၁၉၈၉ ခုနှစ် NLD ရဲ့ ပထမဆုံး ပြည်ထောင်စုနေ့ အခမ်းအနား။ ရှမ်းပြည်နယ် တောင်ပိုင်း၊ ပင်လုံမြို့၊ ပင်လုံကျောက်တိုင်ရင်ပြင်။ အဲဒီမှာ ဒေါ်အောင်ဆန်းစုကြည်နဲ့ ဖိနှိပ်ခံ တိုင်းရင်းသား လူမျိုးပေါင်းစုံက ၄၂ နှစ်မြောက် ပြည်ထောင်စုနေ့ အဓိဋ္ဌာန်ကို ရွတ်ဆိုခဲ့ကြတယ်။ ဒီအဓိဋ္ဌာန်ကို ရုပ်ရှင်မင်းသားကြီး အောင်လွင်က တိုင်ပေးပါတယ်။
ကျွန်ုပ်တို့သည် ဗိုလ်ချုပ်အောင်ဆန်းနှင့်တကွ နိုင်ငံ့ခေါင်းဆောင်ကြီးများ ပြုစုပျိုးထောင်ခဲ့သော ပြည်ထောင်စု မြန်မာနိုင်ငံတော်ကြီး ထွန်းကားရန် အခြေခံအုတ်မြစ်ဖြစ်သည့် ပင်လုံစိတ်ဓာတ် ရှင်သန်ဖွံ့ဖြိုးရေးအတွက် လည်းကောင်း၊ ဒီမိုကရေစီ အရေးအခင်းတွင် သွေးမြေကျခဲ့ရသော ကျောင်းသား လူငယ်၊ ရဟန်းရှင်လူများ၏ သစ္စာကို စောင့်သိသောအားဖြင့် လူ့အခွင့်အရေးများကို အာမခံသည့် စစ်မှန်သော ဒီမိုကရေစီ ရရှိသည်အထိ လည်းကောင်း၊ ဇွဲ သတ္တိတို့ဖြင့် ညီညီညွတ်ညွတ်
ကြိုးပမ်းသွားကြမည်ဟု အလေးအနက် အဓိဋ္ဌာန် ပြုပါ၏။
အမျိုးသား ဒီမိုကရေစီ အဖွဲ့ချုပ်ကို တည်ထောင်တဲ့ အချိန်မှာ အဖွဲ့ချုပ်ရဲ့ အလံဟာ ကျောင်းသားတွေကို ဂုဏ်ပြုတဲ့ ခွပ်ဒေါင်းအလံ ဖြစ်လာပါတယ်။ မပြီးဆုံးသေးတဲ့ ခေတ်သစ် ဖက်ဆစ်တော်လှန်ရေး၊ စစ်အာဏာရှင်စနစ် ဖြုတ်ချရေးအတွက် အနီခံမှာ ခွပ်ဒေါင်းအ၀ါရောင်နဲ့အတူ
အဖြူရောင်ကြယ်ပွင့်ကြီးကို ထည့်သွင်းထားတဲ့ အလံတော်ပါပဲ။
ဒီအလံတော်ကို ရေးဆွဲပေးခဲ့သူက ပန်းချီမျိုးမြင့် ဖြစ်ပါတယ်။ ပန်းချီမျိုးမြင့်ဟာ တစ်ခါတုန်းက တိုက်ပွဲဝင် ကျောင်းသား အနုပညာရှင်တဦးပါ။
၁၉၇၄ ဦးသန့် ဈာပန အရေးအခင်း ဖြစ်တော့ ကျောင်းသားတွေက ရန်ကုန်တက္ကသိုလ် ဆဲဗင်းဂျူလိုင် ရင်ပြင်မှာ ကမ္ဘာ့ငြိမ်းချမ်းရေး ဗိသုကာကြီး ဦးသန့်အုတ်ဂူ တည်ဆောက်ကြပါတယ်။ အုတ်ဂူမှာ သာသနအလံ၊ ခွပ်ဒေါင်းအလံ၊ ကုလသမဂ္ဂအလံ သုံးလက် ယှဉ်တွဲ လွှင့်ထူထားပါတယ်။ အုတ်ဂူနောက်ခံမှာ ဦးသန့်ပုံတူ ပန်းချီကားချပ်ကြီးကို ဆင်ယင် ချိတ်ဆွဲထားပါတယ်။ ဦးသန့်ပုံတူကို ရေးဆွဲခဲ့သူကတော့ တိုက်ပွဲဝင် ကျောင်းသား အနုပညာရှင် ပန်းချီမျိုးမြင့်ပါပဲ။
နောင် ၁၄ နှစ် အကြာမှာ သူဟာ အမျိုးသား ဒီမိုကရေစီ အဖွဲ့ချုပ် အလံ၊ တစ်နည်းအားဖြင့် ဒီမိုကရေစီ တော်လှန်ရေး အလံကို ရေးဆွဲတဲ့ ပန်းချီဆရာ ဖြစ်လာခဲ့ပါတယ်။
