-
နိုင်ငံရေးက ကိုယ်နဲ့မဆိုင်ဘူးလို့ မပြောပါနဲ့၊ နိုင်ငံရေးက ကိုယ်အပေါ်တိုက်ရိုက်သက်ရောက်လာပါလိမ့်မယ်--ဘယ်လိုလုပ်မလဲဆိုရင် ပြည်သူ့အားနဲ့လုပ်မယ် --ကျမတို့ကို ပြည်သူက ယုံကြည်ရင် ၊ ထောက်ခံရင် ၊ လက်တွဲရင် ကျမအားရှိပါတယ် --

Thursday, June 30, 2011

ဒေါ်စုနဲ့ ဂျပန် သံအဖွဲ့တွေ့ဆုံ


© Copyright 1998 - 2011 Mizzima News. All Rights Reserved.









VOA

ဂျပန်က မြန်မာ့ ဒီမိုကရေစီရေး ဆက်ကူညီမည်

လင်းသန့် Wednesday, 29 June 2011 18:50 .မြန်မာ့ ဒီမိုကရေစီ တိုးတက်ဖြစ်ထွန်းရေး အတွက် ဂျပန်နိုင်ငံက ဆက်လက် ကူညီသွားမည်ဖြစ်ကြောင်း ဂျပန်နိုင်ငံ ပါလီမန် ဆိုင်ရာ ဒု နိုင်ငံခြားရေး ၀န်ကြီး မစ္စ မခိကို ခိခုတနှင့် ကိုယ်စားလှယ်အဖွဲ့က ဒေါ်အောင်ဆန်းစုကြည်နှင့် အမျိုးသား ဒီမိုကရေစီ အဖွဲ့ချုပ်(NLD) သို့ ယနေ့ လာရောက်တွေ့ဆုံစဉ် ပြောဆိုသည်။



ပါကစ္စတန်နိုင်ငံ အစ္စလာမ်မာဘက်မြို့၌ ၂၀၁၀ နိုဝင်ဘာ အတွင်းက ကျင်းပသော ဖွံ့ဖြိုးရေး ဖိုရမ်တွင် ပြောဆိုရှင်လင်းနေသည့် မစ္စ မခိကို ခိခုတ (ဓာတ်ပုံ - uk.emb-japan.go.jp)
ဒေါ်အောင်ဆန်းစုကြည် အပါအ၀င် NLD ခေါင်းဆောင်များနှင့် မစ္စ မခိကို ခိခုတ တို့သည် ရန်ကုန်မြို့ရှိ NLD ရုံးချုပ်၌ နေ့ လယ် ၁ နာရီခန့်က ၄၅ မိနစ်ကျော်ကြာ တွေ့ဆုံခဲ့သည်။

“ဒေါ်အောင်ဆန်းစုကြည်နဲ့ သီးခြားတွေ့တယ်။ ကျနော်တို့ NLD ထိပ်ပိုင်းခေါင်းဆောင်တွေနဲ့လည်း တွေ့တယ်”ဟု NLD လူငယ် ခေါင်းဆောင်တဦးဖြစ်သူ ကိုရာဇာ က ဧရာဝတီကို ပြောသည်။

ဂျပန် ဒု နိုင်ငံခြားဝန်ကြီး က ဒေါ်အောင်ဆန်းစုကြည်နှင့် NLD သို့ လာရောက်တွေ့ဆုံချိန်သည် ယနေ့ထုတ် အစိုးရ သတင်း စာတွင် ပါရှိသည့် NLD လုပ်ဆောင်နေသော လုပ်ငန်းများကို ရပ်တန့်ရန် သတိပေးထားချိန်နှင့်လည်း တိုက်ဆိုင်နေသည်။

ယနေ့ထုတ် မြန်မာ့အလင်း သတင်းစာတွင် ဆောင်းပါးရှင် ပြည့်စုံအောင် ၏ “ရွေးချယ်ခွင့်က လက်ထဲမှာ”ဆောင်းပါးတွင် ဒေါ်အောင်ဆန်းစုကြည် နယ်ခရီးထွက်မည်ဆိုသည့်အပေါ် “မည်သို့ပင်ဆိုစေ ဒေါ်အောင်ဆန်းစုကြည် နယ်ထွက်လာလျှင် မြောက်မြားလှစွာသော ယခင့်ယခင် သာဓကများနည်းတူ ရုတ်ရုတ်သဲသဲ လှုပ်လှုပ်ရှားရှားတွေ ဖြစ်လာမှာကို ကျနော်တို့စိုးရိမ် မိသည်။ စိုးရိမ်လောက်စရာ အကြောင်းတွေလည်း အခိုင်အမာပင်ရှိနေသည်”ဟု ဖော်ပြထားချိန်လည်းဖြစ်သည်။

“ဂျပန် ဒု ၀န်ကြီးနဲ့ အဖွဲ့ လာသွားပြီး ဘာတွေ ဆွေးနွေးတယ်ဆိုတာ သတင်းထောက်တွေကိုလည်း ဂျပန်ဝန်ကြီးက ဘာမှ မပြောသွားဘူး၊ ဒီနေ့က အောက်မြန်မာနိုင်ငံ လူငယ်တွေနဲ့ ဆွေးနွေးပွဲလည်း လုပ်နေတယ်။ နောက်လူငယ် ဆွေးနွေးပွဲမှာလည်း လူငယ်တယောက်က ပါတီ ဆက်လက်ရပ်တည်ရေး မေးတယ်။ ဒီနေ့ သတင်းစာထဲမှာ ပြည်ထဲရေး ၀န်ကြီးက စာပို့ ထားတာကို အန်တီက စာပို့သူဆီကို ပြန်စာ အကြောင်းကြားဖို့ တာဝန်ရှိတယ်။ ဒီ မတိုင်ခင်မှာတော့ အသေးစိပ် မပြောလို သေးဘူးလို့ အန်တီက ပြန်ဖြေလိုက်တယ်”ဟု ကိုရာဇာ က ဆက်လက် ပြောပြသည်။

ယနေ့ညနေ ၅ နာရီတွင် ဂျပန် ဒု နိုင်ငံခြားရေးဝန်ကြီးသည်၂၀၁၀ ပြည့်နှစ် ရွေးကောက်ပွဲဝင် နိုင်ငံရေးပါတီတချို့မှ ကိုယ်စား လှယ်များနှင့် ရန်ကုန်ရှိ ဂျပန်သံရုံးတွင် တွေ့ဆုံကြမည်ဖြစ်သည်။

“ဆွေးနွေးဖြစ်မှာတွေ ကတော့ ဂျပန်နိုင်ငံအနေနဲ့ မြန်မာ့ ဒီမိုကရေစီ ပြုပြင်ပြောင်းလဲရေး အကောင်းဘက် ဖြစ်ပေါ်တိုးတက် မှုတွေဖြစ်ဖို့ ဂျပန်က အကူအညီပေးမှုဆိုင်တာတွေလည်း ဆွေးနွေးဖြစ်ကြမယ်”ဟု အမျိုးသား ဒီမိုကရေစီ အင်အားစု(NDF) ပါတီ ခေါင်းဆောင်တဦးဖြစ်သူ ဦးခင်မောင်ဆွေက ဧရာဝတီကိုပြောသည်။

ဂျပန်ပါလီမန်သို့ သွားရောက်လေ့လာရန် အာဏာရ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ ကိုယ်စားလှယ် ၁၀ ဦး၊ NDF ပါတီ၊ တိုင်းရင်းသား စည်းလုံးညီညွတ်ရေးပါတီ(တစည) အပါအ၀င် တိုင်းရင်းသား ၅ ပါတီတို့မှ အသက် ၃၅ နှစ် အောက် နိုင်ငံရေးပါတီကိုယ်စားလှယ်၂ ဦးစီနှင့် စုစုပေါင်း ဂျပန်ပါလီမန်လေ့လာရေး ကိုယ်စားလှယ်အဖွဲ့ဝင်၂၀ တို့ကိစ္စလည်း ဆွေးနွေးသွားကြမည်ဖြစ်သည်ဟု ၎င်းက ဆိုသည်။

ဂျပန် ဒု နိုင်ငံခြားရေးဝန်ကြီး မစ္စ မခိကို ခိခုတ သည် နေပြည်တော်တွင် ပြည်သူ့လွှတ်တော် ဒု ဥက္ကဌ ဦးနန္ဒကျော်စွာ နှင့် လည်း ယမန်နေ့က တွေ့ဆုံခဲ့သေးသည်။

ထို့အပြင် နေပြည်တော် နယ်စပ်ရေးရာ ၀န်ကြီးဌာန တွင်ကျင်းပသော ကုလသမဂ္ဂ ကမ္ဘာ့ စားနပ်ရိက္ခာ အစီအစဉ် သို့ ထောက်ပံ့ကူညီသည့် စားနပ်ရိက္ခာများ လွှဲပြောင်းပွဲသို့လည်း မစ္စ မခိကို ခိခုတ တက်ရောက်ပြီး နယ်စပ်နှင့် မြန်မာ့ စက်မှု ဖွံ့ဖြိုး ရေး ပြည်ထောင်စုဝန်ကြီး ဗိုလ်ချုပ်သိန်းဌေးနှင့်လည်း တွေ့ဆုံခဲ့သည်။

Copyright � 2008 Irrawaddy Publishing Group. All Rights Reserved.

သီပေါစော်ဘွား၏ မဟာဒေ၀ီ စ၀်သုစန္ဒီနှင့် တွေ့ဆုံမေးမြန်းခန်း



DVB

လန်းလိုက်ချင်သေးရဲ့ (ကော့သား)

Lan Like Chin Thay Yee[1]

အလင်းအိမ်

ရထားလမ်းနဲ့ နယ်ချဲ့ တဲ့နည်း

By ဦးအောင်ခင် & မညိုညိုလွင်
....ဦးသိန်းစိန်ရဲ့  တရုတ်ပြည်ခရီးအတွင်း မြန်မာနဲ့ တရုတ်အစိုးရတို့ ရယူခဲ့တဲ့ သဘောတူချက်တွေထဲမှာ ရထားလမ်းတွေ တိုးချဲ့ ဖို့လည်း ပါဝင်ပါတယ်။ ရေနံနဲ့ ဓာတ်ငွေ့ပိုက်လိုင်းစတဲ့ ကျောက်ဖြူကနေ တရုတ်နယ်စပ် ကျယ်ခေါင်အထိ ရထားလမ်းဖောက်ဖို့ သဘောတူပြီး မေလကုန်က ရွှေလီမှာ ရထားလမ်းအုတ်မြစ်ချပွဲ ကျင်းပကြောင်း တရုတ်သတင်းမှာ ဖော်ပြပါတယ်။ ရထားလမ်းဟာ တံတားနဲ့ ဥမင်လိုဏ်ခေါင်းတွေကို ဖြတ်သွားရမှာမို့ အလွန်ခက်ခဲမယ်လို့ ဆိုပါတယ်။ ဒါပေမဲ့ permafrost (ခေါ်) အမြဲတမ်း ရေခဲနေတဲ့ မြေအောက်လွှာပေါ်မှာ ရထားလမ်းဆောက်ဖို့ မဖြစ်နိုင်ဘူးလို့ ယူဆနေတဲ့ကြားက တရုတ်အင်ဂျင်နီယာတွေဟာ ကမ္ဘာ့အမြင့်ဆုံး တရုတ်-တိဗက်ရထားလမ်းကို (၅) နှစ်နဲ့ အပြီးတည်ဆောက်နိုင်ခဲ့ပါတယ်။

အခုလည်း ကျောက်ဖြူ၊ အမ်း၊ မင်းဘူး၊ မကွေး၊ မန္တလေး၊ လာရှိုး၊ မူဆယ် နဲ့ ဂျယ်ခေါင် ကိုဆက်သွယ်မယ့် ရထားလမ်းကို (၃) နှစ်နဲ့အပြီး တည်ဆောက်မယ်လို့ ဆိုပါတယ်။ ရထားလမ်းဆောက်တဲ့အတွက် အကျိုးအမြတ် ခံစားရသူရှိသလို ဆုံးရှုံးနစ်နာသူတွေလည်း ရှိပါတယ်။ သွားလာရခက်ခဲတဲ့ ဒေသကို ရထားလမ်းဖောက်လုပ်တာဟာ ဗဟိုအစိုးရ အာဏာစက်ချဲ့ ထွင်တာဖြစ်လို့ ဒေသခံလူမျိုးစုရဲ့  ယဉ်ကျေးမှုဓလေ့ ကွယ်ပျောက်သွားတဲ့ သာဓက ရှိပါတယ်။ အမေရိကန်နိုင်ငံတည်ထောင်စဉ်က ရထားလမ်းတည်ဆောက်တာကို ဒေသခံလူမျိုးတွေ အပြင်းအထန် ဆန့်ကျင်ခဲ့ကြပါတယ်။

မက္ကဆီကိုမှာလည်း ရထားလမ်းကြောင့် လယ်ယာမြေဆုံးရှုံးမှု များလာတဲ့အတွက် တော်လှန်ရေး ဖြစ်ပွားခဲ့ပါတယ်။ ၁၉ ရာစု ဥရောပ အရင်းရှင်တွေ စီးပွားရေးနယ်ပယ်ချဲ့ ထွင်ရာမှာ ရထားလမ်းဟာ အဓိကအခန်းက ပါဝင်ပါတယ်။ အိန္ဒိယပြည်ကို နိုင်ငံရေး၊ စီးပွားရေးနဲ့ စစ်ရေးအရ ကိုလိုနီအစိုးရ ရေရှည်ချုပ်ကိုင်နိုင်တာဟာ ရထားလမ်းတွေ တပြည်လုံးမှာ ဖောက်လုပ်နိုင်တာကြောင့် ဖြစ်တယ်လို့ သုံးသပ်ကြပါတယ်။ မီးရထားလုပ်ငန်းမှာ ငွေရင်းမြုပ်နှံပြီး သဘာဝသယံဇာတ အရင်းအမြစ်ကို ထုတ်ယူတာဟာ ဥရောပအင်ပါရာရဲ့ အသွင်လက္ခဏာတခု ဖြစ်ပါတယ်။ ရထားလမ်းတွေ ဆောက်လုပ်ပြီးစီးသွားတဲ့အခါ ရထားလုပ်ငန်းမှာ ရင်းနှီးမြုပ်နှံသူတွေသာ အကျိုး ခံစားရပါတယ်။ ဒါပေမဲ့ ဒေသခံတွေ ဖွံ့ဖြိုးတိုးတက်လာအောင် ရထားလမ်း တည်ဆောက်ပေးတာလို့ ကိုလိုနီအစိုးရက ဝါဒဖြန့်လေ့ရှိပါတယ်။

စစ်သား၊ စစ်ပစ္စည်း နဲ့ ရိက္ခာအများအပြား ရထားနဲ့ သယ်ယူပို့ဆောင်နိုင်တဲ့အတွက် အုပ်ချုပ်ရေးအာဏာကို အခိုင်အမာ တည်ဆောက် နိုင်ပါတယ်။ စက်ခေါင်း၊ ရထားတွဲ၊ သံလမ်း စတာတွေအတွက် ငွေရင်း အများအပြား လိုအပ်ပါတယ်။ ဒီ လိုအပ်တဲ့ ငွေရင်းကို ဥရောပ အရင်းရှင်တွေက စိုက်ထုတ်တာကြောင့် အရင်းရှင်နဲ့ ကိုလိုနီးအာဏာပိုင်တို့ အပြန်အလှန် ကူညီရိုင်းပင်းတဲ့အဖြစ်ကို ရောက်သွားပါတယ်။ မြန်မာပြည်မှာလည်း ရထားလမ်းတွေ တိုးချဲ့ ဆောက်လုပ်မှုကြောင့် ဗမာအစိုးရရဲ့  နိုင်ငံရေးအာဏာစက် ကျယ်ပြန့်လာနိုင်သလို တရုတ်လုပ်ငန်းရှင်တွေရဲ့  စီးပွားရေးအရှိန်အဝါလည်း ကြီးမားလာနိုင်ပါတယ်။ စီးပွားရေးအင်ပါယာ တည်ဆောက်ရာမှာ ဒေသခံအင်အားစု တွေရဲ့  အကူအညီလိုပါတယ်။ အုပ်ချုပ်ရေးအာဏာပိုင်နဲ့ လုပ်ငန်းရှင်အရင်းရှင်တွေ အပေးအယူလုပ်ပြီး ဗြိတိသျှအင်ပါယာကို တည်ထောင်ရာမှာ မီးရထားလုပ်ငန်းဟာ အရေးကြီးတဲ့အခန်းက ပါဝင်တယ်လို့ သုံးသပ်ကြပါတယ်။

တရုတ်ပြည် မန်းချူးရီးယား (Manchuria) ဒေသမှာ ဂျပန်နယ်ချဲ့ နိုင်အောင် ရထားလမ်းက ဖန်တီးပေးလိုက်တာ ဖြစ်ပါတယ်။ Moscow ကနေ Vladivostok အထိ ရထားလမ်းဆောက်ပြီး ရုရှားအင်ပါယာ ထိန်းသိမ်းထားပုံကို ဂျပန်ကအားကျပြီး မန်းချူးရီယား တောင်ပိုင်းကမ်းရိုးတန်း ဒေသမှာ ရထားလမ်းတည်ဆောက်ပါတယ်။ ရထားလမ်းပြီးတာနဲ့ ဂျပန်လုပ်ငန်းရှင်တွေ မန်းချူးရီးယားကို ဝင်ရောက်လာပါတယ်။ စီးပွားရေး သွေးကြောဖြစ်တဲ့ ရထားလမ်းကို အားနည်းတဲ့ တရုတ်အစိုးရက မကာကွယ်နိုင်ဘူးဆိုတဲ့ အကြောင်းပြချက်နဲ့ ဂျပန်စစ်တပ်တွေ မန်းချူးရီးယားကို ကျူးကျော်ဝင်ရောက် လာပါတယ်။ နောက်တော့ အပြီးအပိုင် ဂျပန်ကိုလိုနီအဖြစ် သိမ်းပိုက်လိုက်တာ ဒုတိယကမ္ဘာစစ် ပြီးဆုံးတဲ့အထိ ဖြစ်ပါတယ်။

