ရွေးကောက်ပွဲမတိုင်မီ နိုင်ငံရေးအကျဉ်းသား လွှတ်ဖို့ ကင်တားနား တိုက်တွန်း

04 February 2010


ကုလသမဂ္ဂရဲ့ မြန်မာပြည်ဆိုင်ရာ လူ့အခွင့်အရေး အထူးကိုယ်စားလှယ် မစ္စတာ တောမားစ် အိုဟေး ကင်တားနား (Tomas Ojea Quintana) ဟာ ၅ ရက်ကြာ ခရီးစဉ်နဲ့ အခုလလယ်ပိုင်းမှာ မြန်မာပြည်ကို သွားပါလိမ့်မယ်။ အခုတခေါက် ခရီးစဉ်ဟာ စစ်အစိုးရက ဒီနှစ်ထဲ ကျင်းပမယ့် ရွေးကောက်ပွဲတွေ မတိုင်ခင် သွားရောက်မယ့် ခရီးစဉ်ဖြစ်လို့ ထူးခြားမှုတချို့ ရှိလာလိမ့်မယ်လို့လည်း သူက မျှော်လင့်နေပါတယ်။

လူ့အခွင့်အရေးကို လေးစားလိုက်နာတဲ့ အနေနဲ့ မြန်မာစစ်အစိုးရက ရွေးကောက်ပွဲ မတိုင်ခင်မှာ နိုင်ငံရေး အကျဉ်းသားတွေကို ပြန်လွှတ်ပေးသင့်တယ်လို့လည်း မစ္စတာ ကင်တားနားက ဆိုပါတယ်။ အပြည့်အစုံကို ဆက်သွယ်မေးမြန်းထားတဲ့ ကိုကျော်အောင်လွင်က တင်ပြပေးထားပါတယ်။

မစ္စတာ ကင်တားနားက အခု ဖေဖော်ဝါရီလ ၁၅ ရက်ကနေ ၁၉ ရက်အထိ ၅ ရက်ကြာ ခရီးစဉ်နဲ့ မြန်မာပြည်ကို သွားမှာ ဖြစ်ပါတယ်။ ဒီခရီးစဉ်ရဲ့ ထူးခြားချက်က ဘာတွေဖြစ်လိမ့်မလဲလို့ မစ္စတာ ကင်တားနားကို မေးကြည့်တော့…

“ရခိုင်ပြည်နယ်ကို သွားနိုင်ဖို့ မြန်မာစစ်အစိုးရကို မေတ္တာရပ်ခံထားပါတယ်။ အခြေခံအားဖြင့် အဲဒီဒေသမှာ ရှိနေတဲ့ မွတ်ဆလင် ရိုဟင်ဂျာတွေရဲ့ လူ့အခွင့်အရေး အခြေအနေတွေကို သိနိုင်ဖို့ပါ။

“နောက်တခုက အရင်အခေါက်တွေကနဲ့ မတူတဲ့ အာဏာပိုင်တွေနဲ့ပါ တွေ့ဆုံပြီး ကျနော်တောင်းဆိုထားတဲ့ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ အားလုံးကို သူတို့ တကယ်ပဲ ပြန်လွှတ်ပေးချင်စိတ် ရှိရဲ့လားဆိုတာကို သိချင်တာပါ။” လို့ ပြောသွားခဲ့ပါတယ်။

မစ္စတာ ကင်တားနားဟာ၂၀၀၈ ခုနှစ် မေလက စပြီး မြန်မာပြည်ဆိုင်ရာ ကုလသမဂ္ဂရဲ့ လူ့အခွင့်အရေး အထူးကိုယ်စားလှယ်အဖြစ် တာဝန်ယူခဲ့တာပါ။ အရင်က မြန်မာပြည်ကို ၂ ကြိမ် သွားရောက်ခဲ့ပြီးပါပြီ။ နောက်ဆုံးတခေါက် ပြီးခဲ့တဲ့နှစ် ၂၀၀၉ ခု ဖေဖော်ဝါရီလတုန်းက သူ့ရဲ့ မြန်မာပြည် ခရီးစဉ်မှာ နေအိမ်အကျယ်ချုပ် ချခံထားရတဲ့ ဒေါ်အောင်ဆန်းစုကြည်နဲ့ တွေ့ဆုံခွင့်ရဖို့ မြန်မာအာဏာပိုင်တွေကို တောင်းဆိုခဲ့ပေမဲ့ တွေ့ခွင့်မရခဲ့ပါဘူး။ အခုတခေါက်လည်း တွေ့ခွင့်ရဖို့ သူ ထပ်တောင်းဆိုထားပါတယ်လို့ ပြောပါတယ်။

“ဒေါ်အောင်ဆန်းစုကြည်နဲ့ တွေ့ဆုံဖို့ ထပ်တောင်းဆိုထားရတာက ဒေါ်အောင်ဆန်းစုကြည်ဟာ ဥပဒေမဲ့ နေအိမ်အကျယ်ချုပ် ချခံထားရတဲ့သူ ဖြစ်တယ်။ ဒါဟာ နိုင်ငံတကာ လူ့အခွင့်အရေးစံတွေ အားလုံးနဲ့ ဆန့်ကျင်နေတာပါ။” လို့ ပြောခဲ့ပါတယ်။

မကြာခင် ရက်ပိုင်းမှာပဲ မစ္စတာ ကင်တားနား မြန်မာပြည်ကို သွားတော့မယ် ဆိုပေမဲ့ ပြဿနာက သူ မြန်မာပြည်ရောက်ပြီးရင် ဘာလုပ်ရမယ်ဆိုတဲ့ အစီအစဉ်ကို မြန်မာအာဏာပိုင်တွေဘက်က အတည်မပြုသေးတာပါပဲ။

