ချင်းပြည်နယ်သို့ NLD ဆန်လှူ

ကြွက်အန္တရာယ်ကြောင့် အငတ်ဘေး ကြုံနေသည့် ချင်းပြည်နယ်တွင် အမျိုးသား ဒီမိုကရေစီ အဖွဲ့ချုပ် (NLD) က ဦးစီးပြီး ယနေ့ ဆန်လှူဒါန်းကြောင်း NLD ကပြောသည်။

NLDပါတီမှ ဦးအောင်မြင့် (ဖျာပုံနီလုံဦး)၊ ရွေးကောက်ပွဲဝင် တသီးပုဂ္ဂလ ကိုယ်စားလှယ်လောင်း ဒေါက်တာစောနိုင်တို့က ဦးဆောင် ပြီး ချင်းပြည်နယ် တောင်ပိုင်း ကန်ပက်လက်မြို့နယ်ရှိ ကျေးရွာ ၅၀ ကို ငွေကျပ် သိန်း ၂၁၀ တန်ဖိုးရှိ ဆန်အိတ်ပေါင်း ၁၂၅၀ ဝေငှ မည် ဖြစ်သည်ဟု ပါတီ ပြောခွင့်ရ ဦးအုန်းကြိုင်ကပြောပြသည်။

“ကန်ပက်လက် အာဏာပိုင်ကို ဝေမယ့်ရွာနဲ့ လူဦးရေ စာရင်းပေးပြီးပြီ၊ ခွင့်မပြုသေးဘူး၊ ဒီနေ့တော့ မပြုလည်း ဝေရမှာပဲ”ဟု ၎င်းက ဆိုသည်။

ယမန်နေ့ကတည်းက ဝေငှရန်စီစဉ် ထားသော်လည်း ကန်ပက်လက်မြို့နယ် အေးချမ်းသာယာရေးနှင့် ဖွံဖြိုးရေး ကောင်စီက ဝေငှ ခွင့် မပေးသေးကြောင်း၊ ရာသီဥတုအခြေအနေလည်း ကောင်းမွန်သည့် အတွက် ယနေ့တွင် ဝေငှမည်ဖြစ်ကြောင်း၊ တခြားသောမြို့ နယ်များကိုလည်း ဝေငှရန် လေ့လာမှုများ ပြုလုပ်နေကြောင်း ဦးအုန်းကြိုင်က ဆက်လက်ပြောပြသည်။

အလားတူ ဒီမိုကရက်တစ်ပါတီ(မြန်မာ)မှ ဦးနေဖူးဗဆွေ၊ ဇိုမီး အမျိုးသား ကွန်ဂရက် မှ ဦးအင်ဇာခိုင်၊ NLD ပါတီမှ ကိုအေးမင်းစိုး တို့က ဦးဆောင်ပြီး မြောက်ပိုင်း ထန်တလန်မြို့နယ် လူဦးရေ ၇၅၀ ခန့်ရှိသည့် ကျေးရွာ ၂ ရွာအတွက် ကျပ်သိန်း ၃၀ တန်ဖိုးရှိ ဆန် အိတ်များ ဝေငှခြင်းနှင့် ဖလမ်း မြို့နယ်တွင် ကျပ်သိန်း ၆၀ ခန့်အကုန်အကျခံ၍ သောက်သုံးရေ ရရှိရေး ဆောင်ရွက်မှုများကို ပြု လုပ်နေကြောင်း လည်း သိရသည်။

စစ်အစိုးရက ချင်းပြည်နယ်တွင် အဓမ္မလုပ်အားပေးခိုင်းစေခြင်း၊ လူ့အခွင့်အရေးချိုးဖောက်ခြင်းများကြောင့် ချင်းတိုင်းရင်းသားအများစုသည် အိန္ဒိယ၊ မလေးရှားနှင့် အမေရိကန်ပြည်ထောင်စုတို့တွင် ဒုက္ခသည်များအဖြစ် သွားရောက်နေထိုင်နေရသည်။

၂၀၀၈-၂၀၀၉ ခုနှစ်က ချင်းပြည်နယ်တွင် သီးနှံစိုက်ခင်းများကို ကြွက်များ ဖျက်ဆီးခဲ့သဖြင့် စားနပ်ရိက္ခာရှားပါးသည်အထိ ဆိုးရွား ခဲ့သည်။

NLD ပါတီသည် ပြီးခဲ့သည့် ၂၀၁၀ ရွေးကောက်ပွဲတွင် ပါတီထပ်မံ မှတ်ပုံတင်ခြင်း မပြုသောကြောင့်၂၀၁၀ ရွေးကောက်ပွဲကော်မရှင် က တရားဝင် ရပ်တည်ခွင့်မရှိကြောင်း ကြေညာခဲ့သော်လည်း လူမှုရေးလုပ်ငန်းများကို လုပ်ဆောင်နေကြောင်း၊ ပါတီရပ်တည်ခွင့်နှင့် ပတ်သက်ပြီး စစ်အစိုးရ၏ နေပြည်တော် တရားရုံးချုပ်တွင် ကြားနာစစ်ဆေးမှုများကို ရင်ဆိုင်နေရကြောင်း၊ ယမန်နေ့ကလည်း ပါတီ ရှေ့နေကြီး ဦးဉာဏ်ဝင်း၊ ဦးကျော်ဟိုးတို့က နေပြည်တော်သို့ သွားရောက်ပြီး ပါတီရပ်တည်ခွင့် အတွက် လျှောက်လဲချက် ပေးခဲ့ကြောင်း သိရသည်။

ထိုအမှုကိစ္စနှင့် ပတ်သက်ပြီး မြန်မာနိုင်ငံဆိုင်ရာ သြစတြေးလျ သံရုံး ယာယီတာဝန်ခံက ပါတီ ဒု ဥက္ကဋ္ဌ ဦးတင်ဦး၊ ဦးဝင်းတင်၊ ဦးဝင်းထိန်၊ ဦးအုန်းကြိုင်တို့အား ယနေ့နံနက်ပိုင်းက လာရောက် တွေ့ဆုံမေးမြန်းခဲ့သည်ဟု ဦးအုန်းကြိုင်က ဆက်လက်ပြောသည်။ IRRAWADDYသတင်းမှ ကူးယူဖေါ်ပြပါသည်။

လွတ်လပ်စွာ ထုတ်ဖော်ပြောဆိုခွင့် မြန်မာနိုင်ငံမှာ ဆိတ်သုဉ်း၊ Article 19 အဖွဲ့ ဝေဖန်