ရထားလမ်းဖောက်လို့ အရင်ဆုံး ဒုက္ခရောက်ရသူတွေဟာ ဒေသခံပြည်သူလူထု ဖြစ်ပါတယ်။ ရထားလမ်းအတွက် နေရာဖယ်ပေးရတာကြောင့် ဘိုးစဉ်ဘောင်ဆက်လုပ်ကိုင်လာတဲ့ လယ်မြေစိုက်ခင်းနဲ့ အိမ်ယာတွေ ဆုံးရှုံးကြရပါတယ်။ အမေရိကန်ပြည်ထောင်စု တည်ဆောက်စဉ်က ရထားလမ်းနဲ့အတူ ဥရောပတိုက်သား အများအပြား ဝင်ရောက်လာတာကို ဒေသခံ တိုင်းရင်းသားတွေက ခုခံတိုက်ခိုက်ရင်း နောက်ဆုံးမှာ ဒေသခံတိုင်းရင်းသား ယဉ်ကျေးမှုဓလေ့ပါ ကွယ်ပျောက်သွားပါတော့တယ်။

စီးပွားရေးနယ်ချဲ့တွေဘက်က ကြည့်ရင်တော့ ရထားလမ်းတွေကြောင့် သယ်ယူပို့ဆောင်ရေး အင်အား ကောင်းလာတဲ့အတွက် ကူးသန်း ရောင်းဝယ်မှု တိုးတက်ထွန်းကားလာတယ်လို့ ပြောနိုင်ပါတယ်။ တရုတ်ကုန်ပစ္စည်းကို ကျောက်ဖြူဆိပ်ကမ်းက နိုင်ငံခြားတင်ပို့ပြီး နိုင်ငံခြား ပစ္စည်းကို တင်သွင်းနိုင်မှာမို့ ဆရုတ်အတွက်အများကြီး အကျိုးရှိမယ့် ရထားလမ်းဖြစ်ပါတယ်။ ဘင်္ဂလာဒေ့ရ်ှကလည်း Cox’s Bazaar ဆိပ်ကမ်းက မြန်မာပြည်နယ်စပ်အထိ ရထားလမ်းဖောက်ပြီး တရုတ်၊ မြန်မာ ရထားလမ်းကြောင်းကို အသုံးပြုဖို့ စီစဉ်နေပါတယ်။ ကုန်သွယ်မှု၊ ရင်းနှီးမြှုပ်နှံမှုနဲ့ ဈေးကွက်ကို ဖွင့်ပေးရာမှာ ရထားလမ်းဟာ အရေးပါအရာရောက်သလို အင်အားကြီးတဲ့ အရင်းရှင်ကို စီးပွားရေးနယ်ချဲ့ ခွင့် ပေးလိုက်သလိုလည်း ဖြစ်နေပါတယ်။

VOA

လူငယ်နှင့် ဒေါ်အောင်ဆန်းစုကြည် ဆွေးနွေး (ရုပ်သံ)



RFA

Monday, June 27, 2011

သြစတြေလျ နိုင်ငံခြားရေးဝန်ကြီး မြန်မာနိုင်ငံခရီး

သြစတြေလျ နိုင်ငံခြားရေးဝန်ကြီး Kevin Rudd ဟာ လာမယ့်သီတင်းပတ် အတွင်း မြန်မာနိုင်ငံကို လာရောက်ပြီး မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ မြန်မာအစိုးရ ခေါင်းဆောင် တွေအပြင် နိုင်ငံရေးပါတီ ခေါင်းဆောင်တွေနဲ့ တွေ့ဆုံမယ်လို့ သိရပါတယ်။

သူ့ရဲ့ ခရီးစဉ်အတွင်း သြစတြေလျနိုင်ငံရဲ့ ရပ်တည်ချက်ဖြစ်တဲ့ မြန်မာနိုင်ငံမှာ စစ်မှန်တဲ့ ဒီမိုကရေစီ အသွင်ကူးပြောင်းရေး အပြင် အမျိုးသား ရင်ကြားစေ့ရေး ကိစ္စတွေကို တိုက်တွန်း ဆွေးနွေးသွားမယ်လို့ Mr. Kevin Rudd က ပြောပါတယ်။

ဒေါ်အောင်ဆန်းစုကြည် ပြန်လည် လွတ်မြောက်လာပြီး ကတည်းက သြစတြေလျ နိုင်ငံခြားရေး ဝန်ကြီးဟာ မြန်မာပြည် ခရီးစဉ်ကို ကြိုးစားနေတာ ဖြစ်ကြောင်း၊ အခု ခရီးစဉ်အတွင်း မြန်မာအစိုးရရဲ့ လူ့အခွင့်အရေး ချိုးဖောက်မှု ကိစ္စတွေကို သြစတြေလျ အစိုးရ အနေနဲ့ ဖိအားပေး ဆွေးနွေးသင့်ကြောင်း သြစတြေလျ အခြေစိုက် မြန်မာ့အရေး လှုပ်ရှားမှုအဖွဲ့က Mrs. Betty Brake က ပြောပါတယ်။

သြစတြေလျ နိုင်ငံဟာ ကုလသမဂ္ဂက မြန်မာနိုင်ငံဆိုင်ရာ လူ့အခွင့်အရေး စုံစမ်းစစ်ဆေးရေး ကော်မရှင် ဖွဲ့ဖို့ အရေးကိစ္စမှာ ပထမဆုံး ထောက်ခံခဲ့တဲ့ နိုင်ငံဖြစ်ကြောင်း၊ လက်ရှိ အခြေအနေထက် ပိုပြီး တခြား နိုင်ငံတွေကပါ ထောက်ခံလာအောင် သြစတြေလျ အစိုးရ အနေနဲ့ ပို ကြိုးစားသင့်ကြောင်း၊ မြန်မာအစိုးရ အဆက်ဆက် လူ့ အခွင့်အရေး ချိုးဖောက်မှုတွေကြောင့် မြန်မာနိုင်ငံအတွင်း တိုင်းရင်းသားနယ်မြေတွေမှာ ပုန်းရှောင်ပြေးနေရတဲ့ စစ်ပြေး ဒုက္ခသည်တွေအတွက် ကျန်းမာရေး စောင့်ရှောက်မှု၊ ပညာရေး စတဲ့ကိစ္စတွေအတွက်လည်း ထိုင်း-မြန်မာ နယ်စပ်ဖြတ်ပြီး အကူအညီပေးဖို့ သြစတြေလျ အစိုးရ အနေနဲ့ ဆောင်ရွက်သင့်ကြောင်း Mrs. Brake က ပြောပါတယ်။

သြစတြေလျနိုင်ငံဟာ မြန်မာနိုင်ငံက ဒုက္ခသည်တွေအရေးနဲ့ တခြား ဖွံ့ဖြိုးရေး စီမံကိန်းတွေမှာ နှစ်စဉ် အကူအညီပေးနေတဲ့ နိုင်ငံ ဖြစ်ပါတယ်။ လွန်ခဲ့တဲ့နှစ်က သြစတြေလျက ပေးတဲ့ အကူအညီဟာ အမေရိကန်ဒေါ်လာ ၂၉ သန်းရှိရာက ဒီနှစ်အတွင်း အမေရိကန်ဒေါ်လာ ၄၇ သန်းအထိ တိုးပြီး အကူအညီ ပေးနေတယ်လို့ သိရပါတယ်။


RFA မှ ကူးယူဖော်ပြပါသည်။

ကုလသမဂ္ဂ စုံစမ်းစစ်ဆေးရေး ကော်မရှင်ကိစ္စ အမေရိကန် ကြိုးပမ်းနေ

မြန်မာအစိုးရရဲ့ လူ့အခွင့်အရေး ချိုးဖောက်မှုတွေကို ကုလသမဂ္ဂ စုံစမ်းစစ်ဆေးရေး ကော်မရှင်ဖွဲ့ပြီး စစ်ဆေးနိုင်ဖို့ အမေရိကန်အစိုးရက ကုလသမဂ္ဂ အဖွဲ့ဝင် မိတ်ဆွေနိုင်ငံတွေနဲ့ ဆွေးနွေးနေကြောင်း အမေရိကန် နိုင်ငံခြားရေး ဝန်ကြီးဌာနက မနေ့က ကြေညာချက် ထုတ်ပြန်ပါတယ်။

မြန်မာဆိုင်ရာ လူ့အခွင့်အရေး ချိုးဖောက်မှု စုံစမ်းစစ်ဆေးရေး ကော်မရှင် ကုလသမဂ္ဂကနေ ဖွဲ့စည်းနိုင်ရေးအတွက် အမေရိကန် အစိုးရအနေနဲ့ ဝိုင်းဝန်းကြိုးပမ်းဖို့ ဒေါ်အောင်ဆန်းစုကြည်က အမေရိကန် အောက်လွှတ်တော် မြန်မာ့အရေး ကြားနာပွဲကို ဗီဒီယိုက တဆင့် အမှာစကား ပြောကြားအပြီးမှာ အခုလို ကြေညာချက် ထွက်ပေါ်လာတာပါ။

ကုလသမဂ္ဂက စုံစမ်းစစ်ဆေးဖို့ ဆိုရာမှာ ရုံးတင် တရားစွဲဆိုရေး မဟုတ်ဘဲ စုံစမ်း စစ်ဆေးဖို့သာ ဖြစ်တယ်လို့ အမေရိကန် အခြေစိုက် ပြည်ထောင်စု မြန်မာနိုင်ငံ အမျိုးသား ညွန့်ပေါင်းအစိုးရ NCGUB ဝန်ကြီး ဦးဘိုလှတင့်က ပြောပါတယ်။

မြန်မာနိုင်ငံဆိုင်ရာ လူ့အခွင့်အရေး စုံစမ်းစစ်ဆေးရေး ကော်မရှင် ဖွဲ့ စည်းရေးကိစ္စကို အမေရိကန်အစိုးရ အပါအဝင် နိုင်ငံ ၁၃ နိုင်ငံက ထောက်ခံထားပြီး ဖြစ်ပါတယ်။

RFA မှ ကူးယူဖော်ပြပါသည်။

Sunday, June 26, 2011

၂၀၁၁ခုနှစ် ကမ္ဘာ့ဒုက္ခသည်များနေ့အခမ်းအနားကိုကျင်းပပြုလုပ်


၂၀၁၁ခုနှစ် ကမ္ဘာ့ဒုက္ခသည်များနေ့အခမ်းအနားအား ယနေ့(၂၆-၆-၂၀၁၁)တနင်္ဂနွေနေ့တွင် ဂျပန်နိုင်ငံ၊
OSAKAမြို့ရှိ SUMAI JOHOO CENTRE တွင် နေ့လည်(၁၂း၃၀)နာရီမှ ညနေ(၁၆း၂၀)နာရီတွင် ကျင်းပပြုလုပ်ခဲ့ကြသည်။ အဆိုပါအခမ်းအနားသို့ဂျပန်နိုင်ငံရှိ လူ့အခွင့်အရေးအသီးသီးမှတာဝန်ရှိသူများနှင့်အဖွဲ့ဝင်များ ၊NGO အဖွဲ့အစည်းအသီးသီး၊ ဂျပန်နိုင်ငံရှိကမ္ဘာအရပ်ရပ်မှ ဒုက္ခသည်အဖွဲ့အစည်းများနှင့်အတူ အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ)၊ဂျပန်ဌာနခွဲ၊နဂိုယာစည်းရုံးရေးဒေသမှ အဖွဲ့ဝင်များ၊ ဖိတ်ကြားထားသောဧည့်သည်တော်များတတ်ရောက်ခဲ့ကြသည်။ ဆက်လက်၍ အခမ်းအနားတွင်အဖွဲ့အစည်းအသီးသီးမှ တာဝန်ရှိပုဂ္ဂိုလ်များမှ ဒုက္ခသည်များဖြစ်ပေါ်လာပုံ၊ဒုက္ခသည်များဖြစ်ပေါ်လာရသည့်အကြောင်းအရင်းနှင့် လူ့အခွင့်အရေးနှင့်ဆိုင်ရာ အကြောင်းအရင်းများကို စာတမ်းဖတ်တင်ပြ နှီးနှောဆွေးနွေးဖလှယ်ခဲ့ကြပြီး ဓာတ်ပုံမှတ်တမ်းများနှင့်စာရွက်စာတမ်းများကိုခင်းကျင်း ပြသခဲ့ကြင်္ပြီး အခမ်းအနားကိုအောင်မြင်စွာရုပ်သိမ်းခဲ့ကြသည်။

Thursday, June 23, 2011

မြန်မာလူ့အခွင့်အရေး စုံစမ်းမှု အမေရိကန် ထောက်ခံဖို့ ဒေါ်စု တိုက်တွန်း

မြန်မာနိုင်ငံမှာ ဖြစ်ပျက်နေတဲ့ အခြေအနေတွေကို စုံစမ်းစစ်ဆေးနိုင်မယ့် ကော်မရှင်တရပ် ကုလသမဂ္ဂက ဖွဲ့စည်းပြီး တာဝန်ပေးအပ်နိုင်ရေးအတွက် အမေရိကန် ပြည်ထောင်စုက အားပေးထောက်ခံဖို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က တိုက်တွန်းလိုက်ပါတယ်။ မြန်မာနိုင်ငံက အခြေအနေတွေကို သိရဖို့ ရည်ရွယ်ကျင်းပတဲ့ ၀ါရှင်တန်မြို့တော်က အမေရိကန် အောက်လွှတ်တော်အတွင်း ပြုလုပ်တဲ့ ကြားနာပွဲတရပ်မှာ ဒေါ်အောင်ဆန်းစုကြည်က အခုလို တိုက်တွန်းလိုက်တာပါ။ အပြည့်အစုံကို အောက်လွှတ်တော်ကို ကိုယ်တိုင်သွားရောက် သတင်းယူခဲ့တဲ့ ကိုအောင်လွင်ဦးက တင်ပြပေးထားပါတယ်။

လျှို့ဝှက်ချက် မျက်နှာဖုံးကို ထိုးဖောက်ခြင်းဆိုတဲ့ ခေါင်းစဉ်နဲ့ အမေရိကန် အောက်လွှတ်တော်မှာ ဗုဒ္ဓဟူးနေ့က ကြားနာပွဲတရပ် ကျင်းပရာမှာ သမ္မတ ဘရက်ခ် အိုဘားမား (Barack Obama) အစိုးရ အနေနဲ့ မြန်မာ့ဒီမိုကရေစီရေး ကြိုးပမ်းမှုတွေကို အားပေးဖို့၊ လူ့အခွင့်အရေး အခြေအနေတွေကို တိတိကျကျ သိရအောင် လုပ်နိုင်မယ့် လုပ်ရပ်တွေကို အားပေးဖို့ ဒေါ်အောင်ဆန်းစုကြည်က တိုက်တွန်းလိုက်တာ ဖြစ်ပါတယ်။

မြန်မာနိုင်ငံရဲ့ ပကတိ အခြေအနေမှန်ကို သိရဖို့ဆိုရင် ကုလသမဂ္ဂ လူ့အခွင့်အရေး ကောင်စီရဲ့ မြန်မာနိုင်ငံဆိုင်ရာ နောက်ဆုံး ဆုံးဖြတ်ချက် ချမှတ်ထားတာကို ကြည့်မယ်ဆိုရင်ပဲ သိနိုင်တဲ့ အကြောင်းကိုလည်း အမေရိကန် အောက်လွှတ်တော် ကြားနာပွဲကိုက ပေးပို့တဲ့ ဗွီဒီယို ထွက်ဆိုချက်မှာ ဒေါ်အောင်ဆန်းစုကြည်က ပြောသွားတာပါ။

“ဒီဆုံးဖြတ်ချက်အပေါ် အင်မတန့် အင်မတန် အလေးအနက်ထား စဉ်းစားမယ်၊ မြန်မာနိုင်ငံက လက်ရှိ အခြေအနေတွေကို ကြည့်မယ်ဆိုရင် ဒီမိုကရေစီ ရရှိဖို့ ဘယ်လောက်တောင် အလှမ်းဝေးနေသေးသလဲ၊ ဒီလမ်းစကို ရောက်တောင် ရောက်သေးရဲ့လား ဆိုတာ ကောင်းကောင်း နားလည်နိုင်ပါလိမ့်မယ်။

“ဒီဆုံးဖြတ်ချက်ထဲမှာ နိုင်ငံရေး အကျဉ်းသားတွေ ကိစ္စ၊ လွတ်လပ်တဲ့ အသင်းအဖွဲ့တွေ ဖွဲ့စည်းရေး၊ သတင်းအချက်အလက်တွေ ရရှိရေး၊ လွတ်လပ်တဲ့ တရားစီရင်ရေး စနစ်နဲ့ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် ပါမောက္ခ ကင်တားနား (Tomas Ojea Quintana) အနေနဲ့ သူလိုအပ်တဲ့ အချိန်မှာ တိုင်းပြည်ကို လာရောက်ခွင့် ရရေးတို့လို အင်မတန်မှ အရေးကြီးတဲ့ ကိစ္စတွေ ပါဝင်ပါတယ်။ ဒီလိုပဲ အားလုံးပါဝင်ခွင့်ရှိတဲ့ နိုင်ငံရေး လုပ်ငန်းစဉ်တရပ် ရှိဖို့ ဆိုတာတွေလည်း ပါဝင်ပါတယ်။”

ကုလသမဂ္ဂက ကော်မရှင်တရပ် ဖွဲ့စည်းပြီး မြန်မာနိုင်ငံက လူ့အခွင့်အရေး ချိုးဖောက်မှုတွေဟာ၊ စစ်ရာဇ၀တ်မှု ဒါမှမဟုတ်ရင်လည်း လူသားမျိုးနွယ်အပေါ် ကျူးလွန်တဲ့ ရာဇ၀တ်မှု မြောက်မမြောက် စုံစမ်းစစ်ဆေးဖို့ လူ့အခွင့်အရေး အထူးကိုယ်စားလှယ် တိုမာ့စ် အိုဟေး ကင်တားနား အကြံပြုထားတာကို အားပေး ထောက်ခံသွားဖို့လည်း ဒေါ်အောင်ဆန်းစုကြည်က တိုက်တွန်းသွားပါတယ်။

