ဘန်ကီမွန်း ချဉ်းကပ်မှု ပျော့လွန်းဟု ဝေဖန်ခံရ

သောမတ်စ်မောင်ရွှေ | သောကြာနေ့၊ စက်တင်ဘာလ ၁၇ ရက် ၂၀၁၀ ခုနှစ် ၁၈ နာရီ ၄၂ မိနစ် .
ချင်းမိုင် (မဇ္ဈိမ) ။ ။ အမျိုးသား ဒီမိုကရေစီ အဖွဲ့ချုပ် အပါအဝင် နိုင်ငံရေးပါတီ ၁ဝ ပါတီ ဖျက်သိမ်းခံရသည်ကို `အနည်းငယ် စိုးရိမ်ပူပန်ကြောင်း´ ကုလအတွင်းရေးမှူးချုပ် ဘန်ကီမွန်း ပြောဆိုသည်မှာ ခပ်ပျော့ပျော့ ချဉ်းကပ်မှုအဖြစ် နိုင်ငံရေးအကဲခတ်များက ရှုမြင်လိုက်ကြသည်။

’’ဘန်ကီမွန်းက အခုအတိုင်းသာ စစ်အစိုးရကို ခပ်ပျော့ပျော့ ချဉ်းကပ်နေရင် ဟိုကလည်း သူ့ကို အခုလိုပဲ ဂရုစိုက်မှာ မဟုတ်ဘူး။ သူတို့ (စစ်အစိုးရ) က နိုင်ငံတော် အကြမ်းဖက်သမားတွေ’’ ဟု ၁၉၉ဝ ခုနှစ် ကရင်ပြည်နယ်တွင် အမျိုးသား ဒီမိုကရေစီအဖွဲ့ချုပ် အမတ်တဦးအဖြစ် ရွေးကောက် တင်မြှောက်ခံခဲ့ရသူ ဦးခွန်မြင့်ထွန်းက ပြောသည်။

’’ဒီလိုဘဲ ခပ်ပျော့ပျော့ ကြေညာချက်တွေပဲ တခုပြီးတခု
ဗိုလ်ချုပ်မှူးကြီးသန်းရွှေ၊ ဒုဗိုလ်ချုပ်မှူးကြီးမောင်အေးနှင့် မစ္စတာဘန်ကီမွန်းတို့ ပြီးခဲ့သည့်နှစ် ဇူလိုင်လတွင် တွေ့ဆုံသည်ကို စစ်အစိုးရပိုင် ရုပ်မြင်သံကြားမှ ထုတ်လွှင့်သည်ကို မြင်ရပုံ။ ဒေါ်အောင်ဆန်းစုကြည် ခေါင်းဆောင်သည့် အမျိုးသား ဒီမိုကရေစီအဖွဲ့ချုပ်ကို ဖျက်သိမ်းသည့်အပေါ် `အနည်းငယ် စိုးရိမ်ပူပန်မိကြောင်း´ မစ္စတာဘန်က စက်တင်ဘာ ၁၆ ရက်နေ့ ဗုဒ္ဓဟူးနေ့တွင် ထုတ်ဖော်ပြောဆိုခဲ့သည်။ (ဓာတ်ပုံ - မဇ္ဈိမ မော်ကွန်းတိုက်
ထုတ်နေပြီး သူအလုပ်လုပ်နေပါတယ်ဆိုတာ ပြနေတာ’’ ဟု အဆိုပါ နိုင်ငံရေးအကျဉ်းသားဟောင်း အမတ်က ပြောသည်။ ဤသို့ဖြင့် ဘန်ကီမွန်းသည် မြန်မာပြည်သူများကို မျက်နှာပျက်စေခဲ့ကြောင်း သူယုံကြည်သည်ဟု ဆိုသည်။

