အလင်းအိမ် (၅) နှစ်ပြည့် အထိမ်းအမှတ် ဆုရ၀တ္ထုတိုများ

Alin Eain Short Stories

ကဗျာဆရာ၊ စာရေးဆရာကြီး ဒဂုန်တာရာ၏ (၉၂) နှစ်ပြည့်မွေးနေ့အခမ်းအနား (ရုပ်သံ)

မြန်မာနိုင်ငံမှာ အဓိပ္ပာယ်ရှိတဲ့ အပြောင်းအလဲ မရှိသေးဘူးလို့ ဒေါ်အောင်ဆန်းစုကြည်ပြော

<မြန်မာနိုင်ငံမှာ နှစ်ပေါင်း ၂၀ အတွင်း ပထမဆုံး ရွေးကောက်ပွဲ တရပ် ပေါ်ပေါက်ခဲ့ပေမယ့် အဓိပ္ပာယ်ရှိတဲ့ အပြောင်းအလဲ မရှိသေးဘူးလို့ ဒေါ်အောင်ဆန်းစုကြည်က ပြောကြားလိုက်ပါတယ်။



(Photo: AFP)

နေအိမ်အကျယ်ချုပ်မှ လွတ်လာပြီးနောက် ပါတီ တာဝန်များကို ပြန်လည် ထမ်းဆောင်ရန် ပထမဆုံးနေ့အဖြစ် နိုဝင်ဘာ ၁၅ ရက်က ဒေါ်အောင်ဆန်းစုကြည် အမျိုးသား ဒီမိုကရေစီ အဖွဲ့ချုပ် ဌာနချုပ်ရုံးသို့ ရောက်ရှိလာစဉ် လူထု ပရိသတ်က ဝိုင်းဝန်း ဆီးကြို နှုတ်ဆက်နေပုံ ဖြစ်ပါသည်။ (Photo: AFP)

အခု အပတ်အတွင်း ဂျာမနီ ရုပ်သံသတင်းဌာန DW-TV နဲ့ တယ်လီဖုန်း ဆက်သွယ် မေးမြန်းခန်းမှာ မိမိအနေနဲ့ အခုအချိန် အထိ မြန်မာနိုင်ငံမှာ အဓိပ္ပာယ်ရှိတဲ့ အပြောင်းအလဲ ဘာတခုမှ မတွေ့ရသေးကြောင်း၊ ရွေးကောက်ပွဲ တရပ်ရှိခဲ့ပြီး ဒီရွေးကောက်ပွဲ အပြီး အစိုးရသစ် ဟာလည်း ရွေးကောက်ပွဲ မတိုင်ခင် အစိုးရ လက်ထက်က လူတွေပဲ ဖြစ်ကြောင်း၊ တကယ်စင်စစ် ပြောင်းလဲလာမလား ဆိုတာတော့ စောင့်ကြည့်နေရဆဲ ဖြစ်ကြောင်း ဒေါ်အောင်ဆန်းစုကြည်က ပြောကြားပါတယ်။

နိုင်ငံရေး အကျဉ်းသားတွေ လွှတ် မပေးမချင်း၊ မိမိတို့ နိုင်ငံရေး လုပ်ငန်းစဉ်မှာ ပါဝင်ခွင့် မပေးမချင်း၊ မြန်မာနိုင်ငံမှာ အမှန် တကယ် ပြောင်းလဲတယ်ဆိုတာ မိမိ မယူဆဘူးလို့လည်း ဂျာမန် ရုပ်သံဌာနနဲ့ မေးမြန်းခန်းမှာ ဒေါ်အောင်ဆန်းစုကြည်က ပြောကြားပါတယ်။

