-
နိုင်ငံရေးက ကိုယ်နဲ့မဆိုင်ဘူးလို့ မပြောပါနဲ့၊ နိုင်ငံရေးက ကိုယ်အပေါ်တိုက်ရိုက်သက်ရောက်လာပါလိမ့်မယ်--ဘယ်လိုလုပ်မလဲဆိုရင် ပြည်သူ့အားနဲ့လုပ်မယ် --ကျမတို့ကို ပြည်သူက ယုံကြည်ရင် ၊ ထောက်ခံရင် ၊ လက်တွဲရင် ကျမအားရှိပါတယ် --

Monday, November 30, 2009

19-6-2009 နဂိုယာ Japanese

19-6-200 Sakae

19-6-2009 နဂိုယာ

19-6-200 Sakae Burmese

မှတ်သားဖွယ်စကား

သမိုင်းပါမောက္ခဟောင်း ဒေါက်တာသန်းထွန်းနှင့် တွေ့ဆုံဆွေးနွေးခြင်း





ကျင့်ဝတ်များအကြောင်း
(သမိုင်းပါမောက္ခဟောင်း ဒေါက်တာသန်းထွန်းနှင့် တွေ့ဆုံဆွေးနွေးခြင်း)



“ချမ်းသာချင်ရင် ဓားပြတိုက် ဆိုတာမျိုးကို ကျနော် မလုပ်ရဲဘူး။ ကိုယ့်လုပ်ငန်းကလည်း မတရားလုပ်ဖို့ မရှိဘူး။ ချက်ချင်း မအောင်မြင်ပေမယ့် ဖြေးဖြေးတော့ အောင်မြင်မှာပဲဆိုတဲ့ အသိနဲ့ မအောင်မချင်း ဆက်လုပ်ပါတယ်။ ဘယ်သူ ဘာပြောပြော၊ ဘယ်သူကပဲ တားတား လုပ်မယ်လို့ ဆုံးဖြတ်ပြီးရင် ဆက်လုပ်တယ်။ အရေးကြီးဆုံး ခေါင်းတည်စဉ်းစားတာကတော့ ကိုယ့်အတွက် သူများမှာ အနှောက်အယှက် မဖြစ်ဖို့ပါဘဲ။”


မေး ။ ။ လူငယ်နဲ့ စိတ်ကျန်းမာရေးဆိုတဲ့ ခေါင်းစဉ်နဲ့ ပြောမယ် ဆိုတော့ စိတ်ကျန်းမာရေးဆိုတာ စိတ်ထား ဖြူစင်ဖြောင့်မတ်တာ၊ ကိုယ်ကျင့်သိက္ခာတရားတို့ကို စောင့်ထိန်းတာတို့အပေါ်မှာ တည်တယ် လို့ သဘောရပါတယ်။ ကိုယ်ကျင့်သိက္ခာမရှိရင် စိတ်ဒေါင်ဒေါင်မြည် ကျန်းမာဖို့ မဖြစ်နိုင်ပါဘူးလို့ ထင်ပါတယ်။ ဒါကြောင့် ပထမဆုံး အဲဒီ ကိုယ့်ကျင့်သိက္ခာနဲ့ ကျင့်ဝတ်သီလတို့ အကြောင်းကစပြီး ပြောချင်ပါ တယ်။ လူမှုရေးကျင့်ဝတ်တွေနဲ့ ပတ်သက်လို့ ဆရာ့သဘောထားကို ပြောပြပါဦး။

ဖြေ ။ ။ လူတစ်ယောက်အနေနဲ့ အရေးကြီးဆုံး ကျင့်ဝတ်က ကိုယ့် အတွက် သူများအနှောက်အယှက် မဖြစ်စေနဲ့ဆိုတာပဲ။ ကျင့်ဝတ်နဲ့ ပတ်သက်ပြီးတော့ ခုတလော ခဏခဏ တွေ့ရတယ်။ နေ့စဉ်သတင်းစာ ဆိုရင်လည်း လောကနီတိတို့ ဘာတို့ပေါ့။ အများလိုက်နာသင့်တဲ့ ကျင့်ဝတ်ပေ့ါ။ ကျနော်လိုက်နာတဲ့ ကျင့်ဝတ်ကတော့ ခုနက ပြောတဲ့အတိုင်း ကိုယ့်အတွက် သူများမှာ အနှောက်အယှက် မဖြစ်စေနဲ့ ဆိုတာပါပဲ။ အဲဒါကိုတော့ ကျနော် တစ်သက်လုံး လိုက်နာပါတယ်။ ငယ်ငယ်ကတည်းကပါပဲ။ အိမ်ထောင်ရေးမှာလည်း ဒီအတိုင်းပဲ။ ကျနော့်မယားရှိတယ်။ သားသမီးတွေရှိတယ်။ ကျနော့်အတွက် စပယ်ရှယ် ဟိုဟာ ဒီဟာ လုပ်ပေးတာမျိုး၊ ကျနော့်ကို ကြောက်လို့ ဟိုဟာ ဒီဟာ မလုပ်ဘဲ နေရတယ်ဆိုတာမျိုး မရှိစေရဘူး။ အချုပ်ကတော့ ဒါပါပဲ။ ကြီးကြီးငယ်ငယ် ကိုယ်နဲ့ အတူနေတဲ့သူတွေကို စိတ်ဆင်းရဲအောင် လုပ်ရင် ကိုယ်လည်းပဲ စိတ်ဆင်းရဲရမှာပဲ။

မေး ။ ။ ဘာသာရေး အဆုံးအမကလာတဲ့ ကျင့်ဝတ်တွေကရော။

ဖြေ ။ ။ ဘာသာရေးဆိုင်ရာ ကျင့်ဝတ်တွေ အများကြီးရှိတယ်။ အဲဒီကျင့်ဝတ်တွေ အများကြီးကလည်း (ဘာမှ မကြာသေးဘူး။ ကျနော် ၀ိနည်းတွေ ပြန်ဖတ်တယ်) ဒါမလုပ်နဲ့၊ ဟိုဟာ မလုပ်နဲ့ဆိုတဲ့ ဘုန်းကြီးကျင့်ဝတ်တွေ မဟုတ်လား။ အဲဒီမှာ မြတ်စွာဘုရား ပရိနိဗ္ဗာန်စံခါနီးတော့ ဒီဟာမလုပ်နဲ့ ဟိုဟာမလုပ်နဲ့လို့ ထားခဲ့တဲ့ တချို့ ကိစ္စကို မလိုက်နာချင်ရင်လည်းရတယ်။ ပြင်ချင်ရင်လည်း ပြင်လို့ခွင့်ပြုတယ်။ ဒါပေမယ့် ထေရ၀ါဒကတော့ သူတို့ ဘာမှမပြင်ဘူး။ ဘုရားဟောတဲ့အတိုင်းပဲ သူတို့ ဆက်လုပ်တယ်ပေါ့။

အဲဒီမှာလည်းပဲ ကျနော်သတိထားမိတာက စည်းကမ်းဆိုတာ ရှိနိုင်လေ ကောင်းလေလို့ သဘောထားတဲ့ သူလည်း ရှိတယ်။ တချို့ကတော့ အမှုကိစ္စ ဆောင်ရွက်တဲ့အခါ အောင်မြင်ဖို့ အရေးကြီးတယ်။ အစဉ်အလာက ဘာတွေပဲပြောပြော လက်တွေ့နဲ့ ညှိနှိုင်းပြီး လိုတိုးပိုလျှော့ လုပ်ရလိမ့်မယ်။ စည်းကမ်း ရှိပေမယ့် မလုပ်ဘဲ နေချင်နေမယ်ဆိုတာပေါ့။

အဲဒီနှစ်မျိုးမှာ ကျနော့်အယူအဆကတော့ ကြားအယူအဆလို့ ပြောချင်ပြောပေါ့လေ။ ချမ်းသာချင်ရင် ဓားပြတိုက် ဆိုတာမျိုးကို ကျနော် မလုပ်ရဲဘူး။ ကိုယ့်လုပ်ငန်းကလည်း မတရားလုပ်ဖို့ မရှိဘူး။ ချက်ချင်း မအောင်မြင်ပေမယ့် ဖြေးဖြေးတော့ အောင်မြင်မှာပဲဆိုတဲ့ အသိနဲ့ မအောင်မချင်း ဆက်လုပ်ပါတယ်။ ဘယ်သူ ဘာပြောပြော၊ ဘယ်သူကပဲ တားတား လုပ်မယ်လို့ ဆုံးဖြတ်ပြီးရင် ဆက်လုပ်တယ်။ အရေးကြီးဆုံး ခေါင်း တည်စဉ်းစားတာကတော့ ကိုယ့်အတွက် သူများမှာ အနှောက်အယှက် မဖြစ်ဖို့ပါဘဲ။ အဲဒီအတိုင်းပဲ ကျနော် လုပ်ပါတယ်။

မေး ။ ။ လူငယ်တွေ၊ မျိုးဆက်သစ် လူငယ်တွေနဲ့ ကျင့်ဝတ်အကြောင်းကို ပြောပါဦးဆရာ။

ဖြေ ။ ။ လူငယ်တွေကို ကျနော်တွေ့နေရတယ်ဗျ။ ကျောင်းသားကို ကျနော်ဆုံးမရတယ်။ ကျနော်က ဆရာကိုး။ ကျနော့်ထက် ငယ်ကြသူတွေပေါ့။ ပြီးတော့ သားတို့ သမီးတို့ အခုဆို မြေးပါရနေပြီဆိုတော့ မြေးကို ဆုံးမရတယ်ပေါ့။ အဲဒီမှာလည်း ဘာတွေ့လဲဆိုတော့ စည်းကမ်း နည်းလမ်းဆိုတာ သုံးမျိုးလောက် တွေ့ရတယ်။ သူတို့နဲ့ ကျနော်နဲ့ အသက်ချင်းမတူဘူး။ နောက် အတွေ့အကြုံချင်း မတူဘူး။ နောက်တစ်ခါ ပတ်ဝန်းကျင်ချင်း မတူဘူး။ ဒီတော့ သူတို့ကို ဆက်ဆံတဲ့အခါ အသက်ချင်း ညှိရတယ်။ သူတို့ပတ်ဝန်းကျင်နဲ့ ကျနော် ဖြတ်သန်းလာတဲ့ ပတ်ဝန်းကျင်က မတူဘူးလေ။ ဒီတော့ သူတို့ကို ဆုံးမတဲ့အခါ သူတို့ရဲ့ အသက်ကို ကျနော်စဉ်းစားတယ်။ သူ့သူငယ်ချင်းတွေ ဘာတွေပေါ့။ နောက် သူ့ရဲ့ ခေတ်အခြေအနေကိုလည်း စဉ်းစား တယ်။ ဒါတွေကိုကြည့်ပြီး ပြောသင့်မှပြောတယ်။ သူ့အခြေအနေနဲ့ လိုက်နာနိုင်မယ်မထင်ရင် ပြောမနေတော့ ဘူး။ ဒါ လက်တွေ့ကို ပြောတာ။ အစဉ်အလာကို သိပ်ပြီး နံပါတ်တစ် မထားဘူး။ ဂေါတမ မြတ်စွာဘုရား ပြောတာလည်း ဒီအတိုင်းပဲ။ ၀ိနည်းတော်မှာ ထိပ်ဆုံးက ဘာတွေ့လဲဆိုတော့ ကြိုကြိုတင်တင် ငါဘာမှ မပြောဘူး။ မဟုတ်တာလုပ်လို့ ပြဿနာပေါ်ရင်တော့ မင်းတို့ နောက်မလုပ်နဲ့ ဆိုတာမျိုး ပြောတယ်။

တချို့ဟာတွေဆိုရင် ခေတ်အခြေအနေနဲ့ ပြောင်းပေးရတာတွေ ရှိပါတယ်။ ထေရ၀ါဒမှာ ဘာမှမပြောင်းဘူး။ ဘုရားပြောတဲ့အတိုင်းပဲ ဆိုတာတောင် ဥပမာပြောရရင် ဘုန်းကြီးတွေ ပိုက်ဆံမကိုင်ရဘူး ဆိုတာမျိုး၊ နောက်တစ်ခုက တားမြစ်တာတွေများရင် ဒါမလုပ်နဲ့၊ ဟိုဟာမလုပ်နဲ့ သိပ်များရင် လိုက်နာတဲ့သူ ဟုံသွားမယ်။

ဒီတော့ အရေးကြီးဆုံးကိုပဲ ပြန်ကောက်ရရင် ကျနော့်ရဲ့ ကျင့်ဝတ်ပေါ့လေ။ ကိုယ့်အတွက် သူများ စိတ်မဆင်း ရဲစေရဘူး။

မြေးတွေ၊ သားတွေ၊ တပည့်တွေနဲ့ ပတ်သက်လို့ကတော့ ခုနကပြောတဲ့ သုံးဘက်သုံးတန်ညှိပြီး ကြည့်ပြီး ပြောပါတယ်။ ဒါတော့ မှားတာပေါ့ ဆိုတာမျိုးပေါ့။ တတ်နိုင်ရင်တော့ သိပ်ကျဉ်းကျပ်တဲ့ဘက်က ကျနော် ဘယ်တော့မှ မနေပါဘူး။ အဲဒါကြောင့်လည်း ငါပြောလည်း မထူးပါဘူးဆိုရင် ပြောမနေတော့ဘူး။ မပြောဘဲ နေလိုက်တာပဲ။ နောက်တစ်ခု ကျနော်သတိထားတာက “ကဲ မင်း အောင်မြင်ပါစေ၊ ကျန်းမာပါစေ” အဲဒါမျိုးပေါ့ လေ။ ဒါမျိုးပြောတာလည်း ကျနော်က အပိုစကားပဲလို့ ထင်တယ်။

တကယ့်ဘ၀မှာ လက်တွေ့လုပ်လာတဲ့ အခါကျတော့ ကိုယ့်ဟာကိုယ် ကြိုးစားမှ အောင်မြင်တာပဲ။ ခင်ဗျားက ကျနော့်ကို လက်ဆောင်လာပေးတယ်။ ကျနော်က ခင်ဗျား အောင်မြင်ပါစေလို့ ဆုတောင်းလိုက်တယ်။ ခင်ဗျားက ကျနော့် လာကန်တော့တော့ ကျနော်က ခင်ဗျား ကျန်းမာပါစေလို့၊ ခင်ဗျား နိဗ္ဗာန်ရောက်ပါစေလို့ ဆုပေးလိုက်တယ်။ ကျနော်က အဲဒါမျိုး ဆုပေးတာကို သဘောမကျဘူး။ ကိုယ်လုပ်မှ ကိုယ်ရတာပဲလို့ ကျ နော်က သဘောရတယ်။


“ကိုယ်လုပ်စရာရှိတာ လုပ်နေရင်၊ အဲဒီအထဲမှာ စိတ်နှစ်မြှုပ်ထားရင် မကောင်းတဲ့စိတ်တွေ တစ်ခုမှ မလာဘူး။ အဲဒီတော့ အဲဒီကြားထဲမှာ မတော်လောဘတို့၊ ဘယ်သူနဲ့ ငါသွားပြီး ရန်ဖြစ်လိုက်ဦးမယ်တို့၊ ဘယ်သူ့ကို ငါ ဘယ်လို စကားချေပလိုက်ဦးမယ်တို့ ဘာတို့မရှိဘူး”

မေး ။ ။ အဲဒီတော့ ကျင့်ဝတ်သိက္ခာ၊ ကိုယ်ကျင့်တရား ဖြူစင်အောင် စောင့်ထိန်းတယ်ဆိုတာ ဘ၀မှာ ဘယ်လောက် အရေးကြီးတဲ့ ကိစ္စလို့ ဆရာထင်သလဲ။

