အိုင်ယာလန်ငြိမ်းချမ်းရေးဆု ဆန်ကာတင်စာရင်း ဒေါ်စုပါဝင်

အိုင်ယာလန်နိုင်ငံက နှစ်စဉ် ချီးမြင့်တဲ့ ၂၀၁၀ ပြည့်နှစ်အတွက် Tipperary နိုင်ငံတကာ ငြိမ်းချမ်းရေးဆု အတွက် ပဏာမ ဆန်ကာတင် ဆုရှင် စာရင်းကို ထုတ်ပြန်ရာမှာ မြန်မာနိုင်ငံက ဒေါ်အောင်ဆန်းစုကြည် လည်း ပါဝင်တယ်လို့ ဒီကနေ့ ထုတ်ပြန်တဲ့ ဆုချီးမြင့်ရေးအဖွဲ့ ကြေညာချက်မှာ ပါဝင်ပါတယ်။
ဒေါ်အောင်ဆန်းစုကြည်ကို အခုလို ဆန်ကာတင် ဆုရှင်စာရင်းမှာ ပါဝင်တာကို ၀မ်းမြောက်ကြိုဆိုကြောင်း၊ ဆုအတွက် ဒေါ်အောင်ဆန်းစုကြည်ဟာ ထိုက်တန်သူတဦး ဖြစ်ကြောင်း၊ အိုင်ယာလန်မှာ မြန်မာ့အရေး ဆောင်ရွက်နေတဲ့ Burma Action Ireland က ဒုတိယ ဥက္ကဋ္ဌ Eileen Seymour က ပြောပါတယ်။

၂၀၁၀ ပြည့်နှစ် ဆုအတွက် ပဏာမ အမည်စာရင်းကို အဖွဲ့ရဲ့ ကော်မတီက ရွေးချယ်တာ ဖြစ်ပြီး ဒီဆန်ကာတင် စာရင်းမှာ မြန်မာနိုင်ငံက ဒေါ်အောင်ဆန်းစုကြည် အပြင်၊ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးဟောင်း Mary Robinson၊ ထိုင်ဝမ် ဗုဒ္ဓဘာသာ သီလရှင်ကြီး Cheng Yen၊ ဂါဇာ ကမ်းမြောင်ဒေသ ဆိုင်ရာ ကုလသမဂ္ဂ ကယ်ဆယ်ရေးနဲ့ အလုပ်အကိုင်ဌာန အကြီးအကဲ John Ging၊ အာဖဂန်နစ္စတန် လူ့အခွင့်အရေး ဥက္ကဋ္ဌ နဲ့ ဆူဒန်ဆိုင်ရာ လူ့အခွင့်အရေး အထူးကိုယ်စားလှယ် ဒေါက်တာ Sama Samar တို့လည်း ပါဝင်တယ်လို့ သိရပါတယ်။

ဒေါ်အောင်ဆန်းစုကြည်ကို အခုလို ပဏာမ ရွေးတဲ့အထဲ ထည့်သွင်းခဲ့တဲ့အတွက် အိုင်ယာလန်မှာရော နိုင်ငံတကာမှာပါ မြန်မာနိုင်ငံက ဒီမိုကရေစီနဲ့ လူ့အခွင့်အရေး အခြေအနေတွေကို ပိုသိလာအောင် နောက်တဆင့် ပံ့ပိုးနိုင်လိမ့်မယ်လို့လည်း Burma Action Ireland က Ms. Eileen Seymour က ပြောပါတယ်။

Tipperary ငြိမ်းချမ်းရေးဆုကို မနှစ်က ကွယ်လွန်သူ အမေရိကန် အထက်လွတ်တော် အမတ် Edward Kennedy ရရှိခဲ့ပြီး အရင်က တောင်အာဖရိက သမ္မတဟောင်း နယ်လ်ဆင် မင်ဒဲလား၊ အမေရိကန် သမ္မတဟောင်း ဘီလ်ကလင်တန်တို့ ချီးမြင့် ခံခဲ့ရပါတယ်။

ဆရာအော်ပီကျယ် ရဲ့လက်ရာတွေထဲမှ (ပြုံးနိုင်ပါစေ)

ဒေါ်အောင်ဆန်းစုကြည်နှင့်လူငယ်၃၀၀ကျော်ယနေ့တွေ့

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် နယ်ပယ် အသီးသီးမှ လူငယ် ၃၀၀ ကျော်တို့ ယနေ့ တွေ့ဆုံကြရာ လူငယ် ၅၂ ဦးက ၎င်းတို့ ကြုံတွေ့နေရသော ပညာရေး၊ စီးပွားရေး၊ နိုင်ငံရေး၊ လူမှုရေးနှင့် ဘာသာရေး အခက်အခဲများကို တင်ပြဆွေးနွေး ခဲ့ကြသည်။


“အကြောင်းအရာက တော်တော်စုံတယ်။ တက္ကသိုလ် ကျောင်းသား ကျောင်းသူတွေက တက္ကသိုလ်တွေမှာ ပညာရေးနဲ့ ပတ်သက်ပြီး မပြည့်စုံတဲ့ အကြောင်း၊ ပညာရေးစနစ် ချို့ယွင်း နေတဲ့အကြောင်း၊ ကျန်းမာရေးဝန်ထမ်း လူငယ်တွေနဲ့ တရားရုံးမှာ အလုပ်လုပ်နေတဲ့ လူငယ်တွေက သူတို့အခက်အခဲတွေနဲ့ နိုင်ငံရေး စနစ် ပြောင်းလဲဖို့ လိုအပ်တဲ့ အကြောင်းတွေကို တော်တော် ပြည့်ပြည့်စုံစုံ တင်ပြတယ်။ ပြီးတော့ ဒေါ်အောင်ဆန်းစုကြည်ကို မေးခွန်း ထုတ်ကြတယ်” ဟု တွေ့ဆုံပွဲ တက်ရောက်ခဲ့သော လူငယ်တဦးက ဆိုသည်။

လူမှုရေး လုပ်ငန်းများ ဆောင်ရွက်နေသည့် လူငယ်အဖွဲ့အစည်းများ၊ ကျောင်းသားလူငယ်များ၊ ပြည်တွင်း သတင်းမီဒီယာများမှ လူငယ်များ၊ နိုင်ငံ့ ၀န်ထမ်း လူငယ်များ၊ ဥပဒေပညာရှင်လူငယ်များ၊ ကျန်းမာရေးဝန်ထမ်း လူငယ်များ၊ အခြေခံ လုပ်သား လူငယ်များ အပါအ၀င် ၃၀၀ ကျော်နှင့် ဒေါ်အောင်ဆန်းစုကြည်တို့ တွေ့ဆုံ ဆွေးနွေးခဲ့ပြီး လူမှုကွန်ရက်တခုကို ထူထောင် သွားမည်ဖြစ်ကြောင်း ဒေါ်အောင်ဆန်းစုကြည်က ပြောဆိုခဲ့သည်။

အဆိုပါ ကွန်ရက်သည် ဆင်းရဲကျပ်တည်းလျက် ရှိသော မြန်မာနိုင်ငံတွင် ပညာရေး၊ လူမှုရေး လုပ်ငန်းများနှင့် ဒေသဖွံ့ဖြိုးရေး လုပ်ငန်းများ ပူးပေါင်း ဆောင်ရွက်ရန် အမျိုးသား ဒီမိုကရေစီအဖွဲ့ချုပ် (NLD) နှင့် လူငယ် အဖွဲ့အစည်းများ ချိတ်ဆက်ထားသည့် လူမှုကွန်ရက် တခုဖြစ်ကြောင်း သိရသည်။

