုပါတယ်။ ဦးတင်ဦးက သဘာပတိအဖြစ် ဆောင်ရွက်ပါတယ်။ ဦးအောင်ရွှေက ကျန်းမာရေးကြောင့် မလာနိုင်ပေမယ့်.. သူ့ရဲ့သဘောထားကို စာနဲ့ရေးပြီး ပေးပို့ပါတယ်။ အဖွဲ့ချုပ်ခေါင်းဆောင် ဒေါ်အောင်ဆန်းစုကြည်ရဲ့ သဘောထားနဲ့ အတူတူပါပဲလို့ပြောပါတယ်။

ယခင်နေ့များက ရွေးကောက်ပွဲဝင်ပြီး ပါတီမှတ်ပုံတင်မှာကို ထောက်ခံခဲ့သည့် အဖွဲချုပ် CEC အတွင်းမှ အချို့ပုဂ္ဂိုလ်များမှ ကန့်ကွက်မှုရှိမရှိ မေးမြန်းရာမှာ " ဒီနေ့သူတို့ ဘာမှ မပြောတော့ပါဘူး ... ဆွေးလည်း မဆွေးနွေးတော့ပါဘူး အဲ့တော့ သူတို့အများသဘော ရှိတဲ့အတိုင်း သူတို့လည်း မကန့်ကွက်တော့ပါဘူး။ အခုဆုံးဖြတ်ချက် ကပထမအဆင့်ပါ.. ဒီဆုံးဖြတ်ချက်ကျပြီးရင် ရှေ့ဆက်လုပ်ရမယ့်ဟာကို ဆက်ဆွေးနွေးသွားရမှာပါ။ နောက်တခုက အန်ကယ်ဒီနေ့ အစည်းအဝေး မစတင်ခင် အချိန်မှာ ဒေါ်အောင်ဆန်းစုကြည် (၂၃ရက်) နေ့က မှာလိုက်တဲ့ အချက် (၆)ချက်ကို အန်ကယ်ဖတ်ပြပါတယ်....။

(ဒေါ်အောင်ဆန်းစုကြည်၏ စာတွင် ဖွဲ့စည်းပုံအခြေခံဥပဒေကို လက်မခံနိုင်သည့်အတွက် ရွှေဂုံတိုင် စာတမ်းကို ဆက်လက် ကိုင်ဆွဲထားဆဲ ဖြစ်ကြောင်း၊ မတရားသည့် ရွေးကောက်ပွဲ ဥပဒေဖြစ်သောကြောင့် NLD အနေဖြင့် မှတ်ပုံတင်ရန် လက်မခံ နိုင်ကြောင်း၊ NLDသည် ၎င်း၏ ကိုယ်ပိုင်မဟုတ်သကဲ့သို့ မည်သူ တဦး တယောက် ပိုင်မျှ မဟုတ်ကြောင်း ပါရှိသည်။ ယင်းအပြင် ပါတီအတွင်း အုပ်စုဖွဲ့သည့် လုပ်ရပ်ကို လုံးဝမကြိုက်သကဲ့သို့ လက်မခံနိုင်ကြောင်း၊ ပြည်သူလူထုကိုလည်း ဒီမိုကရေစီရရှိရန် ဆက်လက် ကြိုးပမ်းမည်ဖြစ်ကြောင်း၊ ပါတီဖျက်သိမ်းခံရရုံနှင့် ပါတီပျက်စီးသွားခြင်း မဟုတ်ကြောင်း ထည့်သွင်းရေးသား ထားသည်။) မှတ်ချက်.... ဆက်သွယ်မေးမြန်းချိန်မှာ မီးပြတ်သွားတဲ့အတွက် အချက်(၆)ချက်အား ဧရာဝတီသတင်းဋ္ဌာနမှ ရယူပါသည်။

ဆက်လက်ပြီး ယနေ့အဖွဲ့ချုပ် အစည်းအဝေးအား လုံခြုံရေးအထူးသတိထားရပြီး တံခါးပိတ် ကျင်းပခဲ့ရကြောင်း ပြောဆိုသွားပါတယ်။ မနက်ဖြန်မှာလည်း တချို့အချက်တွေကို ဆက်လက်ဆွေးနွေးမှာ ဖြစ်ပါတယ်။ ဆက်လက်ပြီး ယခုရွေးကောက်ပွဲဥပဒေဟာ ဘာမှလုပ်မရကြောင်း နဖါးကြိုးအထိုးခံရမှာ ဖြစ်ကြောင်း.. အမျိုးသားဒီမိုကရေစီအဖွဲ့ချုပ် ပြောခွင့်ရပုဂ္ဂိုလ်ရှေ့နေကြီးဦးဥာဏ်ဝင်းက ပြောဆိုသွားပါတယ်။
ဓာတ်ပုံ ပေးပို့ပေးလာသူ ကိုစိုင်းအားကျေးဇူးတင်ပါသည်။
သတင်း... ဒီမိုဝေယံ

Monday, March 29, 2010

အမျိုးသားဒီမိုကရေစီအဖွဲ့ချုပ်ပါတီမှတ်ပုံတင်ရေး မတင်ရေးဆုံးဖြတ်ချက်





အမျိုးသားဒီမိုကရေစီအဖွဲ့ချုပ် ပါတီမှတ်ပုံတင်ရေးမတင်ရေးနှင့် ရွေးကောက်ပွဲ ဝင်ရေးမဝင်ရေး
ဆုံးဖြတ်ချက်ဒီနေ့နေ့လည်(၁၂)နာရီကအဖွဲ့ချုပ်ရုံးမှာကျင်းပပြုလုပ်ရာမှတ်ပုံမတင်ရေး ဘက်ကအားသာသွားသောကြောင့်အများရဲ့ဆန္ဒအရ၂၀၁၀ရွေးကောက်ပွဲအားလုံးဝ
အမျိုးသားဒီမိုကရေစီအဖွဲ့ချုပ်အနေဖြင့်ပါဝင်မှုမရှိတော့ပါကြောင်းကိုတရားဝင်
သိရှိရပါတယ်။

ပြည်နယ်နဲ့တိုင်း က CC အများစုက ကန့်ကွက်ကြတဲ့ အတွက်မှတ်ပုံမတင်ရေးဘက်ကိုဝိုင်းထောက်ခံ
နေကြတော့ ၊မဲမခွဲရဲတော့ ဘဲ Mandate တွေကိုသုံးမယ်လုပ်ပါတယ်။ နဂိုပေးထားတဲ့ Mandate
တွေကိုပါ။MPအချို့ကတော့သူတို့ပေးခဲ့တဲ့Mandateတွေကိုပြန်ရုတ်ကြပါတယ်။ပြန်ရုတ်တဲ့သူတွေက
ဒေါ်အောင်ဆန်းစုကြည်နဲ့ဦးဝင်းတင်ဆီကိုသူတို့Mandateကိုပြန်ပေးကြတယ်လို့သိရပါတယ်။


ပါတီဝင်တော်တော်များများက ကန့်ကွက်ကြတဲ့ အတွက် မဲခွဲဆုံးဖြတ်မှုကို မပြုလုပ်တော့ပဲ
အများဆန္ဒအရ မှတ်ပုံမတင်ရေးကို ဆုံးဖြတ်ချက်ချလိုက်ပါတယ်။ ဒီကနေ့အစည်းအဝေးသို့
ပါတီဥက္ကဋ္ဌ ဦးအောင်ရွှေ ကျန်းမာရေးကြောင့်မလာနိုင်ခဲ့ပါဘူး။ ပါတီဥက္ကဋ္ဌ ဦးအောင်ရွှေသည်
မှတ်ပုံတင်ဖို့ ကြိုးပမ်းခဲ့သူတဦးလည်းဖြစ်ပါသည်ဟုလည်းသတင်းရရှိပါသည်.။


နောက်ဆက်တွဲသတင်း

ယနေ့ ၂ နာရီအချိန် သတင်းရရှိသည့် အခြေအနေများအရ


တိုင်း (၇) တိုင်း၊ ပြည်နယ် (၇)ခုက ကိုယ်စားလှယ်များ ၊ အီးစီ၊ စီအီးစီ တို့၏ ယနေ့ ပါတီမှတ်ပုံ
တင်သင့် မတင်သင့် ကို ၀ိုင်းဝန်းဆုံးဖြတ် ဆန္ဒပေးကြရာ ပါတီမှတ်ပုံမတင်ရေးကို ၉၅
ရာခိုင်နှုန်းဖြင့် အပြတ်အသတ် ဆုံးဖြတ် အတည်ပြုလိုက်ကြောင်း ကြားသိရသည်။ ယနေ့
အစည်းအဝေးတွင် ဦးအောင်ရွှေ တဦးမှအပ စီအီးစီ၊ စီစီ ၁၁၀နှင့် လူငယ်ငါးဦး
စုစုပေါင်း ၁၁၅ ဦး တက်ရောက်အတည်ပြုဆုံးဖြတ်ချက်ချမှတ်ခဲ့ကြောင်း သိရှိရသည်။



“ဒု ဥက္ကဋ္ဌ ဦးတင်ဦး ကြေညာတာက ပါတီ ဗဟိုအလုပ်အမှုဆောင် ကော်မတီက ဆုံးဖြတ်ချက် ၂ ခု
ချလိုက်တယ်။ ၂ဝ၁ဝ ရွေးကောက်ပွဲအတွက် NLD ပါတီ ဗဟိုဦးစီးအစည်းအဝေးရဲ့ ဆုံးဖြတ်ချက်အရ
ကန့်ကွက်သူမရှိ ရွေးကောက်ပွဲ မှတ်ပုံမတင်ဘူး။ နောက်တချက်က မှတ်ပုံမတင်သော်လည်း
ပါတီကိုမဖျက်သိမ်းဘူး”ဟုဒုဥက္ကဋ္ဌဦးတင်ဦးကပြောလိုက်သည်ကိုရုံးချုပ်ရှေ့တွင်ပါတီခေါင်းဆောင်များ
၏ဆုံးဖြတ်ချက်ကို စောင့်ဆိုင်းနေသည့် ပါတီလူငယ်အဖွဲ့ ခေါင်းဆောင်တဦးက ပြောသည်.

ယင်းအစည်းအဝေးတွင် ဦးဝင်းတင်က.. “ရွေးကောက်ပွဲအတွက် မှတ်ပုံမတင်ဘူးဆိုရင်
ပါတီအနေနဲ့ ခြေပြတ်မယ်.. လက်ပြတ်မယ်.. မှတ်ပုံတင်မယ်ဆိုရင်တော့ ခေါင်းပြတ်မယ်..
ခြေပြတ်တာ လက်ပြတ်တာ အတု လုပ် ပြီး အလုပ်ဆက်လုပ်လို့ရတယ်..
ခေါင်းပြတ်သွားရင်တော့ ခေါင်းအတုလုပ်လို့မရဘူး.. ”ဟု ပြတ်ပြတ်သားသား
မိန့် ကြား ခဲ့သည်။

လက်ရှိအချိန်အထိ အဖွဲ့ချုပ် အဖွဲ့ဝင်များ၊ လူငယ်များ နှင့် ပြည်သူလူထု ၅၀၀ ကျော်သည်
အဖွဲ့ချုပ် ရုံးရှေ့ တွင် အခြေအနေကို စောင့်ဆိုင်းလျက်ရှိနေပြီး နအဖ ဘက်မှ လုံခြုံရေးများလည်း
အများအပြား ၀န်းရံစောင့်ကြပ်လျက် ရှိနေသည်။ ယနေတက်ရောက်သူ အဖွဲ့ဝင်တဦးက…
“ကျမတို့ ပါတီ ရဲ့ ရပ်တည်ချက်ကို ပြတ်ပြတ်သားသား သိရပြီ.. ရှေ့ ကျမတို့
ဘာဆက်လုပ်မယ်..ဘာလုပ်သင့်တယ်ဆိုတာကိုဆုံးဖြတ်ကြမယ်..လုပ်သင့်လုပ်ထိုက်တာ
ကို ဆက်လုပ်သွားရမယ်.. ရှေ့ကို ကျမတို့ ရဲရဲရင့်ရင့် ပြတ်ပြတ်သားသား လုပ်စရာရှိတာတွေ
လုပ်ရတော့မယ်..” ဟု ပြောသည်။

သို့သော် အမျိုးသားဒီမိုကရေစီအဖွဲ့ချုပ်သည် မနက်ဖြန် မတ်လ ၃၀ ရက်နေ့ထိ ဆက်လက်
ဆွေးနွေးသွား မည်ဖြစ်ပြီး ရှေ့လုပ်ငန်းစဉ်ကို ပြတ်ပြတ်သားသား အဖြေရှာ ဆောင်ရွက်ဖွယ်
ရှိသည်ဟု လူထုက မျှော်လင့်လျက်ရှိ သည်ဟုသတင်းရရှိပါသည်.။




Posted by မြတ်လေးငုံ at Monday, March 29, 2010
Labels: သတင်းမှတ်တမ်း
1 comments:

အမျိုးသားဒီမိုကရေစီ အဖွဲ့ချုပ် ပါတီ မှတ်ပုံမတင်ရေး ကန့်ကွက်မဲမရှိ ဆုံးဖြတ်

29 March 2010


စစ်အစိုးရက ထုတ်ပြန်ထားတဲ့ ရွေးကောက်ပွဲ ဥပဒေတွေဟာ တရားမျှတခြင်း မရှိတဲ့အတွက် NLD ပါတီအနေနဲ့ ရွေးကောက်ပွဲ ၀င်ရေးအတွက် ထပ်မံ မှတ်ပုံတင်တော့မှာ မဟုတ်တဲ့အကြောင်း ဒီနေ့ ကျင်းပခဲ့တဲ့ ဗဟိုဦးစီး စည်းဝေးပွဲက ဆုံးဖြတ်လိုက်ပါတယ်။ NLD ပါတီ ရှေ့ ဆက်လက် ရပ်တည်ရေး အပါအ၀င် ဒီနေ့ကျင်းပခဲ့တဲ့ စည်းဝေးပွဲနဲ့ ပတ်သက်လို့ ပါတီ ဒု-ဥက္ကဋ္ဌ ဦးတင်ဦးကို ကိုဇော်ဝင်းလှိုင်က ဆက်သွယ်မေးမြန်းရာ ဦးတင်ဦးက အခုလို စပြောပါတယ်။


NLD ပါတီ ဒု-ဥက္ကဋ္ဌ ဦးတင်ဦး။
မတ် ၂၉၊ ၂၀၁၀။
“အခုရှိနေတဲ့ ရွေးကောက်ပွဲဆိုင်ရာ ဥပဒေတွေ၊ ရွေးကောက်ပွဲဆိုင်ရာ ကော်မရှင် ဥပဒေတွေ၊ မှတ်ပုံတင်ခြင်း ဥပဒေတွေ စသည်ဖြင့် အဲဒါတွေနဲ့ ပတ်သက်လို့ တရားမျှတမှု မရှိတဲ့အတွက် အမျိုးသားဒီမိုကရေစီ အဖွဲ့ချုပ် အနေနဲ့ မှတ်ပုံတင်ခြင်းဆိုင်ရာ ကိစ္စရပ်ကို ထပ်မံပြီး မှတ်ပုံတင်မည် မဟုတ်ကြောင်း ဆုံးဖြတ်တယ်ပေါ့ဗျာ။

“နောက်တခုက ဒေါ်အောင်ဆန်းစုကြည်နဲ့ တကွ နိုင်ငံရေး အကျဉ်းသားများ အားလုံးတို့ကိုလည်း အမြန်ဆုံး ပြန်လွှတ်ပေးပါဆိုတာ ဆုံးဖြတ်ချက် ချတယ်၊ ဒါပါပဲ။ အဓိကကတော့ ဒီနေ့ အမျိုးသားဒီမိုကရေစီ အဖွဲ့ချုပ် အနေနဲ့ အရင်ကတည်းက ပြောထားတဲ့အတိုင်း ပြည်နယ်နဲ့တိုင်း ရှိတဲ့ ဦးစီးအဖွဲ့ဝင်များ၊ ဗဟိုဦးစီး အဖွဲ့ဝင်များ အကုန်လုံး ခေါ်လိုက်တော့ မကျန်းမာလို့ ဆေးရုံတက်နေတာရယ်၊ အကျဉ်းကျနေတဲ့ ဗဟိုဦးစီး အဖွဲ့ဝင် လေးငါးယောက်ရယ် အဲဒါကလွဲလို့ ကျန်တာတွေ အကုန်လုံး တက်ရောက်ပါတယ်။ ဒါကြောင့် အစည်းအဝေးကတော့ အပြည့်အစုံ အထမြောက်ပါတယ်။

“ပြည်နယ်နဲ့တိုင်းအလိုက် အားလုံးဆွေးနွေးတာ၊ ကယားပြည်နယ်မှ အပပေါ့၊ ကျန်တဲ့ ပြည်နယ်နဲ့တိုင်း အားလုံးကတော့ ရွေးချယ်ထားတဲ့ ပုဂ္ဂိုလ်တွေ အနေနဲ့ ဆွေးနွေးခွင့်ပေးတယ်။ ဆွေးနွေးခွင့်ပေးတာ ၂ ယောက်ပေါ့။ ၂ ယောက်ဆိုတာ တယောက်က သူ့အနေနဲ့ မှတ်ပုံတင်ခြင်း မပြုဘို့ ဆွေးနွေးတယ်ဆိုရင် အကယ်၍များ မှတ်ပုံတင်ခြင်း ရှိသလား၊ ဆွေးနွေးရအောင် ဆိုပြီး ပြည်နယ်နဲ့တိုင်းက ၂ ယောက်၊ ၂ ယောက် ကျနော်တို့ ခွင့်ပြုတယ်၊ ၅ မိနစ်စီပေါ့။ ဆွေးနွေးတာ အားလုံးကတော့ ၂ ယောက်စလုံးမှာလည်း ထပ်တူထပ်မျှပဲ သူတို့က လက်ရှိ ရှိနေတဲ့ ရွေးကောက်ပွဲဆိုင်ရာ ဥပဒေများနဲ့ မှတ်ပုံတင်ခြင်းဆိုင်ရာ ဥပဒေများ အပေါ်မှာ မှတ်ပုံတင်ခြင်း မပြုဖို့ဆိုတာပဲ ပြောကြတာ များပါတယ်၊ ဆုံးဖြတ်ကျတာ များပါတယ်။ အများစု အကုန်လုံးပေါ့။