“အခုခရီးစဉ်ရဲ့ သွားရမယ့်ရက်နဲ့ ပြန်ရမယ့်ရက်ကိုတော့ အတည်ပြုချက် ရထားပြီ ဆိုပေမဲ့ မြန်မာပြည်မှာ လုပ်ကိုင် သွားလာရမယ့် အစီအစဉ်ကိုတော့ အခုချိန်ထိ ညှိနှိုင်းနေရတုန်းပါပဲ။ ဒါဟာ တော်တော် အဆင်မပြေတာပါ။ ခရီးစဉ်မတိုင်ခင် ရက်တွေမှာ လုပ်ရမယ့် အစီအစဉ်ကို သိပါရစေလို့ မြန်မာအစိုးရကို ကျနော် အမြဲတမ်း ပြောပြောနေတာပါ။” လို့ မစ္စတာ ကင်တားနားက ပြောသွားပါတယ်။

အခုခရီးစဉ်နဲ့ ပတ်သက်ပြီး မစ္စတာ ကင်တားနား မျှော်လင့်ထားတာ တခုကတော့ ရွေးကောက်ပွဲ မတိုင်ခင် သွားရမှာမို့ လူ့အခွင့်အရေးကို လေးစားတဲ့အကြောင်း မြန်မာအာဏာပိုင်တွေဘက်က ပြသလိမ့်မယ် ဆိုတာပါပဲ။

“ကျနော် မြန်မာပြည်ဆိုင်ရာ လူ့အခွင့်အရေး ကိုယ်စားလှယ် တာဝန် စပြီး ထမ်းဆောင်ရကတည်းက တောင်းဆိုထားတဲ့ အထဲမှာ နိုင်ငံရေး အကျဉ်းသားတွေ အားလုံးကို ပြန်လွှတ်ဖို့၊ လွတ်လပ်စွာ ပြောဆိုခွင့်၊ အဖွဲ့အစည်း ဖွဲ့စည်းခွင့်တွေကို မြန်မာစစ်အစိုးရ အနေနဲ့ စပြီး ခွင့်ပြုပေးဖို့ တောင်းဆိုခဲ့တာပါ။ အခုနှစ်က ရွေးကောက်ပွဲတွေ ကျင်းပဖို့ မြန်မာစစ်အစိုးရက စီစဉ်ထားတာကြောင့် အကောင်အထည် ဖော်ရမှာတွေ အများကြီး ရှိပါတယ်။

“လူ့အခွင့်အရေး ရှုထောင့်က ကြည့်ရင် ရွေးကောက်ပွဲတွေဟာ လူ့အခွင့်အရေးကို လေးစားရပါလိမ့်မယ်။ မြန်မာအာဏာပိုင်တွေ နားလည်ထားသင့်တာက ရွေးကောက်ပွဲ ဒီနှစ်ထဲမှာ လုပ်မယ်ဆိုရင် နိုင်ငံရေး အကျဉ်းသားတွေကို ပြန်လွှတ်ပေးသင့်တယ် ဆိုတာပါပဲ။” လို့ ပြောသွားခဲ့ပါတယ်။

NLD-LA (မလေးရှား) မှ ရွေးကောက်ပွဲအကြောင်း ရှင်းလင်းပွဲလုပ်

Wed 03 Feb 2010, ခတ္တာနန်
မလေးရှားအခြေစိုက် အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) မှ မြန်မာအလုပ်သမားများအား ၂၀၁၀ ရွေးကောက်ပွဲအကြောင်းနှင့် ၂၀၀၈
အခြေခံဥပဒေအကြောင်း ရှင်းလင်းပွဲ စတင်ပြုလုပ်နေကြောင်း သိရသည်။

ယခုနှစ် ဇန်နာဝါရီလ ၁၅ ရက်နေ့မှစတင်၍ (NLD-LA) အဖွဲ့များ ၂၀၁၀
ရွေးကောက်ပွဲအား ဆန့်ကျင်နိုင်ရန်နှင့် မလေးရှားရောက်ပြည်သူများအား ၂၀၀၈ ဖွဲ့စည်းပုံအခြေခံဥပဒေနှင့် စပ်လျင်း၍ တိုင်းရင်းသားပြည်သူတို့၏ ရှေးအနာဂတ်ကို သိရှိလာနိုင်အောင် လှုပ်ရှားသွားမည်ဖြစ်ကြောင်း သိရသည်။

“ဒေသတခုကနေတခုကိုသွားတဲ့အခါမှာ ၂ ပတ် ဒါမှမဟုတ် ၃ ပတ်လောက်
ကြိုတင်ပြီးတော့ အဲဒီဒေသက NLD-LA အဖွဲ့ နယ်မြေတာဝန်ခံတွေကို နေရာ စီစဉ်ထားခိုင်းတယ်၊ ဘယ်နေ့ ဘယ်အချိန်မှာ ၂၀၁၀ ရွေးကောက် ပွဲဆိုင်ရာ ရှင်းလင်းပွဲရှိတယ်ဆိုပြီတော့ စာဖြန့်ဝေတယ်၊ တကယ်လို့နယ် မြေတာဝန်ခံမရှိဘူးဆိုရင်လည်း လူသူသိများတဲ့ လူတစ်ယောက် ယောက်ကို ခေါင်းဆောင်တင်ပြီးတော့ အလုပ်သမားတွေကို စုထားခိုင်း တယ်” ဟု အမျိုးသားဒီမိုကရေစီအဖွဲ့ချုပ် လွတ်မြောက်နယ်မြေ (မလေး ရှား) မှ ဥက္ကဌ ဦးကျော်ကျော်က ပြောသည်။