အခု ဒေါ်အောင်ဆန်းစုကြည်အိမ်က ရုံးခန်းမှာ ချိတ်ထားတဲ့ ဗိုလ်ချုပ်အောင်ဆန်းပုံတူ ပန်းချီကားကြီးဟာ ရုပ်ရှင် ဒါရိုက်တာ ပန်းချီစိုးမိုးရဲ့ လက်ရာ ဂန္ထ၀င်မြောက် ပန်းချီကား ဖြစ်ပါတယ်။
၁၉၈၈ ခုနှစ် ကျောင်းသားတွေ ဦးဆောင်တဲ့ ရှစ်လေးလုံး အရေးတော်ပုံမှာ ကျောင်းသား ပြည်သူတွေနဲ့ အတူ စာပေနဲ့ အနုပညာရှင်တွေလည်း တက်တက်ကြွကြွ ရဲရဲရင့်ရင့် ပါဝင်ခဲ့ကြပါတယ်။ စာပေလောကသားတွေ ဆိုရင် စာရေးဆရာ၊ ကဗျာဆရာ၊ သတင်းစာဆရာတွေနဲ့ အပြိုင် ကာတွန်းဆရာတွေကလည်း သူတို့ရဲ့ ကာတွန်း ပိုစတာတွေနဲ့ မဆလ စစ်အုပ်စုကို သရော်ခဲ့၊ တိုက်ခိုက်ခဲ့တယ်။
ဓာတ်ပုံဆရာတွေကလည်း လူထုရဲ့ အရေးတော်ပုံကို သူတို့ ကင်မရာတွေနဲ့ အမိအရ မှတ်တမ်းတင်နိုင်ခဲ့ကြတယ်။
ပန်းချီဆရာတွေကကော။ ပန်းချီဆရာတွေက အနုပညာမြောက် ပိုစတာတိုက်ပွဲ ဆင်ခဲ့ကြတယ်။ အနုပညာမြောက် နဖူးစည်းတွေ ဆိုင်းဘုတ်တွေ အလံတွေ ထုတ်လုပ်ခဲ့ကြတယ်။ အနုပညာမြောက် ဆရာကြီး သခင်ကိုယ်တော်မှိုင်း၊ ဗိုလ်ချုပ်အောင်ဆန်း၊ ဗိုလ်အောင်ကျော်၊ ကိုဖုန်းမော်တို့ရဲ့ ပုံတူပန်းချီကားတွေ ရေးဆွဲပေးခဲ့ကြတယ်။
အဲဒီအထဲကမှ နောင်တော် ကဗျာဆရာ၊ ပန်းချီဆရာတယောက်ကိုတော့ ကျွန်တော့်ကိုယ်တွေ့အရမို့ အထူး သတိရ၊ အမြဲ အမှတ်ရနေပါတယ်။
ကျောင်းသားတွေရဲ့ တိုက်ပွဲအရှိန်ဟာ ဒီရေအလား တိုးတက် မြင့်မားလာပါတယ်။ သမ္မတကြီး ဦးနေ၀င်း ဆင်းပြေးသွားရပါပြီ။ နောက်ထပ် တက်လာတဲ့ သမ္မတ ဦးစိန်လွင်လည်း အရူးမီးဝိုင်း ဖြစ်ပြီး နုတ်ထွက်ပေးလိုက်ရပြန်ပြီ။ အခု ဒေါက်တာမောင်မောင် သမ္မတ ဖြစ်လာပြီး ကျောင်းသားသမဂ္ဂ အဆောက်အအုံသစ်ကြီးကို ပျော်ပျော်ပါးပါး အုတ်မြစ်ချကြတာပေါ့လို့ ပျားရည်နဲ့ ၀မ်းချလာတဲ့အချိန်။
ကျောင်းသားတွေ ဦးဆောင်တဲ့ လူထုတိုက်ပွဲဟာ အမြင့်ဆုံး အဆင့်ကို ရောက်လာပါပြီ။ အစိုးရ၀န်ထမ်းတွေလည်း အုံနဲ့ကျင်းနဲ့ လမ်းပေါ်ထွက် ဆန္ဒပြလာကြပါပြီ။ ကြည်း-ရေ-လေ တပ်မတော်သား စစ်သည်တော် အမြောက်အမြားလည်း ကျောင်းသားပြည်သူတွေနဲ့ ပူးပေါင်းလာကြပါပြီ။ ဗိုလ်ချုပ်ကြီး(ဟောင်း) သူရဦးတင်ဦးတို့၊ ဆရာမောင်သော်ကတို့က ဒီမိုကရေစီ တိုက်ပွဲထဲ ၀င်လာတဲ့ ပြည်သူ့ဘက်သား စစ်သည်တော်တွေကို လှိုက်လှဲ နွေးထွေးစွာ ကြိုဆိုခဲ့ကြပါတယ်။