မြန်မာနိုင်ငံက အာစီယံနိုင်ငံတွေကို အဆိုပြုထားတဲ့ ၂၀၁၄ အာစီယံ ဥက္ကဌ နေရာကို အာစီယံက ပေးအပ်တာဟာ မြန်မာ့ ဒီမိုကရေစီရေး အတွက် ဘယ်နည်းနဲ့မှ အထောက်ကူ မရနိုင်ကြောင်း၊ ဒါပေမယ့် အာစီယံ ဥက္ကဌ နေရာ အတွက် အခြေအနေ သတ်မှတ်ချက်တွေ ပါရှိမယ် ဆိုရင် အထောက်အကူ ပြုနိုင်ကြောင်း၊ ဥပမာ ဥက္ကဌ နေရာ မရယူခင် အပြောင်းအလဲ တချို့ လုပ်ဆောင်ဖို့ မဖြစ်မနေ လိုအပ်တယ် ဆိုတဲ့ အချက်မျိုး ပါဝင်တယ် ဆိုရင် မြန်မာ့ ဒီမိုကရေစီရေး အတွက် အထောက်အကူ ဖြစ်နိုင်ကြောင်းလည်း ဒေါ်အောင်ဆန်းစုကြည်က ဖြေကြားခဲ့တယ်လို့ သိရပါတယ်။

Copyright © 1998-2011 Radio Free Asia. All rights reserved

မတရားဖမ်းဆီးထားသောနိုင်ငံရေးအကျဉ်းသားများကိုချွင်းချက်မရှိပြန်လွှတ်ပေးရေးလက်မှတ်ထိုးပွဲ -နဂိုယာ

အသစ်တက်လာသောမြန်မာနိူင်ငံ အရပ်သားအစိုးရကို နိုင်ငံရေးအကျဉ်းသားများ ချွင်းချက်မရှိ့လွှတ်ပေးရေး တောင်းဆိုမှု့တွေကိုမြန်မာနှစ်ဆန်း ၁ရက်နေ့က စတင်လိုက်ချိန်ကစပြီးယနေ့အချိန်ထိ မြန်မာနိုင်ငံပြည်တွင် ပြည်ပတို့တွင် ကျယ်ကျယ်ပြန့်ပြန့် အရှိန်အဟုန်ကောင်းစွာ လှုပ်ရှားမှု့များ ရှိ့နေပါသည်။လူထုအခြေပြုလူငယ်ကွန်ယက်များက စတင်ခဲ့သောဒီလှုပ်ရှားမှု့များကို NLD အဖွဲ့ချုပ်ကြီးမှလည်းအပြည့်အ၀ပူးပေါင်းပါဝင်ခဲ့ပါသည်။ကျွန်တော်တို့နဂိုရာရောက် ဒီမိုကရေစီအရေးတက်ကြွလှုပ်ရှားသူများမှလည်း ပြည်တွင်းအဖွဲ့အစည်းများ နှင့်စည်းချက်ညီစွာ မတရားဖမ်းဆီးထားသော နိုင်ငံရေအကျဉ်းသားများလွှတ်ပေးရေး အပါအ၀င်အခြားတောင်းဆိုချက်များကို တောင်းဆိုလက်မှတ်ထိုးပွဲကို tokai-dori,kyuban danchi. information center hall တွင်အောင်မြင်စွာ လက်မှတ်ထိုးတောင်ဆိုခဲ့ကြပါသည်။ယနေ့ကောက်ယူရရှိ့သော လက်မှတ်များကို တိုကျိုရှိ့ မြန်မာသံရုံးကို ပေးပို့မည်ဖြစ်ပါသည်။

အာဆီယံ မြန်မာ အပြန်အလှန် အရေးပါမှု ဒေါ်စုထောက်ပြ

အရှေ့တောင်အာရှ နိုင်ငံတွေဟာ မြန်မာနိုင်ငံအတွက် အရေးပါသလို မြန်မာနိုင်ငံဟာလည်း အရှေ့တောင်အာရှ နိုင်ငံတွေအတွက် အရေးပါမယ်လို့ မျှော်လင့်တဲ့အကြောင်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ဒါ့အပြင် ဒီမိုကရေစီနဲ့ ပတ်သက်ပြီး အာရှတန်ဖိုးနဲ့ အနောက်တိုင်းတန်ဖိုး ကွာခြားတယ်ဆိုတဲ့ ပြောဆိုချက်တွေအပေါ်၊ မြန်မာနိုင်ငံရဲ့ ဒီမိုကရေစီ လှုပ်ရှားမှုနဲ့ ပတ်သက်တာ၊ အင်ဒိုနီးရှားနိုင်ငံ အာဏာရှင်စနစ်ကနေ ဒီမိုကရေစီနိုင်ငံဆီ အသွင်ကူးပြောင်းခဲ့တဲ့အပေါ် စတာတွေကိုလည်း ထည့်သွင်း ပြောဆိုသွားသလို မြန်မာ့ဒီမိုကရေစီရေးအတွက် ၀ိုင်းဝန်း ကူညီကြဖို့ကိုလည်း ပန်ကြားခဲ့ပါတယ်။ အပြည့်အစုံကို ဘန်ကောက်ကနေ ကိုကျော်ကျော်သိန်းက သတင်းပေးပို့ထားပါတယ်။

