Free Daw Aung San Su Kyi (Nagoya - Kanayama) 12-7-2009

National League for Democracy (Liberated Area) Japan Branch- Nagoya Region Office. Free Daw Aung San Su Kyi campagin in Nagoya. Pm2 toPm4 Kanayama station.

မြန်မာပြည်သို့ လက်နက်ပစ္စည်းတင်ပို့သည်ဟု ယူဆရသူ ၃ ဦး ဂျပန်တွင် အဖမ်းခံရ

မြန်မာပြည်သို့ လက်နက်ပစ္စည်းတင်ပို့သည်ဟု ယူဆရသူ ၃ ဦး ဂျပန်တွင် အဖမ်းခံရ
Tuesday, 30 June 2009 19:00 ကိုထွေး .



တာဝေးပစ် ဒုံးကျည် ဆက်စပ်ပစ္စည်းတမျိုး မြန်မာပြည်သို့ တရားမဝင် တင်ပို့ရန် ကြိုးပမ်းသူဟု ယူဆရသော လုပ်ငန်းရှင် ၃ဦး ကို ဂျပန်ရဲတပ်ဖွဲ့က အင်္ဂါနေ့တွင် ဖမ်းဆီးလိုက်ကြောင်း ဂျပန်နိုင်ငံမှ လာသော သတင်းများတွင် ဖော်ပြထားသည်။

အဆိုပါပစ္စည်းမှာ တာဝေးပစ် ဒုံးကျည် ပြုလုပ်ရာတွင် အသုံးပြုသည့် သံလိုက်သတ္တိ တိုင်းတာသော ကိရိယာ တမျိုး ဖြစ်ကြောင်း၊ နိုင်ငံခြား ငွေကြေးဖလှယ်ရေး နှင့် ကုန်သွယ်မှု ဥပဒေကို ချိုးဖောက်သည်ဟု သံသယ ရှိသည်ဟု ရဲတပ်ဖွဲ့က ပြောကြောင်း Yomiuri Shimbun သတင်းဌာန၏ သတင်း တပုဒ်တွင် ဖော်ပြထားသည်။

ဖမ်းဆီးခံရသူများမှာ တိုကျိုအခြေစိုက် လုပ်ငန်းရှင်များ ဖြစ်ကြသော မြောက်ကိုရီးယားနိုင်ငံသား ၁ ဦး နှင့် ဂျပန်နိုင်ငံသား ၂ ဦးတို့ဖြစ်သည်ဟု သိရသည်။

၎င်းတို့မှာ မြောက်ကိုရီးယားနိုင်ငံသား Toko Boeki ကုမ္ပဏီ ဥက္ကဋ္ဌ လီကျုံးဟို၊ ကုန်ပစ္စည်း ထုတ်လုပ်ရေး ကုမ္ပဏီ တခု၏ ဥက္ကဋ္ဌ Miaki Katsuki နှင့် ထုတ်ကုန် အေဂျင်စီတခု၏ ဥက္ကဋ္ဌ Yasuhiko Muto တို့ဖြစ်သည်ဟု ဆိုသည်။

တာဝေးပစ် ဒုံးကျည် ဆက်စပ်ပစ္စည်းကို မြောက်ကိုးရီးယားသို့ တင်ပို့သည်ဟု ရဲတပ်ဖွဲ့က ထင်မှတ်ခဲ့ကြောင်း၊ သို့သော်လည်း နောက်ပိုင်းတွင် ဟောင်ကောင် အခြေစိုက် မြောက်ကိုရီးယား ကုမ္ပဏီတခု၏ ကုန်ပစ္စည်း မှာယူသည့် စာရင်းကို တွေ့ရှိခဲ့ကြောင်း သိရသည်။

၎င်းတို့သည် ဒုံးကျည်ထုတ်လုပ်မှုနှင့် သက်ဆိုင်သော အခြား ပစ္စည်းများကို မြန်မာပြည်သို့ တင်ပို့ခဲ့ဖွယ် ရှိကြောင်း၊ မြောက်ကိုးရီးယား အနေဖြင့် ဒုံးကျည် စနစ် နှင့် သက်ဆိုင်သော နည်းပညာများကို မြန်မာသို့ ဖြန့်ဝေပေးနေသည်ဟု ယုံကြည်ရကြောင်း ရဲအရာရှိများကို ကိုးကားပြီး သတင်းများတွင် ဖော်ပြထားသည်။