ရှင်းလင်းပွဲမှာ မြန်မာစစ်အစိုးရမှ ကျင်းပသည့် ၂၀၁၀ ရွေးကောက်ပွဲသည်
တရားမျှတမှုမရှိနိုင်ကြောင်း၊ ၁၉၉၀ ခုနှစ်အတွင်းပြုလုပ်ခဲ့သောရွေး ကောက်ပွဲတွင် (NLD) မှ အနိုင်ရခဲ့သော်လည်း ယနေ့အချိန်ထိ အာဏာ လွှဲပြောင်းပေးမှုမရှိကြောင်း၊ ယခုကျင်းပမည့် ရွေးကောက်ပွဲ မှာလည်း
မည်သူနိုင်သည်ဖြစ်စေ တိုင်းရင်းသားပြည်သူများ အတွက်မည်သည့်အာ မခံချက်မှမရှိသည့် စနစ်ဖြင့် အုပ်ချုပ်သွားမည်ဖြစ်ပြီး၊ စစ်အစိုးရ၏ ရာသက်ပန် အာဏာတည်မြဲရေးကိုသာ ဦးတည်သွားမည်ဖြစ်ကြောင်း၊ ၂၀၀၈ အခြေခံဥပဒေလည်း ပြည်သူတွေအတွက်မည်သည့်အကျိုးသက် ရောက်မှုမျှမရှိကြောင်း စသည့်အကြောင်းအရာများကို ရှင်းလင်း ကြောင်း ၄င်းက ဆက်ပြောသည်။

မလေးရှားနိုင်ငံတွင်အလုပ်လုပ်နေသည့် တရားဝင်အလုပ်သမားနှင့်
တရားမဝင်အလုပ်သမားပေါင်း ငါသိန်းနီးပါးရှိပြီး၊ ယခုအချိန်တွင်
ရှင်းလင်းပွဲပေါင်း ၅၀ ဝန်းကျင် ပြုလုပ်ခဲ့ပြီး လူဦးရေ ၂ သောင်းနီးပါး
တက်ရောက်ခဲ့သည်။ ပထမဆုံးလုပ်သော ရှင်းလင်းပွဲတွင် အလုပ်သမား ၁၀ ဦးခန့်သာရှိပြီး နောက်ပိုင်းတွင် တဖြည်းဖြည်းတိုးလာကြောင်း သိရသည်။

“၂၄ ရက်နေ့မှာ ဥက္ကဌ ဦးကျော်ကျော်တို့လားပြီး ဆွေးနွေးပွဲတွေ လုပ်သွား ပါတယ်၊ အဲဒီမှာ ၂၀၀၈ အခြေခံဥပဒေအကြောင်းရယ် ၂၀၁၀ ရွေး ကောက်ပွဲအကြောင်းတွေနဲ့ပတ်သက်ပြီး ရှင်းပြတယ်၊ သူတို့ရှင်းပြတဲ့နေ ရာမှာ ကျွန်တော်တို့မသိတဲ့ အချက်အလက်တွေ အများကြီး ပါတယ်၊ ဥပမာဆိုရင် အုပ်ချုပ်ရေးအာဏာက ဘယ်သူ့ဆီကနေ ဆင်းသက် လာတာလည်း၊ နောက်ပြီးတော့ ပြည်သူ့လွှတ်တော်မှာ စစ်အစိုးရက ၂၅ %
ပါရမယ်ဆိုတာတွေရယ် ကျန်တဲ့ ၇၅% ကလည်း စစ်အစိုးရကနေ နာမည်ပြောင်းပြီး ရွေးကောက်ပွဲဝင်သွားမယ်ဆိုတာတွေ၊ အခြေခံဥပဒေကို ပြန်လည်ပြင်ဆင်လျှင် ၇၅% မဲရှိမှသာ ပြင်ဆင်လို့ရတဲ့ကြောင်း တွေပါတယ်” ဟု မလေးရှားနိုင်ငံ ဂျိုဟိုးပြည်နယ် ပါစီးကူတန်မြို့ရှိ အလုပ်သမား ကိုဇော်မျိုးအောင်က ပြောသည်။

ရှင်းလင်းပွဲတွင် လူပေါင်း ၁၂၀ ကျော်တက်ရောက်ကြောင်း၊ ထိုမျို့နယ်အ တွင်း မြန်မာနိုင်ငံမှ အလုပ်သမားပေါင်း ၄၀၀ ကျော်ရှိပြီး အများစုမှာ ၂၀၀၈ အခြေခံဥပဒေအား သဘောမတူ ဆန့်ကျင်ကြောင်းနှင့် ယခု အစိုးရမှ ကျင်းပမည့် ၂၀၁၀ ရွေကောက်ပွဲသည်လည်း ထူးခြားမှုမရှိ ကြောင်း ၄င်းက မိမိတို့အားအုပ်ချုပ်မည့်စနစ်ကို ပြည်သူအများသိ သင့်ကြောင်း ဆက်ပြောသည်။

“ကျနော်တို့အနေနဲ့တော့ ဒီကိစ္စကို မသိသေးတဲ့ လူတွေသိလာအောင် မေးလ် (mail) ကနေတစ်ဆင့်၊ အွန်လိုင်း (online) ကနေတစ်ဆင့် ဖြန့်ဝေသွားမယ် နောက်ပြီးတော့ ဒီသတင်းကို စာရွက်တွေနဲ့ဖြန့်ဖို့လည်း အစီအစဉ်ရှိတယ်၊ အဲဒါကို ဒီလ ၇ ရက်နေ့လောက်မှာ စလုပ်သွားမယ် စာရွက်တွေ ဖြန့်ရင်လည်း မြန်မာအလုပ်သမားတွေ အများအပြားရှိတက် တဲ့နေရာတွေမှာ ဖြန့်ဖို့ အစီအစဉ်ရှိတယ်” ဟု ၄င်းက ဆက်ပြောသည်။