“အခုဆွေးနွေးပွဲပြီးတာနဲ့ ကိုယ့်အဖွဲ့အစည်းနဲ့ ဘယ်လို ဆက်သွယ်ရမလဲဆိုတာ စာရင်း ပေးသွင်းပါ။ လက်တွေ့ကျကျ စပြီး အလုပ်လုပ်မယ်။ နောက် တလ၊ ခြောက်ပတ်လောက် အကြာ ဒီလုပ်ငန်းတွေ ဘယ်လောက်ထိရောက်သလဲ ဆိုတာ သုံးသပ်ဖို့
ပြန်တွေ့ကြမယ်” ဟု ဒေါ်အောင်ဆန်းစုကြည်က ဆွေးနွေးပွဲတွင် ပြောဆိုခဲ့သည်။

တွေ့ဆုံဆွေးနွေးပွဲတွင် လူငယ်များ အားလုံးက ဒေါ်အောင်ဆန်းစုကြည်ကို “အမေ” ဟု ခေါ်ဝေါ် ခဲ့ကြပြီး ဒေါ်အောင်ဆန်းစုကြည်က လူငယ်များနှင့် ထမင်းလက်ဆုံ စားခဲ့သည်။

တွေ့ဆုံပွဲသို့ တက်ရောက်လာသည့် မီဒီယာသမား လူငယ်များက ဒေါ်အောင်ဆန်းစုကြည် ထူထောင်မည့် လူမှု ကွန်ရက်တွင် မြန်မာ သတင်းသမားများ ကွန်ရက်ဟူသော အမည်ဖြင့် လူမှုရေး၊ ပညာရေးနှင့် အီးမေးလ်၊ အင်တာနက် အပါအဝင် IT နည်းပညာများ ကူညီရန် အဆိုပြုသည်ဟု သိရှိရသည်။

“ဒီကွန်ရက်ကနေ လူမှုရေးလုပ်ငန်းတွေ၊ အင်္ဂလိပ်စာသင်တန်း၊ ကွန်ပျူတာသင်တန်းတွေ အားလုံး စုပေါင်းလုပ်ကြမယ်။

ဒေါ်အောင်ဆန်းစုကြည် ပြောတာက မြန်မာလူငယ်တွေ အဆင့်မြင့် ပညာရေးတွေ သင်ယူနိုင်ဖို့ အစီအစဉ်တွေ လုပ်သွားမယ်တဲ့။ အားတက်ရပါတယ်။ ဒေါ်အောင်ဆန်းစုကြည်လည်း တော်တော်အားရတယ်။ တော်တော် အောင်မြင်တဲ့ တွေ့ဆုံပွဲပါ” ဟု ဆွေးနွေးပွဲ တက်ရောက်သူ တက္ကသိုလ် ကျောင်းသား လူငယ်တဦးက ပြောသည်။

လူငယ်များက ဒုတိယပင်လုံ ညီလာခံကိစ္စ၊ တိုင်းရင်းသားအရေး၊ NLD ရှေ့ဆက် ရပ်တည်ရေးကိစ္စ၊ ၂၀၀၈ ဖွဲ့စည်းပုံ အခြေခံဥပဒေ၊ ၁၉၉၀ ရွေးကောက်ပွဲနှင့် ၂၀၁၀ ရွေးကောက်ပွဲကိစ္စ ဆိုင်ရာများကိုလည်း မေးမြန်းခဲ့ကြပြီး ဒေါ်အောင်ဆန်း စုကြည်က လူငယ်များ၏ မေးခွန်းများအားလုံးကို ပြန်လည်ဖြေကြားခဲ့သည်။

အင်ဒိုနီးရှားနိုင်ငံက အာဆီယံအလှည့်ကျ ဥက္ကဋ္ဌအဖြစ် တာဝန်ယူမည်ဖြစ်ရာ NLD ကို အတိုက်အခံ အင်အားစုအဖြစ် မြန်မာ့ နိုင်ငံရေးတွင်၏ ပါဝင်ခွင့် ပေးရမည်ဆိုသော တောင်းဆိုချက်နှင့် ပတ်သက်ပြီး လူငယ်တဦးက မေးမြန်းရာ ဒေါ်အောင်ဆန်းစုကြည်က “အင်ဒိုနီးရှား နိုင်ငံခြားရေးဝန်ကြီးကNLD ကို အသိအမှတ်ပြုတာ ကြိုဆိုရမှာပါ။ မြန်မာ့ဒီမိုကရေစီအရေးမှာ အာဆီယံထောက်ခံမှုက အရေးကြီးပါတယ်” ဟု ပြန်လည် ဖြေကြားခဲ့သည်။

မြန်မာနိုင်ငံတွင် အလုပ်ရှင်က အလုပ်သမားများအပေါ် ဖိနှိပ်သော ကိစ္စရပ်များ အတွက် ကမ္ဘာ့အလုပ်သမားအဖွဲ့ (ILO) နှင့် NLD မှ ဥပဒေ ပညာရှင်များနှင့် ညှိနှိုင်းတိုင်ပင် လုပ်ဆောင်သွားမည်ဖြစ်ကြောင်း၊ လူငယ် ဥပဒေ ပညာရှင်များအား ဥပဒေ ဆိုင်ရာ သင်တန်းများ ပေးသွားရန်ရှိကြောင်း၊ အဆိုပါ လူငယ် ဥပဒေ ပညာရှင်များအနေနှင့် NLD ဥပေဒပြု အဖွဲ့တွင် ပါဝင်ကြရန် ဖိတ်ကြားကြောင်း ဒေါ်အောင်ဆန်းစုကြည်က ပြောသည်။

ဒေါ်အောင်ဆန်းစုကြည်က လူမှုရေးနှင့် နိုင်ငံရေးသည် ခွဲခြားမရဘဲ ဒွန်တွဲနေကြောင်း၊ ပြည်သူလူထု၏ လိုအပ်ချက်များကို လူမှုရေးအရ ဖြည့်ဆည်းပေးခြင်းဖြင့် ပြည်သူလူထု၏ ချစ်ခင်မှုကို ရရှိနိုင်ကြောင်း ရှင်းပြသည်။

အစိုးရသည် NLD ကို မတရားအသင်းအဖြစ် မကြေညာနိုင်ကြောင်း၊ မှတ်ပုံမတင်သော နိုင်ငံရေးပါတီ တရပ်အဖြစ်သာ ပြောဆိုနိုင်ကြောင်း၊ ပြည်သူလူထု ရပ်တည်နေသမျှ ကာလပတ်လုံး NLD ဆက်လက် ရပ်တည်နေမည် ဖြစ်ကြောင်း ဒေါ်အောင်ဆန်းစုကြည်က NLD ဆက်လက်ရပ်တည်ရေးနှင့် ပတ်သက်သည့် လူငယ်များ၏ မေးမြန်းချက်ကို ဖြေကြားသည်။

ဒုတိယပင်လုံညီလာခံ ကိစ္စကို အလွန်ကြောက်မက်ဖွယ်ကောင်းသော ခြိမ်းခြောက်မှု၊ နိုင်ငံရေးအားစမ်းမှု အဖြစ် ရှုမြင်မှုများရှိကြောင်း၊ အဆိုပါ သုံးသပ်ချက်များသည် လုံးဝ မှန်ကန်မှုမရှိကြောင်း၊ မြန်မာ့နိုင်ငံရေး ဖြစ်စဉ်တွင် တိုင်းရင်းသား စည်းလုံညီညွတ်ရေးအတွက် ခေတ်နှင့်လျော်ညီသော ပင်လုံညီလာခံတခု မဖြစ်မနေလိုအပ်ကြောင်း ဒေါ်အောင်ဆန်းစုကြည် က ပြောသည်။