မေလ ၃ ရက်နေ့ကနေ ၅ ရက်နေ့အထိ အင်ဒိုနီးရှားနိုင်ငံ၊ ဂျကာတာမြို့တော်မှာ ကျင်းပမယ့် အာဆီယံ အရပ်ဘက် လူမှု အဖွဲ့အစည်းတွေရဲ့ ကွန်ဖရင့် ACSF နဲ့ အာဆီယံ လူထုဖိုရမ် APF ဖွင့်ပွဲနေ့အတွက် ကြိုတင် အသံသွင်း ရိုက်ကူးထားတဲ့ ဗွီဒီယိုမှာ ဒေါ်အောင်ဆန်းစုကြည်က အာဆီယံနဲ့ မြန်မာနိုင်ငံ အပြန်အလှန် အရေးပါမှုကို ထောက်ပြ ပြောဆိုခဲ့တာ ဖြစ်ပါတယ်။

“မြန်မာနိုင်ငံဟာ အာဆီယံရဲ့ တစိတ်တပိုင်း ဖြစ်ပါတယ်။ ကျမတို့ မြန်မာလူထုဟာ အာဆီယံ ဒေသတွင်း တခြားနိုင်ငံတွေက လူထုနဲ့ အင်မတန် နီးနီးကပ်ကပ် လက်တွဲ လုပ်ဆောင်ချင်ပါတယ်။ အာဆီယံဟာ ကျမတို့ အကျိုးစီးပွားအတွက်၊ ကျမတို့ အနာဂတ်အတွက် အင်မတန် အရေးပါပါတယ်။ ကျမတို့ဟာလည်း အာဆီယံအတွက် အင်မတန် အရေးပါမယ်လို့ ကျမတို့ မျှော်လင့်ပါတယ်။”

အာရှတန်ဖိုးနဲ့ အနောက်တိုင်းတန်ဖိုးတွေဟာ ကွာခြားတယ်လို့ လူအတော်များများက ဆိုကြကြောင်း၊ ဒီလိုပြောတာဟာ မိမိတို့ရဲ့ ဒီမိုကရေစီရေး လှုပ်ရှားမှုကို ဆန့်ကျင် ငြင်းခုန်ဖို့အတွက် ပြောဆိုကြတာဖြစ်ကြောင်း စသည်အားဖြင့် ပြောပြီး မြန်မာ့ဒီမိုကရေစီရေး လှုပ်ရှားမှုနဲ့ ပတ်သက်လို့ ဒေါ်အောင်ဆန်းစုကြည်က အကျယ်တ၀ံ့ ပြောဆိုခဲ့ပါတယ်။

မြန်မာလူထု နားလည်ခဲ့တာက သူတို့ဟာ လုံခြုံမှုကို လိုချင်တယ်၊ လွတ်လပ်မှုကို လိုချင်တယ်၊ သူတို့ကိုယ်တိုင်ရဲ့ ကံကြမ္မာကို သူတို့ဘာသာ ပုံဖော်ချင်တယ်၊ ကြောက်ရွံ့မှုတွေကနေ ကင်းလွတ်တဲ့ မြေပေါ်မှာ နေထိုင်ချင်တယ်၊ သူတို့အစိုးရကို သူတို့ကိုယ်တိုင် ရွေးကောက်တင်မြှောက်နိုင်တဲ့ နိုင်ငံမှာ နေထိုင်ချင်တယ် ဆိုတာတွေပဲ ဖြစ်တယ်လို့ ပြောပါတယ်။