ဖြေ ။ ။ ငယ်စဉ်က မဟုတ်တာတွေလုပ်တယ်။ ကိုယ်ဆိုးတယ်၊ ယုတ် မာတယ် ဆိုပါတော့။ ကြီးလာတဲ့အခါကျတော့ ကိုယ့်ဟာကိုယ်လည်း တွေးပြီး ရှက်တာဖြစ်မယ်။ ဒါ ကျနော် လက်တွေ့ပြောတာ။ ဒါမှမဟုတ် ရင်လည်း ကိုယ်လုပ်လို့ တစ်ဖက်က နစ်နာသွားတာတွေ ရှိမယ်။ အဲဒီ တစ်ဖက်က ခဏခဏ စဉ်းစားမှာပဲ။ ငါ့ကို ဘယ်လို လုပ်သွားတယ်။ ဘယ်လို စိမ်းကားတယ်။ ငါ့အပေါ်မှာ ဘယ်လို ယုတ်မာတယ်။ ငါ့အ ပေါ်မှာ ဘယ်လိုကောက်ကျစ်ပြီး အသားယူသွားတယ်ပေါ့လေ။ သူက ဖြစ်နေမှာပဲ။ အဲဒါ ဘယ်သူမှ မသိဘူးထား။ သူနဲ့ကိုယ် နှစ်ယောက် တည်း သိတယ်ထား။ အဲဒါကို ကျနော်က ရှက်တာ။ လူတစ်ဖက်သား အကျိုးနည်းအောင် ဒါကြောင့်မလုပ်တာ။

ဒီတော့ ကိုယ်ကျင့်တရားဟာ ဘ၀မှာ အရေးကြီးတယ်လို့ ကျနော်ထားပါတယ်။ တစ်ခုပဲ ကျနော့်အနေနဲ့က တော့ ကျနော် မဟုတ်တာ ဘာမှမလုပ်ဘူး ဆိုတဲ့အခါကျတော့ ကိုယ်ကျင့်တရားကို ကျနော်က အထူးတလည် စောင့်ထိန်းနေတာမျိုး မဟုတ်ဘူးပေါ့။ တကယ်ကျတော့ ကျနော် စာထိုင်ရေးနေတယ်ဆိုရင် တစ်ဖက် သားပေါ်မှာ မတော်လောဘစိတ် မရှိဘူး။ ဘာဒေါသမှလည်း မရှိဘူး။ ဘာမှ ယုတ်ယုတ်မာမာ မစဉ်းစားဘူး။ အားလုံး လုံနေတာပဲ။ ဒီတော့ ကိုယ်ကျင့်တရားဟာ အရေးကြီးတယ်။ ဒါပေမယ့် ကျနော့်အဖို့တော့ အထူး လုပ်နေရတာ မဟုတ်ဘူးပေါ့လေ။ ဒါပေမယ့် တစ်ခုရှိတာက အဲဒီလို လောဘ၊ ဒေါသ၊ မောဟတွေ လုံနေဖို့ ကတော့ ဘ၀မှာ သိပ်အရေးကြီးတယ်။ အောင်မြင်ဖို့အတွက် အရေးကြီးတယ်လို့ ပြောရမှာပဲ။ အကျင့် သိက္ခာမရှိရင် အောင်မြင်မှု မရနိုင်ဘူး။ ကျနော်က အချိန်ရှိသမျှ လုံနေလို့သာ အထူးတလည် မစောင့်ထိန်းဘူး လို့ ပြောတာ။

ဆိုပါတော့ဗျာ။ အရက်သောက်တဲ့ ကိစ္စမျိုး၊ ကျနော် အရက်ဖြတ်လိုက်ပြီးလို့လည်း မကြေညာဘူး။ အရက် သောက်ချင်တယ်လို့လည်း ဘယ်သူ့မှ မပြောဘူး။ ကြုံတဲ့အခါ သောက်တယ်။ ဒါပေမယ့် အဲဒီမှာ ဘာတစ်ခု ၀င်လာသလဲဆိုတော့ အရက်သောက်တော့ အလုပ်ပျက်တယ်ဗျ။ အရက်သောက်ကြ၊ အပေါင်းအသင်းဆုံကြ၊ ပျော်ကြပေ့ါဗျာ။ ဒါပေမယ့် အနည်းဆုံး တစ်ညနေခင်း ကုန်သွားတာပဲ။ အဲဒါဆိုရင် ကျနော်က အဲဒီအချိန်ကို နှမြောတာပဲဗျ။

နောက်တစ်နေ့ မနက်မိုးလင်းတော့ ညက သောက်ထားတာနဲ့ မနက် အထနှေးပြန်ရော။ လုပ်ငန်းခွင် ချက်ချင်း မ၀င်နိုင်ဘူးပေါ့။ အဲဒါကုန်တဲ့အချိန် နှမြောရပြန်ရော။ အဲဒီတော့ အရက်မကောင်းဘူး ဘာညာပြောကြရာမှာ ကျနော့်အတွက် လက်တွေ့ကတော့ အချိန်ကုန်တယ်ဗျာ။ အဲဒီလို တွက်တယ်။ လူရိုသေအောင် တမင်လုပ် တာမျိုးတော့ ဘာမှ မရှိပါဘူး။ ကိုယ်လုပ်စရာရှိတာ ကိုယ်လုပ်နေရင် ဘာမဟုတ်တာမှ ၀င်မလာဘူးပေါ့။

မေး ။ ။ ကိုယ့်ကျင့်သိက္ခာဆိုတာ ကိုယ်လုပ်သင့် လုပ်ထိုက်တာကို လုပ်နေရင် အလိုလို စောင့်ထိန်းပြီးသား ဖြစ်သွားတယ် ဆိုတဲ့သဘောပေါ့။

ဖြေ ။ ။ ကိုယ်လုပ်စရာရှိတာ လုပ်နေရင်၊ အဲဒီအထဲမှာ စိတ်နှစ်မြှုပ်ထားရင် မကောင်းတဲ့စိတ်တွေ တစ်ခုမှ မလာဘူး။ ကျနော် ဒီအချိန်အိပ်မယ်ဆိုရင် ကျနော်ရေးနေတာကို ချလိုက်တယ်။ အိပ်ရာက နိုးလာရင် ကျနော် ဆက်ရေးလို့ရတယ်။ သူများလို ဘယ်ကစရမှန်း မသိဘူးဆိုတာ မရှိဘူး။ အဲဒီတော့ အဲဒီကြားထဲမှာ မတော် လောဘတို့၊ ဘယ်သူနဲ့ ငါသွားပြီး ရန်ဖြစ်လိုက်ဦးမယ်တို့၊ ဘယ်သူ့ကို ငါ ဘယ်လို စကားချေပလိုက်ဦးမယ် တို့ ဘာတို့မရှိဘူး။

တစ်ခု ကျနော်သတိထားတာ ရှိတယ်။ တပည့်တွေ များလာတဲ့အခါမှာ ရတဲ့အကျင့်တစ်ခုပေါ့။ ဒီကိစ္စ ငါဝင် လုပ်လိုက်ရင် လွယ်လွယ်ကူကူ ပြီးသွားမယ်။ ငါ ၀င်ကူရမှာပဲလို့ သိရင် ကျနော် ချက်ချင်း လုပ်ပေးတယ်။ သူ့ဆီက ဘာမှ အပြန်အလှန် အပေးအယူ မပါဘူး။ ငါလုပ်ပေးမှ မင်းရမှာပဲဆိုရင် လုပ်ပေးတယ်။ အဲဒါ လုပ်ပေးပြီးတော့လည်း ငါ့တောင် နှုတ်မဆက်ဘူး။ ငါ့ကို ဘာမှမပေးဘူးလို့ ဘယ်တော့မှ မရှိဘူး။ နှုတ်မ ဆက်ရင် ကျနော် ပိုကျေနပ်တယ်။ ကျနော့်မှာ အနှောက်အယှက် နည်းသွားတာပေါ့။ စကားအပို မပြောရတော့ ဘူးပေါ့။

ကျနော် ငယ်ငယ်က ဖတ်ရတဲ့ အင်္ဂလိပ်လိုရေးတဲ့ စာအုပ်တစ်အုပ်ထဲမှာ ပါတယ်။ ၀ါတာလူး စစ်ပွဲအကြောင်း (Battle of Waterloo 1815)။ အဲဒီမှာ နပိုလီယန်နဲ့ တစ်ဖက်က ၀ယ်လင်တန်ပေါ့။ ဟိုဘက်က စစ်တပ်က ရောက်နေပြီ။ ဒီတော့ တပည့်တွေက မေးတယ်။ ၀ယ်လင်တန်ကို ဘယ်လိုတိုက်မလဲပေါ့။ ဒီတော့ ၀ယ်လင် တန်က ပြောတယ်။ “ဟ ငါနဲ့ နပိုလီယန်နဲ့ စစ်တိုက်တယ်ဆိုတာ ငါက စတာ မဟုတ်ဘူး။ နပိုလီယန်က စတာ။ ဒီတော့ သူ့သွားမေး။ သူက တောင်ဘက်က လာရင် ငါက တောင်ဘက်က တိုက်ရမှာ။ သူက မြောက်ဘက်က တိုက်ရင် ငါက မြောက်ဘက်က ပြန်တိုက်ရမှာ။ ဒီတော့ သူ့သွားမေး” လို့ ပြောတယ်။

ပြီးတော့ သူက ပြောတာတစ်ခု ရှိသေးတယ်။ “မင်းတို့ မြင်းတွေမှာဆင်တဲ့ ကကြိုးတန်ဆာတွေက လမ်းမှာ ပြုတ်ပြုတ်သွားရင် ဘာမှလုပ်လို့ မရဘူး။ ငါ့ပုံစံက မြင်းကြိုးတစ်ချောင်းထိုးပြီး စီးသွားတယ်။ အဲဒီကြိုးပြတ်ရင် ကြိုးဆက် အဖုထုံးပြီး ဆက်စီးသွားလို့ ရတယ်” လို့ ပြောတယ်။ အဲဒါလည်း ငယ်ငယ်ကတည်း ဖတ်ပြီး သ ဘောကျတယ်။ သိပ် Plan ကြီးကြီးချပြီး လုပ်တာထက် တစ်ခုပြီးတစ်ခု တစ်ဆင့်ပြီးတစ်ဆင့် လုပ်တာပဲ။


“ဘယ်သူပဲဖြစ်ဖြစ် ကိုယ့်မျိုးဆက်သစ်ကို ကောင်းစေချင်မှာပဲ။ ဒါပေမယ့် ပညာဆိုတာက အမွေပေးလို့မရဘူး။ ပညာဟာ အမွေမဟုတ်ဘူး။ သင်ကြားပေးလို့တော့ရတယ်။ ဒါပေမယ့် လက်ခံသင်ယူတဲ့ လူရဲ့အရည်အချင်းက သိပ်အရေးကြီးတယ်။ ဆရာက အစတော်တယ် ဆိုပေမယ့် တပည့်မတော်ရင် အဆုံးသတ်ညံ့မယ်။ ဆရာတွေက ဒီကောင် သိပ်တော်တယ် ငါ့တပည့်ကွလို့ ပြောတတ်ကြတယ်။ ကျနော်ကတော့ ဒီကောင်တော်လို့ ငါတို့ဆီမှာ လာတပည့်ခံတာလို့ ပြောလေ့ရှိပါတယ်။ ”


မေး ။ ။ ကျင့်ဝတ်သိက္ခာ ရှိတဲ့သူတွေအကြောင်း၊ ဆရာနဲ့ နီးစပ်သူ တွေထဲကပေါ့လေ။ နည်းနည်းပါးပါး ပြောပြပါလား။

ဖြေ ။ ။ ကျနော်နဲ့ လုပ်ဖော်ကိုင်ဖက်တွေ တော်တော်များများကတော့ ကျင့်ဝတ်သိက္ခာ ရှိသူတွေ များပါတယ်။ ကောင်းကြပါတယ်။ ဆိုးတဲ့ သူတွေလည်း ရှိတာပေါ့လေ။ တချို့လည်း ကျနော့်လောက် သွက် သွက်လက်လက် မလုပ်လို့ လူသိနည်းတာတော့ ရှိတာပေါ့။ သူတို့ လည်း သူတို့နည်းနဲ့ သူတို့လုပ်နေကြတာပေါ့။

ခုလောလောဆယ် ကျနော့်ခေါင်းထဲ ရောက်လာတဲ့ လုပ်ဖော်ကိုင်ဖက် တော်တော်များများကတော့ သေကုန်ပြီဗျ။ အဲဒီ သေသွားသူ တော် တော်များများကလည်း ကျနော် ကြိုးစားသလိုပဲ ကြိုးစားကြပါတယ်။ သူတို့လုပ်သွားတာတွေလည်း ကောင်း တာတွေ အများကြီးပါ။ ဥပမာဆိုပါတော့ဗျာ တင်လှသော်ဆိုရင် အခုလူတွေက မှတ်မိချင်မှ မှတ်မိမှာပေါ့။ သူဆိုရင် အတော့်ကို ကြိုးစားပါတယ်။ ဒါပေမယ့် အသက်ငယ်ငယ်နဲ့ သေသွားရှာတယ်။ သူ့ဒုက္ခက အရက် အလွန်အကျွံ သောက်တာပဲ။ ဒီတော့ အလုပ် သိပ်မလုပ်နိုင်တော့ဘူးပေါ့။ နောက် စောစော သေသွားတယ်။ ဒါပေမယ့် အလုပ်လုပ်တဲ့ အခါတုန်းကတော့ စည်းကမ်းကို ကျနော်တို့ လိုက်နာသလို သူလည်း လိုက်နာတယ်။ ကျနော်တို့ ကြိုးစားသလိုပဲ ကြိုးစားတာပဲ။

နောက်ပြီး ဒေါက်တာရီရီဆိုတာ တစ်ယောက်ရှိသေးတယ်။ လူထုဦးလှ နှစ်(၉၀)မှာ သူရေးတဲ့ ပလ္လင်တော်တွေ အကြောင်းလေ။ ကျနော်က သူအင်္ဂလိပ်လို ရေးတာကို မြန်မာလို ဘာသာပြန်လိုက်တယ်။ သူလည်း အသက် ငါးဆယ့်နှစ်နှစ် သုံးနှစ်လောက်မှာ သေသွားတယ်။ သူလည်း ဒီလိုပဲ။ ကျနော်တို့ စောင့်ထိန်းရမယ့် စည်း ကမ်းတွေကို စောင့်ထိန်းပါတယ်။ အင်မတန်လည်း ကြိုးစားပါတယ်။ လူငယ်တွေကိုလည်း တော်တော် ကူညီ ပါတယ်။ အဲဒီလူတွေ သေကုန်ပြီဗျ။

ကျန်တဲ့သူတွေထဲကလည်း ကျနော့်တပည့်တွေ ရှိပါတယ်။ ဆရာတွေထဲမှာလည်း ရှိပါတယ်။ ဆရာတွေ အကြောင်းလည်း ကျနော် ရေးဖူးပါတယ်။ တပည့်တွေ အကြောင်းလည်း ရေးဖို့ ကျနော်လုပ်သေးတယ်။ သူတို့ရဲ့ Contribution လည်း တော်တော်ကောင်းတာပဲ။ ဒါပေမယ့် သူတို့က ကျနော့်လောက် မကြိုးစား ကြဘူးဗျ။ အဲဒါနဲ့ပဲ သူတို့အကြောင်းရေးရင် သူတို့ကို နှိ်ပ်စက်သလိုများ ဖြစ်နေမလားဆိုပြီး မရေးတောဘဲ သူတို့ရေးတဲ့ စာတွေကိုပဲ အကျဉ်းချုပ် ထည့်နေတယ်။ ဒါကတော့ အစဉ်အဆက်ကို ဖော်တာပါပဲ။ ငါ့အ ထက်ကလည်း လုပ်ခဲ့တယ်။ ငါလည်း လုပ်ခဲ့တယ်။ ငါ့အောက်က လူတွေလည်း လုပ်တယ်ဆိုတာကို ပြချင် တာပါ။

ပူးပူးကပ်ကပ် အလုပ်လုပ်တဲ့ သူတွေဆိုရင် ခုနကပြောတဲ့ အယူအဆတွေလည်း ကျနော် သူတို့ကို တတ် နိုင်သလောက် သင်ကြားပါတယ်။ သူတို့ကလည်း တော်တော်များများ လိုက်နာကြပါတယ်။ ဒါပေမယ့် တချို့ ကလည်း ဘွဲ့ရပြီး ဆက်မလုပ်ကြဘူး။ ဆက်လုပ်ကြသူတွေထဲမှာလည်း ကြိုးစားကြသူတွေရှိပါတယ်။ အငယ် ထဲကဆိုရင် ဒေါက်တာတိုးလှပေါ့။ ခုကိုပဲ ကျနော် တိုးလှရဲ့ စာအုပ်ကို အကျဉ်းချုပ် ရေးနေတယ်။ သူတို့ တော်တော် ကြိုးစားပါတယ်။

