(၂၀၁၀)ရွေးကောက်ပွဲအား ဆန့်ကျင်ဆန္ဒပြ

News from LDB (Nagoya)


မြန်မာနိုင်ငံ(၂၀၁၀)ရွေးကောက်ပွဲအား ဆန့်ကျင်ရှုံ့ချဆန္ဒပြပွဲကို ယနေ့(၂၄-၁၀-၂၀၁၀)တနင်္ဂနွေနေ့၊ နေ့လည်(၁-၃)နာရီအထိ ဂျပန်နိုင်ငံ၊ နဂိုယာမြို့၊ SAKAE တွင်မြန်မာ့ဒီမိုကရေစီအင်အားစုများက တက်ကြွစွာလှုပ်ရှားခဲ့ကြသည်။ အဆိုပါဆန္ဒပြပွဲအား မြန်မာ့ဒီမိုကရေစီအဖွဲ့ချုပ်(နဂိုယာ)မှအဖွဲ့ဝင်အင်အားစုများ၊ အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ)၊ဂျပန်ဌာနခွဲ နဂိုယာစည်းရုံးရေးဒေသမှ အဖွဲ့ဝင်များက စုံညီစွာတက်ရောက် လှုပ်ရှားခဲ့ကြပြီး၊ လက်ရှိပြည်တွင်းရေးကို နားလည်စေရန် စာဆောင်များ ဖြန့်ဝေခဲ့ကြသည်။

ကုလနဲ့ပူးပေါင်းလုပ်ကိုင်မှု အားနည်းလို့ မြန်မာအပေါ် ကုလအတွင်းရေးမှူးချုပ် စိတ်ပျက်

မြန်မာနိုင်ငံအနေနဲ့ နိုင်ငံရေး အကျပ်အတည်းကိုရော လက်နက်ကိုင် ပဋိပက္ခတွေကိုပါ နှစ်ခုစလုံး ကျော်လွှားနိုင်ဖို့ ဆောင်ရွက်ရမှာ ဖြစ်တယ်လို့ ကုလသမဂ္ဂ အတွင်ရေးမှူးချုပ် ဘန်ကီမွန်းက ပြောပါတယ်။ မြန်မာအစိုးရဟာ ပျော့ပြောင်းလာတဲ့ လက္ခဏာအချို့ တွေ့ရပေမဲ့ နိုင်ငံရေး အကျဉ်းသားတွေ ဆက်ပြီး ဖမ်းဆီးထားတာကြောင့် စိုးရိမ်စရာ အခြေအနေ ရှိနေတုန်းပဲလို့လည်း အတွင်းရေးမှူးချုပ်က ပြောခဲ့ပါတယ်။ အကြောင်းစုံကို ကိုသားညွန့်ဦးက တင်ပြထားပါတယ်။

မြန်မာနိုင်ငံမှာ အပြောင်းအလဲတွေ ဖြစ်နေပြီဆိုတာ သိသာအထင်ရှားဆုံး လုပ်ရပ်အနေနဲ့ အထိန်းသိမ်းခံနေရတဲ့ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေကို လွှတ်ပေးဖို့ လိုမယ်လို့ အခု ကျင်းပနေတဲ့ ကုလသမဂ္ဂ အထွေထွေ ညီလာခံအတွက် မနေ့က အတွင်းရေးမှူးချုပ်ရဲ့ မြန်မာနိုင်ငံ လူ့အခွင့်အရေး အခြေအနေ အစီရင်ခံစာထဲမှာ ထည့်သွင်း ရေးထားပါတယ်။ မြန်မာနိုင်ငံအနေနဲ့ ကြုံနေရတဲ့ အဓိက ပြဿနာ နှစ်ရပ်ကိုလည်း အတွင်းရေးမှူးချုပ်က ထောက်ပြခဲ့တယ်လို့ အတွင်းရေးမှူးချုပ် ပြောခွင့်ရသူ Martin Nesirky ပြောပါတယ်။

“မြန်မာနိုင်ငံအနေနဲ့ ကြုံနေရတဲ့ နိုင်ငံရေး အကျပ်အတည်းရော လက်နက်ကိုင် ပဋိပက္ခကိုပါ နှစ်ခုစလုံး ကျော်လွှားနိုင်ဖို့ အတွင်းရေးမှူးချုပ်က တိုက်တွန်းထားပါတယ်။ လူ့အခွင့်အရေး လေးစားလိုက်နာဖို့ရော အမျိုးသား ပြန်လည် သင့်မြတ်ရေးနဲ့ ဒီမိုကရေစီ ဖြစ်ထွန်းရေး ကိစ္စတွေပါ။ ဒါတွေဟာ မြန်မာနိုင်ငံအနေနဲ့ တပြိုင်နက်တည်း ရင်ဆိုင်ရမယ့် စိန်ခေါ်ချက်တွေ ဖြစ်တယ်လို့လည်း သူက ထောက်ပြခဲ့ပါတယ်။”

မြန်မာအစိုးရအနေနဲ့ အတိုက်အခံတွေနဲ့ တွေ့ဆုံပြီး ရွေးကောက်ပွဲမှာ အားလုံး ပါဝင်နိုင်အောင် လုပ်ပေးဖို့နဲ့ အမျိုးသား ပြန်လည် သင့်မြတ်ရေးအတွက် ခြေလှမ်းကောင်းတွေ စတင်ဖို့ အတွင်းရေးမှူးချုပ်အနေနဲ့ မြန်မာအစိုးရကို အတန်တန် ပြောဆိုခဲ့ပါတယ်။ ဒါပေမဲ့လည်း မြန်မာအစိုးရဖက်က ဒီတောင်းဆိုမှုတွေကို လျစ်လျူပြုခဲ့တာအပြင် အတွင်းရေးမှူးချုပ်ရုံးနဲ့ ဆက်စပ်ပြီး နိုင်ငံတကာက ကျေနပ်လာအောင် အပြောင်းအလဲတွေ မလုပ်နိုင်ခဲ့တာတွေအတွက် စိတ်ပျက်စရာပါပဲလို့ အတွင်းရေးမှူးချုပ်က အဲဒီ အစီရင်ခံစာထဲမှာ ဖော်ပြခဲ့ပါတယ်။ နိုင်ငံရေး အင်အားစုတွေအကြား စစ်မှန်တဲ့ တွေ့ဆုံညှိနှိုင်းမှုတွေ ပေါ်လာဖို့ ဆောင်ရွက်မယ့် အတွင်းရေးမှူးချုပ်ရဲ့ မြန်မာနိုင်ငံ အထူး ကိုယ်စားလှယ်ဟာလည်း မြန်မာနိုင်ငံတွင်းကို မသွားရောက်နိုင်ခဲ့ဘူးလို့ အစီရင်ခံစာမှာ ဖော်ပြထားပါတယ်။

ဒါပေမဲ့လည်း မြန်မာနိုင်ငံမှာ စစ်အစိုးရဖက်က ပျော့ပြောင်းလာတဲ့ လက္ခဏာအချို့ ရှိတယ်လို့ မစ္စတာဘန်ကီမွန်းက ယူဆပုံရပါတယ်။ ဒီလို ပျော့ပြောင်းလာတဲ့ လက္ခဏာတွေ တွေ့လာရပေမဲ့ နိုင်ငံရေးအကျဉ်းသား အတော်များများ ဆက်ဖမ်းထားတာကိုတော့ အတွင်းရေးမှူးချုပ်က မနှစ်လို့ဘူးလို့ ပြောခွင့်ရသူ Martin Nesirky က ပြောပါတယ်။

“မြန်မာအစိုးရအနေနဲ့ အချို့နေရာတွေမှာ ပျော့ပြောင်းလာတယ် ဆိုတဲ့ လက္ခဏာတွေ ရှိလာပေမဲ့ ဒေါ်အောင်ဆန်းစုကြည်ကို နေအိမ် အကျယ်ချုပ် ဆက်ထားတာနဲ့ နိုင်ငံရေး အကျဉ်းသားတွေကို ဆက်ထိန်းသိမ်းထားတာဟာ အလွန် စိုးရိမ်စရာအခြေအနေအဖြစ် ဆက်ရှိနေတုန်းပါပဲ ဆိုတာကို အတွင်းရေးမှုးချုပ်ရဲ့ မြန်မာနိုင်ငံ လူ့အခွင့်အရေး အခြေအနေ အထွေထွေညီလာခံကို တင်ပြတဲ့ အစီရင်ခံစာထဲမှာ ဖော်ပြထားပါတယ်။”