ဒေါ်အောင်ဆန်းစုကြည်နှင့် လူငယ်တွေ့ဆုံပွဲသို့ လာရောက်သော လူငယ်များကို စစ်အစိုးရ အာဏာပိုင်များက ဓာတ်ပုံနှင့် ဗီဒီယို မှတ်တမ်းတင်ခြင်းမှအပ တစုံတရာ အနှောင့်အယှက် မပေးခဲ့ပေ။

အမျိုးသားခေါင်းဆောင် တပ်မတော်၏ ဖခင်ဗိုလ်ချုပ်အောင်ဆန်း၏ ဇနီး မဟာသီရိသုဓမ္မ မိခင်ကြီးဒေါ်ခင်ကြည်ဂူဗိမာန်သို့ လူထုခေါင်းဆောင် သွားရောက်ဂါဝရပြု... (ဓာတ်ပုံ

ဒေါ်စုသတင်း ဖော်ပြရန် ပါကစ္စတန်သတင်းအဖွဲ့ တောင်းဆို

။ မြန်မာပြည်၌ ဒေါ်အောင်ဆန်းစုကြည် သတင်းများနှင့် အင်တာဗျူးများကို ထိန်းချုပ်ခြင်း မလုပ်ဘဲ ဖော်ပြခွင့်ပြုရန် ပါကစ္စတန် သတင်းဖောင်ဒေးရှင်း Pakistan Press Foundation - PPF က တောင်းဆိုလိုက်သည်။

စာပေစိစစ်ရေးနှင့် ပုံနှိပ်မှတ်ပုံတင်ဌာန (ဆင်ဆာဘုတ်) အနေဖြင့် ဒေါ်အောင်ဆန်းစုကြည်သတင်းများကို ပြန်လည် သုံးသပ်ရန်နှင့် စာနယ်ဇင်း လွတ်လပ်ခွင့်ပေးရန် ယခုလ ၂၄ ရက်နေ့ ရက်စွဲဖြင့် ဗိုလ်ချုပ်မှူးကြီးသန်းရွှေထံ စာပေးပို့ကာ PPF က တောင်းဆိုခြင်း ဖြစ်သည်။

“ကမ္ဘာပေါ်မှာ မြန်မာနိုင်ငံဟာ သတင်းထုတ်ပြန်မှုနဲ့ ပတ်သက်ပြီး အထိန်းချုပ်ခံရဆုံး နိုင်ငံတခုဖြစ်တယ်။ အာဏာပိုင်တွေအနေနဲ့ ဒီလို တင်းကျပ်ချုပ်ကိုင်မှုကို ပြောင်းလဲသင့်ပြီလို့ ထင်ပါတယ်” ဟု PPF အထွေထွေ အတွင်းရေးမှူး မစ္စတာ အိုဝေ့စ် အက်စ်လမ် အလီက မဇ္ဈိမကို ပြောသည်။

ယခုလအတွင်း ပြည်သူ့ခေတ်နှင့် ဗီးနပ်စ် အပါအဝင် ပြည်တွင်းဂျာနယ်အချို့သည် ဒေါ်အောင်ဆန်းစုကြည်နှင့် တွေ့ဆုံခွင့်ရရှိကာ ဓာတ်ပုံနှင့်တကွ အင်တာဗျူး စာမူကြမ်းများကို ဆင်ဆာဘုတ်အဖွဲ့သို့ ပုံနှိပ်ထုတ်ဝေခွင့် တင်ခဲ့ရာ ဆိုင်းငံ့ဟူ၍ သတ်မှတ်ခံခဲ့ရသည်။

“ဆိုင်းငံ့ဆိုပေမယ့် အချိန်ကာလ မရှိဘူး။ ဖြုတ်ခိုင်းတဲ့ သဘောပဲ။ ထုံးစံက စိစစ်ရေးက “ဆိုင်းငံ့” ဆိုရင် သတင်းကို ပုံစံပြန်ပြောင်းပြီး ရေးရတယ်။ ခပ်ပျော့ပျော့လေးဖြစ်သွားအောင် ဗားရှင်းပြောင်းပြီး ပြန်တင်ကြည့်။ ဒါမှ မရဘူးဆိုရင် အဲ့ဒီသတင်း သုံးလို့မရတော့ဘူး” ဟု ပြည်တွင်းဂျာနယ် အယ်ဒီတာ တဦးက ရှင်းပြသည်။

ပါကစ္စတန်သည် အာဏာရှင်စနစ်အောက်မှ ၂ဝဝ၈ ဖေဖော်ဝါရီလကမှ လွတ်မြောက်လာခဲ့သော်လည်း စစ်အုပ်ချုပ်မှု လက်အောက်၌ နေစဉ်ကတည်းက သတင်းမီဒီယာ လွတ်လပ်ခဲ့ကြောင်းနှင့် မြန်မာနိုင်ငံတွင်မူ အလွန်အမင်း တင်းကျပ်ထားသဖြင့် ဒီမိုကရေစီနိုင်ငံဖြစ်ရန် နှောင့်နှေးဦးမည်ဖြစ်ကြောင်း မစ္စတာ အိုဝေ့စ် အက်စ်လမ် အလီက ပြောသည်။

“ဒီချုပ်ကိုင်ထားမှုတွေကို ပြောင်းလဲပစ်မှ ဒီမိုကရေစီနိုင်ငံဆိုတဲ့ ဘက်ကို ဦးလှည့်နိုင်မှာပါ” ဟု သူက ဆိုသည်။ ၂ဝ၁ဝ ရွေးကောက်ပွဲသည် နိုင်ငံတကာအဆင့် စံနှုန်းများဖြင့် မလုပ်ခဲ့ဘဲ၊ လက်ရှိလည်း ပြောင်းလဲမှု လမ်းကြောင်းပေါ် ရောက်ပြီဟု မထင်ကြောင်း သူက ဆက်ပြောသည်။

ဆင်ဆာဘုတ်သည် ပြီးခဲ့သည့် နိုဝင်ဘာလတွင် ဒေါ်အောင်ဆန်းစုကြည် နေအိမ်အထိန်းသိမ်းခံမှ လွတ်မြောက်စဉ်က သတင်းနှင့် ဓာတ်ပုံများ ဖော်ပြခဲ့သည့် သတင်းဂျာနယ် ၇ စောင် အပါအဝင် ဂျာနယ် ၉ စောင်ကို ထုတ်ဝေခွင့် ယာယီ ပိတ်ခဲ့သေးသည်။ ထိုအထဲမှ အချို့ကို ၂ ပတ်စီနှင့် အချို့ကိုမူ တပတ်စီ ပိတ်ခဲ့သေးသည်။

ထိုအထဲမှ ဒေါ်အောင်ဆန်းစုကြည်သတင်း ဖော်ပြရာ၌ အချပ်ပိုအဖြစ် ဖော်ပြခြင်း၊ ဓာတ်ပုံများကို သတ်မှတ်သည့် အရွယ်ထက် ကြီး၍ ဖော်ပြသဖြင့် စည်းကမ်းနှင့် မညီဟုဆိုကာ 7Days နှင့် The Voice ကို တပတ်စီ ပိတ်ပင်ခဲ့သည်။

PPF ကို ၁၉၆၇ ခုနှစ်ကတည်းက စတင်တည်ထောင်ခဲ့ပြီး သတင်းမီဒီယာဖွံ့ဖြိုးရေးနှင့် သတင်းလွတ်လပ်ခွင့်အတွက် IFEX အပါအဝင် နိုင်ငံတကာ သတင်းအဖွဲ့အစည်း အများအပြားနှင့် ပူးပေါင်းဆောင်ရွက်နေသည်။