ဒါပေမဲ့လည်း မြန်မာနိုင်ငံမှာ ပြီးခဲ့တဲ့နှစ် နိုဝင်ဘာလထဲ ရွေးကောက်ပွဲတွေ ကျင်းပအပြီး အစိုးရသစ် တက်လာတဲ့နောက် အခြေအနေတွေ တိုးတက်လာလေမလား မျှော်လင့်သူတွေ၊ ထူးခြားမှာ မဟုတ်ပါဘူးလို့ ပြောကြသူတွေလို အမြင်တွေ ကွဲပြားနေတာမို့ အမေရိကန် ဥပဒေပြု အမတ်တွေက အခြေအနေတွေကို ရှင်းရှင်းလင်းလင်း သိလိုနေကြတာပါ။

အထူးသဖြင့် မြန်မာအစိုးရအပေါ် ပြစ်ဒဏ်ခတ် အရေးယူထားတဲ့ အမေရိကန်အစိုးရ အနေနဲ့ ထိတွေ့ဆက်ဆံရေး မူဝါဒတွေကိုပါ ကျင့်သုံးလာနေချိန် ဖြစ်တာမို့ အခြေအနေတွေကို ထဲထဲဝင်ဝင် သိဖို့ လိုအပ်တာမို့ အခုလို ကျင်းပရတာလို့လည်း ကြားနာပွဲ သဘာပတိဖြစ်တဲ့ ရီပတ်ဘလစ်ကန်ပါတီ အီလီနွိုက်စ်ပြည်နယ် အောက်လွှတ်တော်အမတ် ဒိုနယ်လ်ဒ် မန်ဇူလို (Donald Manzullo) က ပြောပါတယ်။

“မြန်မာနိုင်ငံက လျှို့ဝှက်ချက် မျက်နှာဖုံးရဲ့ နောက်ကွယ်မှာ အပြောင်းအလဲတွေ ရှိတယ်ဆိုရင်လည်း ဘာတွေလဲ ဆိုတာကို ပြည့်ပြည့်၀၀ သိနိုင်အောင် လေ့လာစူးစမ်းဖို့ ဒီကနေ့ ကြားနာပွဲကို ကျင်းပတာပါ။ ရွေးကောက်ပွဲ ကျင်းပချိန်ကစပြီး ဒီရွေးကောက်ပွဲဟာ ဘယ်လောက်ပဲ မသမာမှုတွေရှိရှိ တိုင်းပြည်တွင်းက နိုင်ငံရေး အခြေအနေတွေအတွက် အရေးပါတဲ့ အပြောင်းအလဲတခု ဖြစ်တယ်လို့ မြန်မာ့အရေး ကျွမ်းကျင်သူတွေကြား အချေအတင် ဖြစ်စရာ ကွဲလွဲတဲ့ အမြင်တွေ ရှိကြတာကိုလည်း ကျနော်တို့ မျက်မြင်ကိုယ်တွေ့ တွေ့ခဲ့ရပါတယ်။

“ဒီအငြင်းအခုန်တွေနဲ့အတူ ထူးထူးခြားခြား ဘာမှ ချက်ချင်း ဖြစ်မလာဘူး ဆိုရင်တောင်မှ အနာဂတ်အတွက် အပြောင်းအလဲတွေကို ဦးတည်ကောင်း ဦးတည်စေမလား ဆိုတာ ငြင်းခုန်ကြတာတွေလည်း ရှိပါတယ်။”

ကြားနာပွဲအတွင်း ထွက်ဆိုသွားသူတွေကတော့ မြန်မာနိုင်ငံမှာ နိုင်ငံရေး ပြဿနာတွေ မပြေလည်နိုင်သေးဘဲ ဖြစ်နေရတာ၊ နိုင်ငံရေး အကျဉ်းသား ၂,၀၀၀ ကျော် ဖမ်းဆီးထိန်းသိမ်း ခံနေရတာလို လူ့အခွင့်အရေး အခြေအနေတွေ နိမ့်ကျနေတာတွေကို ထောက်ပြပြီး အစိုးရသစ် တက်လာပေမဲ့ ထူးခြားတဲ့ အပြောင်းအလဲတွေ မရှိသေးဘူးလို့ ပြောဆိုခဲ့ကြတာပါ။

အမေရိကန်အစိုးရ အနေနဲ့လည်း နိုင်ငံရေး အပြောင်းအလဲတွေ ဖြစ်ပေါ်လာဖို့ လိုအပ်သလောက် ဖိအားပေးမှုတွေ မရှိဘူးလို့လည်း ကြားနာပွဲမှာ ထွက်ဆိုခဲ့သူ တဦးဖြစ်တဲ့ ၀ါရှင်တန် အခြေစိုက် မြန်မာ့အရေး လှုပ်ရှားမှုအဖွဲ့ US Campaign for Burma ရဲ့ အမှုဆောင်အရာရှိ ဦးအောင်ဒင်က ပြောပါတယ်။

“အခုဟာက Engagement ဆိုတာ တိုက်ရိုက်ဆက်ဆံရေး မူဝါဒအောက်မှာ အမေရိကန် အစိုးရ အနေနဲ့ မြန်မာစစ်အစိုးရ အပေါ်မှာ လိုက်လျောမှုတွေက ပိုများတာ တွေ့တယ်။ တဘက်မှာကျတော့ ရှိထားတဲ့ စီးပွားရေး ပိတ်ဆို့မှုကိုလည်း ပိုပြီးတော့ စနစ်တကျ ပြင်းအားကောင်းအောင် မလုပ်ဘဲနဲ့ နောက်တခါ ထပ်မံ တိုးချဲ့ဖို့ကျတော့လည်း ငြင်းဆန်နေတဲ့ အတိုင်းအတာမှာ ရှိတယ်။

“ထပ်မံ တိုးချဲ့ဖို့ဆိုတာ အထူးသဖြင့် ကျနော်တို့ တောင်းဆိုထားတဲ့ ကုလသမဂ္ဂ စုံစမ်းရေး ကော်မရှင် ဖွဲ့စည်းရေး ကိစ္စမှာ အမေရိကန် အစိုးရ အနေနဲ့ တက်တက်ကြွကြွ လှုပ်ရှားတာကို မတွေ့ရဘူး။ အဲဒီလိုပဲ လက်ရှိ ချမှတ်ထားတဲ့ Targeted Sanction ခေါ်တဲ့ မြန်မာစစ်အုပ်စုနဲ့ သူတို့ရဲ့ အပေါင်းအပါ စီးပွားရေးသမားတွေကို ပိတ်ဆို့ ဟန့်တားတဲ့ စီးပွားရေး ပိတ်ဆို့မှုကိုလည်း တကယ်ကျတော့ ထိထိရောက်ရောက်လုပ်တာ မတွေ့ရဘူး။ ဒါကြောင့် ကျနော်တို့က သိပ်မကျေနပ်ဘူးပေါ့။

“တဘက်မှာ Engage လုပ်တာတော့ အပြစ်မတင်ပါဘူး။ ဘာဖြစ်လို့လဲဆိုတော့ Engage လုပ်တဲ့ အချိန်ထဲမှာ ဒီဘက်မှာ နအဖ စစ်အုပ်စုကကျတော့ လူတွေကို ဆက်ပြီး ဖမ်းနေတယ်၊ လူတွေကို ဆက်ပြီး သတ်နေတယ်၊ လူတွေကို ဆက်ပြီး နှိပ်စက်ညှဉ်းပန်းနေတယ်။ အဲဒီကာလမှာ လက်ရှိအထိ ရှိထားတဲ့ စီးပွားရေး ပိတ်ဆို့မှုတွေကို ပိုပြီး ခိုင်မာ အားကောင်းအောင် လုပ်ဖို့ အမေရိကန် အစိုးရမှာ တာဝန်ရှိပါတယ်။”

ကြားနာပွဲ သဘာပတိဖြစ်သူ အောက်လွှတ်တော်အမတ် ဒိုနယ်လ်ဒ် မန်ဇူလိုကတော့ အခုနောက်ဆုံး မြန်မာနိုင်ငံ မြောက်ပိုင်းက ကချင်တိုင်းရင်းသား လက်နက်ကိုင် အဖွဲ့တွေနဲ့ ၁၇ နှစ်ကြာ အပစ်အခတ် ရပ်စဲရေး ရယူထားတာတွေ ပျက်ပြားပြီး တိုက်ပွဲတွေ တကျော့ပြန် ဖြစ်ပွားနေတာတွေဟာ တိုင်းပြည်မှာ အပြောင်းအလဲတွေ မရှိသေးဘူး ဆိုတာကို ညွှန်ပြနေတယ်လို့လည်း ပြောဆိုခဲ့တာပါ။ မြန်မာအစိုးရ အနေနဲ့ သမ္မတ အိုဘားမား အစိုးရရဲ့ ချဉ်းကပ်မှု အသစ်တွေကို အခွင့်အလမ်းကောင်း တခုအဖြစ် လက်မလွှတ်ဖို့နဲ့ အမေရိကန် ပြည်ထောင်စုနဲ့ ဆက်ဆံရေးတွေ တိုးတက်စေဖို့ သိသာမြင်သာတဲ့ အပြောင်းအလဲတွေ လုပ်ဖို့ လိုမယ်လို့လည်း ပြောဆိုခဲ့တာ ဖြစ်ပါတယ်။

VOA မှ ကူးယူဖော်ပြပါသည်။

အိန္ဒိယ နိုင်ငံခြားရေး အတွင်းဝန် ဒေါ်စုနှင့် တွေ့ဆုံဟုဆို


အိန္ဒိယ နိုင်ငံခြားရေး အတွင်းဝန် နီရူပါမာရောင်းနှင့် မြန်မာ့ဒီမိုကရေစီ ခေါင်းဆောင်
ဒေါ်အောင်ဆန်းစုကြည်တို့ တနင်္လာနေ့က ဒေါ်အောင်ဆန်းစုကြည်၏ နေအိမ်တွင် တွေ့ဆုံဆွေးနွေးကြသည်ဟု ရန်ကုန်မှလာသော Indo-Asian News Service သတင်းတွင် ပါရှိသည်။

အမျိုးသား ဒီမိုကရေစီ အဖွဲ့ချုပ် ခေါင်းဆောင်များပါ ပါဝင်သော အစည်းအဝေးက တနာရီခန့်ကြာမြင့်ဟု IANS သတင်းတွင် ရေးသားထားသည်။ သုံးရက်ကြာ အိန္ဒိယ ကိုယ်စားလှယ်၏ ခရီးစဉ် ပထမဆုံးနေ့တွင် တွေ့ဆုံခြင်းသည် အိန္ဒိယအနေဖြင့် မြန်မာအတိုက်အခံ ခေါင်းဆောင်နှင့် ပထမဆုံး အဆင့်မြင့် တွေ့ဆုံမှုလည်း ဖြစ်သည်။

အိန္ဒိယတွင် ပညာသင်ကြားခဲ့သူ ဒေါ်အောင်ဆန်းစုကြည်နှင့် မစ္စနီရူပါမာရောင်းတို့ “ နှစ်ယောက်သား အိန္ဒိယနဲ့
မြန်မာဆက်ဆံရေး အကြောင်း ပြောကြတယ်” ဟု IANS က အိန္ဒိယအရာရှိ တဦးကို ကိုးကား၍ ရေးသားထားသည်။

ထူးခြားနေသည်မှာ အကြီးတန်း အရာရှိတဦးမှ လွဲ၍ အမျိုးသား ဒီမိုကရေစီ အဖွဲ့ချုပ် ခေါင်းဆောင်များက
တွေ့ဆုံမှုကို မသိရှိကြခြင်း ဖြစ်သည်။

တွေ့ဆုံပါသည်ဟု ဖြေကြားသူကတော့ ဆွေးနွေးမှု အကြောင်းအရာကို ဖြေဆိုရန် ငြင်းဆိုပြီး အစောပိုင်းက အိန္ဒိယ ကိုယ်စားလှယ် အဖွဲ့အနေဖြင့် တွေ့ဆုံရန် အစီအစဉ် မရှိသော်လည်း “ ဝေဖန်မှုခံရမှာ စိုးသဖြင့်” လာရောက် တွေ့ဆုံခြင်းသာ ဖြစ်သည်ဟု ဆိုသည်။

အိန္ဒိယ နိုင်ငံခြားရေး ဝန်ကြီး အက်စ်အမ် ခရစ်ရ်ှနားခေါင်းဆောင်သော ကိုယ်စားလှယ် အဖွဲ့သည် အင်္ဂါနေ့က နေပြည်တော်တွင် ဒုတိယသမ္မတ တင်အောင်မြင့်ဦးနှင့် တွေ့ဆုံခဲ့ပြီး ဖြစ်သည်။

အိန္ဒိယမှ လှူဒါန်းဆောက်လုပ်ပေးခဲ့သော တန် ၅ဝဝ ဆံ့ Food Security Shelter တခုကို စာရွက်စာတမ်းများ လွှဲပြောင်းပေးခြင်းနှင့် တာလေ မြေငလျင်ဘေးအတွက် ငွေလှူဒါန်းခြင်းများ ပြုလုပ်ခဲ့သည်ဟု မြန်မာ့အလင်း သတင်းစာတွင် ပါရှိသည်။

ထို့အပြင် မြင်းခြံမြို့တွင် စက်မှုသင်တန်းကျောင်း တကျောင်း ထူထောင်ပေးရန် အိန္ဒိယက သဘောတူညီချက် လက်မှတ် ရေးထိုးခဲ့သေးသည်ဟုလည်း ပါရှိသည်။

ခရီးစဉ်မတိုင်ခင်တွင် အိန္ဒိယနိုင်ငံခြားရေး ဝန်ကြီးက နှစ်နိုင်ငံ နယ်ခြားဒေသများကို ဆက်စပ်ပေးထားသည့် ကုလားတန် ဘက်စုံဖွံ့ဖြိုးရေး စီမံကိန်း အကြောင်းသည်လည်း ထည့်သွင်း ဆွေးနွေးမည့် အရာတခုဟု နယူးဒေလီတွင် သတင်းထောက်များကို ပြောကြားခဲ့သည်။

ဒေါ်အောင်ဆန်းစုကြည်နှင့် မြန်မာ့ ဒီမိုကရေစီအရေးကို ကျယ်ကျယ်လောင်လောင် ထောက်ခံခဲ့သည့် အိန္ဒိယသည် အရှေ့မျှော်ဝါဒ ကျင့်သုံးလာချိန်အတွင်း မြန်မာအစိုးရနှင့် ဆက်ဆံရေး ကောင်းရန် ဦးစားပေး လုပ်ဆောင်ခဲ့သည်။

သို့သော်လည်း မြန်မာနိုင်ငံတွင် တရုတ်၏ လွှမ်းမိုးမှုကို အမီလိုက်နိုင်ရန် ကြိုးစားနေသည့် အိန္ဒိယသည်
နောက်ကွယ်တွင် မြန်မာ့ ဒီမိုကရေစီအရေး အတွက် နားချ ပြောဆိုမှုမျိုးရှိသည်ဟု လေ့လာသူများက ပြောသည်။

mizzima မှ ကူးယူဖော်ပြပါသည်။

အမေရိကန်အောက်လွှတ်တော် ကြားနာပွဲတွင် ဒေါ်အောင်ဆန်းစုကြည် ဗီဒီယိုမှ တဆင့် သက်သေခံထွက်ဆိုချက်

အမျိုးသားဒီမိုကရေစီအဖွဲ့ချုပ်၏ ကြေညာချက်အမှတ် ၁၁/ ၆ / ၁၁

Statement 11 (06)

ဒေါ်အောင်ဆန်းစုကြည်မွေးနေ့ သီချင်းပြိုင်ပွဲမှ ပထမဆုရ စမ်းချောင်းမြို့နယ်လူငယ်များ သီဆိုတဲ့ ... (အမောဖြေပါအမေ) သီချင်း ။




News from NLD(LA)JB

Wednesday, June 22, 2011

EU ကိုယ်စားလှယ်အဖွဲ့ ဒေါ်စုနဲ့ ရင်းနှီးပွင့်လင်းစွာ ဆွေးနွေး

EU ဥရောပသမဂ္ဂရဲ့ ဥက္ကဋ္ဌလည်းဖြစ်ပြီး နိုင်ငံခြားရေးရာနဲ့ လုံခြုံရေးရာ အကြီးအကဲရဲ့ အကြံပေး ပုဂ္ဂိုလ်လည်းဖြစ်တဲ့ မစ္စတာ ရောဘတ် ကူးပါး (Robert Cooper) နဲ့အတူ မြန်မာနိုင်ငံဆိုင်ရာ EU သံအမတ်ကြီး ဒေးဗစ် လစ်ပ်မန် (David Lipman) နဲ့ EU ရဲ့ မြန်မာနိုင်ငံဆိုင်ရာ အထူးကိုယ်စားလှယ် ပီယာရို ဖက်ဆီနို (Piero Fassino) တို့ ပါဝင်တဲ့ EU ကိုယ်စားလှယ် ၁၁ ဦးပါ အဖွဲ့နဲ့ ဒီနေ့ တွေ့ဆုံ ဆွေးနွေးရတာဟာ အနှစ်သာရရှိတဲ့ ဆွေးနွေးပွဲ ဖြစ်တယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောကြားလိုက်ပါတယ်။ EU ကိုယ်စားလှယ် အဖွဲ့ဟာ ဒီနေ့ ဇွန်လ ၂၁ ရက်နေ့ ညနေမှာ ဒေါ်အောင်ဆန်းစုကြည် အပါအ၀င် အမျိုးသား ဒီမိုကရေစီ အဖွဲ့ချုပ် ဗဟိုအလုပ်အမှုဆောင် အဖွဲ့ဝင်တွေ၊ CRPP ပြည်သူ့လွှတ်တော် ကိုယ်စားပြု ကော်မတီ အဖွဲ့ဝင်တွေနဲ့ပါ တွေ့ဆုံခဲ့တာ ဖြစ်ပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။