မြန်မာနိုင်ငံတွင်းမှာရှိတဲ့ တည်ဆဲဥပဒေတွေနဲ့ ဖွဲ့စည်းပုံ အခြေခံဥပဒေပါ ပြဋ္ဌာန်းချက် အတော်များများဟာ လွတ်လပ်စွာ ရေးသားဖော်ထုတ်ခွင့်တွေ၊ သတင်းလွတ်လပ်ခွင့်တွေကို ချုပ်ချယ် တားမြစ်ထားတယ်လို့ လန်ဒန်အခြေစိုက် Article 19 လူ့အခွင့်အရေးအဖွဲ့က ပြောပါတယ်။ ဒီလို ဥပဒေမျိုးတွေကြောင့် ပြီးခဲ့တဲ့ ရွေးကောက်ပွဲဟာ ဒီမိုကရေစီနည်းလမ်း မကျခဲ့သလို နောက်ပိုင်း မြန်မာ့ဒီမိုကရေစီရေးနဲ့ လူ့အခွင့်အရေး တိုးတက်မှုတွေ အတွက်လည်း ဒီဥပဒေတွေက အတားအဆီး ဖြစ်နေဦးမယ်လို့ ဝေဖန်ပါတယ်။ Ariticle 19 အဖွဲ့ဟာ ဒီအစီရင်ခံစာကို ကုလသမဂ္ဂ လူ့အခွင့်အရေးကောင်စီ အဖွဲ့ဝင်နိုင်ငံတွေကို ပေးပို့ပြီး ဒီကိစ္စကို လာမယ့် ဇန်န၀ါရီလ ၂၇ ရက်နေ့ မြန်မာ့လူ့အခွင့်အရေး အခြေအနေ သုံးသပ်စိစစ်မှုမှာ ထည့်သွင်း ဆွေးနွေးပေးဖို့ ပန်ကြားနေပါတယ်။ အပြည့်အစုံကို ကိုသားညွန့်ဦးက တင်ပြပေးထားပါတယ်။

မြန်မာနိုင်ငံ အခြေအနေကို လူ့အခွင့်အရေးကောင်စီ အလုပ်အဖွဲ့ အနေနဲ့ အခု ၂၇ ရက်နေ့ လူ့အခွင့်အရေး သုံးသပ်မှုတွေ လုပ်တဲ့အခါ မြန်မာနိုင်ငံတွင်း လွတ်လပ်စွာ ဖော်ထုတ်ခွင့်ကို ကန့်သတ်ပိတ်ဆို့နေတဲ့ ဥပဒေတွေ ဖျက်သိမ်းပေးရေးကိစ္စ ဖိအားပေးကြဖို့ ဒီအစည်းအဝေးကို တက်မယ့် လူ့အခွင့်အရေးကောင်စီ အဖွဲ့ဝင်နိုင်ငံ ကိုယ်စားလှယ်တွေကို Article 19 အဖွဲ့က အခု ဂျီနီဗာမှာ လိုက်လံတွေ့ဆုံ တိုက်တွန်းနေပါတယ်။

မြန်မာနိုင်ငံဟာ လွတ်လပ်စွာ ဖော်ထုတ်ခွင့်တွေ ပိတ်ပင်တဲ့ကိစ္စမှာ ကမ္ဘာ့နိုင်ငံတွေအကြား အဆိုးဆုံးနိုင်ငံ တနိုင်ငံ ဖြစ်နေသလို သတင်းမီဒီယာတွေအပေါ် ကန့်သတ်ချုပ်ချယ်မှု အတင်းကျပ်ဆုံး နိုင်ငံလည်း ဖြစ်နေတယ်လို့ Article 19 အဖွဲ့က ထောက်ပြပါတယ်။ အဓိက အချက်ကတော့ အခုလက်ရှိ ဖွဲ့စည်းပုံပါ အချက်အချို့ဟာ လွတ်လပ်စွာ ဖော်ထုတ်ခွင့်ကို ထိထိရောက်ရောက် ပိတ်ပင်ထားသလို ဒီမိုကရေစီနိုင်ငံ ဖြစ်လာရေး အတွက်လည်း အနှောင့်အတား ဖြစ်စေတယ်လို့ Article 19 အဖွဲ့ တာဝန်ရှိသူ တဦးဖြစ်တဲ့ အိုလီဗာ စပန်ဆာ (Oliver Spencer) က ပြောပါတယ်။

“အခုလက်ရှိ ဖွဲ့စည်းပုံပါ ပုဒ်မ ၆၊ ပုဒ်မ ၃၈၂၊ ပုဒ်မ ၂၀(င)၊ ပုဒ်မ ၃၆၄၊ ပုဒ်မ ၂၆၅၊ ဒီပုဒ်မ ၅ ခုဟာ နိုင်ငံတကာ လူ့အခွင့်အရေး ဥပဒေကို ချိုးဖောက်ထားပါတယ်။”

ဒီအချက်တွေကို အစီရင်ခံစာ ပြုစုပြီးတော့ လူ့အခွင့်အရေးကောင်စီ အဖွဲ့ဝင်နိုင်ငံ ကိုယ်စားလှယ်တွေကို လိုက်လံရှင်းပြနေတယ်လို့ အိုလီဗာ စပန်ဆာက ပြောပါတယ်။ ဒီဥပဒေတွေကြောင့်ပဲ ပြီးခဲ့တဲ့ ရွေးကောက်ပွဲဟာ ဒီမိုကရေစီနည်း မကျခဲ့ဘူးလို့လည်း သူက ထောက်ပြပါတယ်။

“ဒီမိုကရေစီနည်းကျ ရွေးကောက်ပွဲ တရပ်အတွက် လိုအပ်ချက်တွေ၊ နောက် ထုတ်ပြန်ထားတဲ့ ဥပဒေတွေကို အခြေခံပြီး ထောက်ပြထားပါတယ်။ ဒီဥပဒေတွေ အားလုံးဟာ လွတ်လပ်စွာ ဖော်ထုတ်ရေးသားခွင့်တွေနဲ့ မီဒီယာ လွတ်လပ်ခွင့်တွေကို ကန့်သတ် ထိန်းချုပ်ထားပါတယ်။ ပြီးခဲ့တဲ့ ရွေးကောက်ပွဲဟာ ဒီမိုကရေစီနည်းကျ ရွေးကောက်ပွဲ မဖြစ်ခဲ့ပါဘူး။ မီဒီယာတွေရော နိုင်ငံရေးသမားတွေပါ လွတ်လပ်စွာ ပြောဆိုခွင့်တွေ မရခဲ့ပါဘူး။”

အခု Universal Periodic Review (UPR) ဟာ ပထမဆုံး အကြိမ်အဖြစ် မြန်မာ့အရေး ဆွေးနွေးမှာ ဖြစ်ပါတယ်။ NCGUB အမျိုးသား ညွန့်ပေါင်းအစိုးရအဖွဲ့ ကုလသမဂ္ဂရေးရာ တာဝန်ခံ ဒေါက်တာသောင်းထွန်းကတော့ UPR ဆွေးနွေးပွဲကနေ တစုံတရာ အဖြေမထုတ်နိုင်ပေမဲ့ လာမယ့် လူ့အခွင့်အရေးကောင်စီ ညီလာခံ မြန်မာ့အရေး ဆုံးဖြတ်ချက်အတွက် အဓိက ဖြစ်လာနိုင်တယ်လို့ ယူဆပါတယ်။