“တယောက်စ နှစ်ယောက်စကတော့ သူတို့ပင်ကိုယ် သဘောထားနဲ့ ပတ်သက်ပြီး မှတ်ပုံတင်ခြင်း မပြုခဲ့သည်ရှိသော် အမျိုးသားဒီမိုကရေစီ အဖွဲ့ချုပ်သည် ပယ်ဖျက်သွားမည် ဖြစ်တဲ့အတွက်ကြောင့် ဒါကို ဆက်လက်ပြီး ဘယ်လိုသွားမလဲ ဆိုတာမျိုးလောက်ကို ဆွေးနွေးပြီးတော့ အများဆုံးဖြတ်တဲ့၊ သူတို့အဖွဲ့က ဆုံးဖြတ်တာ အားလုံးကိုလည်း သူတို့က လိုက်နာဆောင်ရွက်မည် ဖြစ်ကြောင်း ပြောတာ များပါတယ်။

“တယောက်တလေကတော့ ပါတီ ဖျက်သိမ်းပြီးသွားရင် အမျိုးသားဒီမိုကရေစီ အဖွဲ့ချုပ် အနေနဲ့ ရှေ့ကို ဘယ်လို အစီအစဉ်ဆွဲကြမယ် ဆိုတာနဲ့ ပတ်သက်လို့၊ စီစဉ်ကြအောင် ဆိုတာတွေနဲ့ ပတ်သက်လို့ ဆွေးနွေးတာ များပါတယ်။ အကုန်လုံး ကြည့်လိုက်ရင်တော့ အကုန်လုံးက တက်တက်ကြွကြွပဲဗျ၊ သူတို့ အားလုံးကတော့ မှတ်ပုံတင်ခြင်းဆိုင်ရာ ဥပဒေတွေနဲ့ ပတ်သက်တာ အားလုံးကိုတော့ တရားမျှတမှု မရှိတဲ့အတွက်၊ အဖွဲ့ချုပ်ကို ပိုပြီးတော့သာ ခြိမ်းခြောက်မယ် ဆိုတဲ့အတွက်၊ မှတ်ပုံတင်ပြီး ဆောင်ရွက်ချင်လည်း ဘာမှ ဆောင်ရွက်လို့ ရမှမဟုတ်ဘူး။

“အရင်တုန်းကလည်း ဒီလိုပဲ၊ အဖွဲ့ချုပ်က ဒီလောက်တောင် ရွေးကောက်ပွဲဆိုင်ရာ ဥပဒေတွေမှာ ဟိုတုန်းက တခဲနက် ရွေးကောက်ခြင်း ခံရသော်လည်း စပြီး အရွေးခံရတဲ့ အချိန်ကစပြီး ဒီနေ့အထိလည်း နှိပ်စက်ခြင်း၊ တင်းကျပ်ခြင်း၊ ချုပ်နှောင်ခြင်း၊ အတင်းအကျပ်တွေလည်း များနေတာ ဖြစ်တဲ့အတွက် အဖွဲ့ချုပ်က ပါတီဖွဲ့စည်းကတည်းက တောက်လျှောက် ရပ်ဆိုင်းခံထားရတာတွေပဲ၊ အဲဒါကြောင့် သူတို့က တခဲနက်ပဲ မှတ်ပုံတင်ခြင်း မပြုဘို့ ဆုံးဖြတ်တာပါပဲ။”

စောစောက ဘဘပြောတာ တယောက်နှစ်ယောက်က လွဲလို့ ဆိုတာက မှတ်ပုံမတင်ဘို့ ဆုံးဖြတ်တဲ့ အပေါ်မှာ သူတို့က ကန့်ကွက်တာလားခင်ဗျ။ မှတ်ပုံတင်ရေး အဆိုကို သူတို့က လိုချင်တာလား။

“မဟုတ်ပါဘူး။ မှတ်ပုံတင်ခြင်းဆိုင်ရာ ဥပဒေတွေ ကိုယ်တိုင်က အတင်းအကျပ်၊ အပိတ်အဆို့၊ အတားအဆီးတွေ ပေါ့ဗျာ။ ကျနော်တို့ ကြေညာထားတဲ့ အတိုင်းပဲ၊ တဦးတယောက်၊ တဖွဲ့တစည်းနဲ့ ပတ်သက်လို့ ဒါ သတ်မှတ်ထားတာတွေက အင်မတန် တင်းကျပ်လွန်းတယ်။ ပြီးတော့ ဥပဒေနဲ့ မညီဘူး၊ မမျှတလွန်းဘူးဆိုတဲ့ အပေါ် မူတည်ပြီးတော့ ဆွေးနွေးကြပြီးတော့ ဒါ မှတ်ပုံတင်ခြင်း မပြုဘို့ သူတို့က အကုန်လုံး အဆိုပြုသွားကြတာပဲလေ။”

တညီတညွတ်တည်း ဆုံးဖြတ်တယ်ပေါ့၊ ကန့်ကွက်မယ့်သူ မရှိဘဲနဲ့။

“ကန့်ကွက်တဲ့သူ မရှိဘူး။ ပြီးသွားတဲ့အခါကျတော့ တချို့ ပြည်နယ်၊ တိုင်းက တယောက်တလေကတော့ ကန့်ကွက်တာတော့ မဟုတ်ဘူး၊ သူတို့ သဘောထားနဲ့ ပတ်သက်လို့ မှတ်ပုံတင်ချင်တယ်ဆိုတာ သူတို့ပြောတယ်။ ဒါပေမဲ့ သူတို့ ပြည်နယ်၊ တိုင်းက စပြီး အခြေခံ ဆွေးနွေးလာကတည်းက သူတို့အဖွဲ့က ဆုံးဖြတ်လိုက်တာ၊ ဒါ သဘောတူတယ် ဆိုပြီးတော့၊ သူတို့ကိုယ်တိုင်ကလည်း မှတ်ပုံတင်ခြင်း မပြုတာကို သဘောတူတယ်ဆိုတာ ရောက်သွားပါတယ်လေ။ အဲဒါကြောင့် ကျနော်တို့က ကန့်ကွက်သူမရှိ၊ အများ သဘောတူ၊ ကန့်ကွက်သူမရှိ၊ ဆုံးဖြတ်သည်ဆိုတဲ့သဘော ဆုံးဖြတ်ချက် ချတာပါပဲ။”

ဆိုတော့ ပါတီအနေနဲ့ ဘယ်လိုဆက် ရပ်တည်သွားမလဲ၊ ဒီအတိုင်းပဲ ဆက်ပြီး ရပ်တည်သွားမလား၊ ရွေးကောက်ပွဲက မကြာခင် ဖြစ်တော့မယ်ဆိုတော့။

“ကျနော်တို့က မှတ်ပုံမတင်ဘူးဆိုတော့ ရွေးကောက်ပွဲ မ၀င်ဘူးပေါ့ဗျာ။ ဒါကတော့ ရှင်းသွားပြီပေါ့။ ရှေ့ဆက်လက်ပြီး သွားမယ် ဆိုတာကတော့ သူတို့က ကျနော်တို့ အဖွဲ့အစည်းကို မှတ်ပုံမတင်ရင် ပျက်ပြီဆိုတာ မှတ်ယူရမယ် ဆိုတာက၊ သူတို့ ဥပဒေ သဘော သဘာဝကိုက ဟုတ်မှ မဟုတ်ဘဲ။ ကျနော်တို့က မှတ်ပုံတင်ပြီးသား အဖွဲ့အစည်းပဲ။ အဲတော့ ကျနော်တို့ ရွေးကောက်ပွဲ မ၀င်တာနဲ့ ဒါကို ဆက်ပြီး မှတ်ပုံတင်ရမယ်၊ အသစ်တွေသာ မှတ်ပုံတင်ရမယ့်သဘော ရှိတာပေါ့။

“အဲဒါကို ကျနော်တို့ မှတ်ပုံမတင်ရင် ပျက်ပြယ်ပြီးသား ဆိုတာက သူတို့ဘက်က ပျက်ပြယ်ပြီးသား ဖြစ်စေကာမူ ကျနော်တို့က မပျက်ပြယ်ဘူးလို့ မှတ်ယူတာကိုးဗျ။ အဲဒါကြောင့် ကျနော်တို့ကတော့ ကျနော်တို့ အဖွဲ့အစည်းကို ကျနော်တို့ဘာသာ ဖျက်ဆီးပစ်မှာ မဟုတ်ပါဘူး။ သူတို့ဘာသာ သူတို့ ဥပဒေနဲ့မညီလို့ ရပ်တည်ပိုင်ခွင့် မရှိဘူးဆိုပြီး လာပြီး သိမ်းတယ်၊ ဖျက်တယ် ဆိုရင်တော့လည်း ဒါ သူတို့လုပ်လို့ရရင် လုပ်ပေါ့ဗျာ။ ဒါပဲပေါ့။”

ဟုတ်ကဲ့၊ NLD အနေနဲ့ကတော့ ရပ်တည်လို့ရသလောက် ဒီအတိုင်း ဆက်ရပ်တည်နေမယ်ပေါ့။

“ရပ်တည်သွားမှာပဲ။ ဘာဖြစ်လို့လဲဆိုတော့ ပြည်သူလူထုက အရင်တုန်းက တခဲနက် ထောက်ခံထားတာ ဖြစ်တဲ့အတွက်ကြောင့်၊ အခု အပြင်မှာလည်း ဒါနဲ့ပတ်သက်တာ အားလုံးကို ကျနော်တို့ရဲ့ သဘောသဘာဝကို ရောင်ပြန်ဟပ်တာတွေ အများကြီး ရှိတယ်ဗျ။ အများကြီး တော်တော်လေးကို ရှိနေကြတယ်။ အဲဒါကြောင့်မို့၊ တချို့ကတော့ ဘယ်လောက်ထိ ပြောနေလဲဆိုရင် NLD မှတ်ပုံမတင်ရင် သူတို့ မဲတောင် မပေးတော့ဘူး ဆိုတဲ့သဘော ပြောနေကြပြီဗျ။ NLD ကိုပဲ သူတို့ မဲပေးချင်တယ်၊ NLD မှတ်ပုံမတင်ရင် သူတို့ မဲမပေးဘူး။ ဒီလိုဖြစ်နေတယ်၊ အခုက။”

NLD ဒု-ဥက္ကဋ္ဌ ဦးတင်ဦး ပြောပြသွားတာ ဖြစ်ပါတယ်။

ပါတီဥက္ကဋ္ဌ ဦးအောင်ရွှေကတော့ ကျန်းမာရေး အခြေအနေအရ ဒီနေ့ ကျင်းပတဲ့ စည်းဝေးပွဲကို လူကိုယ်တိုင် မတက်ရောက်နိုင်ပေမဲ့ ပါတီမှတ်ပုံမတင်ရေး အဆိုပြုချက်ကို နေအိမ်ကနေပဲ သူ့ရဲ့သဘောထားပေးပြီး ထောက်ခံခဲ့တဲ့အကြောင်း သိရပါတယ်။

Sunday, March 28, 2010

အမှတ်တရ-ဗိုလ်ကြီး အုန်းကျော်မြင့်


OKM & Others

တပ်မတော်သားများအတွက် ပြည်သူသာ အမိ အဖ ဖြစ်စေလို


မြင့်မောင် | သောကြာနေ့၊ မတ်လ ၂၆ ရက် ၂၀၁၀ ခုနှစ် ၁၈ နာရီ ၄၉ မိနစ်

နယူးဒေလီ (မဇ္ဈိမ)။ ။ ၁၉၆၂ နှစ်ကတည်းက စစ်တပ်ကြီးစိုးလာခဲ့သော မြန်မာနိုင်ငံတွင် မနက်ဖြန်ဆိုလျှင် ၆၅ နှစ်မြောက် တပ်မတော်နေ့ ကျရောက်တော့မည်ဖြစ်ပြီး နေပြည်တော်တွင် ကျင်းပမည်ဖြစ်သည်။

လက်ရှိ စစ်အစိုးရလက်အောက်တွင် တပ်မတော်နေ့ အခမ်းအနားသည် နိုင်ငံ၏ အကြီးကျယ်ဆုံး၊ ငွေကုန်ကြေးကျ အများဆုံး အခမ်းအနား ဖြစ်လာနေသည်။

မကြာသေးခင်က နေအိမ်အကျယ်ချုပ်မှ လွတ်မြောက်လာခဲ့သော အမျိုးသားဒီမိုကရေစီအဖွဲ့ချုပ် ဒုဥက္ကဋ္ဌ၊ စစ်သားဘဝကို မြတ်နိုးသူ၊ မြန်မာ့တပ်မတော်၏ ကာကွယ်ရေးဦးစီးချုပ်ဟောင်း သူရဦးတင်ဦး၏ ယနေ့ တပ်မတော်အပေါ် သုံးသပ်ချက်များကို ဖတ်ရှုရမည်ဖြစ်သည်။


မေး။ မတ်လ ၂၇ ရက်နေ့က ဖက်ဆစ်တော်လှန်ရေးနေ့လား၊ တပ်မတော်နေ့လားဆိုတာ တချက်လောက် ရှင်းပြပေးပါ။ တပ်မှူးဟောင်းတယောက်အနေနဲ့ ဘယ်လို ခံယူထားလဲဆိုတာ သိချင်လို့ပါ။

''စပြီးတော့ ဖြစ်လာတာက ဖက်ဆစ်တော်လှန်ရေးနေ့ပါ။ ဟိုတုန်းက တပ်တွေ ဖွဲ့ကာစကတော့ မထင်ရှားသေးဘူးပေါ့။ နောက်ပိုင်းကျမှ တဖြည်းဖြည်းနဲ့ တပ်ထဲမှာ ဖက်ဆစ်တော်လှန်ရေးဆိုပြီးတော့ ကျင်းပလာတယ်။ အဲဒီတုန်းက ရန်ကုန်မှာ ဖက်ဆစ်တော်လှန်းရေးနေ့ တပ်တွေထွက်တဲ့ အသွင်သဏ္ဍာန်ကို ဆောင်ပြီးတော့ကာ၊ မီးဒုတ်တွေဘာတွေနဲ့ စစ်ကြောင်းတွေက လှည့်ပြီးတော့ကာ ရွှေတိဂုံ အနောက်ဘက်မှာ ရှိတဲ့ ကျူးကျော်အိမ်တွေကို ဖျက်ပြီးတော့၊ မြို့တော်ဝန် ဗိုလ်မှူးကြီးထွန်းစိန်က အဲဒီနေရာကို ရှင်းပြီးတော့ အဲဒီနေရာကို တော်လှန်ရေးပန်းခြံဆိုပြီး လုပ်တယ်။ ဟိုတုန်းက တော်လှန်ရေးပန်းခြံက ဗိုလ်ချုပ်အောင်ဆန်း မိန့်ခွန်းပြောပြီးတဲ့နောက်၊ အဲဒီကနေပြီးတော့ စပြီးချီတက်တာကို အမှတ်အသားအနေနဲ့၊ ဂုဏ်ပြုတဲ့အနေနဲ့ စစ်ကြောင်းတွေက မြို့ထဲကနေ တော်လှန်ရေး တိုင်းတွေ၊ ပြည်နယ်တွေက တပ်တွေလို နာမည်တပ်ပြီးတော့၊ စစ်ကြောင်းတွေလုပ်ပြီး ချီတက်လာကြတယ်။ နောက်နှစ်မှာကျ မီးဒုတ်တွေ မပါတော့ဘူးပေါ့။ မီးဒုတ်တွေပါရင် မီးအန္တရာယ် ရှိတယ်ဆိုပြီးတော့ မပါတော့ဘဲ နောက်ပိုင်းမှာ စစ်ရေးပြ အခမ်းအနားတွေ ဖြစ်ပေါ်လာတယ်။ အဲဒီတုန်းက ဖက်ဆစ်တော်လှန်းရေးပေါ့။ အဲဒီဟာနဲ့ ပတ်သက်ပြီး နောက်ပိုင်းကျတော့ ဖက်ဆစ်တော်လှန်ရေးနေ မဟုတ်တော့ဘူးပေါ့။ ဒီဟာကို ၂၇ ရက်နေ့က စစ်သည်တွေ ချီတာကို အကြောင်းပြုပြီး တပ်မတော်နေ့လို့ ပြောင်းလိုက်တယ်။ အဲဒီကျလို့ရှိရင် တပ်ထဲမှာ စစ်ရေးပြ အခမ်းအနားတွေ ကျင်းပပြီး၊ တပ်မတော်နေ့ဆိုပြီး လုပ်လာတာတွေ ရှိတယ်''

''ကျနော် မှတ်မိသေးတယ်၊ တော်လှန်ရေးကောင်စီ တက်လာတဲ့အချိန်မှာ တပ်မတော်သားတွေဆီ ဆန္ဒတွေဘာတွေ မေးတော့ကာ ကျနော့်အနေနဲ့ ဆန္ဒပြုခဲ့တာတွေ ရှိတယ်။ အဲဒါ ဘာလဲဆိုတော့ တပ်မတော်နေ့ အခမ်းအနား လုပ်တာကတော့ လုပ်ပါ။ တပ်မတော်နေ့ဆိုတာက ရှိရမှာပဲ။ တပ်မတော်သားတွေ ဂုဏ်ပြုတဲ့နေ့။ သို့သော် အဲဒီနေ့ဟာ တပ်မတော်ထဲမှာ အခမ်းအနား ကျင်းပတာလောက်ပဲ ကောင်းတယ်။ တကယ့် နေ့ထူးနေ့မြတ်က လွတ်လပ်ရေးနေ့။ မြန်မာနိုင်ငံကြီး လွတ်လပ်ရေးနေ့ဟာ အထွဋ်အမြတ်နေ့ ဖြစ်တယ်။ အထွဋ်အမြတ်နေ့မှာ တပ်မတော်သားတွေအနေနဲ့ စစ်ရေးပြ အခမ်းအနားလည်း လုပ်၊ ပြည်သူပြည်သားတွေ ဘက်ကလည်းပဲ၊ ဆိုင်ရာဆိုင်ရာ အဖွဲ့အစည်းတွေအနေနဲ့လည်းပဲ ပြည်သူနဲ့ တပ်မတော် အတူတကွ ချီတက်တဲ့ အခမ်းအနားတွေ လုပ်ပါဆိုပြီးတော့ အကြံဥာဏ်တွေလည်း ကျနော်တို့ ပေးခဲ့ဖူးတယ်''