EU ဥရောပသမဂ္ဂရဲ့ ဒု-ဥက္ကဋ္ဌ မစ္စတာ ရောဘတ် ကူးပါးနဲ့ EU ရဲ့ မြန်မာနိုင်ငံဆိုင်ရာ အထူးကိုယ်စားလှယ် မစ္စတာ ပီယာရို ဖက်ဆီနို ဦးဆောင်တဲ့ အဖွဲ့ဝင် ၁၁ ဦးပါတဲ့ EU ကိုယ်စားလှယ် အဖွဲ့ဟာ ဒီနေ့ အင်္ဂါနေ့ညနေ ၆ နာရီကနေ တနာရီကြာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ သူမရဲ့ နေအိမ်မှာ တွေ့ဆုံ ဆွေးနွေးခဲ့ကြပါတယ်။ ဒီတွေ့ဆုံတဲ့ ဆွေးနွေးပွဲကို အနှစ်သာရရှိတဲ့ ဆွေးနွေးပွဲအဖြစ် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က သတ်မှတ်တယ်လို့ အမျိုးသား ဒီမိုကရေစီ အဖွဲ့ချုပ် ပြောခွင့်ရ ဦးအုန်းကြိုင်က ပြောပါတယ်။

“အထွေထွေ အတွင်းရေးမှူး ပြောတာကတော့ သူ EU နဲ့ တွေ့တဲ့အခါမှာ ဆွေးနွေးပွဲနဲ့ ပတ်သက်လို့ မှတ်ချက်ပေးရရင်တော့ သူက ရင်းနှီး ပွင့်လင်းမှုရှိတယ်၊ မိတ်ဆွေရင်းချာတွေက ဒီလိုပဲ ရင်းနှီး ပွင့်လင်းစွာ ဆွေးနွေးကြတယ်၊ ရိုးရိုးသားသား ဆွေးနွေးကြတယ်၊ အမှန်အတိုင်းပဲ သူ့ရင်ထဲမှာ ရှိတာတွေ ပွင့်ပွင့်လင်းလင်း ဆွေးနွေးခဲ့တယ်။ ဒါကြောင့် ဒီဆွေးနွေးပွဲက အနှစ်သာရရှိတဲ့ ဆွေးနွေးပွဲ တခုပါလို့ အဲဒီလို ပြောပါတယ်။

“EU နဲ့ ကျနော်တို့ NLD နဲ့ ဆက်ဆံရေးက မူလကတည်းက ကောင်းခဲ့တယ်။ ထပ်ပြီးတော့ ပိုပြီးတော့ နားလည်တာပေါ့ဗျာ။ ပူးပေါင်း ဆောင်ရွက်မှုကို ဆက်ပြီးတော့ ကြိုးပမ်းသွားကြရမယ်လို့ ပြောပါတယ်။”

EU ကိုယ်စားလှယ်တွေဟာ ဒေါ်အောင်ဆန်းစုကြည်၊ ဦးဟံသာမြင့်တို့နဲ့ သီးခြား တွေ့ဆုံ ဆွေးနွေးပြီးတဲ့နောက် NLD ဗဟိုအလုပ်အမှုဆောင် အဖွဲ့၊ CRPP ပြည်သူ့လွှတ်တော် ကိုယ်စားပြု ကော်မတီ အဖွဲ့ဝင်တွေနဲ့ တွေ့ဆုံခဲ့ပါတယ်။

“ကျနော်တို့ ဗဟိုအလုပ်အမှုဆောင် အဖွဲ့မှာ ဒုတိယ ဥက္ကဋ္ဌကြီး ဦးတင်ဦး၊ ဗဟိုအလုပ်အမှုဆောင် အဖွဲ့ဝင် ဦးသန်းထွန်း၊ ဦးလှဖေ၊ ဦးဉာဏ်ဝင်း၊ ကျနော်၊ နောက် ဦးဝင်းမြင့်၊ ဒေါ်မေ၀င်းမြင့်၊ စတဲ့သူတွေ ပါပါတယ်။ နောက် CRPP ခေါင်းဆောင်တွေကတော့ ဦးအေးသာအောင်၊ ဦးပူကျင့်ရှင်းထန်၊ ဦးစိုးဝင်းတို့ တက်ရောက်ပါတယ်။”

EU ကိုယ်စားလှယ်နဲ့ တွေ့ဆုံပွဲမှာ အမျိုးသား ဒီမိုကရေစီ အဖွဲ့ချုပ် ဒု-ဥက္ကဋ္ဌ ဦးတင်ဦးက တိုင်းရင်းသားတွေနဲ့ ဖြစ်ပွားနေတဲ့ ပဋိပက္ခတွေ ဖြေရှင်းနိုင်ဖို့အပြင် နိုင်ငံရေး အကျဉ်းသားတွေ လွတ်မြောက်ရေးအတွက် ၀ိုင်းဝန်း ဖိအားပေးဖို့ အဓိက တိုက်တွန်း ပြောဆိုခဲ့တယ်လို့ ဆိုပါတယ်။

“ဒုတိယ ဥက္ကဋ္ဌ ဦးတင်ဦးက အဖွဲ့ချုပ် တရားဝင် နိုင်ငံရေးပါတီအဖြစ် ဆက်လက်ပြီး အခိုင်အမာ ရပ်တည်ပြီး ဒီမိုကရေစီ ရရှိရေးအတွက် ဆက်လက် ကြိုးပမ်းနေပုံတွေကို ရှင်းပြပါတယ်။ နောက် နိုင်ငံရေး အကျဉ်းသားတွေ လွှတ်တဲ့ကိစ္စနဲ့ ပတ်သက်လို့၊ ကျယ်ကျယ်ပြန့်ပြန့် နိုင်ငံရေး အကျဉ်းသားတွေ လွတ်မြောက်ဖို့ ၀ိုင်းဝန်းပြီး တိုက်တွန်းသင့်တယ် ဆိုတဲ့အကြောင်း၊ အခုလောက် လွတ်မြောက်တာဟာ အမျိုးသား ပြန်လည်သင့်မြတ်ရေးအတွက် အထောက်အကူ မဖြစ်စေနိုင်ဘူးပေါ့။ အဲဒါဟာ အမျိုးသား ပြန်လည် သင့်မြတ်ရေးအတွက် အကျဉ်းသားအားလုံး ချွင်းချက်မရှိ လွတ်မြောက်ဖို့က အခြေခံအကျဆုံးအချက် ဖြစ်တယ်ဆိုတဲ့ အကြောင်း ထပ်ပြီး ရှင်းလင်းပါတယ်။

“တဆက်တည်းမှာပဲ တိုင်းရင်းသား ဒေသတွေမှာ အခုဖြစ်နေတဲ့ လက်နက်ကိုင် ပဋိပက္ခတွေဟာ ဒေသခံ ပြည်သူတွေရော၊ ဒုက္ခသည်တွေ အခက်အခဲမျိုးစုံ တွေ့တာ ဖြစ်တဲ့အတွက်ကြောင့် ဒီစစ်မီးတောက်တွေကိုလည်း အမြန်ဆုံး တွေ့ဆုံဆွေးနွေးပြီးတော့ ငြိမ်းချမ်းစွာ ဖြေရှင်းသင့်တယ်လို့ ကျနော်တို့က သဘောထား ကြေညာထားပြီး ဖြစ်တဲ့အတိုင်း အဲဒီအတိုင်းပဲ ဆက်လက်ပြီးတော့ ကြိုးပမ်းဖို့ နိုင်ငံတကာကလည်း တိုက်တွန်းသင့်တယ် ဆိုတဲ့အကြောင်း အဲဒါတွေ ရှင်းပြပါတယ်။

“လက်ရှိ အစိုးရသစ် အနေနဲ့ကတော့ သူတို့လည်း ကောင်းဖို့လုပ်နေပါတယ်လို့တော့ ပြောဆိုနေတာပဲ။ သို့သော်လည်း လက်တွေ့ အလုပ်နဲ့ချိန်ပြီးတော့ လေ့လာသင့်တဲ့အကြောင်း ဒုတိယ ဥက္ကဋ္ဌကြီးက တင်ပြပါတယ်။”

EU ဥရောပသမဂ္ဂရဲ့ ဒု-ဥက္ကဋ္ဌ မစ္စတာ ရောဘတ် ကူးပါး ဦးဆောင်တဲ့ အဖွဲ့ဟာ တနင်္လာနေ့ကတော့ နေပြည်တော်မှာ ဒု-သမ္မတ သီဟသူရ တင်အောင်မြင့်ဦး၊ နိုင်ငံခြားရေးဝန်ကြီး ဦးဝဏ္ဏမောင်လွင် အပြင် ပြည်ထဲရေးနဲ့ အလုပ်သမား ၀န်ကြီးဌာနတွေက ဒု-၀န်ကြီးတွေနဲ့ပါ တွေ့ဆုံပြီး မြန်မာနဲ့ EU အကြား ဆက်ဆံရေးနဲ့ ပူးပေါင်းဆောင်ရွက်မှု မြှင့်တင်ရေး ကိစ္စရပ်တွေ ဆွေးနွေးခဲ့တယ်လို့ အစိုးရ သတင်းတွေမှာ ဖော်ပြထားပါတယ်။

မြန်မာနိုင်ငံက နိုဝင်ဘာလ ရွေးကောက်ပွဲအပြီး အစိုးရသစ် တက်လာတဲ့ နောက်ပိုင်းမှာ မကြာခင်က လာရောက်ခဲ့တဲ့ အမေရိကန် နိုင်ငံရေးမှာ သြဇာကြီးမားတဲ့ အထက်လွှတ်တော်အမတ် ဂျွန်မက်ကိန်း (John McCain)၊ အမေရိကန် အရှေ့အာရှနဲ့ ပစိဖိတ်ရေးရာ ဒုတိယ လက်ထောက် နိုင်ငံခြားရေးဝန်ကြီး ဂျိုးဇက် ယွန်း (Joseph Yun) နဲ့ ကုလသမဂ္ဂ အထူးကိုယ်စားလှယ် မစ္စတာ ဗီဂျေး နမ်ဘီယာ (Vijay Nambiar) တို့နောက်မှာ အခု အနောက်နိုင်ငံက အဆင့်မြင့် ပုဂ္ဂိုလ်တွေထဲမှာ EU ဥရောပသမဂ္ဂက ဒု-ဥက္ကဋ္ဌ မစ္စတာ ကူးပါးက နောက်ဆုံး လာရောက်ခဲ့တာ ဖြစ်ပါတယ်။

မြန်မာအစိုးရသစ် တက်လာခဲ့ပြီးတဲ့နောက်မှာ ဥရောပသမဂ္ဂက ဧပြီလထဲမှာ စီးပွားရေး ပိတ်ဆို့ အရေးယူ ဒဏ်ခတ်မှုတွေကို တနှစ်ထပ်ပြီး သက်တမ်းတိုးခဲ့ပါတယ်။

အခု မြန်မာနိုင်ငံကို လာရောက်ခဲ့တဲ့ မစ္စတာ ကူးပါး ဦးဆောင်တဲ့ EU ကိုယ်စားလှယ် အဖွဲ့ဟာ ဗုဒ္ဓဟူးနေ့ညနေ ၆ နာရီမှာ ရန်ကုန်က အီတလီသံရုံးမှာ သတင်းစာ ရှင်းလင်းပွဲ ပြုလုပ်မှာ ဖြစ်ပါတယ်။

VOA မှ ကူးယူဖော်ပြပါသည်။

မြန်မာ့အရေး ကုလ ဖိအားပေး ဆောင်ရွက်ဖို့ NSW လွှတ်တော် တိုက်တွန်း


မြန်မာနိုင်ငံမှာ အမျိုးသား ပြန်လည်သင့်မြတ်ရေးအတွက် မြန်မာအစိုးရသစ်က တိုင်းရင်းသားတွေ အပါအ၀င် အတိုက်အခံ အင်အားစုတွေနဲ့ တွေ့ဆုံ ဆွေးနွေးလာအောင် ကုလသမဂ္ဂနဲ့ အတွင်းရေးမှူးချုပ် မစ္စတာ ဘန်ကီမွန်း (Mr. Ban Ki-moon) တို့က ဦးစီးဆောင်ရွက်ပေးဖို့ အပြင် ကုလသမဂ္ဂ အနေနဲ့ မြန်မာနိုင်ငံဆိုင်ရာ အထူးကိုယ်စားလှယ် ခန့်ထားပေးဖို့တွေကို သြစတြေးလျနိုင်ငံ နယူးဆောက်သ်ဝေးစ် (New South Wales) လွှတ်တော်က တောင်းဆိုလိုက်ပါတယ်။ ဒါ့အပြင် မြန်မာအစိုးရ အနေနဲ့ တိုင်းရင်းသားတွေနဲ့ စစ်ဖြစ်နေတာတွေကို ရပ်တန့်ပြီး ပင်လုံညီလာခံလို ညီလာခံတရပ် ခေါ်ယူဖို့နဲ့ အမျိုးသား သင့်မြတ်ရေး လုပ်ဆောင်ဖို့တွေကိုလည်း တိုက်တွန်းလိုက်ပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် နေအိမ်အကျယ်ချုပ်က လွတ်မြောက်လာခဲ့ပြီးတဲ့နောက် အပြင်မှာ ပထမဆုံးမွေးနေ့ ကျင်းပချိန် မြန်မာအစိုးရက တိုင်းရင်းသား လက်နက်ကိုင်တွေနဲ့ စစ်ခင်းနေတာ တွေ့ရပြီး ငြိမ်းချမ်းရေးကိုပဲ လိုချင်တယ်လို့ ပြောဆိုခဲ့တာမို့ မြန်မာနိုင်ငံမှာ တကယ်စစ်မှန်တဲ့ ငြိမ်းချမ်းရေးရဖို့ အရေးတကြီး လိုအပ်နေပြီလို့ သြစတြေးလျနိုင်ငံက မြင်သလို ဒီကနေ့ ဇွန်လ ၂၁ ရက်နေ့မှာ မြန်မာ့အရေး ကုလသမဂ္ဂက ထဲထဲဝင်ဝင် ဆောင်ရွက်ပေးဖို့အတွက် တောင်းဆိုလိုက်တယ်လို့ သြစတြေးလျနိုင်ငံ နယူးဆောက်သ်ဝေးစ်ပြည်နယ် အထက်လွှတ်တော်အမတ် ဂျွန်ကေး (John Kaye) က ပြောပါတယ်။

“ကုလသမဂ္ဂက မြန်မာနိုင်ငံနဲ့ ပတ်သက်ပြီး ပြတ်ပြတ်သားသား အရေးယူ ဆောင်ရွက်ဖို့အတွက် နယူးဆောက်သ်ဝေးစ် လွှတ်တော်က ဒီကနေ့ တညီတညွတ်တည်း တောင်းဆိုလိုက်ပါတယ်။ မြန်မာနိုင်ငံမှာ ဒီမိုကရေစီနဲ့ လူ့အခွင့်အရေးတွေ မရမချင်း၊ ထောင်နဲ့ချီတဲ့ နိုင်ငံရေး အကျဉ်းသားတွေ မလွတ်မချင်း ကုလသမဂ္ဂ အနေနဲ့ မြန်မာအာဏာရှင် အစိုးရကို ဖိအားပေးရမှာ ဖြစ်သလို ကုလသမဂ္ဂရဲ့ လုပ်ပိုင်ခွင့် အာဏာကို သုံးပြီး မြန်မာနိုင်ငံမှာ စစ်မှန်တဲ့ ဒီမိုကရေစီ ရရေးနဲ့ နိုင်ငံရေး အကျဉ်းသားအားလုံး လွတ်မြောက်ရေးအတွက် အမြန်ဆုံး ဆောင်ရွက်ဖို့ လိုအပ်တယ်။” လို့ ပြောသွားပါတယ်။

အခုတက်လာတဲ့ အစိုးရသစ်ဟာ ဒီမိုကရေစီနည်းကျ ရေးဆွဲထားတဲ့ ဖွဲ့စည်းပုံ အခြေခံဥပဒေနဲ့ တက်လာတာ မဟုတ်တဲ့အပြင် လွတ်လပ်ပြီး တရားမျှတမှု မရှိတဲ့ ရွေးကောက်ပွဲနဲ့ တက်လာတာမို့ သြစတြေးလျ လွှတ်တော်က လက်မခံသလို အသိအမှတ်လည်း မပြုဘူးလို့ ဆိုပါတယ်။ လက်ရှိမှာလည်း အစိုးရသစ်ဟာ ရာထူးအခေါ်အဝေါ်သာ အသစ်ပြောင်းပြီး အရင် စစ်အစိုးရ လက်ထက်ကလိုပဲ ဖိနှိပ်အုပ်ချုပ်တဲ့ပုံစံ တူနေသလို တိုင်းရင်းသားတွေနဲ့ စစ်ဆင်နွှဲနေတာတွေ မရပ်သေးဘဲ နိုင်ငံရေး အကျဉ်းသားတွေကို ဆက်ပြီး ဖမ်းထားတာလို လူ့အခွင့်အရေး ချိုးဖောက်နေတာတွေကို တွေ့နေရတာမို့ စစ်မှန်တဲ့ ဒီမိုကရေစီ ပြောင်းလဲရေးတွေ လုပ်ဖို့အတွက် တောင်းဆိုလိုက်ပါတယ်။

ဒီလို ပြောင်းလဲလာဖို့အတွက် ကုလသမဂ္ဂရဲ့ အခန်းကဏ္ဍဟာ အရေးကြီးသလို ကုလသမဂ္ဂ အတွင်းရေးမှူးချုပ် ကိုယ်တိုင် ဦးဆောင်ဖို့နဲ့ မြန်မာအာဏာရှင်တွေကို အရင်လို ပျော့ပျော့ပြောင်းပြောင်း ဆက်ဆံနေတာတွေ ရပ်ပစ်ဖို့ လိုပြီလို့ ဆိုပါတယ်။