“အခုဆိုရင် နိုင်ငံတွေက ကြိုတင်မေးထားတဲ့ မေးခွန်းတွေ ထွက်နေပါပြီ။ ဒါကို နအဖအနေနဲ့ ဖြေကြားရမယ်။ အဲဒီလို ဖြေကြားပြီးတဲ့ နောက်ပိုင်းမှာ ညှိနှိုင်းရေးအဖွဲ့ကနေပြီးတော့ မြန်မာနိုင်ငံရဲ့ လူ့အခွင့်အရေး အခြေအနေနဲ့ ပတ်သက်လို့ သုံးသပ်ချက် မူကြမ်းတစောင်ကို သူတို့ ပြုစုမယ်၊ အကြံပြုချက်တွေလည်း ပါမယ်ပေါ့။ ဒါပေမဲ့ ဒီမူကြမ်းကို ဇွန်လမှာလုပ်မယ့် အစည်းအဝေးကျမှပဲ အတည်ပြုမှာ ဖြစ်ပါတယ်။”

တကယ်တော့ မြန်မာနိုင်ငံနဲ့ ပတ်သက်ပြီး ကုလသမဂ္ဂ လူ့အခွင့်အရေး ကောင်စီရော အရင် ကုလသမဂ္ဂ လူ့အခွင့်အရေး ကော်မရှင်ကပါ ဆုံးဖြတ်ချက်တွေ အတန်တန် ချမှတ်ခဲ့ဖူးပေမဲ့ မြန်မာအစိုးရဘက်ကတော့ ဒါတွေအားလုံးကို လျစ်လျူပြုခဲ့ပါတယ်။ Article 19 အဖွဲ့က အိုလီဗာကတော့ မြန်မာ့ လူ့အခွင့်အရေး အခြေအနေ တိုးတက်လာဖို့ဆိုရင် အနောက်နိုင်ငံတွေရဲ့ ကြိုးပမ်းချက်တွေထက် ဒေသတွင်း ကြိုးပမ်းချက်တွေက ပိုအရေးကြီးမယ်လို့ ယူဆပါတယ်။

“တကယ်တမ်း အပြောင်းအလဲတွေ လုပ်နိုင်ဖို့ ဆိုရင်တော့ မြန်မာနိုင်ငံနဲ့ ပတ်သက်ဆက်စပ်နေတဲ့ ဒေသတွင်း နိုင်ငံတကာ အသိုင်းအ၀ိုင်းပဲ ဖြစ်ပါလိမ့်မယ်။ နည်းလမ်း ၃ သွယ် ရှိပါတယ်။ တခုကတော့ အိန္ဒိယနိုင်ငံ အနေနဲ့ မြန်မာနဲ့ ပိုထိစပ်ပြီး လူ့အခွင့်အရေးကိစ္စ ဖိအားပေးဖို့ပါ။ ဒုတိယနည်းကတော့ တရုတ်အနေနဲ့ နိုင်ငံတကာမှာ ဦးဆောင်မှု ပေးနိုင်တဲ့ နိုင်ငံအဖြစ် ရပ်တည်ပြီး မြန်မာနဲ့ မြောက်ကိုရီးယားလို နိုင်ငံတွေကို အကာအကွယ် ပေးတာတွေ ရပ်တန့်ဖို့ပါ။

“တတိယနည်းကတော့ အာဆီယံ အလှည့်ကျဥက္ကဋ္ဌ ဖြစ်လာမယ့် အင်ဒိုနီးရှားနိုင်ငံပါ။ အင်ဒိုနီးရှားအနေနဲ့ သူ အလှည့်ကျဥက္ကဋ္ဌ တာဝန်ယူတဲ့အချိန်မှာ လူ့အခွင့်အရေး ကိစ္စတွေကို ပိုပြီး ဦးစားပေးမယ်လို့ ပြောထားပါတယ်။ ဒါ့အပြင် မြန်မာနိုင်ငံအရေးဟာ အာဆီယံအတွက် အရှက်ရစေတဲ့ ကိစ္စပါ။”

ဒါပေမဲ့လည်း လူ့အခွင့်အရေးနဲ့ ပတ်သက်လို့ တရုတ်နိုင်ငံ ကိုယ်တိုင်က ပြည်တွင်းမှာ ပြဿနာတွေ ရင်ဆိုင်နေရသလို အိန္ဒိယနိုင်ငံကလည်း အာရှနိုင်ငံတွေနဲ့၊ အထူးသဖြင့် မြန်မာနဲ့ သံတမန် ဆက်ဆံရေးပိုင်းမှာ လူ့အခွင့်အရေး ကိစ္စတွေကို သိပ်မပြောလိုတော့ပါဘူး။ အာဆီယံ အသင်းကြီးက မကြာခင်က ပြဋ္ဌာန်းလိုက်တဲ့ အာဆီယံ ပဋိညာဉ်ထဲမှာ လူ့အခွင့်အရေးနဲ့ ပတ်သက်တဲ့ အချက်အလက်တွေ ထည့်သွင်းထားပေမဲ့လည်း အာဆီယံအသင်းဝင် နိုင်ငံအများစုဟာ လူ့အခွင့်အရေးနဲ့ ပတ်သက်လို့ ကျယ်ကျယ်လောင်လောင် ပြောလေ့မရှိပါဘူး။

ဒါကြောင့်လည်း အခု မြန်မာ့အရေး UPR အစည်းအဝေးအတွက် မေးခွန်းတွေ ထုတ်ထားတဲ့ နိုင်ငံတွေကို ကြည့်ရင် အနောက်နိုင်ငံတွေ အများစု ဖြစ်နေတာ တွေ့ရပြီး မေးမြန်းတဲ့ အာရှနိုင်ငံ အချို့ကလည်း ဖွံ့ဖြိုးရေးဆိုင်ရာ အခွင့်အရေးတွေကိုပဲ အလေးပေး ဆွေးနွေးထားကြပါတယ်။ VOAသတင်းမှ ကူးယူဖေါ်ပြပါသည်။

လူ့အခွင့်အရေးမတိုးတက်ဘဲ ထိတွေ့ဆက်ဆံရင် ထိရောက်မှာမဟုတ်

လူ့အခွင့်အရေးအခြေအနေတွေ တိုးတက်မှုမရှိတဲ့ မြန်မာနိုင်ငံလိုနိုင်ငံတွေနဲ့ ထိတွေ့ဆက်ဆံမှုတွေ လုပ်တဲ့နေရာမှာ ထိရောက်တဲ့ နည်းလမ်းတွေလိုတယ်လို့ လူ့အခွင့်အရေး စောင့်ကြည့်လေ့လာနေတဲ့ Human Rights Watch အဖွဲ့က တိုက်တွန်းလိုက်ပါတယ်။ လူ့အခွင့်အရေးအခြေအနေတွေ တိုးတက်မှု မရဘဲနဲ့ မြန်မာစစ်အစိုးရလိုမျိုး ဖိနှိပ်တဲ့ အစိုးရတွေနဲ့ ထိတွေ့ဆက်ဆံမှုတွေ့ပူးပေါင်း ဆက်ဆံမှုတွေလုပ်ဖို့ ပြောနေမယ်ဆိုရင်တော့ အကြောင်းထူးမှာ မဟုတ်ဘူးလို့ ကမ္ဘာတ၀န်းက လူ့အခွင့်အရေးအခြေအနေတွေနဲ့ ပတ်သက်လို့ တနင်္လာနေ့က အစီရင်ခံစာ ထုတ်ပြန်ရာမှာ ပြောဆိုလိုက်တာပါ။ အကြောင်းစုံကိုတော့ Human Rights Watch အဖွဲ့နဲ့ ဆက်သွယ်မေးမြန်းထားတဲ့ ကိုအောင်လွင်ဦးက ပြောပြပေးမှာပါ။