ထိုသို့ရှင်းလင်းပွဲပြုလုပ်ရာတွင် ရပ်ကွက်အတွင်းရှိ မြန်မာအလုပ်သမား များအား စုစည်းပြီး (NLD-LA) အဖွဲ့မှ လာရောက်ရှင်းလင်းကြောင်း၊ အလုပ်နာရက်ဖြစ်သော တနင်္ဂနွေနေ့တွင် (NLD-LA) မှ အဖွဲ့လေးဖွဲ့ခွဲ၍ ဆွေးနွေးပွဲများပြုလုပ်ကြောင်း သိရသည်။

“အဓိကကတော့ ဒီရှစ်လပိုင်းမှာ အလုပ်လုပ်ခွင့်ကုန်လို့ပြန်ကြမဲ့လူတွေရယ်
နောက်ပြီး မြန်မာနိုင်က တရားဝင်အလုပ်သမားတွေရောတရား မဝင်တွေ ရော အာလုံးပါတယ်၊ ဘာလို့လည်းဆိုတော့ ဒီလူတွေ သူတို့ပြန်သွားလို့ရှိ ရင်သူတိုရဲ့မိသားစုတွေ နောက်ပြီးတော့ သူတို့နဲ့ နီးစပ်တဲ့လူတွေကို ၂၀၀၈
အခြေခံဥပဒေအကြောင်းကို ပြောပြလို့ရမယ်၊ ဒါမှပြည်သူတွေသိလားမယ်” ဟု ဦးကျော်ကျော်က ပြောသည်။

NLD-LA အနေနှင့် ၂၀၀၉ ခုနှစ် ဧပြီလမှာ ထုတ်ပြန်ကြေငြာထားသော
ရွှေဂုံတိုင်ကြေငြာချက်အတိုင်း ၂၀၀၈ အခြေခံဥပဒေကို နအဖမှဒီမိုက ရေစီနှုန်းထားအတိုင်း ပြန်လည်ပြင်ဆင်မှုပေးလျှင် NLD အနေဖြင့် ရွေး ကောက်ပွဲဝင်ရန် ပြန်လည်းစဉ်စားမည်ဖြစ်ကြောင်း အကယ်၍ ပြင်ဆင် မှုမရှိပဲ ၂၀၀၈ အခြေခံဥပဒေအတိုင်း ရွေးကောက်ပွဲပြု လုပ်သွားမည် ဆိုပါက NLD အနေနှင့် စဉ်းစားမည်မ ဟုတ်ကြောင်း ၄င်းက ဆက် ပြောသည်။

အမျိုးသာဒီမိုကရေစီအဖွဲ့ချုပ် (ထိုင်းနိုင်ငံ) နိုင်ငံခြားဆက်ဆံရေး အတွင်း ရေးမှူး ဦညိုအုန်းမြင့်ကလည်း “ထိုင်းနိုင်ငံမှာ ဒီလိုရှင်းလင်းပွဲလုပ်ဖို့ကတော့ မဖြစ်နိုင်ဘူး ဘာလို့လည်းဆိုတော့ ထိုင်းနိုင်ငံမှာက မလေးရှားနိုင်ငံထက်
အလုပ်သမားပိုများတယ်၊ နောက်ပြီး ဒီ ၂၀၀၈ အခြေခံဥပဒေကလည်း ပြည်သူတွေအတွက် ဘာကောင်းကျိုးမှမရှိသလို တကယ်လို့ အခြေခံဥ ပဒေကို ပြန်လည်ပြင်ဆင်တာတောင်မှ စစ်အစိုးရအတွက်ပဲဖြစ်ကောင်း ဖြစ်လိမ့်မယ် ပြည်သူအတွက်တော့ ဘယ်လိုမှကောင်းကျိုးရှိမှာမဟုတ်ဘူး၊ နှစ်ဖက်သဘောတူဖို့လည်းအရမ်းခက်ပါတယ်၊ ဘာလို့လည်းဆိုတော့ တိုင်းရင်းသားအပစ်ရပ်အဖွဲ့တွေလည်းရှိနေသေးတယ်၊ ဘာပဲပြော ပြော ဒီရွေးကောက်ပွဲဟာ စစ်အစိုးရရဲ့သဘောဆန္ဒအတိုင်းပဲဆိုတာ ရှင်းနေ ပါတယ်” ဟု သူက ပြောသည်။

ဗဟိုဥပဒေအထောက်အကူပြုအဖွဲ့ အစည်းအဝေးကျင်းပပြုလုပ်

မန္တလေးတိုင်းအတွင်းရှိ မြို့နယ်တွေမှာ အဖွဲ့ချုပ်အမျိုးသမီးအဖွဲ့တွေ ဖွဲ့စည်းပေး

ရွေးကောက်ပွဲကာလအတွင်း ဒေါ်အောင်ဆန်းစုကြည် လွတ်နိုင်ကြောင်း

မြန်မာနိုင်ငံတွင် ဒုတိယနှစ်ဝက်ပိုင်းအတွင်း ရွေးကောက်ပွဲကျင်းပနိုင်ပြီး ရွေးကောက်ပွဲကာလတွင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အား လွှတ်ပေးနိုင်ကြောင်း ထိုင်းနိုင်ငံခြားရေးဝန်ကြီး ကဆစ် ဖိရုန်က ယမန်နေ့က ပြောကြားလိုက်ကြောင်း အေအက်ဖ်ပီသတင်းတွင် ဖော်ပြသည်။

မည်သည့်အချိန် ဒေါ်အောင်ဆန်းစုကြည်အား လွှတ်ပေးမည်ဆိုသည်ကို အတိအကျမပြောသော်လည်း ရွေးကောက်ပွဲ ပြုလုပ်မည့်ရက် ကြေညာသည့်နေ့ သို့မဟုတ် မကြေညာခင်တရက်နှင့် ကြေညာပြီး နောက်တရက်တွင် လွှတ်ပေးနိုင်သည်ဟု ထိုင်းနိုင်ငံခြားရေးဝန်ကြီးက ပြောဆိုခဲ့ကြောင်း သတင်းတွင် ဖော်ပြထားသည်။

