လူထုဦးလှ
(၁၉ ဇန်နဝါရီ ၁၉၁၀ - ၇ သြဂုတ် ၁၉၈၂)
Wednesday, 20 January 2010 13:06 ရိုးမ ၃
အမှတ်တရသစ်ပင်၊ ကျောက်တုံးထဲမှာ အရုပ်ကရှိပြီးသား၊ ကျုပ်က မလိုတာ ခွာချပြီး အရုပ်ကို လှပ်ရုံပဲ။ မိုက်ကယ် အိန်ဂျလို ဒီလိုပဲ ဦးလှက လူငယ်တွေ ထင်ပေါ်အောင် ပွဲထုတ်ပေးခဲ့တယ်။
သမိုင်းပါမောက္ခ ဒေါက်တာသန်းထွန်း
--------------------------------------------------------------------------------
လူထုဦးလှရဲ့ ဈာပနနေ့မှာ ကျွန်တော်တို့ မိသားစုက…. လူထုဘက်မှာ သစ္စာရှိရှိ ရပ်တည်ခဲ့လို့ သစ္စာပန်း။ လူထုဘက်က သတ္တိပြည့်ပြည့် ဆောင်ရွက်ခဲ့လို့ အနီရောင်။ သစ္စာပန်းအနီတွေ စုစည်းပြီး “လူထုချစ်သမျှ လူထုဦးလှ” စာတန်း။
တော်ဘုရားကလေး (အောင်ဇေ)
--------------------------------------------------------------------------------
ကိုလှရေ
ကိုလှ ဒုက္ခရောက်အောင် ကျွန်တော်လုပ်ခဲ့တဲ့ အပြစ်ဟာ မသေးပါဘူး။ အင်မတန် ကြီးမားပါတယ်။ ကျွန်တော် ဝမ်းနည်းပါတယ်။ ကျွန်တော် တောင်းပန်ပါတယ်။
မောင်နု
--------------------------------------------------------------------------------
ကိုလှက မြန်မာယဉ်ကျေးမှုတို့၊ သမိုင်းတို့ မြန်မာစာပေတို့မှာ ပြောင်မြောက်တယ်။ သူပြောင်မြောက်တဲ့ ဘဝမှာပဲ သူ့ကို ထားလိုက်ပါ။ သူ့ကို သွားပြီး မနှောင့်ယှက်ပါနဲ့။
သခင်သန်းထွန်း
--------------------------------------------------------------------------------
စာရေးမှ ကြိုက်တယ်
ဦးလေးက သူသာ အလုပ်နဲ့လက် မပြတ်အောင် လုပ်နေတာမဟုတ်ဘူး။ အနားရှိ လူအားလုံးကိုလည်း အလုပ်လုပ်ကြဖို့ အမြဲ နှိုးဆော်နေတာပါ။ ဒေါ်ဒေါ့်ကိုလည်း အမြဲတမ်း စာရေးနေမှ ဦးလေးက ကြိုက်တာ။ ဒေါ်ဒေါ် “ပြည်သူချစ်သော အနုပညာသည်များ” စာအုပ်လို စာတွေ ရေးဖြစ်တာက ဦးလေးရဲ့ တိုက်တွန်းနှိုးဆော်မှုကြောင့်ပဲ ဖြစ်တယ်။ လူငယ်တွေဖြစ်တဲ့ တင်မိုးတို့၊ ကြည့်အောင်တို့ အင်းဝကိုလေးတို့ဆိုရင် ကဗျာတွေမရေးဖြစ်တာ ကြာသွားရင် ဦးလေးအခန်းထဲ မသွားကြဘူး။ ဒေါ်ဒေါ့် အခန်းထဲနဲ့ ကျွန်တော်တို့ အခန်းတွေထဲသာ လာအချိန်ဖြုန်းရဲကြတာ။ စာရေးဖို့ အမြဲလှုံ့ဆော်ပေမယ့် ဦးလေးက အကြောင်းအရာ မယ်မယ်ရရမရှိဘဲ စာဖြစ်ရင်ပြီးရော ရေးတာမျိုးကိုတော့ မကြိုက်ပါဘူး။
လူထုစိန်ဝင်း
No comments:
Post a Comment