အဲဒီတော့ ခင်ဗျားမေးခွန်းထဲမှာ မျိုးဆက်သစ်ဆိုတာ ပါတယ်။ မျိုးဆက်သစ်ဆိုတဲ့ စကားဟာ ခင်ဗျား ကြိုက်ကြိုက် မကြိုက်ကြိုက် သူကလာနေမှာပဲ။ ခင်ဗျားပြီးတော့ သားလာမယ်။ သားပြီးတော့ မြေးလာမယ် ပေါ့ဗျာ။ ဒီလိုပဲ လာနေမှာပဲ။ လာနေတော့ ဘယ်သူပဲဖြစ်ဖြစ် ကိုယ့်မျိုးဆက်သစ်ကို ကောင်းစေချင်မှာပဲ။ ဒါပေမယ့် ပညာဆိုတာက အမွေပေးလို့ မရဘူး။ ပညာဟာ အမွေ မဟုတ်ဘူး။ သင်ကြားပေးလို့တော့ ရတယ်။ ဒါပေမယ့် လက်ခံသင်ယူတဲ့ လူရဲ့ အရည်အချင်းက သိပ်အရေးကြီးတယ်။ ဆရာက အစတော်တယ် ဆိုပေမယ့် တပည့်မတော်ရင် အဆုံးသတ် ညံ့မယ်။ ဆရာတွေက ဒီကောင် သိပ်တော်တယ် ငါ့တပည့်ကွလို့ ပြောတတ် ကြတယ်။ ကျနော်ကတော့ ဒီကောင်တော်လို့ ငါတို့ဆီမှာ လာတပည့်ခံတာလို့ ပြောလေ့ရှိပါတယ်။

မေး ။ ။ မျိုးဆက်သစ်တွေကို ပြောရင် ဆရာ သိပ်အားမရတာ ရှိတယ်။ အဲဒါ အဓိကက ဘာလဲ။

ဖြေ ။ ။ သူတို့ အလေ့အကျင့် နည်းတာပေါ့။ Practice နည်းတာပါပဲ။ ဒါက အသက်နဲ့ မဆိုင်ဘူးဗျ။ ခင်ဗျား နာရီရှိသရွေ့ ဒါလုပ်နေတယ်ဆိုရင် နှစ်နှစ် သုံးနှစ်အတွင်းမှာ ခင်ဗျားတက်လာမှာပဲ။ အနှစ်သုံးဆယ် ဘာမှ မလုပ်ဘူးဆိုရင် ခင်ဗျား ဘာမှ ဖြစ်မလာဘူး။ ဒါက အသက်နဲ့ မဆိုင်ဘူး။ Practice နဲ့ ဆိုင်တယ်။ အလေ့အ ကျင့်များများနဲ့ ကြိုးစားဖို့လိုတယ်။ ဂျပန်သွားတော့လည်း ကျနော်ပြောခဲ့တယ်။ ခုခေတ် လူငယ်တွေက သူတို့အဖေတွေလောက် မကြိုးစားဘူး။ သူတို့ အဖေတွေက ဂျပန်နိုင်ငံ ပြာပုံကနေ ပြန်ထူရတာ။ ကျနော်တို့ဆီ လည်း ဒီလိုပါပဲ။

မေး ။ ။ ကျနော်တို့ခေတ်မှာ တော်တော်များများ အဆင့်သင့် ဖြစ်နေလို့များလား။

ဖြေ ။ ။ အင်း ခင်ဗျားပြောတာ မှန်တယ်ဗျ။ အဆင်သင့် ဖြစ်နေတော့ သိပ်မကြိုးစားကြတော့တာ ဖြစ်နိုင် တယ်။ ခပ်ငယ်ငယ်က ဖတ်ရတဲ့ H.G Wells ရဲ့ Time Machine ထဲကလိုပေါ့။ သိပ်ကို တိုးတက်တဲ့ ခေတ် ရောက်လာတော့ လူတိုင်းဟာ ကောင်းတယ်ဆိုသမျှ ပစ္စည်းအားလုံးကို အလွယ်အသင့် ရနေတယ်။ အာဟာရ ဓာတ်နဲ့ ပြည့်စုံတဲ့ အစားသောက်ဆိုရင် သစ်ပင်မှာရှိတဲ့ သစ်သီးခူးစားရုံနဲ့ ရတယ်။ အားလုံး အဲဒီလို အဆင်သင့် ပဲဆိုတော့ မျိုးဆက်သစ်က လူတွေအားလုံးဟာ အကုန်တုံးကုန်တယ်။ ကလေးတွေလိုပဲ ရယ်မော ဆော့နေကြ တယ်။ မျိုးဆက်တစ်ခုလုံး ဖျင်းသွားတယ်။ ဒါကို ဘယ်လိုမှ တားမရတော့ပါ။

မေး ။ ။ ဆရာပြောသွားတဲ့ အထဲမှာ ဆရာတင်လှသော် အကြောင်းပြောတော့ သူက ငယ်ငယ်နဲ့ ဆုံးသွား တာကိုး။ ဒီတော့ တော်တာ ကြိုးစားအားထုတ်တာ အရေးကြီးသလိုပဲ ကျန်းမာရေးကလည်း အရေးကြီး တာပေါ့။

ဖြေ ။ ။ ဒါပေါ့။ ကျန်းမာရေးက အရေးကြီးတာပေါ့။ ဒေါက်တာရီရီလည်း ဒီလိုပဲ။ သူက သွေးဖြူဥရောဂါ ရှိတယ်။ အဲဒီတော့ ဆိုပါတော့ဗျာ ကျနော်က တစ်နေ့ ပုံမှန်အားဖြင့် ၁၄ နာရီလောက် လုပ်တယ်ဆိုရင် သူက ၁၀ နာရီလောက်လုပ်လိုက်ရင် ချုံးကျသွားပြီပေါ့။ သိပ်မလုပ်နိုင်ဘူးပေါ့ဗျာ။ ကျန်းမာရေးကတော့ သိပ်အရေး ကြီးတာပေါ့ဗျာ။

ဒီမှာ ခင်ဗျားက လူကျန်းမာရေး စိတ်ကျန်းမာရေးပြောတော့ စိတ်ကျန်းမာရေးဆိုတာ သမထ၊ ၀ိပဿနာမှာ ပြောသလိုပါပဲ။ လူမှာ လောဘ၊ ဒေါသ၊ မောဟတွေ များနေရင် စိတ်မကျန်းမာဘူးပေါ့။ အဲဒါတွေ မရှိရင် စိတ်ကျန်းမာတာပေါ့။ မနာလိုတာ မရှိဘူး၊ ကလဲ့စားချေတာ မရှိဘူး။ ကလဲ့စားချေဖို့ မရှိရုံတင် မဟုတ်ဘူး။ ကျနော် သတိတောင် မထားမိဘူး။ စိတ်ကျန်းမာရေးကတော့ လောဘ၊ ဒေါသ၊ မောဟနည်းရင် ကျန်းမာ တာပေါ့။ လောဘဆိုတာကလည်း ၀ိပဿနာက ပြောသလိုပါပဲ။ အစားကောင်းလေး စားချင်တယ်ဆိုရင် တ ကယ်အစားကောင်း စားရတယ် ဆိုတာကိုက ဒုက္ခပဲလို့ နားလည်သွားတဲ့ အခါကျတော့ ဘာကိုမှ မမက် တာပေါ့။

အဲဒီတော့ ကျနော်တို့ ငယ်ငယ်က ကိုရင်ဝတ်ရင် ပထမဆုံး စသင်ရသလိုပေါ့။ ဒီသင်္ကန်းဟာ ခန္ဓာကိုယ် လုံခြုံဖို့၊ ရာသီဥတုဒဏ် ခံနိုင်ဖို့၊ လှဖို့ မဟုတ်။ ဒီအစားဟာ အသက်ရှင်နေမှ တရားအားထုတ်နိုင်မှာဖြစ်လို့ ကျန်းမာ ရေးအတွက် စားရတာ၊ စားကောင်းလို့ အရသာရှိလို့ မဟုတ်ဘူးဆိုတာ။ ဒါမျိုးတော့ ကျနော်က မှတ်မိတယ် ဗျာ။ အဲဒါတွေပါပဲ။ အဲဒီတော့ လောဘ၊ ဒေါသ၊ မောဟတွေက အပြီးချုပ်သွားတာတော့ မဟုတ်ဘူးဗျ။ ဒါပေ မယ့် နည်းသွားတာပေါ့။ အများကြီး နည်းသွားတာပေါ့။


“နိုင်ငံရေးစိတ်ဓာတ်ကြောင့် ဒုစရိုက်နည်းသွားတယ်။ အများအကျိုးအတွက် ကိုယ်ကျိုးစွန့်ရမယ်ဆိုတဲ့ လမ်းကြောင်းရောက်သွားတယ်”


မေး ။ ။ ဒီတော့ ကျင့်ဝတ်ကို စောင့်ထိန်းတာဟာ လောဘ၊ ဒေါသ၊ မောဟကို ထိန်းချုပ်တာပဲဆိုတော့ ကျင့်ဝတ်ဟာ စိတ်ကျန်းမာရေးရဲ့ အခရာလို့ ပြောရမှာပေါ့။

ဖြေ ။ ။ နိုင်ငံရေးမှာတော့ ရှိတယ်ဗျာ။ မက်ကီယာဗယ်လီက မင်းစစ် တိုက်တာ နိုင်ချင်လား၊ နိုင်ဖို့ပဲ အရေးကြီးတာ။ လူဘယ်လောက် သေ သေဆိုတာမျိုး၊ မင်းအောင်မြင်ဖို့ရာ ဘယ်လိုပဲရရ ဆိုတာမျိုးပေါ့။ ဒါက တော့ ပြင်းထန်ပါတယ်။ သိပ်မဟုတ်ဘူးဗျာ။ ကျနော်ကတော့ မကြိုက် ဘူးပေါ့ဗျာ။ အောင်မြင်ဖို့ ဆိုပေမယ့် စောင့်ထိန်းရမှာကိုလည်း စောင့် ထိန်းရမှာပေါ့။

ကျနော် ငယ်ငယ်က ၁၅နှစ်၊ ၁၆နှစ်။ ကျနော် ၁၅နှစ်မှာ ဆယ်တန်း အောင်တယ်။ ကျနော်တို့နေတဲ့ ကျောင်းက ၆လနဲ့ အအောင်ပေး တော့ ကျနော် စောအောင်နေတယ်။ ဒီတော့ တက္ကသိုလ်တက်ဖို့အတွက် တစ်နှစ်အားနေတာပေါ့။ အဲဒီတော့ ကျနော်က သမိုင်းဝါသနာပါတယ်။ နိုင်ငံရေး ၀ါသနာပါတယ်ဆိုတော့ စာတွေဖတ်နေတာပဲ။ အမှန်က ၁၅နှစ်၊ ၁၆နှစ်ဆိုတာ ကလေကချေ ဖြစ်နိုင်တယ်။ ဆိုးသွမ်းလူငယ် ဖြစ်သွားနိုင်တယ်။ ကျနော် ဖြစ်မသွားဘူး။

အဲဒီမှာ ကျနော်က လွတ်လပ်ရေးရမယ်။ သခင်လူမျိုးတွေ၊ တို့ဗမာ(မြန်မာ)တွေ ဘာညာ ဆိုတာထဲရောက် တော့ အကျင့်စာရိတ္တကို ထိန်းပြီးသား ဖြစ်သွားတယ်။

မေး ။ ။ အမျိုးသားလွတ်လပ်ရေးအတွက်ဆိုတဲ့ နိုင်ငံရေးနိုးကြားမှုက ထိန်းတာပေါ့။

ဖြေ ။ ။ နိုင်ငံရေးနိုးကြားမှု ဟုတ်တယ်။ မိဘလည်းပါတယ်။ ဆရာလည်းပါတယ်။ နောက်ပြီးတော့ နိုင်ငံရေး လည်း ပါတာပေါ့။ ကျနော့်မိဘတွေက အင်မတန် ရတနာသုံးပါး ကိုင်းရှိုင်းကြတယ်။ ငယ်ငယ်ကဆို ကျနော်တို့ အိမ်မှာ သီချင်းမဆိုရဘူး။ အမဲသား မစားရဘူး။ သွားနေတဲ့ကျောင်းက နေရှင်နယ်ကျောင်း။ နယ်ချဲ့ကို တချိန်လုံး ဆန့်ကျင်နေတာ။ နောက် စစ်ပြီးသွားတော့ ကွန်မြူနစ်ပါတီ ရောက်သွားတယ်။ Anti-Capitalism အရင်းရှင်နယ်ချဲ့ ဆန့်ကျင်ရေးပေါ့။ အဲဒါတွေက ကျနော့်ကို ဆိုးသွမ်းလူငယ်ဘက် မရောက်အောင် ထိန်းပေး ခဲ့တာပေါ့။

နိုင်ငံရေးစိတ်ဓာတ်ကြောင့် ဒုစရိုက်နည်းသွားတယ်။ အများအကျိုးအတွက် ကိုယ်ကျိုးစွန့်ရမယ်ဆိုတဲ့ လမ်း ကြောင်းရောက်သွားတယ်။

လူငယ်တွေရဲ့ ပြဿနာကိုတော့ ကျနော်က ကျောင်းဆရာအဖြစ်နဲ့ အကို၊ အဖေ၊ အဘိုးအနေနဲ့ နေ့တိုင်း ရင် ဆိုင်နေရတာပါ။ သားတွေ၊ မြေးတွေ ရှိတယ်။ တပည့်တွေ ရှိတယ်။ သူတို့ကို ပညာတတ်အောင်၊ စရိုက် ကောင်းအောင် စံပြအဖြစ်နဲ့ နေရတယ်။ ဟောရ ပြောရတယ်။

ကျနော်တို့ ငယ်စဉ်က တောမှာနေရတော့ အရက်ဆိုင်တို့ ဘာတို့ မရှိဘူး။ ဒါပေမယ့်လည်း ပျက်စီးစရာတွေ အများကြီး ရှိပါတယ်။ တိမ်းစောင်းမသွားအောင် ထိန်းပေးတာ ကျနော့်အဖေလို့ ထင်တာပဲ။ စစ်သုံးနှစ် ဖြစ် တဲ့အချိန်မှာ ပညာသင်စရာ ကျောင်းမရှိတော့ ကျနော့်အဖေက မင်းတို့ ဘုန်းကြီးကျောင်းမှာ သင်စရာ တတ် စရာ အတတ်ပညာတွေ ရှိတာပဲ။ သွားသင်ကြပါလားလို့ နှိုးဆော်တယ်။ သင်ချင်တာပြော ဆရာရှာပေးမယ် ဆိုပြီး ကျနော့်အစ်ကိုက သဒ္ဒါသင်္ဂြိုဟ် သင်ချင်တယ်ဆိုလို့ သူကိုးကွယ်တဲ့ ဆရာဘုန်းကြီးဆီကို ပို့တယ်။ ကျ နော်က ဗေဒင်သင်ချင်တယ်ဆိုတော့ ဗေဒင်သင်တဲ့ ဘုန်းကြီးဆီ ပို့တာပေါ့။ အဲဒီလို ပညာတစ်ခုခု လုပ်နေတဲ့ အချိန်မှာ စိတ်ကလေကလွင့် မဖြစ်ဘူးပေါ့။

ငယ်ငယ်က ကျနော်တို့က ပုံပြောပါဆိုရင် ကျနော့်အဖေက ငါးရာ့ငါးဆယ်ကို ဖတ်ပြောတာ။ အဲဒီပုံစံမျိုး ရှိတယ်။ မိဘလည်း ပါတယ်ပေါ့ဗျာ။ ဒါပေမယ့် ကျနော်တို့မှာ ထားရမယ့် စည်းကမ်းတို့ ဘာတို့ကို နိုင်ငံရေးကလည်း ထိန်းတယ်။ ကျနော်တို့ခေတ်က အဲဒီခေတ်ကိုးဗျ။ ၁၃၀၀ ပြည့်အရေးတော်ပုံတို့ ဘာတို့။ ကျနော်တို့ တောကို နိုင်ငံရေး ခေါင်းဆောင်တွေလာရင် တရားပွဲ နားထောင်မယ်။ သခင်မျိုးဟေ့ တို့ဗမာ (မြန်မာ)လို့ အော်မယ်ဆိုတော့ နိုးကြားထကြွတဲ့ စိတ်က အဲဒီမှာ ရှိနေတာပေါ့။ နောက် အာရှလူငယ်လုပ် တော့ ဗလငါးတန်တို့ ဘာတို့လုပ်တယ်။ ဂျပန်ခေတ်မှာကျတော့ ဖက်ဆစ်တော်လှန်ရေး လုပ်တာကို လူကြီးတွေက မကြိုက်ဘူးပေါ့ဗျာ။ ဂျပန်ကင်ပေက သိပ်ဆိုးတာဆိုတော့ မိဘတွေ စိတ်ဆင်းရဲကြတာပေါ့။ အရက်သမား၊ ဘိန်းသမား၊ မြာသမား၊ ဖဲသမားတော့ မဖြစ်ဘူး။ ဒါပေမယ့် မိဘတွေက စိတ်ပူရတယ်။ စိတ်ဆင်းရဲရတယ်။ ဂျပန်က ဖမ်းမိရင် သတ်ပစ်တာကိုး။