ယခုနှစ်အတွင်း ရွေးကောက်ပွဲလုပ်မည်ဟု နအဖစစ်အစိုးရက ကြေညာထားသော်လည်း ယခုအချိန်အထိ ရက်အတိအကျကို တရားဝင်ထုတ်ဖော်ပြောဆိုခြင်း မရှိသေးပေ။

အာဆီယံဒေသတွင်း အစည်းအဝေးတွင် မြန်မာစစ်အစိုးရ၀န်ကြီးချုပ်က ယခုနှစ်အတွင်း ရွေးကောက်ပွဲ ကျင်းပပေးမည် ဖြစ်ကြောင်း၊ အစိုးရသစ်တရပ် သေချာပေါက် ဖွဲ့စည်းမည်ဖြစ်ကြောင်း အသေအချာပြောကြားခဲ့သည်ဟု မစ္စတာ ကဆစ်ဖိရုန်က ပြောသည်။

မြန်မာစစ်အစိုးရ ၀န်ကြီးချုပ်က ရွေးကောက်ပွဲဥပဒေ၊ နိုင်ငံရေးပါတီများဥပဒေနှင့် နေပြည်တော်ရှိ လွှတ်တော်အဆောက်အဦ စသည်တို့မှာ (၇၀) မှ (၈၀) ရာခိုင်နှုန်းခန့် ပြီးစီးနေပြီဖြစ်ကြောင်း ပြောကြားခဲ့သဖြင့် ရွေးကောက်ပွဲကို ယခုနှစ်ဝက် ဒုတိယပိုင်းတွင် ကျင်းပနိုင်လိမ့်မည်ဟု သူ့အနေဖြင့် ကြိုတင်ပြောဆိုလိုက်ခြင်းဖြစ်ကြောင်း ထိုင်းနိုင်ငံခြားရေးဝန်ကြီးက ပြောကြားသည်။

ဒေါ်အောင်ဆန်းစုကြည်သည် ယခုအခါ နေအိမ်အကျယ်ချုပ် (၁၈) လ ချထားခြင်းခံနေရပြီး လာမည့်နိုဝင်ဘာတွင် ၎င်း၏ နေအိမ်အကျယ်ချုပ်သက်တမ်း ကုန်ဆုံးမည်ဖြစ်သည်။

နအဖပြည်ထဲရေးဝန်ကြီး ဗိုလ်ချုပ်မောင်ဦးက ဒေါ်အောင်ဆန်းစုကြည်အား လာမည့်နိုဝင်ဘာလကုန် နေအိမ်အကျယ်ချုပ် သက်တမ်းစေ့ပါက ပြန်လွှတ်ပေးမည်ဟု ပြီးခဲ့သည့် ဇန်န၀ါရီလအတွင်းက ပြောကြားခဲ့သည်။

မယ်လစခန်းရှိ ကရင်ဒုက္ခသည် ၉၀ ဂျပန်မှာ အခြေချခွင့် ရမည်

03 February 2010


ထိုင်း၊ မြန်မာနယ်စပ်ဒေသ ဒုက္ခသည်စခန်းမှာ ရှိနေတဲ့ မြန်မာပြည်က ဒုက္ခသည်တွေ ဂျပန်နိုင်ငံကို ခေါ်ယူရေး အစီအစဉ်ရဲ့ ပထမ ခြေလှမ်းအဖြစ်နဲ့ ဂျပန်ကိုယ်စားလှယ် အဖွဲ့ဟာ ဒုက္ခသည်တွေကို လူတွေ့ သွားရောက်တွေ့ဆုံ မေးမြန်းခဲ့ပါတယ်။ ဂျပန်ကိုယ်စားလှယ် အဖွဲ့ဟာ ဒုက္ခသည်တွေကို လူတွေ့ စစ်ဆေးမေးမြန်းမှုတွေကို ဖေဖော်ဝါရီလ ၂ ရက်နေ့ကစပြီး ပြုလုပ်ခဲ့တယ်လို့ ဆိုပါတယ်။ အပြည့်အစုံကို ဆက်သွယ်စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။

မြန်မာနိုင်ငံက ဒုက္ခသည်တွေကို ဂျပန်နိုင်ငံမှာ ပြန်လည် နေရာချထားပေးမယ်ဆိုတဲ့ ဂျပန်အစိုးရရဲ့ ပထမအဆင့်အဖြစ်နဲ့ ထိုင်း၊ မြန်မာနယ်စပ် မယ်လ ဒုက္ခသည်စခန်းမှာ ရှိတဲ့ ဒုက္ခသည်တွေကို ဂျပန်အစိုးရ ကိုယ်စားလှယ်တွေက မနေ့ အင်္ဂါနေ့ကစပြီး လူတွေ့ စစ်ဆေးမှုတွေ စတင်ပြုလုပ်နေပြီ ဖြစ်ပါတယ်။

ဂျပန်အစိုးရ ကိုယ်စားလှယ်အဖွဲ့ဟာ ဖေဖော်ဝါရီလ ၁ ရက်၊ တနင်္လာနေ့ကတည်းက မယ်လစခန်းထဲကို ရောက်နေခဲ့ကြတာလို့ မယ်လစခန်းရဲ့ ဒုတိယဥက္ကဋ္ဌ မန်းထွန်းထွန်းက ပြောပါတယ်။

