အမျိုးသား ဒီမိုကရေစီအဖွဲ့ချုပ် NLD လူငယ်စာဖတ်ဝိုင်းကို ပါတီဝင်မဟုတ်သူ လူငယ်များပါ ပါဝင်စေကာ ယနေ့ တိုးချဲ့ပြုလုပ်ခဲ့ကြောင်း ပါတီလူငယ်များ အဆိုအရ သိရသည်။
ယနေ့စာဖတ်ဝိုင်းကို နေ့လည် ၂ နာရီခန့်တွင် ရန်ကုန်တိုင်း ဗဟန်းမြို့နယ်ရှိ ပါတီရုံးချုပ်၌ ပြုလုပ်ခဲ့ရာ ပါတီဝင်လူငယ်များ အပါအဝင် အခြားစိတ်ပါဝင်စားသူ လူငယ် ၅ဝ ခန့် တက်ရောက်ခဲ့ကာ၊ ၎င်းတို့က ရနံ့သစ် စာအုပ်တိုက်မှ ထုတ်ဝေသော ‘ပါရာဒိုင်း လက်ခုပ်သံများနှင့် လူငယ်များ၏ ရင်ခုန်သံ’ ဟူသည့် ဆောင်းပါးစု စာအုပ်ကို ဝိုင်းဝန်းဆွေးနွေးခဲ့ခြင်း ဖြစ်သည်။
“ပြီးခဲ့တဲ့ နှစ်ပတ်လောက်ကတည်းက ကြေညာထားပါတယ်။ ရုံးမှာလည်း ဘုတ်ကြီးနဲ့ ရေးထားပါတယ်။ ဒီနေ့ စာဖတ်ဝိုင်းလေးကတော့ NLD လူငယ်တွေတင် မကဘဲနဲ့ အခြားသော လူငယ်တွေ ပါဝင်တဲ့အတွက် ထူးခြားမှုလေး တခုလို့ မြင်ပါတယ်” ဟု လူငယ်လုပ်ငန်းဖော်ဆောင်ရေး တာဝန်ခံတဦးဖြစ်သူ ကိုမျိုးညွန့်က မဇ္ဈိမကို ပြောသည်။
ပါတီလူငယ် ကိုရာဇာက “စာဖတ်ဝိုင်းရဲ့ ပုံစံက ဝိုင်းဆွေးနွေးတယ်ဗျာ။ အားလုံးစုပြီး ဝိုင်းထိုင်လိုက်တယ်ဗျာ။ ခုံလေးတွေနဲ့ မျက်နှာချင်းဆိုင် ထိုင်ကြတယ်။ ဆွေးနွေးမယ်ဆိုရင် လူငယ်ဖော်ဆောင်ရေးအဖွဲ့ကို စာရင်းပေးရတယ်။ ဆွေးနွေးချိန်က တယောက်ကို ၁ဝ မိနစ်ထက် မပိုရဘူးပေါ့။ ဥပမာ လူ ၂ဝ က ဆွေးနွေးတယ်ဆိုရင် ဆွေးနွေးတဲ့ အကြောင်းအရာတွေကို မုံရွာ (ဦး) အောင်ရှင်နဲ့ ဦးအောင်ကြည်ညွန့်က မှတ်ထားတယ်ဗျာ။ ပြီးတော့မှ သူတို့ရဲ့ အတွေ့အကြုံအရ ဘယ်ဟာကတော့ဖြင့် အဓိပ္ပာယ်လွဲတယ်၊ ပိုနေတယ်၊ လိုသေးတယ် အစရှိသဖြင့် ပြန်ဆွေးနွေးပေးတာပေါ့” ဟု မဇ္ဈိမကို ရှင်းပြသည်။
ယနေ့ စာဖတ်ဝိုင်းမှာ ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်အပြီး ပထမဆုံးပြုလုပ်သည့် စာဖတ်ဝိုင်းဖြစ်ပြီး၊ ရန်ကုန်သာမက ပဲခူးနှင့် မကွေးမြို့များမှ အသက် ၂ဝ-၂၅ နှစ်အကြား လူငယ်အများစု လာရောက်ကာ ထိုအထဲတွင် အမျိုးသမီး ၁၅ ဦးခန့် ပါဝင်သည်။