မြန်မာနိုင်ငံ ရွေးကောက်ပွဲနဲ့ပတ်သက်လို့တော့ ဒီရွေးကောက်ပွဲဟာ မြန်မာနိုင်ငံ ငြိမ်းချမ်းရေး၊ ဒီမိုကရေစီရေးနဲ့ တိုးတက်မှု အလားအလာကောင်းတွေ အတွက် အရေးကြီးတဲ့ စမ်းသပ်ချက် ဖြစ်တယ်လို့လည်း အတွင်းရေးမှူးချုပ်က ထောက်ပြခဲ့ပါတယ်။ ဒါကြောင့် ရွေးကောက်ပွဲဟာ အားလုံး ပါဝင်နိုင်ဖို့၊ အားလုံး လက်ခံနိုင်ဖို့နဲ့ ပွင့်လင်းမြင်သာမှုရှိဖို့ ပိုပြီးလိုအပ်တယ်လို့ ကုလသမဂ္ဂ အတွင်းရေးမှူးချုပ်က သတိပေးခဲ့ပါတယ်။ မြန်မာပြည်သူတွေရဲ့ မျှော်လင့်ချက်အတိုင်း ယုံကြည် လက်ခံလောက်တဲ့ အရပ်သား အုပ်ချုပ်မှုစနစ်တရပ် ပေါ်ထွန်းဖို့ ဗဟိုစံနစ်နဲ့ နိုင်ငံတော်မူဝါဒ ချမှတ်ရေးပိုင်းမှာ ပြည်သူအများ ပါဝင်လာနိုင်ဖို့ အပြောင်းအလဲတွေ လုပ်သွားဖို့ လိုမယ်လို့လည်း အတွင်းရေးမှူးချုပ်က ထောက်ပြထားပါတယ်။

မြန်မာနိုင်ငံဟာ လာမယ့် နိုဝင်ဘာလ ၇ ရက်နေ့ကျရင် နှစ် ၂၀ အတွင်း ပထမဆုံးအကြိမ် ပါတီစုံ ရွေးကောက်ပွဲတွေ စတင်တော့မှာပါ။ ၁၉၈၈ ခုနှစ် စစ်တပ်က အာဏာသိမ်းပြီးနောက် ဒုတိယအကြိမ် လုပ်တဲ့ ရွေးကောက်ပွဲလည်း ဖြစ်ပါတယ်။ ပထမအကြိမ်တုန်းကတော့ ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီအဖွဲ့ချုပ်က အပြတ်အသတ် အနိုင်ရပေမဲ့ စစ်တပ်က အာဏာမလွှဲခဲ့ပါဘူး။ အခု ရွေးကောက်ပွဲကိုတော့ အမျိုးသား ဒီမိုကရေစီအဖွဲ့ချုပ်က သပိတ်မှောက်ထားပါတယ်။ ကုလသမဂ္ဂ အပါအ၀င် နိုင်ငံတကာ အသိုင်းအ၀ိုင်း ရွေးကောက်ပွဲမှာ အားလုံးပါဝင်နိုင်ဖို့ လမ်းဖွင့်ပေးပါလို့ မြန်မာအစိုးရကို တိုက်တွန်းထားပါတယ်။

VOA

အငြိမ်းစား ဗိုလ်ချုပ်ကြီး သူရဦးတင်ဦး၏ ယခင်နှင့် ယခု စင်္ကာပူအတွေ့အကြုံများ (၁)

တပ်မှူးတပ်သား ပြောစကား (၀၃၀)

စင်္ကာပူနိုင်ငံမှာ အောင်မြင်စွာ မျက်စေ့ခွဲစိပ်ကုသမှုခံယူခဲ့တဲ့ အမျိုးသားဒီမိုကရေစီအဖွဲ့ချုပ် ဒုတိယဥက္ကဌ အငြိမ်းစားဗိုလ်ချုပ်ကြီး သူရဦးတင်ဦးဟာ အောက်တိုဘာလ(၁၂)ရက်နေ့က ရန်ကုန်မြို့ကို ပြန်ပြီး ရောက်ရှိလာခဲ့ပါတယ်။ စစ်မှု ထမ်းဘ၀မှာ စစ်ရေးတာဝန်တွေနဲ့ စင်္ကာပူကို ရောက်ရှိခဲ့စဉ်က စစ်ရေးလေ့ကျင့်မှုနဲ့ဆက်စပ်နေတဲ့ စစ်ရေးနိုင်ငံရေး အတွေ့အကြုံ တွေကို ဦးတင်ဦးက ဒီတပတ် “တပ်မှူးတပ်သား ပြောစကား” ကဏ္ဍမှာ ပြောပြထားပြီး ဦးရော်နီညိမ်းက စီစဉ်တင်ဆက်ထားပါတယ်။

ဦးရော်နီညိမ်း ။ ။ အန်ကယ်ဦးတင်ဦး ခင်ဗျာ၊ ကျနော်တို့ ၀မ်းသာပါတယ်။ သတင်းတွေမှာ အန်ကယ်ရဲ့ မျက်စေ့ ဆေးကုသမှုဟာ အပြည့်အ၀ အောင်မြင်ပြီးတော့၊ အန်ကယ်ဟာ အခုဆိုရင် မိတ်ဟောင်း၊ ဆွေဟောင်းတွေက အစ ကြည်ကြည်လင်လင် ပြတ်ပြတ်သားသားနဲ့ ပြန်မြင်ရတယ်။ နောက် စင်္ကာပူမှာလည်း ၀ိုင်းဝန်းပြီးတော့ အန်ကယ့်အပေါ်မှာ မေတ္တာ စေတနာနဲ့ မြန်မာနိုင်ငံသားတွေရဲ့ ထားရှိတဲ့ ဂါရ၀ ကိုလည်း ၀မ်းသာပါတယ် အန်ကယ်။ အခု အန်ကယ်နဲ့ မေးရင်းပြောရင်းနဲ့ပဲ ကျနော် ပြောသွားလိုက်တော့မယ် နော်။

ဦးတင်ဦး ။ ။ ဟုတ်ကဲ့၊ ဟုတ်ကဲ့။

ဦးရော်နီညိမ်း ။ ။ ၁၉၈၈ ခုနှစ် အရေးအခင်းကာလမှာ ဗိုလ်မှူးချုပ်ဟောင်း ဦးအောင်ကြီးရဲ့ (၄၁) မျက်နှာစာတမ်းမှာ သူ ရေးသားခဲ့တယ်။ သူလည်း ဂျပန်စစ်လျှော်ကြေး စစ်မစ်ရှင် အဖွဲ့တွေနဲ့ နိုင်ငံခြားခရီး သွားဖူးတာပဲ။ သို့သော်လည်း သူ အကြာကြီး နိုင်ငံခြား မသွားဖြစ်ဘဲနဲ့ မသွားနိုင်ဘဲနဲ့၊ ၁၉၈၈ နီးတော့မှ သူ သွားခွင့်ရလို့ သွားတဲ့အခါမှာ သြစတြေလျကို သွားတာ။ သွားတဲ့အခါမှာ ထိုင်းနိုင်ငံ ဘန်ကောက်မြို့က ဒွန်မောင်းလေဆိပ်ကို ရောက်ရုံနဲ့တင် မျက်ရည်ဝဲခဲ့ရတယ်ပေါ့။ သူများ တိုင်းပြည် တိုးတက်ကြီးပွားနေတာကြည့်ပြီးတော့ သူက အဲဒီလို ခံစားခဲ့ရဖူးပါတယ် ဆိုပြီးတော့ သူ ရေးသွားခဲ့ဖူးပါတယ်။ နောက်ပိုင်းမှ သူ့ရဲ့နိုင်ငံရေးကိစ္စတွေမှာ အပြောင်းအလဲတွေ ဖြစ်တာက တပိုင်းပေါ့ နော်။ တလောလေးကပဲ “နိုင်ငံတော် ငြိမ်ဝတ်ပိပြားမှုတည်ဆောက်ရေး ကော်မတီ” အဖွဲ့ဝင် အဖြစ်ကနေ အနားယူသွားတဲ့ အငြိမ်းစား ဒုတိယဗိုလ်ချုပ်ကြီးထွန်းကြည်ကလည်း သူရေးခဲ့တဲ့ စာအုပ်ထွက်လာတဲ့ အခါမှာ၊ သူလည်း တပ်မှူးငယ်ဘ၀မှာ အမေရိကားကို သွားပြီး သင်တန်းတက်တဲ့အခါကျတော့ သူ့စိတ်ထဲမှာ ဒွန်မောင်းလေဆိပ် ကိုရောက်တဲ့အခါ မှာ ထိုင်းနိုင်ငံက ဒွန်မောင်း လေဆိပ်ဟာ ငါတို့ ရန်ကုန်က မင်္ဂလာဒုံလေဆိပ်လောက်တောင် မသားနားဘူး၊ ဒို့က သာတယ် ဆိုတာမျိုး သူခံစားမိတဲ့ အကြောင်း သူရေးခဲ့တယ်ပေါ့။ ဒီလိုဆိုတော့ အန်ကယ်ရော စင်္ကာပူလေဆိပ်ကို စရောက်ပြီး စင်္ကာပူနိုင်ငံကို မြင်လိုက်တဲ့အခါမှာ အန်ကယ် စတင်ပြီး ဘယ်လိုခံစားရပါသလဲ ခင်ဗျ။