“ဒါကြောင့် ကျမတို့ မြန်မာနိုင်ငံမှာ လုပ်ဖို့ ကြိုးစားနေတာက ကျမတို့ ဘ၀တွေ ပိုမိုကောင်းမွန်လာစေဖို့ ဖြစ်ပါတယ်။ အဲဒီအတွက် အကောင်းဆုံး လုပ်နိုင်တဲ့ နည်းလမ်းကတော့ ဒီမိုကရေစီ အဖွဲ့အစည်းတွေကနေ တဆင့် လုပ်ဖို့ပဲ ဖြစ်တယ်လို့ ကျမတို့ ယုံကြည်ပါတယ်။”

မြန်မာနိုင်ငံက ဒီမိုကရေစီမှာ မြန်မာအရသာ၊ မြန်မာ့သွင်ပြင် လက္ခဏာ သဏ္ဌာန်တွေ ပါနေမှာကတော့ ရှောင်လွှဲလို့ မရနိုင်ကြောင်း၊ ဒါပေမဲ့ ဒီမိုကရေစီရဲ့ အခြေခံ ကျိုးကြောင်း သဘောတရားတွေကိုတော့ မျက်ကွယ်ပြုဖို့ မဖြစ်နိုင်ဘူးလို့ ဆိုပါတယ်။ အဲဒါတွေကို မျက်ကွယ်ပြုလိုက်ရင်တော့ မိမိတို့ရတာဟာ ဒီမိုကရေစီဖြစ်မှာ မဟုတ်ဘဲ ပုံတူပဲ ဖြစ်လိမ့်မယ်လို့ ဒေါ်အောင်ဆန်းစုကြည်က ပြောပါတယ်။

အခု အာဆီယံ လူမှုအဖွဲ့အစည်းတွေရဲ့ အစည်းအဝေးတွေ ကျင်းပတဲ့ အင်ဒိုနီးရှားနိုင်ငံ ကိုယ်တိုင်က အာဏာရှင်စနစ်ကနေ ဒီမိုကရေစီနိုင်ငံအဖြစ် အသွင်ပြောင်းခဲ့တဲ့ နိုင်ငံပါ။ အဲဒီအပေါ် အားကျ လေးစားတဲ့အကြောင်း၊ မိမိတို့လည်း အဲဒီလိုပဲ ဖြစ်ချင်တဲ့အပြင် ပိုပြီးတော့တောင်မှ ဖြစ်ချင်ပါတယ်လို့ဆိုပြီး မြန်မာ့ဒီမိုကရေစီရေးအတွက် ၀ိုင်းဝန်းကူညီကြဖို့ ပန်ကြားခဲ့ပါတယ်။

“တကိုယ်ကောင်းဆန်တဲ့ သဘော မဟုတ်ဘဲ မြန်မာနိုင်ငံက ဒီမိုကရေစီရေးအတွက် ကူညီကြပါလို့ ကျမ ပန်ကြားပါတယ်။ ကျမတို့နိုင်ငံမှာ အရပ်ဘက် လူမှုအဖွဲ့အစည်းတွေ အားကောင်းလာစေရေး ကြိုးပမ်းတဲ့နေရာမှာ ကူညီကြပါလို့ ပန်ကြားပါတယ်။”

ဒေါ်အောင်ဆန်းစုကြည်ရဲ့ မိန့်ခွန်းအပေါ် အစည်းအဝေး တက်ရောက်နေသူတွေက ကျေနပ်အားရစွာ တခဲနက် တုံ့ပြန်ခဲ့ကြတယ်လို့ ပါဝင်တက်ရောက်နေသူ တဦးဖြစ်တဲ့ မြန်မာ့ရေးရာ ပူးပေါင်းဆောင်ရွက်ရေးအဖွဲ့က လုပ်ငန်းညှိနှိုင်းရေးမှူး မခင်ဥမ္မာက ပြောပါတယ်။