ဒေါ်အောင်ဆန်းစုကြည်ကို ရုရှားသံအမတ်ကြီး တွေ့ဆုံ

ဒေါ်အောင်ဆန်းစုကြည်ကို မြန်မာနိုင်ငံဆိုင်ရာ ရုရှား သံအမတ်ကြီးက ယမန်နေ့ နေ့လယ်၌ လာရောက်တွေ့ဆုံကြောင်း အမျိုးသားဒီမိုကရေစီ အဖွဲ့ချုပ် (NLD) က ပြောသည်။

မည်သည့် အကြောင်းအရာများ ဆွေးနွေးသည်ကို သတင်းထုတ်ပြန်ခြင်း မရှိသော်လည်း ယခုကဲ့သို့ ရုရှားနိုင်ငံ သံအမတ်ကြီး လာရောက်တွေ့ဆုံမှုမှာ ထူးခြားတိုးတက်မှုတခုဟု ယူဆကြောင်း NLD ပါတီ ခေါင်းဆောင်တဦး ဖြစ်သည့် ဦးအုန်းကြိုင်က ဧရာဝတီသို့ ပြောသည်။

“NLD ပါတီမှာ အခမ်းအနားလုပ်တိုင်း ရုရှားသံရုံးကို ဖိတ်ပါတယ်။ တခါမှ မတက်ဘူး။ အခုလာတာ ထူးခြားမှုပေါ့” ဟု ၎င်းက ဆိုသည်။

ဒေါ်အောင်ဆန်းစုကြည် လွတ်မြောက်ပြီးနောက် ရုရှားသံအမတ်ကြီး လာရောက်တွေ့ဆုံသည်မှာ နှစ်ကြိမ်ရှိပြီ ဖြစ်ကြောင်း၊ ဒေါ်အောင်ဆန်းစုကြည် လွတ်မြောက်ပြီးစကလည်း ပထမအကြိမ် လာရောက်နှုတ်ဆက်ခဲ့ကြောင်း သိရသည်။

ရုရှားနိုင်ငံသည် မြန်မာနိုင်ငံ အရေးကိစ္စများကို ကုလသမဂ္ဂ လုံခြုံရေးကောင်စီတွင် ဆွေးနွေးပါက တရုတ်နိုင်ငံနည်းတူ အမြဲတမ်း မြန်မာစစ်အစိုးရဘက်မှ ရပ်တည် အကာအကွယ်ပေးနေသည်။

ထိုသို့ သဘောထားရှိသော နိုင်ငံတနိုင်ငံမှ စစ်အစိုးရ၏ အတိုက်အခံ ဒီမိုကရေစီခေါင်းဆောင် ဒေါ်အောင်ဆန်းစုကြည်အား လာရောက်တွေ့ဆုံခြင်းကို ကြည့်လျှင် ဒီမိုကရေစီဘက်သို့ တိမ်းညွှတ်လာသည်ဟု စဉ်းစရာရှိကြောင်း ဦးအုန်းကြိုင်က ဆိုသည်။

ယခင် ဆိုဗီယက်ယူနီယံ မပြိုကွဲမီကာလက ဦးနေ၀င်း၏ မြန်မာ့ဆိုရှယ်လစ် လမ်းစဉ်ပါတီ (မဆလ) အစိုးရကို မလိုလားသည့် တိုးတက်သော အယူအဆရှိသည်ဆိုသော လူငယ်တချို့ ရန်ကုန်မြို့ရှိ ဆိုဗီယက်သံရုံးနှင့် အဆက်အသွယ်ရှိခဲ့ကြသည်။ ဆိုဗီယက်သံရုံး ယဉ်ကျေးမှုဌာနက ၎င်းတို့နှင့် ပတ်သက်သည့် စာအုပ်စာတမ်းများစွာကို ထုတ်ဝေခဲ့သည်။

သို့သော် ၁၉၉၁ ခုနှစ်တွင် ဆိုဗီယက်ယူနီယံ ပြိုကွဲပြီး ရုရှားနိုင်ငံအဖြစ် ကမ္ဘာ့နိုင်ငံရေး ဇာတ်ခုံတွင် ဆက်လက်ရပ်တည်ချိန်၌ မြန်မာစစ်အစိုးရနှင့် အနီးကပ်ဆက်ဆံခဲ့ပြီး ဒီမိုကရေစီလိုလားသည့် အတိုက်အခံများနှင့် ဆက်ဆံရေးမှာမူ လုံးဝနီးပါး ရပ်တန့်သွားခဲ့သည်။

စစ်အစိုးရအား MIG- 29 တိုက်လေယာဉ်များ၊ ရဟတ်ယာဉ်များ၊ တင့်ကား၊ အမြောက် စသည့် စစ်လက်နက်ပစ္စည်းများကို ရောင်းချခြင်း၊ နျူကလီးယား နည်းပညာအတွက် စစ်အစိုးရက မြန်မာ အရာရှိများကို ရုရှားနိုင်ငံသို့ ပညာသင်စေလွှတ်ခြင်း စသည့် ဆက်ဆံမှုများ ပြုလုပ်ခဲ့သည်။

ရုရှားနိုင်ငံသည် စစ်အစိုးရအား ၁၀ မီဂါဝပ်ရှိသည့် အသေးစား သုတေသနသုံး နျုကလီးယား ဓာတ်ပေါင်းဖိုတခု တည်ဆောက်ပေးရန် ၂၀၀၁ ခုနှစ်က သဘောတူခဲ့သည်၊ သို့သော် နောက်ပိုင်းတွင် တည်ဆောက်မည့် အစီအစဉ် ပျက်သွားကြောင်းကို စစ်အစိုးရက ထုတ်ဖော်ပြောကြားခဲ့သည်။

နျူကလီးယား ဓာတ်ပေါင်းဖို တည်ဆောက်လိုခြင်းမှာ ဆေးပညာနှင့် ငြိမ်းချမ်းစွာ အသုံးပြုရန်သာဖြစ်သည်ဟု ယခုနှစ် ဇွန်လအတွင်းက စစ်အစိုးရ သတင်းစာတွင် ကာကွယ်ရေးသားထားသည်။

ရုရှား ရေနံကုမ္ပဏီတခုဖြစ်သည့် Noble Oil ကုမ္ပဏီနှင့် စစ်အစိုးရနှင့် နီးစပ်သည့် စီးပွားရေးလုပ်ငန်းရှင် ဦးတေဇပိုင် ထူးကုမ္ပဏီတို့ ပူးပေါင်းပြီး စစ်ကိုင်းတိုင်း ဟုမ္မလင်းမြို့နယ်အတွင်းရှိ ဥရုချောင်းဖျားတွင် ရေနံရှာဖွေမှုများ ပြုလုပ်နေသည်ဟု ပြီးခဲ့သည့် နိုဝင်ဘာလက ဆင်ဟွာသတင်းတပုဒ်တွင် ဖော်ပြထားသည်။

ရုရှားကုမ္ပဏီတခုဖြစ်သည့် JSC Zarubezhneft Iteraaws ကုမ္ပဏီသည် မုတ္တမပင်လယ်ကွေ့ရှိ လုပ်ကွက်အမှတ် M- 8 တွင် ၂၀၀၆ခုနှစ် ကတည်း စတင်လုပ်ကိုင်နေပြီး တခြားသော ရုရှားကုမ္ပဏီ ၂ ခုသည်လည်း စစ်ကိုင်းတိုင်း ပင်လယ်ဘူးဒေသတွင် ရေနံနှင့် သဘာဝဓာတ်ငွေ့ ရှာဖွေရေးလုပ်ငန်းများ လုပ်ကိုင်နေသည်။