မေး ။ ။ ဒါပေမယ့်လည်း အဲဒီအချိန်က ဂျပန်ရန်ကြောင့် စိတ်ပူတာဖြစ်မှာပေါ့။ နောင်တော့ မိဘတွေက ဆရာ့လိုသားမျိုး မွေးထားရတဲ့အတွက် ဂုဏ်ယူနေကြမှာ မဟုတ်လား။

ဖြေ ။ ။ အင်း အဲဒီလို စဉ်းစားရင်တော့လည်း ရပါတယ်။ ငါက ခေါင်းဆောင်ဖြစ်ချင်တယ်။ ခေါင်က မိုးလုံမှ ပေါ့ဆိုတဲ့စိတ်က ငယ်ငယ်ကတည်းက မိဘနဲ့အသိုင်းအ၀ိုင်းက သွင်းပေးတဲ့ စိတ်ဓာတ်ဖြစ်တယ်လို့ အချုပ်အား ဖြင့် ပြောရမှာဖြစ်တယ်။

(တကောင်းစာအုပ်တိုက်ထုတ် ဒေါက်တာသန်းထွန်း၏ ‘သမိုင်းနှင့် စကားပြောခြင်း’ စာအုပ်မှ ကောက်နှုတ်ဖော်ပြပါသည်)

Posted by ဒေါက်တာလွဏ်းဆွေ at 5:57 PM

Labels: အမှတ်တရ

အလင်းအိမ်မဂ္ဂဇင်း

Luminary 4 of 1

Saturday, November 28, 2009

ဝါရင့်နိုင်ငံရေးလုပ်ဖော်ကိုင်ဖက်များ

သို့

ဗိုလ်ချုပ်မှူးကြီးသန်းရွှေ
ဥက္ကဌ
နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ
နေပြည်တော်
ရက်စွဲ - ၂၀၀၉၊ နိုဝင်ဘာလ၊ ၂၈ရက်။

အကြောင်းအရာ။ ။ မြန်မာနိုင်ငံအပေါ်အရေးယူပိတ်ဆို့ထားမှုများ ရုပ်သိမ်းရေးနှင့်ပါတ်သက်သောကိစ္စ။

(၁) မြန်မာနိုင်ငံလွတ်လပ်ရေးရရှိပြီးသည့် အချိန်မှစ၍ မြန်မာနိုင်ငံပြည်သူတစ်ရပ်လုံး စည်းလုံး ညီညွတ် ရေးပြိုကွဲခဲ့ရာမှ အလွန်နာကျည်းမနှစ်မြို့ဖွယ်ရာပြည်တွင်းစစ်ဖြစ်ခဲ့ရာ ယနေ့မြန်မာနိုင်ငံ အခြေ အနေကို ဓမ္မဒိဌာန်ကျကျ သုံးသပ်ကြည့်ရှုလျှင် အဖက်ဖက်မှယိုးယွင်းနိမ့်ကျလျက်၊ ဖွံ့ဖြိုးမှုအနိမ့်ကျဆုံးနိုင်ငံ အဖြစ်မှ ရုန်းမထွက်နိုင်သေးသည်ကို ထင်ထင်ရှားရှားတွေ့နိုင်မည် ဖြစ်ပါသည်။
(၂) ယင်းသို့သော အခြေအနေမှ လွတ်မြောက်နိုင်ရန်နှင့် ဖွံ့ဖြိုးတိုးတက်၍ စစ်မှန်သော ဒီမိုကရေစီ နိုင်ငံ ထူထောင်ရေးအတွက် တစ်ခုတည်းသောနည်းလမ်းမှာ “အမျိုးသား ပြန်လည်ရင်ကြားစေ့ရေး” “အမျိုးသား ညီညွတ်ရေး”ကို အမြန်ဆုံးမဖြစ်မနေတည်ဆောက်ရန်ဖြစ်သည်ဟု နိုင်ငံတော်အေးချမ်းသာယာ ရေးနှင့် ဖွံ့ဖြိုးရေးကောင်စီအနေနှင့်လည်း အလေးထားယုံကြည်သည်ကို ၄င်း၏နိုင်ငံရေးဦးတည်ချက်(၄) ရပ်တွင် အောက်ပါအတိုင်း ထင်ထင်ရှားရှားဖော်ပြထားသည်ကို တွေ့ရှိရပါသည်။
“နိုင်ငံတော်တည်ငြိမ်ရေး၊ ရပ်ရွာအေးချမ်းသာယာရေးနှင့် တရားဥပဒေ
စိုးမိုးရေး၊ အမျိုးသားပြန်လည်စည်းလုံးညီညွတ်ရေး“ ဟု ပါရှိပါသည်။
(၃) ကျနော်တို့ သက်ကြီးရွယ်အိုနိုင်ငံရေးလုပ်ဖော်ကိုင်ဖက်များကလည်း ကျနော်တို့ ဖြတ်သန်း တွေ့ကြုံကိုယ်တိုင်ဆင်နွှဲခဲ့သည့် တိုက်ပွဲသင်ခန်းစာများအရ လွန်ခဲ့သော ၁၉၉၅ခုနှစ် နိုဝင်ဘာလ ၂၄ရက် နေ့စွဲဖြင့် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီနှင့် အမျိုးသားဒီမိုကရေစီအဖွဲ့ချုပ်သို့ လိပ်မူ၍ ပန်ကြားစာတစ်စောင် ပေးပို့ခဲ့ရာ၌ အောက်ပါအတိုင်း မေတ္တာရပ်ခံပန်ကြားခဲ့ပါသည်။
(၁) ရရှိပြီးသော မြန်မာနိုင်ငံလွတ်လပ်ရေး မဆုံးရှုံးစေရေးနှင့် ငြိမ်းချမ်းသာယာသော ဒီမိုကရေစီကျသော၊ ဖွံ့ဖြိုးတိုးတက်သောနိုင်ငံသစ်ကြီး တည်ဆောက်ရေးအတွက်၎င်း၊
(၂) တစ်တိုင်းတစ်ပြည်လုံး ရဟန်းရှင်လူပြည်သူတစ်ရပ်လုံး သွေးစည်းညီညွတ်ရေး
အတွက် ဆောင်ရွက်သွားမည်ဟု၎င်း၊
(၃) ယနေ့မြန်မာနိုင်ငံလက်ရှိ အခြေအနေမှာ “တစ်မျိုးသားလုံးသွေးစည်း ညီညွတ်ရေး တည်ဆောက်ရန် အလိုအပ်ဆုံးအခြေအနေဖြစ်နေပါသည်” ဟု၎င်း ဖော်ပြခဲ့ပါသည်။
အလားတူပင် ၁၉၉၉ခုနှစ်၊ ဇန်န၀ါရီလ ၁၇ရက်နေ့စွဲဖြင့် အမျိုးသား ပြန်လည်သင့်မြတ် ရေးအတွက် အကြံပြုစာတမ်းတစ်စောင်ကို ရေးသားကာ နိုင်ငံတော်အေးချမ်း သာယာရေးနှင့် ဖွံ့ဖြိုးရေး ကောင်စီသို့ ၎င်း၊ အမျိုးသားဒီမိုကရေစီအဖွဲ့ချုပ်သို့၎င်း ပေးပို့ခဲ့ရာ ယင်းစာတမ်း၌ ကျွုန်ုပ်တို့၏ရည်ရွယ်ချက် ဟူသော ခေါင်းစဉ်အောက်တွင် အောက်ပါအတိုင်းဖော်ပြခဲ့ပါသည်။
(၁) အမျိုးသားသွေးစည်းညီညွတ်ရေးတည်ဆောက်ရန်၊
(၂) လွတ်လပ်ရေးနှင့် အချုပ်အခြာအာဏာကိုထိန်းသိမ်း ကာကွယ်ရန်၊
(၃) ငြိမ်းချမ်းသော ဒီမိုကရေစီကျသော ပြည်ထောင်စုကြီးတည်ဆောက်ရန် ဟု ဖော်ပြခဲ့ပါသည်။

ဆက်လက်၍လည်း ကျနော်တို့စတင်အကြံပြုခဲ့သည့် ၁၉၉၅ခုမှ ယနေ့အထိ ၁၄နှစ်တိုင်တိုင် အဆိုပါသဘောထားအတိုင်း အကြိမ်ကြိမ်အကြံပေးပန်ကြား မေတ္တာရပ်ခံခဲ့ပါသည်။
ကျနော်တို့ အကြံပြုခဲ့ချက်များမှာ ရက်ရှည်လများစွာ အကြောင်းအမျိုးမျိုးကြောင့် အကောင်အထည် မဖော်နိုင်ခဲ့သော်လည်း ၂၀၀၉ခုနှစ်၊ နိုဝင်ဘာလ ၁၁ရက်နေ့စွဲဖြင့် အမျိုးသားဒီမိုကရေစီအဖွဲ့ချုပ် အထွေထွေအတွင်းရေးမှူးဒေါ်အောင်ဆန်းစုကြည်ကိုယ်တိုင် လက်မှတ်ရေးထိုး၍ ဗိုလ်ချုပ်မှူးကြီးထံ လိပ်မူ၍ပေးပို့သောစာတွင် “မြန်မာနိုင်ငံအပေါ် အရေးယူပိတ်ဆို့ထားမှုများကိုရုပ်သိမ်းရေး” နှင့် ပတ်သက်၍ ပေးပို့သောစာတွင် အောက်ပါ အတိုင်း ဖော်ပြပါရှိသည်ကို တွေ့ရပါသည်။
အပိုဒ်(၂) “မြန်မာနိုင်ငံအပေါ် ချမှတ်ခဲ့သော အရေးယူပိတ်ဆို့မှုများကို ဖယ်ရှားရေး အတွက် ကျွန်မအနေဖြင့် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီနှင့် ပူးပေါင်းဆောင်ရွက်လိုကြောင်း” ဟူ၍၎င်း၊
အပိုဒ်(၃) “နိုင်ငံတော်အတွက် အကျိုးရှိမည့်လုပ်ငန်းများကိုလည်း ကျွန်မအနေဖြင့် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီနှင့် ပူးပေါင်းဆောင်ရွက်နိုင်လိမ့်မည် ဟု မျှော်လင့်ပါသည်။” ဟုဖော်ပြသည်ကို တွေ့လိုက်ရ ဖတ်လိုက်ရသောအခါ ကျနော်တို့တိုင်းပြည်တွင် လွတ်လပ်ရေးရပြီးစ အချိန် မှစ၍ နိုင်ငံရေးသဘောထားကွဲလွဲမှုများမှ အခြေခံကာ နယ်ချဲ့သမားတို့ကို အတူလက်တွဲ၍ အသက်ပေး တိုက်ခိုက်ခဲ့သူများ အချင်းချင်း ဂိုဏ်းဂဏ၀ါဒ၊ အတ္တ၀ါဒတည်းဟူသော မာန်မာနတို့၏ လွှမ်းမိုးမှုကို မလွန်ဆန်ခံနိုင်ခဲ့ကြသဖြင့် အမျိုးသားခေါင်းဆောင်ကြီးများ (အာဇာနည် ခေါင်းဆောင်ကြီးများ) အသက်ပေး တည်ဆောက်ခဲ့သည့် အမျိုးသားညီညွတ်ရေးပြိုကွဲကာ နိုင်ငံတော်၏ အခြေအနေ အဖက်ဖက်မှယိုယွင်း မှုများအားလုံး အဆုံးသတ်တော့မည့် လမ်းစပေါ်လာခဲ့ပြီဟု ကျနော်တို့ ယူဆမိပါသည်။

ဗိုလ်ချုပ်မှူးကြီးခင်ဗျား -

ကမ္ဘာကြီး၏ လက်ရှိအခြေအနေမှာ ဗိုလ်ချုပ်မှူးကြီးသိရှိထားပြီးဖြစ်သည့်အတိုင်း
- နိုင်ငံကြီးငယ်အားလုံး စီးပွားပျက်ကပ်ဒဏ်ကို အလူးအလဲခံနေရရာ ယခုတိုင် နလန်မထူနိုင်ကြသေးခြင်း
- နိုင်ငံကြီးအချို့တို့၏ လက်နက်ပြိုင်ဆိုင်မှု စစ်အေးတိုက်ပွဲပြင်းထန်လာ နေခြင်း၊
- အစွန်းရောက် ၀ါဒသမားများ၏ အကြမ်းဖက်မှုအန္တရာယ်တစ်နေ့တခြား ကြီးမား လာခြင်း၊
- အနုမြူအန္တရာယ်၏ ခြိမ်းခြောက်မှုခံနေကြရခြင်း စသည်တို့ကြောင့်
တတိယကမ္ဘာစစ်၏ အန္တရာယ်သည် အေးချမ်းစွာနေလိုသော ကျနော်တို့ပြည်သူ တစ်ရပ်လုံးအား ခြိမ်းခြောက်လျှက်ရှိသည်ဟု ယူဆမိပါသည်။
ယင်းကဲ့သို့သော အခြေအနေအရပ်ရပ်တွင် ဗိုလ်ချုပ်မှူးကြီးပြောကြားခဲ့သည့် မိန့်ခွန်းအသီးသီး၌ လည်း “အမျိုးသားညီညွတ်ရေးအရေးကြီးပုံ” ဆိုသည့် စကားရပ်မပြတ်ပါရှိခဲ့သလို အမျိုးသားဒီမိုကရေစီအဖွဲ့ ချုပ် ၈၉ကြိမ်မြောက် အမျိုးသားနေ့ ကြောညာချက်တွင်လည်း “တိုင်းပြည်နှင့် ပြည်သူလူထုအကျိုးစီးပွား ကို ဆောင်ရွက်နိုင်ရန် အမျိုးသားညီညွတ်ရေးကို တည်ဆောက်ကြရမည်” ဟုဖော်ပြထားပြီး ဥက္ကဌကြီးထံသို့ ဒေါ်အောင်ဆန်းစုကြည် ပေးစာတွင် “တိုင်းပြည်နှင့် ပြည်သူလူထုအကျိုးရှိမည့် လုပ်ငန်းများကိုလည်း နိုင်ငံ တော်အေးချမ်းသာယာရေးဖွံ့ဖြိုးရေးကောင်စီနှင့်အတူပူးပေါင်းဆောင်ရွက်လိုကြောင်း” ဖော်ပြထားပါသည်။ ထို့အတူ ပြည်သူတစ်ရပ်လုံးကလည်း နှစ်ရှည်လများ နိုင်ငံကိုဦးဆောင်ခဲ့ကြသည့် မည်သည့်ခေါင်းဆောင် တစ်ယောက်ကမှ မတည်ဆောက်နိုင်ခဲ့သည့် “အမျိုးသား ပြန်လည်ရင်ကြားစေ့ရေး” တစ်နည်းအားဖြင့် “အမျိုး သား ညီညွတ်ရေး” တည်ဆောက်နိုင်တော့မည်၊ စစ်မဲ့ဘေးအန္တရာယ်အသွယ်သွယ်တို့မှ၎င်း အကြပ်အတည်း ပေါင်းစုံ တို့မှ၎င်း ညီညွတ်ရေးလက်နက်နှင့် ခုခံဖြိုခွင်းနိုင်တော့မည်။ ငါတို့မြန်မာနိုင်ငံခေတ်ဆန်း ချိန်ရောက် တော့မည်ဟု ၀မ်းမြောက်ဝမ်းသာရှိနေကြပါသည်။ ဤသို့သော ဆန္ဒနှင့် ပြည်သူ့သဘောထားကို ဗိုလ်ချုပ်မှူး ကြီးကိုယ်တိုင်ဦးဆောင်ကာ ပတ်သက်သူအားလုံးနှင့် ဗုဒ္ဓမြတ်စွာဘုရား၏ အဆုံးအမနှင့်အညီ အတိတ်ကို သင်ပုန်းချေ၊ ခန္တီတရားလက်ကိုင်ထား၍ မေတ္တာတရားရှေးရှုကာ အမြန်ဆုံးတွေ့ဆုံဆွေးနွေးပြီး အမျိုးသား ညီညွတ်ရေး အမျိုးသား ပြန်လည်ရင်ကြားစေ့ရေးတို့ကို ကြိုးပမ်းပေးပါရန် နိုင်ငံတော်နှင့် အားလုံးသော ဆင်းရဲချမ်းသာမရွေး၊ အယုတ်အလတ် အမြတ်မရွေး ညီညွတ်ရေးကို အာသာငမ်းငမ်း တောင့်တနေကြသည့် ပြည်သူများ၏ ကိုယ်စားမေတ္တာရပ်ခံလိုပါသည်။
ဗိုလ်ချုပ်မှူးကြီးခင်ဗျား -
ကျနော်တို့သည် အသက်အရွယ်ကြီးရင့်နေကြပါပြီ။ သေမင်းထံ ခြေတစ်ဖက်လှမ်းနေ သူများလည်း ဖြစ်ပါသည်။ “တို့တစ်တွေ ညီညွတ်ရေးရခဲ့လျှင်” ဟူသော ခံစားချက်ဖြင့်သာ ဤစာကိုရေးသားပေးပို့ခြင်းဖြစ်ပါသည်။
ဥက္ကဌကြီးသည် နိုင်ငံတော်ကို ဦးဆောင်နေသူတစ်ယောက်အဖြစ် ဂါရ၀တရား “ဂုဏ၀ုတ္တိ” ထား၍ နိုင်ငံအကျိုးရှေးရှုကာ မိမိတို့ဥာဏ်မီသလောက် ရေးသားတင်ပြရခြင်းကို ခွင့်လွှတ်စေ လိုပါသည်။

