ကျမ ကြားခဲ့ မြင်ခဲ့ဖူးသော

Posted by admin on October 2nd, 2010

ကျမတို့ တိုင်းပြည်က လွတ်လပ်ရေးရပြီးနောက်ပိုင်းမှာ ပါလီမာန်ဒီမိုကရေစီ စနစ်ကို ကျင့်သုံးခဲ့ပါတယ်။ ဒါကြောင့် ရွေးကောက်ပွဲတွေ ကျင်းပပေးခဲ့ပါတယ်။ တခြားရွေး ကောက်ပွဲတွေအကြောင်းကို အထွေအထူး မကြားဘူးပေမယ့် ၁၉၆၀ ခုနှစ်မှာ စစ်တပ်က ဦး ဆောင်ကျင်းပပေးခဲ့တဲ့ ရွေးကောက်ပွဲ အကြောင်းကို တော့ အဖိုးအဖွားတွေပြောပြ လို့ ကြားဖူးခဲ့ပါတယ်။ ဦးနု၊ ဦးတင် ဦးဆောင်တဲ့ နုတင် အဖွဲ့က သန့်ရှင်းဖဆပလ၊ ဦး ကျော်ငြိမ်း၊ ဦးဘဆွေ ဦးဆောင်တဲ့အဖွဲ့က တည်မြဲဖဆပလ တို့ဖြစ်ပြီး အဲဒီ ၂ ပါတီက အဓိက ပြိုင်ဖက်တွေပါ။ သန့်ရှင်းက အဝါရောင်ကို ဆင်မြန်းပြီး၊ တည်မြဲက အနီရောင်ကို ဝတ်ဆင်ပါတယ်။ တည်မြဲအဖွဲ့ကို စစ်တပ်က ထောက်ခံပါတယ်။ ဒါကြောင့် ရွေးကောက် ပွဲမတိုင်ခင်မှာ မဲဆွယ်စည်းရုံးပေခဲ့ပြီး၊ ရွေးကောက်ပွဲ ရက်တွေမှာ မဲလိမ်၊ မဲခိုးတာတွေ ပြုလုပ်ခဲ့ပါတယ်။ ပြူစောထီးလို လက်နက်ကိုင်အဖွဲ့တွေကို မွေးမြူပြီး တောနေပြည်သူ တွေကို လက်နက်နဲ့ ခြိမ်းခြောက်ခဲ့ပါသေးတယ်။

ဒါပေမဲ့ ဘယ်လောက်ပဲ မတရား လုပ်လုပ် ပြည်သူတွေက နုတင်ကိုပဲ မဲပေးခဲ့ကြလို့ သန့်ရှင်းက အာဏာရခဲ့ပါတယ်။ ဒါကြောင့်လဲ ၁၉၆၂ ခုနှစ်မှာ ဦးနေဝင်းက စစ်တပ်ကို အသုံးချပြီး အာဏာသိမ်းခဲ့ပါတယ်။ ၁၉၇၄ ခုနှစ်မှာ တပါတီစနစ်ကို အတည်ပြုပြဋ္ဌာန်းဖို့ ပြည်သူ့ဆန္ဒခံယူပွဲကို ကျင်းပခဲ့ပါတယ်။ ပြည်သူတွေက တပါတီစနစ်ကို မနှစ်သက်ပေ မယ့် မဲခိုး၊ မဲလိမ် စတဲ့ အောက်လမ်းနည်းတွေကိုသုံးပြီး တနိုင်ငံလုံးက ထောက်ခံပါ တယ်လို့ ကမ္ဘာကိုပါ ကြေညာခဲ့ပါတယ်။ ဦးနေဝင်း လက်ထက်မှာလည်း ရွေးကောက်ပွဲ တွေ ကျင်းပ ပေးခဲ့ပါတယ်။ ဗဟိုကချပေးတဲ့ လူကိုပဲ ပြည်သူတွေက ကြိုက်သည်ဖြစ်စေ၊ မကြိုက်သည်ဖြစ်စေ ရွေးချယ်ခဲ့ ကြရပါတယ်။ မဲရုံတွေမှာ အဖြူပုံးက ထောက်ခံမဲ၊ အမဲ ပုံးက ကန့်ကွက်မဲဆိုပြီး ခွဲခြားထားပါတယ်။ ထူးခြားတာက အဖြူပုံးကို အရှေ့မှာထားပြီး၊ အမဲပုံးကို နောက်မှာထားပါတယ်။ မဲပုံးတွေထားတဲ့အခန်းကို အောက်ဘက်က လက်တ တောင်လောက် လွှတ်ထားပါတယ်။ မဲထည့်သူက အမဲပုံးကိုထည့်မယ်ဆိုရင် အခန်းအ တွင်းပိုင်းကို ဝင်သွားတယ်ဆိုတာကို အပြင်က ထိုင်ကြည့် နေတဲ့ မဲရုံတာဝန်ခံတွေက တွေ့နေရပါတယ်။ ဒါကြောင့် တချို့လူတွေက မဲပြားတွေကို ဘယ်ပုံးထဲမှ မထည့်ဘဲ ကိုယ့်အိပ်ထဲ ကိုယ်ထည့်လာပါတယ်။ မဲရေတွက်တဲ့ အချိန်မှာ မဲပြားတွေပျောက်တော့ မဲရုံမှူး ဦးနှောက်စားပါတယ်။