“သူတို့ ၁ ရက်နေ့၊ တနင်္လာနေ့ကတည်းက စခန်းမှာ ကျနော်တို့ ကော်မတီတွေရယ်၊ သက်ဆိုင်ရာ ထိုင်းအာဏာပိုင်တွေရယ် လာတွေ့ပါတယ်။ ညနေပိုင်းကျတော့ သူတို့ ဂျပန်နိုင်ငံကို လျှောက်တဲ့လူတွေနဲ့ တွေ့ဆုံခဲ့တယ်။ သူတို့ရဲ့ အစီအစဉ်က ၂ ရက်နေ့ကနေ ၅ ရက်နေ့အထိ ဂျပန်ကို တင်ထားတဲ့ မိသားစုတွေကို အင်တာဗျူးလုပ်မယ်၊ ဂျပန်အစိုးရက။ ဂျပန်အစိုးရအဖွဲ့မှာ ဆိုရင်တော့ တရားရေး ၀န်ကြီးဌာန (Ministry of Justice) က ၆ ယောက်၊ ၇ ယောက်လောက် ပါမယ်။ ပြီးတော့ Ministry of Foreign Affairs က ၃ ယောက်လောက် ပါတယ်။ အားလုံး ၁၀ ယောက်လောက် ပါတယ်။”

ဂျပန်အစိုးရအနေနဲ့ ထိုင်း၊ မြန်မာ နယ်စပ်ဒေသက ဒုက္ခသည် စခန်းထဲမှာ ရှိနေတဲ့ မြန်မာဒုက္ခသည်တွေကို ဒီနှစ် ၂၀၁၀ ခုနှစ်ကစပြီး တနှစ် အယောက် ၃၀ နှုန်းနဲ့ ၃ နှစ်ဆက်တိုက် ခေါ်ယူ ပြန်လည် နေရာချထားလိုတဲ့ အကြောင်း ပြီးခဲ့တဲ့နှစ် နိုဝင်ဘာလထဲမှာ UNHCR ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးကို အကြောင်းကြားခဲ့တယ်လို့ ဆိုပါတယ်။ အဲဒီအထဲကမှ ပထမအသုတ်အဖြစ်နဲ့ လူ ၃၀ ကို စတင်ခေါ်ယူဖို့ အခုလို လာတွေ့တာ ဖြစ်တဲ့အကြောင်း မန်းထွန်းထွန်းက ဆက်ပြောပြပါတယ်။

“ဂျပန်နိုင်ငံက ပထမအသုတ် အနေနဲ့ လူ အယောက် ၃၀ ခေါ်မယ်။ အဲဒီအတွက် စိတ်ဝင်စားတဲ့ လူတွေ တင်ကြပါပေါ့။ အဓိက အကြောင်းရင်းကတော့ ဂျပန်နိုင်ငံက အာရှနိုင်ငံ တနိုင်ငံလည်း ဖြစ်တယ်။ ပြီးတော့ ကြိုတင် ပြင်ဆင်ထားတဲ့ ဟာတွေလည်း တော်တော်ကောင်းပါတယ်၊ ကျနော် သိရသလောက်ဆိုရင်။ သူတို့အစီအစဉ်ကတော့ ဒီ ၄ ရက်အတွင်းမှာ မိသားစုဝင်တွေကို အင်တာဗျူးလုပ်ဖို့ စီစဉ်ထားတယ်။”

ဒီဒုက္ခသည်တွေ ဂျပန်နိုင်ငံကို ရောက်သွားရင် ပထမ ၆ လအထိ ဂျပန်အစိုးရက ကြည့်ရှုစောင့်ရှောက်ထားမှာ ဖြစ်တယ်လို့ ဆိုပါတယ်။

“ကျနော်တို့ သိရသလောက်ကတော့ ဂျပန်နိုင်ငံ ရောက်သွားရင် ၆ လက အစိုးရက အပြည့်အ၀ ကူညီ ထောက်ပံ့ပေးသွားမယ်။ ၆ လကျော်သွားရင်တော့ မိသားစုဝင်တွေက သူတို့ဘာသာ သူတို့ ခြေထောက်ပေါ် ရပ်တည်ဖို့အတွက် အလုပ်တွေ ရှာရတော့မယ်။ ကိုယ့်ရဲ့ အိမ်တွေဘာတွေ ရှာရတော့မယ်။ အဲဒီမှာ နောက်ထပ် ၁ နှစ်နဲ့ ၆ လ အတွင်းမှာတော့ သူတို့ လူမှုကူညီစောင့်ရှောက်ရေး အဖွဲ့အစည်းတွေက သူတို့ကို အကြံဉာဏ်တွေ ပေးသွားမယ်၊ အကူအညီတွေပေါ့၊ အလုပ်အကိုင် ရှာဖို့ဖြစ်ဖြစ်၊ တကယ်လို့ အလုပ်အကိုင် ရှာလို့ မရဘူး၊ အခက်အခဲတွေ ရှိမယ်ဆိုရင် Social Welfare Program ပေါ့၊ အစိုးရက ထောက်ပံ့ထားတဲ့ Social Welfare Program တွေမှာ သူတို့ကို ကူညီထောက်ပံ့ ပေးနိုင်အောင်ဆိုပြီး သူတို့က ၀ိုင်းဝန်း ကူညီမှုတွေတော့ ရှိမယ်လေ။ ၁ နှစ်နဲ့ ၆ လတိတိပေါ့။”

ဒုက္ခသည်တွေထဲက ဘယ်သူ့ကို ဂျပန်နိုင်ငံလာဖို့ လက်ခံမယ်ဆိုတဲ့ နောက်ဆုံး ဆုံးဖြတ်ချက်ကတော့ ဂျပန်အစိုးရ အပေါ်မှာပဲ မူတည်တယ်လို့ UNHCR ပြောခွင့်ရပုဂ္ဂိုလ် အန်ဒရေ မာဟေခြစ်စ် (Andrej Mahecic) က ပြောပါတယ်။

