မဇ္ဈိမသတင်းဌာန
သောကြာနေ့၊ ဧပြီလ 17 2009 20:01 - မြန်မာစံတော်ချိန်
နယူးဒေလီ။ ။ ဖီလစ်ပိုင် သမ္မတ ဂလိုရီရာ မကာပါဂဲလ် အာရိုယို က သူ့နိုင်ငံ၏ ဒီမိုကရေစီ အတွေ့အကြုံသည် မြန်မာ စစ်အစိုးရအတွက် လမ်းပြ အလင်းရောင်တခု ဖြစ်ကြောင်း ပြောကြားပြီး၊ အမျိုးသား ညီညွတ်ရေးနှင့် အမျိုးသား ပြန်လည် ရင်ကြားစေ့ရေး ပိုမို ခိုင်မာစေရန်နှင့် နိုင်ငံရေး ပြုပြင်ပြောင်းလဲမှုများဆိုင်ရာ ကိစ္စရပ်များတွင် သူ့အစိုးရ ချဉ်းကပ်ဖြေရှင်းခဲ့သည့် နည်းလမ်းများအတိုင်း မြန်မာ စစ်ဗိုလ်ချုပ်များလည်း လိုက်နာ ဆောင်ရွက်သင့်ကြောင်း တိုက်တွန်းလိုက်သည်။
“မြန်မာနိုင်ငံလိုပါပဲ၊ ဖီလစ်ပိုင်ဟာလည်း နိုင်ငံရေး အယူအဆ အမျိုးမျိုးရှိပြီး၊ လူမျိုးစုပေါင်း တရာကျော်နဲ့ ဖွဲ့စည်းထားတာပါ။ ဒါပေမဲ့ အဲဒါတွေက တိုင်းပြည်ရဲ့ ဒီမိုကရေစီအရေး ပဲ့တင်ထပ် တောင်းဆိုနေမှုတွေကို ပျက်စီး မသွားစေတဲ့အပြင် ပိုမို ခိုင်မာသွားအောင်သာ လုပ်ဆောင်ပေးခဲ့ပါတယ်”ဟု အာရိုယို၏ ပြောကြားချက်များကို ဖီလစ်ပိုင် နိုင်ငံခြားရေးဌာနမှ ယနေ့ ထုတ်ပြန်သည့် ကျေညာချက်ထဲတွင် ကိုးကားဖော်ပြထားသည်။
မြန်မာနိုင်ငံတွင် မတူကွဲပြားသော လူမျိုးစု ၁၃၅ မျိုး ရှိသည်ဟု မြန်မာစစ်အစိုးရက ဆိုသည်။
အာရိုယိုက သူ့အစိုးရသည် ဖီလစ်ပို င်နိုင်ငံသား အားလုံးကို အမျိုးသား နိုင်ငံရေးထဲသို့ လမ်းပြခေါ်ဆောင်သွားကြောင်းကိုမူ .. “နိုင်ငံတော် စည်းလုံး ညီညွတ်ရေးနဲ့ စစ်မှန်တဲ့ အမျိုးသား ပြန်လည် ရင်ကြားစေ့ရေး စိတ်ဓာတ်နဲ့အတူ ဒီ လူမျိုးစု အားလုံးကို ကျမ ကမ်းလှမ်းခဲ့ပါတယ်။ အဲဒါက ကျမတို့ လူ့အဖွဲ့အစည်းနဲ့ နိုင်ငံရေးစနစ်ကို သူတို့ရဲ့ နိုင်ငံရေး အယူအဆ အမျိုးမျိုးကို အလွန်အကျွံ အလေးပေးခြင်း မရှိစေဘဲ ရှေ့ကို တိုးသွားနိုင်စေခဲ့ပါတယ်” ဟု ပြောသည်။
ထို့အပြင် လာမည့် မေလတွင် နေအိမ်အကျယ်ချုပ်ဖြင့် ဖမ်းဆီး ထိန်းသိမ်းထားသည့် အတိုက်အခံ ခေါင်းဆောင် ဒေါ်အောင်ဆန်းစုကြည်ကို နောက်ဆုံး တိုးမြှင့်ထားသည့် သက်တမ်း ကုန်ဆုံးသွားမှုအပေါ် လွှတ်ပေးရန်လည်း ဖီလစ်ပိုင် သမ္မတက တောင်းဆိုလိုက်သည်။
မြန်မာနိုင်ငံတွင် နိုင်ငံရေး ပြုပြင်ပြောင်းလဲမှုများ ချို့တဲ့နေခြင်းအပေါ် သူမအနေဖြင့် များစွာ အလေးအနက် ထားရှိကြောင်း ထိုင်းနိုင်ငံတွင် ကျင်းပနေသည့် ၁၄ ကြိမ်မြောက် အာဆီယံ ထိပ်သီး ညီလာခံ၏ ဒုတိယအခေါက် ယခုလ ၁ဝ ရက်နေ့တွင် မြန်မာစစ်အစိုးရ ဝန်ကြီးချုပ် သိန်းစိန်သို့ ထုတ်ဖော်ပြောဆိုခဲ့သည်။