၁၉၈၈ မတိုင်ခင် နောက်ဆုံး ရွေးကောက်ပွဲမှာ ကျမတို့ သင်္ဃန်းကျွန်း မြို့နယ်မှာ ပြဿ နာတခု ဖြစ်သွားခဲ့ပါတယ်။ ဘယ်သူကမှ တွေးထင်မထားခဲ့လို့ နဲနဲတော့ လှုပ်လှုပ်ရှား ရှားဖြစ်သွားခဲ့ပါတယ်။ အဲဒါက ကျမတို့ မြို့နယ်က ကိုယ်စားလှယ်လောင်းကို ကန့်ကွက် ခဲ့ကြတာပဲ ဖြစ်ပါတယ်။ ဒါကြောင့် ဒုတိယအကြိမ် မဲထပ်ထည့်ခိုင်းတော့ ပြည်သူတွေကို ထပ်မထည့်ခိုင်းတော့ဘဲ သူတို့ ပါတီ၊ ကောင်စီတွေပဲ လက်သိပ်ထိုး မဲထည့် ကြရပါ တယ်။ နောက်တကြိမ် မဲထည့်ရတော့မှ ကိုယ်စားလှယ်လောင်းခင်မျာ အသက်ရှူလို့ ရ သွားပါတယ်။ ဒီနေရာရဖို့ သူမှာလည်း ရင်းနှီးထားရတာ ကိုး။

၁၉၈၈ အရေးတော် ပုံကြီးကို ဖြိုခွင်းအပြီးမှာ နဝတ က ၁၉၉၀ ခုနှစ်မှာ ရွေးကောက်ပွဲ ကျင်းပပေးမယ်လို့ ကတိပြုခဲ့ ကြပါတယ်။ နိုင်ငံတကာကိုလဲ လွပ်လပ်ပြီး တရားမျှတရ ပါ့မယ်လို့ အာမခံ ပေးခဲ့ပါတယ်။ ဒါအပြင် ရွေးကောက်ပွဲ ပြီးရင် စစ်တပ်ကစစ်တန်းလျား ကို ပြန်မယ်လို့လည်း တရားဝင်ဂတိပေးခဲ့ပါသေးတယ်။ ကျမရဲ့အမြင်ကို ပြောရမယ်ဆို ရင်တော့ လုံးဝလွတ်လပ်ပြီး တရားမျှတခဲ့တာတော့ မဟုတ်ပါဘူး။ တစည (တိုင်းရင်း သား စည်းလုံးညီညွတ်ရေး) ပါတီက အရင်တုန်းကပိုင်ဆိုင်ခဲ့တဲ့ ကားတွေ၊ ပစ္စည်းတွေကို ဆက်လက်အသုံးပြုခွင့် ရခဲ့ပါတယ်။ မဲဆွယ်စည်း ရုံးရာမှာလည်း အဲဒီတုန်းကမှ စတည် ထောင်တဲ့ ပါတီတွေမရတဲ့ အခွင့်အရေးတွေ ရခဲ့ပါတယ်။ ဘယ်ပါတီမှ ရပ်ကွက်တွေထဲ မှာ တအိမ်တက်တအိမ်ဆင်း မဲဆွယ်စည်းရုံးခွင့် မရပေမယ့် တစည ပါတီကတော့ တ အိမ်တက်ဆင်း မဲဆွယ်စည်းရုံးခွင့်ရခဲ့ပါတယ်။ ဒါကြောင့် ကျမတို့ ရပ်ကွက်ထဲကို တစည က စည်းရုံးရေးဆင်းမယ်ဆိုတော့ ကျောင်းသားလူငယ်တွေ စုပေါင်းတိုင်ပင်ကြပါတယ်။ ပြီးတော့ ကျမတို့ကို ပိုက်ဆံလှူမယ့် လူတွေဆီကငွေကို အလှူခံပြီးတော့ NLD ရဲ့ အ မှတ်အသားဖြစ်တဲ့ ခမောက်တွေဝယ်ယူပြီးတော့ ခမောက်မဝယ်ရသေးတဲ့ အိမ်တွေကို ခမောက်ဝယ်ပေးလိုက်ပြီး တစည အမတ်လောင်း ဒေါက်တာကျော်စိန် ရပ်ကွက်ထဲလာ တော့ အိမ်တွေက တခါးပိတ်ထားပြီး အိမ်ရှေ့မျက်နှာစာမှာ ခမောက်တွေကိုပဲ ထုတ် ထားလိုက်ပါတယ်။ ဒေါက်တာကျော်စိန်နဲ့ သူ့ရဲ့ ကိုယ်စားလှယ်တွေလဲ ငိုက်စိုက်ငိုက် စိုက်နဲ့ ရပ်ကွက်ထဲက ထွက်သွားကြရပါတယ်။