“တကယ်လို့ အားလုံး အဆင်ပြေ ချောမွေ့သွားရင်တော့ ဒုက္ခသည်တွေ အနေနဲ့ ဂျပန်နိုင်ငံကို ဒီနှစ် စက်တင်ဘာလလောက်မှာ စတင် ထွက်ခွာနိုင်ကြမှာဖြစ်ပြီး တနှစ်မှာ အယောက် ၃၀ စီ ခေါ်ယူသွားမှာ ဖြစ်ပါတယ်။ ထိုင်းနိုင်ငံအတွင်းမှာ ရှိနေတဲ့ မြန်မာ ဒုက္ခသည်စခန်း ၉ ခုထဲက ဒုက္ခသည် စုစုပေါင်း ၅၅,၀၀၀ လောက်ထဲက ၂၀,၀၀၀ လောက်ကို တခြားနိုင်ငံတွေမှာ ပြန်လည် နေရာချထား ပေးနိုင်ခဲ့ပါပြီ။ ဒီအထဲက အများစုကတော့ အမေရိကန်၊ သြစတြေးလျနဲ့ ကနေဒါနိုင်ငံတွေကို ရောက်သွားကြတာ ဖြစ်ပေမဲ့ တခြား နိုင်ငံပေါင်း ၈ နိုင်ငံကို ရောက်သွားကြတဲ့ ဒုက္ခသည် တချို့လည်း ရှိပါတယ်။”

မြန်မာနိုင်ငံက ဒုက္ခသည်တွေကို အာရှနိုင်ငံတခုက ပြန်လည် နေရာချထားပေးဖို့ ခေါ်ယူတာ ဂျပန်နိုင်ငံဟာ ပထမဆုံးနိုင်ငံ ဖြစ်ပါတယ်။ ဒါကြောင့်လည်း တခြား အနောက်နိုင်ငံတွေအပြင် အခုလို အာရှတိုက်အတွင်းက နိုင်ငံတခု တိုးလာတဲ့အပေါ် UNHCR အနေနဲ့ ကြိုဆိုကြောင်း ပြောခွင့်ရပုဂ္ဂိုလ် အန်ဒရေ မာဟေခြစ်စ်က ပြောပါတယ်။

“ဒုက္ခသည်တွေ ပြန်လည် နေရာချထားပေးတဲ့ နိုင်ငံတွေ စာရင်းမှာ ဂျပန်နိုင်ငံတနိုင်ငံ တိုးလာတာကို ကျနော်တို့ UNHCR အနေနဲ့ ကြိုဆိုပါတယ်။ ဒီလို လုပ်ဆောင်တဲ့အတွက် တခြား အာရှနိုင်ငံတွေကို အရေးပါတဲ့ အချက်ပေးလိုက်ရုံတင် မကဘဲ ထိုင်းနိုင်ငံထဲမှာ နှစ်ပေါင်း ၂၅ နှစ်လောက် ပိတ်မိနေကြတဲ့ ဒုက္ခသည်တွေ ပြဿနာ ကူညီဖြေရှင်းပေးဖို့လည်း ထိုင်းအစိုးရကို တဘက်က ကူညီရာ ရောက်နေလို့ပါပဲ။”

ထိုင်း၊ မြန်မာ နယ်စပ်ဒေသက ဒုက္ခသည်စခန်းတွေမှာ ရှိနေကြတဲ့ ဒုက္ခသည်တချို့ဟာ စခန်းထဲမှာ နှစ်ပေါင်းများစွာ ဒုက္ခသည်အဖြစ်နဲ့ နေထိုင်နေကြရတာ ဖြစ်ပြီး တချို့ဆို နှစ်ပေါင်း ၃၀ လောက်အထိ နေထိုင်ခဲ့ပြီး ဖြစ်တယ်လို့ ဆိုပါတယ်။

အခု ဂျပန်နိုင်ငံက ခေါ်ယူမယ့် မယ်လ ဒုက္ခသည်စခန်းက ဒုက္ခသည်တွေအနေနဲ့ လယ်ယာစိုက်ပျိုးမှု တတ်ကျွမ်းသူ၊ အသက် ၄၀ အောက်တွေနဲ့ ကရင်လူမျိုးတွေကိုသာ ခေါ်ယူမယ်လို့ ဂျပန်ကိုယ်စားလှယ်အဖွဲ့က ပြောတဲ့အကြောင်း လူတွေ့စစ်ဆေး မေးမြန်းမှုမှာ ပါဝင်ခဲ့ကြတဲ့ ဒုက္ခသည်တချို့က ပြောပါတယ်။

မြန်မာအတွက် ဒေါ်လာ ၃၄.၈ သန်း အိုဘားမား အဆိုပြု

မဇ္ဈိမသတင်းဌာန | ဗုဒ္ဓဟူးနေ့၊ ဖေဖေါ်ဝါရီလ ၀၃ ရက် ၂၀၁၀ ခုနှစ် ၁၃ နာရီ ၂၀ မိနစ် .
နယူးဒေလီ။ ။ အမေရိကန် သမ္မတ ဘားရတ် အိုဘားမား၏ ၂ဝ၁၁ ခုနှစ်အတွက် ဘတ်ဂျတ် အဆိုပြုချက်တွင် မြန်မာ့ဒီမိုကရေစီရေးနှင့် လူ့အခွင့်အရေးကဏ္ဍအတွက် ထောက်ပံ့ရန် အမေရိကန်ဒေါ်လာ ၃၄.၈ သန်း အဆိုပြုထားသည်။

အဆိုပြုထားသော ဘတ်ဂျတ်အား လူ့အခွင့်အရေးကိစ္စ၊ လူထုပူးပေါင်းပါဝင်ရေးနှင့် ပြည်တွင်း၌ သတင်းအချက်အလက်များ ရရှိနိုင်ရေးအတွက်အပြင် ပြည်တွင်းရွှေ့ပြောင်း ဒုက္ခသည်များ၊ နယ်စပ်ဖြတ်ကျော် ဒုက္ခသည်များနှင့် ထိုင်း-မြန်မာနယ်စပ်ရှိ ရွှေ့ပြောင်းအလုပ်သမားများ၏ အရေးကို ကူညီရန်အတွက် အသုံးပြုမည်ဖြစ်သည်။