လူ့အခွင့်အရေးကို လေးစားလိုက်နာဖို့ မြန်မာစစ်အစိုးရအပါအ၀င် ကမ္ဘာပေါ်ကနိုင်ငံတွေကို ဖိအားပေးဆောင်ရွက်ရမယ့် ကိစ္စတွေမှာ အနောက်နိုင်ငံတွေ၊ အထူးသဖြင့် ဥရောပသမဂ္ဂ (EU) က လုပ်သင့်သလောက် မလုပ်ဘူးလို့ လူ့အခွင့်အရေး စောင့်ကြည့်လေ့လာနေတဲ့ Human Rights Watch အဖွဲ့က ပြောဆိုလိုက်တာပါ။ ကမ္ဘာတ၀န်းက ဖိနှိပ်တဲ့အစိုးရတွေနဲ့ ဆွေးနွေးပြောဆိုမှုတွေ၊ ပူးပေါင်းဆောင်ရွက်မှုတွေ ကို အားပေးတဲ့အကြောင်း ထပ်တလဲလဲ ပြောနေတာတွေဟာ လူ့အခွင့်အရေး အခြေအနေတွေနဲ့ ပတ်သက်လို့ ဘာမှမလုပ်ဘဲနေဖို့ ဆင်ခြေ ပေးတာတွေပဲ ဖြစ်နေလေ့ ရှိတယ်လို့လည်း အစီရင်ခံစာထုတ်ပြန်ရာမှာ ပြောဆိုခဲ့တာပါ။ တကယ်တော့ လူ့အခွင့်အရေး အခြေအနေတွေ တိုးတက်မှုရှိဖို့အတွက် ဒီထက် ထိရောက်တဲ့ နည်းလမ်းတွေကို သုံးဖို့လိုတယ်လို့ Human Rights Watch အဖွဲ့ရဲ့ အာရှရေးရာ လက်ထောက် ညွှန်ကြားရေးမှူး Elaine Pearson က ပြောပါတယ်။

“၂၀၁၀ ပြည့်နှစ်ထဲမှာ တခြားနိုင်ငံတွေက ထိရောက်တဲ့ ဖိအားတွေ အခြေခံကျင့်ဝတ်နဲ့ညီတဲ့ ထိတွေ့ဆက်ဆံမှုတွေကို တွေ့ရမယ့်အစား ဖိနှိပ်တဲ့ အစိုးရတွေက ပိုပြီးတင်းမာတဲ့ သဘောထားတွေရှိခဲ့သလို တိုင်းသူပြည်သားတွေကိုလည်း ပိုပြီးဖိနှိပ်မှုတွေပဲ ရှိခဲ့ပါတယ်။ ဒီအထဲမှာ မြန်မာနိုင်ငံဟာ အကောင်းဆုံးနမူနာ တခုပါ။ စစ်အစိုးရနဲ့ ထိတွေ့ဆက်ဆံဖို့ ကြိုးပမ်းမှုတွေ တွေ့ဆုံစကားပြောဖို့ ကြိုးပမ်းနေတဲ့နိုင်ငံ တနိုင်ငံ ပါ။ တကယ်တမ်းမှာ ဒီလုပ်ရပ်တွေက အခြေခံလုပ်ငန်းစဉ်ပဲ ဖြစ်သင့်ပြီး မြန်မာနိုင်ငံမှာ လူ့အခွင့်အရေး အခြေအနေတွေ တိုးတက်အောင် ဘယ်လို ထိထိရောက်ရောက်ဖြစ်အောင် လုပ်ကြရမလဲ ဆိုတာကို ကြည့်ကြရမှာပါ။”

စာမျက်နှာ ၆၄၉ မျက်နှာရှိပြီး မြန်မာနိုင်ငံက နိုင်ငံရေးအကျဉ်းသားတဦးဖြစ်တဲ့ ကိုအောင်မျိုးသိန်း ရဲ့ ဓာတ်ပုံကို မျက်နှာဖုံးပုံအဖြစ် ဖော်ပြ ထားတဲ့ ဒီအစီရင်ခံစာထဲမှာတော့ မြန်မာနိုင်ငံမှာ နိုင်ငံရေး လူ့အခွင့်အရေးနဲ့ လက်နက်ကိုင် ပဋိပက္ခပြဿနာတွေကို ဖော်ပြခဲ့ပါတယ်။ ဒါပေမဲ့လည်း ပြဿနာတွေကို ဖြေရှင်းရေးမှာတော့ ကုလသမဂ္ဂလို နိုင်ငံတကာအဖွဲ့အစည်းတွေက ပျက်ကွက်မှုတွေရှိခဲ့သလို ဒေသတွင်းက အရှေ့တောင်အာရှ နိုင်ငံများအသင်း (အာဆီယံ)၊ အိမ်နီးချင်း တရုတ်နဲ့ အိန္ဒိယတို့လို နိုင်ငံတွေက စစ်အစိုးရကို ကျောထောက်နောက်ခံ ပေးနေတာတွေကြောင့် တိုးတက်မှုတွေ မရှိဘူးလို့လည်း အစီရင်ခံစာက ဖော်ပြခဲ့တာပါ။

“အရင်လကပဲ အာဆီယံရဲ့ ချဉ်းကပ်ပုံကို တွေ့ခဲ့ရပါသေးတယ်။ စစ်အစိုးရအပေါ် ပိတ်ဆို့ဒဏ်ခတ်မှုတွေ ဆက်လက် ချမှတ်ထားတာတွေ မလုပ်တော့ဖို့ အာဆီယံက ပြောခဲ့တာပါ။ ဒီလိုပဲ အိန္ဒိယက မြန်မာနိုင်ငံအပေါ် ချဉ်းကပ်တဲ့ ပုံစံကိုလည်း တွေ့ရပါတယ်။ EU မှာတောင် ဒါမျိုးတွေ ရှိနေပါတယ်။ EU အဖွဲ့ဝင်တွေထဲမှာတောင်မှာ ချဉ်းကပ်ပုံတွေက ကွဲလွဲနေတာပါ။”

အာဆီယံအသင်းနဲ့ နိုင်ငံတကာအသိုင်းအ၀န်းက တချို့နိုင်ငံတွေကတော့ ပြီးခဲ့တဲ့နှစ်ကုန်ပိုင်းမှာ စစ်အစိုးရက နှစ်ပေါင်း ၂၀ အတွင်း ပထမဆုံးအကြိမ်အဖြစ် ရွေးကောက်ပွဲတွေ ကျင်းပပေးခဲ့တာ၊ ဒီနောက် တပတ်လောက်အကြာမှာ ထိန်းသိမ်းခံ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ပြန်လွှတ်ပေးခဲ့တာ၊ ဒီလကုန်မှာလည်း လွှတ်တော်နဲ့အစိုးရတရပ် ဖွဲ့စည်းသွားဖို့ ရှိနေတာတွေဟာ နိုင်ငံရေး ဖြစ်ထွန်းမှုတွေအဖြစ် ရည်ညွှန်းပြောဆိုနေကြတာပါ။