မြန်မာပြည် အပြည့်အဝ ဒီမိုကရေစီနိုင်ငံ ဖြစ်စေရေး လှုပ်ရှားမှုအတွင်း ရှိနေကြသည့် ဘန်ကီမွန်းကို ဝေဖန်သူများထဲမှ အဆင့်မြင့် နာမည်ကြီးဝေဖန်သူတို့က အတွင်းရေးမှူးချုပ်၏ လူထုဆက်ဆံရေးဌာနက ယခင်ကြေညာချက်များအတိုင်းသာ ခပ်လွယ်လွယ်ပင် နည်းနည်းပါးပါး မွမ်းမံပြင်ဆင်၍ ထုတ်ပြန်နေခြင်း၊ ယခုကဲ့သို့ စိုးရိမ်ပူပန်နေကြောင်းများကို မြန်မာ စစ်အစိုးရ အုပ်ချုပ်သူများ သိရှိအောင် အမှန်တကယ် ကြိုးပမ်းမှုများ မပြုလုပ်ခဲ့ခြင်းတို့အတွက် စိုးရိမ်ပူပန်မိကြောင်း ထုတ်ဖော်ပြောဆိုကြသည်။

အန်အယ်ဒီ ဖျက်သိမ်းခံရသည့်အပေါ် မစ္စတာဘန်၏ ရပ်တည်ချက်နှင့် သူ၏ မြန်မာပြည်ဆိုင်ရာ ယာယီသံတမန်နှင့် ရုံးအရာရှိချုပ် ဗီဂျေးနမ်ဘီယား (Vijay Nambiar) ဘာလုပ်နေသည်ကို Inner City Press ၏ ကုလဆိုင်ရာ သတင်းထောက် မက်သယူးရပ်ဆဲလ် (Matthew Russell) က ကုလဌာနချုပ် သတင်းစာရှင်းလင်းပွဲ၌ အတွင်းရေးမှူးချုပ်၏ ပြောခွင့်ရပုဂ္ဂိုလ် မာတင်နီဆားကီး (Martin Nesirky) ကို မေးမြန်းခဲ့အပြီး နာရီပေါင်းအတော်ကြာမှ စိုးရိမ်ကြောင်း ကြေညာချက် ထွက်လာခဲ့ခြင်း ဖြစ်သည်။

မစ္စတာဘန်၏ ရုံးမှ ယမန်နေ့ထုတ် ကြေညာချက်တွင် စစ်အစိုးရကို နိုဝင်ဘာလတွင် ကျင်းပမည့် ရွေးကောက်ပွဲများ၌ `အပြည့်အဝ အားလုံး ပါဝင်ခွင့်ရှိစေရေး´ အတွက် ထပ်မံတောင်းဆိုထားသည်။

ဘန်ကီမွန်းက `အားလုံးပါဝင်ရေး´ ပြောနေသည်မှာ အလွန်ရယ်ဖွယ်ကောင်းကြောင်းနှင့် ရွေးကောက်ပွဲ ဥပဒေများအရ၎င်း၊ လက်တွေ့အခြေအနေများအရ၎င်း၊ ယင်းသည် မဖြစ်နိုင်ကြောင်းမှာ အလွန်ထင်ရှားနေပြီဟု ဘားမား ကင်ပိန်း ယူကေမှ ဒါရိုက်တာ Mark Farmaner က မဇ္ဈိမကို ပြောသည်။

’’ရွေးကောက်ပွဲတွေမှာ လွတ်လပ်မျှတတယ်ပဲ ဆိုဦးတော့၊ ဖွဲ့စည်းပုံ အခြေခံဥပဒေအသစ်မှာ အာဏာရှင်စနစ်ကို ထိန်းသိမ်းသွားဖို့ ရည်ရွယ်ရေးဆွဲထားတာကြောင့် ဘယ်လိုမှ အကြောင်းထူးမှာမဟုတ်´ ဟု Farmaner က မြန်မာနိုင်ငံ၏ ဝေဖန်ခံနေရသော ဖွဲ့စည်းပုံသစ်ကို ရည်ညွှန်းပြောဆိုသွားသည်။ အဆိုပါ ဖွဲ့စည်းပုံသစ်အရ လွှတ်တော်သုံးရပ်စလုံးတွင် စစ်တပ်ဖွဲ့ဝင်များကို ရွေးကောက်ပွဲ ဝင်စရာမလိုဘဲ ခန့်ထားရမည်ဖြစ်ပြီး၊ ဝန်ကြီးအဖွဲ့တွင်လည်း စစ်တပ်ကိုယ်စားလှယ်များ ထည့်သွင်းဖွဲ့စည်းပေးရမည်။