“ဘန်ကီမွန်းဟာ မြန်မာအာဏာရှင်တွေအပေါ် သက်သက်ညှာညှာနဲ့ ဆက်ဆံနေတယ်လို့ မြင်ပါတယ်။ ဘန်ကီမွန်း အနေနဲ့ မြန်မာအာဏာပိုင်တွေကို ဒီမိုကရေစီ အတိုက်အခံတွေနဲ့ တွေ့ဆုံဆွေးနွေး ညှိနှိုင်းဖို့ ပြတ်ပြတ်သားသား တောင်းဆိုရမှာ ဖြစ်တဲ့အပြင် တိုင်းရင်းသား အဖွဲ့အစည်းတွေနဲ့ ငြိမ်းချမ်းရေး ညှိနှိုင်းမှုတွေ လုပ်ပြီး အမျိုးသား ပြန်လည်သင့်မြတ်ရေးရအောင် လုပ်ပေးဖို့အတွက် ကျနော်တို့ လွှတ်တော်ကနေ တောင်းဆိုပါတယ်။” လို့ ပြောသွားပါတယ်။

ဒီလိုလုပ်ဆောင်ရာမှာလည်း ဒီမိုကရေစီရေး ပြုပြင် ပြောင်းလဲမှုတွေအတွက် အချိန်ဇယားကို သေသေချာချာ သတ်မှတ်ဖို့ လိုအပ်သလို မြန်မာနိုင်ငံ အရေးအတွက် အချိန်ပြည့် တာဝန်ထမ်းဆောင်နိုင်မယ့် အထူးကိုယ်စားလှယ် တဦးကိုလည်း အမြန်ဆုံး ခန့်အပ်ဖို့ပါ တောင်းဆိုလိုက်ပါတယ်။

မကြာသေးခင်ကပဲ နယူးယောက် ကုလသမဂ္ဂ ရုံးချုပ်မှာ ကျင်းပတဲ့ အတွင်းရေးမှူးချုပ်ရဲ့ မြန်မာ့မိတ်ဆွေ နိုင်ငံများ အစည်းအဝေးမှာလည်း အလားတူ တောင်းဆိုခဲ့တာမို့ မစ္စတာ ဘန်ကီမွန်းက မြန်မာနိုင်ငံဆိုင်ရာ အထူးကိုယ်စားလှယ်တဦး ခန့်ထားရေးအတွက် စဉ်းစားနေပါတယ်လို့ ပြောကြားခဲ့ပါတယ်။

မြန်မာနိုင်ငံမှာ ဒေါ်အောင်ဆန်းစုကြည်ကို နေအိမ်အကျယ်ချုပ်က လွှတ်ပေးလိုက်တာ တခုတည်းကို ကြည့်ပြီး ပြောင်းလဲမှုတွေ တွေ့နေရပြီလို့ နိုင်ငံတကာက အမြင်မမှားသင့်ကြောင်းနဲ့ မြန်မာအစိုးရသစ် အနေနဲ့ ကချင်ပြည်နယ်နဲ့ မြန်မာနိုင်ငံ အရှေ့တကြောမှာ တိုင်းရင်းသားတွေနဲ့ စစ်မက်တွေ ဖြစ်ပွားနေတာမို့ ဒါဟာ မြန်မာနိုင်ငံမှာ အမျိုးသား ပြန်လည်သင့်မြတ်ရေးအတွက် အရေးတကြီးလုပ်ဖို့ လိုအပ်နေပြီလို့ မစ္စတာကေးက မြင်ပါတယ်။

“မြန်မာနိုင်ငံရဲ့ ရာဇ၀င်ကိုကြည့်ရင် ပင်လုံညီလာခံ ကျင်းပပြီး အမျိုးသား ပြန်လည်သင့်မြတ်ရေးအတွက် လုပ်ပေးနိုင်တာ သက်သေရှိပါတယ်။ ဒါကြောင့် ဒီလိုညီလာခံမျိုး ကျင်းပပေးနိုင်ရင် မြန်မာနိုင်ငံထဲမှာ နေထိုင်တဲ့ တိုင်းရင်းသား လူမျိုးစု အသီးသီးက သူတို့ကို စစ်ဆင်ပြီး ဖိနှိပ်နေတယ်၊ လေးစားမှု မရှိဘဲနဲ့ ဘေးဖယ်ထားနေတယ်ဆိုတဲ့ အတွေးမျိုးတွေ ပျောက်သွားနိုင်ပါတယ်။” လို့ သြစတြေးလျ အထက်လွှတ်တော်အမတ် မစ္စတာကေးက ပြောကြားခဲ့ပါတယ်။

VOA မှ ကူးယူဖော်ပြပါသည်။

အမေရိကန် ကွန်ဂရက်သို့ ဒေါ်စု မိန့်ခွန်းပို့


ဗုဒ္ဓဟူးနေ့တွင် ကျင်းပမည့် အမေရိကန်ကွန်ဂရက် အာရှနှင့် ပစိဖိတ်ရေးရာ ဆပ်ကော်မတီ၏ မြန်မာ့အရေး ကြားနာပွဲသို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ မိန့်ခွန်း ဗွီဒီယိုကို ပေးပို့မည် ဖြစ်သည်။ အမေရိကန်ကွန်ဂရက်သို့ ပေးပို့မည့် ဒေါ်စု၏ ပထမဆုံး မိန့်ခွန်းဖြစ်ပြီး
မြန်မာနိုင်ငံအတွင်း၌ လူ့အခွင့်အရေး ချိုးဖောက်နေမှုများနှင့် ပတ်သတ်၍ ဒေါ်စုက မှတ်ချက်ပေးမည် ဖြစ်သည်။

ကြိုတင် ရိုက်ကူးထားသည့် ဗွီဒီယိုထဲတွင် ငြိမ်းချမ်းရေး နိုဗယ်ဆုရှင်က ၂ဝ၁ဝ နိုဝင်ဘာ ရွေးကောက်ပွဲတွင် အာဏာရလာသည့် မြန်မာနိုင်ငံ လက်ရှိသမ္မတ ဦးသိန်းစိန်၏ လက်ထက်တွင် ဖြစ်ပေါ်နေသည့် အခြေအနေများကို တင်ပြမည် ဖြစ်သည်။ ထိုဗွီဒီယိုခွေကို ဗုဒ္ဓဟူးနေ့ ဝါရှင်တန်တွင် ကျင်းပမည့် ကြားနာပွဲ၌ ပြသမည်ဖြစ်ပြီး
“ လျှို့ဝှက်ကန့်လန်ကာ နောက်ကွယ်သို့ ထိုးထွင်းကြည့်ရှု့ခြင်း” (ဟန်ဆောင် ရွေးကောက်ပွဲ နောက်ကွယ်မှ အမှန်တရားများနှင့် ခက်ခဲသည့် ရှေ့လမ်းခရီး) ဟု ခေါင်းစဉ် ပေးထားသည်။

မြန်မာအစိုးရ အဖွဲ့သစ် အနေဖြင့် နိုင်ငံတကာ အထင်အမြင်တွင်
ရွေးကောက်ခံ အစိုးရအဖြစ် ယင်းတို့ကို ရှု့မြင်လာစေရန် ကြိုးပမ်းနေသော်လည်း ယခင် စစ်အစိုးရက နောက်ကွယ်မှ ကြိုးကိုင်နေသည်ဟု ယူဆမှုများ ရှိနေကာ ဝေဖန်မှုများကိုလည်း ဆက်လက် ရင်ဆိုင်နေရဆဲ ဖြစ်သည်။

ကြေညာချက်ထဲတွင် ကွန်ဂရက် လွှတ်တော်အမတ် Don Manzullo က မြန်မာ့အရေး ကြားနာပွဲတွင် “ ဟန်ဆောင် ရွေးကောက်ပွဲနှင့်
ခက်ခဲသည့် မြန်မာ့ရှေ့ခရီးလမ်း” နှင့် ပတ်သတ်သည့် အချက်အလက်များကို ဦးစားပေး ဆွေးနွေးကြလိမ့်မည်ဟု
ရေးသားထားသည်။

ဆပ်ကော်မတီခေါင်းဆောင် Illinois ပြည်နယ်မှ ရီပတ်ဘလစ်ကန် လွှတ်တော်အမတ် Manzullo က မြန်မာနိုင်ငံတွင်းရှိ တိုင်းရင်းသား အင်အားစုများအပေါ် အစိုးရ၏ ဆက်လက် ထိုးစစ်ဆင် တိုက်ခိုက်နေမှုများ၊ မြန်မာနိုင်ငံအတွင်း၌ လူ့အခွင့်အရေး ချိုးဖောက်နေမှုများနှင့် ပတ်သတ်၍ ကြားနာဆွေးနွေးမည်
ဖြစ်သည့်အတွက် စိတ်လှုပ်ရှားမိသည်ဟု ဆိုသည်။

အန်ဂျီအို အဖွဲ့အစည်း ဖြစ်သည့် US Campaign for Burma က ပြောကြားရာတွင် “ ကြားနာ ဆွေးနွေးပွဲကို အလျင်အမြန် လုပ်ဆောင်ရပါတယ်။ ဘာကြောင့်လဲ ဆိုတော့ မြန်မာအစိုးရဟာ နိုင်ငံမြောက်ပိုင်း ရှမ်းပြည်နယ်နဲ့ ကချင်ပြည်နယ်တွေက တိုင်းရင်းသား လက်နက်ကိုင် အင်အားစုတွေကို ထိုးစစ်ဆင် တိုက်ခိုက်နေတဲ့ အတွက် ဒုက္ခသည် နှစ်သောင်းလောက်ဟာ တရုတ်-မြန်မာ နယ်စပ်တလျှောက်မှာ တိမ်းရှောင် ပုန်းအောင်းနေရပြီး တချို့လည်း တရုတ်နိုင်ငံထဲကို ထွက်ပြေးသွားရတာမျိုးတွေ ရှိပါတယ်” ဟု ဆိုသည်။

ကြားနာပွဲ၌ ဒေါ်အောင်ဆန်းစုကြည် ဗွီဒီယိုအပြင် US Campaign forBurma ၏ တွဲဖက်တည်ထောင်သူနှင့် အလုပ်အမှုဆောင် ဒါရိုက်တာ ဖြစ်သည့် နိုင်ငံရေး အကျဉ်းသားဟောင်း ဦးအောင်ဒင် JohnsHopkins စင်တာ၏
ပြည်သူ့ ကျန်းမာရေးနှင့် လူ့အခွင့်အရေးဆိုင်ရာ ဒါရိုက်တာနှင့် မြန်မာနိုင်ငံအတွင်း လူထု ကျန်းမာရေးနှင့် လူ့အခွင့်အရေး အခြေအနေ ဆိုင်ရာ ကိစ္စရပ်များကို စာအုပ်တွဲဖက် ရေးသားပြုစုခဲ့သူ ဒေါက်တာ Chris Beyrer တို့ကလည်း တက်ရောက် ဆွေးနွေးမည်ဟု အန်ဂျီအို အဖွဲ့၏ ကြေညာချက်ထဲတွင် ဖော်ပြထားသည်။

အသက် ၆၆နှစ် အရွယ်ရှိပြီ ဖြစ်သည့် ဒေါ်အောင်ဆန်းစုကြည် အနေဖြင့် ၂၀၁၀ခုနှစ် နိုဝင်ဘာလတွင် နေအိမ် အကျယ်ချုပ်မှ လွတ်မြောက်လာပြီးနောက် နိုင်ငံတကာရှိ ဆွေးနွေးပွဲများသို့ သူ၏အမြင်များကို ပြောဆို
ဆွေးနွေးထားသည့် သတင်းစကားများ ပေးပို့လေးရှိပြီး အဆိုပါ သတင်းစကားအများစုမှာ ရန်ကုန်မြို့တွင် ရိုက်ကူးထားသည့် ဗွီဒီယို မိန့်ခွန်းများ ဖြစ်ကြသည်။

ဒေါ်အောင်ဆန်းစုကြည်သည် အမေရိကန် ကွန်ဂရက်မှ ချီးမြှင့်သည့် ဂုဏ်ပြု ရွှေတံဆိပ်ဆု Congressional Gold Medal ကို၂ဝဝ၈ ခုနှစ်တွင် ရရှိခဲ့သည်။ ဒေါ်အောင်ဆန်းစုကြည်သည် အမေရိကန် ကွန်ဂရက်လွှတ်တော်၏
ထောက်ခံမှုကိုများစွာ ရရှိထားသူ ဖြစ်သည်။

mizzima မှ ကူးယူဖော်ပြပါသည်။

Tuesday, June 21, 2011

မြန်မာ့အရေး တိုးမြင့် ဆောင်ရွက်ဖို့ ကုလ အတွင်းရေးမှူးချုပ်ကို တိုက်တွန်း

မြန်မာနိုင်ငံက နိုင်ငံရေး ပဋိပက္ခတွေကို ငြိမ်းချမ်းတဲ့နည်းနဲ့ ဖြေရှင်းနိုင်ရေး အတွက် ကုလသမဂ္ဂ အနေနဲ့ တွေ့ဆုံ ဆွေးနွေးရေးတွေ ပေါ်ပေါက်လာအောင် ထပ်မံ တိုက်တွန်း ပေးစေချင်ကြောင်း ဗြိတိန် နိုင်ငံ လန်ဒန်မြို့ အခြေစိုက် မြန်မာ့ အရေး လှုပ်ရှားမှုအဖွဲ့ Burma Campaign UK က ဒေါ်အောင်ဆန်းစုကြည်ရဲ့ မွေးနေ့ အထိမ်းအမှတ် အဖြစ် ကြေညာချက် ထုတ်ပြန် တောင်းဆိုလိုက် ပါတယ်။

ကုလသမဂ္ဂ အနေနဲ့ မြန်မာ့ အရေးနဲ့ ပတ်သက်ပြီး လေ့လာ စောင့်ကြည့်နေမဲ့ အစား အရင်က ဆောင်ရွက်ချက် တွေမှာ မအောင်မမြင် ဖြစ်ခဲ့တာတွေကို ပြန်လည် သုံးသပ်ပြီး ပိုမို ထိရောက်တဲ့ ဆောင်ရွက်မှုတွေ လုပ်ဆောင်ဖို့  တိုက်တွန်း လိုပါတယ်လို့ ကြေညာချက်မှာ ဆိုထား ပါတယ်။

Burma Campaign UK ရဲ့ အမှုဆောင် ညွှန်ကြားရေးမှုး Ms. Anna Roberts က မြန်မာ နိုင်ငံမှာ တွေ့ဆုံ ဆွေးနွေးရေး အတွက် ကုလသမဂ္ဂ အထွေထွေ အတွင်းရေးမှုးချုပ် ဘန်ကီမွန်းက အလေး အနက်ထား ဆောင်ရွက်ခြင်း မရှိသေးတာနဲ့၊ မြန်မာနိုင်ငံ အတွက် ကုလ ကိုယ်စားလှယ် တစ်ဦး အချိန်ပြည့် ခန့်ထားရေးတွေ ပျက်ကွက် နေတာကြောင့် မြန်မာ နိုင်ငံရဲ့ နိုင်ငံရေး အခြေအနေတွေဟာ ပိုပြီး ဆိုးဝါးလာနေကြောင်း ၊ ဒီ့အတွက် တောင်းဆိုရတာ ဖြစ်ကြောင်း Ms. Anna Roberts ကပြောပါတယ်။

မြန်မာ ပြည်သူတွေရဲ့ အရေး အတွက် ဒေါ်အောင်ဆန်းစုကြည်ရဲ့ ဆောင်ရွက်ချက်တွေကို အလေးထား ဂုဏ်ပြုတဲ့ အနေနဲ့ နိုင်ငံတကာ အသိုင်းအ၀ိုင်း အနေနဲ့ သူ့ရဲ့ လှုပ်ရှားမှုတွေကို အားပေး ထောက်ခံကြဖို့ အပြောနဲ့ မဟုတ်ဘဲ လက်တွေ့ ကျကျ ကူညီကြစေချင်ကြောင်းလည်း Ms. Anna Roberts က ပြောပါတယ်။

မြန်မာ့အရေးနဲ့ ပတ်သက်ပြီး ကုလသမဂ္ဂက အလျင်စလို ဆောင်ရွက်တာတွေ မရှိတဲ့ အတွက် ဦးသိန်းစိန် အစိုးရသစ်ဟာ အပစ်အခတ် ရပ်စဲရေးကို ချိုးဖောက်ပြီး တိုင်းရင်းသား လက်နက်ကိုင် အဖွဲ့အစည်းတွေနဲ့ တိုက်ပွဲ ဖြစ်နေတာတွေ၊ မြန်မာ နိုင်ငံမှာ ပြည်တွင်းစစ် ဖြစ်ပွားနေတာတွေ တွေ့ မြင်ရကြောင်း ၊ ဒါ့အပြင် နိုင်ငံရေး အကျဉ်းသားတွေ လွှတ်ပေးဖို့ နိုင်ငံတကာရဲ့ တောင်းဆိုချက် တွေကို လစ်လျူရှုပြီး မြန်မာ နိုင်ငံမှာ နိုင်ငံရေး အကျဉ်းသား မရှိဘူးလို့ အစိုးရက ငြင်းဆို နေကြောင်းလည်း ဒီကြေညာချက်မှာ ဖော်ပြထား ပါတယ်။

RFA မှ ကူးယူဖော်ပြပါသည်။

ဒေါ်အောင်ဆန်းစုကြည် ၆၆ နှစ်မြောက်မွေးနေ့အတွက် ဆုတောင်းစကားများနဲ့ ဒေါ်အောင်ဆန်းစုကြည်ရဲ့မွေးနေ့ အမှတ်တရစကားများ

အမေရိကန် အောက်လွှတ်တော် ကြားနာပွဲမှာ ဒေါ်စု ဗွီဒီယိုကနေ မိန့်ခွန်းပြောမည်

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ အမေရိကန် အောက်လွှတ်တော် အာရှနဲ့ ပစိဖိတ်ရေးရာ ကော်မတီရဲ့ ကြားနာပွဲ တရပ်မှာ ဗွီဒီယိုကတဆင့် မိန့်ခွန်းပြောဆိုဖို့ ရှိပါတယ်။