ဒါပေမဲ့လဲ စစ်အစိုးရ ကျောထောက်နောက်ခံ ပေးထားတဲ့ ပြည်ထောင်စု ကြံ့ခိုင်ဖွံ့ဖြိုးရေးပါတီကသာ အများစုနေရာရခဲ့တာဟာ အပြောင်း အလဲတခုအဖြစ် မမြင်နိုင်သလို ဒေါ်အောင်ဆန်းစုကြည်ကို ပြန်လွှတ်ပေးလိုက်တာဟာလည်း ရွေးကောက်ပွဲရလဒ်တွေကနေ အာရုံလွှဲဖို့ ကြိုးပမ်းတဲ့ လုပ်ရပ်အဖြစ်သာ မြင်နိုင်တယ်လို့ Human Rights Watch က ပြောပါတယ်။

တကယ်တမ်း မြန်မာနိုင်ငံမှာ လူ့အခွင့်အရေး၊ နိုင်ငံရေး အခြေအနေတွေ တိုးတက်ဖို့အတွက်ဆိုရင်တော့ ဒီထက်ထိရောက်တဲ့ နည်းလမ်း တွေနဲ့ ဒေသတွင်းနိုင်ငံတွေရဲ့ ပူးပေါင်းဆောင်ရွက်မှုတွေ လိုမယ်လို့လည်း ဆိုပါတယ်။

“မြန်မာစစ်ဗိုလ်ချုပ်တွေရဲ့ အပြုအမူတွေအပေါ် တကယ်တမ်းသက်ရောက်မှုတွေ ရှိစေချင်တယ်ဆိုရင်တော့ တရုတ်၊ အိန္ဒိယနဲ့ အာဆီယံ တို့လည်း ပူးပေါင်းပါဝင်လာဖို့လိုပါတယ်။ နိုင်ငံရေးအကျဉ်းသားတွေ ပြန်လွှတ်ပေးရေးလိုနိုင်ငံရေးလုပ်ငန်းစဉ်မှာ သက်ဆိုင်သူတွေအားလုံး ပါဝင်ခွင့်ရှိဖို့လိုကိစ္စမျိုးတွေမှာ သူတို့တွေအားလုံး တောင်းဆိုသွားကြရမှာ ဖြစ်ပါတယ်။”

လက်ရှိစစ်အစိုးရအပေါ် ပိတ်ဆို့ဒဏ်ခတ်မှုတွေ ချမှတ်ထားတဲ့ အမေရိကန် ပြည်ထောင်စုနဲ့ EU နိုင်ငံတွေ အနေနဲ့လည်း အရေးယူမှုတွေ ထိရောက်မှုရှိစေဖို့ ပိုပြီး ပူးပေါင်းဆောင်ရွက်မှုတွေ လုပ်ဆောင်သွားဖို့ လိုတယ်လို့လည်း Human Rights Watch အဖွဲ့ရဲ့ အာရှရေးရာ လက်ထောက်ညွှန်ကြားရေးမှူး Elaine Pearson က ပြောပါတယ်။ ဒီလိုပဲ ထိတွေ့ဆက်ဆံမယ့် မူဝါဒတွေမှာ ဆိုရင်လည်း အချိန်ကာလ သတ်မှတ်ချက်တွေနဲ့ ချမှတ်ဆောင်ရွက်ရလိမ့်မယ်လို့ တိုက်တွန်းခဲ့တာ ဖြစ်ပါတယ်။ VOAသတင်းမှ ကူးယူဖေါ်ပြပါသည်။

NLD ဝေမယ့် ဆန် လူတွေ ရာချီ စောင့်ဆိုင်း

ချင်းပြည်နယ် ကန်ပက်လက် ဒေသမှာ မနှစ်က ကြွက်ကျခဲ့တာကြောင့် သီးနှံတွေ ပျက်စီးပြီး ရိက္ခာ ရှားပါးမူတွေ ဖြစ်ပေါ်ခဲ့တာကြောင့် NLD ပါတီက ဦးစီးပြီး ဆန်ဝေဖို့ စီစဉ်ခဲ့ရာမှာ ဇန်န၀ါရီလ ၂၃ ရက်နေ့မှာ ဆန်ဝေရေး အဖွဲ့တွေ ကန်ပက်လက်ကို ရောက်ရှိခဲ့ပါတယ်။

NLD က ဦးစီးပြီး ဆန်ဝေမယ်ဆိုတဲ့ သတင်းကြောင့် ကန်ပက်လက်မြို့ အနီး ရွာတွေက လူတွေ ရာနဲ့ချီပြီး ဇန်န၀ါရီလ ၂၄ ရက်နေ့ မနက်ကထဲက ကန်ပက်လက်ကို ရောက်လာတယ်လို့ သိရပါတယ်။

ဒါပေမဲ့ မြို့နယ် အာဏာပိုင်တွေက ဆန်ဝေရေးကိစ္စကို အထက်ကို တင်ပြပေးမယ် ဆိုတာကြောင့် ဆန်မဝေနိုင်သေးဘူး။

ချင်းပြည်နယ် အတွင်း ရိက္ခာပြတ်လပ်မှုနဲ့ ပတ်သက်ပြီး ကန်ပက်လက်မြို့ပေါ်ကို တက်လာကြတဲ့ ပတ်ဝန်းကျင် ရွာသူရွာသားတွေကို ဦးတင်အောင်ခိုင်က ဆက်သွယ် မေးမြန်းထားပါတယ်။




RFAသတင်းမှ ကူးယူဖေါ်ပြပါသည်။

NLD တရားဝင် ရပ်တည်ခွင့် နောက်ဆုံး လျှောက်လဲချက် ပြီးပြီ

NLD ပါတီ တရားဝင် ရပ်တည်ခွင့် ရှိရေးအတွက် တရားရုံးချုပ်မှာ အထူးအယူခံ ၀င်ထားတဲ့ အမှုကို ဒီကနေ့ နေပြည်တော် တရားရုံးချုပ်မှာ နှစ်ဘက် ရှေ့နေတွေက နောက်ဆုံး လျှောက်လဲချက် တင်သွင်းခဲ့ကြပါတယ်။ နောက်ဆုံးစီရင်ချက် ဘယ်တော့ချမယ်ဆိုတာ အတိအကျ မသိရသေးပေမဲ့ ဒီကိစ္စဟာ ဥပဒေလမ်းကြောင်းအရ မှန်ကန်နေတဲ့အမှု ဖြစ်တာကြောင့် ဒီအမှုကို ပယ်မယ့်အစား လက်ခံမယ်လို့ သူတို့အနေနဲ့ မျှော်လင့်ကြောင်း အကျိုးဆောင် ရှေ့နေကြီး ဦးဉာဏ်ဝင်းက ပြောပါတယ်။ အပြည့်အစုံကို ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။