ဒါပေမဲ့ မဆလ စစ်ဗိုလ်ချုပ်တွေဟာ မည်းမည်းမြင် ရန်သူလို့ ထင်နေပါတယ်။ သူတို့ရဲ့ အမိန့်ပေးခံ လက်အောက်ခံ စစ်တပ်တွေက ဆန္ဒပြသမားတွေကို ရက်ရက်စက်စက် ပစ်ခတ် နှိမ်နင်းနေတုန်းပါ။
အဲဒီမှာ ကျွန်တော်တို့ရဲ့ နောင်တော် ကဗျာဆရာ၊ ပန်းချီဆရာဟာ သူ့စိတ်ထဲ မခံမရပ်နိုင် ဖြစ်လာပုံ ရပါတယ်။ သူက သင်္ဘောဆေး အနီတစ်ပုံး၊ စုတ်တံကြီးကြီး တစ်ချောင်း ကိုင်ပြီး ပထမဆုံး အနော်ရထာလမ်းနဲ့ဆူးလေလမ်းဆုံ ကတ္တရာလမ်းပေါ်မှာ တပ်မတော်အတွက် ပြည်သူ့အမိန့် ဆိုတဲ့ စာလုံးတွေ ရေးလိုက်ပြီး အောက်ကနေ ဂျီသရီး ဂျီဖိုးလို သေနတ်တစ်လက်ရဲ့ ပြောင်းတံရှည်ကို တစ်ဝက်လောက်ကနေ နောက်ဖက် လှန်ချိုးထားတဲ့ ပုံအကြီးကြီး ရေးဆွဲလိုက်ပါတယ်။
သူရဲ့ ဒီ တပ်မတော်အတွက် ပြည်သူ့အမိန့် ဆိုတဲ့ သေနတ်ပြောင်း နောက်လှန်ချိုးပုံဟာ ဒီမိုကရေစီ အင်အားစုတွေက ကူးယူ ရေးဆွဲလို့ နေရာတကာ ပျံ့နှံ့သွားပါတော့တယ်။ ဒါ့ထက် မှတ်မှတ်ရရ ဖြစ်ရတာကတော့ ဆန္ဒပြ ချီတက်ပွဲ တစ်ခုမှာ သူက သူ့ရဲ့ ဒီ သေနတ်ပြောင်း နောက်လှန်ချိုး ပိုစတာ စာရွက်တွေ တစ်ထပ်ကြီး ကျွန်တော့လက်ထဲ ထည့်ပြီး တပ်ဦးက ချီတက်နေတဲ့ ရှေ့ဆုံးက ကျောင်းသားတွေလက်ထဲ ထည့်ပေးဖို့ တောင်းဆိုခဲ့တာပါပဲ။
အဲဒီနေ့က ဆန္ဒပြ စစ်ကြောင်းကြီးရဲ့ အလယ်လောက် ကျွန်တော်တို့ မြန်မာနိုင်ငံကဗျာဆရာများ ဆိုင်းဘုတ် အောက်က လိုက်ပါ ချီတက်နေတဲ့ ကျွန်တော်ဟာ နောင်တော်ကဗျာဆရာ ပန်းချီဆရာ ပေးလိုက်တဲ့ ပိုစတာ စာရွက်တွေ ပိုက်ပြီး ကိုက် သုံးလေးရာလောက် လှမ်းနေတဲ့ ရှေ့ဆုံးက တပ်ဦး ကျောင်းသားတွေ လက်ထဲအရောက် ပြေးပြီး ပို့ခဲ့ရတဲ့ အတွေ့အကြုံဟာ အခုနေ ပြန်တွေးရင် ကြည်နူးစရာ၊ ရင်ခုန်စရာ လုပ်ရပ်ကြီးပါ။
အလွမ်းတွေကို အင်အားအဖြစ် ပြောင်းလဲပစ်ရမယ်။
ဒီမိုကရေစီတိုက်ပွဲဝင် ပန်းချီဆရာတွေကို ကျွန်တော် ဂုဏ်ပြုပါတယ်။ အနုပညာရှင်တွေဟာ ကျောင်းသား ပြည်သူတွေနဲ့အတူ လူထုအရေးတော်ပုံကို ဆက်လက် ယုံကြည် ရင်ခုန်နေကြဦးမယ်လို့လည်း ကျွန်တော် မျှော်လင့်ပါတယ်။
ကျွန်တော်တို့ခေတ်မှာ ကျွန်တော်တို့လုပ်နိုင်တာဟာ ကျွန်တော်တို့အနုပညာပဲ ရှိတာ မဟုတ်လား။ ။
[ မူရင်း - လွတ်လပ်တဲ့ အာရှအသံ / Radio Free Asia - www.rfa.org/burmese ]