ဦးတင်ဦး ။ ။ ဘယ်လိုခံစားရသလဲဆိုတော့ MRTV တို့ ဘာတို့မှာ တလောတုန်းက လေယဉ်ကွင်းကြီး ပြီးသွားတာကို ခမ်းနားကြီးကျယ်ပုံတွေ၊ လုပ်ငန်းတွေ ဘယ်လို အထွေ ထွေ များပုံတွေ၊ ဆန်းကျယ်ပုံတွေ စသည်ဖြင့် သီချင်းဆိုပြီး ပြတော၊့ ကျနော်တို့ကလည်း ဒီမှာ အပြင်လည်း မရောက်တော့ကာ၊ ဒီမှာ ရှိနေတဲ့ ထပ်မံပြီး မွမ်းမံချယ်သထားတဲ့ မင်္ဂလာ ဒုံလေဆိပ်ကြီးဟာ တော်တော်ပဲ ကြီးကျယ်ခမ်းနားပြီးတော့ ဖြစ်နေပါပြီလား ဆိုပြီးတော့၊ ဪ ဒါ ပြည်သူပြည်သားတွေအတွက် သူတို့ လုပ်သင့်လုပ်ထိုက်တာကို လုပ်ကိုင်ပေးလိုက် တာပဲ၊ တောတော်ကြီးက်ျပါလားလို့ ထင်လိုက်တာပေါ့ ဗျာ။ ကိုယ်ကလည်း မတွေ့ဖူးပဲကိုး။ ဒါနဲ့ သွားရင်းနဲ့ပဲ ချန်ဂိ (Changi) လေဆိပ်ကို ဆင်းလိုက်တာနဲ့ တပြိုင်တည်းပဲ၊ ချန်ဂိလေ ဆိပ်ဟာ ကျနော်တို့ မင်္ဂလာဒုံမှာရှိတဲ့လေဆိပ်နဲ့က အပြတ်ကွာသွားတာပေါ့ဗျာ။ ကျနော် ဟိုး စစ်အတွင်းတုန်းက တပ်မှူးငယ်ဘ၀နဲ့ ဒီ ချန်ဂိလေဆိပ်ကို ဆင်းဖူးတယ် ခင်ဗျ။ ချန်ဂိလေ ဆိပ်ဟာ အဲဒီတုန်းကတော့ တောလေဆိပ်လို ပါပဲ။ ဒီလောက် မကြီးဘူး မကျယ်ဘူး ခင်ဗျ။ နောက်တခေါက် ဆင်းတုန်းကလည်း၊ အဲဒီအခါ ကျနော် တပ်ရင်းမှူးအနေနဲ့ သွားတဲ့အခါကျ တော့ ချန်ဂိလေဆိပ်ဟ အလတ်တန်းစားလောက်ပဲ။ နောက်ဆုံးတခါ ဆင်းတော့ ကျနော် ဒုကာကွယ်ရေးဦးစီးချုပ်ဘ၀နဲ့ ဒုဝန်ကြီးပေါ့ ဗျာ။

ဦးရော်နီညိမ်း ။ ။ ကာကွယ်ရေးဝန်ကြီးဌာနရဲ့ ဒုဝန်ကြီး အနေနဲ့ သွားတာပေါ့ နော်။

ဦးတင်ဦး ။ ။ ဟုတ်ကဲ့ ဒုဝန်ကြီး ဘ၀နဲ့ on transit ပေါ့ဗျာ၊ ကျနော်က ပထမဦးဆုံး ကွာလာလမ်ပူ (Kuala Lumpur) ကနေ ဆာရာဝက် (Sarawak) သွားတယ်။ ဆာရာဝက်က အပြန်မှာ ချန်ဂိမှာ ဆင်းတာပေါ့။

ဦးရော်နီညိမ်း ။ ။ သြော် မလေးရှားက အပြန်ပေါ့။

ဦးတင်ဦး ။ ။ ကျနော် ကျောင်းတက်ခဲ့တဲ့နေရာ Bokujima ကျောင်းတောင်မှ မရှိတော့ဘူး။ အဲဒီနေရာမှာ တိုက်တွေ ဘာတွေ ဖြစ်နေပြီ။

ဦးရော်နီညိမ်း ။ ။ ဟုတ်ကဲ့ အဲဒီတော့ အန်ကယ် ဘယ်လိုခံစားရပါသလဲ ခင်ဗျ။ အရင်တုန်းက ကိုယ်ကသာ နေရာ ကနေ အခု သူများက ကိုယ့်ထက် အပြတ်သာသွားတာကို။

ဦးတင်ဦး ။ ။ အရင်တုန်းက ကျနော်တို့က သာနေတယ် ခံစားရတာကိုး။ အခုတော့ …….။ ပြောနေရင်း ဗျာ၊ ဦးရော်နီညိမ်း ရေ။ အခု ခင်ဗျားနဲ့ ကျနော် ပြောနေရင်း မီးပြတ်သွားလို့ မီးငြိမ်းသွားပြီး ဗျ။ မှောင်သွားပြီ။ အဲဒီတော့ ကိစ္စ မရှိဘူး၊ အမှောင်ထဲမှာ ပဲ။ အမှောင်ထဲမှာ စမ်းပြီး ပြောကြတာပေါ့။

ဦးရော်နီညိမ်း ။ ။ ဗိုလ်ချုပ်အောင်ကြီးကတော့ မြန်မာ့ဆိုရှယ်လစ်လမ်းစဉ်ကို လုပ်လိုက်တဲ့ အတွက်ကြောင့်မို့လို့ ကိုယ့်တိုင်းပြည်ဟာ အရမ်းကို ခေတ်နောက်ကျသွားတယ်လို့ သူ့ စိတ်ထဲမှာ ခံစားရတဲ့သဘောမျိုး ရေးထားပါတယ်။ အန်ကယ်ကော နိုင်ငံရေးအရ အခု ဘယ်လိုခံစားရပါသလဲ။

ဦးတင်ဦး ။ ။ အဲဒီလိုပဲ ခံစားရတာပေါ့။ တော်တော့်ကို နောက်ကျသွားတယ်လို့ ခံစားရတာပေါ့။ နောက်ကျတယ် ဆိုတာက ဒီလိုလေ။ ကျနော့်တို့ မြန်မာနိုင်ငံမှာ တချိန်တုန်းက ပညာရေးဌာနနဲ့ပတ်သက်ပြီးတော့ အကြီးအကဲလုပ်သွားခဲ့ဖူးတဲ့ ပုဂ္ဂိုလ်တယောက်က ကုလသမဂ္ဂကိုသွားပြီး ပညာရေးဌာနမှာ ၀န်ထမ်းကောင်းတစ်ယောက်အဖြစ်နဲ့ တာဝန် ထမ်း ဆောင်ခဲ့ပြီး အခုတော့ အငြိမ်းစား ယူသွားပြီ။ နံမည်တော့ မပြောတော့ပါဘူး။ သူက ကျနော်နဲ့ အင်မတန် ခင်မင်ပါတယ်။ အခု ဒီရောက်တော့ သူ့ကို ကျနော်လှမ်းပြီး ဆက်သွယ်လိုက် တော့ ကျနော်တို့ စကားပြောဖြစ်တဲ့အခါ၊ ကျနော်က စင်္ကာပူနဲ့ ကျနော်တို့ နိုင်ငံနဲ့ဟာ တော်တော်လေးကို ကွာခြားသွားပြီ နှစ်(၅၀)လောက် နောက်ကျသွားပြီလို့ ပြောတော့ အဲဒီ ပညာရှင်ကြီးက ပြန်ပြောပါတယ်။ သူက မဟုတ်ဘူးတဲ့။ နှစ်(၁၀၀) လောက်တောင် နောက်ကျ သွားပြီ တဲ့။ သေချာကြည့်ပါ တဲ့။ အားလုံး နှစ်(၁၀၀)လောက် နောက်ကျသွားတယ်တဲ့။ အစစအရာရာပေ့ါ လေ။ သူက အဲဒီ လို နောက်ကျသွားပြီလို့ ပြောတာပါပဲ။