ပြီးခဲ့တဲ့ နိုဝင်ဘာ ရွေးကောက်ပွဲမှာ ၀င်ရောက်ယှဉ်ပြိုင်ခြင်း မပြုဖို့ NLD ပါတီက ဆုံးဖြတ်ခဲ့ပြီးနောက်ပိုင်း စစ်အစိုးရက ထုတ်ပြန်ထားတဲ့ ဥပဒေတွေအရ ပါတီအနေနဲ့ နိုင်ငံရေးပါတီအဖြစ် တရားဝင် ရပ်တည်ပိုင်ခွင့် မရှိတော့သလို ဖြစ်သွားခဲ့တဲ့နောက်ပိုင်း ပါတီ တရားဝင် ရပ်တည်ပိုင်ခွင့် ရရေးအတွက် တရားစွဲဆိုထားခဲ့တာပါ။

အရင် စွဲဆိုချက်တွေကို တရားရုံးချုပ်က ပလပ်လိုက်ပေမဲ့ အခုနောက်ဆုံး နေပြည်တော် တရားရုံးချုပ်မှာ တင်သွင်းထားတဲ့ လျှောက်လဲချက်နဲ့ ပတ်သက်လို့တော့ ဒီကနေ့ နေပြည်တော် တရားရုံးချုပ်က နှစ်ဘက် ရှေ့နေတွေရဲ့ လျှောက်လဲချက်တွေကို ကြားနာခဲ့တဲ့အကြောင်း NLD ပါတီ ဗဟို ဥပဒေ အထောက်အကူပြု အဖွဲ့ဝင်လည်းဖြစ်၊ ဒီအမှုကို လိုက်ပါဆောင်ရွက်ပေးနေတဲ့ အကျိုးဆောင်ရှေ့နေ တဦးလည်းဖြစ်တဲ့ ဦးဉာဏ်ဝင်းက ပြောပြပါတယ်။

“ဒီနေ့မနက် ၁၀ နာရီမှာ နှစ်ဘက်ပေါ့၊ ကျနော်တို့ တဘက်ရယ်၊ အစိုးရဘက်က ရှေ့နေချုပ်ရုံးရယ်၊ လျှောက်လဲချက် ပေးပါတယ်။ ၁၂ နာရီဝန်းကျင်မှာ ပြီးပါတယ်။ ကျနော်တို့ဘက်ကတော့ ဆရာ ဦးကြည်ဝင်း ကိုယ်တိုင် လျှောက်လဲချက် ပေးပါတယ်။ အဲဒါကို အမိန့်ကျဖို့ရက် မရသေးပါဘူး။ ကျနော်ကတော့ Order Result ပေ့ါ၊ အမိန့်ချမှတ်ရန် သီးသန့်ထားသည်ဆိုတော့ ကျနော်တို့ အဲဒါ အမိန့်စောင့်ရဦးမယ်။ လျှောက်လဲချက်ပေးတဲ့ အဆင့်ပါပဲ။ ကိုယ့်ဘက်က လျှောက်လဲချက် ပေးတယ်၊ ဟိုဘက်က လျှောက်လဲချက် ပေးတယ်၊ အဲဒါပါပဲ။”

အစိုးရရှေ့နေတွေဘက်ကတော့ စစ်အစိုးရက ထုတ်ပြန်ထားတဲ့ ဥပဒေသစ်တွေကို ကိုးကားပြီး တင်ပြခဲ့တဲ့အကြောင်း ဦးဉာဏ်ဝင်းက ဆက်ပြောပြပါတယ်။

“သူတို့ကတော့ ဒီဥစ္စာ မှန်တယ်ပေါ့။ ဥပဒေအသစ် ထွက်နေပြီ၊ ဥပဒေအတိုင်းပဲ ဘာညာပေါ့ဗျာ။ ကျနော်တို့ကတော့ အသေးစိတ် ပြောပါတယ်။ ကျနော်တို့ပြောတဲ့ အသေးစိတ်ကိုလည်း ဟိုဘက်က အသေးစိတ်တော့ မတုံ့ပြန်ဘူး။ မတုံ့ပြန်ဘူးဆိုတာ သူတို့ Ready မဖြစ်တာလည်း ပါမှာပေါ့ဗျာ။ အကြမ်းဖျင်းအားဖြင့်တော့ အစိုးရဘက်က ဒါ မှန်တယ်လို့ ပြောတာပေါ့။ ကျနော်တို့ကတော့ လုံးဝ လွဲမှားနေတဲ့အကြောင်း ဥပဒေ အထောက်အထားနဲ့ ပြောတာပါ။”

အခု သူတို့ဘက်က လျှောက်လဲချက်ဟာ ဥပဒေလမ်းကြောင်းအရ မှန်ကန်တဲ့ လျှောက်လဲချက် ဖြစ်တာကြောင့် လျှောက်ထားချက်အပေါ် တရားရုံးက လက်ခံမယ်လို့ သူ့အနေနဲ့ ယုံကြည်တဲ့အကြောင်း ဦးဉာဏ်ဝင်းက ပြောပါတယ်။

“ကျနော့်အနေနဲ့တော့ ဥပဒေကြောင်းအရ ကောင်းတဲ့အတွက် ပယ်လိုက်တယ် ဆိုတဲ့အစား လက်ခံလိမ့်မယ်လို့ ကျနော်တို့ ယုံကြည်တယ်။”

NLD ဗဟို ဥပဒေ အထောက်အကူပြု အဖွဲ့ဝင် အကျိုးဆောင် ရှေ့နေကြီး ဦးဉာဏ်ဝင်း ပြောပြခဲ့တာ ဖြစ်ပါတယ်။

နေပြည်တော် တရားရုံးက NLD ပါတီ တရားဝင် ရပ်တည်ခွင့် ရှိရေးအတွက် လက်ခံပြီး ဆုံးဖြတ်ချက် ချပေးလိုက်ရင် ပါတီအနေနဲ့ တရားဝင် နိုင်ငံရေးပါတီအဖြစ် ရပ်တည်ခွင့်ရှိမှာ ဖြစ်ပေမဲ့ တရားရုံးက ပယ်လိုက်ရင်တော့ NLD ပါတီဟာ တရားဝင် နိုင်ငံရေးပါတီအဖြစ် ဆက်လက်ရပ်တည်ခွင့် ရတော့မှာ မဟုတ်ပါဘူး။

စစ်အစိုးရက ထုတ်ပြန်ခဲ့တဲ့ ၂၀၁၀ ရွေးကောက်ပွဲဆိုင်ရာ ဥပဒေ၊ နည်းဥပဒေတွေအရ ရွေးကောက်ပွဲ မ၀င်ဖို့ ဆုံးဖြတ်ခဲ့တဲ့ NLD ပါတီ အနေနဲ့ အဲဒီ ဥပဒေတွေနဲ့ ငြိစွန်းပြီး တရားဝင် နိုင်ငံရေးပါတီအဖြစ် ဆက်လက်ရပ်တည်ခွင့် မရတော့သလို ဖြစ်ခဲ့ပေမဲ့ NLD ကတော့ အရင် ၁၉၉၀ ခုနှစ် ရွေးကောက်ပွဲမှာ တရားဝင် မှတ်ပုံတင်ထားပြီး ဖြစ်တဲ့အတွက် မှတ်ပုံထပ်တင်စရာ မလိုတော့ဘူးလို့ အစောပိုင်းက ပြောထားခဲ့ဖူးပါတယ်။ VOAသတင်းမှ ကူးယူဖေါ်ပြပါသည်။

ဒေါ်အောင်ဆန်းစုကြည် ကျန်းမာရေး ပြန်လည်ကောင်းမွန်

မင်းနိုင်သူ Monday, 24 January 2011 19:43 .