''အဲဒါက မထိရောက်ဘဲ နောက်ပိုင်းမှာ တပ်မတော်နေ့ဆိုပြီး ဒီနေ့အထိ လုပ်လာတာပဲ။ အဲဒီနေ့မှာ အခမ်းအနား ကျင်းပပြီး တပ်ထဲမှာရှိတဲ့ စစ်သည်တော်များ အားလုံးအတွက် စစ်သွေးစစ်မာန်၊ ဇာတိသွေးဇာတိမာန် တက်ကြွဖို့ အခမ်းအနား လုပ်တာပါ။ ဟိုတုန်းက အကြံပေးခဲ့ဖူးတာက လွတ်လပ်ရေးနေ့မှာပဲ အဓိက ထားပြီးတော့ကာ တပ်မတော်သားတွေ အားလုံး ပါဝင်ဆင်နွှဲဖို့ ပြောခဲ့ပေမယ့်၊ တချို့က တပ်မတော်နေ့လို့ သတ်မှတ်ပါ။ အဲဒီနေ့မှာ တပ်ထဲမှာ သူတို့ဘာသာသူတို့ ပျော်ပွဲရွှင်ပွဲ အထိမ်းအမှတ်ပွဲတွေ လုပ်လို့ရှိရင် ဖြစ်နိုင်ပါတယ်ဆိုပြီး သဘောတူညီမှုတွေ ရှိခဲ့ဖူးတယ်။ ၁၉၆၂ ခုနှစ် မတ်လ ၂၇ ရက်နေ့ နောက်ပိုင်းမှာ စစ်ရေးပြ အခန်းအနားတွေနဲ့ပဲ လုပ်လာခဲ့တာ အခုထိပဲ။ အခုကျ စစ်ရေးပြ အခမ်းအနားကို နေပြည်တော်မှာ အကြီးကျယ်ဆုံးလုပ်တဲ့ သဘော ရှိတဲ့အတွက် စစ်ရေးပြ အခမ်းအနားကို အကြောင်းပြုပြီး လုပ်လာတဲ့အတွက် တပ်မတော်နေ့ဆိုပြီး တွင်ကျယ်လာတာပါပဲ''

''တကယ်စင်စစ်က မတ်လ ၂၇ ရက်နေ့က ဖက်ဆစ်တော်လှန်နေ့ကို အားလုံး ချီတက်ပြီး ထွက်ကြတဲ့ အတွက်ကြောင့်မို့၊ ထွက်တဲ့တပ်တွေကလည်း သူတို့ဟာသူတို့ အမှတ်တရအနေနဲ့ ကျင်းပတဲ့ အတွက်ကြောင့်မို့လို့ ဖက်ဆစ်တော်လှန်ရေးနေ့ပါ။ ဖက်ဆစ်တော်လှန်နေ့က အမည်နာမအနေနဲ့က အမှန်အကန်ပါပဲ။ သို့သော် စစ်သည်တော်သားများ အားလုံးအနေနဲ့ တပ်မှူးအကြီး အငယ်တွေအနေနဲ့ အားလုံး အဆင့်ဆင့်က အစဉ်အလာလိုဖြစ်ပြီး ပြောဆိုလုပ်ကိုင်လာတာကတော့ ဒီနေ့အချိန်ထိ အခမ်းအနားတွေကို အကြီးအကျယ် လုပ်ပြီးတော့ တပ်မတော်နေ့ဆိုပြီး ဖြစ်လာတာပေါ့''

မေး။ ဖက်ဆစ်တော်လှန်ရေးခေတ် နောက်ပိုင်းကာလ တပ်မတော်သားတွေနဲ့ လက်ရှိ တပ်မတော်သားတွေ ဘယ်လို ကွာခြားတာမျိုးတွေ ရှိလဲခင်ဗျ။

“သိပ်ပြီးတော့ ကွာခြားတာပေါ့ကွာ၊ ဟိုတုန်းက တပ်မတော်ဆိုတာက ဗိုလ်ချုပ်အောင်ဆန်း ကိုယ်တိုင်က အင်မတန် ကောင်းမြတ်တဲ့ စံနမူနာကောင်းတွေ ပြသွားခဲ့တယ်။ သူ ဖက်ဆစ်တော်လှန်ရေး ပြီးတဲ့အခါကျ တပ်ကို ပြန်ဖွဲ့တဲ့အခါမှာ ဂန္ဓီစာချုပ်အရ တပ်ကို ပြန်ဖွဲ့စည်းတယ်။ အရာရှိတွေနဲ့ ပတ်သက်လို့ ရွေးချယ်ခန့်ထားပြီး နောက်ပိုင်းမှာ သူကိုယ်တိုင်က တပ်မတော်ထဲမှာ မနေတော့ဘဲနဲ့ နိုင်ငံရေး အဖွဲ့အစည်းဖြစ်တဲ့ ဖဆပလ ပါတီ အဖွဲကြီးထဲမှာ သွားပြီးတော့ ဗမာ့လွတ်လပ်ရေးနဲ့ ပတ်သက်ပြီး ဆက်လက်ကြိုးပမ်းတဲ့ ဥစ္စာက တပ်မတော်နဲ့ နိုင်ငံရေး (နိုင်ငံရေးဆိုတာက ပါတီ နိုင်ငံရေးကို ပြောတာပေါ့လေ)၊ နိုင်ငံရေးဆိုတာက ပြည်သူလူထုအားလုံးနဲ့ တပ်မတော်သားတွေက နိုင်ငံရေးရဲ့ ဇာတ်ကောင်တွေ ဖြစ်တယ်။ နိုင်ငံရေးရဲ့ သတ္တဝါတွေဖြစ်တော့ နိုင်ငံရေးဆိုတာက ရှိရမှာပဲ၊ ကင်းမှာ မဟုတ်ဘူး”

“သို့သော်လည်း တပ်မတော်ဟာ ပါတီနိုင်ငံရေးနဲ့ တပ်မတော် ကင်းကင်းရှင်းရှင်း နေရမယ်ဆိုတာကို ဗိုလ်ချုပ် အောင်ဆန်းက ပြခဲ့တယ်လေ။ ဒီအစဉ်အလာကို ထိန်းဖို့အတွက် ဗိုလ်ချုပ်အောင်ဆန်း နိုင်ငံအတွက် အသက်စွန့်ပြီး နောက်ပိုင်းမှာလည်း တပ်မတော်ကို ဆက်လက်တာဝန်ယူတဲ့ ပုဂ္ဂိုလ် အထူးသဖြင့် ဗိုလ်ချုပ်ကြီးနေဝင်း ခေတ်ပေါ့ဗျာ။ အဲဒီအခါမှာလည်းပဲ ဒီအရှိန်အဝါနဲ့ ဆက်လက်ပြီး အကောင်အထည်ဖော်ဖို့အတွက် တပ်မတော် ညီလာခံတခုကို ပထမဆုံးအကြိမ် ကျင်းပတယ်။ တပ်မတော်ရဲ့ ပဋိဥာဉ်စာတမ်းကို ရေးခဲ့တယ်။ ၁၉၄၇ ခုနှစ် နိုင်ငံတော် ဖွဲ့စည်းအုပ်ချုပ်ပုံ ဥပဒေကို တို့တတွေက အသက်ပေးပြီး ကာကွယ်ကြရမယ်။ အဲဒီဟာကို ကာကွယ်ဖို့ အကြောင်းချင်းရာတွေနဲ့ ပတ်သက်ပြီး ဆုံးဖြတ်ချက်ချတယ်''

''အဲဒီမှာ ဗိုလ်ချုပ်နေဝင်းကိုယ်တိုင် ကာကွယ်ရေး ဦးစီချုပ် စာတမ်းတစောင်ကို ဖတ်ပြတယ်။ အဲဒီဖတ်ပြတဲ့ စာတမ်းက ဘာလဲဆိုတော့ - တို့တပ်မတော်အနေနဲ့ ပြည်သူလူထုတွေရဲ့ ဆန္ဒကို ရှေ့ကနေ ရဲရဲဝံ့ဝံ့ ရပ်တည်ဖို့ အခုရှိနေတဲ့ ၁၉၄၇ ခုနှစ် ဖွဲ့စည်းအုပ်ချုပ်ပုံ ဥပဒေကို အသက်ပေးပြီး တို့တတွေ ကာကွယ်ကြရမယ်။ နောင်သောအခါမှာ အခြေခံဥပဒေအပေါ်မှာ အခိုင်အမာ ရပ်တည်ပြီးတော့ နိုင်ငံတော် တည်ဆောက်ရေး တို့တတွေ လုံးပမ်းကြရမယ်။ ဒါကြောင့်မို့ ဖွဲ့စည်းအုပ်ချုပ်ပုံမှာပါတဲ့ ဥပဒေအချက်အလက်တွေကို ဖောက်ဖျက်ကျူးလွန်တာရှိသော် ငါကိုယ်တိုင် မထောက်မညှာ ပြတ်ပြတ်သားသား အရေးယူ ဆောင်ရွက်သွားမယ်။ ဒါကြောင့်မို့ ဒါကို မင်းတို့အားလုံး ဆွေးနွေးပြီးရင် ဒီဟာကို လက်မှတ်ထိုးကြပါ ဆိုတဲ့အတွက် ဒီဟာကို ၁၉၄၇ ခုနှစ် နိုင်ငံတော် အခြေခံဥပဒကို ကျနော်တို့ အားလုံးက နှစ်နှစ်ခြိုက်ခြိုက် ထောက်ခံအားပေးပြီး လက်မှတ်ထိုးခဲ့တယ်။ အဲဒါက ဗမာ့တပ်မတော်ရဲ့ ပဋိဥာဉ်စာတမ်း ထုတ်ခဲ့တာ''

''ပထမဦးဆုံး ရွေးကောက်ပွဲတုန်းက ပါတီနိုင်ငံရေးနဲ့ ပတ်သက်လို့ ကင်းကင်းရှင်းရှင်း ဖြစ်အောင်ဆိုပြီးတော့ ရွေးကောက်ပွဲတို့ဘာတို့ လုပ်တဲ့အခါမှာလည်း ပါတီပိုင်းဆိုင်ရာ လုပ်ပိုင်ခွင့်တွေကို စစ်သည်စစ်သားများက ပါဝင်မှု မရှိဘဲနဲ့၊ မိမိတပ်နဲ့ ပတ်သက်တဲ့ အသုံးအဆောင် ပစ္စည်းများကို မပတ်သက်ဘဲနဲ့၊ နောက်ပြီး သွားရောက်ပြီးတော့ သူတို့အတွက် ပြောပေးခြင်း၊ ဟောပေးခြင်း၊ ဆော်သြပေးခြင်း၊ လိုက်လံပြီး ကူညီဆောင်ရွက်ပေးခြင်း စသဖြင့် ပါဝင်ဆက်နွယ်ပြီးတော့ လုပ်လို့မရအောင် ကင်းကင်းရှင်းရှင်း ဖြစ်အောင် အမိန့်တွေ ထုတ်ထားတဲ့အတွက် တိတိကျကျပဲ လိုက်နာခဲ့ကြရတယ်''

''အခုကျတော့ တဖြည်းဖြည်း ပတ်သက်ပြီး သံယောဇဉ်တွေက ရှိခဲ့တာကိုး။ သံယောဇဉ်ရှိတဲ့အပေါ် မူတည်ပြီး၊ လိုက်နာပြီးတော့ ဆောင်ရွက်ပေးခြင်းအားဖြင့် နောက်ဆုံး တပ်က နိုင်ငံရေးထဲမှာ တဖြည်းဖြည်း အထူးသဖြင့် ပါတီနိုင်ငံရေးထဲမှာ တပါတီ၊ တဖွဲ့၊ လူတဦး အကျိုးစီးပွား အကျိုးငှာ အသုံးချခံလိုက်ရတဲ့ ဘဝကို ရောက်သွားတဲ့ဟာမျိုး ဖြစ်ခဲ့တာပေါ့။ အခုတော့ ဒီအခြေအနေအတိုင်းပဲ ဖြစ်သွားတာပေါ့လေ။ နိုင်ငံတော်မှာ နဂိုမူလက ဆောင်ပုဒ်က ရှိပြီးသား “ပြည်သူသာလျှင် အမိ၊ ပြည်သူသာလျှင် အဖ” ၊ “ပြည်သူသာလျှင် မိမိတို့၏ အင်အားစု” ဖြစ်တယ်။ ဒီပြည်သူတွေမှာလည်း တပ်မတော်သားတွေ ပါဝင်ခဲ့တာပဲ။ အဓိကဖြစ်တဲ့၊ မိဘတွေဖြစ်တဲ့ ပြည်သူတွေဟာ တကယ်ပဲ တပ်မတော်သားတွေရဲ့ အမိအဖ ဖြစ်ရမယ်ဆိုတာ တပ်မတော်သားတွေရဲ့ ဦးနှောက်ထဲမှာ ကိန်းအောင်းအောင် လုပ်ခဲ့တာပဲ''

''အခု ဒီလိုမဟုတ်တော့ဘူး၊ တပ်မတော်သာ အမိ၊ တပ်မတော်သာ အဖ၊ အားလုံးက ဘယ်လို အတွေးအခေါ် ဖြစ်သွားလဲဆိုတော့ ညောင်ညိုပင်ကြီးရဲ့ အရိပ်ဟာ ပြည်သူလူထု တရပ်လုံးရဲ့ အရိပ်ပဲလေ။ ဒါပေမဲ့ အဲဒီ အရိပ်ကြီးကို ဝင်ရောက်ပြီးတော့ လာတဲ့ တပ်မတော်က သူတို့အနေနဲ့လည်း သူတို့ကိုယ် သူတို့၊ သူတို့အရိပ်လို့ ထင်ပြီးတော့ ဒီအရိပ်အာဝါသအောက်မှာ နေရတာကို မေ့လျော့နေပြီး သူတို့ဟာသူတို့ သီးခြားရပ်တည်တဲ့ အရိပ်ဖြစ်တယ်ဆိုတဲ့အနေနဲ့ လုပ်ကိုင်သွားနေတဲ့ သဘောတွေကတော့ မှန်ကန်လှတယ်တော့ မဟုတ်ဘူး။ အဲဒီဟာရဲ့ သဘောကတော့ ဒီနေ့ ဖြစ်ပျက်နေတဲ့ အခြေအနေအားလုံး တွေ့မြင်နေရတဲ့ အတိုင်းပါပဲ။ အဲဒီလို ဖြစ်သွားတဲ့ သဘောရှိနေတော့ တကယ်စစ်မှန်တဲ့ အရင်တုန်းက တွေးခေါ်ခဲ့တဲ့၊ ပြည်သူတို့ရဲ့ ကြားထဲမှာ ပြည်သူ့ဆန္ဒနဲ့အညီ နေထိုင်သွားရမယ်ဆိုတဲ့ ဟာကိုတော့ ပြန်ရောက်လာအောင် လုံပမ်းကြိုးစားဖို့ အကုန်လုံးမှာ တာဝန်ရှိကြတယ်လို့ ကျနော့်အနေနဲ့ မြင်ပါတယ်''

မေး။ တပ်မတော်သားတွေ လိုက်နာရမယ့် စစ်သည်တော်များ ကျင့်ဝတ်ကို ဒီကနေ့ခေတ် စစ်သည်တော်တွေ လိုက်နာဆောင်ရွက်မှု ရှိမရှိနဲ့ပတ်သက်ပြီး ပြောပြပါဦးခင်ဗျ။

“အဓိက တပ်မတော်သားတွေက ''ပြည်သူတွေအပေါ်မှာ ရေလိုလလို ကျင့်ရမယ်'' ဆိုတဲ့ဟာက တပ်မတော်သားတွေက ပြည်သူလူထုအပေါ်မှာ အေးမြတဲ့ သဘော ပေးရမှာ ရှိတယ်။ သို့သော်လည်းပဲ နိုင်ငံတော်နဲ့ ပတ်သက်လို့ ဖြစ်လာတဲ့ ''ရန်သူအပေါ်မှာတော့ နေလိုမီးလို ကျင့်ရမယ်'' ဆိုတာတွေ ရှိတယ်။ ပြည်သူလူထုဟာ ကိုယ့်ရဲ့ ရန်သူမှ မဟုတ်ဘဲ။ အမိအဖတွေက ကိုယ့်ရဲ့ ရန်သူမှ မဟုတ်ဘဲနဲ့ သေသေချာချာ အမြင်ကောင်းတွေ မြင်ပြီးတော့ သွားဖို့တော့ လိုတာပေါ့’'

''ဟိုအရင်တုန်းက စစ်သည်တော် ကျင့်ဝတ် ၆ဝ ဆိုပြီး ရေးထားတာ ရှိတယ်။ ရဲဘော်တယောက်ချင်း ကျင့်ရမယ့် ကျင့်ဝတ်၊ ရဲဘော် အချင်းချင်းအပေါ် ကျင့်ရမယ့် ကျင့်ဝတ်၊ ပြည်သူပြည်သားတွေအပေါ်မှာ ကျင့်ရမယ့် ကျင့်ဝတ်၊ ရန်သူပေါ်မှာ ကျင့်ရမယ့် ကျင့်ဝတ်ဆိုတာတွေ ရှိတယ်။ ဒါတွေက ၆ဝ ရှိခဲ့တာပဲ။ ဒီနောက်ပိုင်းကျတော့ကာ ဆိုရှယ်လစ်နိုင်ငံ တည်ထောင်မယ် ဆိုတော့ကာ တချို့အချက်အလက်တွေကို ဖြည့်ပြီးတော့ ရေးတာတွေလည်း ရှိတယ်။ တချို့နေရာတွေမှာလည်း ထပ်ဖြည့်တာတွေ ရှိတယ်။ ဆိုတော့ကာ စစ်သည်တော် ကျင့်ဝတ်က အရင်တုန်းက စစ်သည်တော် ၆ဝ မဟုတ်တော့ဘဲ တော်တော်များများ ဖြစ်ကုန်ကြမယ် ထင်ပါတယ်။ ဒီကြားထဲမှာလည်း ကြွေးကြော်သံတွေကလည်း အများကြီး ရှိတယ်။ အားမာန် ၁ဝ ချက်၊ ခွန်အား ၁ဝ ချက်တို့ ဘာတို့ဆိုတဲ့ ကြွေးကြော်သံတွေက တော်တော်ကို များတယ်။ နှစ်လည်း ကြာလာပြီဖြစ်တဲ့အတွက် တော်တော်များများ အသေးစိတ် မသိတော့ဘူး''

''အရင်တုန်းက ထုတ်ပြန်ထားတဲ့ ဟာတွေကတော့ ပြည်သူတွေနဲ့ တသားတည်း၊ ပြည်သူတွေသည် အမိ၊ ပြည်သူတွေသည် အဖ ဖြစ်တဲ့အတွက် မိဘသဖွယ် ထားရတဲ့ ပြည်သူတွေအပေါ်မှာ သားကောင်းတယောက် စိတ်ဓာတ်မျိုးနဲ့ လုပ်ကိုင်ဖို့ဆိုတဲ့ အဓိကဟာကို ရေးထားတဲ့ ကိစ္စဖြစ်တယ်။ အခုဟာက အဲဒီလို မဟုတ်တော့ဘူး။ တပ်မတော်သည် အမိ၊ တပ်မတော်သည် အဖဆိုတာတွေကို တချို့နေရာမှာ ကြားတယ်။ အပေါ်ကနေပြီးတော့ တပ်မှူးကြီးများက လုပ်ဆောင်ပေးနေတဲ့အတွက် စစ်သည်တော်များက အောက်မှာ စားရသောက်ရနေရ ဖွံ့ဖြိုးနိုင်ပြီးတော့ အပြင်က လူထုနဲ့ မတူဘဲနဲ့ ပိုပြီးတော့ စားရသောက်ရ ပြည့်စုံအောင် စားရသောက်ရ ဖြစ်တဲ့အတွက် အထက်အဆင့်ဆင့်သော ဗိုလ်ကြီးတွေအပေါ်မှာ အင်မတန် အားကိုးစရာ ဖြစ်တယ်ဆိုတဲ့အကြောင်း ပြောဆိုသုံးစွဲလာတာတွေ ရှိလာတယ်။ အဲဒီ အတွေးအခေါ်တွေကတော့ မကောင်းတဲ့ အတွေးအခေါ်တွေ ဖြစ်တယ်။ ဒါက အရင်တုန်းက ထားရှိခဲ့တဲ့ သဘောသဘာဝတွေနဲ့ ပြောင်းပြန်ဖြစ်လာတဲ့ အနေအထားတွေ ဖြစ်လာပါတယ်''