“ကျန်းမာချမ်းသာကြပါစေ”

(သခင်သိန်းဖေ)
(၀ါရင့်နိုင်ငံရေးလုပ်ဖော်ကိုင်ဖက်များ ကိုယ်စား)

Sunday, November 22, 2009

ဒေါ်အောင်ဆန်းစုကြည်အပေါ် မတရားအမိန့်ချခြင်းကို ဆန့်ကျင်ဆန္ဒပြခြင်း နှင့် နိုင်ငံရေးအကျဉ်းသားများကို ချွင်းချက်မရှိလွှတ်ပေးရန် ဆက်လက်တောင်းဆို












၂၂.၁၁.၂၀၀၉

ယနေ့(၂၂.၁၁.၂၀၀၉)၌ အမျိုးသားဒီမိုကရေစီ အဖွဲ့ချုပ်(လွတ်မြောက်) ဂျပန်ဌာနခွဲ၏ နဂိုယာစည်းရုံးရေးဒေသ အဖွဲ့ချုပ်ဝင်များမှ လှုပ်ရှားမှု့များကို ဆက်လက်လုပ်ကိုင်ခဲ့ကြသည်။ ဒေါ်အောင်ဆန်းစုကြည်အားမတရားအမှုဆင်လုပ်ဆောင်ပြီး အမိန့်ချမှတ်ခြင်းကို လုံးဝ(လုံးဝ)လက်မခံနိုင်ကြောင်းကို ဂျပန်ပြည်သူများအား သေချာသိရှိစေရန် လက်ကမ်းစာဆောင်ဝေခြင်းအမှုအား နဂိုယာစည်းရုံးရေးဒေသ အဖွဲ့ချုပ်ဝင်များမှ စဉ်ဆက်မပြတ်လုပ်ဆောင်လာခဲ့သည်။
ယနေ့၌ နဂိုယာစည်းရုံးရေးဒေသ၏ ဆက်တိုက်လုပ်ဆောင်မှု့များကို ဂျပန်ပြည်သူများ အသိအမှတ်ပြုလာခြင်းကို လက်တွေ့လာရောက် အားပေးခြင်းဖြင့် ကျနော်တို့ အဖွဲ့ချုပ်ဝင်များ၏ ယုံကြည်ချက်ဖြင့် လုပ်ဆောင်နေမှု့များကို ပိုမိုခိုင်လာစေသည်။

Thursday, November 19, 2009

ရွှေဂုံတိုင်ကြေညာချက်ကို ဆုပ်ကိုင်ရန် အန်အယ်ဒီ-အယ်အေ ဆုံးဖြတ်




ရွှေဂုံတိုင်ကြေညာချက်ကို ဆုပ်ကိုင်ရန် အန်အယ်ဒီ-အယ်အေ ဆုံးဖြတ်
ကျော်သိင်္ခ
ဗုဒ္ဓဟူးနေ့၊ နိုဝင်ဘာလ 18 ရက် 2009 ခုနှစ် 19 နာရီ 45 မိနစ်


မဇ္ဈိမ (ချင်းမိုင်)။ ။ အမျိုးသားဒီမိုကရေစီအဖွဲ့ချုပ်-လွတ်မြောက်နယ်မြေ၏ ညီလာခံကို ထိုင်း-မြန်မာနယ်စပ် တနေရာ၌ မကြာ သေးမီက ကျင်းပပြီးစီးပြီး ရွှေဂုံတိုင်ကြေညာချက်ကို ဆက်လက်ဆုပ်ကိုင်သွားမည်ဟု ဆုံးဖြတ်ခဲ့ကြသည်။

နိုဝင်ဘာလ ၁၅ ရက်နေ့မှ ၁၇ ရက်နေ့အထိ ကျင်းပခဲ့သည့် ညီလာခံ၌ ၂ဝ၁ဝ ရွေးကောက်ပွဲကာလ အတွက် လုပ်ငန်းစဉ်များ ချမှတ်ခဲ့ပြီး မိခင်အဖွဲ့အစည်းဖြစ်သော အန်အယ်ဒီ၏ ကြေညာစာတမ်းပါ ရပ်တည်ချက်များကို ဆက်လက် ဆုပ်ကိုင်သွားမည်ဟု ဆုံးဖြတ်ကြောင်း အဖွဲ့အထွေထွေအတွင်းရေးမှူးကပြောသည်။

“ကျနော်တို့ အမျိုးသားပြန်လည် သင့်မြတ်ရေး၊ တွေ့ဆုံဆွေးနွေးရေး ဖြစ်ဖို့အတွက် အတတ်နိုင်ဆုံး ကြိုးစား မယ်။ ရွှေဂုံတိုင်ကြေငြာစာတမ်းပါ ရပ်တည်ချက်တွေနဲ့အညီ ၂ဝ၁ဝ ရွေးကောက်ပွဲကို ဘယ်လို အခြေအနေ နဲ့ ဖြတ်သန်းမလဲ။ ဘယ်လိုပြင်ဆင်ထားသင့်တယ် ဆိုတာမျိုးကို လေးလေးနက်နက် ဆွေးနွေးကြပါတယ်” ဟု အဖွဲ့အထွေထွေအတွင်းရေးမှူး ဦးစိုးမြင့်က မဇ္ဈိမကိုပြောသည်။

ရွှေဂုံတိုင်ကြေညာစာတမ်းတွင် ၂ဝဝ၈ ခု ဖွဲ့စည်းပုံပြင်ဆင်ရေး၊ ဦးတင်ဦးနှင့် ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားအားလုံးလွှတ်ပေးရေး၊ ၁၉၉ဝ ရွေးကောက်ပွဲရလဒ်ကို တနည်းနည်းဖြင့် အသိအမှတ်ပြုရေး၊ တွေ့ဆုံဆွေးနွေးရေးတို့ တောင်းဆိုထားသည်။

ထို့အပြင် ၂ဝဝ၈ ခု ဖွဲ့စည်းပုံအား ပြုပြင်ခြင်းမရှိပဲ ရွေးကောက်ပွဲကျင်းပခဲ့ပါက “ဆန့်ကျင်တိုက်ဖျက်” ရန် အတွက် နည်းလမ်းများကိုလည်း ဆွေးနွေးခဲ့ကြကြောင်း သိရသည်။

သို့သော် အနောက်နိုင်ငံများက မြန်မာ နိုင်ငံအပေါ် ချမှတ်ထားသည့် စီးပွားရေးပိတ်ဆို့ထားမှုများနှင့် ပတ်သက်၍မူ ညီလာခံ၌ ကျယ်ကျယ်ပြန့်ပြန့် ဆွေးနွေးခဲ့ခြင်း မရှိကြောင်း သိရသည်။

သုံးနှစ်တကြိမ် ကျင်းပသည့် ညီလာခံမှ ဥက္ကဌအသစ်အဖြစ် လွှတ်တော် အမတ် ဦးဘိုသောင်း၊ ဒုဥက္ကဌ အဖြစ် ဒေါက်တာအေးကျော်တို့ကို ရွေးချယ်ခဲ့သည်။ အလုပ်အမှု ဆောင်အဖွဲ့ဝင်များထဲတွင် လည်း လူငယ်များဖြင့် အစားထိုးရွေးချယ်မှုများရှိကြောင်း တွေ့ရသည်။

ဦးဘိုသောင်းသည် စစ်ကိုင်းတိုင်း ယင်းမာပင်မြို့နယ် မဲဆန္ဒနယ် အမှတ် (၁) အန်အယ်ဒီ လွှတ်တော် အမတ်ဖြစ်ပြီး ၁၉၉၂ ခုတွင် မြန်မာနိုင်ငံမှ အိန္ဒိယနိုင်ငံသို့ ထွက်ခွာခဲ့သည်။ အန်အယ်ဒီ-လွတ်မြောက် နယ်မြေ (ဗဟို) ဒု-ဥက္ကဌ၊ မြန်မာနိုင်ငံအမျိုးသားကောင်စီတွင် အတွင်းရေးမှူးအဖွဲ့ဝင်၊ အဖွဲ့ဝင် (ပြည်သူ့ လွှတ်တော်ကိုယ်စားလှယ်များအဖွဲ့) နှင့် အဝေးရောက်ညွန့်ပေါင်းအစိုးရ၏ လုပ်ငန်းကော်မတီဝင်တဦး လည်း ဖြစ်ခဲ့ဖူးသည်။

ဒုဥက္ကဌ ဒေါက်တာအေးကျော်သည် ယခင်က အန်အယ်ဒီ-လွတ်မြောက်နယ်မြေ (သြစတေးလျဌာနခွဲ) ဥက္ကဌတာဝန်ထမ်းဆောင်ခဲ့ပြီး အန်အယ်ဒီ-လွတ်မြောက်နယ်မြေ (ဗဟို) ၏ ဒုဥက္ကဌ တာဝန်ကို ယခုမှ စတင်ထမ်းဆောင်မည်ဖြစ်သည်။

ယခုနှစ် ညီလာခံသည် ဆဌမကြိမ်မြောက် ညီလာခံဖြစ်ပြီး၊ ဒေသတွင်းဆိုင်ရာလှုပ်ရှားမှုများရှိနေသဖြင့် မတက်ရောက်နိုင်သည့် ဂျပန်နှင့် မလေးရှားရှိ ဌာနခွဲများမှအပ နိုင်ငံတကာရှိ ဌာနခွဲ အားလုံးမှ ကိုယ်စား လှယ် စုစုပေါင်း ၄၃ ဦး တက်ရောက်ခဲ့ကြောင်း သိရသည်။

၁၉၉ဝ ခု ရွေးကောက်ပွဲ၌ အမျိုးသားဒီမိုကရေစီအဖွဲ့ချုပ် အနိုင်ရပြီးနောက် စစ်အစိုးရက အာဏာလွှဲ ပေးခြင်းမရှိပဲ အဖွဲ့ချုပ်ဝင်များ၊ ပြည်သူ့လွှတ်တော်ကိုယ်စားလှယ်များအား ဖမ်းဆီးသဖြင့် အဖွဲ့ဝင်အချို့ နယ်စပ်ဒေသများသို့ တိမ်းရှောင်လာကာ ၁၉၉၁ ခုနှစ်တွင် ထိုင်း-မြန်မာနယ်စပ်ရှိ မာနယ်ပလောဌာနချုပ်၌ အမျိုးသားဒီမိုကရေစီအဖွဲ့ချုပ်-လွတ်မြောက်နယ်မြေ (ဗဟို) ကို စတင်ဖွဲ့စည်းခဲ့ပြီး၊ ဒေါက်တာစိန်ဝင်းက ပထမဦးဆုံး ဥက္ကဌအဖြစ် တာဝန်ထမ်းဆောင်ခဲ့သည်။

ယခုအခါ ဒေါက်တာစိန်ဝင်းသည် အဝေးရောက်ညွန့်ပေါင်းအစိုးရ၏ ဝန်ကြီးချုပ်ဖြစ်သည်။


၂ဝဝ၉ ခုနှစ်၊ နိုဝင်ဘာလ (၁၅) ရက်နေ့မှ (၁၇) ရက်နေ့အထိ ကျင်းပသော အမျိုးသားဒီမိုကရေစီအဖွဲ့ ချုပ် (လွတ်မြောက်နယ်မြေ) ဆဋ္ဌမအကြိမ်ညီလာခံမှ ဗဟိုကော်မတီဝင်များကို ရွေးချယ်တင်မြှောက်ကြောင်းထုတ်ပြန်







အမျိုးသားဒီမိုကရေစီအဖွဲဥန ချုပ် (လွတ်မြောက်နယ်မြေ)
ဆဌမအကြိမ်ညီလာခံကျင်းပရေးကော်မရှင်
(ဗဟိုဌာနချုပ်)
ထုတ်ပြန်ကြေညာချက်

၂ဝဝ၉ ခုနှစ်၊ နိုဝင်ဘာလ (၁၅) ရက်နေ့မှ (၁၇) ရက်နေ့အထိ ကျင်းပသော အမျိုးသားဒီမိုကရေစီအဖွဲ့
ချုပ် (လွတ်မြောက်နယ်မြေ) ဆဋ္ဌမအကြိမ်ညီလာခံမှ အောက်ဖော်ပြပါအတိုင်း ဗဟိုကော်မတီဝင်များကို ရွေးချယ်တင်မြှောက်ကြောင်းထုတ်ပြန်ကြေညာလိုက်ပါသည်။

(၁) ဦးဗိုလ်သောင်း ဥက္ကဋ္ဌ
(၂) ဒေါက်တာအေးကျော် ဒု-ဥက္ကဋ္ဌ
(၃) ဦးမြင့်စိုး အတွင်းရေးမှူး
(၄) ဦးအောင်ဇော်ထွေး တွဲဖက်အတွင်းရေးမှူး (၁)
(၅) ဦးမိုးဇော်ဦး တွဲဖက်အတွင်းရေးမှူး (၂)
(၆) ဦးသောင်းတန်ချို ဗဟိုအလုပ်အမှုဆောင်အဖွဲ့ဝင်
(၇) ဦးဝင်းလှိုင် ဗဟိုအလုပ်အမှုဆောင်အဖွဲ့ဝင်
(၈) ဦးမြင့်သိဏ်း ဗဟိုကော်မတီဝင်
(၉) ဦးရန်နောင်မြင့် ဗဟိုကော်မတီဝင်
(၁ဝ) ဦးမိုးမြတ်သူ ဗဟိုကော်မတီဝင်
(၁၁) ဒေါ်မိုးသီတာလွင် ဗဟိုကော်မတီဝင်
(၁၂) ဦးသက်စိုးလွင် ဗဟိုကော်မတီဝင်
(၁၃) ဦးသိန်းဝင်း ဗဟိုကော်မတီဝင်
(၁၄) ခွန်မြင့်ထွန်း ဗဟိုကော်မတီဝင်
(၁၅) ဦးပီတာလင်းပင် ဗဟိုကော်မတီဝင်
(၁၆) ဦးထွန်းအောင်ကျော် အရံ ဗဟိုကော်မတီဝင်
(၁၇) ဦးညိုအုန်းမြင့် အရံ ဗဟိုကော်မတီဝင်

( တင်အောင် )
ဥက္ကဋ္ဌ
ဆဌမအကြိမ် ညီလာခံကျင်းပရေးကော်မရှင်
ရက်စွဲ ။ ။ ၂ဝဝ၉ ခုနှစ်၊ နိုဝင်ဘာလ (၁၈) ရက်။




သတင်းအပြည့်အစုံဖတ်ရန်..♥

သတင်းအကျဉ်းချုပ်..♥



(ကိုဝိုင်း တည်းဖြတ်သည်)