အမျိုးသား ဒီမိုကရေစီ အဖွဲ့ချုပ် (NLD) အထွေထွေ အတွင်းရေးမှူး ဒေါ်အောင်ဆန်းစုကြည်သည် ယခင်ရက်ပိုင်းများက ကျန်းမာရေး ချို့ယွင်း နေရာမှ ယခု ပြန်လည် ကောင်းမွန်လာပြီ ဖြစ်ကြောင်း သိရသည်။

“သာမန် ဖျားနာမှုသဘော လောက်ပါပဲ၊ ဒီနေ့အထိတော့ နားနေပါသေးတယ်၊ အအေးမိတဲ့သဘောပါ။ နောက်ရက်တွေ ရုံးချုပ်ကိုပြန် တက်နိုင်တော့မှာပါ”ဟု NLD ပြောခွင့်ရ ဦးအုန်းကြိုင်က ပြောသည်။

လွန်ခဲ့သည့်ရက်ပိုင်းများက မြန်မာပြည်တွင် အအေးပိုခဲ့ရာ ဇန်န၀ါရီ ၂၁ ရက်တွင် ဒေါ်အောင်ဆန်းစုကြည်သည် ထိုင်းနိုင်ငံခြားရေး ၀န်ကြီး မစ္စတာ ကဆစ် ဖိရုမ်းနှင့် တွေ့ဆုံခဲ့ပြီးနောက် ကျန်းမာရေးကြောင့် အနားယူနေခဲ့ရသည်။

ယနေ့ ပါတီ ဗဟိုအလုပ်အမှုဆောင် အစည်းအဝေးသို့ ဒေါ်အောင်ဆန်းစုကြည် မတက်ရောက်နိုင်သေးသော်လည်း ဖေဖော်ဝါရီ ၁၂ ရက်တွင် ကျရောက်မည့် ပြည်ထောင်စုနေ့ အခမ်းအနားကို ပါတီရုံးချုပ်တွင် ပြုလုပ်သွားရန် ဆုံးဖြတ်ခဲ့ကြကြောင်း သိရသည်။

နအဖ စစ်အစိုးရရုံးစိုက်ရာ နေပြည်တော် တရားရုံးချုပ်တွင် NLD ပါတီရပ်တည်ခွင့် အထူးအယူခံအတွက် ယနေ့ ကြားနာမှုပြုနေ စဉ်မှာပင် NLD ဗဟိုအလုပ်အမှုဆောင်များက ကျင်းပနေကျ ပြည်ထောင်စုနေ့အခမ်းအနားကို ဆက်လက် ကျင်းပသွားရန် ဆုံးဖြတ်ခဲ့ကြခြင်းဖြစ်သည်။

“ပါတီရပ်တည်ခွင့် အထူးအယူခံအတွက် ရှေ့နေကြီး ဦးဉာဏ်ဝင်း ၊ ဦးကျော်ဟိုးတို့ နေပြည်တော်ကို ဒီကနေ့ သွားရောက်ပြီး လျှောက်လဲချက် ပေးခဲ့ပါတယ်”ဟု ဦးအုန်းကြိုင်က ပြောသည်။

၁၉၉၀ ရွေးကောက်ပွဲအနိုင်ရ NLD ပါတီသည် နအဖ စစ်အစိုးရ ကျင်းပသော ၂၀၁၀ ရွေးကောက်ပွဲအတွက် ပါတီထပ်မံ မှတ်ပုံတင်ခြင်း မပြုသောကြောင့် ရွေးကောက်ပွဲကော်မရှင်က NLD ပါတီကို တရားဝင် ရပ်တည်ခွင့်မရှိကြောင်း ကြေညာခဲ့သည်။

ထိုကဲ့သို့ ကြေညာခဲ့သည့်အပေါ် ဒေါ်အောင်ဆန်းစုကြည်က ပြန်လည် တရားရင်ဆိုင်နေရာ ပါတီရပ်တည်ခွင့် အထူးအယူခံကို နေပြည်တော် တရားရုံးချုပ်က ယနေ့လက်ခံကြားနာခဲ့ခြင်းဖြစ်သည်။

ယနေ့ အထူးအယူခံသည် နောက်ဆုံးအဆင့် အယူခံဖြစ်ပြီး တရားရုံးချုပ်က စီရင်ချက်ချမည့်နေ့ကိုမူ မသိရသေးပေ။

Copyright © 2011 ဧရာဝတီ.

ချင်းဒေသအတွက် ကျပ်သိန်း ၃ဝဝ ခန့် NLD လှူ

ကြွက်အန္တရာယ်ကျခဲ့သည့် ချင်းပြည်နယ် ၂ မြို့နယ်သို့ ကျပ်သိန်း ၃ဝဝ ခန့် တန်ဖိုးရှိ ဆန်နှင့် ရေပိုက်များ လှူဒါန်းကြောင်း အမျိုးသားဒီမိုကရေစီအဖွဲ့ချုပ် NLD က ပြောသည်။

၂ဝဝ၈ ခုနှစ်ထဲတွင် ကောက်ပဲသီးနှံများကို ကြွက်အုပ်များ ကိုက်ဖြတ်စားသောက်ခဲ့သဖြင့် ပြည်နယ်တောင်ပိုင်း ကန်ပက်လက်နှင့် မြောက်ပိုင်း ထန်ထလန်တွင် စားနပ်ရိက္ခာ ရှားပါးသောကြောင့် သွားရောက်လှူဒါန်းခြင်း ဖြစ်သည်။

“ဒီနေ့ သွားလှူနေပါပြီ။ ဆန် သိန်း ၂၅ဝ ဖိုး ရှိပါတယ်။ nlddonateရေစီမံချက်က သိန်း ၆ဝ လောက် ရှိတယ်၊ သိန်း ၃ဝဝ နီးနီးပါ။ တိုင်းရင်းသားတွေရဲ့ အခက်အခဲကို ကျနော်တို့ ကူညီတာပါ။ ကျနော်တို့ပဲ မဟုတ်ဘဲ တသီးပုဂ္ဂလ ကိုယ်စားလှယ်တွေ ပူးပေါင်း ဆောင်ရွက်တယ်ဆိုတော့ ပိုအားရပါတယ်” ဟု ပါတီပြောခွင့်ရ ဦးအုန်းကြိုင်က မဇ္စျိမကို ပြောသည်။