စာဖတ်ဝိုင်း သဘာပတိအဖြစ် ပါတီဒုဥက္ကဋ္ဌ ဦးတင်ဦး ဆောင်ရွက်ပြီး၊ စာရေးဆရာ မုံရွာအောင်ရှင်နှင့် ချောင်းသာမြို့နယ် ၁၉၉ဝ ခုနှစ် လွှတ်တော်အမတ် ဦးအောင်ကြည်ညွန့်တို့ ကြီးကြပ်ဆွေးနွေးခဲ့သည်။ ထို့ပြင် စာပေလောကမှ စာရေးဆရာ၊ ကဗျာဆရာ ၄ ဦးလည်း ယနေ့စာဖတ်ဝိုင်းသို့ လာရောက်ခဲ့ကြသည်။
NLD လူငယ်စာဖတ်ဝိုင်းများကို ၁၉၉၅ ခုနှစ်ကတည်းက ပါတီရုံးချုပ်၌ပင် စတင်ခဲ့ပြီး ဒေါ်အောင်ဆန်းစုကြည် ကိုယ်တိုင် ဦးဆောင်ခဲ့သည်။ ၂ဝဝ၃ မေလ ၃ဝ ရက်နေ့ ဒီပဲယင်းကိစ္စနောက်ပိုင်းတွင်မူ အခြေအနေ အရပ်ရပ်ကြောင့် ရပ်နားခဲ့ပြီး ၂ဝဝ၈ ခုနှစ်တွင် ပြန်လည်ပြုလုပ်လာခဲ့သည်။
“ပုံမှန်လုပ်ခဲ့တာပါ။ ဒီပဲယင်း အရေးအခင်း နောက်ပိုင်းမှာ ကျနော်တို့လည်းမရှိ၊ လူငယ်တွေလည်း ပြေးဟယ်လွှားဟယ် ရှောင်ရယ်တိမ်းရယ်နဲ့ပေါ့ဗျာ။ တော်တော်လေး ရပ်ထားလိုက်ရတယ်။ ကျနော်တို့ မရှိတဲ့နောက်ပိုင်းမှာလည်း ဒီကလေးတွေ ဆက်လုပ်လာခဲ့တာ။ သူတို့တောင် အတော်လေး ကြီးလာပြီ။ နောက် အားသစ်တွေ ထပ်မွေးတော့ လူသစ်တွေ ရောက်လာတာ ရှိပါတယ်။ အများကြီး အထောက်အကူ ဖြစ်ပါတယ်” ဟု ဒုဥက္ကဋ္ဌ ဦးတင်ဦးက မဇ္ဈိမကို ပြောသည်။
NLD အနေဖြင့် ၂ဝ၁ဝ မှတ်ပုံတင် ဥပဒေအရ မှတ်ပုံမတင်တော့သည့် ကာလကတည်းက ရန်ကုန်ရှိ လွှတ်တော်အမတ် ဒေါ်မေနှင်းကြည်၏ နေအိမ်၌ ဦးဝင်းတင်၊ ဦးတင်ဦး၊ ဖျာပုံနီလုံဦး၊ မုံရွာအောင်ရှင်၊ ဦးသိန်းထွန်းတို့ ဦးဆောင်၍ နှစ်ပတ်တကြိမ် ပြုလုပ်လာခဲ့သည်။
“အရင်တုန်းက NLD လူငယ်တွေချည်း လုပ်ခဲ့ရာကနေ ခုဆို ကျောင်းသားလူငယ်လေးတွေပါ ပါဝင်လာတဲ့အတွက် အောင်မြင်မှု တရပ်ပါပဲခင်ဗျာ။ အများကြီး အားရပါတယ်။ မြန်မာပြည် လူငယ်တွေရဲ့ အရေးကို ကွန်ယက်ကြီးသဖွယ် တိုင်ပင်ဆွေးနွေးပြီး ဆောင်ရွက်သွားဖို့ ဖြစ်ပါတယ်” ဟု ကိုမျိုးညွန့်က ပြောသည်။
ယနေ့စာဖတ်ဝိုင်းကို ညနေ ၄ နာရီခန့်တွင် အဆုံးသတ်ခဲ့သည်။ နောက်ထပ် ရက်သတ္တ နှစ်ပတ်အကြာတွင် သံအမတ်ကြီးဟောင်း ဦးတင့်ဆွေ ရေးသားသည့် ‘ဒီမိုကရေစီစိတ်ထား’ ဆိုသည့် စာအုပ်ကို ဆွေးနွေးကြဦးမည် ဖြစ်သည်။
ရန်ကုန်မြို့အပြင် အခြား မြို့နယ်များတွင်လည်း ၎င်းတို့ အခြေအနေအလိုက် လုပ်ဆောင်နိုင်ရန် ကြိုးပမ်းလျက်ရှိသည်။
MIZZIMAသတင်းမှ ကူးယူဖေါ်ပြပါသည်။
No comments:
Post a Comment