NLD ပါတီ စည်းရုံးရေးဆင်းတဲ့အခါ တချို့နေရာတွေမှာ ထောက်လှမ်းရေးရဲ့ စောင့် ကြည့်နှောက်ယှက်ခြင်း ခံရတတ်ပါတယ်။ တချို့ နေရာတွေမှာတော့ NLD ကို ထောက် ခံတဲ့ ပြည်သူတွေကို ထောက်လှမ်းရေးက ခြိမ်းခြောက်တတ်ပါတယ်။ ဒါပေမယ့် အဲဒီ အ ချိန်တုန်းက နဝတ အနေနဲ့ ဒီလောက်ကြီး ခွက်ခွက်လန်အောင် ရှုံးမယ်မထင်လို့ရော၊ ပြည်သူတွေရဲ့ နိုင်ငံရေးနိုးကြား တက်ကြွနေမှုကို လန့်နေသးတာရောကြောင့် အတင်း အကြပ်နှိပ်ကွက်တာမျိုးတော့ မလုပ်ခဲ့ပါ ဘူး။ ဒါပေမဲ့ မသိမသာ ဘက်လိုက်မှုတွေတော့ ရှိခဲ့ပါတယ်။

ရွေးကောက်ပွဲ မတိုင်ခင် စာရွက်စာတန်း ထုတ်ဝေရာမှာတော့ ဘာအတား အစီးအ နှောက်အယှက်မှ မရှိပါဘူး။ ရေဒီယိုနဲ့ ရုပ်မြင်သံကြားကနေ ၁၅ မိနစ်စာ ဟောပြောရာ မှာလည်း ဘာအတားအစီးမှ မရှိပါဘူး။ ဝန်ကြီးချုပ်ဟောင်း ဦးနုရဲ့ဇနီး ဒေါ်မြရီက သူတို့ ပါတီ အနိုင်ရရင် သန့်ရှင်းအာဏာရစဉ်က ကုန်ဈေးနှုန်းမျိုးဖြစ်အောင် လုပ်ပေးမယ်ဆို လို့ ကျမတို့တောင် ငြင်းခုံခဲ့ဖူး ပါတယ်။ ကျမတို့ စဉ်းစားမိတာက အဲဒါ သိပ်မဖြစ်နိုင်ဘူး လို့ ထင်ခဲ့မိတာပါ။ NLD ပါတီကတော့ “စုနိုင်မှ ချမ်းသာမည်” ဆိုတဲ့ ဆောင်ပုဒ်နဲ့ မဲ ဆွယ်စည်းရုံးရေး ဆင်းခဲ့ကြပါတယ်။