ဦးရော်နီညိမ်း ။ ။ သူတို့က ၁၉၆၅ ခုနှစ်ကမှ လွတ်လပ်ရေးရတာ။ ကျနော်တို့ထက် အများကြီး နောက်ကျတယ်။ (၁၇)နှစ်လောက် နောက်ကျတယ်။ နောက် သူတို့ စင်္ကာပူမြို့ကြီး ရဲ့ စည်ပင်သာယာရေး ဆိုရင်၊ ဒါကို ဘယ်လိုလုပ်ရမလဲ ဆိုပြီးတော့ ရန်ကုန်မြို့မှာ လာပြီး လေ့လာခဲ့ရတဲ့ ဘ၀။ အဲဒီလိုမျိုးကနေမှ အခု ဒီလောက် အနေအထား ဖြစ်သွားတဲ့အပေါ်မှာ အန်ကယ် ကျနော်တို့ တိုင်းပြည်ကို ဘယ်လိုမျိုး ပြန်ဖြစ်စေချင်သလဲ ခင်ဗျ။

ဦးတင်ဦး ။ ။ အဲဒီလိုမေးတော့ ကျနော်ပြောရဦးမယ်။ ကျနော်က ဗိုလ်ချုပ်အောင်ဆန်းကို အများကြီး ကျေးဇူးတင်တယ်။ ကျနော်တို့ရဲ့ လွတ်လပ်ရေး ဗိသုကာ၊ အမျိုးသားခေါင်း ဆောင်ကြီး၊ တပ်မတော်ဖခင်ကြီးပေါ့ဗျာ။ အင်မတန်မှကို သူ့ ဂုဏ်ကျေးဇူးက ကြီးမားပါတယ် ခင်ဗျ။ ကျနော်တို့ commission (စစ်အရာရှိအဖြစ် စတင် ခန့်အပ်ခံရခြင်း) ရတော့၊ ကျနော်တို့ဟာ British Subject Commission (ဗြိတိသျှစစ်အရာရှိ အဖြစ် စတင်ခန့်အပ်ခံရခြင်း) သဘောမျိုးပေ့ါ လေ။ ဗြိတိသျှတပ်မတော်မှာရှိတဲ့ အရာရှိဆိုတော့၊ အရာရှိငယ်တွေ အနေနဲ့ ကျနော်တို့ အဲဒီမှာ ကျောင်းသွား တက်ရတာပေါ့။ အဲဒါက ၁၉၄၇ခုနှစ်၊ ဗိုလ်ချုပ်အောင်ဆန်း ကျဆုံးတဲ့နှစ် နောက်ပိုင်းမှာ ကျနော်တို့ ကျောင်းတက်ရတာပေါ့ နော်။

ဦးရော်နီညိမ်း ။ ။ အန်ကယ် ဘယ်နိုင်ငံမှာ သွားတက်တာလဲ ခင်ဗျ။

ဦးတင်ဦး ။ ။ အဲဒီမှာ ပေါ့။ စင်္ကာပူပေါ့ ဗျ။ ၁၉၄၇ ခုနှစ်မှာ သွားတက်ရတာ။

ဦးရော်နီညိမ်း ။ ။ အန်ကယ် သွားတဲ့အချိန်တုန်းက မလေးနဲ့ စင်္ကာပူနဲ့က မခွဲရသေးဘူး ပေါ့။

ဦးတင်ဦး ။ ။ မခွဲရသေးဘူး။ လွတ်လပ်ရေး မရသေးဘူး။ ဘာမှ မရသေးဘူး။ ဒီ State Settlement (ဗြိတိသျှ အစိုးရလက်အောက်ခံ) ပဲ။ မလေးယား (Malaya) ပဲ။ British Settlement Malaya (ဗြိတိသျှအစိုးရ လက်အောက်ခံ မလေးယား)ပဲ။ မလေးရှား (Malaysia) တွေ ဘာတွေ မဟုတ်သေးဘူး။ အဲဒီမှာ ဘယ်မှာ တက်ရသလဲဆိုတော့ Royal Army Service Corps (ဗြိတိသျှ ဘုရင့်တပ်မတော် စစ်ဝန်ထမ်းကျောင်း)၊ RASC ဆိုတာက ကျနော်တို့ အရာရှိငယ်တွေကို Regimental Duty (တပ်ရင်းအဆင့် တာဝန်များ) သင် ပေးတဲ့ ကျောင်းပေ့ါဗျာ။ အဲဒီမှာ ကျောင်းတက်တုန်းက ကျနော်တို့ကို သိပ်ပြီးတော့ လေးစားကြတယ်ခင်ဗျ။ ဟိုတုန်းကတော့ သိတဲ့အတိုင်းပဲ၊ တနိုင်ငံနဲ့တနိုင်ငံ သွားကြလာကြ ဆို တော့၊ မြန်မာဆိုတာကို တော်တော်ကို ရိုသေတယ် လေးစားတယ်၊ မြန်မာ commissioned officer တယောက်အနေနဲ့ သူတို့က တော်တော်လေးစားကြတယ်။ ဗိုလ်ချုပ်အောင်ဆန်း ကို ကျနော်က အများကြီး ကျေးဇူးတင်တယ် ဆိုတာက အဲဒါကြောင့်။ အဲဒီအချိန်တုန်းက မြန်မာပြည်မှာ အုပ်ချုပ်ရေးပညာနဲ့ ပတ်သက်လို့ သိပ်ပြီးတာ့ မြင့်မားနေတယ်။ ဘာဖြစ်လို့ လည်းဆိုတော့ ဒီမှာ ICS (Indian Commissioned Service) (အိန္ဒိယပဋိဥာဉ်ခံဝန်ထမ်း) လို တော်တော်များများ trained လုပ်ထားတဲ့ အဖွဲ့တွေရှိတော့ သူတို့လာပြီး အုပ်ချုပ်ရေး ပညာသင်ရတဲ့ အကြောင်းတွေလည်း ပြောတယ်ခင်ဗျ။ အထူးသဖြင့် နောက်တခုက CID (Criminal Investigation Department) (မှုခင်းစုံ စမ်းစစ်ဆေးရေးဌာန) ပေါ့။ မှုခင်းစစ် ဆေးတာနဲ့ ပတ်သက်တဲ့ ပညာရပ်ကို သူတို့ ဒီမှာ (မြန်မာနိုင်ငံမှာ) လာပြီး သင်တယ်။ နောက်ပြီးတော့ ရဲအရာရှိသင်တန်းတက်ဖို့ ဆိုပြီးတော့လည်း မန္တလေးက ဆပ်ကျောင်း (ရဲသိပ္ပံ) ၊ ရဲအုပ် ဖြစ်အောင် သင်ပေးတဲ့ကျောင်းမှာ သူတို့တွေ လာပြီး တက်နေကြရတဲ့အချိန်မျိုးမှာ၊ ကျနော်တို့က ဒီက (မြန်မာနိုင်ငံက) လာတာဆိုတော့ သူတို့ တော်တော်လေးစားကြတယ်။ ဒါ တကြိမ်ပေါ့။ နောက်တခါ တပ်ရင်းမှူးဘ၀နဲ့ ကျနော်သွားတဲ့ အချိန်ကျတော့ ဥပမာ မြူနီစီပယ်(စည်ပင်သာယာ) ဌာနပိုင်းက ပုဂ္ဂိုလ်တွေဆိုလည်း အရင်က ဒီဘက်မှာ(မြန်မာနိုင်ငံ မှာ) ပညာလာသင်ပြီး ဟိုမှာ (စင်္ကာပူမှာ) ပြန်ပြီး ဖြန့်ဖြူးသင်ကြားပို့ချပေးတဲ့ သဘောမျိုးလေးတွေ ရှိတယ်။ နောက်ပြီးတော့ ရေနံကိစ္စနဲ့ပတ်သက်လို့လည်း သူတို့ ပြောတာတွေ ရှိ တယ်။ ရေနံကတော့ ဒီမှာ သိပ်အများကြီး ရှိပုံတော့ မပေါ်ဘူး။ သို့သော်လည်း ပညာရပ်နဲ့ပတ်သက်လို့ ချောက်မှာလည်း သင်ဖူးတယ် တဲ့။ ဓနိတောက ဘီအိုစီမှာလည်း သင်ဖူး တယ်တဲ့။ အဲဒီတော့ ဟိုတုန်းက ပညာက ဟိုက ဒီကို လာသင်ကြတာ၊ အခုကျတော့ ဒီလို မဟုတ်တော့ဘူး။ ကျနော်တို့က အကုန် ကျကျန်ရစ်ခဲ့ပြီး၊ အဲဒီလို ဖြစ်ကုန်တာပဲ။