“အစိုးရဆိုတာက အရေးကြီးတော့ ကြီးတယ်၊ ဒါပေမဲ့ လူထုက ပိုအရေးကြီးတယ်။ အစိုးရဆိုတာ အထူးသဖြင့် ပြည်သူအတွက် အကျိုးဆောင်နေတဲ့ အစိုးရ ဆိုတာကို ဒေါ်အောင်ဆန်းစုကြည် ပြောတဲ့အချိန်မှာ လက်ခုပ်သံတွေ တက်လာတယ်။ ပြီးသွားတဲ့အချိန်မှာ လက်ခုပ်သံတွေက တခန်းလုံးလျှံတယ်။ အရမ်း ၀မ်းသာအားရ ဖြစ်ကြတာပေါ့။ တချို့ဆိုရင် ကျမတွေ့တာ မျက်ရည်တွေဘာတွေ လည်ပြီး အဲဒီလိုမျိုး ဖြစ်ကြတယ်။”

အခုအစည်းအဝေးတွေမှာ ဒေသတွင်း နိုင်ငံတွေက အရပ်ဘက် လူမှုအဖွဲ့အစည်းတွေရဲ့ ကိုယ်စားလှယ်တွေ တက်ရောက်နေကြပြီး စုစုပေါင်း လူ ၁,၂၀၀ ပတ်ဝန်းကျင် ရှိမယ်လို့ မခင်ဥမ္မာက ပြောပါတယ်။ ဒီအစည်းအဝေးတွေကနေ ထွက်လာတဲ့ တောင်းဆိုချက်တွေနဲ့ သဘောထားတွေကိုတော့ မကြာခင်မှာ ကျင်းပမယ့် အာဆီယံ ထိပ်သီးအစည်းအဝေးဆီ ပေးပို့မယ်လို့ ပြောပါတယ်။
VOAသတင်းမှကူးယူဖေါ်ပြပါသည်။

အလုပ်သမားအဖွဲ့ချုပ် ဦးဆောင်ဖွဲ့ စည်းရေး NLD က ပြန်လည် ရှင်းလင်း

အမျိုးသားဒီမိုကရေစီအဖွဲ့ချုပ်က ထုတ်ပြန်ခဲ့တဲ့ မေဒေးနေ့ ကြေညာချက်မှာ နိုင်ငံလုံးဆိုင်ရာ အလုပ်သမား အစည်းအရုံးအဖွဲ့ ချုပ် ကိစ္စနဲ့ ပတ်သက်ပြီး ရေးသားထားတဲ့ စာသားမှာ အဓိပ္ပါယ်ကောက်ယူမှု လွဲချော်နိုင်တဲ့အတွက် ဒီကနေ့ ပြန်လည်ပြင်ဆင် ကြေညာ လိုက်ပါတယ်။
ပထမ ကြေညာချက်မှာ နိုင်ငံလုံးဆိုင်ရာ အလုပ်သမား အစည်းအရုံး အဖွဲ့ချုပ် ဖွဲ့ စည်း တည်ထောင်ပြီး အလုပ်သမား အကျိုးကို NLD က အမြဲတမ်း ကာကွယ် စောင့်ရှောက်သွားမယ်လို့ ရေးသားထား ပါတယ်။

ဒီရေးသားချက်အရ အလုပ်သမားအဖွဲ့ ကို NLD က ဦးဆောင် ဖွဲ့စည်းမယ့်သဘော သက်ရောက် သွားခဲ့ပါတယ်။ တကယ်တမ်း ဆိုလိုချင်တာက အလုပ်သမားအဖွဲ့ ကို NLD က ဦးဆောင်ဖွဲ့ စည်းမှာ မဟုတ်ပဲ အလုပ်သမားအဖွဲ့ ပေါ်ပေါက်လာပြီးတဲ့အခါမှာ NLD က ပံ့ပိုးကူညီသွားမယ်လို့ ဆိုလိုတာ ဖြစ်ကြောင်း NLD ပြောခွင့်ရပုဂ္ဂိုလ် ဦးဥာဏ်ဝင်းက RFA ကို ပြောပါတယ်။