ရွေးကောက်ပွဲကော်မရှင်ကို ရွေးချယ်ရာမှာလဲ မျှတတယ်လို့ ပြောနိုင်ပါတယ်။ ရပ်ကွက် အဆင့်တွေကို ရပ်ကွက်ကလူတွေရဲ့ ဆန္ဒနဲ့ ခန့်အပ်ခဲ့ပါတယ်။ အဲဒီအချိန်က မဲရုံမှူးတွေ က အများအားဖြင့် ရပ်ကွက်က ရပ်မိရပ်ဖတွေကိုပဲ ရွေးချယ် ခန့်အပ်ပါတယ်။ ကျမရဲ့ အဖိုးတောင် သူနေတဲ့ ရပ်ကွက်က မဲရုံမှာ မဲရုံမှူး လုပ်ခဲ့ရပါတယ်။ မဲရုံရဲ့ လုပ်အားပေး တွေအဖြစ် ဆရာတွေ၊ ဆရာမတွေ ကို ခန့်အပ်ပါတယ်။ အဲဒီအချိန်က ဆရာ၊ ဆရာမ တွေဆိုတာက ကျောင်းသားတွေကို လမ်းမပေါ်မှာ ပစ်သတ်ခဲ့တဲ့ နဝတ အပေါ်မှာ အစာ မကြေသူတွေက အများသား။ ပြီးတော့ ၂၆ နှစ်ကြာ တိုင်းပြည်ကို ဖျက်စီးခဲ့တဲ့ တစညကို လည်းမကြိုက်ကြသူတွေများပါတယ်။ ဒီအပြင် ပါတီတခုက ကိုယ်စားလှယ် ၂ ဦးစီ မဲရုံ မှာစောင့်ခွင့်အပြင် မဲရေတွက်ရာမှာ ပါဝင်ခွင့် ရှိပါတယ်။ မဲရေတွက်ရာမှာလည်း မဲရုံကို ဖွင့်လိုက်ပြီး ပြည်သူတွေရှေ့မှာပဲ မဲရေတွက်ပါတယ်။ အဲဒီတုန်းက ကျမရဲ့ အသက်က ၂၁ နှစ်ဆိုတော့ ပထမဦးဆုံး မဲပေးခွင့်ရခဲ့တာပါ။ ကျမတို့က မဲရုံဖွင့်ဖွင့်ချင်းဘဲ ကျမတို့ ရဲ့ ဆန္ဒမဲကို သွားရောက်ထည့်ခဲ့ပါတယ်။ ပြီးတော့မှ ရပ်ကွက်ထဲက လူကြီးတွေကို မဲ ဘယ်လို ပေးရတယ်။ ခမောက်ကိုမဲပေးချင်ရင် ခမောက်ပုံ တည့်တည့်မှာ အမှန်ခြစ်တဲ့ တံဆိပ်တုံးကို ထုပါ။ နာရီကို မဲပေးချင်ရင် နာရီနဲ့ တည့်တည့်မှာ အမှန်ခြစ်တဲ့ တံဆိပ်တုံး ပုံကို ထုလိုက်ပါ ဆိုတာမျိုး ရှင်းလင်းပြောပြခွင့် ရပါတယ်။