ဦးတင်ဦး ။ ။ တနည်းအားဖြင့် ပြောရရင်တော့လည်း ဗျာ၊ လွတ်လပ်ရေးရပြီးစ အချိန်မှာ ဒီမှာက insurrection (ပုန်ကန်ထကြွမှု) ဖြစ်တာကိုး။ သူတို့ဆီမှာလည်း insurrection ဖြစ်တာပဲဗျ၊ ဒါပေမယ့် သူတို့ဆီမှာ ဖြစ်တဲ့ insurrection ကို သူတို့ စီမံခန့်ခွဲပြီးတော့ အုပ်ချုပ်ပုံနည်းလမ်းက စနစ် သိပ်ကျသွားတယ်။ ဘယ်လိုလဲဆိုတော့ အဲဒီ ကျနော်တို့ သွားတက် တုန်းက ကျနော်က Tangalli မှာလေ၊ ကျနော်တို့ Far Eastern Land Forces Headquarter (အရှေ့ဖျားဒေသ ဗြိတိသျှမြေပြင်တပ်ဖွဲ့များ ဌာနချုပ်) ခေါ်တာပေါ့လေ။ အဲဒီမှာ ကျနော်တို့က တက်ရတာ၊ Advance Senior Officer Course (အဆင့်မြင့် အရာရှိကြီးများ သင်တန်း) တက်ရတာကိုး၊ တပ်ရင်းမှူးတွေ ဆိုတော့ အဲဒီမှာ တက်ကြရတယ်။ အဲဒီမှာ တက်တုန်းက၊ သူတို့မှာက သောင်းကျန်းမှုရှိပေမယ်လိှု့Singapore itself (စင်္ကာပူ တခုထဲ အနေနဲ့) ကတော့ အေးချမ်းတယ်။ လုံခြုံရေးကတော့ တော်တော်ယူထားတယ်။ ဒါပေမယ့် ဒီ Main Malaya (မလေး ကျွန်းဆွယ်ဒေသ) ပေါ့နော်၊ အဲဒီမှာ သောင်းကျန်းမှုက တော်တော်လေး ဖြစ်တယ်။ အဲဒီမှာ ကျနော်တို့ သင်တန်းသွား တက်တဲ့ အခါကျတော့ သူတို့ Briggs’s Plan ဆိုတာရှိတယ်။ Strategic Hamlet Policy (ဗျူဟာမြောက်စုစည်းခြင်း) ပေါ့။ Brigadier General Briggs (ဗြိတိသျှစစ်တပ်မှ ဗိုလ်မှူးချုပ် ဘရစ်ဂ်စ်) ဗျ။ General Tembla (ဗိုလ်ချုပ်ကြီး တယ်မ်ဘလာ)က General Brigg ကို တာဝန်ပေးတာက strategic hamlet တွေလုပ်တာပေါ့ဗျာ။ အဓိပ္ပါယ်ကတော့ဗျာ၊ အေးဆေးတဲ့မြို့တွေ မှာ ဘေးနားမှာရှိတဲ့ ရွာတွေကို စုပြီးတော့ အရံအတားနဲ့ ထားပြီးတာ့ အရပ်သူအရပ်သားတွေ ကို identity card (မှတ်ပုံတင်ကဒ်) ထုတ်ပေးပြီးလို့ရှိရင်၊ သူတို့ စားဖို့သောက်ဖို့ provision (ရိက္ခာ) အတွက် ၀ယ်ချင်တယ် ဆိုရင်၊ လုံခြုံရေး အစီအစဉ်နဲ့ သွားဝယ်၊ ပြီးရင် ပြန်လာကြပေါ့လေ၊ (၇) ရက်စာဖြင့် (၇) ရက်စာ၊ (၁၀)ရက်စာ ဖြင့် (၁၀) ရက်စာပေ့ါ၊ strategic hamlet ဗျူဟာမြောက် ကျေးရွာများပေါ့။ အဲဒါတွေကို တည်ဆောက်တယ်။

ဦးရော်နီညိမ်း ။ ။ ဟုတ်ကဲ့ အန်ကယ်။ အဲဒီဟာက ကျနော်တို့ဆီမှာ ဟိုဟာနဲ့ သွားမတူဘူးလား ခင်ဗျာ။ ကျနော်တို့ ဆီမှာ မြစ်ဝကျွန်းပေါ် ရှင်းလင်းရေး လုပ်တုန်းက “ဖြတ်(၄)ဖြတ်” နဲ့ နည်းနည်း မတူဘူးလား။

ဦးတင်ဦး ။ ။ အဲဒီလိုမဟုတ်ဘူးဗျ၊ သူတို့က ညက်တယ်၊ ကျနော်တို့ဟာက သိပ်မညက်လှဘူး ခင်ဗျ၊ ကျနော် ကာကွယ်ရေးဦးစီးချုပ်တုန်းက ဒီ ကိစ္စ လုပ်ဖူးပါတယ်။ သိပ်မညက်ဘူး။ မညက်ဘူး။ သူတို့က သိပ်ညက်တယ်။ ကျနော် ပြောပြမယ်။ လူတွေကို ဒီမိုကရေစီနဲ့ ပတ်သက်ပြီး လူသားအမြင်နဲ့ ညက်တာကို ကျနော်ပြောတာပါ။

ဦးတင်ဦး ။ ။ ဘယ်လိုလုပ်သလဲ ဆိုရင် မလေးယားကျွန်းဆွယ်တခုလုံးမှာ အင်မတန် သောင်းကျန်းမှုဖြစ်တဲ့ နေရာတွေမှာ အဲဒီလိုပဲ လုပ်ကြရတယ်။ ပထမတော့ ကျနော်တို့သွား တုန်းက လူတွေက ဆူတယ်ခင်ဗျ၊ ဆူတယ် ဆိုတာက ဒီလို လုပ်တာ မလွတ်လပ်ဘူး၊ တရား မမျှတဘူး၊ သူတို့ လူမျိုးကို နှိမ်တယ်ပေါ့ ဗျာ၊ ဒါပေမယ့် နောက်ပိုင်းကျတော့ လူတွေက သူတို့ဘာသာ သူတို့ သဘောပေါက်သွားပြီးတော့ သိပ်ကြိုက်သွားတယ် ဗျ၊ ဘာကြိုက်သွားလဲ ဆိုတော့ နံပါတ်(၁)က သူတို့ စားဖွယ်သောက်ဖွယ်နဲ့ ပတ်သက်တာ အားလုံးကို သူတို့ အကုန်လုံး စားရတယ်။ ဟိုပေး ဒီပေး (သူပုန်ထနေသော မလေးရှားကွန်မြူနစ်များသို့) လုပ်စရာမလိုတော့ဘူး။ နောက်တစ်ခုက သူတို့ ရတဲ့ လုပ်ခလခတွေ သူတို့ အပြည့်သုံးရတယ်။ ခွဲကြေး ဆက်ကြေး မပေးရတော့ဘူး။ နောက်ပြီးတော့လည်း လုံခြုံနေတော့၊ ဟိုက (သူပုန် ဘက်က) ခေါ်ခိုင်းတဲ့ကိစ္စတွေလည်း သွားပြီး အပိုလုပ်ပေးရတာ မရှိတော့ဘူး။ သူတို့ တော်တော်လေး သဘောကျသွားပြီးတော့၊ သူတို့က ကျေနပ်သွားတော့၊ ပြီးတာနဲ့ တစ်နှစ်တောင် မကြာပါဘူး။ ဘာမှ မကြာပါဘူး။ နောက် တစ်နှစ်လောက်မှာ ဒါ Merdeca (မလေးဘာသာ) လွတ်လပ်ရေး ရသွားတာပါပဲ။ အဲဒါနဲ့ မလေးရှားဟာ ငြိမ်းချမ်းသွားခဲ့တာပဲ။

ဦးရော်နီညိမ်း ။ ။ ဟုတ်ကဲ့ အန်ကယ်၊ ဟိုဟာကော မကွာဘူးလား ခင်ဗျ၊ ဟိုမှာလုပ်သလို ဒီမှာလည်း လုပ်တဲ့အခါ ကျတော့ ဟိုဘက်က သူပုန်ဘက်ကတော့ ရပ်သူရွာသားတွေ ကို ဘာမှ လာပြီး ဒုက္ခပေးလို့ မရတော့ဘူး။ ဒါပေမယ့် ကိုယ့်တပ်က ပြန်ပြီးတော့ အဲဒီ ရပ်သူရွာသားတွေကို ဒုက္ခ ပြန်ပေးနေတာကျတော့၊ အန်ကယ် ဘယ်လိုနှိုင်းယှဉ်ပြီး ပြောမလဲ။

ဦးတင်ဦး ။ ။ အဲဒါက ကျနော်တို့ ဒီမှာလည်းပဲ ဟိုပုံစံတော့ မဟုတ်ဘူးလေ။ ဒီ Briggs’s Plan, Strategic Hamlet ဆိုတာ ကျနော် တပ်ထဲမှာကတည်းက စလုပ်မယ် ဆိုပြီး တော့လည်း နောက်ပိုင်း “ဖြတ်(၄)ဖြတ်” တို့ ဘာတို့ဆိုတာ အဲဒီကနေ လာတာပဲလေ။ ဒါပေမယ့် တစ်ခုတော့ ရှိတာပေါ့လေ။ နောက်ပိုင်းတော့လည်းပဲ အေးဆေးတော့ အေးဆေးသွား တယ်။ လူထုကတော့ အတော်ခံလိုက်ရတာတော့ ဖြစ်သွားခဲ့တာပေါ့လေ။