သန်ဘက်ခါ ဗုဒ္ဓဟူးနေ့၊ ဇွန်လ ၂၂ ရက်နေ့၊ နေ့လယ် ၁၂ နာရီခွဲမှာ အောက်လွှတ်တော်မှာ ကျင်းပမယ့် မြန်မာပြည်ရဲ့ လျှို့ဝှက် ကန့်လန့်ကာ နောက်ကွယ်ကို ထိုးဖောက် ကြည့်ရှုခြင်း၊ ရွေးကောက်ပွဲ အတုအယောင်နဲ့ ခက်ခဲတဲ့လမ်းကြောင်း ဆိုတဲ့ ခေါင်းစဉ်ပါ ကြားနာပွဲမှာ ဒေါ်အောင်ဆန်းစုကြည်က ဗွီဒီယိုကနေ မိန့်ခွန်းပြောဆိုမှာ ဖြစ်ပါတယ်။

ဒါဟာ ဒေါ်အောင်ဆန်းစုကြည် အနေနဲ့ အမေရိကန် ကွန်ဂရက်စ် လွှတ်တော်မှာ ပထမဆုံးအကြိမ် မိန့်ခွန်းပြောဆိုမှာ ဖြစ်ပါတယ်။

ဒေါ်အောင်ဆန်းစုကြည်ဟာ ၂၀၀၈ ခုနှစ်က အမေရိကန် ကွန်ဂရက်စ် လွှတ်တော်ကနေ ချီးမြှင့်တဲ့ ကွန်ဂရက်စ်ရှင်နယ် ရွှေတံဆိပ်ဆုကို ချီးမြှင့်ခြင်း ခံထားရပါတယ်။

မြန်မာပြည်မှာ တိုင်းရင်း လူနည်းစုတွေဖြစ်တဲ့ ကရင်၊ ကချင်နဲ့ ရှမ်းတိုင်းရင်းသားတွေအပေါ် မြန်မာအစိုးရရဲ့ စစ်တပ်ကနေ တိုက်ခိုက်နေတဲ့ အချိန်မှာ ဒေါ်အောင်ဆန်းစုကြည်က အခုလို ကြားနာပွဲမှာ ပြောဆိုတဲ့ အချိန်နဲ့လည်း တိုက်ဆိုင်နေတာ ဖြစ်ပါတယ်။

VOA မှ ကူးယူဖော်ပြပါသည်။

Monday, June 20, 2011

အကျယ်ချုပ်လွတ်မြောက်ပြီးနောက် ပထမဆုံး ဒေါ်အောင်ဆန်းစုကြည်မွေးနေ့ ကျင်းပ

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် ၈နှစ်တာ အကျယ်ချုပ် ကျခံရပြီးနောက် ပထမဆုံး ကျင်းပသည့် ၆၆ နှစ်မြောက်မွေးနေ့ပွဲသို့ လူပရိတ်သတ် ထောင်ကျော်တက်ရောက်ခဲ့ကြပြီး ဒေါ်အောင်ဆန်းစုကြည်က သူ၏ မွေးနေ့ပွဲတွင် အလိုချင်ဆုံးဆုမှာ တိုင်းပြည်ငြိမ်းချမ်းရေး သာဖြစ်သည်ဟု ပြောကြားခဲ့သည်။

ရန်ကုန်မြို့ ရွှေဂုံတိုင် အန်အယ်ဒီရုံးချုပ်၌ ယနေ့နေ့ခင်း ၁ နာရီတိတိတွင် ဒေါ်အောင်ဆန်းစုကြည်မွေးနေ့ပွဲကို စတင်ကျင်းပရာ မိုးပျံပူဖောင်းများ လွှင့်တင်ခြင်း၊ ဒေါ်အောင်ဆန်းစုကြည်နှင့် အန်အယ်ဒီ ဒုဥက္ကဌ ဦးတင်ဦးတို့မှ အမှာစကားပြောကြားခဲ့ကြသည်။

ဦးစွာဒုဥက္ကဌ ဦးတင်ဦးက ပြောဆိုရာတွင် ယနေ့သည် မဟာသမယ ဟုခေါ်သည့် နေ့ဖြစ်သဖြင့် ထူးခြားကြောင်း၊ ထိုနေ့၏ အဓိပ္ပါယ်မှာ ညီညွတ်ရေး သဟဇာတဖြစ်ရေးကို ဟောသည့် သဘောသွားဖြစ်သဖြင့် ထူးခြားကြောင်းနှင့် နောက်ထူးခြားသည့်အချက်တစ်ချက်မှာ ဒေါ်အောင်ဆန်းစုကြည်မွေးနေ့တိုင်း မွေးနေ့တိုင်းတွင် မွေးနေ့ကို ကျင်းပလိုသော်လည်း လွတ်လွတ်လပ်လပ် ကျင်းပခွင့်မရပဲ ၈ နှစ်ကျော်ကာလအတွင်း ပထမဆုံးအကြိမ်အဖြစ် လွတ်လပ်စွာကျင်းပရသည့် ပွဲဖြစ်သည်ဟု ပြောကြားခဲ့သည်။

ထို့နောက် ဒေါ်အောင်ဆန်းစုကြည်က ပြောဆိုရာတွင်
“ယခုအချိန်မှာ ငြိမ်းချမ်းရေးဟာ အရေးအကြီးဆုံး ဖြစ်ပါတယ်။ ဒါကြောင့် ကျွန်မရဲ့မွေးနေ့မှာ ငြိမ်းချမ်းရေးကိစ္စကို အလေးထားပြောချင်ပါတယ်”
ဟုပြောဆိုပြီး တိုင်းပြည်တိုးတက်ဖို့ သာယာဖို့အတွက် ပထမဦးဆုံး လိုအပ်ချက်မှာ ငြိမ်းချမ်းရေးဖြစ်သည်ဟုလည်း ပြောဆိုခဲ့သည်။
ဒေါ်အောင်ဆန်းစုကြည် ငြိမ်းချမ်းရေးကို အဓိကထားပြောဆိုခြင်းသည် ကချင်လက်နက်ကိုင် တပ်ဖွဲ့များနှင့် အစိုးရတပ်အကြား ယခုလက်ရှိ ဖြစ်ပွားနေသည့်တိုက်ပွဲများအား ရည်ညွှန်းလိုခြင်းဖြစ်မည်ဟု ပရိတ်သတ်များထဲမှ တစ်ဦးက ကောက်ချက်ချသည်။
ဒေါ်အောင်ဆန်းစုကြည်က ဆက်လက်ပြီး
“ငြိမ်းချမ်းဖို့ဆိုတာ ကျွန်မတယောက်ထဲ လုပ်လို့မဖြစ်သလို ကျွန်မတို့အဖွဲ့တဖွဲထဲလည်း လုပ်လို့မဖြစ်ပါဘူး” ဟုလည်းထောက်ပြ ပြောဆိုခဲ့သည်။
ဒေါ်အောင်ဆန်းစုကြည်က ဆက်လက်ပြီး
“ငြိမ်းချမ်းရေး သည် အမျိုးသားပြန်လည်ရင်ကြားစေ့ရေး အတွက် ပထမဆုံး ခြေလှမ်းဖြစ်သည်”
ဟုလည်း ပြောဆိုခဲ့သလို သူမ၏ မွေးနေ့ကို မြန်မာနိုင်ငံ အမျိုးသမီးများနေ့ အဖြစ် သတ်မှတ်ထားသည်နှင့် ဆက်စပ်၍လည်း အမျိုးသမီးများမှာငြိမ်းချမ်းရေးကို အမျိုးသားများထက် ပိုပြီးလိုလားသူများ ဖြစ်သည့်အချက်၊ အဘယ်ကြောင့်ဆိုသော် အကြမ်းဖက်မှုနှင့် စစ်မက်ဖြစ်ပွားသည့်အခါ အမျိုးသမီးနှင့် ကလေးငယ်များက အမျိုးသားများထက် ပိုပြီး ဒဏ်ခံရသည့်အကြောင်းကြောင့်ဟုလည်း ထောက်ပြခဲ့သည်။

သူမ၏ မွေးနေ့တွင် လက်ဆောင်တွေ ဘာတွေမလိုအပ်ပဲ လိုအပ်သည့်အရာမှာ လူတဦးချင်း တဦးချင်းအနေဖြင့် ငြိမ်းချမ်းရေးဖြစ်စေမည့် စိတ်ထားတွေကို တဦးချင်းတဦးချင်း ပွားပေးကြပါ ဟု ပန်ကြားခဲ့သည်။

moemakha မှ ကူးယူဖော်ပြပါသည်။

ဒေါ်အောင်ဆန်းစုကြည် နိုင်ငံတကာကွန်ရက် စာမျက်နှာ လွှင့်တင်


နိုင်ငံတကာက မြန်မာ့အရေး ကူညီ ဆောင်ရွက်သူတွေနဲ့ ချိတ်ဆက်နိုင်ဖို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့ နိုင်ငံတကာ အင်တာနက်ကွန်ရက် စာမျက်နှာတခုကို ဒီကနေ့ နေ့စွဲနဲ့ ဖွင့်လှစ် ထုတ်ဝေလိုက်ပါတယ်

Aung San Suu Kyi International Network လို့ အမည်ပေးထားတဲ့ ဒီ အင်တာနက်စာမျက်နှာကို လွှင့်တင်ရာမှာ ဒေါ်အောင်ဆန်းစုကြည်က… လူ့အခွင့်အရေးကို လေးစားလိုက်နာတဲ့ ကမ္ဘာကြီးတခု ဖြစ်ပေါ်လာဖို့ ကြိုးပမ်းရာမှာ လူလူချင်း သတင်းအချက်အလက် ဆက်သွယ် စီးဆင်းနေဖို့ အရေးကြီးကြောင်း၊ ငြိမ်းချမ်းရေး တရားမျှတရေးနဲ့ သာယာဝပြောရေး အတွက် အင်အားတွေ စုစည်းရမှာ ဖြစ်ကြောင်း၊ ဒီကွန်ရက်ကနေ မြန်မာနိုင်ငံမှာ ဒီကနေ့ ကြုံတွေ့နေရတဲ့ ပြဿနာတွေ အဖြေရှာနိုင်ဖို့ စိတ်ကူးနဲ့ အကြံအစည်တွေ၊ အမြင်တွေ ဖလှယ်နိုင်ကြမယ်လို့ မျှော်လင့်ကြောင်း အင်္ဂလိပ်ဘာသာနဲ့ နှုတ်ခွန်းဆက်စကား ရေးသားထားပါတယ်။

ဒီ အင်တာနက်စာမျက်နှာကို ဒေါ်အောင်ဆန်းစုကြည်ရဲ့ ၆၆ နှစ်မြောက် မွေးနေ့ပွဲ အချိန်မှာ လွှင့်တင်တာဖြစ်ပြီး ပထမဆုံး စာမျက်နှာမှာ အမေရိကန် အထက်လွှတ်တော်အမတ် Richard Lugar ၊ Beatles တေးဂီတအဖွဲ့က ကွယ်လွန်သူ John Lennon ရဲ့ဇနီး လူ့အခွင့်အရေး လှုပ်ရှားသူ Yoko Ono တို့ရဲ့ မွေးနေ့ဆုတောင်းတွေကို ဖော်ပြထားပါတယ်။


RFA မှ ကူးယူဖော်ပြပါသည်။

ငြိမ်းချမ်းရေးအတွက် ပြည်သူအားလုံး ပါဝင်ကြဖို့ ဒေါ်စု တိုက်တွန်း


မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ငြိမ်းချမ်းရေးအတွက် ပြည်သူအားလုံး ကြိုးစားကြဖို့ တိုက်တွန်းလိုက်ပါတယ်။ ဒီနေ့ ဇွန်လ ၁၉ ရက်နေ့မှာ ကျရောက်တဲ့ သူ့ရဲ့ ၆၆ နှစ်မြောက် မွေးနေ့ အထိမ်းအမှတ် မိန့်ခွန်းအဖြစ် ဒါကို ပြောကြားသွားတာပါ။ အပြည့်အစုံကို ဦးစံမိုးဝေက တင်ပြပေးထားပါတယ်။

ဒီနေ့ကျရောက်တဲ့ မြန်မာ့ဒီမိုကရေစီ ခေါင်းဆောင်၊ ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်းစုကြည်ရဲ့ ၆၆ နှစ်မြောက် မွေးနေ့ အချိန်အခါမှာ ဒေါ်အောင်ဆန်းစုကြည် ကိုယ်တိုင် တောင်းဆိုချင်တဲ့ မွေးနေ့ ဆုတောင်းကတော့ ငြိမ်းချမ်းရေး ဖြစ်ပါတယ်လို့ ဆိုပါတယ်။ လောလောဆယ် မြန်မာနိုင်ငံ အတွင်းမှာ တကျော့ပြန် ကြားလာရတဲ့ သေနတ်သံတွေ၊ စစ်ရိပ် စစ်ငွေ့တွေကြောင့် ငြိမ်းချမ်းရေးကို အထူးအလေးထားပြီး ပြောကြားရတာ ဖြစ်တယ်လို့လည်း ဒေါ်အောင်ဆန်းစုကြည်က ပြောပါတယ်။

“ကျမတို့ နိုင်ငံမှာ အားလုံး ငြိမ်းငြိမ်းချမ်းချမ်းနဲ့၊ အေးအေးဆေးဆေးနဲ့၊ သာသာယာယာနဲ့၊ ၀၀ပြောပြောနဲ့ နေနိုင်ဖို့၊ အဲဒီတော့ နိုင်ငံတနိုင်ငံဟာ တိုးတက်ဖို့၊ သာယာဖို့ဆိုတာ ပထမဦးဆုံးတော့ ငြိမ်းချမ်းဖို့ လိုပါတယ်။ အဲဒီတော့ ကျမရဲ့ မွေးနေ့ ဆုတောင်းကတော့ ကျမတို့အားလုံး ငြိမ်းချမ်းကြပါစေဆိုတဲ့ ဆုတောင်းပါပဲ။ အဲဒီတော့ ဒီလို ငြိမ်းချမ်းဖို့ဆိုတာ ကျမတယောက်တည်း လုပ်လို့လည်း မဖြစ်ဘူး။ ကျမတို့အဖွဲ့ တဖွဲ့တည်း လုပ်လို့လည်း မဖြစ်ပါဘူး။ အားလုံးက ၀ိုင်းပြီး လုပ်ပေးမှ ဖြစ်မှာပါ။ အဲဒါကြောင့် ကျမတို့နိုင်ငံမှာ ပထမဦးဆုံး အနေနဲ့ ငြိမ်းချမ်းရေး ရဖို့အတွက် အားလုံးက ၀ိုင်းဝန်းပြီးတော့ ကူညီကြပါလို့ ကျမက မေတ္တာရပ်ခံချင်ပါတယ်။”

ဒါဟာ ဆယ်စုနှစ်နီးပါး အချိန်ကာလအတွင်း ဒေါ်အောင်ဆန်းစုကြည် အနေနဲ့ ပထမဆုံး လွတ်လွတ်လပ်လပ် ဆင်နွှဲရတဲ့ မွေးနေ့ပွဲလည်း ဖြစ်ပါတယ်။ ဒေါ်အောင်ဆန်းစုကြည်ရဲ့ ၆၆ နှစ် မွေးနေ့ပွဲကို ရန်ကုန် ရွှေဂုံတိုင်မှာရှိတဲ့ NLD ရုံးချုပ်မှာ ကျင်းပတဲ့ နေရာမှာ အမေရိကန် ပြည်ထောင်စု၊ ဗြိတိန်နိုင်ငံ အပါအ၀င် အနောက်နိုင်ငံတွေက သံတမန်တွေ၊ ဧည့်ပရိသတ် ၆၀၀ ကျော် တက်ရောက်ခဲ့တယ်လို့ ဆိုပါတယ်။

မမျှော်လင့်ဘဲ ဒီနေ့ဟာ ဗုဒ္ဓဘာသာရဲ့ အထွတ်အမြတ်နေ့ ဖြစ်တဲ့ မဟာသမယနေ့ အချိန်အခါနဲ့ တိုက်ဆိုင်နေပါတယ်။ ရန်ငြိုးရန်စတွေ ပြေပျောက်စေဖို့ ရည်ရွယ်ပြီး မြတ်စွာဘုရားက တရားဟောကြားခဲ့တဲ့နေ့ ဖြစ်တာကြောင့် ငြိမ်းချမ်းရေးအတွက် ပိုပြီးတော့ ထူးခြားမှု ရှိပါတယ်လို့လည်း NLD ဒုတိယ ဥက္ကဋ္ဌ ဦးတင်ဦးက ပြောဆိုပါတယ်။

“အားလုံး သဟဇာတဖြစ်ရေး တရား၊ အချင်းချင်း ညီညွတ်ရေးတရား၊ နောက်ဆုံး ရန်ငြိုးဖွဲ့တာတွေကို ဖျောက်ဖျက်ပြီးတဲ့နောက် အချင်းချင်း ပြေလည်အောင် ရေပေါ်မှာ အကြောင်းပြုပြီးတော့ နှစ်ဘက်သော ဆွေမျိုးသားချင်းတွေရဲ့ အေးချမ်း၊ ငြိမ်းချမ်းသွားအောင် ဖြေရှင်းပေးတဲ့ တရား၊ အဲဒါကို ဟောကြားတဲ့နေ့နဲ့ တိုက်ဆိုင်လာလို့ ဖြစ်ပါတယ်။ ဒါကြောင့် ဒီနေ့ဟာ ပိုမိုပြီး ထူးခြားတဲ့နေ့လို့ ကျနော် ထပ်မံပြီး အလေးအနက် မှတ်တမ်းတင် ပြောကြားပါရစေ။”