ကျမတို့ အုပ်စုလိုက် မဲရုံရှေ့မှာ အလုပ်ရှုပ်နေပေမဲ့ ဘယ်သူကမှ တရားဝင် တားမြစ်တာ မျိုး မ လုပ်ခဲ့ပါဘူး။ ကျမတို့အုပ်စုက ရပ်ကွက်ထဲက ဒီမိုကရေစီလိုလားသူ လူကြီးသူမ တွေကို မဲရုံကို သွားနိုင်အောင်လဲ အကူအညီပေးခဲ့ကြပါတယ်။ ပြည်သူလူထုအနေနဲ့ လည်း ရွေးကောက်ပွဲကို အထူးစိတ်ဝင်စားကြပါတယ်။ မဲရုံက ညနေ ၄ နာရီမှာ ပိတ် သိမ်းပါတယ်။ တချို့ ရပ်ကွက်တွေမှာ နေ့လည်လောက်ကတည်းက မဲပေးခွင့်ရှိသူတွေ အားလုံး မဲပေးပြီး ကြပါပြီ။ လူထုရဲ့ဆန္ဒက ဒေါ်အောင်ဆန်းစုကြည် ဦးဆောင်တဲ့ NLD ပါတီကို မဲအပြတ်အသတ်နဲ့ အနိုင်ရစေချင်ပါတယ်။ ဒါမှ ပြည်သူတွေ မျော်လင့်နေတဲ့ ဒီ မိုကရေစီ စနစ်နဲ့ တိုင်းပြည်ဖွံဖြိုး တိုးတက်မယ်လို့ ထင်မြင်ယူ ဆကြပါတယ်။ အဲဒီတုန်း က ဒေါ်စု၊ ဦးတင်ဦး၊ ဦးဝင်းတင် အပါအဝင် အယူအဆပြင်းထန်သူလို့ ထင်ရသူတွေကို အကျဉ်းချထားပါတယ်။ ကျမတို့က ရွေးကောက်ပွဲ ပြီးဆုံးသွားရင် ယုံကြည်ချက်ကြောင့် အကျဉ်းကြနေသူတွေ ဒေါ်စု အပါအဝင် ကျောင်းသားပြည်သူတွေအားလုံး လွတ်မြောက် နိုင်မယ်လို့ ယူဆခဲ့ဘူးကြပါတယ်။ လွတ်လည်းလွတ်စေချင်ပါတယ်။ ဒီမိုကရေစီအစိုးရ လက်ထက်ရောက်ရင် ကျမတို့တွေ ကျောင်းသားသမဂ္ဂ ပြန်လည်ဖွဲ့စည်း မယ်ဆိုတဲ့ အိပ် မက် ရှည်ကြီးကိုလည်း မက်နေကြဆဲပါ။

ညနေ မဲရုံမှာ မဲရေတွက်တော့ မဲဆန္ဒရှင် တွေကိုလဲ မဲရုံထဲမှာ ဝင်ရောက်ကြည့်ရှူခွင့်ပြုပါ တယ်။ ကျမတို့ ရပ်ကွက်မှာဆိုရင် ကျောင်းသားအုပ်စုတွေက ရှေ့ဆုံးမှာနေရာယူကြပါ တယ်။ မဲရေတွက်ပုံကတော့ ခမောက်တံဆိပ် ရိုက်ထားတဲ့ စာရွက်ကို တပုံ၊ စပါးနှံ အမှတ်အသားပါတဲ့ စာရွက်က တပုံ ၊ သူတို့ ပါတီအမှတ်အသားအလိုက် အရင်ဦးဆုံး ပုံ ကြပါတယ်။ ပြီးတော့မှ ပါတီတွေရဲ့ ကိုယ်စားလှယ်တွေရှေ့မှာပဲ ရေတွက်ကြပါတယ်။ တခါတလေ မဲစာရွက်တွေကို သူ့အပုံနဲ့သူ ပုံစဉ်မှာ စာရွက်တွေမှားပြီး အပုံမှားထည့်လို့ ကတော့ ကျမတို့ ကျောင်းသားအုပ်စုက “စာရွက် မှားသွားပြီ” ဆိုပြီးအော်ကြပါတယ်။ ဒါဆိုနောက်က ပြည်သူတွေက “ဟေး ဒါမျိုး မလုပ်ပါနဲ့” ဆို တာမျိုး ဝိုင်းအော်ကြပါတယ်။ မဲရေတွက်တာ ည ၈ နာရီ ဝန်းကျင်လောက်မှ ပြီးဆုံးပါတယ်။ ပြည် သူတွေရှေ့မှာပဲ ဘယ်ပါတီ ဘယ်နှစ်မဲနဲ့ အနိုင်ရတယ်ဆိုတာမျိုး ကြေညာပေးပြီးမှ မဲရုံကို ပိတ် သိမ်းပါ တယ်။