ယခုလ ၁ဝ ရက်နေ့တွင် ချင်းပြည်နယ် NLD ဥက္ကဋ္ဌ ပူးဗာလီယန်က ပါတီခေါင်းဆောင် ဒေါ်အောင်ဆန်းစုကြည်ကို တွေ့ဆုံတင်ပြခဲ့ပြီးနောက် ကြွက်ဘေးသင့် ဒေသကို လှူဒါန်းရန် NLD ဗဟို ဆုံးဖြတ်ခဲ့ခြင်း ဖြစ်သည်။

မကွေးတိုင်း ချောက်မြို့ရှိ ဆန်များ ဝယ်ယူကာ ချင်းပြည်နယ်သို့ ကားဖြင့် တင်ပို့ပြီး ကန်ပက်လက် မြို့နယ်စည်း ဥက္ကဋ္ဌ နေအိမ်၌ မြို့နယ်တွင်း ကျေးရွာများမှ ရွာသား ၁ သောင်းခန့်ကို တဦးလျှင် ၃ ပြည်နှုန်း ဖြန့်ဝေသွားမည်။ ထို့အတွက် ကျပ်သိန်း ၂၁ဝ တန်ဖိုးရှိ တတင်းခွဲဝင် ဆန်အိတ် ၁၂၅ဝ လှူဒါန်းသည်။

ဆန်ဝေငှရေးအတွက် ရန်ကုန် ဗဟန်းမြို့နယ် ပါတီဥက္ကဋ္ဌ ဦးအောင်မြင့်၊ ချင်းပြည်နယ် စည်းရုံးရေး ကော်မတီမှ ကိုဇိုဘွယ်၊ တောင်ဥက္ကလာပမြို့နယ် တသီးပုဂ္ဂလ အမတ်လောင်း ဒေါက်တာစောနိုင်၊ အဖွဲ့ဝင်လူငယ် ကိုဘမောင် သွားရောက်နေသည်။

ထန်တလန်မြို့နယ် ဘယ်လဟားနှင့် ဘုံတလန်းရွာများရှိ လူ ၇၅ဝ အတွက် ဆန်လှူရန် ပူးဗာလီယန်၊ ဒီမိုကရက်တစ် (မြန်မာပြည်) ပါတီမှ ဦးနေဖူးဘဆွေ၊ ဇိုမီးကွန်ဂယက် ZNC ပါတီလူငယ် အင်ဇာထန်၊ NLD ဗဟိုလူငယ် ကိုအေးမင်းစိုး သွားနေသည်။ ၎င်းတို့က ဟားခါးမြို့မှ ကျပ် ၃၃ သိန်းတန်ဖိုးရှိ ဆန်များကို ဝယ်ယူကာ မနက်ဖြန် လှူဒါန်းမည်။

ထို့ပြင် ဖလမ်းမြို့ အိမ်ခြေ ၃ဝဝ ကျော်ရှိ ရေမဝယ်ရပ်ကွက်၌ သောက်သုံးရေ ခက်ခဲသဖြင့် ရေပိုက်အတွက် တန်ဖိုး ကျပ်သိန်း ၆ဝ ကျော် လှူနိုင်ရန် NLD က နည်းပညာဆိုင်ရာ ကြည့်ရှုရေး သွားရောက်နေပြီ ဖြစ်သည်။

ယမန်နေ့တွင် ကန်ပက်လက် မြို့နယ်ရုံး အာဏာပိုင်များက စစ်ဆေးမေးမြန်းခဲ့သော်လည်း နှောင့်ယှက်ခြင်း မရှိပါ။

NLD သည် ရွေးကောက်ပွဲကို ပါတီမှတ်ပုံခြင်း မရှိသဖြင့် ပြီးခဲ့သည့်နှစ် စက်တင်ဘာ ၁၄ ရက်နေ့တွင် ၎င်းအပါအဝင် ၁၉၉ဝ ရွေးကောက်ပွဲဝင် ၁ဝ ပါတီကို ဖျက်သိမ်းကြောင်း စစ်အစိုးရက ကြေညာခဲ့သည်။

သို့သော် NLD က တရားဝင် ရပ်တည်ခွင့်ရှိကြောင်း ဆုံးဖြတ်ရန် တင်သွင်းသည့် ဒုတိယမြောက် အထူးအယူခံကို နေပြည်တော် တရားရုံးချုပ်တွင် ယနေ့ နှစ်ဖက်ရှေ့နေများ လျှောက်လဲချက်ပေးခဲ့သည်။

ယခုလ ၁၃ ရက်နေ့တွင် အထူးအယူခံကို ကြားနာရန် လက်ခံခဲ့ပြီးနောက် နေပြည်တော် တရားရုံးချုပ် တရားသူကြီး ဦးအောင်တိုး အပါအဝင် တရားသူကြီး ၃ ဦးထိုင်ဖြင့် ယနေ့မနက် ၁ဝ နာရီမှ ၁၂ နာရီထိ NLD ရပ်တည်ရေးနှင့် ပတ်သက်၍ ရှေ့နေကြီး ဦးကြည်ဝင်းက လျှောက်လဲခဲ့သည်။

ဒေါ်အောင်ဆန်းစုကြည်ကိုယ်တိုင် ကျမ်းသစ္စာကျိန်ခဲ့ပြီးနောက် ပြီးခဲ့သည့် နိုဝင်ဘာ ၂၂ ရက်နေ့တွင် တရားဝင် ပါတီရပ်တည်ခွင့်ရှိကြောင်း ပထမဆုံး အထူးအယူခံခဲ့ရာ နေပြည်တော် တရားရုံးချုပ်က ပယ်ချခဲ့သေးသည်။ ယနေ့တွင် ရှေ့နေ ဦးဥာဏ်ဝင်းနှင့် ရှေ့နေ ဦးကျော်ဟိုး သွားရောက်ခဲ့သည်။

NLD ကို မပယ်ဖျက်နိုင်ကြောင်း အထောက်အထားများနှင့် လျှောက်လဲခဲ့သဖြင့် တရားရုံးအနေဖြင့် လက်ခံမည်ဟု ယုံကြည်ကြောင်း ရှေ့နေ ဦးဥာဏ်ဝင်းက မဇ္စျိမကို ပြောသည်။

“လက်ခံလိမ့်မယ်လို့ မျှော်လင့်ပါတယ်။ ဥပဒေအရ အဲဒီလို ပယ်ဖျက်လို့ မရဘူး။ အဲဒီ ဥပဒေ အထောက်အထားတွေကို ကျနော်တို့ တင်ပြထားတယ်။ အဲဒီအပေါ် ယုံကြည်တာပါ” ဟု သူက ပြောသည်။ NLD ရပ်တည်ရေးအတွက် အမှုရက်ချိန်း သတ်မှတ်မထားသော်လည်း တပတ်အတွင်း သတ်မှတ်လေ့ရှိသည်ဟု ဆိုသည်။




MIZZIMAသတင်းမှ ကူးယူဖေါ်ပြပါသည်။