လွန်ခဲ့တဲ့ နှစ်ပေါင်း ၂၀ ကျော် ကာလအတွင်း ဒေါ်အောင်ဆန်းစုကြည်ရဲ့ မွေးနေ့ အခါသမယ ၁၅ ကြိမ် တိတိကို နေအိမ်အကျယ်ချုပ် နေထိုင်ရင်းနဲ့ ဖြတ်သန်းခဲ့ရတာ ဖြစ်ပါတယ်။ NLD ရုံးချုပ်မှာ မွေးနေ့ပွဲ ကျင်းပတဲ့နည်းတူ မြန်မာနိုင်ငံတွင်းနဲ့ နိုင်ငံတကာမှာလည်း မွေးနေ့ပွဲ အခမ်းအနားတွေ ကျင်းပကြသလို ဒီကနေ့ မြန်မာနိုင်ငံ အမျိုးသမီးများနေ့အဖြစ် သတ်မှတ်ပြီး အမျိုးသမီးများနေ့ အခမ်းအနားတွေကိုလည်း ပြည်တွင်း ပြည်ပ နေရာအနှံ့မှာ ကျင်းပကြပါတယ်။

ငြိမ်းချမ်းရေးစကားနဲ့ တိုက်ဆိုင်ပြီး စစ်ပွဲတွေ၊ တိုက်ပွဲတွေ ဖြစ်ပြီဆိုတိုင်း အတိဒုက္ခ ရောက်ကြတာကလည်း အမျိုးသမီးတွေက ထိပ်ဆုံးက ပါပါတယ်လို့ ဒေါ်အောင်ဆန်းစုကြည်က ပြောပါတယ်။

“စစ်တွေဖြစ်ပြီ၊ အကြမ်းဖက်မှုတွေ ဖြစ်ပြီဆိုရင် ပထမဦးဆုံး၊ အများဆုံး ဒဏ်ခံရတာတော့ အမျိုးသမီးနဲ့ ကလေးငယ်တွေ ဖြစ်တယ်ဆိုတာ အားလုံး၊ တကမ္ဘာလုံးက အသိအမှတ်ပြုထားတဲ့ အချက်တခု ဖြစ်ပါတယ်။ ဒါကြောင့် အမျိုးသမီးတွေက ပိုပြီးတော့ ငြိမ်းချမ်းရေးဘက်ကို အားသန်တယ်။ ငြိမ်းချမ်းရေး ဘယ်လောက် လိုလားတယ်၊ ဘယ်လောက် လိုအပ်တယ် ဆိုတာလည်း ကောင်းကောင်း နားလည်ကြပါတယ်။”

ရခိုင်အမျိုးသမီးများ အဖွဲ့က ရခိုင်ပြည်နယ် အတွင်းမှာ မြို့နယ် ၆ မြို့နယ် ဖြစ်ကြတဲ့ ပုဏ္ဏားကျွန်း၊ ရသေ့တောင်၊ ကျောက်တော်၊ မောင်းတော၊ မြောက်ဦး၊ စစ်တွေ စတဲ့မြို့တွေမှာ အမျိုးသမီးများနေ့ အခမ်းအနားတွေ ကျင်းပခဲ့ပါတယ်။ အဲဒီလို အခမ်းအနားတွေ ကျင်းပဖို့ ဦးဆောင် စီစဉ်ထားသူတွေထဲက တဦးဖြစ်တဲ့ ဒေါ်ခင်ဝင်းက တိုင်းရင်းသားတွေရဲ့ ဆန္ဒ ဗွီအိုအေကို အခုလို ပြောပြပါတယ်။

“တခြားအမျိုးသမီးတွေမှာရှိတဲ့ တဦးချင်း စိတ်ဓာတ်တွေကို ကျမတို့က ပြည်သူတွေကို သိစေချင်တယ်။ အဲဒီအကြောင်းတွေကို ကျမတို့ ဆွေးနွေးတယ်။ အခုထိ ကျမတို့ တိုင်းပြည်က အစိုးရသစ်တွေ တက်လာပေမဲ့ ငြိမ်းချမ်းရေးနဲ့ ပိုဝေးလာတယ်။ နေရာတိုင်းမှာ တိုက်ပွဲတွေ ဖြစ်နေတယ်။ တိုင်းရင်းသားတွေကို တန်းတူ မဆက်ဆံတဲ့အပြင် လက်နက်နဲ့ အပြတ်နှိမ်နင်းတဲ့ သဘောထား ဖြစ်နေတယ်။ စစ်အစိုးရဆိုတာ ပေါ်လွင်နေတယ်ဆိုတာ သိစေချင်ပါတယ်။”

ဒီကနေ့ ကျရောက်တဲ့ ဒေါ်အောင်ဆန်းစုကြည်အတွက် ၆၆ နှစ် မွေးနေ့မှာ ပျော်ရွှင်စရာကောင်းမယ့် လက်ဆောင်တခုကတော့ ဒီနေ့မနက် ၉ နာရီမှာ ဒေါ်အောင်ဆန်းစုကြည်ရဲ့ သားငယ် မောင်ထိန်လင်း ရန်ကုန်မြို့ကို ပြန်လည်ရောက်ရှိလာတာပဲ ဖြစ်ပါတယ်။

VOA မှ ကူးယူဖော်ပြပါသည်။

Sunday, June 19, 2011

(၆၆)နှစ်မြောက် ဒေါ်အောင်ဆန်းစုကြည်၏ မွေးနေ့ဆုတောင်းပွဲအခမ်းအနား(နဂိုယာ)








(၆၆)နှစ်မြောက် ဒေါ်အောင်ဆန်းစုကြည်၏ မွေးနေ့ဆုတောင်းပွဲအခမ်းအနားကို ယနေ့(၁၉-၆-၂၀၁၁)နေ့ တနင်္ဂနွေနေ့တွင် မြန်မာ့ဒီမိုကရေစီအဖွဲ.ချုပ်နဂိုယာဌာနခွဲနှင့် အမျိုးသားဒီမိုကရေစီအဖွဲ.ချုပ်(လွတ်မြောက်နယ်မြေ) ဂျပန်ဌာနခွဲ-နဂိုယာစည်းရုံးရေးဒေသမှ အဖွဲ.၀င်များနှင့် ဒီမိုကရေစီအင်အားစုများက နေ.လည်(၁)နာရီမှ ညနေ(၅)နာရီအထိ ဂျပန်နိုင်ငံနဂိုယာမြို.၊ TEMMACHO ရှိ HATARAKU HITO NO IE ခန်းမတွင် ကျင်းပပြုလုပ်ခဲ့ကြသည်။ အဆိုပါအခမ်းအနားတွင် ဒေါ်အောင်ဆန်းစုကြည်၏ ဘ၀ဖြစ်စဉ်ဓါတ်ပုံများနှင့် အထ္တုပတ္တိစာအုပ်များကို အမေနှင့်အမေအကြောင်းခေါင်းစဉ်ဖြင့်ခင်းကျင်းပြသခဲ့ကြပြီး တတ်ရောက်လာကြသော မြန်မာနိုင်ငံဒီမိုကရေစီအရေးစိတ်ဝင်စားသော ဂျပန်လူမျိုးများနှင့်ဒီမိုကရေစီအင်အားစုများအား နန်းကြီးသုတ်ဖြင့် ကျွေးမွေးဧည်.ခံခဲ့ကြသည်၊ဆက်လက်၍ တတ်ရောက်လာကြသော ဂျပန်နိုင်ငံသားများမှ ဒေါ်အောင်ဆန်းစုကြည် မွေးနေ.အတွက် ဆုမွန်ကောင်းများ တောင်းပေးခဲ့ကြပြီး နဂိုယာဒိုးပတ်မောင်အဖွဲ.မှ မြန်မာ့ရိုးရာဒိုးပတ်ဖြင့်လည်းကောင်း၊ ခေတ်ပေါ်တေးဂီတတို.ဖြင့်ဖျော်ဖြေခဲ့ပြီး ညနေ(၅)နာရီတွင် အခမ်းအနားကို အောင်မြင်စွာရုပ်သိမ်းခဲ့ကြသည်။

Saturday, June 18, 2011

တောင်အာဖရိက သံအမတ်ကြီး ဒေါ်အောင်ဆန်းစုကြည်နှင့် တွေ့ဆုံ


မြန်မာ့ဒီမိုကရေစီခေါင်းဆောင် ဒေါ်အောင်ဆန်း စုကြည်ကို ထိုင်း နိုင်ငံ အခြေစိုက် မြန်မာနိုင်ငံ ဆိုင်ရာ တောင်အာဖရိက သမ္မတနိုင်ငံ သံအမတ်ကြီး Mr. Douglas Gibson က ဒီနေ့ မနက်ပိုင်းမှာ သွားရောက် တွေ့ဆုံ ဆွေးနွေးခဲ့ပါတယ်။

ရန်ကုန်မြို့ တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည် နေအိမ်မှာ တနာရီကျော်ကြာ တွေ့ဆုံ ဆွေးနွေးခဲ့တာလို့ NLD အမျိုးသား ဒီမိုကရေစီ အဖွဲ့ချုပ် ပြန်ကြားရေး တာဝန်ခံ ဦးအုန်းကြိုင်က ပြောပါတယ်။

တောင်အာဖရိက သံအမတ်ကြီး ဟာ ဒေါ်အောင်ဆန်းစုကြည်နဲ့ အဲဒီလို တွေ့ဆုံခဲ့ပြီး မွန်းတည့် ၁၂ နာရီမှာ ဗဟန်း ရွှေဂုံတိုင်လမ်းမှာ ရှိတဲ့ အမျိုးသား ဒီမိုကရေစီ အဖွဲ့ချုပ်ရုံးကို သွားရောက်ပြီး၊ NLD ဒုတိယဥက္ကဌ ဦးတင်ဦးနဲ့ ဗဟို အလုပ်အမှုဆောင် အဖွဲ့ဝင်တွေနဲ့ တွေ့ဆုံ ဆွေးနွေးပါတယ်။

ဦးတင်ဦးက NLD ပါတီ ဆက်လက် ရပ်တည်နေပုံနဲ့ ရှေ့ဆက်လက် ဆောင်ရွက်မယ့် လုပ်ငန်းစဉ်တွေနဲ့ ပတ်သက်တဲ့ မေးမြန်းချက်တွေကို ပြည့်ပြည့်စုံစုံ ပြန်လည် ဖြေကြားတယ်လို့ ဦးအုန်းကြိုင်က ပြောပါတယ်၊

သံအမတ်ကြီး Mr. Gibson နဲ့ အဖွဲ့ဟာ ပြီးခဲ့တဲ့ ဗုဒ္ဓဟူးနေ့ မွန်းလွဲပိုင်းမှာ နိုင်ငံခြားရေး ၀န်ကြီး ဦးဝဏ္ဍမောင်လွင်နဲ့ နေပြည်တော်မှာ တွေ့ပြီး နှစ်နိုင်ငံ ဆက်ဆံရေးနဲ့ ပူးပေါင်း ဆောင်ရွက်မှု မြှင့်တင်ရေး ကိစ္စရပ်တွေကို ဆွေးနွေးကြတယ်လို့ အစိုးရ သတင်းစာတွေမှာ ဖော်ပြထားပါတယ်။

RFA မှ ကူးယူဖော်ပြပါသည်။

အမေရိကန် အထက်လွှတ်တော်အမတ် ဂျွန်မတ်ကိန်းနှင့် တွေ့ဆုံခဲ့ရသည့် အင်္ဂါဆုတောင်းအဖွဲ့မှ ဒေါ်နော်အုန်းလှ နှင့် တွေ့ဆုံမေးမြန်းခန်း

Thursday, June 16, 2011

မြန်မာနိုင်ငံဆိုင်ရာ ကုလ အချိန်ပြည့် ကိုယ်စားလှယ် ခန့်မယ်

ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်း အနေနဲ့ မြန်မာ အစိုးရရဲ့ ဒီမိုကရေစီ ပြုပြင် ပြောင်းလဲရေး လုပ်ငန်းတွေကို အားပေး ဆောင်ရွက်နိုင်ဖို့ မြန်မာနိုင်ငံ ဆိုင်ရာ အချိန်ပြည့် အထူး ကိုယ်စားလှယ် တစ်ဦးကို မကြာခင် ခန့်အပ်တော့မယ်လို့ နယူးယောက်မြို့ ကုလသမဂ္ဂ ရုံးချုပ်က မနေ့က သတင်း ထုတ်ပြန် ပါတယ်။


မြန်မာနိုင်ငံဟာ နှစ်ပေါင်း များစွာ ကြုံတွေ့နေခဲ့ရတဲ့ နိုင်ငံရေး၊ စီးပွားရေး၊ လူမှုရေး အကြပ်အတည်းတွေကို ဆက်လက် ရင်ဆိုင်နေရဆဲ ဖြစ်ပေမယ့် သမ္မတ ဦးသိန်းစိန် အနေနဲ့  ပြုပြင် ပြောင်းလဲရေးတွေ ကျယ်ကျယ် ပြန့်ပြန် ပြုလုပ်ဖို့ အပါအ၀င် အမျိုးသား ပြန်လည် သင့်မြတ်ရေးကို အားမြှင့် ဆောင်ရွက်သွားမယ်လို့ ကတိပြု ပြောဆို ထားတဲ့ အပေါ်မှာတော့ ကြိုဆိုရမှာ ဖြစ်တယ်လို့ ကုလသမဂ္ဂရဲ့ ပြောခွင့်ရ ပုဂ္ဂိုလ် မာတင် နက်ဆာကီးက သတင်းထောက်တွေကို ပြောပါတယ်။

ကုလသမဂ္ဂ အကြီးအကဲ မစ္စတာ ဘန်ကီမွန်း အနေနဲ့ မြန်မာနိုင်ငံ ဆိုင်ရာ အချိန်ပြည့် အထူး ကိုယ်စားလှယ် ခန့်အပ်တော့မယ့် ကိစ္စကို ပြီးခဲ့တဲ့ သီတင်းပတ် အတွင်း မြန်မာ့ မိတ်ဆွေ နိုင်ငံတွေနဲ့ တွေ့ဆုံရာမှာ ပြောကြား ခဲ့တာ ဖြစ်တယ်လို့ မစ္စတာ ဘန်ကီမွန်းရဲ့ ပြောခွင့်ရ ပုဂ္ဂိုလ် ဆောင် အာချွိုင်း Soung-ah Choi က RFA ကို ပြောပါတယ်။

အခု မြန်မာ အစိုးရသစ်က ကုလသမဂ္ဂနဲ့ ပိုပြီး နီးနီးကပ်ကပ် ပူးပေါင်း ဆောင်ရွက်ဖို့ ကတိပြုထား ပါတယ်။ ဒါနဲ့ ပတ်သက်လို့ မစ္စတာ ဘန်ကီမွန်းက မြန်မာ့ မိတ်ဆွေ နိုင်ငံများ အဖွဲ့နဲ့ ပြီးခဲ့တဲ့ သတင်းပတ်က တွေ့ဆုံရာမှာ အချိန်ပြည့် အထူး ကိုယ်စားလှယ် ခန့်အပ်တော့မယ် ဆိုတာ ပြောဆိုခဲ့တာ ဖြစ်ကြောင်း၊ ဘယ်တော့ နောက်ဆုံးထား ခန့်အပ်မယ်ဆိုတာ သတ်မှတ်ထားတာ မရှိသေးကြောင်း ပြောပါတယ်။

ကုလသမဂ္ဂ အနေနဲ့ မြန်မာနိုင်ငံရဲ့ ငြိမ်းချမ်းရေး၊ ဒီမိုကရေစီရေး လုပ်ငန်းစဉ်တွေ အတွက် ကူညီ ဆောင်ရွက် ပေးသွားမယ်လို့လည်း ကုလသမဂ္ဂ အကြီးအကဲ မစ္စတာ ဘန်ကီမွန်းက ပြီးခဲ့တဲ့ သီတင်းပတ် အတွင်း ပြောဆို ခဲ့ပါတယ်။

RFA မှ ကူးယူဖော်ပြပါသည်။

Tuesday, June 14, 2011

မြန်မာ့လူမှု တရားမျှတရေး ILO ကူညီဖို့ ဒေါ်စု ပန်ကြား

မြန်မာနိုင်ငံမှာ အလုပ်သမားတွေရဲ့ အခွင့်အရေးတွေ ရရှိဖို့နဲ့ လူမှုရေး တရားမျှတမှုတွေ ပေါ်ပေါက်လာအောင် ကူညီဆောင်ရွက်ပေးဖို့ ILO နိုင်ငံတကာ အလုပ်သမား အဖွဲ့ချုပ်ကြီးကို မြန်မာ့ဒီကရေစီ ခေါင်းဆောင် ဒေါ်အောင်ဆန်းစုကြည်က တိုက်တွန်းလိုက်ပါတယ်။

မြန်မာပြည်တွင်းမှာ လွတ်လပ်တဲ့ အလုပ်သမား သမဂ္ဂတွေ ဖွဲ့စည်းတည်ထောင်ခွင့် ရဖို့ လိုအပ်သလို မြန်မာအလုပ်သမားတွေ အနေနဲ့လည်း နိုင်ငံတကာ အဆင့်အတန်းနဲ့အညီ အခွင့်အရေးနဲ့ အလုပ်လုပ်ကိုင်ခွင့်တွေ ရဖို့ လိုအပ်တဲ့အကြောင်း ILO အလုပ်သမား အဖွဲ့ချုပ်ကြီးရဲ့ အကြိမ် ၁၀၀ မြောက် ညီလာခံကို ဒီနေ့ တနင်္လာနေ့ ပေးပို့တဲ့ ဗွီဒီယို မိန့်ခွန်းမှာ ဒေါ်အောင်ဆန်းစုကြည်က ပြောဆိုသွားပါတယ်။