Monday, November 16, 2009

ဒေါ်အောင်ဆန်းစုကြည်အပေါ် မတရားအမိန့်ချခြင်းကို ဆက်လက်ဆန့်ကျင်ဆန္ဒပြခြင်း နှင့် နိုင်ငံရေးအကျဉ်းသားများကို ချွင်းချက်မရှိလွှတ်ပေးရန် တောင်းဆို

၁၅.၁၁.၂၀၀၉










ယနေ့ (၁၅.၁၁.၂၀၀၉) နေ့လည် ၂ နာရီ မှ ၄ နာရီအထိ အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ) ဂျပန်ဌာနခွဲ ၏ နဂိုယာစည်းရုံးရေးဒေသ အဖွဲ့ချုပ်ဝင်များမှ နဂိုယာမြို့ Kanayama ဘူတာရှေ့ ၌ ဒေါ်အောင်ဆန်းစုကြည်အပေါ် မတရားအမိန့်ချခြင်းအား မြန်မာပြည်သူများအနေဖြင့် ဆန့်ကျင်ကြောင်းကို ဂျပန်ပြည်သူများ သိရှိနားလည်စေရန် လက်ကမ်းစာစောင်များ ဖြန့်ဝေခြင်းရှင်းလင်းပြောကြားခြင်းပြုလုပ်ခဲ့ပါသည်

Monday, November 9, 2009

လူထုခေါင်းဆောင် ဒေါ်အောင်ဆန်းစုကြည်အား မတရားအမှုဆင် အမိန့်ချခြင်းကို ဆန့်ကျင်ကြောင်း ဆက်လက်ဆန္ဒပြ

8.11.2009













ယနေ့ (၈.၁၁.၂၀၀၉)နေ့တွင် ဂျပန်နိုင်ငံ အမျိုးသားဒီမိုကရေစီအဖွဲ့ချုပ် နာဂိုယာ စည်းရုံးရေးဒေသ(လွတ်မြောက်နယ်မြေ ) အဖွဲ့ဝင်များမှ လူထုခေါင်းဆောင် ဒေါ်အောင်ဆန်းစုကြည်အပေါ် မတရားအမူဆင် အမိန့်ချခြင်းအား ဆန့်ကျင်ကြောင်းကို ဂျပန်ပြည်သူများ သိရှိစေရန် လက်ကမ်းစာဆောင်များဝေခြင်း ရှင်းလင်းပြောပြခြင်းများကို ဆက်လက်လုပ်ဆောင်ခဲ့ကြသည်။

နိုင်ငံရေး အကျဉ်းသားတွေ လွှတ်ရင် ဂျပန် အကူအညီ ပိုပေးမည်


08 November 2009


မြန်မာနိုင်ငံမှာ ၂၀၁၀ ရွေးကောက်ပွဲ မတိုင်ခင် ဒေါ်အောင်ဆန်းစုကြည်ကို ပြန်လွှတ်ပေးဖို့ ဂျပန်ဝန်ကြီးချုပ် ယူကီအို ဟတိုယာမ (Yukio Hatoyama) က တိုက်တွန်းလိုက်ပါတယ်။

ရှေ့နှစ် မြန်မာနိုင်ငံမှာ ကျင်းပမယ့် ရွေးကောက်ပွဲကို ဒီမိုကရေစီ နည်းလမ်းတကျ ကျင်းပသွားတာကို ဂျပန်က မြင်လိုကြောင်းနဲ့ ရွေးကောက်ပွဲ မတိုင်ခင်မှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားတွေ အားလုံးကို ပြန်လွှတ်ပေးဖို့ဟာ အင်မတန် အရေးကြီးကြောင်း ဂျပန်နိုင်ငံကို ရောက်နေတဲ့ မြန်မာဝန်ကြီးချုပ် ဗိုလ်ချုပ်ကြီးသိန်းစိန်ကို ဂျပန်ဝန်ကြီးချုပ် မစ္စတာ ဟတိုယာမက ပြောခဲ့တာ ဖြစ်ပါတယ်။

တိုကျိုမြို့တော်မှာ ပြုလုပ်ခဲ့တဲ့ ဂျပန်နဲ့ မဲခေါင်မြစ်ဝှမ်းဒေသ နိုင်ငံခေါင်းဆောင်တွေရဲ့ ဆွေးနွေးပွဲမှာ ဂျပန်ဝန်ကြီးချုပ်နဲ့ မြန်မာဝန်ကြီးချုပ်တို့ စနေနေ့က ဘေးထွက်ဆွေးနွေးခဲ့တာ ဖြစ်ပါတယ်။

မြန်မာနဲ့ အမေရိကန် အစိုးရကြားမှာ ထိတွေ့ဆက်ဆံဖို့ လုပ်လာတဲ့ အပေါ်မှာလည်း ဂျပန်က ကြိုဆိုခဲ့ပါတယ်။

အပြုသဘောဆောင်တဲ့ ခြေလှမ်းတွေလှမ်းရင် မြန်မာနိုင်ငံအတွက် လူသားချင်း စာနာတဲ့ ထောက်ပံ့မှုတွေကို ဂျပန်က တဖြည်းဖြည်း တိုးပေးသွားမယ်လို့ ဂျပန်ဝန်ကြီးချုပ်က မြန်မာဝန်ကြီးချုပ် ဗိုလ်ချုပ်ကြီးသိန်းစိန်ကို ပြောခဲ့ပါတယ်။

ဗိုလ်ချုပ်ကြီးသိန်းစိန်ဟာ ဂျပန်နိုင်ငံကို ၂၀၀၃ ခုနှစ် ကတည်းကဆိုရင် ပထမဆုံး လာရောက်တဲ့ မြန်မာခေါင်းဆောင်တယောက် ဖြစ်ပါတယ်။

မြန်မာနိုင်ငံက လူသားချင်း စာနာမှုနဲ့ ဖွံ့ဖြိုးတိုးတက်ရေး အကူအညီတွေကို ပေးနေတဲ့ ဂျပန်နိုင်ငံက မြန်မာနိုင်ငံအတွက် ၂၀၀၈ ခုနှစ်က ပေးခဲ့တဲ့ ထောက်ပံ့ကြေး အမေရိကန်ဒေါ်လာ ၁၃ သန်းကျော် ရှိခဲ့ပါတယ်။


VOA သတင်းမှ ကူးယူဖော်ပြပါသည်။

Sunday, November 8, 2009

အမျိုးသားဒီမိုကရေစီ အဖွဲ့ချုပ်ဒုဥက္ကဌသူရဦးတင်ဦး


Sunday, November 8, 2009
ယနေ့ ထက်တိုင် နေအိမ် အကျယ်ချုပ် ကျခံနေရသော NLD ဒုဥက္ကဌ သူရဦးတင်ဦး





တပ်မတော်မှာ ဗိုလ်ချုပ်အောင်ဆန်းမှ လွဲရင် ဗိုလ်ချုပ်ကြီး သူရ တင်ဦးဟာ အရာရှိ စစ်သည်အပေါင်းရဲ့ လေးစား ရိုသေချစ်ခင်မှုကို အရရှိဆုံး ဗိုလ်ချုပ် တစ်ဦး ဖြစ်တယ်လို့ စစ်ဖက်နီးစပ်သူများထံက တဆင့် သိရှိ ရပါတယ်။ ယနေ့ စစ်အာဏာရှင် ဗိုလ်ချုပ်တွေနဲ့ လုံးဝမတူပဲ စံနမူနာပြ စစ်ခေါင်းဆောင်တဦး ဖြစ်တာမို့ ယနေ့ တပ်မတော်သားတွေ အားလုံး လေ့လာ မှတ်သား သိရှိနိုင်ရန် ဖေါ်ပြပေးခြင်းဖြစ်ပါတယ်။ ဒါ့အပြင် ၁၉၈၈ခုနှစ် လူထုအုံကြွမှု အရေးတော်ပုံကြီးမှာ ဒီမိုကရေစီရရှိရေးကို ပြည်သူများနဲ့ တသားတည်း တက်ကြွစွာ ပါဝင် လှုပ်ရှားခဲ့ကာ လူထုခေါင်းဆောင် ဒေါ်အောင်ဆန်း စုကြည်နဲ့ အတူ အမျိုးသားဒီမိုကရေစီ အဖွဲ့ချုပ်မှာ ဒုဥက္ကဌ တာဝန်ကို ထမ်းဆောင် ခဲ့တာကြောင့် စစ်အာဏာရှင်တွေရဲ့ အငြိုးတရား အာဃာတ တရား ကြီးမားစွာနဲ့ နှစ်ရှည် နေအိမ် အကျယ်ချုပ် ချထားခြင်း ခံနေရသူဖြစ်ပါတယ်။

ဗိုလ်ချုပ်ကြီး သူရ တင်ဦးရဲ့အကြောင်းကို ပြည့်စုံမှန်ကန်စွာ ဖေါ်ပြနိုင်ရေးနဲ့ ဘာလော့ဂ် တိုးချဲ့နိုင်ရေး တို့အတွက် တတ်အားသရွှေ့ စေတနာမေတ္တာဖြင့် ပါဝင် ကူညီပံ့ပိုးခဲ့ကြတဲ့ ပြည်တွင်းပြည်ပရှိ ဗိုလ်ချုပ်ကြီးရဲ့ တပည့် သားသမီးများ၊ တပ်မတော် အရာရှိများနဲ့တကွ ဤဘာလောဂ်ကို လာရောက်ဖတ်ရှု အားပေးကြသူ ပြည်တွင်း ပြည်ပမှ မိတ်ဆွေ သင်္ဂဟ ရဲဘော်ရဲဘက် အပေါင်းတို့အား ကျွန်တော် ကိုဖိုးတရုတ်မှ အထူး ကျေးဇူးတင်စွာ မှတ်တမ်းတင်ပါကြောင်းနှင့် ဆထက်တံပိုး သစ်လွင်ကောင်းမွန်သော အစီအစဉ်များဖြင့် ကြိုးစား တင်ဆက်သွားမှာ ဖြစ်ပါကြောင်းတင်ပြလိုက်ရပါတယ်။

ဗိုလ်ချုပ်ကြီး သက်တော်ရာကျော် ရှည်ပါစေကြောင်းနဲ့ နေအိမ်အကျယ်ချုပ်မှ အမြန်ဆုံး လွတ်မြောက်ကာ မြန်မာ့ဒီမိုကရေစီအရေးအတွက် ဆက်လက် ဆောင်ရွက် သွားနိုင် ပါစေကြောင်း ကျွန်တော်ကိုဖိုးတရုတ်မှ ဆုမွန်ကောင်း တောင်းလိုက်ပါတယ် ခင်ဗျား။

“ဗိုလ်ချုပ်ကြီး သူရတင်ဦး၏ တပ်မတော် အတွင်းမှ

ဘ၀ကောက်ကြောင်း”

၁၉၂၇ ခုနှစ် မတ်လ ၁၂ရက်နေ့မှာ ပုသိမ်မြို့တွင် မွေးဖွားခဲ့ပါတယ်။ ပုသိမ်မြို့ ဗဟိုအမျိုးသား အထက်တန်း ကျောင်းမှာ ဆယ်တန်းအောင်သည်အထိ ပညာ သင်ကြားခဲ့ပါတယ်။ ၁၉၄၃ ခုနှစ် အသက်(၁၆)နှစ်ပြည့်ချိန်တွင် စစ်ထဲဝင်ရန် ရန်ကုန်မြို့သို့ ရောက်ရှိလာပြီး စစ်ဝန်ကြီးရုံး ဗဟိုကင်းတပ် (ယခု ပဒုမ္မာကွင်းနေရာ ) တွင် တပ်သား အဖြစ် စတင် တာဝန်ထမ်းဆောင်ခဲ့ပါတယ်။ အဲဒီနောက် ၁၉၄၄ ခုနှစ်တွင် မင်္ဂလာဒုံ တတိယပတ် စစ်သင်တန်းမှာ ဗိုလ်လောင်းအဖြစ် အသက် (၁၇)နှစ် အရွယ်မှာ တက်ခွင့်ရခဲ့ပြီး အလုပ်သင် ဗိုလ်ဖြစ်လာခဲ့ပါတယ်။ ၁၉၄၆ ခုနှစ်မှာ ကန္နီစာချုပ်အရ ပြန်လည်ဖွဲ့စည်းသော တပ်မတော်တွင် ကြည်း (၃၆၅၁) ဒုဗိုလ်အဆင့်နဲ့ ပြန်တမ်းဝင် အရာရှိ အဖြစ်စတင်ခန့်အပ်ခံရပါတယ်။ ၁၉၄၇ခုနှစ် ဖေဖေါ်ဝါရီလ ၂၆ ရက်နေ့မှာ ဗမာ့သေနတ်ကိုင်တပ်ရင်းတွင် ဒုဗိုလ်အဖြစ် စတင် တာဝန် ထမ်းဆောင် ခဲ့ပါတယ်။ ၁၉၄၇ ခုနှစ်မှာဘဲ ဗိုလ်ဖြစ်လာခဲ့ပြီး ၁၉၄၈ စက်တင်ဘာလ ၂၇ ရက်နေ့မှာတော့ လက်နက်ကိုင်တပ်များ လေ့ကျင့်ရေး ညွှန်ကြားရေးမှူးရုံးတွင် ဗိုလ်ကြီးအဖြစ် တာဝန်ထမ်းဆောင် ခဲ့ပါတယ်။ နမခတိုင်းမှူး ဗိုလ်မှူးကြီး ဗထူး ဦးစီးတဲ့ တပ်တွေမှာ စစ်မြေပြင်တာဝန်ထမ်းဆောင်ရင်း ဖက်ဆစ်တော်လှန်ရေး ကိုလည်း ဆင်နွှဲခဲ့ပါတယ်။

ဗိုလ်ချုပ်ကြီးသူရတင်ဦးဟာ ကျူးကျော်သူ တရုတ်ဖြူများကို ရွတ်ရွတ်ချွံချွံ တိုက်ပွဲဝင်ခဲ့တဲ့ တပ်မှူးတဦး ဖြစ်ခဲ့ပါတယ်။ ဗိုလ်ချုပ်ကြီးဟာ ဗမာ့သေနတ်ကိုင် တပ်ရင်း (၁)မှာ တပ်ခွဲမှူးအဖြစ် ၁၉၄၉ခု ဇွန်၂၂ ရက်နေ့တွင် တာဝန် ထမ်းဆောင်ခဲ့ပြီး ၁၉၅၀ခု ဇန်နဝါရီလ ၂၅ ရက်နေ့တွင် အဆိုပါတပ်ရင်းမှာပင် ဗိုလ်မှူးအဆင့်နှင့် ဒုတပ်ရင်းမှူးအဖြစ် ရာထူးတိုးမြှင့်ခြင်း ခံရပါတယ်။ ထိုတပ်ရင်းမှာပင် ၁၉၅၁ခု နိုဝင်ဘာ၂၇ရက်နေ့တွင် တပ်ရင်းမှူး ဖြစ်လာပါတယ်။ ထို့နောက် ၁၉၅၄ခု ဇန်နဝါရီလ ၂၁ ရက်နေ့တွင် ဒုဗိုလ်မှူးကြီးရာထူးသို့ တိုးမြှင့် ရရှိခဲ့ပါတယ်။ ၁၉၅၇ခု မေလ၃၀ ရက်နေ့တွင် အမှတ် (၄) ခြေလျင် တပ်ရင်း တပ်ရင်းမှူးအဖြစ် ပြောင်းရွှေ့ တာဝန်ပေးအပ်ခံခဲ့ပါတယ်။