မေး။ တပ်မတော်သားတွေအတွက် ရသင့်ရထိုက်၊ ခံစားသင့် ခံစားထိုက်တဲ့ အခွင့်အရေးတွေကို တပ်မတော်တွင်းမှာ ဘယ်လို ဆောင်ရွက်ပေးတာမျိုးတွေ ရှိခဲ့ပါသလဲ။

''တိုင်းပြည်တာဝန် ထမ်းဆောင်နေတဲ့ ဝန်ထမ်းကောင်းအနေနဲ့ ဝန်ထမ်းကောင်းအဖြစ် တာဝန်ထမ်းဆောင်ရမှာပေါ့။ ကျွမ်းကျင်တဲ့သူတွေက ကျွမ်းကျင်သလို၊ စစ်သည်တော်လည်း စစ်သည်တော်အလျောက်၊ ဝန်ထမ်းဆိုရင်လည်း ဝန်ထမ်းကောင်းအလျောက်ပေါ့။ တပ်မတော်သားတွေအနေနဲ့ ဝန်ထမ်းကောင်းပဲ။ သူလည်း ကျွမ်းကျင်တဲ့ အတတ်ပညာနဲ့ နိုင်ငံတော်ရဲ့ ကာကွယ်ရေး၊ လုံခြုံရေးကို ဆောင့်ရွက်ရမှာပေါ့။ အလားတူပဲ ဟို .. ထိပ်ပိုင်းရောက်နေတဲ့ သူတွေကလည်း၊ နိုင်ငံတော် ကာကွယ်ရေးနဲ့ ပတ်သက်လို့ သူ့ရဲ့ အတိုင်းအတာ ကြီးမားတဲ့အတွက် ကာကွယ်စောင့်ရှောက်မှာ ဖြစ်တာပဲ။ အဲဒီလို ကာကွယ်စောင့်ရှောက်တဲ့အတွက် သူကျွမ်းကျင်တဲ့ ကာယ၊ ဥာဏ၊ ဝီရိယအားအတွက် နိုင်ငံတော်ကရတဲ့ အခွန်အတုတ်တွေထဲက သူတို့အတွက် လုံလောက်တဲ့၊ နေနိုင်ထိုင်နိုင်တဲ့ အခြေအနေဖြစ်အောင် ထိုက်သင့်အားလျှော်စွာ နေနိုင်ထိုင်နိုင်အောင် နိုင်ငံတော်က ထောက်ပံ့ကူညီပေးဖို့ လိုတယ်။ စစ်သည်တော်တွေနဲ့ ပတ်သက်တဲ့ ဇနီးသားမယား မိသားစုလည်း သူတို့ ရွပ်ရွပ်ချွံချွံ လုပ်ဆောင်တဲ့အတွက် ထိုက်သင့်အားလျော်စွာ ခံစားစံစားနိုင်ဖို့အတွက် ပြည်သူလူထုရဲ့ ဘဏ္ဍာငွေကနေ အချိုးကျ ပေးထားတာ ရှိတယ်။ စစ်မြေပြင်မှာ ထိမှု၊ ခိုက်မှု၊ ရှမှု အားလုံးကိုလည်း သူတို့ကို ထိုက်ထိုက်တန်တန် လုံးဝ ခံစားဖို့အတွက် ဆောင်ရွက်ပေးထားတာပဲ”

''ထိုက်သင့်အားလျော်စွာ သုံးဆောင်ပြီးရင် နောက်ဆုံး တပ်မတော်က အနားယူပြီး အပြင်ရောက်တဲ့ အခါမှာလည်း သူတို့ရဲ့ နေထိုင်စားရေး သောက်ရေး၊ ရှင်သန်ရေးအတွက်ကိုလည်းပဲ တိုင်းပြည်ကနေ ပြန်လည် ထောက်ပံ့နိုင်တဲ့ အစီအမံကောင်းတွေ ရှိထားတာပဲ။ အဲဒီ ရှိထားတဲ့ အတိုင်းအတာအလျောက်မှာပဲ ခံစားစံစား သွားတာက အမှန်ပဲ။ ဒီလိုမှ မဟုတ်ဘဲ၊ မိမိ ရသင့်ရထိုက်တာ မဟုတ်ဘဲ ပိုလျှံပြီးတော့ ကိုယ်ကျိုးအတွက်၊ တဦးတယောက်အတွက်၊ မိသားစုအတွက် ရှိသင့်ရှိထိုက်တဲ့ အထောက်အပံ့နဲ့ ပိုပြီးတော့ လောဘတက်ပြီး ယူဆောင်နေတာ ဖြစ်လာရင်တော့ အင်မတန်မှ မကောင်းတဲ့ အယူအဆ၊ အလေ့အထ၊ အကျင့်အကြံတခု ဖြစ်လာမယ်။ ဖြစ်လာတယ်ဆိုရင် တိုင်းပြည်ရဲ့ ဘဏ္ဍာတော်တွေ သုံးရစွဲရတဲ့အပိုင်းမှာ သူတို့ကို ပိုမိုပြီး အများအစားပေးပြီးတော့ လူမှုရေးဖြစ်တဲ့ ပြည်သူလူထုတရပ်လုံးရဲ့ ပညာရေး၊ ကျန်းမာရေးနဲ့ တခြားရရှိတဲ့ အခွင့်အရေးက နည်းပါးပြီးတော့ အထောက်အပံ့ နည်းလာမယ်။ အားအင်နည်းလာလို့ရှိရင် နောင်တပ်မတော်မှာ တာဝန်ထမ်းဆောင်ရမယ့် အင်အားကို ပြန်ဖြည့်ဖို့ အတိုင်းအတာကျရင် အားအင်ချိနဲ့တာ ဖြစ်လာမယ့် အတိုင်းအတာ ဖြစ်တယ်''

''အဲဒါကို မြင်ပြီးတော့ အရှည်ကို စဉ်းစားတဲ့အနေနဲ့ တပ်မတော်မှာ ဝင်လာပြီးရင် သူတို့အတွက် ရသင့်ရထိုက်တဲ့ အခွင့်အရေးတွေကို ကူညီထောက်ပံ့ပေးပြီး သူတို့ တာဝန်ထမ်းဆောင်နေစဉ်အတွင်း၊ စစ်ဘက်မှာ တာဝန်ထမ်းဆောင်နေစဉ်အတွင်း၊ နောက်ပြီး စစ်ဘက်မှာ အနားယူချိန်အတွင်း ဒါတွေကို ကောင်းကောင်းမွန်မွန် သတ်မှတ်ထားတဲ့ အတွင်းမှာသာလျှင် ဖြည့်ဆည်းအောင် ဆောင်ရွက်ကြဖို့ လိုတယ်။ သူတို့ အပြင်ရောက်တဲ့ အခါမှာလည်း နိုင်ငံတော်အတွင်းမှာရှိတဲ့ အစားအသောက်၊ ကုန်ပစ္စည်းဈေးနှုန်း စတဲ့ ဒါတွေကလည်းပဲ အားလုံး ညီမျှအောင် ဆောင်ရွက်ပေးမှု လုပ်ဆောင်မယ်ဆိုရင်တော့ ဒီပြဿနာတွေက ပြေလည်စရာတွေ ရှိတာပေါ့”

မေး။ တပ်မတော်သားအတွင်းမှာ အထက်အောက် ကွာဟမှုတွေ များလာတဲ့အပေါ် ဘယ်လို မြင်ပါသလဲ။

''အတိုင်းအတာတခုထိ ခွဲခြားသတ်မှတ်ပေးထားတွေ ရှိတာပေါ့။ သို့သော်လည်းပဲ အရာရှိရယ်လို့ ဖြစ်လာရင် အပေါ်ပိုင်း၊ ထိပ်ပိုင်းကိုး။ အခု အခြေအနေကို ကြည့်ရတာက အခွင့်ထူးခံချင်တဲ့ အနေအထား ရှိလာတာတွေ များတယ်။ သို့သော်လည်းပဲ တိုင်းပြည်တခုမှာ စည်းလုံးညီညွတ်မှုနဲ့ တပ်မတော်သားတခုလုံး ညီညီညာညာ ဖြစ်ရမယ်ဆိုလို့ရှိရင်တော့ သူ့ဟာသူ ပေးထားတဲ့ အခွင့်အရေးကောင်းတွေ မျှမျှတတ အချိုးအစားနဲ့ အောက်ဆုံးအဆင့်မှာ ရှိနေတဲ့ စစ်သည်တော်နဲ့ အထက်ဆုံးမှာ ရှိနေတဲ့ စစ်သည်တော်များ ရတဲ့ လစာနဲ့တကွ ရရှိမှု နှုန်းထားက သိပ်ပြီးတော့ ကွာခြားမှုမျိုး မဖြစ်သင့်ဘူးဆိုတာကိုတော့ အရင်တုန်းက အတွေးအခေါ် ရှိခဲ့ဖူးတာပေါ့။ အဲဒီလို ဖြစ်ဖို့တော့ ကြိုးစားဖို့ လိုတာပေါ့''

မေး။ တပ်သားအဆင့်မှာ ရှိတဲ့ မိသားစုတွေက ရတဲ့ လစာနဲ့ မလောက်ငလို့ တခြားလုပ်ငန်းတွေ လုပ်နေရတယ်။ တပ်မတော်သား ဇနီးသည်တချို့ ခန္ဓာကိုယ်ရောင်းစားရတဲ့ အဖြစ်မျိုးတွေလည်း ရှိပါတယ်။ ဒါပေမဲ့ အရာရှိတွေရဲ့ မိသားစုဝင်တွေကျ ချမ်းသာနေကြတယ်။ အဲဒီလို တပ်တွင်းမှာ ကွာခြားမှုတွေ ဖြစ်နေတဲ့အပေါ်မှာ ဘယ်လို ထိန်းသိမ်းကာကွယ်သင့်တယ်လို့ ထင်လဲခင်ဗျ။

''အခုဟာက ပြောဆိုသံတွေ ကြားလည်း ကြားနေရတယ်။ မြင်လည်း မြင်နေရတယ်။ တွေ့လည်း တွေ့နေရတယ်။ ကွာခြားတာတွေ ရှိနေတယ်။ အမှန်က ဘယ်လိုဖြစ်ရမလဲဆိုတော့ အပြင်မှာ ပင်စင်ယူသွားပြီးလို့ရှိရင်၊ အငြိမ်းစား ယူသွားပြီးလို့ရှိရင် သူတို့ဟာသူတို့ ထိုက်သင့်အားလျော်စွာ ရပ်တည်နိုင်အောင် ဆိုလို့ရှိရင် အပြင် စီးပွားရေး အနေအထားက ကောင်းဖို့လိုတယ်။ စီးပွားရေး အနေအထားက အားလုံး မျှမျှတတ စားနိုင်တဲ့ အနေအထား ဖြစ်ဖို့လိုတယ်။ အခုဟာက ဒီလိုမဟုတ်တော့ဘဲနဲ့ အပြင်မှာ စားရေးသောက်ရေးနဲ့ ပတ်သက်ပြီး အင်မတန် ကျပ်တည်းနေတဲ့ ဟာကို အကြောင်းပြုပြီးတော့ကာ အောက်ခြေ အောက်လက်မှာရှိတဲ့ ဝင်ငွေနဲ့ မလုံလောက်လို့၊ မညီမျှလို့၊ မမျှတလို့တွေ ရှိနေတယ်။ ဒါပေမဲ့ အစိုးရက လစာတွေကို တိုးပြီးပေးတာက ၄ နှစ် တခါလောက် လုပ်တယ်။ သို့သော် အဲဒီလို လုပ်ပင်လုပ်ငြားသော်လည်းပဲ မပြည့်မီဘူး''

''ဘာဖြစ်လို့လဲဆိုတော့ အပြင်မှာ ကုန်ထုတ်လုပ်မှုနဲ့ ပတ်သက်တဲ့ အစစအရာရာရော၊ စီးပွားရေး အခြေအနေအရရော ပိုမိုကောင်းမွန်လာတဲ့ အခြေအနေအထားမှာ မရှိတဲ့အတွက်ကြောင့် ဒီလိုပြဿနာတွေက တောက်လျောက် ဖြစ်နေမှာပဲ။ အထက်ပိုင်းရောက်နေတဲ့ ပုဂ္ဂိုလ်တွေအနေနဲ့လည်း ဒီဟာကို ကြည့်ပြီးတော့ - တို့ အပြင်ကို ရောက်ခဲ့လို့ရှိရင် တို့ လက်ရှိနေရတဲ့ အခြေအနေကနေ ပိုမိုဆုတ်ယုတ်ပြီး နေရမလားဆိုပြီး၊ အကုန်လုံးကိုတော့ မဆိုလိုဘူး၊ တချို့ပုဂ္ဂိုလ်တွေက လုံးပမ်းရင်းနဲ့ ချမ်းသာတဲ့အပိုင်းက သိပ်ပြီး ချမ်းသာ၊ မချမ်းသာတဲ့ အပိုင်းက မချမ်းသာ၊ သိပ်ပြီး ဒုက္ခရောက်တဲ့ အပိုင်းက ဒုက္ခရောက်၊ အဲဒီလိုပဲ မညီမညာ ဖြစ်ကုန်တဲ့အပိုင်း ဖြစ်တယ်။ အပြင်မှာ စီးပွားရေးကိစ္စနဲ့ ပတ်သက်တဲ့ အရာအားလုံး၊ စစ်သည်တော်တွေ ရရှိမယ့် အခွင့်အရေးတွေ အားလုံး၊ တတ်နိုင်သမျှ တိုးတက်ကောင်းမွန်အောင် လုပ်ကိုင်ဆောင်ရွက်ပေးသွားမယ်ဆိုရင် ဒီကွာဟမှုက တဖြည်းဖြည်း အခြေအနေကောင်းကို ဦးတည်သွားလိမ့်မယ်လို့တော့ ထင်တာပေါ့။ ဒါပေမဲ့ ဒီပုံစံအတိုင်းက ဒီလမ်းကို မမြင်သေးဘူးဆိုတဲ့ သဘောရှိတယ်''

မေး။ တပ်မှူးဟောင်းတယောက်အနေနဲ့ တပ်မတော်သားတွေနဲ့ ပြည်သူတွေကို ဘယ်လို ပြောပြချင်တာတွေ ရှိပါသလဲ။

''စစ်မှူးထမ်းလုပ်တယ်ဆိုတာ အင်မတန်ကို တိုင်းပြည်အတွက်၊ တိုင်းသူပြည်သားတွေအတွက် အသက်အိုးအိမ်၊ စည်းစိမ်တွေကို ကာကွယ်ပေးရမယ်ဆိုတဲ့ မူတွေအနေနဲ့ မွန်မြတ်တဲ့ အလုပ်လုပ်တာ ဖြစ်တယ်။ မွန်မြတ်တဲ့ အလုပ်လုပ်ရမယ့် ပုဂ္ဂိုလ်တွေအနေနဲ့ မွန်မြတ်တဲ့ အလုပ်လုပ်တာပဲ ကောင်းတယ်။ ဒီလိုမျိုး မဟုတ်ဘဲနဲ့၊ စစ်သည်တော်များ လုပ်ရမယ့် အပိုင်းတွေမှာ ဒီလိုအခြေအနေမျိုး မဟုတ်ဘဲနဲ့ ကျန်တဲ့ တခြားကိစ္စအဝဝတွေမှာ စိတ်ပါဝင်စားမှု ရှိလို့ရှိရင် မူလ ရည်ရွယ်ချက်တွေကတော့ အထမြောက် အောင်မြင်မှာ မဟုတ်ဘူးဆိုတာမျိုး ဖြစ်လာတာပေါ့။ အဲဒါကြောင့် စစ်သည်လုပ်ငန်းကို မိမိကြိုက်နှစ်သက်လို့ လုပ်တာဖြစ်တဲ့အတွက်၊ ကြိုက်နှစ်သက်တဲ့ လုပ်ငန်းအောင်မြင်အောင် သီးခြားဝန်ထမ်းကောင်းဖြစ်ဖို့၊ လုပ်ဖို့တော့ လိုတာပေါ့။ အဲဒီလို မဟုတ်ဘဲနဲ့ လာတယ်ဆိုကတည်းက ရည်ရွယ်ချက်ကိုက မှားယွင်းတဲ့ ရည်ရွယ်ချက်နဲ့ ရောက်လာတယ်ဆိုရင် မကောင်းဘူး''

''ဒီဝန်ထမ်းလုပ်ငန်းဟာ တခြားတခြားသော အဖွဲ့အစည်းတွေနဲ့ မတူဘဲနဲ့ ထူးခြားတဲ့ အဖွဲ့အစည်းဖြစ်လို့ ထူးခြားတဲ့ အခွင့်အရေးတွေ ရှိငြားသော်လည်းပဲ ကိုယ်ရသင့်ရထိုက်တဲ့ အတိုင်းအတာ ရပြီးတော့၊ အနစ်နာခံပြီးတော့ လုပ်ဆောင်သင့်တယ်။ တပ်ထဲမှာ ဝင်ကတည်းက ဆင်းရဲမယ်၊ အနစ်နာခံမယ်၊ ဒါတွေက နဂိုမူလအရ လုပ်ငန်းသဘောသဘာဝ ပါလာပြီးသားဖြစ်တယ်။ အဲဒီအပေါ်မှာ မူတည်ပြီး အနစ်နာခံမယ်၊ ကိုယ်ကျိုးစွန့်မယ်ဆိုတဲ့ စသဖြင့် ဟာတွေက ပြန်လည်ပြီး ရှိလာဖို့အတွက် လုပ်ကိုင်သွားကြဖို့ လိုတယ်။ အဲဒီကျမှာသာလျှင် တဖြည်းဖြည်း အားကိုးရာ ဖြစ်မယ်။ အခုကြည့်ရတာက လူအင်အားတွေ သိပ်ပြီး တိုးပြုနေတာထက် အရည်အချင်း အင်အား ထပ်တိုးဖို့လိုတဲ့ သဘောသဘာဝတော့ ရှိတယ်''
http://www.mizzimaburmese.com/interview/5121-2010-03-26-12-33-07.html