ပအိုဝ့်လူနည်းစု တိုင်းရင်းသားအမတ် ဦးခွန်မြင့်ထွန်းကလည်း ကုလအထွေထွေ ညီလာခံအနေဖြင့် ဒီမိုကရေစီနည်းကျ ရွေးကောက်တင်မြှောက်ခံရသော အတိုက်အခံများ၊ မြန်မာနိုင်ငံ၏ တိုင်းရင်းသားလူနည်းစု ကိုယ်စားလှယ်များနှင့် တွေ့ဆုံဆွေးနွေးပါရန် မကြာခဏ မရှင်းမလင်း ကြေညာချက်များ အကြိမ်ကြိမ် ထုတ်နေသည့်အပေါ် လွန်စွာ စိတ်ပျက်မိသည်ဟု ဆိုသည်။ `ဘန်ကီမွန်းက သူလုပ်နေပါတယ်ပြောရင်တောင် အဲဒါက ဘာမှ မဟုတ်သေးဘူး´။

’’ကုလအပေါ်မှာ မျှော်လင့်ချက်က နှစ်ပေါင်းများစွာအတွင်း အတော်ကုန်သွားပြီ။ ဒါပေမဲ့ မျှော်လင့်ချက်တော့ နည်းနည်းထားသေးတယ်။ အရင် အတွင်းရေးမှူးချုပ်တွေ တုန်းကတော့ သူတို့ရော၊ သူတို့ကိုယ်စားလှယ်တွေရော တိုးတက်မှုရအောင် တစုံတရာ ကြိုးပမ်းကြသေးတယ်။ ဘန်ကီမွန်းကတော့ ဒီလက်ကျန်မျှော်လင့်ချက် နည်းနည်းလေးကိုတောင် လုံးဝ ကုန်သွားအောင် လုပ်ပစ်လိုက်တယ်’’ ဟု ဦးခွန်မြင့်ထွန်းက ဆိုသည်။

ဦးခွန်မြင့်ထွန်း၏ ကုလအပေါ် ယခုကဲ့သို့ ရှုမြင်ချက်အပေါ် Farmerner အပါအဝင် မြန်မာ့အကဲခတ် အများအပြားက သဘောတူကြသည်။

’’လွန်ခဲ့တဲ့ ၇ နှစ်လုံးလုံး ဗိုလ်ချုပ်ကြီးတွေရဲ့ လမ်းပြမြေပုံကို ပြုပြင်ပြောင်းလဲဖို့ ကုလသမဂ္ဂက လုပ်ခဲ့တယ်။ ဒါပေမဲ့ ဒီလမ်းပြမြေပုံရဲ့ ခရီးဆုံးပန်းတိုင်က အမြဲတမ်း တခုထဲပဲ ရှိတယ်။ အာဏာရှင်စနစ်ကို ဆက်လက်ကျင့်သုံးဖို့ပဲ။ ကုလမှာ ရှိတာက လုံးဝချွတ်ယွင်းနေတဲ့၊ မအောင်မြင်တဲ့ မဟာဗျူဟာပဲ။ အခုထိလည်း ဒီအတိုင်း အရူးအမူး စိတ်ကူးယဉ်နေတုန်းပဲ။ ရွေးကောက်ပွဲက တစုံတရာများ လွတ်လပ်မျှတမလားဆိုပြီး’’ ဟု Farmaner က ပြောသည်။