၁၉၅၇ခု စက်တင်ဘာ ၁၇ ရက်နေ့တွင် တပ်မတော်ကြည်း တိုက်ခိုက်ရေးကျောင်း (ဗထူး) သင်တန်းကျောင်း ကျောင်းအုပ်ကြီးအဖြစ် ပြောင်းရွှေ့ ခဲ့ပါတယ်။ ၁၉၅၈ခုတွင် ရခိုင်တိုင်း တပ်ပေါင်းစုမှူးနှင့် တိုင်းမင်းကြီး ဖြစ်လာပြီး ၁၉၆၀-၆၁ ခုတွင် အမှတ်(၁၃) တပ်မဟာမှူးအဖြစ် ထပ်မံပြောင်းရွှေ့တာဝန်ထမ်းဆောင် ခဲ့ကာ ဗိုလ်မှူးကြီး ရာထူး ရရှိခဲ့ပါတယ်။ ၁၉၆၁-၆၂တွင် အရှေ့တောင်တိုင်း စစ်ဌာနချုပ် ဒုတိုင်းမှူးအဖြစ် တာဝန် ပေးအပ်ခြင်း ခံရပါတယ်။ ၁၉၆၃ခု ဖေဖေါ်ဝါရီလ ၁၄ ရက်နေ့တွင် အနောက်တောင်တိုင်း စစ်ဌာနချုပ်တိုင်းမှူး တာဝန်ကို ရာထူးတိုးမြှင့် ပေးအပ်ခြင်း ခံရပါတယ်။ ၄င်းမှတဆင့် ၁၉၆၄ ခု စက်တင် ဘာ ၁၉ ရက်နေ့တွင် အလယ်ပိုင်းတိုင်း စစ်ဌာနချုပ်တိုင်းမှူး အဖြစ်ပြောင်းရွှေ့ခဲ့ပါတယ်။

၁၉၇၂ ခု ဧပြီလ၂၀ ရက်နေ့တွင် ဗိုလ်မှူးချုပ်ရာထူးသို့ တိုးမြှင့်ခံရပြီး ဒုတိယ ကာကွယ်ရေးဦးစီးချုပ် (ကြည်း) အဖြစ် တာဝန်ပေးအပ်ခြင်း ခံရပါတယ်။ စစ်တပ်ရဲ့ အရေးပါဆုံး ထိပ်ပိုင်းရာထူးဖြစ်တဲ့ ဒုတိယ ကာကွယ်ရေးဦးစီးချုပ် (ကြည်း) အဖြစ် တာဝန်ပေးအပ်ခြင်း ခံရချိန်မှာ သူ့ရဲ့အသက်ဟာ ၄၅နှစ်သာ ရှိသေးလို့ တပ်မတော်ရဲ့ အသက် အငယ်ဆုံး ဗိုလ်ချုပ်တွေထဲမှာ တစ်ဦးအဖြစ် မှတ်တမ်းတင်ရမှာ ဖြစ်ပါတယ်။ ၁၉၇၄ခုမတ်လ ၈ ရက်နေ့တွင် ဗိုလ်ချုပ်ကြီးရာထူး တိုးမြှင့်ခံရပြီး “တပ်မတော်ကာကွယ်ရေး ဦးစီးချုပ်”အဖြစ် တာဝန်ပေးအပ်ခြင်း ခံရပါတယ်။ တိုက်ပွဲတွေမှာ ထူးချွန်ရဲဝံ့စွာ တိုက်ခိုက်ခဲ့တဲ့အတွက် “သူရဘွဲ့”ကိုလည်း ရရှိခဲ့ပါတယ်။ နောက်ရက်တွေမှာ စိတ်ဝင်စားဖွယ်ရာ သူ့ရဲ့ဖြတ်သန်းခဲ့တဲ့ ဘ၀ အတွေ့အကြုံတွေကို ဆက်လက် တင်ပြသွားပါမယ် ခင်ဗျား။

တပ်မတော်သားများ သာမက ပြည်သူများကပါ လေးစား

ချစ်ခင်ကြသောတပ်မတော် ကာကွယ်ရေးဦးစီးချုပ်

ဗိုလ်ချုပ်ကြီး သူရတင်ဦး

ယခု အပိုင်းမှာတော့ ဗိုလ်ချုပ်ကြီး သူရ တင်ဦးရဲ့  ဒီမိုကရေစီနဲ့ လူ့အခွင့်အရေး တိုက်ပွဲ ဆင်နွှဲပုံတွေ၊အမျိုးသား ဒီမိုကရေစီ အဖွဲ့ချုပ်မှာ တာဝန်ထမ်းဆောင်ြပီး လူထုခေါင်းဆောင် ဒေါ်အောင်ဆန်းစုကြည် နဲ့အတူ အကျယ်ချုပ် ကျခံခဲ့ပုံတွေ၊ စစ်အာဏာရှင်တွေရဲ့  မတရား နိုင်ထက်စီးနင်း လုပ်ခံရပုံတွေကို ဆက်လက် တင်ပြသွားပါမယ်။

တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး သူရ တင်ဦးဟာ အရာရှိ စစ်သည်များရဲ့  လေးစား ရိုသေချစ်ခင်မှု နဲ့ နံမည်ရလာပြီး တိုက်ပွဲတွေမှာလည်း ထူးချွန်တဲ့အပြင် အသက်ငယ်ငယ်ရွယ်ရွယ်နဲ့ အသက် (၄၇) နှစ်သာ ရှိသေးချိန်မှာ စစ်တပ်ရဲ့  ထိပ်ပိုင်းရာထူးကို တရှိန်ထိုး ရလာပြန်လေရာ စစ်အာဏာရှင်များရဲ့ မနာ လို ၀န်တိုမှုကို ခံခဲ့ရပါတယ်။ အထူးသဖြင့် တိုက်ပွဲ အတွေ့အကြုံ မပြောနဲ့ သေနတ်သံတောင်မှ မကြားဖူးတဲ့ ထောက်လှမ်းရေး မျက်မှန်ကြီး ဗိုလ်မှူးချုပ် တင်ဦးဟာ ဦးနေ၀င်းထံ တိုက်ရိုက် ၀င်ထွက်ခွင့် ရသူပီပီ သူရဦးတင်ဦးကို မလိုမုန်းထား ဂျောက်တွန်းဖို့ အကွက်ကောင်းကို ချောင်းနေပါတယ်။

အဲဒီအချိန်မှာ ဗိုလ်ချုပ်ကြီး သူရ တင်ဦးရဲ့  သားဟာ ကျန်းမာရေးအရ ရောဂါ အသည်းအသန် ဖြစ်လို့ နိုင်ငံခြားမှာ ဆေးသွားကုသတဲ့ ကိစ္စနဲ့ လူချစ်လူခင်ပေါတဲ့ ဗိုလ်ချုပ်ကြီး အပေါ် လက်အောက် အရာရှိများက မေတ္တာစေတနာနဲ့ အလိုက်သိသိ လုပ်ကိုင် ဆောင်ရွက်ပေးပေမဲ့ အိမ်ဆောက်ပစ္စည်းများ တင်သွင်းတဲ့ ကိစ္စတွေအပေါ်မှာ မျက်မှန်ကြီး ဗိုလ်တင်ဦးက သူ့ရဲ့ ထောက်လှမ်းရေး အကျင့်ဆိုးအတိုင်း တဆိတ်ကို တအိတ်လုပ်ကာ တင်ပြခဲ့ရာ ဗိုလ်ချုပ်ကြီး သူရ တင်ဦးက ဂုဏ်သိက္ခာ မာနရှိစွာနဲ့ ထွက်စာ တင်ခဲ့ပါတယ်။

ဗိုလ်နေ၀င်း အနေနဲ့လည်း သူ့ကို ခြေရာတိုင်းတယ်လို့ ယူဆလာ တဲ့အတွက် ဒီကိစ္စတွေအပေါ်မှာ ခွင့်မလွှတ်ဘဲ သူရဦးတင်ဦးကို မတရား သဖြင့် ရာထူးမှ ၁၉၇၆ ခုနှစ် မတ်လတွင် ဖယ်ရှားခဲ့ပါတယ်။ ဗိုလ်နေ၀င်း ကိုယ်တိုင်တောင် ဆွစ်ဇာလန်နဲ့ အင်္ဂလန်တို့ကို ချောင်းပေါက်မတတ် သွားလာနေပြီး မိန်းမရှုပ်ထွေးကာ တိုင်းပြည် ငွေကြေး အလွဲသုံးစား လုပ်ခဲ့သလို အခြား စစ်အာဏာရှင် တွေဟာလည်း ဒီကိစ္စတွေထက် ပိုမို ဆိုးဝါးတဲ့ နိုင်ငံခြားဆေးသွားကုပြီး အခေါက်ခေါက် အခါခါ ဈေးဝယ်သွားနေတာမျိုးတွေ ရှိနေပေမဲ့ အရေးမယူခဲ့ဘဲ သူရဦးတင်ဦးအပေါ်တော့ မတရားသဖြင့် လုပ်တဲ့ကိစ္စမို့ တိုင်းပြည်နဲ့ တပ်မတော်ကို အမှန်တကယ်ချစ်တဲ့ တပ်တွင်း အရာရှိများက ခံပြင်း နာကျည်း လာပါတယ်။

ဗိုလ်ချုပ်ကြီး သူရ ကျော်ထင် ရဲ့  PA ကိုယ်ရေးအရာရှိ ဗိုလ်ကြီး အုံးကျော်မြင့် ဦးစီးပြီး ထိပ်ပိုင်း အရာရှိ တချို့ရဲ့  တပ်တွင်းပုန်ကန်မှု ဖြစ်ပွားလာကာ ဗိုလ်နေ၀င်းအားဖြုတ်ချပြီး ဗိုလ်ချုပ်ကြီး သူရ တင်ဦးကို ခေါင်းဆောင် ပြန်တင်ရန် ကြိုးစားခဲ့ရာ မျက်မှန်ကြီး ဗိုလ်တင်ဦးက လက်ဦးမှု ရရှိသွားတာကြောင့် မအောင်မြင်ဖြစ်ခဲ့ရ ပါတယ်။ ၁၉၇၆ ခုနှစ် မှိုင်းရာပြည့် အရေးအခင်းမှာလည်း ကျောင်းသားများက “ဗိုလ်ချုပ်ကြီး သူရ တင်ဦး သက်တော် ရာကျော် ရှည်ပါစေ” လို့ ဆုတောင်း ကြွေးကြော် ကြတဲ့အတွက် ဗိုလ်နေ၀င်းက ပိုမို ဒေါသူပုန်ထလာ ခဲ့ပါတယ်။

ဒါကြောင့် ဗိုလ်နေ၀င်းဟာ ဗိုလ်ချုပ်ကြီး သူရတင်ဦး အပေါ် အာဃာတ တရားကြီးမားစွာနဲ့ ၁၉၇၇ ခုနှစ် သြဂုတ်လ ၂၀ ရက်နေ့မှာ အလုပ်ကြမ်းနဲ့ ထောင်ဒဏ် (၇) နှစ် ချမှတ်ခဲ့ပါတယ်။ ဒီဖြစ်စဉ်တွေကြောင့် တပ်မတော် အတွင်း ကြီးမားစွာ ဂယက်ရိုက်သွားပြီး ကျေနပ်မှု မရှိကြလို့ ဗိုလ်နေ၀င်းဟာ တုန်လှုပ်သွားခဲ့ပါတယ်။ ဗိုလ်ချုပ်ကြီး သူရ တင်ဦးဟာ ၁၉၈၀ ခုနှစ်မှာ လွတ်ငြိမ်းချမ်းသာခွင့်နဲ့ ပြန်လည် လွတ်မြောက်လာကာ ဥပဒေ ပညာ ဆက်လက်သင်ကြားပြီး ဥပဒေဘွဲ့ ရရှိခဲ့ပြန်ပါတယ်။

၁၉၈၈ ခုနှစ် ပြည်သူလူထုကြီးရဲ့  တပါတီ အာဏာရှင်စနစ် ဆန့်ကျင် အုံကြွမှုကြီး ဖြစ်ပေါ်လာချိန်မှာတော့ ပြည်သူလူထု ကျောင်းသားလူငယ်များကို စစ်တပ်က ရက်စက်စွာ အကြမ်းဖက် ပစ်ခတ်နှိမ်နင်းမှုကို တွေ့မြင် ခဲ့ရတဲ့နောက် ပြည်သူ့ဘက်သို့ ရပ်တည်ဖို့ အဘ သူရ ဦးတင်ဦး အနေနဲ့ ဆုံးဖြတ်ခဲ့ပါတယ်။ တပ်မှူးကြီးဟောင်းများ ပါဝင်တဲ့ မျိုးချစ် ရဲဘော်ဟောင်းများ အဖွဲ့ကို ဖွဲ့စည်းပြီး ဆေးရုံကြီးရှေ့ က လူထု ဟောပြောပွဲကြီးမှာ စစ်အာဏာရှင် စနစ်ရဲ့  ဆိုးကျိုးများအား တရားဟောခဲ့ရာ ပြည်သူလူထုရဲ့  တခဲနက် ထောက်ခံမှုကို ရရှိခဲ့ပါတယ်။

၁၉၈၈ ခုနှစ် ဒီဇင်ဘာလ ၂၀ ရက်နေ့မှာ လူထုခေါင်းဆောင် ဒေါ်အောင်ဆန်းစုကြည် ခေါင်းဆောင်တဲ့ အမျိုးသား ဒီမိုကရေစီ အဖွဲ့ချုပ်ထဲကို ၀င်ရောက် ပူးပေါင်းဆောင်ရွက်ခဲ့ပြီး NLD ဒုဥက္ကဋ္ဌ အဖြစ် ယနေ့ထိ တာဝန် ထမ်းဆောင်ရင်း ဒီမိုကရေစီနဲ့ လူ့အခွင့်အရေး တိုက်ပွဲကို ဆက်လက် ဆင်နွှဲခဲ့ပါတယ်။

၁၉၄၅ ခု မတ်လ ဖက်ဆစ်တော်လှန်ရေးကာလတွင် အဘ သူရဦးတင်ဦးဟာ ပဲခူး စခန်းမှူးကြီးရုံးမှာ ပြုလုပ်သော တပ်မှူးများ စစ်လေ့ကျင့်ရေး သင်တန်းကျောင်းဆင်း ညစာစားပွဲကို တက်ရောက်လာတဲ့ တပ်မတော်ရဲ့  ဖခင်၊ မြန်မာ့လွတ်လပ်ရေးဗိသုကာ အမျိုးသားခေါင်းဆောင် ဗိုလ်ချုပ် အောင်ဆန်းနဲ့ အနီးကပ် ရင်းရင်းနှီးနှီး တွေ့ဆုံ စကားပြောခွင့် ရရှိခဲ့ပါတယ်။ အဲဒီအချိန်ကတည်းက အဘဦးတင်ဦးဟာ ဗိုလ်ချုပ်အောင်ဆန်းကို လေးစားကြည်ညိုကာ အားကျ အတုယူပြီး တပ်တွင်းမှာလည်း စံနမူနာပြ ကျင့်ကြံနေထိုင်ခဲ့ပါတယ်။ ဒါကြောင့်လည်း အဘ သူရဦးတင်ဦးဟာ အမျိုးသားဒီမိုကရေစီ အဖွဲ့ချုပ်မှာ ဗိုလ်ချုပ်လမ်းစဉ်ကို ဆက်လက် အကောင်အထည် ဖေါ်ခဲ့ခြင်းဖြစ်တယ်။

၁၉၈၉ ဇူလိုင် (၂၀) ရက်နေ့မှာ ဒေါ်အောင်ဆန်းစုကြည်ကဲ့သို့ အဘ သူရဦးတင်ဦးဟာ နေအိမ် အကျယ်ချုပ် ကျခံရပါသေးတယ်။ ၂၀၀၃ ခုနှစ် မေလ (၃၀) ရက်နေ့မှာ လူထုခေါင်းဆောင် ဒေါ်အောင်ဆန်းစုကြည်နဲ့အတူ အဘ သူရ ဦးတင်ဦးဟာ ဒီပဲယင်း လူသတ်ပွဲမှာ အကြမ်းဖက်ခံရကာ အသက်ဘေးမှ သီသီလေး လွတ်မြောက်ခဲ့ပေမဲ့ ကလေးထောင်သို့ ပို့ဆောင်ခံရကာ ထောင်ချခံခဲ့ရပြန်ပါတယ်။

စစ်အာဏာရှင်တွေရဲ့  မတရား နှိပ်ကွပ်မှုကြောင့် ယနေ့အချိန်ထိ (၅) နှစ်ကျော် ဆက်တိုက် နေအိမ် အကျယ်ချုပ် ကျခံနေရကာ ယနေ့ဆိုရင် အသက် (၈၂) နှစ်ကျော် ရောက်ရှိနေပြီ ဖြစ်ပေမဲ့ အသက်ကြီးရင့်လာမှုကိုတောင် ဂရုမစိုက်ဘဲ ဒီမိုကရေစီနဲ့ လူ့အခွင့်အရေး တိုက်ပွဲကို ရဲဝံ့စွာ အရှူံးမပေးဘဲ ဆက်လက် တိုက်ပွဲဝင်လျက် ရှိနေပါတယ်။ အဘ သူရဦးတင်ဦးရဲ့ ဖြူစင်တဲ့ နှလုံးသားနဲ့ သံမဏိ စိတ်ဓာတ်ကို အပိုင်း(၃)မှာ ဆက်လက် တင်ဆက် သွားပါမယ် ခင်ဗျား။