ကျမ အဖိုးတွေ နေထိုင်တဲ့ ရန်ကင်း မြို့နယ်မှာ ဆိုရင်လဲ မဲရေတွက်ဖို့ ပြင်ဆင်ချိန် ကြာ မြင့်လို့ ပြည်သူတွေက အမြန်ဖွင့်ပြီး ရေတွက်စေဖို့အတွက် မဲဆန္ဒရှင်တွေက အော်ဟစ် တောင်းဆိုကြတယ်တဲ့။ ပြည်သူတွေ စိုးရိမ်တာက မဲခိုးမှာကိုပါ။ အမှန်ကတော့ ပြည်သူ တွေ စိုးရိမ်လွန်တာပဲဖြစ်ပြီး အထဲမှာ ပါတီတွေကလွတ်ထားတဲ့ ကိုယ်စားလှယ်တွေ အ ထဲမှာရှိတယ်ဆိုတာ ပါပဲ။ ည ၈ နာရီ သတင်းကစပြီး ရန်ကုန်တိုင်းအတွင်းက မြို့နယ် တချို့ရဲ့ ရွေးကောက်ပွဲ ရလာဒ်တွေကို စတင်ကြေညာခဲ့ပါတယ်။ မြို့နယ်တိုင်းလိုလိုမှာ NLD ပါတီက အနိုင်ရသွားလို့ မြန်မာ့အသံမှာ သတင်းတောင် အရှည်ကြီး မကြေညာနိုင် လောက်အောင် အိနြေ္ဒပျက်ခဲ့ကြပါတယ်။ စစ်တပ်နယ်မြေတွေမှာ တစည နိုင်မယ်လို့ တွက်ထားခဲ့ပေမယ့် ဒဂုံမြို့နယ်၊ ကိုကိုကျွန်း၊ မင်္ဂလာဒုံမြို့နယ်၊ မှော်ဘီလို မြို့နယ်မျိုး တွေမှာတောင် NLD ပဲ အနိုင်ရခဲ့တော့ နဝတ အနေနဲ့ ရလာတဲ့အဖြေကို အံအားသင့်ခဲ့ပုံ ရပါတယ်။

တပတ်လောက် အထိ မြန်မာ့ အသံက တိတ်ဆိတ်ငြိမ်သက်ခဲ့ ပါတယ်။ NLD ပါတီရုံးရှိ ရာ ရွှေဂုံတိုင်မှာလဲ အောင်ပွဲတွေ ခြိမ့်ခြိမ့်သဲသဲ ကျင်းပကြပါတယ်။ အနိုင်ရလာတဲ့ အ မတ်တွေကို ပြည်သူတွေက ပန်းကုန်းစွပ်ပြီး ကြိုဆိုကြပါတယ်။ ဒီအဖြစ်အပျက်ဟာ နဝ တ ကို လုံးဝသွေးပျက်စေခဲ့ပါတယ်။

နဝတ ဟာ ဒီအဖြစ်အပျက်ကို သင်ခန်းစာယူပြီးတော့ ၂၀၀၈ အခြေခံဥပဒေ ဆန္ဒခံယူပွဲ မှာ သူ့ဘက်က အပြည့်အစုံ ပြင်ဆင်ထားခဲ့ပါတယ်။ ၂၀၀၇ သံဃာ့အရေးအခင်းမှာ ချက် ခြင်း မဖြိုခွဲသေးပဲ ရက်နဲနဲကြာအောင် စောင့်ကြည့်နေခဲ့ပါတယ်။ ဦးဆောင်သူတွေ တော် တော်များများကို သိတော့မှ အရေးတော်ပုံ တခုလုံးကို စိစိညက်ညက်ချေမွ ပြစ်လိုက်ပါ တယ်။ ရပ်ကွက်တွေထဲကို သူတို့လိုချင်တဲ့ ဦးဆောင်နိုင်သူတွေရဲ့ ဓါတ်ပုံတွေကို ကြံ့ဖွံ တွေ ကိုယ်တိုင် လိုက်လံဝေငှပြီး စေ့စေ့စပ်စပ် ဖမ်းဆီးခဲ့ပါတယ်။

နာဂစ်မုန်တိုင်းကြောင့် ပူဆွေးသောက ရောက်နေသူတွေကို အတင်းထောက်ခံ မဲထည့် ခိုင်းပြီး မထည့်ရင် အကူအညီပေးတာတွေ ရပ်ဆိုင်းပြစ်မယ်လို့ ချိမ်းခြောက်ခဲ့ပါတယ်။ ကိုဇာဂနာလို လူမျိုးကိုတော့ ထောင်ထဲထည့်လိုက်ပြီး သူတို့ခိုင်းလို့ရနိုင်တဲ့ လူမျိုးတွေ ကိုတော့ ဒေသခံ NGO ဖွဲ့ခွင့်ပေးပြီး လုပ်ပိုင်ခွင့်တွေ အပ်နှင်းခဲ့ပါတယ်။ ဒီလိုနဲ့ ပြည်သူ တွေ ဆန္ဒမပါတဲ့ ၂၀၀၈ အခြေခံ ဥပဒေကို အတည်ပြုပြဋ္ဌာန်းခဲ့ပါတယ်။