အိုဘားမား အစိုးရမှာ အဆိုပါ ဘတ်ဂျတ်အား ''စီးပွားရေးထောက်ပံ့မှု ရန်ပုံငွေ'' အောက်တွင် ပေးအပ်ရန် ရည်ရွယ်ထားပြီး လူသားချင်းစာနာမှု အကူအညီလိုအပ်ချက်နှင့် ပြည်တွင်းပြည်ပ ပညာရေး အခွင့်အလမ်းများအတွက် အသုံးချရန် ရည်ရွယ်ထားသည်။

မြန်မာစစ်အစိုးရ၏ လူ့အခွင့်အရေး ချိုးဖောက်မှုများကြောင့် ချမှတ်ထားသော စီးပွားရေးပိတ်ဆို့မှုများကို အမေရိကန်က ဆက်လက်ထားရှိသော်လည်း ထိတွေ့ဆက်ဆံရေးမူကို အသစ်တဖန် ပြန်လည် စတင်ရန်လည်း ဆုံးဖြတ်ခဲ့သည်။

ပြီးခဲ့သည့် နှစ်က အိုဘားမားအစိုးရ၏ အဆင့်အမြင့်ဆုံး ကိုယ်စားလှယ်အဖြစ် လက်ထောက် နိုင်ငံခြားရေး ဝန်ကြီး ကာ့တ်ကမ်းဘဲလ်ကို နေပြည်တော်သို့ စေလွှတ်ခဲ့ပြီး ဗိုလ်ချုပ်မှူးကြီး သန်းရွှေနှင့် တွေ့ဆုံ စကားပြော စေခဲ့သည်။ ကမ်းဘဲလ်က အမေရိကန်၏ မြန်မာအပေါ်ထားရှိသည့် မူဝါဒ အပြောင်းအလဲကြောင့် စိတ်မသက်မသာ ဖြစ်နေရသော အကျဉ်းကျခံ အတိုက်အခံ ခေါင်းဆောင် ဒေါ်အောင်ဆန်းစုကြည်နှင့်လည်း တွေ့ဆုံခဲ့သည်။

စစ်အစိုးရက နှစ်ပေါင်း ၂၀ အတွင်း ပထမဆုံးဖြစ်လာမည့် ယခုနှစ် ရွေးကောက်ပွဲအတွက် အရှိန်အဟုန်နှင့် လုပ်ဆောင်နေကြောင်း ပြောဆိုထားသည်။ သို့သော် ကျင်းပမည့် နေ့ရက်ကို ထုတ်ပြန်ကြေညာခြင်း မရှိသေးချေ။ စစ်အစိုးရအနေဖြင့် အတိုက်အခံ နိုင်ငံရေးပါတီများအား လွတ်လပ်စွာ မဲဆွယ်စည်းရုံးခွင့် မပေးသမျှ ရွေးကောက်ပွဲကို ယုံကြည်မှု လျော့နည်းလိမ့်မည်ဖြစ်ကြောင်း ဝေဖန်သူများက ပြောဆိုသည်။

ဆယ်စုနှစ် ၃ ခုတာမျှ အာဏာရှင်ဟောင်း ဗိုလ်ချုပ်နေဝင်း၏ တပါတီဆိုရှယ်လစ်စနစ် အဆုံးသတ်ပြီးနောက် ၁၉၉ဝ ပြည့်နှစ်တွင် ရွေးကောက်ပွဲ ကျင်းပခဲ့သည်။ ဒေါ်အောင်ဆန်းစုကြည် ဦးဆောင်သော အမျိုးသား ဒီမိုကရေစီအဖွဲ့ချုပ်က မဲအပြတ်အသတ်ဖြင့် အနိုင်ရခဲ့သော်လည်း စစ်အစိုးရက အာဏာလွှဲပြောင်းပေးရန် ငြင်းဆန်ခဲ့သည်။

ထိုစဉ်ကတည်းက အမေရိကန်က စစ်အုပ်စုအပေါ် ပြင်းထန်စွာ ဆန့်ကျင်ရပ်တည်ခဲ့ပြီး စီးပွားရေး ပိတ်ဆို့ကာ စစ်ဗိုလ်ချုပ်များ၏ ပိုင်ဆိုင်မှုငွေကြေးများကို တားမြစ်ခြင်း၊ စစ်ဗိုလ်ချုပ်များနှင့် ဆွေမျိုးများကို ပြည်ဝင်ခွင့်ဗီဇာ ပိတ်ဆို့ထားခြင်းနှင့် အမေရိကန် နိုင်ငံသားများနှင့် စီးပွားရေးလုပ်ငန်းများကို မြန်မာနိုင်ငံတွင် စီးပွားရေး မပြုလုပ်ရန် တားဆီးခြင်းတို့ကို ပြုလုပ်ထားသည်။

သို့သော် ၂၀၀၉ ခုနှစ်တွင် အိုဘားမား သမ္မတ ဖြစ်လာပြီးနောက် စီးပွားရေး ပိတ်ဆို့မှုနှင့် အပြုသဘော ဆက်ဆံမှု ၂ ရပ်စလုံးက မြန်မာနိုင်ငံတွင် တွေ့မြင်ချင်သည့် အပြောင်းအလဲကို ဖော်ဆောင် မပေးနိုင်ခဲ့ကြောင်းနှင့် လိုအပ်သည့် မူဝါဒ ပြန်လည်သုံးသပ်မှု စတင်ပြုလုပ်နေကြောင်း အမေရိကန်က ပြောဆိုခဲ့သည်။