ဦးရော်နီညိမ်း ။ ။ ဒုတိယကမ္ဘာစစ်ကြီးပြီးစ မြန်မာနိုင်ငံ၊ မလေးရှားနိုင်ငံ၊ စင်္ကာပူနိုင်ငံတွေ ဗြိတိသျှ လက်အောက်ကနေ လွတ်လပ်ရေး မရခင်မှာ ဗြိတိသျှတွေအုပ်ချုပ်ကွပ်ကဲတဲ့ ဗမာ့တပ်မတော်ရဲ့ တပ်မှူးငယ်တယောက်အနေနဲ့ အငြိမ်းစားဗိုလ်ချုပ်ကြီး သူရဦးတင်ဦး စင်္ကာပူနဲ့မလေးရှားကဗြိတိသျှစစ်တပ်မှာ စစ်ဘက်ဆိုင်ရာသင်တန်းတွေ တက်ရောက်ခဲ့စဉ်က အတွေ့အကြုံ၊ တပ်ရင်းမှူးအဆင့် ဒုတိယကာကွယ်ရေးဦးစီးချုပ်(ကြည်း) စတဲ့ အဆင့်မြင့်ရာထူးကြီးတွေမှာ ထမ်းဆောင်ခဲ့စဉ် မလေးရှားနဲ့ စင်္ကာပူက အတွေ့အကြုံတွေကို တင်ဆက် ပေးခဲ့တာပါ ခင်ဗျာ။ နောက်သီတင်းပတ် အောက်တိုဘာလ(၂၄)ရက် တနင်္ဂနွေနေ့မနက် “တပ်မှူးတပ်သား ပြောစကား” အပတ်စဉ်ကဏ္ဍမှာတော့ “အမျိုးသား ဒီမိုကရေစီအဖွဲ့ချုပ် ” နိုင်ငံရေးပါတီရဲ့ ဒုတိယဥက္ကဌ လူထုခေါင်းဆောင်ဘ၀မှာ မြန်မာနိုင်ငံသားတဦးအနေနဲ့ စင်္ကာပူမှာ သွားရောက် မျက်စေ့ခွဲစိတ်ကုသမှုခံယူစဉ် မတူခြားနားကွဲပြားတဲ့ အတွေ့အကြုံတွေနဲ့ ပတ်သက်ပြီး အငြိမ်းစားဗိုလ်ချုပ်ကြီး သူရဦးတင်ဦးရဲ့ ပြောစကားတွေကို တင်ဆက်သွားမှာ ဖြစ်ပါတယ် ခင်ဗျာ။ စောင့်မျှော်နားဆင်ကြပါ။ ကျနော် ရော်နီညိမ်းပါ။



VOA

နိုဝင်ဘာ ရွေးကောက်ပွဲသည် ဒီမိုကရေစီ ဖော်ဆောင်နိုင်မည်မဟုတ်ကြောင်း ဒေါ်အောင်ဆန်းစုကြည် ထပ်မံ သတိပေး

DVB

တရားစွဲဆိုထားသည့် ကာလ NLD ပါတီ ရပ်တည်မှု ပျက်ပြယ်ခြင်းမရှိ

ကြာသပတေး, 14 အောက်တိုဘာ 2010


အမျိုးသား ဒီမိုကရေစီအဖွဲ့ချုပ် (NLD) ပါတီဟာ ဥပဒေကြောင်းအရ တရားဝင် အဖွဲ့အစည်းတခုအဖြစ် ဒီကနေ့အထိ ဆက်ပြီး ရပ်တည်နေတုန်းပဲ ဆိုတဲ့အကြောင်း ပါတီအတွင်း ကြေညာချက် တစောင်ကို ဒီကနေ့ ထုတ်ပြန်လိုက်ပါတယ်။ ရွေးကောက်ပွဲ ကော်မရှင်က NLD ပါတီကို မတရားအသင်း ကြေညာခဲ့တာနဲ့ ပတ်သက်ပြီး NLD ဘက်က တရားစွဲဆိုမှုကို နိုင်ငံတော် တရားရုံးချုပ်က လက်ခံထားတာကြောင့် ပါတီ မပျက်ပြယ်သေးတဲ့ သဘောလို့ ရှေ့နေ ဦးဉာဏ်ဝင်းက ပြောပါတယ်။ အပြည့်အစုံကို ကိုကျော်အောင်လွင်က တင်ပြပေးထားပါတယ်။

NLD ပါတီဟာ ဒီကနေ့အထိ တရားဝင် နိုင်ငံရေးပါတီ တခုအဖြစ် ဆက်ပြီး ရပ်တည်နေတုန်းပဲ ဆိုတဲ့အကြောင်း တနိုင်ငံလုံးမှာရှိတဲ့ NLD ပါတီဝင် အင်အားစုတွေကို ဒီကနေ့ပဲ စာပို့လိုက်တဲ့အကြောင်း ပါတီရဲ့ ပြောရေးဆိုခွင့်ရှိသူ ဦးဉာဏ်ဝင်းက ရှင်းပြပါတယ်။

“ကျနော်တို့ အမျိုးသား ဒီမိုကရေစီ အဖွဲ့ချုပ်ဟာ ၁၉၈၈ ခုနှစ်ကတည်းက တရားဝင် မှတ်ပုံတင်ထားတယ်။ အခု ရွေးကောက်ပွဲ ဥပဒေတွေ ပေါ်ပေါက်လာတဲ့ အခါမှာ နိုင်ငံရေးပါတီများ မှတ်ပုံတင်ခြင်း ဥပဒေအရ ထပ်မံ မှတ်ပုံမတင်ရင် အလိုအလျောက် ပျက်ပြယ်တယ်လို့ ဖော်ပြတယ်။ အဲဒီ ဖော်ပြချက်နဲ့ ပတ်သက်ပြီးတော့ အမျိုးသား ဒီမိုကရေစီ အဖွဲ့ချုပ်ဟာ အစိုးရကို နိုင်ငံတော် တရားရုံးချုပ်မှာ တရားစွဲဆို ဆောင်ရွက်နေတယ်။ ဒီ တရားစွဲဆို ဆောင်ရွက်နေတဲ့ အမှုကိုလည်း နိုင်ငံတော် တရားရုံးချုပ်က လက်ခံပြီး မှတ်ပုံတင်နံပါတ် ပေးထားပါတယ်။

“ဒါကြောင့် အခုလို တရားစွဲထားတဲ့အတွက် ဒီကာလမှာ ကျနော်တို့ အမျိုးသား ဒီမိုကရေစီ အဖွဲ့ချုပ်ဟာ ပျက်ပြယ်ခြင်း မရှိဘူး၊ ဆက်လက် ရပ်တည်နေတယ်လို့ ကျနော်တို့ အဖွဲ့ချုပ် စည်းရုံးရေး အဖွဲ့တွေကို အကြောင်းကြားတဲ့စာပါ။”

NLD ပါတီဘက်က တရားဝင်နေတုန်းပဲလို့ ပြောနေပေမဲ့ ဒီအချက်ကို စစ်အစိုးရ အာဏာပိုင်တွေဘက်က ဘယ်လို သဘောထားတယ် ဆိုတာကိုတော့ မသိနိုင်ဘူးလို့ ဦးဉာဏ်ဝင်းက ဆိုပါတယ်။

“အဲဒါ ကျနော်တို့ မသိဘူး။ အာဏာပိုင်တွေ သူတို့ စဉ်းစား သုံးသပ်တဲ့ကိစ္စ။ ကျနော်တို့ကတော့ ဥပဒေအရ NLD ဟာ ပျက်ပြယ်ခြင်း မရှိဘူး၊ ဆက်လက်ရပ်တည်တယ် ဆိုတာ ဥပဒေ အချက်အလက်များပေါ်မှာ အခြေခံပြီး တရားစွဲတင်ထားတာပါ။”

အရင်ကာလတွေတုန်းကဆို NLD ပါတီရဲ့ လှုပ်ရှားမှုတွေ မှန်သမျှ စစ်အစိုးရ အာဏာပိုင်တွေဘက်က အမြဲမပြတ် စောင့်ကြည့်တာတွေ၊ သတိပေး ခြိမ်းခြောက်တာတွေ၊ ဖိအားပေးတာတွေ၊ ဖမ်းဆီး အရေးယူတာတွေကို အကြိမ်ကြိမ် လုပ်ခဲ့ပေမဲ့ ၂၀၁၀ ရွေးကောက်ပွဲမှာ NLD ပါတီက မပါဝင်တော့ဘူးလို့ ပြောခဲ့ပြီးနောက်ပိုင်း NLD ရဲ့ လှုပ်ရှားမှုတွေကို အာဏာပိုင်တွေဘက်က ဘာမှ အရေးယူ ဆောင်ရွက်တာ မရှိတော့ပါဘူး။ ဒီလို ထူးခြားချက်တဲ့ အခြေအနေတွေဟာ ဘာကြောင့်ဖြစ်လာတယ်လို့ ထင်သလဲလို့ ဦးဉာဏ်ဝင်းကို မေးကြည့်ပါတယ်။