ဗိုလ်ချုပ်ကြီး သူရ တင်ဦးရဲ့  ဖြူစင်တဲ့ နှလုံးသားနဲ့

သံမဏိ စိတ်ဓာတ်...။

ယနေ့ တပ်မတော်က ဗိုလ်ချုပ်တွေဟာ အာဏာရှင် စနစ် အောက်မှာ တာဝန်ထမ်းဆောင်ရတာမို့ စစ်အာဏာ ရှင်တွေရဲ့  မှိုင်းငွေ့နဲ့လောင်းရိပ်မိကာ အာဏာရှင် လုံးလုံး ဖြစ်သွားရတာ များပါတယ်။ အာဏာရှင် ဖြစ်သွားပြီ ဆိုရင် အောက်ခြေ အရာရှိ စစ်သည်တွေရဲ့  ရပ်တည်ရေး၊ စားဝတ်နေရေး သက်သာ ချောင်ချိရေးတွေကို လစ်လျူရှုကာ အပေါ်ဖား အောက်ဖိ လုပ်လာကြပါတယ်။ လက်အောက်ငယ်သား တပ်မတော်သားတွေ အပေါ်မှာတောင် ကြည့်ရှူစောင့်ရှောက်ဖို့ အဲဒီလို ၀တ္တရား ပျက်ကွက်နေမှတော့ ပြည်သူလူထုကို ကြည့်ရှူ စောင့်ရှောက်ဖို့ ဝေလာဝေး ဆိုတာကိုလည်း နာဂစ်ကိစ္စမှာ သက်သေပြပြောနိုင်ပါတယ်။

စစ်သားတစ်ဦး ဖြစ်ပြီဆိုရင် လက်ဦးဆရာဆိုတာ အလွန် အရေးကြီးပါတယ်။ လက်ဦးဆရာရဲ့  အဆိုး အကောင်းပေါ် မူတည်ပြီး အတုမြင် အတတ်သင်ကာ သူ့ရဲ့  အနာဂတ်ကို ဖန်တီးတတ်ပါတယ်။ ဗိုလ်ချုပ်ကြီး သူရ တင်ဦးဟာ သူ့ရဲ့  လက်ဦး ဆရာဖြစ်တဲ့ ဗိုလ်ချုပ်အောင်ဆန်း၊ ဒုတိယ လက်ဦးဆရာများ ဖြစ်ကြတဲ့ ဗိုလ်မှူးကြီး ဗထူးနဲ့ ဗိုလ်မှူးချုပ် ကျော်ဇော စတဲ့ ဒိတ်ဒိတ်ကြဲ စံပြ စစ်ဗိုလ်ချုပ်များနဲ့ ထိတွေ့ ဆက်ဆံရကာ အမွေခံ ကောင်းများ ရရှိခဲ့တာကြောင့်လက်ရှိ အာဏာရှင်ဗိုလ်ချုပ်တွေနဲ့ လားလားမျှ မတူဘဲ ဗိုလ်ချုပ်ကြီး သူရ တင်ဦးဟာ မြန်မာ့တပ်မတော်မှာ စံပြ စစ်ခေါင်းဆောင် တဦး အဖြစ် ပြုမူလုပ်ဆောင် ရပ်တည်ပေးခဲ့ပါတယ်။

ဗိုလ်ချုပ်ကြီး သူရ တင်ဦးဟာ သတ္တိပြောင်မြောက်သလို စစ်ရေးအရ ထူးချွန် ထက်မြက်ပုံကဖြင့် သူ့ရဲ့  ခန္ဓာကိုယ်မှာ ဒဏ်ရာဒဏ်ချက်တွေနဲ့ ပြည့်နှက်နေတာကိုက သက်သေပြလျက် ရှိနေပါတယ်။ သူ့ရဲ့  အင်္ကျီကို ချွတ်လိုက်တိုင်း ရဲဘော်တွေက သူ့ ခန္ဓာကိုယ်ရှိ အမာရွတ်များကို ကြည့်ပြီး မေးတဲ့အခါ သူ့ရဲဘော်တွေကို ဒီဒဏ်ရာကဖြင့် ဘယ်တိုက်ပွဲက ရခဲ့တာ၊ ဟို ဒဏ်ရာကတော့ ဘယ်သူ့ကို ကယ်ထုတ်ရင်းနဲ့ ရခဲ့တာ ဆိုပြီး ရှင်းပြတော့ ရဲဘော်တွေက လေးစားမှု အပြည့်နဲ့ သူ့ကို ငေးကြည့်ခဲ့ရဖူးပါတယ်။

တရုတ်ဖြူနဲ့ တိုက်တဲ့ တိုက်ပွဲမှာ သူကိုယ်တိုင် တပ်ရင်းမှူး တစ်ဦး ဖြစ်လျက်နဲ့ လက်အောက်ကို မလုပ်ခိုင်းဘဲ လက်ပစ်ဗုံး နှစ်လုံးကို ပင်ဖြုတ်ပြီး ရန်သူစခန်းကို သံမဏိ စိတ်ဓာတ် အပြည့်နဲ့ ရဲရဲဝံ့ဝံ့ ထိုးတက် တိုက်ခိုက်ကာ အနစ်နာခံ စံပြလုပ်ခဲ့တာမို့ “သူရဘွဲ့” ချီးမြှင့်ခြင်း ခံရပါတယ်။ ဒါကြောင့် ရဲဘော်တွေနဲ့ တန်းတူ ရှေ့ တန်းမှာ သေမင်းနဲ့အပြိုင် လုပ်ပြရဲတဲ့ သူ့ရဲ့ သတ္တိကြောင့် ရဲဘော်တွေရဲ့  လေးစားမှုကို အထူးခံရပါတယ်။

ဗိုလ်ချုပ်ကြီး သူရ တင်ဦးဟာ အရွယ်နဲ့ မလိုက်အောင် စာအလွန်ဖတ်ပြီး လေ့လာထားတာမို့ သူ့ထက် အသက်ပိုင်း ဆိုင်ရာ၊ ရာထူးပိုင်းဆိုင်ရာ ကြီးတဲ့ ဗိုလ်ချုပ်များနဲ့ ယှဉ်ပြီး စကားပြောရဲသည်အထိ စေ့စပ်သေချာ ပိုင်နိုင်လှသူ ဖြစ်ခဲ့ပါတယ်။ ဒါ့အပြင် ဗိုလ်ချုပ်ကြီး သူရ တင်ဦးဟာ ရဲဘော်တွေနဲ့အတူတူ တ၀ိုင်းတည်း ခြင်းခတ် ကစားခဲ့ပြီး ပျော်ရွှင်မှု ဖန်တီးပေးခဲ့ပါတယ်။ တပ်တွေ စစ်ဆေးတဲ့အခါတိုင်း တပ်မတော် ကာကွယ်ရေး ဦးစီးချုပ် ပီပီ ဟိတ်ဟန်နဲ့ မနေဘဲ သူ့ကို လူကြီးပီပီ သီးသန့် ဖယ်ပြီး အထူး ချက်ပြုတ်ပေးထားတဲ့ ထမင်းဟင်းကို ငြင်းပယ်ကာ ရဲဘော်တွေစားမဲ့ ထမင်းဟင်းကိုမှ မြိန်ရှက်စွာ စားသုံးတာဟာဖြင့် ရဲဘော်တွေရဲ့ နှလုံးသားကို ထိမှန် စေခဲ့ပါတယ်။

ရှေ့ တန်းမှာ ရဲဘော်တွေရဲ့  ငတ်ပြတ်နေတဲ့ ဒုက္ခဆင်းရဲ ကြုံတွေ့မှုကို နားလည်မှု အပြည့်ရှိတာကြောင့် မဆလ အစည်းအဝေးရဲ့  ဘတ်ဂျတ်ကိစ္စတွေမှာ ပြင်းထန်စွာ ဆန့်ကျင်ခဲ့သူ ဖြစ်ပါတယ်။ တိုက်ခိုက်ရေး ရိက္ခာထုတ်နဲ့ ရိက္ခာ နှစ်ဆပေးတဲ့ (Double Ration) အထူး အစီအစဉ် တစ်ရပ်ကို နယ်စွန်နယ်ဖျား တပ်များနဲ့ ရန်သူ စခန်းကြီးတွေကို တိုက်ရမဲ့ သက်စွန့်ကြိုးပမ်းသူများအတွက် ဗိုလ်ချုပ်ကြီး သူရ တင်ဦးက စီစဉ်ပေးခဲ့ပါတယ်။

ဒါ့အပြင် ဗိုလ်ချုပ်ကြီး သူရ တင်ဦး ဟာ ကြည်းတပ်က စစ်သည်များသာမက လေတပ်မှ တိုက်ပွဲဝင်ရင်း ကျဆုံး သွားရှာတဲ့ အရာရှိများရဲ့  အသုဘ ဈာပန ခရီးစဉ်မှာ အားပေးနှစ်သိမ့် ပေးပုံကဖြင့် “စံ” တင် လောက်ပါတယ်။ ရွှေကျင် ဧရိယာ စစ်ဆင်ရေး တာဝန်ထမ်းဆောင်ရင်း လေတပ်မှ T 33 ဂျက်လေယာဉ် ၅ စီး စလုံး ပျက်ကျ သွားခဲ့ရာ ကျဆုံးသွားရှာတဲ့ လေယာဉ်ပေါ်ရှိ လေသူရဲများရဲ့  ဈာပနာ အခမ်းအနားကို မင်္ဂလာဒုံ လေတပ်စခန်းမှာ ကျင်းပခဲ့ပါတယ်။

လေသူရဲ အလောင်း တစ်လောင်းစီကို အမြောက်ဆွဲယာဉ် တစီးစီနဲ့ ဂုဏ်ပြုတဲ့အနေနဲ့ (၅) မိုင်ခန့် ဝေးတဲ့ မင်္ဂလာဒုံ စစ်သင်္ချိုင်းကို လမ်းလျှောက် လိုက်ပို့ခဲ့ပါတယ်။ အဲဒီမှာ ဗိုလ်ချုပ်ကြီး သူရ တင်ဦးဟာ တပ်ချုပ် ဖြစ်တာမို့ ကိုယ်ရေးအရာရှိနဲ့ စစ်ဦးစီး အရာရှိများက လုံခြုံရေး အရ ရော သက်သာမှု ရှိစေရန် အတွက်ပါ လူအုပ်ကြီးရဲ့  နောက်မှ ကားဖြင့်သာ လိုက်ဖို့ တင်ပြခဲ့ရာ လက်မခံဘဲ ပယ်ချပြီး ပူဆွေးသောက ဖြစ်နေတဲ့ မိသားစုဝင်တွေနဲ့ အတူတူ လမ်းလျှောက်ခဲ့သူ ဖြစ်ပါတယ်။

ဗိုလ်ချုပ်ကြီး သူရ တင်ဦးဟာ နေပူပူ လမ်းမကြီးပေါ်မှာ ချွေးသံတရွဲရွဲ ဖြစ်နေပြီး မိသားစုနဲ့အတူ အားပေးကာ ဂုဏ်ပြုခဲ့သူ ဖြစ်ပါတယ်။ ဗိုလ်ချုပ်ကြီး သူရ တင်ဦးကို ဗိုလ်နေ၀င်းတို့က အရေးယူလိုက်တဲ့အပေါ်မှာ တပ်ထဲမှာ ရှိတဲ့ အရာရှိ စစ်သည် အများစုဟာ ပူဆွေးသောက ဖြစ်ကုန်ကြပါတယ်။ တိုင်းမှူး အဆင့်မှာတောင် စစ်အာဏာရှင်တွေကို ဘ၀င်မကျဖြစ်ကုန်ပြီး တပ်တွင်း ပုန်ကန်မှု ပြုလုပ်ခဲ့တဲ့ ဗိုလ်ကြီး အုံးကျော်မြင့်ရဲ့  အုပ်စု ထဲမှာ မပခ တိုင်းမှူး ဗိုလ်မှူးကြီး လှဖေတောင် ပါဝင်ရတဲ့အထိ တွေ့မြင်ရပါတယ်။

ဒါကြောင့် တပ်ရင်းတွေကို စစ်အာဏာရှင်တွေဟာ မျက်လုံးပြူး မျက်စံပြာနဲ့ လူကိုယ်တိုင် သွားရောက်ပြီး လည်းကောင်း၊ တိတ်ခွေနဲ့ လည်းကောင်း၊ “ဒါဘာ” မှာလည်းကောင်း၊ ဗိုလ်ချုပ်ကြီး သူရ တင်ဦး ကိစ္စကို ရှင်းလင်းပွဲများ အလျှင်အမြန် ပြုလုပ်ကာ အရာရှိ စစ်သည်တွေကို ချော့မော့ပြောဆို ခဲ့ရပါတယ်။ ဗိုလ်ကြီး အုံးကျော်မြင့်ဟာ ဗိုလ်ချုပ်ကြီး သူရ ကျော်ထင်ရဲ့  ကိုယ်ရေးအရာရှိ PA ဖြစ်ပြီး သူ့ရဲ့  ဆရာ စစ်ဦးစီးချုပ် မျက်နှာ ကိုတောင် မထောက်ထားဘဲ ဗိုလ်ချုပ်ကြီး သူရ တင်ဦးအား စစ်အာဏာရှင်တွေကို ဖြုတ်ချပြီးရင် ခေါင်းဆောင် ပြန်တင်ဖို့ စီစဉ်ခဲ့သူ ဖြစ်ပါတယ်။

ဒီဖြစ်စဉ်ကို သုံးသပ်ကြည့်ရင် ဗိုလ်ချုပ်ကြီး သူရ တင်ဦးရဲ့  ဖြူစင်တဲ့ နှလုံးသားနဲ့ ရဲရင့်တဲ့ သံမဏိ စိတ်ဓာတ်တွေဟာ အာဏာအရှိဆုံးသူတွေရဲ့  အပါးတော်မြဲ PA ဗိုလ်ကြီး အုံးကျော်မြင့်ရဲ့  နှလုံးသားကိုတောင် ရိုက်ခတ်ခဲ့တာမို့ တပ်မတော်သား တစ်ရပ်လုံးရဲ့  ရင်ထဲ အသည်းထဲမှာလည်း ကဗျည်းအက္ခရာထိုးထားတဲ့ စစ်ခေါင်းဆောင် တစ်ဦးသာ ဖြစ်ပါကြောင်း ကျွန်တော် ကိုဖိုးတရုတ်မှ မှတ်တမ်းတင် ဂုဏ်ပြု အလေးပြုရင်း တင်ဆက်လိုက်ရပါတယ် ခင်ဗျား။

ကိုဖိုးတရုတ် ဘလော့မှ ပြန်လည် မျှဝေခြင်းသာဖြစ်ပါတယ်ရှင်..။ဗိုလ်ထက်မင်း ကိုလဲကျေးဇူးတင်ပါတယ်ရှင်..။


ယနေ့ ကျရောက်တဲ့ ဘဘဦးတင်ဦး ဇနီး ဒေါက်တာတင်မိုးဝေ
တို့ရဲ့ နှစ်(၅၀) ပြည့်ရွှေရတု မွေးနေ့ မှနေပြီး ဘဘဦးတင်ဦးရဲ့ ရည်မှန်ချက်ပန်းတိုင်
သို့ အမြန်ဆုံးရောက်ရပါစေလို့ ဆုတောင်းရင်းနဲု့ မှတ်မှတ်ရရ
အဖြစ် ဂုဏ်ပြုလိုက်ပါတယ်ရှင် ...။

ကျမ မြတ်လေးငုံ ကပြန်လည်ပြီးမျှဝေလိုက်ခြင်းဖြစ်ပါတယ်ရှင်..။ဘဘဦးတင်ဦးအား
မြတ်လေးငုံဘလော့မှ ထပ်မံ ပြီးဖော်ပြပေးခြင်းသာဖြစ်ပါတယ်..။ကျမ ဘဝတွင်
ဘယ်တော့မှာ မမေ့သင့်သော ဘဘဦးတင်ဦး အား မြတ်လေးငုံ ဘလော့မှအမှတ်တရ
အနေဖြင့် ဂုဏ်ပြုလိုက်ပါသည်..။

မြတ်လေးငုံ..။
Read More ...
Thank ...