ထိန်းသိမ်းခံထားရသူ ၃ ဦးသည် ယခုနှစ် ဇန်နဝါရီလက ဂျပန်ယန်း ၇ သန်း နီးပါးခန့် တန်သည့် သံလိုက်သတ္တိ တိုင်းတာသည့် ကိရိယာများကို မြန်မာပြည်သို့ တင်ပို့ခဲ့ကြောင်း ရဲတို့က ပြောသည်။ ထိုသို့ တင်ပို့ရာတွင် ဂျပန်နိုင်ငံ စီပွား ကုန်သွယ်နှင့် စက်မှု ဝန်ကြီးဌာန၏ ခွင့်ပြုချက်ကို ရယူခြင်း မရှိဟု ဆိုသည်။

ဖျက်အားပြင်း လက်နက် ထုတ်လုပ်ရာတွင် အသုံးပြုမည့် ကုန်ပစ္စည်းများ ပြည်ပသို့ တင်ပို့ခြင်း မပြုနိုင်ရန် ဂျပန်နိုင်ငံ ဥပဒေအရ တားမြစ်ထားသည်။

၂ဝဝ၈ ခုနှစ် စက်တင်ဘာလ ဝန်းကျင်တွင် ယင်းကုမ္ပဏီက အလားတူပစ္စည်းမျိုးကို မြန်မာနိုင်ငံ အမှတ် (၂) စက်မှု ဝန်ကြီး ဌာန သို့ ပေးပို့ရန် ကြိုးပမ်းခဲ့ဖူးသည်ဟု သိရသည်။

နှစ်ကြိမ်စလုံးတွင် ပြည်ပတင်ပို့ခွင့် လျှောက်လွှာ ပါဝင်ခြင်း မရှိသည်ကို ဂျပန် အာဏာပိုင်တို့က သတိထားမိခဲ့သဖြင့် သင်္ဘောပေါ်သို့ မတင်မီ အစီအစဉ်များ ပျက်ခဲ့ရခြင်းဖြစ်သည်ဟု ဆိုသည်။ ဟောင်ကောင် အခြေစိုက် ကုမ္ပဏီ၏ အမည်မှာ New East International Trading Ltd ဖြစ်သည်။ ထို ကုမ္ပဏီကို မြောက်ကိုရီးယား အစိုးရ ပါတီဖြစ်သော မြောက်ကိုးရီးယား အလုပ်သမားပါတီ၊ ဒုတိယ စီးပွားရေးရာကော်မတီက တိုက်ရိုက် ထိန်းချုပ်သည်ဟု ယုံကြည်ရကြောင်း Yomiuri Shimbun သတင်းတွင် ဖော်ပြထားသည်။

မြောက်ကိုရီးယား စစ်တပ်အတွက် စစ်ဘက်ဆိုင်ရာ ပစ္စည်းများ ဝယ်ယူရန် ယင်းကော်မတီက တာဝန် ယူထားသည်ဟု ဆိုသည်။

မြန်မာ နှင့် မြောက်ကိုရီးယားသည် ၁၉၈၃ အောက်တိုဘာလက ရန်ကုန်မြို့ အာဇာနည်ဗိမ္မာန် ဗုံးပေါက်ကွဲမှု အပြီးတွင် သံတမန် အဆက်အသွယ် ပြတ်တောက်သွားသည်။ ထိုပေါက်ကွဲမှုမှာ မြောက်ကိုးရီးယား အစိုးရ၏ လက်ချက် ဖြစ်ကြောင်း နောက်ပိုင်းတွင် စုံစမ်းတွေ့ရှိရသည်။

၂ဝဝ၇ ဧပြီတွင် နှစ်နိုင်ငံ သံတမန် ပြန်လည် ဆက်သွယ်ရန် သဘောတူကြောင်း လက်မှတ် ရေးထိုးကြသည်။

မြောက်ကိုးရီးယားသည် မြန်မာပြည်ကို ဒုံးကျည်များ ရောင်းချနေသည်ဟု အမေရိကန် အစိုးရ အရာရှိတို့က ၂ဝဝ၄ ခုနှစ်ကပင် ထုတ်ဖော် ပြောကြားခဲ့သည်။