အခုတော့ ပြည်သူတွေကို အဆိပ်တိုက်ဖို့ အတွက် ၂၀၁၀ ရွေးကောက်ပွဲ ကြီးကို ကျင်းပ ပါလိမ့်မယ်။ ရွေးကောက်ပွဲကော်မရှင်က စစ်အာဏာရှင်ရဲ့ ရုပ်သေးရုပ်ပါ။ ကြံ့ဖွံပါတီက လုပ်ပိုင်ခွင့်တွေ အများကြီးရနေပေမယ့် တခြားပါတီတွေက လုပ်ပိုင်ခွင့် နဲနဲလေးအတွင်း မှာ ကျိုးစားလုပ်ကိုင်နေ ရတာပါ။ အခုလဲ ရေဒီယိုနဲ့ ရုပ်မြင်သံကြားကနေ ၁၅ မိနစ် ထုတ်လွင့်ခွင့်ကို ကန့်သတ်ချုပ်ချယ်မှုတွေ အများကြီးနဲ့ ခွင့်ပြုပေးပါတယ်။ ဒီဆောင်းပါး ကို ရေးနေချိန်အထိ ဒီမိုကရက်တစ်ပါတီ (မြန်မာပြည်)၊ ပြည်ထောင်စု ဒီမိုကရေစီပါတီ စ တဲ့ ပါတီတွေရဲ့ ၁၅ မိနစ်စာ မဲဆွယ်စည်းရုံးမှုကို ငြင်းဆန်ထားပါတယ်။

စစ်အစိုးရ ကြောထောက်နောက်ခံပြုထားတဲ့ ကြံ့ဖွံပါတီဟာ အမတ်နေရာအပြည့် ဝင်ပြိုင် ဖို့ ကြိုတင် ပြင်ဆင်ခဲ့ပေမဲ့ တခြားပါတီတွေအတွက် အချိန်လုံးဝမပေးဘဲ ၂ ပတ်အတွင်း ကိုယ်စားလှယ်လောင်း စာရင်းတင်သွင်းဖို့ ဖိအားပေးခဲ့တာကို အားလုံးအသိပင် ဖြစ်ပါ တယ်။

၂၀၀၈ ဖွဲ့စည်းပုံအရ ဘယ်သူမှ ဝင်မပြိုင်ရင် ကြံ့ဖွံကနိုင်ပြီးသား ဖြစ်မှာပါ။ နိုင်ငံတော်ငွေ ကို မိမိငွေလို အသုံးပြုခွင့်ရထားတဲ့ ကြံ့ဖွံပါတီရဲ့ ကိုယ်စားလှယ်လောင်းတွေက မိမိ အောင်နိုင်ရေးအတွက် ငွေကို ရေလိုသုံးနေချိန်မှာ ကျန်ပါတီတွေအတွက် မဲရုံမှာ စောင့် ကြည့်ပေးမယ့် ကိုယ်စားလှယ်တောင် ခေါ်ဖို့ကုန်ကျစရိတ် မတတ်နိုင် ဖြစ်နေကြပါ တယ်။ မဲဆန္ဒနယ်တခုရဲ့ မဲပေးနိုင်တဲ့ စာရင်း ကူးယူဖို့တောင် ငွေက သိန်း ၂၀ နဲ့ သိန်း ၃၀ ကြား အကုန်ခံရမယ်ဆိုတော့။