’’ရွေးကောက်ပွဲဟာ လွတ်လပ်မျှတမှာ မဟုတ်ဘူးဆိုတာ ဘန်ကီမွန်း သိတယ်။ ဒါဆို ဘာလို့ သူက ဒီအကြောင်း ကြေညာချက်တွေ ထုတ်နေရသေးတာလဲ။ မြန်မာနိုင်ငံမှာ သုံးပွင့်ဆိုင် တွေ့ဆုံဆွေးနွေးရေးလုပ်ဖို့ ကြိုးပမ်းပါဆိုပြီး သူ့ကို ကုလအထွေထွေညီလာခံက အခွင့်အာဏာပေး လွှဲအပ်ထားတာ။ အခုလိုပဲ ကြေညာချက်တွေ မပြီးနိုင်မစီးနိုင် ထုတ်နေတာဟာ တာဝန်မဲ့ရာကျတယ်’’ ဟု သူက ဆက်ပြောသည်။

ယမန်နေ့ သတင်းစာရှင်းလင်းပွဲတွင် မေးမြန်းဖြေဆိုခဲ့သည်များကို ရိုက်နှိပ်ဖြန့်ဝေသော တရားဝင် ထုတ်ပြန်ချက်တွင် သတင်းထောက် မက်သယူးရပ်ဆဲလ်က လက်ရှိမြန်မာနိုင်ငံဆိုင်ရာ ကုလသံတမန်အကြောင်း အသေးစိတ် မေးခွန်းများစွာ မေးခဲ့သည်။ မစ္စတာဘန်၏ မြန်မာနိုင်ငံဆိုင်ရာ ယာယီသံတမန် နန်ဘီးယား အမှန်တကယ် အလုပ်လုပ်နေရဲ့လားဆိုသော မေးခွန်းမျိုး မြောက်မြားစွာကို သတင်းစာရှင်းလင်းပွဲ၌ ဖြေဆိုခြင်း မပြုခဲ့ပါ။

ဘန်ကီမွန်း၏ ပြောခွင့်ရပုဂ္ဂိုလ် Nesirky က အဆိုပါသံတမန်အကြောင်း မေးခွန်းအမြောက်အမြားကို မဖြေဘဲ ရှောင်လွှဲသွားခဲ့သည်ကို ကုလဝဘ်ဆိုဒ်ရှိ အဆိုပါ သတင်းစာရှင်းလင်းပွဲ မေးမြန်းဖြေဆိုချက်များ မှတ်တမ်းအပြည့်အစုံတွင် ဤသို့ တွေ့ရသည်။

Inner City Press: မစ္စတာ (ဗီဂျေး) နန်ဗီးယားရဲ့ ကုလလုပ်ကိုင်ခွင့်အတွင်း ပါဝင် ဆောင်ရွက်နေတာ ဘာတွေရှိပါသလဲ။ လာမယ့် အထွေထွေညီလာခံ အခြေအတင်ဆွေးနွေးပွဲမှာ အတွင်းရေးမှူးချုပ် ဖွဲ့စည်းထားတဲ့ မြန်မာမိတ်ဆွေများအဖွဲ့ရဲ့ အစည်းအဝေးကနေ ဘယ်လိုရလဒ်တွေ ထွက်ပေါ်လာမယ်လို့ အတွင်းရေးမှူးချုပ်က မျှော်မှန်းထားပါသလဲ။

ပြောခွင့်ရပုဂ္ဂိုလ်။ မစ္စတာနမ်ဘီးယားရဲ့ လုပ်ကိုင်ခွင့်အာဏာတွေကို ခင်ဗျား အပြည့်အဝ အကျွမ်းတဝင်ရှိပြီး ဖြစ်လိမ့်မယ်လို့ ကျနော် ထင်ပါတယ်။ မြန်မာမိတ်ဆွေများ ဆွေးနွေးပွဲက ဝန်ကြီးများအဆင့် ပြုလုပ်မှာဖြစ်ပြီး စက်တင်ဘာ ၂၇ ရက်လောက်မှာ လုပ်ဖြစ်လိမ့်မယ်။ သတင်းထုတ်ပြန်ရေး အပါအဝင် အသေးစိတ်ကတော့ စီစဉ်ဆောင်ရွက်နေတုန်းပါ။ အစည်းအဝေးပြီးတဲ့အခါ ဘာတွေဆွေးနွေးခဲ့တယ်ဆိုတာ ခင်ဗျားတို့ သိရလိမ့်မယ်လို့ ကျနော်ထင်ပါတယ်။