တရားခံက တပ်မတော်
မြင့်မောင် | သောကြာနေ့၊ မတ်လ ၂၆ ရက် ၂၀၁၀ ခုနှစ် ၂၂ နာရီ ၅၃ မိနစ်

၆၅ နှစ်မြောက် တပ်မတော်နေ့ အကြိုတွင် လွတ်လပ်ရေး ကြိုးပမ်းမှု ကာလမှသည် ၁၉၉ဝ ခုနှစ် အစောပိုင်း ကာလများထိအောင် အဓိက နိုင်ငံရေးပြိုင်ဘက် အင်အားစုများဖြစ်သော ကွန်မြူနစ်၊ ဆိုရှယ်လစ်တို့၏ အမြင်များကိုလည်း စုစည်းတင်ပြထားရာ ယခု အင်တာဗျူးတွင် ဗမာပြည်ကွန်မြူနစ်ပါတီ ပြောခွင့်ရပုဂ္ဂိုလ် ရဲဘော်ဖိုးသံချောင်း၏ တပ်မတော်အပေါ် အမြင်ကို ဆက်သွယ်မေးမြန်း တင်ပြထားသည်။

မေး။ မနက်ဖြန်မှာ မြန်မာအစိုးရက တပ်မတော်နေ့ဆိုတဲ့ အမည်နဲ့ ကျင်းပမှာဖြစ်ပါတယ်။ ဗမာပြည်ကွန်မြူနစ်ပါတီ (ဗကပ) အနေနဲ့ ဒီကိစ္စအပေါ် ဘယ်လို တုံ့ပြန်ပြောဆိုချင်လဲခင်ဗျ။

''မတ်လ ၂၇ ရက်နေ့ဟာ ဖက်ဆစ်တော်လှန်းရေးနေ့ဆိုတာ လူတိုင်း သိကြပါတယ်။ အဲဒါကို စစ်အစိုးရတွေကနေ စပြီးတော့၊ ဗိုလ်နေဝင်း လက်ထက်ကနေ စပြီးတော့ သူ့တို့ တပ်မတော်နေ့အဖြစ် လုယူထားတာ ဖြစ်တယ်။ တကယ်ကျတော့ ဒီတပ်မတော်ဟာ ဖက်ဆစ်ဆန့်ကျင်ရေး၊ ဖက်ဆစ်တော်လှန်ရေး လုပ်ခဲ့တဲ့ တပ်မတော်နဲ့၊ ဗိုလ်ချုပ်အောင်ဆန်း တည်ထောင်ခဲ့တဲ့ တပ်မတော်နဲ့ဆိုလို့ရှိရင် အများကြီး ကွာသွားပြီ။ အဲဒီတုန်းက မျိုးဆက်တွေနဲ့လည်း အများကြီး ကွာသွားပြီ။ အစဉ်အလာတွေလည်း လုံးလုံးစွန့်လွှတ်လိုက်ပြီလို့လည်း ပြောလို့ရပါတယ်''

''မောင်ပိုင်စီးပြီးတော့ ပြည်သူလူထု အထွဋ်အမြတ်ထားတဲ့ နေ့တနေ့ကို ပြည်သူတွေအပေါ်မှာ သတ်ဖြတ်နေတဲ့၊ ညှဉ်းဆဲနေတဲ့ တပ်မတော်ကို ဂုဏ်ပြုတဲ့နေ့အဖြစ် ပြောင်းလဲလိုက်တာဟာ မြန်မာပြည်သူလူထုတွေနဲ့ ဖက်ဆစ်တော်လှန်ရေး လုပ်ခဲ့တဲ့ တပ်မတော်သားတွေ၊ ပြည်သူတွေကို စော်ကားလိုက်တာလို့ ကျနော် ပြောချင်ပါတယ်။ ဒီဟာလိုပဲ တခြားသမိုင်းနဲ့ ပတ်သက်ပြီးတော့ မဆလ (မြန်မာ့ဆိုရှယ်လစ် လမ်းစဉ်ပါတီ) အစ၊ နအဖ (နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ) က သူတို့ ကပြောင်းကပြန် လုပ်ထားခဲ့တဲ့ ဟာတွေက အများကြီး ရှိတယ်။ တနေ့ကျရင် အားလုံး လှန်ပစ်ရမယ်။ အားလုံး တည့်မတ်ယူရမယ်လို့တော့ ကျနော် မြင်ပါတယ်''

မေး။ တပ်မတော်ကို စပြီး သန္ဓေတည်ခဲ့တဲ့ ရည်ရွယ်ချက်တွေ၊ ရည်မှန်းချက်တွေနဲ့ ဒီကနေ့ တပ်မတော်ရဲ့ အခြေအနေဟာ ဘယ်လိုကွာဟချက်တွေ၊ ကွာခြားချက်တွေ ဖြစ်နေတယ်လို့ ပြောနိုင်မလဲခင်ဗျ။

''အရင်တုန်းက တပ်မတော်က ပြည်သူလူထုကို ကယ်တင်ဖို့အတွက်၊ ပြည်သူလူထုကို ဖိနှိပ်တဲ့ ဖက်ဆစ်နယ်ချဲ့ကို မောင်းထုတ်ဖို့အတွက်၊ လိုအပ်ရင် ချေမှုန်းပစ်ဖို့အတွက် တည်ထောင်ခဲ့တာ ဖြစ်ပါတယ်။ အခုဟာက အဲဒါနဲ့ ပြောင်းပြန်။ နယ်ချဲ့ဖက်ဆစ်ကို တိုက်တာလည်း မရှိ၊ ကိုယ့်ပြည်သူလူထုကို နှိပ်စက်နေတဲ့ တပ်မတော် ဖြစ်နေပါတယ်။ အရင်တုန်းက တပ်မတော်ရဲ့နောက်မှာ ပြည်သူလူထုကြီးက သွေးစည်းညီညွတ်ခဲ့ကြတယ်။ တိုင်းပြည် စည်းလုံးညီညွတ်ရေးအတွက် တပ်မတော်က အရေးကြီးတဲ့ အခန်းကဏ္ဍက ပါဝင်ခဲ့တယ်။ အခုကျတော့ တပ်မတော်ရဲ့နောက်မှာ ပြည်သူလူထုက မရှိတော့ဘူး။ ဒီတပ်မတော်လည်း ပြည်သူလူထု သွေးစည်းညီညွတ်မှုကို ဖျက်ဆီးနေတဲ့၊ သွေးခွဲပေးနေတဲ့ တပ်မတော် ဖြစ်နေပါတယ်''

မေး။ တပ်မတော်ဟာ နိုင်ငံတော်အာဏာကို ဒီကနေ့ ထိန်းသိမ်းထားရတဲ့ အဖြစ်ဟာ ဘယ်လိုလုပ်ပြီး ပေါ်ပေါက်လာတာလဲခင်ဗျ။ နိုင်ငံရေးနောက်ခံလေး ပြောပြစေချင်ပါတယ်။

“ဒီတပ်မတော်ဟာ ပြည်တွင်းစစ် ဖြစ်လာတဲ့အခါမှာ ပြည်တွင်းမှာရှိတဲ့ ဖဆပလ (ဖက်ဆစ်ဆန့်ကျင်ရေးနှင့် ပြည်သူ့လွတ်မြောက်ရေး) ထဲက ဆိုရှယ်လစ်တွေကို တပ်ထဲမှာရှိတဲ့ ဗိုလ်နေဝင်းတို့ အုပ်စုတို့ကနေပြီးတော့ ပြည်တွင်းစစ်ကို မဖြစ်ဖြစ်အောင် လုပ်ပြီးတော့ တောထဲကို မောင်းပို့လိုက်တဲ့ အခါကျတော့၊ ဒီကနေ့ ကျောင်းသားတွေ တောခိုရတဲ့ အဖြစ်မျိုးရောက်အောင်၊ ဒီလမ်း ရောက်အောင် တမင်တွန်းပို့လိုက်တာ ဖြစ်တယ်။ ဖြစ်လာတဲ့အခါ ပြည်တွင်းစစ်ဆိုတော့ ပြည်သူတွေကြားထဲမှာ ပစ်ရတဲ့အတွက် တပ်မတော်ဟာ ပြည်သူတွေကို နှိမ်နှင်းတာတွေ ဖြစ်လာတယ်။ အဲဒီလိုနဲ့ ဖဆပလ အစိုးရလက်ထက်မှာ စစ်တပ်နဲ့ စစ်အုပ်စု၊ ဆိုလိုတာကတော့ ဆိုရှယ်လစ် စစ်ဗိုလ်အုပ်စုရဲ့ အင်အားက တဖြည်းဖြည်း တန်ခိုးထွားလာတယ်။ သူတို့က လက်နက်ကိုင်ထားတာ ဖြစ်နေတော့ ကျန်တဲ့ ဖဆပလ ထဲက ခေါင်းဆောင်တွေဟာ တဖြည်းဖြည်းနဲ့ သူတို့ကို မယှဉ်နိုင်ဘူးဖြစ်လာတယ်။ စစ်အုပ်စုက တဖြည်းဖြည်းနဲ့ အင်အားကြီးလာပြီး ၁၉၅၈ ခုနှစ်မှာ ပထမဆုံး အာဏာသိမ်းတာ လုပ်လာခဲ့တယ်။ အဲဒီကစပြီးတော့ သူတို့က အာဏာရဲ့ အရသာကို သိသွားပြီးတော့ ချက်ချင်းပဲ ၁၉၆ဝ ခုနှစ်မှာ အာဏာပြန်အပ်ပေးတယ်။ ဘာမှ မကြာဘူး တနှစ်၊ ၂ နှစ်အတွင်းဖြစ်တဲ့ ၁၉၆၂ ခုနှစ်မှာ အာဏာပြန်သိမ်းယူခဲ့တာ ဒီနေ့အထိပဲ။ အာဏာကို သူတို့က အုပ်စီးမယ်။ တိုင်းပြည်ရဲ့ အကောင်းဆုံးဖြစ်တဲ့ ဘဏ္ဍာအရင်းအမြစ်၊ သဘာဝ သယံဇာတ အရင်းအမြစ် အားလုံးကို သူတို့ပဲ ခံစားမယ်။ သူတို့ပဲ အဓိက ခွဲဝေသုံးစွဲမယ်ဆိုတဲ့ ပေါ်လစီ ချမှတ်ခဲ့တာ ဖြစ်ပါတယ်''

မေး။ နိုင်ငံတကာမှာတော့ တိုင်းပြည်ကာကွယ်ရေး၊ လုံခြုံရေးကဏ္ဍအတွက်ပဲ တပ်မတော်ကို ထားချင်ကြပါတယ်။ အဲဒီအမြင်တွေနဲ့ မြန်မာပြည်ရဲ့ အနေအထားကရော ကိုက်ညီမှု ရှိပါရဲ့လားဗျ။

“တပ်မတော်ဆိုတာက လက်နက်ကိုင်ထားတဲ့ သူတွေဟာ နိုင်ငံရေး အဆောက်အအုံနဲ့ ကင်းအောင်နေတာ ကောင်းပါတယ်။ အဲဒီ ၂ ခု ရောထွေးသွားလို့ရှိရင် ဘယ်တိုင်းပြည်မဆို ဒုက္ခရောက်တတ်ပါတယ်။ အထူးသဖြင့် ပြည်သူလူထု ဒုက္ခရောက်တတ်ပါတယ်။ ဒါမျိုးတွေက တချို့တိုင်းပြည်တွေမှာ တွေ့တတ်ပါတယ်။ ဒါမျိုးတွေက ကြာရှည်မရှိပါဘူး။ ကာလတိုတခု ဖြစ်တယ်။ ဗမာပြည်မှာသာ ကမ္ဘာ့သမိုင်း စံချိန်တင်လောက်တဲ့ ရာစုနှစ်တဝက် ကျိုးတော့မယ်။ တပ်မတော်ရဲ့ အာဏာသိမ်းခဲ့တဲ့ သက်တမ်း နောက်နှစ်ဆို ကျိုးတော့မယ်။ ဒါမျိုးက မဖြစ်သင့် မဖြစ်ထိုက်တဲ့ဟာ။ တိုင်းပြည်နာဖို့၊ လူထုနာဖို့၊ အိမ်နီးနားချင်းနိုင်ငံတွေ နစ်နာတဲ့အဖြစ်လည်း ရောက်ပါတယ်''

မေး။ ၂ဝဝ၈ ဖွဲ့စည်းပုံနဲ့ ရွေးကောက်ပွဲဥပဒေတွေဟာ စစ်တပ်က နိုင်ငံတော် အာဏာကို ဆက်ထိန်းထားရအောင်လို့ ရေးဆွဲထားတာလို့ ပြောကြပါတယ်။ ဘယ်လို မြင်ပါသလဲ ခင်ဗျ။

“ဟုတ်ပါတယ်။ ဒီ ရွေးကောက်ပွဲဟာ စစ်တပ်က အာဏာကို ထိန်းထားတာက အလွယ်တကူ မဟုတ်ဘူး။ သူက တရားဝင် ဖြစ်သွားမယ်။ ဆွေစဉ်မျိုးဆက်နဲ့ ဖြစ်နိုင်လို့ရှိရင် ကမ္ဘာတိုင် ထိန်းသွားဖို့လုပ်တာ ဖြစ်ပါတယ်။ သူတို့ ဒီဟာကို လုပ်တဲ့ဟာက သာမန် မဟုတ်ဘူး။ ပြင်ဆင်ပြီးလို့။ ပြင်ဆင်တာက ဗိုလ်ခင်ညွန့် လက်ထက်ကတည်းက လမ်းပြမြေပုံချပြီး ပြင်ဆင်လာတာက အကြာကြီးပဲ။ အနှစ် ၂၀ နီးပါး ပြင်ဆင်ပြီးတော့ လုပ်လာတဲ့ ကိစ္စဖြစ်တယ်။ ဒီလိုလုပ်တဲ့ဟာက သူတို့ ပိုင်ပြီဆိုပြီး လုပ်တာဖြစ်တယ်။ သူတို့ အားနည်းလို့ နောက်ဆုတ်တာ မဟုတ်ဘူး။ (တချို့က အဲဒီလို လျှောက်ပြောနေတာရှိလို့)။ သူတို့အားနည်းလို့ နောက်ဆုတ်လိုက်တာ မဟုတ်ဘူး။ သူတို့ ပြင်ဆင်ပြီးလို့ အပြတ်လုပ်တာ ဖြစ်တယ်။ အပြတ်လုပ်တာက အဓိကကျတဲ့ ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ် တခုလုံးကို အညွန့်ချိုးဖို့၊ နိုင်ငံရေးအညွန့်ချိုးဖို့ ကြိုးစားတာ ဖြစ်တယ်။ ဒီ ၂ ခု အညွန့်ကျိုးလို့ရှိရင် ဗမာပြည် ပြည်သူလူထုကြီးရဲ့ လှုပ်ရှားမှုတွေ၊ တိုက်ပွဲတွေလည်း အညွန့်ကျိုးသွားမယ် ဆိုတာကို မျှော်လင့်ပြီးတော့၊ ယူဆပြီးတော့ စီမံကိန်းကျကျ လုပ်လာတာ ဖြစ်တယ်'

မေး။ တပ်တော်ရဲ့ အားသာချက်၊ အားနည်းချက်တွေနဲ့ ပတ်သက်ပြီး တပ်မတော် ခေါင်းဆောင်တွေကို ဘာများ မှာကြားချင်ပါသလဲ။

“တပ်မတော် ခေါင်းဆောင်ဆိုတာကလည်း တပ်မတော်တွင်းမှာရှိတဲ့၊ ရိုးသားတဲ့၊ ပြည်သူလူထုအပေါ်မှာ သံယောဇဉ်ရှိတဲ့ အဆင့်အသီးသီးက တပ်မှူးတပ်သား အားလုံးကို ပြောချင်တာကတော့ ဒီနေ့ ဗမာပြည်ကြီးဟာ သူတို့လည်း သိတယ်၊ သူတို့လည်း မြင်နေတယ်၊ အင်မတန်ကိုမှ အခြေအနေ ဆိုးနေပါပြီ။ နိုင်ငံတကာမှာ ဆင်းရဲရုံတင်မက ဂုဏ်သိက္ခာလည်း ကျနေပါပြီ။ အဲဒါအတွက် တရားခံက တပ်မတော်လို့ လုံးလုံးလျားလျား ဖြစ်နေပါတယ်။ အဲဒီအခြေအနေကနေ ပြန်လည်ပြောင်းလဲနိုင်ဖို့ ကြိုးစားကြပါလို့ ကျနော့်အနေနဲ့ မေတ္တာရပ်ခံချင်ပါတယ်''
http://www.mizzimaburmese.com/interview/5124-2010-03-26-16-36-49.html

၆၅ နှစ်မြောက် ဖက်ဆစ်တော်လှန်ရေးနေ့ အင်န်အယ်ဒီရုံးချုပ်တွင် ကျင်းပ





မိုးမခဓာတ်ပုံသတင်း
မတ် ၂၈၊ ၂၀၁၀
ယမန်နေ့က ကျရောက်သော မြန်မာပြည်၏ ဖက်ဆစ်တော်လှန်ရေးနေ့ ၆၅ နှစ် နှစ်ပတ်လည် အခမ်းအနားကို ရန်ကုန်မြို့ ရွှေဂုံတိုင်ရှိ အင်န်အယ်ဒီပါတီရုံးချုပ်တွင် ကျင်းပခဲ့သည်ကိုတွေ့ရစဉ်။

ဒေါ်အောင်ဆန်းစုကြည်နဲ့ ဗိုလ်ချုပ်မှူးကြီးသန်းရွှေ အမြန်ဆုံးတွေ့ဆုံရေး NLD တောင်းဆို

27 March 2010


ဗိုလ်ချုပ်မှူးကြီးသန်းရွှေအနေနဲ့ ဒေါ်အောင်ဆန်းစုကြည်နဲ့ အမြန်ဆုံးတွေ့ဆုံ ဆွေးနွေးဖို့နဲ့ ၁၉၉၀ ပြည့် ရွေးကောက်ပွဲမှာ အနိုင်ရခဲ့တဲ့ တိုင်းရင်းသားနိုင်ငံရေးပါတီတွေကို တရားဝင် ရပ်တည်ခွင့်ပေးဖို့ အမျိုးသားဒီမိုကရေစီအဖွဲ့ချုပ်က တောင်းဆိုလိုက်ပါတယ်။ မတ်လ ၂၇ ရက်မှာကျရောက်တဲ့ (၆၅) နှစ်မြောက် ဖက်ဆစ်တော်လှန်ရေးနေ့မှာ ထုတ်ပြန်တဲ့ ကြေညာချက် ၈/၀၃-၁၀ မှာ ဒီတောင်းဆိုချက်တွေကို ထည့်သွင်း ဖော်ပြထားတာဖြစ်ပါတယ်။ ဒီအကြောင်းနဲ့ပတ်သက်ပြီး အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့ဝင် ဦးဉာဏ်ဝင်းကို ကိုဇော်ဝင်းလှိုင်က ဆက်သွယ်မေးမြန်းထားပါတယ်။