ထို့အပြင် ရှမ်းပြည်နယ် တောင်ကြီးမြို့အနီးရှိ ပင်းပက်ဒေသတွင် သတ္တုတူးဖော်ရေး လုပ်ငန်းကို လုပ်ကိုင်နေသည့် ရုရှားကုမ္ပဏီတခုလည်း ရှိသေးသည်။

ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်လာပြီး ၁ လကျော်အတွင်း၌ အမေရိကန် အပါအ၀င် အနောက်နိုင်ငံများမှ သံအမတ်ကြီးများ၊ အာရှ၊ အာဖရိက နိုင်ငံများမှ သံအမတ်ကြီးများ လာရောက်တွေ့ဆုံခဲ့ကြပြီး ဗြိတိန်ဝန်ကြီးချုပ်၊ ထိုင်းဝန်ကြီးချုပ် အပါအ၀င် နိုင်ငံခေါင်းဆောင်များနှင့် ၎င်းတို့၏ ဇနီးများကလည်း ဖုန်းဖြင့် ဆက်သွယ်ပြီး မြန်မာ့ဒီမိုကရေစီအရေးအတွက် အားပေးခဲ့ကြသည်။

အန်အယ်ဒီက ပြည်ထောင်စု စိတ်ဓာတ် ဟောပြော

ပြည်ထောင်စု စိတ်ဓာတ်မှာ အရေးကြီးကြောင်း အမျိုးသားဒီမိုကရေစီအဖွဲ့ချုပ် ဒုဥက္ကဋ္ဌ ဦးတင်ဦးနှင့် ဗဟိုအလုပ်အမှုဆောင် ဦးဝင်းတင်က ရန်ကုန် အန်အယ်ဒီရုံးချုပ်၌ လူငယ် ၁ဝဝ ကျော်ကို ယနေ့ ဟောပြောခဲ့သည်။

ပြည်ထောင်စု (ပင်လုံ) စိတ်ဓာတ်အကြောင်းကို အာဇာနည်ခေါင်းဆောင် ဗိုလ်ချုပ်အောင်ဆန်း၏ မိန့်ခွန်း ကောက်နုတ်ချက်များနှင့်အတူ အန်အယ်ဒီ ခေါင်းဆောင်နှစ်ဦးက ဟောပြောရာ သုံးနာရီ ကြာမြင့်ခဲ့သည်။

“ဒီနေ့အခါမှာ ပင်လုံစိတ်ဓာတ်က အရင်က အင်္ဂလိပ်ရဲ့အောက်မှ လွတ်လပ်ဖို့၊ ဒီနေ့က အာဏာရှင် စစ်ကျွန်ဘဝကနေ လွတ်လပ်ဖို့။ ညီညွတ်မှသာလျှင် ပြည်တွင်းစစ်တွေကို တားဆီးနိုင်မယ်။ ပြည်ထောင်စု စိတ်ဓာတ်မှာ ဟိုတုန်းက လွတ်လပ်ရေး ရအောင်ယူမယ်၊ ပြည်ထောင်စု ဖွဲ့မယ်ဆိုတဲ့ စိတ်ဓာတ်။ ဒီနေ့အခါမှာ အမျိုးသားပြန်လည် သင့်မြတ်ရေး လုပ်မယ်ဆိုတာ ရှိတယ်ဆိုတော့ ဒုတိယပင်လုံစိတ်ဓာတ်ကို ရှင်းပြတာပေါ့။ ” ဟု ဦးဝင်းတင်က မဇ္ဈိမသို့ ပြာသည်။

ဇိုမီးအမျိုးသားကွန်ကရက် စစ်ကိုင်းတိုင်း ကလေးမြို့တွင် အောက်တိုဘာလ ၂၄ ရက်နေ့က အမျိုးသား ပြန်လည်သင့်မြတ်ရေးအတွက် ဒုတိယပင်လုံညီလာခံ ခေါ်ယူရေး အဆိုပြုခဲ့သည်။ နိုဝင်ဘာလ ၂ဝ ရက်နေ့တွင် ၎င်းအဆိုကို အကောင်အထည်ဖော်ရန် ဒေါ်အောင်ဆန်းစုကြည်ကို လွှဲပြောင်းတာဝန်ပေးခဲ့သည်။

လုပ်ငန်းအကောင်အထည်ဖော်ရေးနှင့် စစ်အုပ်ချုပ်မှုအောက်မှ လွတ်မြောက်ရေးတွင် ပင်လုံစိတ်ဓာတ် အရေးကြီးသဖြင့် လူငယ်များ သိရှိစေရန် ဟောပြောခဲ့ရာ၊ အန်အယ်ဒီ လူငယ်များသာမက နိုင်ငံရေးစိတ်ဝင်စားသူ ကျောင်းသားလူငယ်များပါ တက်ရောက်ခဲ့ခြင်း ဖြစ်သည်။

“ဘဘတို့ နှစ်ယောက်ရဲ့ Speech (မိန့်ခွန်း) ကို သေချာ ဂရုစိုက် နားထောင်ချင်လို့ လာတာပါ။ ကျနော်ကလည်း နိုင်ငံရေးအပိုင်းမှာ စိတ်အားထက်တန်တယ်လေ။ အဓိကတော့ ဖယ်ဒရယ် ပြည်ထောင်စု စိတ်ဓာတ် ဆိုတာပေါ့နော်။ ဖယ်ဒရယ်ဆိုတာက ပြည်ထောင်စု ခွဲထွက်ဖုိ့ မဟုတ်ဘူး။ တကယ့် ပြည်ထောင်စု စစ်စစ်ဆိုတဲ့ ဟာမျိုးတွေ ပြောတယ်” ဟု ဟောပြောပွဲတက်ရောက်သူ လူငယ်တဦးက ပြောသည်။

ဟောပြောပွဲ လာရောက်သူများက ရုံးချုပ်အနီး လက်ဖက်ရည်ဆိုင်ထိုင်စဉ် ရဲသတင်းတပ်ဖွဲ့ဝင်များက ဓာတ်ပုံရိုက်ယူသည်များ ရှိခဲ့သည်။

၁၉၄၇ ခုနှစ် ဖေဖော်ဝါရီ ၁၂ ရက် ရှမ်းပြည်နယ် ပင်လုံမြို့၌ ဗိုလ်ချုပ်အောင်ဆန်းနှင့် ကရင်၊ ကချင်၊ ချင်း စသည့် တိုင်းရင်းသားများ တန်းတူရေး၊ ကိုယ်ပိုင်ပြဋ္ဌာန်းခွင့်နှင့်အတူ ပြည်ထောင်စုထဲတွင် အတူတကွ နေထိုင်မည်ဟု ကတိကဝတ်ပြုသော စာချုပ်ကို ရေးထိုးခဲ့ရာက ပင်လုံစာချုပ်ဟု ခေါ်တွင်ခဲ့သည်။