"ကျတော်တို့ အရင်ထုတ်လိုက်တဲ့အထဲမှာ ၀ါကျ အထားအသိုလွဲနေလို့ အဓိပ္ပါယ် နှစ်မျိုး သုံးမျိုး ပြောလာကြတယ်။ အဲဒါကြောင့်။ ဆိုလိုတဲ့ သဘောက အလုပ်သမား အဖွဲ့ချုပ်ကို NLD က ဖွဲ့မယ်ဆိုတဲ့ သဘော တချို့က သက်ရောက်နေတယ်။ အဲဒါကြောင့် အဲလို မဟုတ်ဘူး။ အလုပ်သမား အဖွဲ့ကတော့ ကိုယ့်ဖာသာကိုယ် ဖွဲ့ကြမယ်။ အဲလို ဖွဲ့ပြီးတဲ့ အခါမှာ အဖွဲ့ချုပ်ကနေပြီးတော့ အလုပ်သမား အကျိုးအတွက် ကာကွယ်စောင့်ရှောက်တဲ့ လုပ်ငန်းတွေကို လုပ်သွားမယ်လို့ အဲလို ပြင်တာပါ။"

တကယ်တမ်း အလုပ်သမားအဖွဲ့ချုပ်ကို ဖွဲ့ စည်းရမယ့် ပုဂ္ဂိုလ်တွေက သက်ဆိုင်ရာ အလုပ်သမားတွေ ကိုယ်တိုင်ပဲ ဖြစ်တယ်လို့  ဦးဥာဏ်ဝင်းက ပြောပါတယ်။
RFAသတင်းမှကူးယူဖေါ်ပြပါသည်။

ဒီမိုကရေစီနည်းကျ အလုပ်သမားသမဂ္ဂ NLD ဖွဲ့မည်

မြန်မာနိုင်ငံမှာ နိုင်ငံရေးစနစ် ပြောင်းလဲလာတာနဲ့ အမျှ အလုပ်သမားတွေရဲ့ အခွင့်အရေးတွေ ပြန်လည် ရရှိလာဖို့ အမျိုးသား ဒီမိုကရေစီအဖွဲ့ချုပ် က ဦးဆောင်ပြီး နိုင်ငံလုံးဆိုင်ရာ အလုပ်သမား အစည်းအရုံး အဖွဲ့ချုပ် Trades Union Congress ဖွဲ့စည်းထူထောင်မယ့်အကြောင်း မေလ ၁ ရက် နေ့စွဲနဲ့ ကြေညာခဲ့ပါတယ်။သမ္မတဦးသိန်းစိန်ရဲ့ မိန့်ခွန်းတွေအရ ဒီမိုကရေစီ အသွင်ကူးပြောင်းရေး ဖြစ်လာတဲ့အတွက် အလုပ်သမားနဲ့ လယ်သမား အခြေခံ အခွင့်အရေးတွေကို ကာကွယ်စောင့်ရှောက်နိုင်ဖို့ အလုပ်သမား အဖွဲ့အစည်းတွေ လိုအပ်လာကြောင်း၊ ဒီလိုအပ်ချက်ကို ILO ပြဋ္ဌာန်းချက်တွေနဲ့ အညီ နိုင်ငံလုံးဆိုင်ရာ အလုပ်သမားသမဂ္ဂ အဖွဲ့ချုပ်ကို ထူထောင်ပြီး အလုပ်သမားထု အကျိုးကို ကာကွယ် စောင့်ရှောက်သွားမယ်လို့လည်း ကြေညာချက်မှာ ဖော်ပြထားပါတယ်။

ဒီကြေညာချက်ဟာ မြန်မာနိုင်ငံမှာ လိုအပ်နေတဲ့ အလုပ်သမားရေး ဆိုင်ရာ အဖွဲ့အစည်းတရပ် ပေါ်လာဖို့ ရည်ရွယ်သလို မြန်မာအစိုးရသစ်ရဲ့ ဒီမိုကရေစီ အသွင်ကူးပြောင်းမှုအပေါ် စမ်းသပ်ချက်လည်း ဖြစ်တယ်လို့ NLD က ပြောပါတယ်။

အလုပ်သမားနဲ့ လယ်သမားရေး ဆောင်ရွက်နေတဲ့ NLD ဗဟိုအလုပ်အမှုဆောင် အဖွဲ့ဝင် ဦးသန်းထွန်းကို RFA က ကိုကျော်မင်းထွန်းက ဆက်သွယ် မေးမြန်းထားပါတယ်။
RFAသတင်းမှကူးယူဖေါ်ပြပါသည်။