ဗိုလ်ချုပ်မှူးကြီးသန်းရွှေနဲ့ ဒေါ်အောင်ဆန်းစုကြည်တို့ တွေ့ဆုံရေးဟာ လက်ရှိ မြန်မာ့နိုင်ငံရေးအခြေအနေအရ အင်မတန် အရေးပါတယ်လို့ ဆိုပါတယ်။ အလားတူစွာပဲ တိုင်းရင်းသား နိုင်ငံရေးအဖွဲ့အစည်းတွေရဲ့ အခန်းကဏ္ဍဟာလည်း မရှိမဖြစ် လိုအပ်တဲ့အတွက် ဒီအချက်တွေကို တောင်းဆိုတာဖြစ်တယ်လို့ NLD က ဆိုပါတယ်။

ဒီကနေ့ ဖက်ဆစ်တော်လှန်ရေးနေ့မှာ NLD က ထုတ်ပြန်တဲ့တောင်းဆိုချက် အသေးစိတ်ကိုတော့ ဦးဉာဏ်ဝင်းက အခုလို ရှင်းပြပါတယ်။

"လက်ရှိဖြစ်ပေါ်နေတဲ့ အခြေအနေများအရ နိုင်ငံရေးအရ ဗိုလ်ချုပ်မှူးကြီး သန်းရွှေနဲ့ ဒေါ်အောင်ဆန်းစုကြည်နဲ့ အမြန်ဆုံးတွေ့ဆုံဆွေးနွေးမှု ပြုရန်ဆိုတာ ဒါ ထူးခြားတဲ့ဟာပေါ့။ ကျန်တဲ့တောင်းဆိုတဲ့ဟာကတော့ ဒေါ်အောင်ဆန်းစုကြည်ကို ချုပ်နှောင်ထားတာဟာ မတရားတဲ့ချုပ်နှောင်ထားမှုဖြစ်တဲ့အတွက် အမြန်ဆုံး လွှတ်ပေးဖို့၊ မြန်မာနိုင်ငံရဲ့ နိုင်ငံရေးဖြစ်စဉ်တွေမှာ ဒေါ်အောင်ဆန်းစုကြည် ပါဝင်ခွင့်ပေးဖို့၊ ရှမ်းတိုင်းရင်းသားများ ဒီမိုကရေစီအဖွဲ့ချုပ် ဥက္ကဌ ခွန်ထွန်းဦး၊ အတွင်းရေးမှူး ဆန်းညွှန့်လွင် တို့ကို အမြန်ဆုံး လွှတ်ပေးဖို့၊ ပိတ်ပင်ထားတဲ့တိုင်းရင်းသားပါတီတွေကို ပြန်လည်ဖွင့်လှစ်ခွင့်ပေးဖို့ အဲဒါတွေပါ။"

ဆိုတော့ NLD တောင်းဆိုချက်ထဲမှာတော့ ဒေါ်အောင်ဆန်းစုကြည်ရဲ့ အခန်းကဏ္ဍကို ပါဝင်ခွင့် တောင်းဆိုထားတယ်။ တကယ်လို့ ဒေါ်အောင်ဆန်းစုကြည်သာ ပါဝင်ခွင့်ပြုမယ်ဆိုရင် NLD က ရွေးကောက်ပွဲအပေါ်မှာ စဉ်းစားတဲ့နေရာမှာ အဲဒီအချက်ကို ထည့်သွင်းစဉ်းစားမှာလား။ ရွေးကောက်ပွဲ ၀င်ရေးမ၀င်ရေး ကိစ္စက။ -

"ဒါတွေက ဆက်စပ်မှုတော့ ရှိမှာပေါ့။ ကျနော်တို့ အခု ဒီလိုလုပ်ပေးပါ၊ ဒီလိုလုပ်ပေးရင် ကျနော်တို့ ဘာလုပ်မယ်ဆိုတာ မျိုးတော့ ဒီလိုတော့ တိတိကျကျ မရှိဘူးပေါ့ဗျာ။ ဒါတွေကတော့ ဆက်စပ်မှုရှိမှာပဲ။"

ရွှေဂုံတိုင် ကြေညာချက်အပေါ်မှာ စစ်အစိုးရက အတိုင်းအတာတခုအထိ လိုက်လျောမယ်၊ သဘောက ဒေါ်အောင်ဆန်းစုကြည်ကိုပဲ လွှတ်ပေးမယ်၊ ဖွဲ့စည်းပုံ အခြေခံဥပဒေကို မပြင်ဘဲနဲ့ ရွေးကောက်ပွဲကို ဆက်လုပ်မယ်ဆိုရင်တော့ ဒါ တမျိုးတမည် ဖြစ်လာနိုင်တယ်ပေါ့။ -

"ကျနော်တို့ အဲဒီလို အပြောင်းအလဲရှိရင် ဒီဘက်မှာလည်း စဉ်းစားတာ အပြောင်းအလဲရှိမှာ သေချာပါတယ်။"

NLD ဗဟိုကော်မီတီဝင်လည်းဖြစ်၊ ပါတီပြောခွင့်ရပုဂ္ဂိုလ်လည်းဖြစ်တဲ့ ဦးဉာဏ်ဝင်း ပြောပြခဲ့တာပါ။

ဒီကနေ့အခမ်းအနားကို NLD အဖွဲ့ဝင်တွေအပါအ၀င် ဧည့်ပရိသတ် ၄၀၀ လောက် တက်ရောက်ခဲ့ကြပြီး ဌာနချုပ် အပြင်ဖက်မှာတော့ စစ်အစိုးရရဲ့ လုံခြုံရေး ၁၀၀ ကျော် စောင့်ကြည့်နေခဲ့ပါတယ်။ ဒီလုံခြုံရေးပမာဏဟာ သိပ်များပြားတယ်မဆိုသာပေမဲ့ ခါတိုင်းထက်တော့ ပိုများတယ်လို့ ဆိုနိုင်ပါတယ်။

အမျိုးသားဒီမိုကရေစီအဖွဲ့ချုပ်ဟာ စစ်အစိုးရပြန်ဌာန်းထားတဲ့ ရွေးကောက်ပွဲဥပဒေအရ တရားဝင် မှတ်ပုံတင်ပြီး ရွေးကောက်ပွဲ ၀င်သင့် မ၀င်သင့်ဆိုတာကို လာမယ့်မတ်လ ၂၉ ရက် တနင်္လာနေ့မှာ ဒီပါတီဌာနချုပ်မှာပဲ စည်းဝေးပြီး ဆုံးဖြတ်ချက်ချမှာဖြစ်ပါတယ်။

ဒေါ်အောင်ဆန်းစုကြည် ရွေးကောက်ပွဲမှာပါဝင်ခွင့်မရှိလျှင် ဂျပန်အစိုးရမှ လူသားချင်းဆိုင်ရာထောက်ပံမှုများလုံးဝရပ်ဆိုင်းဖို့ စဉ်းစားနေကြောင်းထုတ်ပြန်

ဒီနှစ် မြန်မာနိုင်ငံမှာ ကျင်းပပြုလုပ်မဲ့ (၂၀၁၀)ရွေးကောက်ပွဲမှာ နေအိမ်အကျယ်ချုပ်ချခံထားခြင်း
ခံရသောဒေါ်အောင်ဆန်းစုကြည် အား ပါဝင်ခွင့်မရအောင်ပြုလုပ်ထားခြင်းနှင့်ပတ်သတ်၍ ဂျပန်နိုင်ငံ
ခြားရေးဝန်ကြီး Okadaမှ မြန်မာနိုင်ငံအားလူသားချင်းဆိုင်ရာအထောက်အပံ့များ၊ စီးပွားရေးဆိုင်ရာ
ထောက်ပံ့ငွေများရပ်ဆိုင်းဖို့စဉ်းစားနေတယ်လို့ပြောဆိုလိုက်ပါတယ်။

မြန်မာစစ်အစိုးရမှ ဒီလ(၈)ရက်နေ့က ရွေးကောက်ပွဲဆိုင်ရာ ဥပဒေသစ်များကို ထုတ်ပြန်ခဲ့ပြီး
ဒီဥပဒေထဲမှာဒေါ်အောင်ဆန်းစုကြည် ပါဝင်ခွင့်မရနိုင်တာဂျပန်အစိုးရမှထောက်ပြပြောဆိုနေပါတယ်။
ပါဝင်ခွင့်ရအောင် ပြန်လည်စဉ်းစားစေလိုကြောင်းပြောဆိုလိုက်ပါတယ်။

ဂျပန်နိုင်ငံခြားရေးဝန်ကြီးOkadaမှ(၂၆)ရက်နေ့ကပြုလုပ်တဲ့သတင်းစာရှင်းလင်းပွဲမှာဒေါ်အောင်ဆန်းစု
ကြည်ဟာ (၂၀၁၀)ရွေးကောက်ပွဲမှာဦးဆောင်ပါဝင်နိုင်မှာမဟုတ်ဘူးဆိုတာသိတဲ့အတွက် တော်တော်
လေးဝမ်းနည်းကြောင်းပြောဆိုသွားခဲ့ပါတယ်။

အဲဒီနေ့မှာဘဲဂျပန်နိုင်ငံရှိဂျပန်နိုင်ငံဆိုင်ရာမြန်မာသံအမတ်ဦးလှမင်းအား၎င်းကိစ္စနှင့်ပတ်သတ်
၍ ခေါ်ယူတွေ့ဆုံခဲ့ပြီး ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားများပါဝင်ခွင့်မရှိလျှင်
ဂျပန်အစိုးရမှ စီးပွားရေးဆိုင်ရာထောက်ပံ့ငွေများ ရပ်ဆိုင်းဖို့စဉ်းစားနေတယ်လို့ပြော
ဆိုလိုက်ပါတယ်။မြန်မာသံအမတ်ဦးလှမင်းကလည်းဂျပန်နိုင်ငံကထောက်ပံ့မှုဖြတ်တောက်
ဖို့စဉ်းစားနေတဲ့ကိစ္စကိုနအဖစစ်အစိုးရကို အကြောင်းပြန်လိုက်မှာဖြစ်ကြောင်းပြောဆိုတယ်
လို့သိရပါတယ်။

သတင်း ။။ ဒေါင်းမာန်ဟုန်

ပါတီရေးရာကိစ္စများ အများဆန္ဒအတိုင်း လက်ခံမည်




စိုးမိုး/ ၂၆ မတ် ၂ဝ၁ဝ


အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) အနေဖြင့် စစ်အစိုးရထုတ်ပြန်သည့် ပါတီမှတ်ပုံတင်ရေး ဥပဒေအရ ပါတီကို ပြန်လည်မှတ်ပုံတင်ရေး မတင်ရေးအတွက် သဘောထားကွဲပြားမှုများ ဖြစ်ပေါ်နေသော်လည်း အများစုဆန္ဒအတိုင်းသာ ငြိမ်းငြိမ်းချမ်းချမ်း ဆုံးဖြတ်လုပ်ကိုင်သွားမည်ဖြစ်ကြောင်း ပါတီဗဟိုအလုပ်အမှုဆောင်အဖွဲ့ဝင် ဦးခင်မောင်ဆွေက ပြောကြားသည်။

ပါတီ မှတ်ပုံတင်ရေး မတင်ရေးကို လာမည့် (၂၉) ရက်နေ့တွင် ပါတီအတွင်း မဲခွဲဆုံးဖြတ်မည်ဟု သတင်းများထွက်ပေါ်နေပြီး ယင်းမဲခွဲ ဆုံးဖြတ်မှုအရ အန်အယ်လ်ဒီပါတီ (၂) ခြမ်း ကွဲသွားနိုင်သည်ဟု လူထုအတွင်း စိုးရိမ်မှုများ ဖြစ်ပေါ်နေသည့်ကာလတွင် ဦးခင်မောင်ဆွေက ယခုကဲ့သို့ ပြောကြားလိုက်ခြင်းဖြစ်သည်။

၎င်းက “ကျနော်တို့ကတော့ ဘာမှ ထူးထူးထွေထွေ စဉ်းစားထားတာ မရှိပါဘူး။ အများက သဘောကျတဲ့ အပေါ်မှာပဲ ဒါကတော့ သွားကြရမယ့် သဘောလေးရှိနေပြီ ဆိုတာကတော့ မြင်သာထင်သာဖြစ်နေပြီလေ။ ပြေပြေလည်လည်နဲ့ ငြိမ်းငြိမ်းချမ်းချမ်း ဖြစ်စေချင်တဲ့ အပေါ်မှာလည်း ကျနော်တို့ အလေးအနက်ထား စဉ်းစားပေးကြရမှာကိုး” ဟု ပြောကြားသည်။

ယခုမတ်လအစောပိုင်းတွင် နအဖစစ်အစိုးရက ၂၀၁၀ ခုနှစ်အတွင်း ကျင်းပရန်ရှိသည့် ရွေးကောက်ပွဲအတွက် ရွေးကောက်ပွဲ ဥပဒေများ ထုတ်ပြန်ခဲ့ရာတွင် ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားများ အားလုံးအတွက် သက်ဆိုင်အကျုံးဝင်နေသည့် နိုင်ငံရေးပါတီများ မှတ်ပုံတင်ခြင်းဥပဒေကို ထုတ်ပြန်ခဲ့သည်။

နအဖစစ်အစိုးရက မတ်လ (၈) ရက်နေ့စွဲဖြင့် ထုတ်ပြန်လိုက်သည့် နိုင်ငံရေးပါတီများ မှတ်ပုံတင်ခြင်းဥပဒေတွင် ပါတီထောင်လိုသူများသည် ထောင်ဒဏ်ကျခံနေရသူ မဖြစ်စေရ၊ ထောင်ဒဏ်ကျခံနေရသူများသည် ပါတီဝင်ဖြစ်ခွင့်မရှိ၊ ထောင်ကျသူကို ပါတီဝင်အဖြစ်မှ မထုတ်ပါက နိုင်ငံရေးပါတီအဖြစ် မှတ်ပုံတင်ထားခြင်းကို ပယ်ဖျက်၍ ပါတီကို ဖျက်သိမ်းရမည်ဟု ထည့်သွင်းဖော်ပြထားသည်။

ယင်းသို့ ပါတီမှတ်ပုံတင်ခြင်းဥပဒေများ ထွက်လာပြီးသည့်နောက် အန်အယ်လ်ဒီအတွင်း ပါတီကို မှတ်ပုံတင်သင့် မတင်သင့် သဘောထား (၂) ခု ပေါ်ထွက်လာရာတွင် ဦးခင်မောင်ဆွေက အန်အယ်လ်ဒီပါတီ မှတ်ပုံတင်သင့်သည့်ဘက်မှ ယုံကြည် ရပ်တည်နေသူဖြစ်သည်။

နေအိမ်အကျယ်ချုပ်ကျခံနေရသည့် အန်အယ်လ်ဒီပါတီ အထွေထွေအတွင်းရေးမှူး ဒေါ်အောင်ဆန်းစုကြည်ကမူ မတရားသည့်ဥပဒေနှင့် မှတ်ပုံတင်ခြင်းကို သူ့အနေဖြင့် လက်မခံကြောင်း၊ သို့သော် အဖွဲ့ချုပ်အနေဖြင့် ဒီမိုကရေစီ နည်းလမ်းနှင့်အညီ ဆုံးဖြတ်ကြရန် ရှေ့နေကြီး ဦးဉာဏ်ဝင်းမှတဆင့် ၎င်း၏တဦးချင်းသဘောထားကို ပြောဆိုခဲ့ပြီးဖြစ်သည်။

ယင်းသို့ ဒေါ်အောင်ဆန်းစုကြည်၏ ပြောဆိုချက်အပေါ် ဦးခင်မောင်ဆွေက “သူမှတ်ပုံမတင်ချင်ဘူးလို့ဘဲ ပြောတာကိုး၊ မှတ်ပုံမတင်ချင်ဘူးဆိုတာ မှတ်ပုံမတင်ချင်ဘူးဆိုတာရဲ့ နောက်မှာ အများဆန္ဒ လက်ခံမယ်ဆိုတာ ပါတဲ့အခါရောက်တော့ ဘယ်လို ပုံစံသွားမယ်ဆိုတာ သဲသဲကွဲကွဲ မသိရသေးဘူး” ဟု ပြောဆိုသည်။

အခြေခံလူ့အခွင့်အရေးအရ တဦးချင်းတွင်လည်း အဖွဲ့အစည်း ဖွဲ့စည်းပိုင်ခွင့် ရှိနေသည့်အပြင် ဒီမိုကရေစီကျင့်စဉ်တွင် အများစုဆန္ဒကို လေးစားရသကဲ့သို့ အနည်းစုဆန္ဒကိုလည်း မပစ်ပယ်သင့်ကြောင်း ၎င်းက ဆက်လက်ပြောကြားသည်။

“တဖက်နဲ့တဖက် ကွဲပြားပြီး ရန်ဖြစ်တာမျိုးတို့၊ ငါနဲ့မတူ ငါ့ရန်သူဆိုတာမျိုးတို့ ဒါတွေ မလုပ်မိအောင်တော့ ကျနော်တို့အနေနဲ့ စောင့်ထိန်းရမယ့်တာဝန်တွေ ယုံကြည်ချက်တွေကို လေးစားလိုက်နာဖို့ လိုတာပေါ့လေ။ အဓိကကတော့ ဒီမိုကရေစီမှာ အများစုဆန္ဒကို လေးစားရသလို အနည်းစုဆန္ဒကိုလည်း မပစ်ပယ်ရဘူးလို့ ရှိသလို အများစု အနိုင်ကျင့်တာမျိုးလည်း မဖြစ်ဖို့ လိုတယ်လို့တော့ ယူဆဖွယ်ရာရှိတာပေါ့ဗျာ” ဟု ဦးခင်မောင်ဆွေက ပြောကြားသည်။