ရခိုင်ပြည်နယ် အတွင်းရှိ ဂီရိဆိုင်ကလုန်း ဒဏ်ခံခဲ့ရသော မြို့နယ်များမှ လေဘေးသင့် ဒုက္ခသည်များသည် မုန်တိုင်း တိုက်ခတ်ပြီး ၂ လ ပြည့်မြောက် သည့်တိုင် ပြန်လည် ထူထောင်ရေး လုပ်ငန်းများ လုံးဝ မစတင်နိုင်သေးကြောင်း သိရသည်။

giri-cyclone-09

ရခိုင်ပြည်နယ်အတွင်း ဂီရိမုန်တိုင်း ဝင်ရောက်တိုက်ခတ် သွားသည်မှာ ၂ လကြာမြင့်ပြီ ဖြစ်သော်လည်း ယခုထိ ပြန်လည်ထူထောင်ရေး လုပ်ငန်းများ မစတင်နိုင်သေးပေ (ဓာတ်ပုံ - AP)
လေဘေး ဒုက္ခသည်များသည် ကိုယ်ထူကိုယ်ထ စနစ်ဖြင့် တနိုင်တပိုင် ပြန်လည် ထူထောင်ရေး လုပ်လိုသော်လည်း စားရေရိက္ခာ မလုံလောက်သည့် အတွက် အခက်အခဲများနှင့် ရင်ဆိုင်နေကြရကြောင်း ဒေသခံများက ပြောသည်။

“အဓိက လိုနေတာက စားဖို့ဆန်ပါ။ စပါးခင်းတွေက ပျက်စီးသွားပြီ။ ငါးဖမ်းလုပ်ငန်းကို ပြန်လုပ်ဖို့ ကျပြန်တော့လည်း ပိုက်ကွန်တို့၊ လှေတို့က မရှိတော့ ဘာမှ လုပ်စရာ မရှိသေးဘူး” ဟု မြေပုံဒေသခံ တဦးက ဧရာဝတီကို ရှင်းပြသည်။

ထိုဒေသရှိ ပြည်သူအများစုသည် လယ်ယာ လုပ်ငန်းနှင့် ရေလုပ်ငန်းကိုသာ အဓိကထား လုပ်ကိုင် စားသောက် ကြသည်ဟု ၎င်းက ဆက်ပြောသည်။

“ဒီနှစ်တော့ လယ်တွေ ပြန်လုပ်လို့ရမယ့် အနေအထားမှာ မရှိတော့ဘူး။ ကျိုးသွားတဲ့ တာတမံတွေက ပြန်ပြုပြင်ဖို့ ကုန်ကျမှု စရိတ် များတဲ့အတွက်ပါ။ တာတမံတခုကို ပြုပြင်ဖို့ သိန်းရာချီ ကုန်ကျမယ်” ဟု ဂီရိဒေသများသို့ သွားရောက်၍ ကယ်ဆယ်ရေး လုပ်ငန်းများ ဆောင်ရွက်နေသူ ပြည်သူ့လွှတ်တော် ကိုယ်စားပြု ကော်မတီ (CRPP) ၏ အတွင်းရေးမှူး၊ ရခိုင်ဒီမိုကရေစီ အဖွဲ့ချုပ် ခေါင်းဆောင် ဦးအေးသာအောင်က ဧရာဝတီကို ပြောသည်။

ဦးအေးသာအောင်နှင့် NLDအဖွဲ့ဝင် တချို့သည် ကျောက်ဖြူ၊ မြေပုံ၊ ပေါက်တော မြို့နယ်များ၏ ပျက်စီးမှုများသော ကျေးရွာများကို သွားရောက်ကာ ဆန်၊ အ၀တ်အထည်နှင့်ဆေးဝါးများ လှူဒါန်းပေးခဲ့ကြောင်း ၎င်းက ဆက်ပြောသည်။

ပြည်တွင်းပြည်ပ NGOအဖွဲ့များ၊ ကုလသမဂ္ဂ လက်အောက်ခံ အဖွဲ့များ၊ စေတနာရှင်များက ကူညီထောက်ပံ့မှု၊ လှူဒါန်းမှုများ လုပ်ဆောင်ပေးနေသော်လည်း စားဝတ်နေရေးအတွက် မလုံလောက်သေးဟု ရန်ကုန်အခြေစိုက် NGO အဖွဲ့၏ တာဝန်ရှိသူ တဦးက ပြောသည်။

“ကျနော်တို့ ပေးနိုင်တာက လေးငါးရက်စာ စားဖို့ဆန်နဲ့ တခြားလိုတာလေးတွေပါ။ လိုအပ်ချက်ကို ပြည့်မီဖို့ ရာခိုင်နှုန်းနဲ့တွက်ရင် ၁၀ ရာခိုင်နှုန်းတောင် မရှိသေးပါဘူး” ဟု ၎င်းက ဆိုသည်။

ရန်ကုန်အခြေစိုက် ကုလသမဂ္ဂရုံး၏ ဒီဇင်ဘာလ ၂၀ ရက်နေ့ထုတ် အစီရင်ခံစာကမူ ကုလသမဂ္ဂ (UN) လက်အောက်ခံ အဖွဲ့များ၊ NGO များက ၅၆ ရာခိုင်နှုန်းကျော် ပျက်စီးသွာသည့် စာသင်ကျောင်းများမှ ယာယီကျောင်းဆောင် ၁၀၀ ကျော် ဆောက်လုပ်ပေးထားပြီး စားဝတ်နေရေး ကိစ္စများလည်း အသင့်အတင့် ပြေလည်နေပြီဟု ရေးသားထားသည်။

ရန်ကုန်ရှိ ကုလသမဂ္ဂလူသားချင်း ဆိုင်ရာ ညှိနှိုင်းရေးမှူး ဘီရှော ပါရာဂျူလီ (Bishow Parajuli ) ကလည်း “သူတို့ဘ၀ ရေရှည် ရပ်တည်ဖို့အတွက် အရေးတကြီးလိုနေတာက အမိုးအကာရရှိရေးဖြစ်တယ်” ဟု ပြောဆိုကြောင်း အစီရင်ခံ၌ ဖော်ပြထားသည်။

လယ်ယာလုပ်ငန်းများ၊ ရေလုပ်ငန်းများ ပြန်လည်လုပ်ကိုင်နိုင်ရန် အထောက်အကူပြုမည့် အကူအညီများ အရေးတကြီး လိုအပ်ကြောင်း အစီရင်ခံစာ က ဆိုသည်။

ဥရောပကော်မရှင်ကလည်း ဂီရိလေဘေးသင့် ပြည်သူများအတွက် ယူရိုငွေ ၃ သန်းကို ရန်ကုန်အခြေစိုက် ဥရောပ ကော်မရှင် ရုံးခွဲနှင့် UN လက်အောက်ခံအဖွဲ့များမှ တဆင့်ကူညီပေးသွားမည်ဟု ထုတ်ပြန်ခဲ့ကြောင်း VOA အင်တာနက် စာမျက်နှာတွင် ရေးသားထားသည်။ ကူညီထောက်ပံ့မှုများ ထိရောက်မှု ရှိ မရှိကိုလည်း စောင့်ကြည့်သွားမည်ဟု ကော်မရှင်ကဆိုသည်။

ဂီရိလေဘေးဒေသတခုလုံး၏ ပြန်လည်ထူထောင်ရေး လုပ်ငန်းများအတွက် အမေရိကန်ဒေါ်လာ ၅၇ သန်းကျော်လိုအပ်ပြီး လက်ရှိ၌ ၂၁ သန်းသာ ရရှိသေးကြောင်း ကုလသမဂ္ဂ လူသားချင်းစာနာမှုဆိုင်ရာ ကွပ်ကဲမှုရုံး (UNOCHA ) ၏ ဒီဇင်ဘာလ ၂၀ ရက်နေ့ထုတ် အစီရင်ခံစာ၌ ဖော်ပြထားသည်။