Inter City Press: မစ္စတာနမ်ဘီးယားနဲ့ ပတ်သက်လို့ သူ့ရုံးက ဘာတွေလုပ်နေတယ်ဆိုတာ ကျနော် တကယ့်ကို သေချာမသိပါဘူး။ ဒီလိုဆုံးဖြတ်ချက်မျိုးချဖို့ အစိုးရက လုပ်နေပြီဆိုတာ သူတို့ ကြိုတင်သိခဲ့ပါသလား။ ဒါမျိုးလေးတွေကို ကျနော် သိချင်ပါတယ်။ ဒီလို စိုးရိမ်ပူပန်တဲ့ အကြောင်း အမျိုးသားဒီမိုကရေစီအဖွဲ့ချုပ်ကိုရော သူတို့ ဆက်သွယ်ပြောခဲ့လား။ ဒါမှမဟုတ် ကြေညာပြီးတော့မှ နောက်ကလိုက် ပြောတာလောက်ပဲလား။ ကျနော် စော်ကားတဲ့အနေနဲ့ မေးတာ မဟုတ်ဘူး။ တကယ့်ကို သိချင်လို့ မေးတာပါ။ မြန်မာအစိုးအဖွဲ့က အခုလို ဆုံးဖြတ်ချက်မချခင် ဒီရုံးက ကြိုတင်ဟန့်တားဖို့ ကြိုးစားခဲ့သေးလား။ ဒါမှမဟုတ် သူတို့လည်း သူများတွေလိုပဲ ကြားလိုက်မှ မှင်တက်မိသွားတာလား။

ပြောခွင့်ရပုဂ္ဂိုလ်။ ဟုတ်ကဲ့။ ဒီမှာပြောစရာက အတော်လေး ရှိပါတယ်။ ဒီအကြောင်း နေ့စဉ် အချိန်ပြည့် လေ့လာစောင့်ကြည့်နေတဲ့ သူတွေက မစ္စတာနန်ဗီးယားကို ကူညီဆောင်ရွက်ပေးနေပါတယ်။ သူ့မှာ အကူအညီ၊ အထောက်အပံ့တွေ ရှိပါတယ်။ ဒီတော့ ဘာတွေဖြစ်နေတယ်ဆိုတာကို သူတို့ သေချာ ရှင်းရှင်းလင်းလင်း သိပါတယ်။ သံတမန်ရေးအရ ဘာတွေဆက်လုပ်မယ် ဆိုတာကတော့ ကျနော်က ဖြေဆိုနိုင်စွမ်းရှိသူ မဟုတ်ပါဘူး။ ကုလအတွင်းရေးမှူးချုပ် ပြောခဲ့တာကိုပဲ ထပ်လောင်းပြောချင်ပါတယ်။ မြန်မာအာဏာပိုင်တွေနဲ့ တွေ့ခွင့်ရဖို့နဲ့ ဒီအကြောင်းတွေ ဆွေးနွေးခွင့်ရရေး ကိစ္စတွေအတွက် သူအတော်မချင့်မရဲ ဖြစ်ခဲ့တယ်လို့ သူက ပြောခဲ့ပါတယ်။ ဒီလိုဆို ခင်ဗျားရဲ့ မေးခွန်းကို ကျနော် ဖြေပြီးဖြစ်လိမ့်မယ်လို့ ထင်ပါတယ်။



© Copyright 1998 - 2009 Mizzima News. All Rights Reserved