၁၉၉၀ ခုနှစ်က ကျမတို့ သင်္ဃန်းကျွန်း မြို့နယ်က ကျယ်ဝန်းလို့ မဲဆန္ဒနယ်ကို ၂ ပိုင်းခွဲပြီး အမတ် လောင်း၂ ဦး ရွေးချယ်ခွင့် ရခဲပေမဲ့ ၂၀၁၀ မှာတော့ အမတ်လောင်း တဦးပဲ ရွေး ချယ်ခွင့် ရကြမှာ ဖြစ်ပါတယ်။ ၁၉၉၀ ခုနှစ်က မဲရုံ တရုံကို မဲပေးနိုင်သူ ၅၀၀၀ ယောက် သတ်မှတ်ခဲ့ပေမယ့် ယခု ရွေးကောက်ပွဲမှာတော့ မဲရုံတရုံကို လူ ၁၀၀၀ သာ မဲပေးခွင့်ရ မှာဖြစ်တဲ့အတွက် မဲရုံ အရေအတွက် ၅ ဆ ကျော် တိုးလာမှာ ဖြစ်ပါတယ်။ ဒါကြောင့် ပါတီတွေက မဲရုံတိုင်းမှာ မဲရုံစောင့်ကြည့်ဖို့ ကိုယ်စားလှယ်ထားရန် အခက်အခဲ ရှိပါ တယ်။ ကြံ့ဖွံ့ပါတီက စာစောင်ထုတ်ဝေရာမှာ နဝတ လုပ်ထားတဲ့ တံတားဖေါက် လမ်း ချဲ့အလုပ်တွေကို သူတို့ ပါတီကပဲ လုပ်ခဲ့လေဟန် စာစောင် မျက်နှာဖုံးမှာ ဖေါ်ပြခွင့်ရပေ မဲ့ ဒီမိုကရက်တစ်ပါတီရဲ့ စာစောင်ကိုတော့ ဒဏ်ငွေ ၂ သိန်း ၇ သောင်းချပြီး နှောင့်နှေး အောင် ရွေးကောက်ပွဲကော်မရှင်က မကြာခင်က ဖန်တီးခဲ့ပါသေးတယ်။

သိန်းနဲ့ချီတဲ့ နိုင်ငံတွင်းလှည့်လည် အလုပ်လုပ်ကိုင်နေသူတွေလည်း မဲဆန္ဒရှင် စာရင်းထဲ မပါဝင်ပါဘူး။ သန်းနဲ့ချီတဲ့ ရွှေ့ပြောင်းလုပ်သားတွေလည်း မဲပေးခွင့် မရရှိ ကြပါဘူး။ နိုင် ငံသားတိုင်းဟာ မဲပေးနိုင်ခွင့်ရှိသလို၊ မဲမပေးဘဲနေခွင့် ရှိရမှာဖြစ်ပေမယ့် မဲပေးခြင်း မ ပေးခြင်းဟာ မိမိရဲ့ ကိုယ်ပိုင်ဆုံးဖြတ်ခွင့်ပဲဖြစ်ပြီး၊ ကော်မရှင်က ကန့်သတ်တာမျိုး၊ တစုံ တဦးက ချုပ်ချယ်ဖယ်ရှားထားတာမျိုး မဖြစ်သင့်ပါဘူး၊ တဆက်တည်းပဲ ရွေးကောက်ပွဲ ဝင်လိုတဲ့ ကချင်တိုင်းရင်းသားပါတီကို ပါတီထူထောင်ခွင့်မပြုပါဘူး။ ပိုဆိုးတာက ပါတီထူထောင်ခွင့်မရလို့ တသီးပုဂ္ဂလအဖြစ် ဝင်ရောက်အရွေးခံဖို့ကိုလည်း လက်မခံပါ ဘူး။

၂၀၁၀ ရွေးကောက်ပွဲဟာ နိုင်ငံတကာကို မျက်လှည့်ပြဖို့သက်သက် ပြုလုပ်တဲ့ပွဲပါ။ စစ် အာဏာရှင်စနစ်ကို တရားဝင် ထူထောင်လိုက်တာပါ။ ကျမတို့ မျိုးဆက်တွင် စစ်အာ ဏာရှင် လက်ထဲရောက်မှာ မဟုတ်ဘဲ မျိုးရိုးစဉ်ဆက် ကျရောက်ကြရတော့မှာမို့လို့ တ ရားမျှတမှုကို မြတ်နိုးသူတိုင်း ၂၀၁၀ ရွေးကောက်ပွဲကို ဆန့်ကျင်ဖို့အတွက် သတင်းလေး ဖြစ်ဖြစ် ပေးကြပါ။ မဲမထည့်ဖို့၊ မဲရုံကိုမသွားဖို့၊ လက်လေးလောက်တော့ တို့ဖြစ်အောင် တို့လိုက်ကြပါ။

ခင်ငြိမ်းသစ်။


Copyright © နေ့သစ် - Just another WordPress site