ဦးခင်မောင်ဆွေသည် ၁၉၉၁ ခုနှစ်နှင့် ၁၉၉၄ ခုနှစ်တို့တွင် စစ်အစိုးရ၏ (၂) ကြိမ်တိုင်တိုင် ဖမ်းဆီးထောင်ချခံခဲ့ရပြီး အကျဉ်းထောင်ထဲတွင် (၁၆) နှစ်တိုင် နေထိုင်ခဲ့ရကာ ၂၀၀၈ ခုနှစ်တွင် ဒေါက်တာ သန်းငြိမ်း၊ ဦးဝင်းတင်တို့နှင့်အတူ လွတ်မြောက်လာခဲ့ပြီး အန်အယ်လ်ဒီတွင် ပြန်လည်တာဝန်ထမ်းဆောင်နေခြင်းဖြစ်သည်။

ထောင်မှလွတ်မြောက်သည့် ၂၀၀၈ ခုနှစ်တွင် ဦးခင်မောင်ဆွေက စစ်အစိုးရအနေဖြင့် တွေ့ဆုံဆွေးနွေး အဖြေရှာခြင်းမလုပ်ဘဲ ၂၀၀၈ ခုနှစ် ဖွဲ့စည်းပုံကို အတင်းအကျပ် အသက်သွင်းပြီး ရွေးကောက်ပွဲကို ဖြတ်သန်းရုံဖြင့် လက်ရှိ တိုင်းပြည်၏နိုင်ငံရေး ပြဿနာများကို ဖြေရှင်းနိုင်မည်မဟုတ်ဟု ဗွီအိုအေသတင်းဌာနကို ပြောကြားခဲ့ဖူးသည်။

ဦးဝင်းတင်နဲ့ စကားလက်ဆုံ - ခွဲခြင်း၊ ကွဲခြင်း မရှိတဲ့ တခုတည်းသောလူထုပါတီ - အင်န်အယ်ဒီ

မိုးမခ
မတ် ၂၇၊ ၂၀၁၀
ယမန်နေ့က ဟံသာဝတီဦးဝင်းတင်နဲ့ ထပ်မံတွေ့ဆုံဖြစ်ပါတယ်။ ၂၀၁၀ ရွေးကောက်ပွဲနဲ့ အင်န်အယ်ဒီရပ်တည်ချက် အလားအလာမှာ မြန်မာပြည်တွင်းမှာကော မြန်မာပြည်ပမှာပါ အင်န်အယ်ဒီပါတီဝင်တွေက ပါတီကို မှတ်ပုံမတင်ဘူး၊ ရွေးကောက်ပွဲ မ၀င်နိုင်ဘူးဆိုတဲ့ တခဲနက်သော သဘောထားတွေကို ရဲရဲရင့်ရင့် ထုတ်ပြန်လာတဲ့အချိန်၊ အင်န်အယ်ဒီရဲ့ အဆုံးအဖြတ်ကိုပေးမယ့် ခေါင်းဆောင် ၁၀၀ ကျော်ရဲ့ အစည်းအဝေးကလည်း နီးကပ်လာချိန်မှာ ပါတီရဲ့ ရှေ့ရေးကို အဓိကထားပြီး မေးမိပါတယ်။
အခုသည်စကားလက်ဆုံ (အင်တာဗျူး)ကို မေးသူရဲ့ တင်ပြပုံနဲ့ပဲ ရေးဖို့ ရွေးချယ်ထားပါတယ်။ ဆရာဦးဝင်းတင် ပြန်လည် ဖြေဆိုချက်တွေထဲက ကောက်နုတ်ဖော်ပြချက်တွေနဲ့ တင်ပြသွားမှာ ဖြစ်ပါတယ်။


ပထမဦးဆုံး ပြောဖြစ်တဲ့ အချက်ကတော့ - အင်န်အယ်ဒီဟာ အများက ဟောကိန်းထုတ်နေကြသလို ကွဲကြမှာလား၊ ခွဲကြမှာလား ဆိုတဲ့ မေးခွန်း ဖြစ်ပါတယ်။ ဆရာက ပြန်လည် ဖြေကြားရာမှာ -
စစ်အစိုးရက ချပေးထားတဲ့ အကွက်ထဲမှာ အင်န်အယ်ဒီပါတီဟာ ကွဲလို့လည်း မဖြစ်ဘူး၊ ခွဲလို့လည်း မဖြစ်ဘူး။ အဓိကစဉ်းစားကြရမှာက ပါတီနဲ့ ပါတီဝင်တွေအားလုံး တစုတစည်းတည်း ရပ်တည်ကြဖို့ ဖြစ်တယ်။ ပါတီကို မှတ်ပုံတင်ပြီးတော့ ရွေးကောက်ပွဲဝင်မယ်ဆိုရင်လည်း စစ်အစိုးရရဲ့ လမ်းကြောင်းနောက်ကို လိုက်တာ ဖြစ်သွားတော့မယ်။ ပါတီကို မှတ်ပုံမတင်ဘူး ဆိုရင်လည်း အခု စစ်အစိုးရရဲ့ ၂၀၁၀ ရွေးကောက်ပွဲ ဥပဒေအရ မေလ ၇ ရက်မှာ အလိုအလျောက် ပျက်ပြယ်သွားမှာ ဖြစ်တယ်။ အဲဒီ အကြပ်အတည်းတွေကြောင့် ပါတီမှာရှိနေတဲ့ လူနည်းစုသဘောထားကပဲဖြစ်ဖြစ်၊ လူများစုသဘောထားကပဲ ဖြစ်ဖြစ် ကိုယ်လုပ်ချင်တာကို ဇွတ်တိုးလုပ်ကြလို့ ရှိရင်လည်း ပါတီဟာ ကွဲကြ ပြဲကြပြီးတော့ အရှုံးနဲ့ ရင်ဆိုင်ရမှာ ဖြစ်တယ်။ သည်တော့ ခုချိန်မှာ အဲသလို နှစ်ဖက်စလုံးက အရှုံးတွေကို မရွေးမိကြဖို့ လိုတယ်။
လို့ ပြန်လည် ဖြေကြားပါတယ်။


အဲသည်မှာ ဆက်မေးမိတဲ့ မေးခွန်းကတော့ ပါတီကနေ “ထွက်”ကြတယ်။ “ထုတ်” ကြတယ် ဆိုတဲ့ ကိစ္စဖြစ်ပါတယ်။ မြန်မာပြည်လွတ်လပ်ရေး ရတဲ့အချိန်ကစပြီး နိုင်ငံရေးနယ်ပယ်မှာ လူတွေ ကွဲကြ၊ ပြဲကြတယ်။ ပြီးတော့ သဘောချင်း မတူကြလို့ မညှိနှိုင်းနိုင်ကြလို့ ပါတီထဲက အဖွဲ့တွေထဲက ထွက်ကြတယ်၊ ထုတ်ကြတယ်။ မဆလပါတီလမ်းစဉ်မှာ ပါဝင်ခဲ့ကြသူတွေကိုယ်တိုင် နောက်ကျတော့ ထွက်ကုန်ကြတယ်။ အထုတ်ခံကြရတယ်။ ဘေးထွက်ထိုင်ကြတယ်။ ဘေးကနေ ပြောကြ ဆိုကြတာတွေ ဖြစ်လာတာလဲရှိ၊ မှိန်ပြီး ပျောက်ရှသွားတာတွေလည်း ရှိတယ်။ အဲသည်လိုမျိုး အခြေအနေကို အင်န်အယ်ဒီပါတီအနေနဲ့ ဘယ်လို ရင်ဆိုင်မှာလဲ၊ ဦးဝင်းတင်က ဘယ်လိုသဘောထား ရှိသလဲဆိုတဲ့ မေးခွန်းဖြစ်ပါတယ်။ ဆရာ့ ပြောကြားချက်တွေထဲက အဓိကအချက်တွေကို ပြန်လည် တင်ပြရမယ် ဆိုရင် -
ပါတီတရပ်လုံးက ဒေါ်အောင်ဆန်းစုကြည်ရဲ့ ရပ်တည်ချက်ကို စံနမူနာယူပြီးတော့ အတူတကွ တစုတစည်းတည်း ရပ်တည်ကြဖို့ ဖြစ်ပါတယ်။ ဒေါ်အောင်ဆန်းစုကြည်က သူ့ဆုံးဖြတ်ချက်အနေနဲ့ကတော့ ပါတီကို မှတ်ပုံမတင်နိုင်ဘူး။ ထို့အတူ ပါတီရဲ့ ဆုံးဖြတ်ချက်ကိုတော့ လိုက်နာမယ်လို့ ပြောလိုက်ပါတယ်။ အခုအရေးကိစ္စကို အားလုံးက ဆွေးနွေးဆုံးဖြတ်ကြတဲ့နေရာမှာ လူနည်းစုကလည်း ကိုယ်လုပ်ချင်တာကို အတင်းဆုပ်ကိုင်ထားလို့ မရဘူး။ ဇွတ်လုပ်ကြဖို့ မလိုဘူး။ အများစုအနေနဲ့ကလည်း အားလုံးကို စည်းရုံးပြီးတော့ လက်တွဲပြီး ရပ်တည်ကြဖို့ လိုပါတယ်။ လူများစုပဲ ဖြစ်ဖြစ်၊ လူနည်းစုပဲ ဖြစ်ဖြစ် ခွဲကြ၊ ထွက်ကြ လုပ်ကြမယ် ဆိုရင် အခုဟာက ဟိုတုန်းက ခေတ်နဲ့ မတူတော့ဘူး။ သည်အတိုင်း ဘေးမှာ၊ အပြင်မှာ ရပ်တည်ခွင့်ရှိမှာ မဟုတ်ဘူး။ နည်းမျိုးစုံနဲ့ ဖယ်ရှား ရှင်းလင်းခြင်း ခံရမှာ ဖြစ်တယ်။ အားလုံးက ခုချိန်မှာ ပါတီနဲ့ တွဲလုပ်ကြပါလို့ ပြောချင်ပါတယ်။ ဒေါ်အောင်ဆန်းစုကြည်နဲ့အတူ ဒေါ်စုကို စံပြုပြီးတော့ ပါတီနဲ့ တွဲလုပ်ကြပါလို့ …
ဟု ဆိုပြီး ဖြေကြားပါတယ်။


ယခုလက်ရှိအခြေအနေမှာ ပါတီဝင်တွေ၊ ခေါင်းဆောင်တွေရဲ့ အများစုဆန္ဒက ဘယ်လိုလဲ။ ဘယ်ကို ဦးတည်နေသလဲ ဆိုတဲ့အချက်။ ပြီးတော့ အနည်းစုရဲ့ ဆန္ဒရဲ့ ဦးတည်ချက်တွေကို ထပ်မံပြီး မေးမြန်းပါတယ်။ ဆရာက …
ခုချိန်မှာ ပြည်နယ်တွေ တိုင်းတွေက ခေါင်းဆောင်တွေ၊ ပါတီဝင်တွေရဲ့ သဘောထား ၇၀ ရာခိုင်နှုန်းက မှတ်ပုံမတင်ရေး ဖြစ်ပါတယ်။ ဒေါ်အောင်ဆန်းစုကြည်ရဲ့ သဘောထားကို မထုတ်ပြန်ခင်ကတည်းက သူတို့တတွေက မှတ်ပုံမတင်နိုင်ဘူးလို့ အများစုက ဆိုထားတယ်။ ဒါ့အပြင် တိုင်းရင်းသားနိုင်ငံရေးပါတီတွေကိုယ်တိုင်ကလည်း အဲဒီသဘောကို ထုတ်ဖော်ပြောဆိုပါတယ်။ ဥပမာ အက်စ်အင်န်အယ်ဒီပါတီ အစရှိသည်ဖြင့်။ ပါတီမှတ်ပုံတင်ဖို့၊ ရွေးကောက်ပွဲဝင်ဖို့ဘက်က စည်းရုံး ပြောဆိုတာတွေ ရှိပေမယ့် အများစုက နိုးလို့ ဖြေထားတာ ဖြစ်ပါတယ်။
အခုအချိန်မှာ နိုင်ငံတကာကကော၊ ယူအင်မှာပါ မြန်မာ့အရေးကိစ္စကို ဆွေးနွေးနေရတဲ့ အချိန်လည်း ဖြစ်လာပါတယ်။ နယ်စပ်က တိုင်းရင်းသားတွေရဲ့ သဘောထားကလည်း တညီတညွတ်တည်း ရှိနေတယ်။ အဲသည်အချိန်မှာ တစုတစည်းတည်း တညီတညွတ်တည်း တသံတည်း ရပ်တည်ကြရမှာ ဖြစ်ပါတယ်။
ပြောချင်တာကတော့ အခု နအဖချပေးထားတဲ့ လမ်းကြောင်းက ၂ ဖက်စလုံး ဘယ်ဟာပဲ ရွေးရွေး အရှုံးချည်းနဲ့ လမ်းတွေ ဖြစ်နေတယ်။ ကျနော်တို့က ကျနော်တို့တွေ အချင်းချင်းမှာ သဘောထားကြီးကြီး ထားကြရမယ်။ အဆိုးဆုံးအနေနဲ့ အရှုံးချင်း တူနေရင်တောင် ကျနော်တို့က ညီညီညွတ်ညွတ် အရှုံးခံနိုင်ကြရမယ်။ နအဖလမ်းကြောင်းကို မလိုက်နာနိုင်ဘူးဆိုရင် ကျနော်တို့ပါတီအလံကို မလွှင့်ထူဘဲ ခေါက်ထားနိုင်ရမယ်။ အဲသည်အတွက် ကျနော်တို့အားလုံးက တသွေးတည်း တသံတည်းနဲ့ ညီညီညွတ်ညွတ် ပါတီအလံကို လွှင့်ထူနိုင်တဲ့ အချိန်လည်း နောင်မှာ ရောက်လာမှာ ဖြစ်တယ်။


ယခုလိုမျိုး အချိန်ကာလတိုတိုအတွင်းမှာ နအဖစစ်အစိုးရက ၂၀၁၀ ရွေးကောက်ပွဲ ဥပဒေနဲ့ ခြေလှမ်းတွေ ပြင်ဆင်လာတယ်။ အဲသည်အတွက် အခြားသော နိုင်ငံရေးအစုအဖွဲ့တွေ၊ လူတွေ၊ ပုဂ္ဂိုလ်တွေကလည်း လှုပ်ရှားလာကြတယ်။ သို့သော် အဲဒါတွေထက် ပိုပြီး အံသြစရာကောင်းပြီး စိတ်လှုပ်ရှားစရာကောင်းတဲ့ အခြေအနေတခုကတော့ အခုလို အချိန်တိုတိုအတွင်းမှာ ဒေါ်အောင်ဆန်းစုကြည် ဦးဆောင်တဲ့ အင်န်အယ်ဒီပါတီက ပါတီခေါင်းဆောင်အသီးသီး၊ လူငယ်၊ အမျိုးသမီးနဲ့ ဒေသအသီးသီးက ပါတီဝင်တွေ အားလုံးရဲ့ နိုင်ငံရေး နိုးကြားတက်ကြွမှုတွေ၊ ရဲရင့်မှုတွေ၊ ပွင့်လင်းတဲ့ ပြောဆိုဆွေးနွေး လှုပ်ရှားမှုတွေ၊ ညီညွတ်စည်းလုံးမှုတွေ ဖြစ်ပေါ်လာနေတာကို တွေ့ရတာ ဖြစ်ပါတယ်။ အဲသည်လို အလွန် အားကောင်းတဲ့ ရဲရင့်မှု၊ စည်းလုံးမှုတွေနဲ့ ပါတီတရပ်ဟာ ဘယ်လိုမျိုး လုပ်ကိုင်စရာတွေ ခြေလှမ်းတွေကို အခုလိုမျိုး အချိန်တိုတိုအတွင်း ဆက်လက်လှုပ်ရှားနိုင်မှာလဲ ဆိုတဲ့ မေးခွန်း ဖြစ်ပါတယ်။ ဆရာရဲ့ သဘောထားက -
ကျနော်တို့မှာ နိုင်ငံရေးပါတီတရပ်အနေနဲ့ အခုလိုမျိုး ရပ်တည်ပြီးတော့ ဦးဆောင်မှုတွေ လှုပ်ရှားမှုတွေ ဆက်လက်ဆောင်ရွက်နေရမှာ ဖြစ်ပါတယ်။ တိုင်းရင်းသားတွေနဲ့ နိုင်ငံတကာမိသားစုတွေနဲ့ ဒီထက်ပိုပြီး ထိတွေ့ကြရမယ်။ တွေ့ဆုံရှင်းလင်း နားလည်မှုတွေ ယူကြရမယ်။ ဒါ့အပြင် ကိုယ်နဲ့ ဝေးကွာနေတဲ့ ပြည်သူတွေ၊ ပါတီဝင်တွေ၊ မိသားစုဝင်တွေနဲ့လည်း အခုလို အချိန်တိုတိုပဲ ဖြစ်ဖြစ်၊ ဘာဖြစ်ဖြစ် ပြောဆိုဆွေးနွေး လက်တွဲကြရမယ်။ ချိတ်ဆက်ကြရမယ့် အလုပ်တွေကို ဆောင်ရွက်ကြရမှာ ဖြစ်ပါတယ်။ ကျနော်တို့နဲ့အတူ ရဲရင့်တဲ့ ခေါင်းဆောင်တွေ ရှိနေပါတယ်။ ဦးတင်ဦးကလည်း ကျနော်တို့နဲ့အတူ လက်တွဲပြီး ရပ်တည်ပြီး ဦးဆောင်မှု ပေးနေတယ်။
အခုချိန်မှာ ကျနော်တို့က အင်န်အယ်ဒီပါတီအနေနဲ့ အားလုံးအတူတူ လက်တွဲပြီးတော့ ရဲရဲရင့်ရင့်နဲ့ စည်းစည်းလုံးလုံး ရပ်တည်ကြရမှာ ဖြစ်တယ်လို့ ပြောချင်ပါတယ်။ ဒီအချိန်မှာ ပါတီဝင်တွေက လူထုရှေ့မှာ စစ်အစိုးရရှေ့မှာ ကွဲတာတွေ၊ ခွဲတာတွေ ပြောပြီး အချိန်ဖြုန်းရမယ့် အချိန်မဟုတ်ပါဘူး။ ပြီးတော့ အခုချိန်မှာ ပါတီနဲ့ လက်တွဲကြပါ။ ပါတီကို လက်တွဲဖြုတ်ပြီးတော့ စစ်အစိုးဆီမှာ လက်နက်သွားချရမယ့် အချိန်မဟုတ်ဘူးလို့လည်း ပြောချင်ပါတယ်။

Friday, March 26, 2010

အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) က အဖွဲ့ချုပ်နဲ့ ပတ်သက်တဲ့ သဘောထားထုတ်ပြန်

NLD LA (HQ)[1]

