ဒေါ်စုကို မြန်မာပြည်ရဲ့ မျှော်လင့်ချက်အဖြစ် ဟီလာရီ ကလင်တန် ပြောဆို 19 March 2009 မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်အပါအ၀င် မြန်မာနိုင်ငံအတွင်း ယုံကြည်ချက်ကြောင့် စွန့်လွှတ် စွန့်စားသူ အမျိုးသမီးတွေနဲ့ အတူ လက်တွဲ ရပ်တည်သွားမယ့်အကြောင်း အမေရိကန် နိုင်ငံခြားရေး ၀န်ကြီး ဟီလာရီ ကလင်တန်က ပြောဆိုပါတယ်။ မတ်လ ၁၁ရက်နေ့က အမေရိကန် နိုင်ငံခြားရေး ၀န်ကြီးဌာနက ကျင်းပတဲ့ နိုင်ငံတကာ အမျိုးသမီးများနေ့ အခမ်းအနားမှာ ဟီလာရီ ကလင်တန်က အခုလို ပြောဆိုသွားတာ ဖြစ်ပါတယ်။ ကျမတို့နဲ့ အတူ လက်တွဲပါဝင်ခွင့်ကို အစိုးရတွေက ပိတ်ပင်ထားလို့ ဒီအခမ်းအနားကို ရောက်မလာနိုင်တဲ့ အနှစ် ၂၀ အတွင်းမှာ နှစ်တွေ တော်တော်များများ နေအိမ်အကျယ်ချုပ်အဖြစ် အထိန်းသိမ်းခံနေရပေမဲ့ ကမ္ဘာ့ပြည်သူတွေအတွက် အင်အားနဲ့ မျှော်လင့်ချက်အဖြစ် ဆက်ပြီး ရပ်တည်နေပါတယ်။ ဒေါ်အောင်ဆန်းစုကြည်ကို ဥပမာထားပြီး မြန်မာနိုင်ငံ အတွင်းမှာ ယုံကြည်ချက်ကြောင့် အကျဉ်းချခံနေရသူ အခြား အမျိုးသမီးတွေ၊ ပြည်ပကို နှင်ထုတ်ခံရသူတွေနဲ့ စစ်တပ်ရဲ့ လိင်ပိုင်းဆိုင်ရာ အကြမ်းဖက်မှုကို ခံခဲ့ရသူတွေ အတွက်လည်း အင်အားတရပ် ဖြစ်ခဲ့ပါတယ်လို့ ပြောဆိုသွားတာပါ။ လူအဖွဲ့အစည်းအတွင်း တိုးတက်မှုတွေကို တိုင်းတာရာမှာ အမျိုးသမီးနဲ့ မိန်းခလေးတွေရဲ့ အဆင့်အတန်းကို ဘယ်လောက် အထိ မြှင့်တင်ပေးနိုင်သလဲ ဆိုတာနဲ့ တိုင်းတာရမှာ ဖြစ်တယ်လို့ နိုင်ငံခြားရေး ၀န်ကြီး ဟီလာရီ ကလင်တန်က ပြောဆို ပါတယ်။ အမျိုးသမီးတွေကို တိုးတက်အောင် လုပ်မပေးနိုင်ဘဲ၊ ကမ္ဘာ့လူဦးရေ တ၀တ်လောက် တိုးတက်မှု နောက်ကျ ကျန်ခဲ့မယ်ဆိုရင် ဒီနေ့ နိုင်ငံတွေမှာ ရင်ဆိုင်နေရတဲ့ စီးပွားရေး ပြဿနာ၊ ရာသီဥတု ပြောင်းလဲမှုတွေနဲ့ ငတ်မွတ် ခေါင်းပါးမှုတွေကို အောင်အောင်မြင်မြင် တိုက်ဖျက် နိုင်မှာ မဟုတ်ဘူးလို့လည်း ပြောဆိုပါတယ်။
No comments:
Post a Comment