ဖီလစ်ပိုင် နိုင်ငံခြားရေး ဝန်ကြီးဌာန၏ အဆိုအရ၊ ဖီလစ်ပိုင် သမ္မတ၏ အဆိုကို မြန်မာဝန်ကြီးချုပ်က သဘောတူ လက်ခံသည့်အနေဖြင့် သူ့တိုင်းပြည်သည် ဒီမိုကရေစီ လမ်းကြောင်းတလျှောက် တိုးတက် ဖြစ်ထွန်းနေကြောင်းနှင့် ပန်းတိုင်ရောက်ရန် ပထမ ခြေလှမ်းအဖြစ် ပြီးခဲ့သည့်နှစ်က ဖွဲ့စည်းပုံ အခြေခံ ဥပဒေသစ်ကို ရေးဆွဲပြီးစီးခဲ့သလို၊ လာမည့်နှစ်တွင်လည်း အထွေထွေ ရွေးကောက်ပွဲ ကျင်းပမည်ဖြစ်ကြောင်း ပြောဆိုခဲ့သည်။
သမ္မတ အာရိုယို၏ ကမ်းလှမ်းအကြံပြုချက်ကို မြန်မာဝန်ကြီးချုပ်၏ အဓိပ္ပာယ် ဖွင့်ဆိုချက်သည် အမေရိကန် အထက်လွှတ်တော် အမျိုးသမီးအမတ်များ၏ မြန်မာ့အရေးနှင့် ပတ်သက်သည့် သူတို့၏ ရပ်တည်ချက်များကို ကုလ အထွေထွေ အတွင်းရေးမှူးချုပ် ဘန်ကီမွန်းထံသို့ ပြီးခဲ့သည့် အင်္ဂါနေ့က ပေးပို့သည့် စာထဲတွင် ဖော်ပြထားသည်များနှင့် တိုက်ရိုက်ပင် ဖီလာဆန့်ကျင် ဖြစ်နေသည်။
မြန်မာနိုင်ငံကို ဒီမိုကရေစီနိုင်ငံ အဖြစ်သို့ တည်ဆောက်ရာတွင် အခြေခံတခုအဖြစ်၊ ဖွဲ့စည်းပုံ အခြေခံဥပဒေ၏ တရားဝင်မှုကို ကန့်ကွက်ငြင်းဆိုထားပြီး၊ ရှေ့ဆက်မည့် ရွေးကောက်ပွဲ လုပ်ငန်းစဉ်များကို ဖျက်သိမ်းရန် ဆီးနိတ် အမျိုးသမီးအမတ်များက တောင်းဆိုထားသည်။
“လက်ရှိ အခြေခံဥပဒေသည် အမျိုးသမီးများကို အစိုးရ၏ ထိပ်ပိုင်းနေရာများမှ ဖယ်ထုတ်ထားပြီး၊ စစ်အာဏာရှင်များကို လွတ်ငြိမ်းချမ်းသာခွင့် ပေးရန် ကြိုးပမ်းထားသဖြင့်၊ စစ်အစိုးရ၏ တိုင်းရင်းသူ အမျိုးသမီးများအပေါ် စနစ်တကျ လိင်ပိုင်းဆိုင်ရာ အကြမ်းဖက်မှုများကို တရားဥပဒေအတိုင်း အရေးယူဆောင်ရွက်ရန် ငြင်းဆိုထားခြင်း ဖြစ်ကြောင်း” အဖွဲ့ဝင် ၁၁ ဦးပါဝင်သည့် ဆွေးနွေးပွဲတွင် ခုခံပြောဆိုခဲ့သည်။
သိသာထင်ရှားသည်မှာ ဒေါ်အောင်ဆန်းစုကြည်သည် တိုင်းပြည်၏ ထိပ်ပိုင်းနေရာတွင် အာဏာ မရယူနိုင်အောင် စစ်အစိုးရ၏ လက်ရှိ အခြေခံဥပဒေမှ ရေးဆွဲ ပြဋ္ဌာန်းထားသည့် အချက်ပင်။
ပေးပို့သည့်စာ လက်ခံ ရရှိကြောင်းကို အထွေထွေ အတွင်းရေးမှူးချုပ်ရုံးမှ အသိအမှတ်ပြုသည့်အနေဖြင့် အကြောင်းပြန်ရာတွင် “အထွေထွေ ညီလာခံကနေပြီး သူ့ကို ပေးအပ်ထားသည့် လုပ်ပိုင်ခွင့်များအရ၊ လူ့အခွင့်အရေး လေးစားလိုက်နာရေး၊ ဒီမိုကရေစီစနစ်သို့ အသွင်ကူးပြောင်းရေးနှင့် အမျိုးသား ပြန်လည် ရင်ကြားစေ့ရေးကို မြှင့်တင်ရန်အတွက် အထွေထွေ အတွင်းရေးမှူးချုပ်သည် သူ၏ အထူး အကြံပေးအရာရှိ အီဗရာဟင် ဂန်ဘာရီနှင့်အတူ မြန်မာနိုင်ငံအရေးကို အနီးကပ်စွာ ဆက်လက် ဆောင်ရွက်သွားမည်ဖြစ်ကြောင်း” ထည့်သွင်းပြောကြားခဲ့သည်။
မစ္စတာ ဘန်ကီမွန်းသည် လာမည့် ရက်သတ္တပတ်များအတွင်း အရှေ့တောင်အာရှ နိုင်ငံများသို့ ခရီးသွားရန် စီစဉ်နေပြီး၊ မြန်မာနိုင်ငံသို့လည်း သွားရောက် လည်ပတ်ရန် အလေးအနက်ထား စဉ်းစားနေကြောင်း သိရှိရသည်။
No comments:
Post a Comment