အဖွဲ့ချုပ်ရုံးများ ပြန်ဖွင့်၊ (၂၉) ရက်နေ့ ဆုံးဖြတ်ချက်ကို စောင့်နေ

အန်အယ်လ်ဒီ ဘာလုပ်မည်ကို ပြည်သူများစိတ်ဝင်စား


တက်လူ/ ၂၆ မတ် ၂ဝ၁ဝ


အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) အနေဖြင့် ပါတီမှတ်ပုံတင်မည် မတင်မည်ကို ရန်ကုန်ပြည်သူတို့က အလွန်စိတ်ဝင်စားနေကြသည်။

ရန်ကုန်တိုင်း၊ ပဲခူးတိုင်း၊ မန္တလေးတိုင်းတို့ရှိ (၂၄) မြို့နယ်မှ ပါတီဝင်များက ပါတီမှတ်ပုံတင်မည်ဆိုလျှင် ကန့်ကွက်မည်ဟု ဆုံးဖြတ်ထားကြောင်း၊ ရွှေဂုံတိုင်ကြေညာစာတမ်းကို ဆုတ်ကိုင်သွားမည်ဖြစ်ကြောင်း သိရသည်။

၁၉၉၀ ပြည့်နှစ် ရွေးကောက်ပွဲတွင် အန်အယ်လ်ဒီဘက်မှ ပါတီတာဝန်ကို ဆောင်ရွက်ခဲ့သော အမျိုးသမီး စာနယ်ဇင်းသမား တဦးက “ကျမတို့ပါတီက ၁၉၉၀ မှာ အနိုင်ရထားပြီးသားဖြစ်တယ်။ အခုရွေးကောက်ပွဲမှာ ပါဝင်မယ်ဆိုရင် အရင်က နိုင်ခဲ့တာ ပပျောက်သွားမှာဖြစ်တယ်။ အစိုးရကတော့ ၁၉၉၀ ရွေးကောက်ပွဲရလဒ်ကို ဖျောက်ပစ်တာဖြစ်ပေမယ့် ကျမတို့ ရင်ထဲမှာ ရှိနေဆဲဖြစ်တယ်” ဟု ပြောသည်။

အဆိုပါ အမျိုးသမီးသည် ရန်ကုန်တိုင်း ကြည့်မြင်တိုင်မြို့နယ်မှ ပါတီဝင်တဦးဖြစ်ပြီး စစ်အစိုးရ၏ ဖိအားပေးမှုကြောင့် ပါတီမှ နုတ်ထွက်ထားရသူဖြစ်သည်။

အန်အယ်လ်ဒီပါတီ မှတ်ပုံမတင်ရေးထောက်ခံသည့် တိုင်းတို့မှ မြို့နယ်များမှာ စုစုပေါင်း (၂၄) မြို့နယ်ဖြစ်ပြီး ရန်ကုန်တိုင်းတွင် အင်းစိန်၊ ပဲခူတိုင်းတွင် (၁၉) မြို့နယ်နှင့် မန္တလေးတိုင်းတွင် (၄) မြို့နယ်တို့ ပါဝင်ကြောင်း သာကေတမြို့နယ်မှ အန်အယ်လ်ဒီ လူငယ်အဖွဲ့ဝင်တဦးက ပြောသည်။

“ရန်ကုန်သားတွေကတော့ ရွေးကောက်ပွဲကို စိတ်ဝင်စားတယ်၊ မ၀င်စားဘူးဆိုတာထက် အန်အယ်လ်ဒီ ပါဝင်မယ်၊ မပါဝင်ဘူးဆိုတာကိုပဲ စိတ်ပိုပြီးတော့ ၀င်စားကြတယ်။ ဒေါ်စုက ပြီးခဲ့တဲ့ မတ်လ (၂၃) ရက်နေ့က မတရားတဲ့ ဥပဒေနဲ့ မှတ်ပုံတင်ခြင်းကို ကျမ ဘယ်တော့မှ လက်မခံဘူး။ ဒါပေမယ့် ဒီလိုပြောတာဟာ အဖွဲ့ချုပ်ကို အမိန့်ပေးတာလည်း မဟုတ်ဘူး၊ ညွှန်ကြားတာလည်း မဟုတ်ဘူး။ အဖွဲ့ချုပ်အနေနဲ့ကတော့ ဒီမိုကရေစီ နည်းလမ်းနဲ့အညီ ဆုံးဖြတ်ကြပါလို့ ပြောထားတော့ ကျနော်တို့က အန်အယ်လ်ဒီ ဘယ်လဲ ဘာလဲ ဆိုတာကို စိတ်ဝင်စားကြတာ၊ စောင့်ကြည့်နေကြတာ” ဟု ရန်ကုန်မြို့မှ အင်ဂျင်နီယာတဦးက ပြောသည်။

ယင်းသို့ ဒေါ်အောင်ဆန်းစုကြည်၏ သဘောထား အမြင်ထွက်ပေါ်ခဲ့ပြီးသည့်နောက် ပြည်သူလူထုအကြား လာမည့် (၂၉) ရက်တွင် အန်အယ်လ်ဒီပါတီ မှတ်ပုံတင်ရေးကိစ္စ မည်သို့ဆုံးဖြတ်မည်ကို စိတ်ဝင်တစားစောင့်ဆိုင်းနေကြကြောင်း ရန်ကုန်မြို့ခံများက ပြောသည်။

အန်အယ်လ်ဒီပါတီကို တရားဝင်ပါတီအဖြစ် ဆက်လက်ရပ်တည်လိုပါက ပါတီမှတ်ပုံတင်ခြင်း ဥပဒေပါအချက်များနှင့်အညီ ဥပဒေထုတ်ပြန်သည့်နေ့မှ ရက်ပေါင်း (၆ဝ) အတွင်း ရွေးကောက်ပွဲကော်မရှင်ထံ လျှောက်ထားရမည်ဟု ယခုလ (၈) ရက်နေ့ထုတ် “နိုင်ငံရေးပါတီများ မှတ်ပုံတင်ခြင်း ဥပဒေ” ပုဒ်မ (၂၅) ၌ ဖော်ပြထားသည်။


::: Copyright © 2004 The New Era Journal :::

နိုင်ငံရေးအကျဉ်းသား ကူညီစောင့်ရှောက်ရေး (၁၀) နှစ်ခရီး

ဝင်းဖေ လွယ်အိတ် - ၂၀


ဘီဘီစီ ပင်တိုင်ကဏ္ဍဝင်းဖေ
မတ် ၂၅၊ ၂၀၁၀သောတရှင်များခင်ဗျား …
ပြီးခဲ့တဲ့အပတ်က မြန်မာခေတ်သစ်ပန်းချီသမိုင်းရဲ့ ပထမမျိုးဆက်အကြောင်း အကျဉ်းမျှတင်ပြခဲ့ပါတယ်။ ဒီတပတ်တော့ ဒုတိယမျိုးဆက်ဖြစ်တဲ့ ပေါ်ဦးသက် ခင်မောင်ရင်နဲ့ ဝင်းဖေတို့ အကြောင်းတင်ပြမှာပါ။ ပထမမျိုးဆက်နဲ့ တချိန်တည်းမှာ လွတ်လပ်ပြီးကျယ်ပြန့်တဲ့ ခေတ်သစ်ပန်းချီကို စမ်းသပ်တဲ့ အထင်ကရ မြန်မာပန်းချီဆရာကြီး ၂ ဦးရှိခဲ့ပါသေးတယ်။ ဒါပေမယ့် အဲဒီပန်းချီဆရာကြီးတွေက ခေတ်သစ်ပန်းချီအယူအဆတွေဟာ နိုင်ငံရေးအရ အရင်းရှင်တွေရဲ့ အနောက်ကမ္ဘာမှာ အခြေခံတယ်၊ ဖောက်ပြန်တဲ့သဘောတွေရှိနိုင်တယ်ဆိုပြီး စွန့်လွှတ်ရပ်တန့်သွားခဲ့ကြပါတယ်။ သူတို့ ၂ ဦး အနက်က တဦးကတော့ အသက်အရွယ်ကြီးလာပြီး ကွယ်လွန်ချိန်နီးတဲ့အခါကျမှ လွတ်လပ်ပြီးကျယ်ပြန့်တဲ့ အယူအဆတွေနဲ့ စမ်းသပ်ပန်းချီတွေ ပြန်လည်ရေးဆွဲပါတယ်။ ဒါပေမယ့် အလွန်နောက်ကျသွားပါတယ် ။ အဲဒီပန်းချီဆရာကြီး ၂ ဦး နိုင်ငံရေးကြောင့် အနုပညာကို နောက်တန်းပို့ခဲ့တဲ့အတွက် မြန်မာပြည်အတွက် အများကြီးနစ်နာပါတယ်။
ပေါ်ဦးသက်ဟာ ကျနော့်ထက် ၆ လလောက် ငယ်ပါတယ်။ ဒုတိယကမ္ဘာစစ်ကကျန်ခဲ့တဲ့ လက်ပစ်ဗုံးဟောင်း တလုံးကြောင့် ငယ်စဉ်ကလေးဘဝကတည်းက ညာဘက်လက်တဖက် ဆုံးရှုံးခဲ့ရပါတယ်။ သူ့ဖခင်ပန်းချီဆရာကြီး ဦးလှကြီးက ဒုက္ခိတဖြစ်သွားရှာတဲ့သူ့သားကို သိပ်ချစ်တော့ သူ့သားကို အလွန်အကျွံအလိုလိုက်ပြီး ကျောင်းတက်ချင် တက် မတက်ချင်နေ ခွင့်ပြုထားခဲ့တာကြောင့် ကျောင်းနေနောက်ခဲ့ပါတယ်။ ကျနော်နဲ့ တကျောင်းတည်း အတူကြီးကြတာပါ။
ဒုတိယကမ္ဘာစစ်ကြီးအပြီး ပန်းချီဆေးတွေ သိပ်ရှားပါတယ်။ ဒါပေမယ့် ကျနော့်ဘကြီးတယောက်က စိုက်ပျိုးရေးဌာနအရာရှိဟောင်းမို့ စစ်အတွင်းက ထိမ်းသိမ်းထားခဲ့တဲ့ ပန်းချီဆေးပစ္စည်းအကောင်းစားတွေ အများကြီးရှိပါတယ်။ ပန်းချီသိပ်ဝါသနာပါတဲ့ ကျနော်ရေးဆွဲဖို့ အဲဒီပန်းချီပစ္စည်းတွေကို ပေးပါတယ်။ ကျနော်က ပေါ်ဦးသက်နဲ့ ဝေမျှပြီး ရေးဆွဲကြပါတယ်။
ကျနော်နဲ့ ပေါ်ဦးသက်ဟာ အစိုးရအထက်တန်း ကျောင်းသား ပန်းချီဝါသနာရှင်ကလေးတွေဆိုပေမယ့် ပန်းချီရေးဆွဲတဲ့နှုန်းနဲ့ အဆင့်ကမြင့်တဲ့အတွက် ဒီတုန်းက မန္တလေးမြို့မှာရှိတဲ့ အထက်ဗမာပြည် ပန်းချီကလပ်သင်းကြီးရဲ့ အသက်အငယ်ဆုံး အဖွဲ့ဝင်ကလေးတွေဖြစ်နေကြပါပြီ။ အထက်တန်းကျောင်းပညာရေးမှာ ပန်းချီ သင်တန်းရှိပေမယ့် ကျနော်တို့ ၂ ယောက်ရဲ့ လေ့လာမှုအဆင့်က ကျောင်းသင်ပန်းချီသင်တန်းနဲ့ မလုံလောက်တော့ပါဘူး။
ဒါကြောင့် မန္တလေးမြို့က အလွန်အောင်မြင်ထင်ရှားတဲ့ ပန်းချီဆရာကြီးဦးဘသက်ဆီမှာ တပည့်ခံသင်ကြားကြရပါတယ်။ ကျနော်တို့ နှစ်ယောက်စလုံးရဲ့ အထက်တန်းကျောင်း ပန်းချီဆရာကြီးကတော့ ဦးထွန်းညွန့် ဖြစ်ပါတယ်။ နောက်တော့ ပန်းချီပညာဝန်ထောက် ဖြစ်လာပါတယ်။
ဆရာကြီးဦးဘသက်ရဲ့အကြောင်းကို သီးခြားတင်ပြပါ့မယ်။ ပန်းချီဆရာကြီး ဦးဘသက်ဟာ သမရိုးကျ ပန်းချီဆရာကြီးဆိုပေမယ့် ခေတ်အမြင်ခေတ် အတွေးတွေကို အစဉ်တစိုက် ကြံဆနေသူ ဖြစ်ပါတယ်။ ပန်းချီဆရာကြီးဦးခင်မောင်ရဲ့ အရင်းနှီးဆုံး မိတ်ဆွေလည်းဖြစ် ဆရာလည်းဖြစ်ပါတယ်။
ကျနော်နဲ့ ပေါ်ဦးသက်က ဆရာကြီးဦးဘသက်ထံမှာသင်ကြားရင်း အသစ်အဆန်း စမ်းသပ်ဖန်တီးတဲ့ လက်စလက်နကလေးတွေ ပြလာကြပါတယ်။ ဒါ့ကြောင့် ဆရာကြီးဦးဘသက်က ကျနော်တို့ ၂ ယောက်ကို ဘဏ်ဦးခင်မောင်ထံကို အပ်လိုက်ပြန်ပါတယ်။ ဆရာဦးခင်မောင်က ခေတ်သစ်ပန်းချီနဲ့ပတ်သက်တဲ့ ဖတ်စရာ ကြည့်စရာ လေ့လာစရာစာအုပ်စာတမ်းတွေ အများကြီးပေးပါတယ်။ သူဖတ်ထားလေ့လာထားပြီးသားတွေ အမြောက်အများကိုလည်း ရှင်းလင်းသင်ကြားပြသပါတယ်။
ခင်မောင်ရင်ကတော့ ရန်ကုန်စက်မှုတက္ကသိုလ်က ပိသုကာပညာ ဒီဂရီရယူသင်ကြားရင်း ပိသုကာပညာရဲ့ တစိပ်တဒေသဖြစ်တဲ့ပန်းချီကို နက်နက်ရှိုင်းရှိုင်း လေ့လာသဘောပေါက်လာသူဖြစ်ပါတယ်။ အလွန်ဉာဏ်ကောင်းပြီး စာဖတ်အား လေ့လာအား ကောင်းသူဖြစ်ပါတယ်။ ကျနော်တို့ ၃ ယောက်ထဲမှာ သူအငယ်ဆုံးပါ။ ရန်ကုန်မှာ ကျနော်တို့ ၃ ယောက် ၁၉၆ဝ ခုစောစောပိုင်းတွေမှာ ဆုံဖြစ်ကြတော့ ကမ္ဘာ့ခေတ်သစ်ပန်းချီရဲ့ လွတ်လပ်မှု ကျယ်ပြန့်မှုကို တတ်နိုင်သမျှ အကျယ်ပြန့်ဆုံး စမ်းသပ်ခံစားရေးဆွဲဖြစ်ကြပါတော့တယ်။ အသက်တွေကလည်း ငယ်တုန်း နုပျိုကြတုန်း ခွန်နဲ့ အားနဲ့ လုပ်နိုင်ကိုင်နိုင်ရှိကြချိန်တွေမို့ ပန်းချီရေးအားလည်း သိပ်ကောင်းကြပါတယ်။ ပန်းချီကားတွေလည်း အများကြီး ထွက်ပါတယ်။
ဒီတုန်းက စစ်အစိုးရကလည်းတက်ခါစ အများပြည်သူ ကြည့်ရှုနိုင်တဲ့ ပန်းချီပြပွဲလုပ်မယ်ဆိုရင် စိစစ်ရေးက အလွန်ကြပ်တည်းတဲ့ အချိန်တွေဖြစ်ပါတယ်။ ကျနော်တို့ ပန်းချီကားတွေကို သံရုံးနဲ့ နိုင်ငံခြားသားတွေက အများဆုံး ဝယ်ကြပါတယ်။ အချိန်တိုပြပွဲကလေးတွေကိုလည်း နိုင်ငံခြားသားအိမ်တွေမှာပဲ ခပ်ကျဉ်းကျဉ်း ကျင်းပကြရပါတယ်။ ပေါ်ဦးသက်က ပုံတူပန်းချီတွေလည်း ဆွဲပါတယ်။ ခင်မောင်ရင်ကတော့ အလွတ်လပ်ဆုံးနဲ့ အရဲရင့်ဆုံးစမ်းသပ် ရေးဆွဲခဲ့ပါတယ်။ ကျနော်ကတော့ အဲဒီအချိန်မှာ ကျောက်ကုန်သည်ဘဝတဖက်နဲ့ ပန်းချီပြပွဲတွေကို ဝင်ဝင်ရေးပြီး ပြခဲ့တဲ့အချိန်တွေ ဖြစ်ပါတယ်။
ဒီအချိန်တွေတုန်းက ကျနော်တို့တတွေရဲ့ အကြီးမားဆုံး ချို့ယွင်းချက်ကတော့ ကျနော်တို့ရေးသမျှ ပန်းချီကားတွေကို ဓာတ်ပုံရိုက် မှတ်တမ်းပြုစုတာတို့၊ ဝယ်ယူစုဆောင်းသူတွေရဲ့ စာရင်းမှတ်တမ်း မလုပ်မိတာတို့ ဖြစ်ပါတယ်။ ဒီတုန်းက ကျနော်တို့ ၃ ယောက် စုမိတဲ့နေရာကတော့ AI လို့ခေါ်တဲ့ Architects Incorporated ရုံးခန်းမှာဖြစ်ပါတယ်။ အဲဒီလုပ်ငန်းကို ပိသုကာတွေဖြစ်ကြတဲ့ ဦးတင်ထွန်းတို့၊ ဦးဘိုကြီးတို့၊ ဦးအောင်ကြီးမြင့်တို့က ထူထောင်ထားတာပါ။ ခင်မောင်ရင့် သူငယ်ချင်းတွေပါ။
ဒီတုန်းက ကျနော်တို့ပန်းချီတွေဟာ ဦးအောင်စိုးတို့၊ ဦးနန်းဝေတို့နဲ့အတူ စိတ္တဇပန်းချီတွေ၊ အရူးပန်းချီတွေ၊ အနုပညာ ဖျက်ဆီးသူတွေဆိုပြီး ပြင်းပြင်းထန်ထန် တိုက်ခိုက်ဝေဖန်ခံခဲ့ကြရပါတယ်။ ကျနော်တို့ကတော့ အဲဒီလို အတိုက်အခိုက် အဝေဖန်ခံရတာကိုပဲ ပန်းနဲ့အပေါက်ခံရတာလို ပျော်စရာကြီးဖြစ်ခဲ့ကြပါတယ်။
ဆက်လက်တင်ပြပါ့မယ်၊ ကျနော် ဝင်းဖေပါ။
(၁၁-၂၂-၀၈ (သောကြာနေ့) ဘီဘီစီ မြန်မာပိုင်းအစီအစဉ်မှ ပြန်လည်ကူးယူဖော်ပြပါသည်)