ကုလသမဂ္ဂ လက်အောက်ခံအဖွဲ့များ၊ နိုင်ငံတကာအဖွဲ့အစည်းများ၊ ပြည်တွင်းပြည်ပ NGOအဖွဲ့များက စားဝတ်နေရေး ပြဿနာနှင့် ပြန်လည်ထူထောင်ရေး လုပ်ငန်းများကို တတ်နိုင်သလောက် လုပ်ဆောင်ပေးနေသော်လည်း စစ်အစိုးရကမူ ပြန်လည်ထူထောင်ရေး လုပ်ငန်းများကို စိတ်ဝင်စားမှု မရှိကြောင်း ဒေသခံများက ဆိုသည်။

စစ်အစိုးရအဖွဲ့၏ ခေါင်းဆောင်တချို့သည် စားသောက်ရန် ရိက္ခာများကို ကူညီခဲ့သော်လည်း ဒုက္ခသည်များထံ တိုက်ရိုက် မပေးဘဲ ဒေသဆိုင်ရာ အာဏာပိုင်များမှ တဆင့်ပေးသောကြောင့် ထိရောက်မှု မရှိဟု ဒေသခံများက ပြောသည်။

“လူတယောက်အတွက် တထောင်ဖိုးပေးရင် ဒုက္ခသည်တွေက တရာဖိုးပဲရတယ်။ ကျန်တာကို ဒေသအာဏာပိုင်တွေက ပြန်ရောင်းစားတယ်။ ဒေသအာဏာပိုင် အများစုက ကြံ့ဖွံ့တွေပါ။ သူတို့ပဲ အပိုင်စီးသွားတယ်” ဟု ကျောက်ဖြူ ဒေသခံတဦးက ပြောသည်။

ဂီရိဆိုင်ကလုန်းမုန်တိုင်းသည် အောက်တိုဘာလ ၂၂ ရက်နေ့က တနာရီလျှင် မိုင် ၁၂၀ ၀န်းကျင်ဖြင့် ရခိုင်ကမ်းရိုးတန်း ဒေသ တလျှောက် တိုက်ခတ်ခဲ့ရာ ကျောက်ဖြူ၊ မြေပုံ၊ မင်းပြား၊ မာန်အောင်၊ ပေါက်တော၊ ပုဏ္ဏကျွန်း၊ စစ်တွေ စသည့်မြို့နယ်များ
၌ ပျက်စီးဆုံးရှုံးမှု ကြီးမားခဲ့ပြီး လူ ၂ သိန်းကျော် အိုးမဲ့အိမ်မဲ့ ဖြစ်ခဲ့ရသည်။

ကုလ အနုမြူ စောင့်ကြည့်ရေးအဖွဲ့က စစ်ဆေးခွင့်ပေးရန် စစ်အစိုးရကို တောင်းဆို

ကုလသမဂ္ဂ၏ အနုမြူ စောင့်ကြည့်ရေးအဖွဲ့ကြီးဖြစ်သော အပြည်ပြည်ဆိုင်ရာ အနုမြူစွမ်းအင် အေဂျင်စီ (IAEA) က မြန်မာနိုင်ငံတွင် အနုမြူစက်ရုံများ ရှိနေသည်ဟု စွပ်စွဲ ပြောဆိုခြင်း ခံနေရသော နေရာများသို့ လာရောက်စစ်ဆေးခွင့်ပြုပါရန် မြန်မာစစ်အစိုးရကို မကြာသေးမီက စာရေးသား တောင်းဆိုခဲ့သည်ဟု အမည်ဖော်ပြမထားသော အမေရိကန် အရာရှိများကို ကိုးကားပြီး ဝေါလ်စထရိဂျာနယ်က ရေးသားသည်။

`မြန်မာနိုင်ငံ မြောက်ပိုင်းရှိ စက်ရုံများတွင် အနုမြူ နည်းပညာ ဖွံ့ဖြိုးတိုးတက်ရေးအတွက် ကြိုးပမ်းမှုများ ရှိနေသည်ဟူသော စွပ်စွဲချက်အပေါ် ရှင်းလင်းမှုများ လုပ်ပေးပါရန်´ မြန်မာနိုင်ငံ အစိုးရသို့ ယခင်စာနှစ်စောင် ပေးပို့အပြီး ယခု တဖန် အိုင်အေအီးအေ ကာကွယ်လုံခြုံရေးဌာန အကြီးအကဲ Herman Nackaerts က ထပ်မံ ပေးပို့ အကြောင်းကြားခဲ့သည်ဟု အဆိုပါဂျာနယ်က အမေရိကန်အရာရှိများကို ကိုးကားဖော်ပြခဲ့ပါသည်။

မြန်မာနိုင်ငံသည် ကုလသမဂ္ဂ အနုမြူလက်နက် မပြန့်ပွားရေး စာချုပ်ကို iaea1လက်မှတ်ရေးထိုးထားသော နိုင်ငံတနိုင်ငံ ဖြစ်ခြင်းကြောင့် မြန်မာနိုင်ငံတွင်ရှိသည်ဟု စွပ်စွဲပြောဆိုနေကြသော အနုမြူ စက်ရုံနေရာများသို့ စစ်ဆေး ကြည့်ရှုခွင့်ပေးရန် အိုင်အေအီးအေက မေတ္တာရပ်ခံပိုင်ခွင့် ရှိပါသည်။ သို့သော် နိုင်ငံတကာ ဥပဒေများအရ အဆိုပါ မေတ္တာရပ်ခံချက်များကို မြန်မာနိုင်ငံက ငြင်းပယ်ခွင့်လည်းရှိပါသည်။

အိုင်အေအီးအေ၏ ယခုနောက်ဆုံးစာသည် မြန်မာနိုင်ငံနှင့် မြောက်ကိုရီးယား နိုင်ငံတို့အကြား အနုမြူဆိုင်ရာ ပူးပေါင်းဆောင်ရွက်မှုများ ရှိနေ၍ အမေရိကန်အစိုးရက စိုးရိမ်ပူပန်နေသည် ဟူသောသတင်းများပါသည့် လျှို့ဝှက်ကြေးနန်းများကို ဝီကီလိ ဝက်ဘ်ဆိုက်က ထုတ်ပြန်ခဲ့ပြီးနောက် ပေါ်ထွက်လာခြင်း ဖြစ်သည်။

မသင်္ကာဖွယ် ပစ္စည်းအများအပြားကို မကွေးတိုင်း မင်းဘူးအနီးရှိ အနုမြူဓာတ်အားပေး စက်ရုံ ဆောက်လုပ်နေသည်ဟု ကောလဟလများ ထွက်ပေါ်နေသည့်နေရာသို့ သယ်ဆောင်နေကြောင်း သတင်းရင်းမြစ်တခုက ရန်ကုန်ရှိ အမေရိကန် သံရုံးသို့ ပြောကြားခဲ့သည်ဟု အဆိုပါ ကြေးနန်းတွင် ဖော်ပြထားသည်။

အဆိုပါကြေးနန်းများတွင် ရန်ကုန်ရှိ သြစတြေးလျ သံအမတ် မီရှဲလ်ချန်းကိုလည်း မြန်မာအစိုးရ အရာရှိတဦးက `မြန်မာနဲ့ မြောက်ကိုရီးယားနိုင်ငံတို့ရဲ့ ဆက်ဆံမှုဟာ သမရိုးကျ လက်နက်များအတွက်သာ မဟုတ်ဘဲ မြန်မာနိုင်ငံတွင် ကြာမြင့်စွာ ဖြစ်ပေါ်နေခဲ့သည့် လျှပ်စစ်ဓာတ်အား မလုံလောက်သည့် ပြဿနာကို ဖြေရှင်းရန် ရည်ရွယ်သည့် ငြိမ်းချမ်းစွာ အနုမြူစွမ်းအင် အသုံးပြုရေးလဲ ပါဝင်ကြောင်း´ လွန်ခဲ့သော သြဂုတ်လက ပြောဆိုခဲ့သည်ဟုလည်း ဖော်ပြထားသည်။