“ကျနော်တို့က ရွေးကောက်ပွဲ မ၀င်တော့ဘူး။ NLD ဆိုတာလည်း သူတို့ပြောတဲ့ ဥပဒေအရဆို မရှိတော့ဘူး။ ဒီအခြေအနေမျိုးမှာ NLD ကို သူတို့ အနှောင့်အယှက်ပေးရင် NLD ရှိတယ်ဆိုတဲ့ အဓိပ္ပာယ် ရောက်နိုင်တယ် ဆိုတာလည်း စဉ်းစားစရာ အချက်တချက်လို့ ကျနော်တော့ အဲဒီလိုပဲ မြင်ပါတယ်။”

NLD ပါတီရဲ့ ပြောရေးဆိုခွင့်ရှိသူ ရှေ့နေ ဦးဉာဏ်ဝင်း ပြောပြခဲ့တာ ဖြစ်ပါတယ်။

လာမယ့် အောက်တိုဘာလ ၁၈ ရက်နေ့ကျရင် ဒေါ်အောင်ဆန်းစုကြည် နေအိမ်အကျယ်ချုပ် ချခံထားရတဲ့ ကိစ္စနဲ့ ပတ်သက်ပြီး အထူးအယူခံလွှာကို တရားရုံးချုပ် ရန်ကုန်မှာ ကြားနာဖို့ရှိလို့ မနက်ဖြန်ကျရင် ဒေါ်အောင်ဆန်းစုကြည်နဲ့ တရားဥပဒေဆိုင်ရာ ကိစ္စတွေ ပြောဆိုခွင့်ရရေး ရှေ့နေ ဦးဉာဏ်ဝင်းနဲ့အဖွဲ့ဟာ နေအိမ်မှာ အကျယ်ချုပ် ကျခံနေရတဲ့ ဒေါ်အောင်ဆန်းစုကြည်နဲ့ တွေ့ဆုံဖို့ အာဏာပိုင်တွေဆီမှာ ခွင့်တောင်းထားတယ်လို့လည်း ဦးဉာဏ်ဝင်းက ပြောပါတယ်။

VOA

ထိုင်းက ပြန်ပို့မည်ကို မြန်မာအတိုက်အခံများဝေဖန်

မဇ္ဈိမသတင်းဌာန | ကြာသပတေးနေ့၊ အောက်တိုဘာလ ၁၄ ရက် ၂၀၁၀ ခုနှစ် ၁၉ နာရီ ၂၃ မိနစ် . Share1vote
nowBuzz up!
ချင်းမိုင်(မဇ္ဈိမ) ။ ။ ၂ဝ၁ဝ ရွေးကောက်ပွဲပြီးလျှင် မြန်မာဒုက္ခသည်များနှင့် မြန်မာအတိုက်အခံ အင်အားစုများကို နေရပ်ရင်း ပြန်ပို့မည်ဟု ထိုင်းနိုင်ငံခြားရေးဝန်ကြီးက ပြောဆိုလိုက်သည်မှာ လူသားချင်း စာနာမှုမရှိဟု ထိုင်းနိုင်ငံရှိ မြန်မာ့အရေး လှုပ်ရှားသူများက ဝေဖန်ပြစ်တင်လိုက်ကြသည်။

ပြီးခဲ့သည့်လ ၃ဝ ရက်နေ့တွင် အမေရိကန်နိုင်ငံ နယူးယောက်မြို့၌ ကျင်းပသည့် Asia Society Forum ဆွေးနွေးပွဲ၌ ထိုင်းဝန်ကြီး ကဆစ်ဖိရွမ်း တက်ရောက်နေစဉ် မြန်မာများကို နေရပ်ရင်း ပြန်ပို့မည်ဟု Radio Australia မှ သတင်းထောက် Cochrane ကို ပြောဆိုခဲ့ခြင်း ဖြစ်သည်။

“ကျနော် ဘန်ကောက်ကို ပြန်သွားပြီးတော့ ပထမဆုံး ကျနော်ဆောင်ရွက်မယ့် ကိစ္စတခုကတော့ ဒုက္ခသည်စခန်းထဲက မြန်မာတွေ၊ အိမ်ရာပစ်ပြေးထားရတဲ့ ဒုက္ခသည်တွေ၊ ဘန်ကောက်နဲ့ ချင်းမိုင်က ပညာတတ်တွေအနေနဲ့ မြန်မာနိုင်ငံမှာ ရွေးကောက်ပွဲ ပြီးသွားတဲ့အခါ မြန်မာပြည်ကို ပြန်လည်ဝင်ရောက်နိုင်ရေးအတွက် ပိုပြီးထိရောက်တဲ့ ကြိုတင်ပြင်ဆင်မှု အစီအစဉ် ပရိုဂရမ်တခုကို စတင်အကောင်အထည်ဖော် ဆောင်ရွက်ဖို့ကိစ္စပါ” ဟု မစ္စတာ ကဆစ်က ပြောဆိုခဲ့သည်။

ဤပြောဆိုချက်နှင့်ပတ်သက်၍ HREIB ခေါ် လူ့အခွင့်အရေး ပညာပေးဋ္ဌာန (မြန်မာနိုင်ငံ) မှ ဒါရိုက်တာ ဦးအောင်မျိုးမင်းက “အခုလို ပြန်ပို့ခြင်းက ကျနော်တို့ရဲ့ အသက်အိုးအိမ်တွေကို ထိခိုက်နိုင်တဲ့အပြင် လူသားချင်းစာနာမှု ဥပဒေကို အတိအလင်း ချိုးဖောက်ခြင်းပဲ ဖြစ်တယ်။ အဲဒီတော့ သူတို့ကုလသမဂ္ဂမှာ ပြောထားတဲ့အချက်နဲ့ အခုလက်ရှိလုပ်တဲ့ အချက်တွေက အရမ်းကို ကွာခြားမှုတွေ ဖြစ်နေတယ်” ဟု မဇ္ဈိမကို ပြောသည်။

မြန်မာအမျိုးသမီးသမဂ္ဂ BWU မှ ဒေါ်တင်တင်ညိုကလည်း “သူတို့ကို ပြန်ပို့မယ်ဆိုရင် သေချာတာတခုက ဒီလူတွေ အားလုံးက ထောင်ကျအောင်၊ ပြီးတော့ ဟိုမှာပြန်ရောက်ပြီးလို့ရှိရင် ဒုက္ခဆင်းရဲပေါင်းစုံ ရောက်အောင်၊ လုပ်ပေးလိုက်တာနဲ့ အတူတူပဲ ဖြစ်မယ်” ဟု ပြောဆိုသည်။

အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) မှ ပြန်ကြားရေးတာဝန်ခံ ဦးညိုအုန်းမြင့်ကမူ ထိုင်းအစိုးရအနေဖြင့် နယ်စပ်ကုန်သွယ်ရေး လုပ်ငန်းများ ပြန်လည်စတင်နိုင်ရန် စစ်အစိုးရအပေါ် ယခုလို လိုက်လျောမှု ပြုလုပ်ခြင်းဖြစ်သည်ဟု ဆိုသည်။

ထိုင်းအစိုးရမှ မြန်မာဒုက္ခသည်များနှင့် အတိုက်အခံ အင်အားစုများကို အတင်းအကျပ် နေရပ်စေလွှတ်ပါက မြန်မာ့အရေး ထောက်ခံသည့် ထိုင်းလူမှုအဖွဲ့အစည်းများမှတဆင့် ဆွေးနွေးညှိနှိုင်းမှုများ ပြုလုပ်သွားမည်ဖြစ်သည်။

မြန်မာဒုက္ခသည်များမှာ ထိုင်း-မြန်မာ နယ်စပ်တလျှောက်ရှိ ဒုက္ခသည်စခန်းပေါင်း ၉ ခုတွင် နေထိုင်လျက်ရှိကာ လူဦးရေအားဖြင့် တသိန်းခွဲခန့် ရှိသည်။

© Copyright 1998 - 2009 Mizzima News. All Rights Reserved.