သို့သော် ထူးထူးခြားခြားပင် အထက်ပါ ပြောဆိုချက်ကို အဆိုပါသတင်းရင်းမြစ်က ပြန်လည် ရုတ်သိမ်းသွားခဲ့ပြီး မြန်မာနှင့် မြောက်ကိုရီးယား နိုင်ငံအကြား အနုမြူ အစီအစဉ်တရပ် အမှန်စင်စစ် လုပ်ကိုင်နေခြင်း မရှိကြောင်း ပြောဆိုသွားခဲ့သည်ဟု နောက်ပိုင်းပေးပို့သော ကြေးနန်းများတွင် ဆက်လက် ဖော်ပြခဲ့သည်။

ဤသို့ပထမပြောဆိုချက်ကို ပြန်လည် ရုတ်သိမ်းသွားမှုကို တုံ့ပြန်သည့် အနေဖြင့် ရန်ကုန်ရှိ အမေရိကန်သံရုံး၏ ဝန်ထမ်းတဦးက လွန်ခဲ့သည့် နိုဝင်ဘာလက ကောက်ချက်ချရာတွင် `လိုရင်းအချက်-မြန်မာအစိုးရနှင့် ကိုရီးယားဒီမိုကရက်တစ် ပြည်သူ့သမ္မတနိုင်ငံ တို့အကြား ပူးပေါင်း ဆောင်ရွက်မှုများသည် ဆက်လက်၍ လျှို့ဝှက်နေဆဲပင် ဖြစ်သည်။ တခုခု ဖြစ်ပွားနေသည်မှာတော့ သေချာသည်။ အဆိုပါ တစုံတခုတွင် အနုမြူ လက်နက်များလည်း ပါဝင်ပြီး သံရုံးက အစီရင်ခံရမည့် အထူးဦးစားပေး အဆင့်အတန်းတွင် ဆက်လက် ရှိနေသည်´ ဟု ရေးသားထားသည်။

မဇ္ဈိမမှကူးယူဖော်ပြသည်။

ယနေ့ရွှေဂုံတိုင် အဖွဲ့ချုပ်ရုံးမှာ ကျင်းပ ပြုလုပ်တဲ့ ပြည်ထောင်စု စိတ်ဓာတ်အကြောင်း ဟောပြောပွဲအခမ်းအနား သတင်းဓာတ်ပုံ..

ဒီဇင်ဘာ ၃ရက်နေ့ရ အဖွဲ့ချုပ်သတင်း.. အမေစုသတင်းများ..

အမျိုးသားဒီမိုကရေစီအဖွဲ့ချုပ် အထွေထွေအတွင်းရေးမှူး လူထုခေါင်းဆောင် ဒေါ်အောင်ဆန်းစုကြည်အား ယနေ့မနက်ပိုင်းက ဘန်ကောက် အခြေဆိုက် ဘယ်လ်ဂျီယန်နိုင်ငံ သံအမတ်ကြီးမှ လာရောက်တွေ့ဆုံခဲ့ပြီး ညနေပိုင်းမှာတော့ ရန်ကုန်အခြေဆိုက် သြစတြေးလျ သံအမတ်ကြီးတို့မှ လာရောက်တွေ့ဆုံခဲ့ကြကြောင်း အမျိုးသားဒီမိုကရေစီအဖွဲ့ချုပ် ပြောခွင့်ရပုဂ္ဂိုလ် ဦးဥာဏ်ဝင်းက ပြောဆိုပါတယ်။

ယနေ့ မနက်ပိုင်းကလည်း ရွှေဂုံတိုင် အဖွဲ့ချုပ်ရုံးမှာ ပြည်သူ့လွှတ်တော် ကိုယ်စားပြုကော်မတီ(CRPP) အစည်းအဝေးပြုလုပ်ခဲ့ကြောင်း ဆက်လက် ပြောဆိုသွားပါတယ်..။

လူထုခေါင်းဆောင် အမေစုသတင်းများ

လာမည့် ဒီဇင်ဘာလ ၈ရက် ဗုဒ္ဓဟူးနေ့မှာ အမျိုးသားဒီမိုကရေစီအဖွဲ့ချုပ် အဖွဲ့ချုပ်ရုံးရှေ့မှာ သံဃာတော်များအား ဆွမ်းလောင်းလှူပွဲ ပြုလုပ်မှာ ဖြစ်ပြီး လူထုခေါင်းဆောင် ဒေါ်အောင်ဆန်းစုကြည် ကိုယ်တိုင် တက်ရောက် ဆွမ်းလောင်းလှူမှာ ဖြစ်ပါတယ်..။ လာမယ့်ရက်ပိုင်းအတွင်းမှာလည်း ဘားလမ်းရှိ မွတ်စလင် ကုသိုလ်ဖြစ်ဆေးရုံကို သွားရောက် လေ့လာမှာ ဖြစ်ကြောင်း အဖွဲ့ချုပ် နဲ့နီးစပ်တဲ့ သတင်းရပ်ကွက်မှ ပြောဆိုပါတယ်..။

နိုဝင်ဘာလ (၂၃)ရက်နေ့က မိခင်နှင့်သား တွေဆုံစဉ် ဓာတ်ပုံ..
ကိုထိန်လင်း လာမည့် အင်္ဂါနေ့ မြန်မာနိုင်ငံမှ ပြန်လည် ထွက်ခွာမည်..

ပြီးခဲ့တဲ့ နိုဝင်ဘာလ (၂၃)ရက်နေ့က ၁၀နှစ်ကျော်ကြာ ကွဲကွာနေတဲ့ မိခင်ဖြစ်သူ ဒေါ်အောင်ဆန်းစုကြည်နဲ့ တွေ့ဆုံဖို့ရန်ကုန်မြို့ကို ရောက်ရှိနေတဲ့ လူထုခေါင်းဆောင် ဒေါ်အောင်ဆန်းစုကြည်ရဲ့ သားငယ် ကိုထိန်လင်း ခေါ် Kim Aris ဟာ ပြည်ဝင်ခွင့် ဗီဇာ(၂)ပတ်ပြည့်မယ့် လာမည့် ဒီဇင်ဘာလ (၇)ရက်နေ့ အဂါင်္နေ့မှာ မြန်မာနိုင်ငံမှ ပြန်လည် ထွက်ခွာမှာ ဖြစ်ကြောင်း သိရှိရပါတယ်..။ မနေ့က အဖွဲ့ချုပ်ရုံးမှာ ပြုလုပ်တဲ့ ကမ္ဘာ့ AIDS နေ့ အခမ်းအနားမှာလည်း ကိုထိန်လင်းဟာ မြန်မာပြည်သား အနုပညာရှင်များနဲ့ တွဲဘက်ပြီး တက်တက်ကြွကြွ ပါဝင်ဖျော်ဖြေခဲ့သလို.. ပြီးခဲ့တဲ့ နိုဝင်ဘာလ (၃၀)ရက်နေ့ ဗိုလ်ချုပ်အောင်ဆန်းဈေးသို့ သွားရောက်စဉ်မှာလည်း မိခင်ဖြစ်သူ လုံခြုံရေးအတွက် အထူးစောင့်ရှောက် ပေးခဲ့ပါတယ်..။ ကိုထိန်လင်း ခေါ် Kim Aris ဟာ ယခုလက်ရှိ အင်္ဂလန်နိုင်ငံမှာ နေထိုင်လျှက်ရှိပါတယ်...။