မြန်မာ့ ရွေးကောက်ပွဲ ဂျပန် စောင့်ကြည့်မည်

ဆလိုင်းထွန်း | ကြာသပတေးနေ့၊ အောက်တိုဘာလ ၁၄ ရက် ၂၀၁၀ ခုနှစ် ၂၃ နာရီ ၁၂ မိနစ် .5
Share1vote
nowBuzz up!0diggs
digg
နယူးဒေလီ (မဇ္ဈိမ) ။ ။ စစ်အစိုးရ ရွေးကောက်ပွဲကို အသိမှတ်မပြုရန် ဆုံးဖြတ်နိုင်သည့် အချက်အလက် ရှိသော်လည်း စောင့်ကြည့်သွားဦးမည်ဟု ဒုတိယ ဂျပန် နိုင်ငံခြားရေးဝန်ကြီး မစ္စတာ Yamahana Ikuo က ဂျပန်ရောက် မြန်မာ့အရေး လှုပ်ရှားသူများကို ယမန်နေ့တွင် ပြောဆိုခဲ့သည်။

တိုကျိုမြို့ရှိ နိုင်ငံခြားရေးဝန်ကြီးဌာနတွင် မြန်မာ့ရေးရာရုံး (ဂျပန်) အပါအဝင် ဒီမိုကရေစီရေး လှုပ်ရှားသည့် မြန်မာအဖွဲ့ ၇ ဖွဲ့အပြင် ဂျပန် အလုပ်သမားသမဂ္ဂ အဖွဲ့ချုပ်၊ မြန်မာ့ရေးရာဆိုင်ရာ ဂျပန်လွှတ်တော် ကိုယ်စားလှယ်များ အဖွဲ့တို့မှ ကိုယ်စားလှယ် ၁ဝ ဦးကို တွေ့ဆုံစဉ် ဂျပန်ဝန်ကြီးက ပြောဆိုလိုက်ခြင်း ဖြစ်သည်။

“၂ဝ၁ဝ ရွေးကောက်ပွဲကို အသိမှတ်မပြုဖို့ ပြောတော့ ဒုဝန်ကြီးက အသိအမှတ်မပြုဖို့ ဆုံးဖြတ်လို့ မရနိုင်သေးပေမယ့် ဒေါ်အောင်ဆန်းစုကြည်၊ နိုင်ငံရေး အကျဉ်းသားတွေကို မလွှတ်ပေးဘူး၊ (NLD က မလျှောက်လို့ မပါတာလို့ မပြောဘူး) ပါလို့မရအောင် လုပ်ထားကြောင့်မို့ NLD လည်း ရွေးကောက်ပွဲကို ပါလို့မရဘူး။ ဒါကို ဆုံးဖြတ်နိုင်ဖို့ အချက်လက် ရှိတယ်။ ဒါပေမဲ့ ရွေးကောက်ပွဲပြီးတဲ့အထိ စောင့်ကြည့်မယ်လို့ ပြောတယ်” ဟု မြန်မာ့ရေးရာရုံး (ဂျပန်) မှ အတွင်းရေးမှူး ဒေါက်တာမင်းညိုက မဇ္ဈိမကို ပြောသည်။

၂ဝဝ၈ ခုနှစ် ဥပဒေသည် ဒီမိုကရေစီနိုင်ငံ တည်ထောင်ရာ မရောက်ခြင်း၊ လုပ်အားပေးခိုင်းစေမှုကို လုပ်ခွင့်ပေးခြင်းနှင့် ယခုရွေးကောက်ပွဲသည် စစ်အာဏာရှင်စနစ် ပိုမိုဆိုးရွားလာနိုင်ခြင်းကြောင့် ဂျပန်အစိုးရအနေဖြင့် အသိမှတ်မပြုရန် မြန်မာအင်အားစုများက တောင်းဆိုခဲ့ရာ ဝန်ကြီးက ယခုလို တုံ့ပြန်ပြောဆိုခဲ့ခြင်းလည်း ဖြစ်သည်။

“၂ဝဝ၈ အခြေခံဥပဒေက စစ်အာဏာရှင်နိုင်ငံ တည်ထောင်တာ။ ILO က လို့ပြောနေတဲ့ အဓမ္မ လုပ်အားပေးတဲ့ဟာကို တရားဝင် လုပ်ပိုင်ခွင့်ရှိတယ်။ လိုအပ်ရင် လိုအပ်သလို သုံးနိုင်တယ်လို့ အတိအလင်းပါတယ်။ ၅ ဦးကော်မတီလို့ခေါ်တဲ့ သမ္မတက စစ်တပ်က မဟုတ်တောင် ၄ ဦးက စစ်တပ်က လူတွေပါ။ လက်ရှိသွားတဲ့ပုံက ဒီမိုကရေစီလမ်းကြောင်း သွားတာ မဟုတ်ဘူး။ သုံညကို ရောက်တယ်လို့ သူတို့က ပြောတယ်” ဟု ဒေါက်တာမင်းညိုက ဆိုသည်။

သူက ဆက်ပြီး “နိုင်ငံခြားရေး ပေါ်လစီမှာ ဒေါ်အောင်ဆန်းစုကြည်၊ နိုင်ငံရေးအကျဉ်သားတွေကို လွှတ်ပေးရမယ်။ ရွေးကောက်ပွဲမှာ အားလုံးပါရမယ်။ ရွေးကောက်ပွဲဟာ လွတ်လပ်ရမယ်၊ မျှတရမယ်လို့ ပါတယ်။ သူတို့က ငြင်းနိုင်စရာ မရှိဘူး၊ ရွေးကောက်ပွဲရလဒ်အပေါ် အမေရိကန်နဲ့ EU တို့နဲ့ တသံတည်းဖြစ်လိမ့်မယ်။ ကျနော်တို့ လုပ်ဆောင်မှုကို ထောက်ခံလာဖို့များတယ်။ ၁ဝဝ ရာခိုင်နှုန်းမရောက်ရင်တောင် ၆ဝ ရာခိုင်နှုန်းထိ ရောက်လာမယ်” ဟု ပြောသည်။

မြန်မာအင်အားစုများက စစ်အာဏာပိုင်များ၏ ရာဇဝတ်မှုများကို ကုလသမဂ္ဂ စုံစမ်းစစ်ဆေးရေးကော်မရှင် ဖွဲ့စည်းရေး ထောက်ခံပေးရန်နှင့် စစ်အစိုးရကို ကျောထောက်နောက်ခံ ပေးနေသည့် တရုတ်အစိုးရကို ဝိုင်းဝန်းထိန်းပေးရန် တောင်းဆိုခဲ့ကြသေးသည်။

“စုံစမ်းရေးကော်မရှင်ဆိုတဲ့ ကိစ္စကို ၁၃ နိုင်ငံက ထောက်ခံတာ တွေ့တယ်။ ဂျပန်အစိုးရကလည်း ဒီမိုကရေစီနိုင်ငံ ဖြစ်တဲ့အတွက် အသိမှတ်ပြု ထောက်ခံပေးပါလို့ တောင်းဆိုတယ်။ နောက်ဆုံးအချက်က စစ်အစိုးရက နောက်ကနေ ငွေအား၊ စီးပွားရေး အမျိုးမျိုး ထောက်ခံပေးနေတဲ့ တရုတ်နိုင်ငံကို ဂျပန်အစိုးရအနေနဲ့ တတ်နိုင်သလောက် ဝိုင်းထိန်းပေးဖို့ တင်ပြတယ်” ဟု ဒေါက်တာမင်းညိုက ပြောသည်။

မစ္စတာ Yamahana Ikuo က ကုလသမဂ္ဂ စုံစမ်းရေးကော်မရှင် ဖွဲ့စည်းရေးကိစ္စကို လေ့လာနေကြောင်းနှင့် လေ့လာမှု ပြီးစီးပါက ဂျပန်အစိုးရအနေဖြင့် ဆုံးဖြတ်ချက် ထုတ်ပြန်သွားမည်ဖြစ်ကြောင်း ဖြေကြားခဲ့သည်။

ဂျပန်သည် အာရှတွင် အဖွံ့ဖြိုးဆုံးဖြစ်ကာ စက်မှုလက်မှု စက်ကိရိယာနှင့် နည်းပညာအရာတွင် အထွန်းကားဆုံးဖြစ်ပြီး ကုန်သွယ်စီးပွားတွင်ပါ တရုတ်၊ အိန္ဒိယထက် ပိုမိုမြင့်မားသဖြင့် မြန်မာနိုင်ငံအတွက် အရေးကြီးသည့် နိုင်ငံဖြစ်ကြောင်း ဒေါက်တာမင်းညိုက ပြောဆိုသည်။

ဂျပန်ရောက် မြန်မာ့အရေး လှုပ်ရှားသူများအနေဖြင့် ၂ဝ၁ဝ ရွေးကောက်ပွဲ အသိမှတ်မပြုရေးအတွက် ဂျပန်အစိုးရနှင့် လွှတ်တော်သို့ပါ စည်းရုံးတိုက်တွန်းသွားမည်ဟု သိရသည်။


© Copyright 1998 - 2009 Mizzima News. All Rights Reserved.