တခါက အရှေ့တောင်အာရှမှာ ဖွံ့ဖြိုးတိုးတက်မှု အရှိဆုံး နိုင်ငံတခုအဖြစ် သတ်မှတ်ခံခဲ့ရတဲ့ မြန်မာနိုင်ငံဟာ အခုဆိုရင် ဒေသတွင်းမှာ နောက်အကျဆုံး တိုင်းပြည်တခု ဖြစ်နေတဲ့ အကြောင်းနဲ့ မြန်မာနိုင်ငံ ရင်ဆိုင်နေရတဲ့ လူမှုရေး၊ နိုင်ငံရေး၊ စီးပွားရေး အခြေအနေတွေ အားလုံး တခုနဲ့တခု ဆက်နွယ်နေတယ် ဆိုတာကို ILO မြန်မာနိုင်ငံအတွင်း တာဝန်ယူ ဆောင်ရွက်ပေးနေတဲ့ လုပ်ငန်းတာဝန်တွေက မီးမောင်းထိုးပြနေတယ်လို့ ဆိုပါတယ်။

မြန်မာနိုင်ငံမှာ အဓမ္မ လုပ်အားပေး ခိုင်းစေမှုတွေ ပပျောက်ရေး ကြိုးပမ်းရင်း ကလေးစစ်သား စုဆောင်းတာတွေအပြင် ဥပဒေ စိုးမိုးရေး၊ နိုင်ငံရေး အကျဉ်းသားတွေ အရေးနဲ့ လွတ်လပ်စွာ အသင်းအပင်း တည်ထောင်ခွင့်ရရေး ကိစ္စတွေကို ILO အနေနဲ့ မလွှဲသာ မရှောင်တာ ပါဝင် ဆောင်ရွက်လာရတဲ့ အကြောင်းကိုလည်း ဒေါ်အောင်ဆန်းစုကြည်က ထည့်သွင်း ပြောဆိုသွားပါတယ်။

တိုင်းပြည်တပြည်ရဲ့ တိုးတက်မှုဟာ အလုပ်သမားတွေရဲ့ အခွင့်အရေး အပြည့်အ၀ ရရှိမှု အပေါ်မှာ မူတည်တဲ့ အကြောင်းနဲ့ ILO မျှော်မှန်း ယုံကြည်တဲ့အတိုင်း နိုင်ငံအားလုံး ဖွံ့ဖြိုးတိုးတက်ဖို့ဆိုရင် ဘယ်တိုင်းပြည်မဆို နောက်ကျ ကျန်မနေဖို့ လိုတဲ့အကြောင်း၊ ဒါကြောင့်လည်း မြန်မာနိုင်ငံ ကမ္ဘာ့အလယ်မှာ နောက်ကျ ကျန်မနေအောင် ၀ိုင်းဝန်းကူညီပေးဖို့ ဒေါ်အောင်ဆန်းစုကြည်က အလေးအနက် မေတ္တာရပ်ခံ သွားပါတယ်။

ရေရှည်တည်တန့်တဲ့ ငြိမ်းချမ်းရေးကို ရဖို့ လူမှုရေး တရားမျှတမှုကို အခြေခံပြီး တည်ဆောက်ရမယ်ဆိုတဲ့ ILO ရဲ့ မူလ ကြေညာချက်နဲ့ ရပ်တည်ချက်ပါ အချက်တွေအတိုင်း အကောင်အထည် ဖော်နိုင်အောင် မြန်မာနိုင်ငံ အပါအ၀င် နိုင်ငံတွေ အားလုံးက ၀ိုင်းဝန်း ဆောင်ရွက်ရမှာ ဖြစ်တဲ့အကြောင်း ဒေါ်အောင်ဆန်းစုကြည်က ပြောဆိုသွားပါတယ်။

VOA မှ ကူးယူဖော်ပြပါသည်။

Monday, June 13, 2011

ဒေါ်အောင်ဆန်းစုကြည်မွေးနေ့အကြို ဈေးပွဲတော်ကျင်းပဖို့ ပြင်ဆင်

နေအိမ်အကျယ်ချုပ်က လွတ်မြောက်လာပြီးနောက် ပထမဆုံးအကြိမ် ကျင်းပမယ့် ဒေါ်အောင်ဆန်းစုကြည် ရဲ့ (၆၆) နှစ်မြောက်မွေးနေ့ အခမ်းအနားအတွက် အမျိုးသားဒီမိုကရေစီအဖွဲ့ချုပ်- အမျိုးသမီးအဖွဲ့က ဈေးပွဲတော် ကျင်းပဖို့ ပြင်ဆင်နေသလို ကဗျာဆရာ ၈ဝ ကျော်ကလည်း ဒေါ်အောင်ဆန်းစုကြည်ကို ဂုဏ်ပြုတဲ့ ကဗျာစာအုပ် ထုတ်ဖို့ ပြင်ဆင်နေတယ်လို့ သိရပါတယ်။

ဗဟို အမျိုးသမီးအဖွဲ့ရဲ့ အစီအစဉ်နဲ့ ပတ်သက်ပြီး NLD အလုပ်အမှုဆောင်အဖွဲ့ဝင် ဒေါက်တာမေဝင်းမြင့်က …

“ရန်ကုန်တိုင်းမှာရှိတဲ့ အကျဉ်းကျ မိသားစုတွေရဲ့သားသမီးတွေကို ထောက်ပံ့ကြေး ပေးမယ်။ နောက် အဲဒီနေ့မှာပဲ ဒေါ်အောင်ဆန်းစုကြည် ပြင်ဆင်ပေးထားတဲ့ ချင်း မိဘမဲ့ဂေဟာကို သွားပြီး ဆန်၊ စားစရာ၊ ဗလာစာအုပ်၊ ဆေးဝါးတွေ ပံပိုးဖို့ အစီအစဉ် ရှိပါတယ်။ နောက် ဈေးပွဲတော်က ၁၆ ရက်နေ့မှ စမယ်။ အခမ်းအနားနေ့ကျရင် တခန်းရပ်ပြဇာတ်တွေ ပါမယ်”

ဈေးပွဲတော်က ရလာတဲ့ ရန်ပုံငွေတွေကို လူမှု အထောက်အကူပြု လုပ်ငန်းတွေအတွက် သုံးစွဲမှာ ဖြစ်တယ်လို့ ဒေါက်တာမေဝင်းမြင့်က ပြောပါတယ်။ အလားတူ ဂီတပွဲတော်ကိုလည်း NLD ရဲ့ ရွှေဂုံတိုင် ဌာနချုပ်မှာ ဆက်လက်ကျင်းပနေပြီး ပြိုင်ပွဲမှာ ဆုရရှိသူတွေကို ဒေါ်အောင်ဆန်းစုကြည် မွေးနေ့ ဇွန်လ ၁၉ ရက်နေ့မှာ ချီးမြှင့်မယ်လို့ သိရပါတယ်။

ဒေါ်အောင်ဆန်းစုကြည်ကို ဂုဏ်ပြု စပ်ဆိုထားတဲ့ ကဗျာစာအုပ် ထုတ်ဝေမယ့် အစီအစဉ်နဲ့ ပတ်သက်ပြီး စာအုပ် ဖြစ်မြောက်ရေးကော်မတီ အဖွဲ့ဝင် ကဗျာဆရာ အောင်ရှင်(မုံရွာ) က …

“နံပါတ်တစ် ရည်ရွယ်ချက်ကတော့ ဒေါ်စုမွေးနေ့အတွက် ဂုဏ်ပြုတဲ့ ရည်ရွယ်ချက်ပါပဲ။ နောက် ရည်ရွယ်ချက်ကတော့ ဒေါ်စု ဦးဆောင်တဲ့ ဒီမိုကရေစီ အရေးတော်ပုံအတွက် ထပ်ပြီးတော့ ဂုဏ်ပြုတဲ့၊ ရည်ရွယ်ချက်ပါပဲ။ ၆၆ နှစ် ဆိုတဲ့ ရည်ရွယ်ချက်တော့ မှန်တယ်။ ဒါပေမယ့် ပေးလာတဲ့ ကဗျာတွေက ကောင်းနေတော့ ကျနော်တို့ကလည်း ရွေးဖို့ ခက်တယ်။ အခုတော့ ၆၆။ ထပ်များချင်လည်း များသွားမှာပေါ့ဗျာ။ နောက်ပြီးတော့ ရေးတဲ့ ကဗျာဆရာတွေကလည်း လက်ရှိ မဂ္ဂဇင်းတွေမှာ ရေးနေတဲ့ ကဗျာဆရာတွေချည်းဗျ။ အဲဒီတော့ သူတို့ကိုလည်း အသိအမှတ် ပြုပြီးတော့ အသုံးပြုရမှာပေါ့”

ဒေါ်အောင်ဆန်းစုကြည်ရဲ့ ၆၆ နှစ်ပြည့် မွေးနေ့အထိမ်းအမှတ်အဖြစ် ကဗျာဆရာ ၆၆ ယောက်ရဲ့ ကဗျာ ၆၆ ပုဒ်သာ ရေးသားထုတ်ဝေဖို့ ရည်ရွယ်ခဲ့ပေမယ့် ပါဝင် ရေးသားလိုသူတွေ များလာတာကြောင့် ကဗျာဆရာ ၈ဝ ကျော် ဖြစ်သွားတယ်လို့ သိရပါတယ်။

ကဗျာစာအုပ်နာမည်က “လူထုအိုးဝေ ကဗျာများ” ဖြစ်ပြီး “၆၆ နှစ်မြောက် ဒေါ်အောင်ဆန်းစုကြည် မွေးနေ့ ဂုဏ်ပြုတဲ့ ကဗျာများ” ဆိုတဲ့ နာမည်နဲ့ ကန့်သတ် ထုတ်ဝေသွားမှာ ဖြစ်ပါတယ်။ ဒေါ်အောင်ဆန်းစုကြည်ကို စာပေ နှစ်သက်မြတ်နိုးသူ တယောက်အဖြစ်နဲ့ရော၊ နိုင်ငံရေးခေါင်းဆောင် တယောက်အဖြစ်နဲ့ပါ လက်ခံ လေးစားသောအားဖြင့် ဒီကဗျာစာအုပ်ကို ကြိုးစား ထုတ်ခဲ့တာလို့ ဆရာအောင်ရှင်(မုံရွာ) က ပြောပါတယ်။

“အခုနောက်ပိုင်းမှာ စာပေနဲ့ ပတ်သက်လို့ ကဗျာဆရာ ကွန်ရက်၊ ပန်းချီဆရာ ကွန်ရက်တွေ၊ အနုပညာကွန်ရက် ကလေးတွေ ရှိတယ်လေ။ ဒါ ဒေါ်အောင်ဆန်းစုကြည်က ဒီလို ကွန်ရက်ကလေးတွေ လုပ်ပြီးတော့ နိုင်ငံရေးအတွက် အထောက်အကူ ဖြစ်အောင်ပေါ့။ ဗမာပြည်ရဲ့ ဒီမိုကရေစီအရေးတော်ပုံမှာ စာပေသမားတွေ ကဗျာဆရာတွေလည်း တတပ်တအား ပါရမှာကိုး။ အဲဒါကြောင့် ကျနော်တို့ ဒါအတွက် လုပ်တဲ့သဘောပါပဲ”


RFA မှ ကူးယူဖော်ပြပါသည်။

၈၈မျိူးဆက်နှင့် ဒီမိုကရေစီလှုပ်ရှားမှုမျိုးဆက်အားလုံး၏ နိုင်ငံရေးအကျဉ်းသားအမှုများအားလုံးကို ပြန်လည်စစ်ဆေးရန် မိသားစုတို့ တောင်းဆိုမည်

ထောင်ဒဏ် အနှစ် ၂၀ ကျခံနေရတဲ့ ဘလော့ဂါ နေဖုန်းလတ်ရဲ့ ဖခင်ဖြစ်သူက ယခုအစိုးရသစ် တက်လာပြီးနောက်မှာ နိုင်ငံရေး ယုံကြည်ချက်ကြောင့် အကျဉ်းကျနေသူများရဲ့ အမှုများကို ပြန်လည်စစ်ဆေးပေးဖို့ လျှောက်ထားမယ်လို့ နိုင်ငံရေး အကျဉ်းသားများရဲ့ မိသားစုဝင်တွေ့ဆုံပွဲမှာ ပြောခဲ့ပါတယ်။

နိုင်ငံရေး အကျဉ်းသားမိသားစုများ လစဉ်တွေ့ဆုံပြီး အကျဉ်းသားများ အမြန်ဆုံး လွှတ်ပေးဖို့ရာ နည်းလမ်းများ စဉ်းစားတိုင်ပင်ကြဖို့၊ မိသားစုများရဲ့ အခက်အခဲများ အတွေ့အကြုံများ ဖလှယ်ဖို့၊ အချင်းချင်း အကူအညီပေးကြဖို့ ရည်ရွယ်ချက်နဲ့ တစ်လတကြိမ်တွေ့ဆုံကြဖို့ ဆုံးဖြတ်ကြပြီး ယနေ့ နိုင်ငံရေး အကျဉ်းသား ကိုပန္ဒိတ်ထွန်းရဲ့ မိခင်ဖြစ်သူနေအိမ်မှာ ဆုံတွေ့ခဲ့ကြပါတယ်။

ဘလော့ဂါ နေဖုန်းလတ်ရဲ့ ဖခင်ဖြစ်သူ ဦးသိန်းထွန်းက နိုင်ငံရေး အကျဉ်းသားများ အမြန်ဆုံး ပြန်လွတ်အောင် ဥပဒေကြောင်းအရ အမှုကို ပြန်လည်စစ်ဆေးပေးဖို့ တောင်းဆိုလွှာတင်ဖို့ ကျန်မိသားစုဝင်များကို ရှင်းပြခဲ့ပါတယ်။

၂၀၀၄ ခုနှစ် စစ်ထောက်လှမ်းရေးတွေကို ဖယ်ရှားပြီးနောက် အစိုးရက ကိုမင်းကိုနိုင်အပါအ၀င် နိုင်ငံရေး အကျဉ်းသားများအား ပြန်လွှတ်ပေးခဲ့ဖူးပါတယ်။ ထိုစဉ်က ပြန်လွှတ်စဉ်မှာ ထောက်လှမ်းရေး လက်ထက်က မှားယွင်း အပြစ်ပေးခဲ့တဲ့ သူတွေကို ပြန်လည်လွှတ်ပေးတာလို့ ဖေါ်ပြခဲ့တာကြောင့် ယခုလို သမတ ဦးသိန်းစိန် လက်ထက်မှာလည်း ယခင်က ဖမ်းဆီးအပြစ်ပေးထားတဲ့ နိုင်ငံရေး အကျဉ်းသား တဦးစီရဲ့ အမှုတွေကို ပြန်စစ်ဆေးပေးဖို့ ဥပဒေကြောင်းအရ လျှောက်ထားမယ် လို့ပြောပါတယ်။

သူကပဲ “ ဒီလိုလုပ်တာဟာ အောက်ကျခံတာမဟုတ်ပါဘူး၊ အစိုးရ ဒီလိုအပြစ်ပေးထားတာ မှားတယ်ဆိုတာကို ကျွန်တော်တို့က ပြောတဲ့သဘောပါ” ဟုပြောပါတယ်။

ကိုပန္ဒိတ်ထွန်း အမေကလည်း ဒါက အသနားခံတာလည်း မဟုတ်သလို အောက်ကျို့တာလည်း မဟုတ်ကြောင်း ပြောဆိုပါတယ်။

ဒီပွဲကို မကြာမီကမှ လွတ်မြောက်လာတဲ့ နိုင်ငံရေး အကျဉ်းသားအချို့နဲ့ နိုင်ငံရေး အကျဉ်းသား မိသားစုဝင် စုစုပေါင်း ၃၀ ကျော်လာရောက်ခဲ့ကြတာကိုတွေ့ရပါတယ်။ အဆိုပါ တွေ့ဆုံပွဲမှာ မကြာခင်ကမှ လွတ်လာသူတွေက မေလ ၁၆ ရက်နေ့ ကြေညာခဲ့တဲ့ တစ်နှစ်သာလျော့တဲ့ လွတ်ငြိမ်းချမ်းသာခွင့် ကြေညာချက်ကြားသိရစဉ် ထောင်တွင်းမှ နိုင်ငံရေး အကျဉ်းသားမည်သို့ ခံစားတုံ့ပြန်ခဲ့ကြပုံ၊ ယခုအစိုးရသစ် နှင့်ပတ်သက်ပြီး အတွင်းမှ နိုင်ငံရေးအကျဉ်းသားများရဲ့ သုံးသပ်ချက်တွေကို ပြန်ပြောပြခဲ့ကြပါတယ်။

ယနေ့ တွေ့ဆုံပွဲမှာ ထောင်သက် စုစုပေါင်း ၂၅ နှစ်ရှိပြီး နောက်ဆုံးအဖမ်းခံရချိန် ၈၉ ခုနှစ်မှ ယခုထိ ၁၉ နှစ်ကြာနေပြီး မလွတ်မြောက်သေးတဲ့ ဦးစိုးမြင့်ရဲ့ တဦးတည်းသော သမီးဖြစ်သူ ကလည်း သူ့အဖေ အမြန်ဆုံး ပြန်လွတ်စေချင်တဲ့အကြောင်း၊ ဖေဖေနဲ့ အမြန်ဆုံး ပြန်တွေ့ချင်တဲ့အကြောင်း ပြောဆိုသွားပါတယ်။ သူ ၁၁ လသမီးအရွယ်မှာ သူ့ဖခင် ဖြစ်သူ ကိုဖမ်းဆီးသွားတာ ယခု သူ အသက် ၂၁ နှစ်ရှိတဲ့အချိန်ထိ ဖြစ်တယ်လို့ ပြောဆိုပါတယ်။

moemakha မှ ကူးယူဖော်ပြပါသည်။

Sunday, June 12, 2011

နိုင်ငံရေးအကျဉ်းသားများအားလုံး ခြွင်းချက်မရှိအမြန်ဆုံးပြန်လည်လွှတ်ပေးေ၇း လှုပ်ရှားတောင်းဆိုဆန္ဒပြ



နိုင်ငံရေးအကျဉ်းသားများအားလုံး ခြွင်းချက်မရှိအမြန်ဆုံးပြန်လည်လွှတ်ပေးေ၇း လှုပ်ရှားတောင်းဆိုဆန္ဒပြမှုတစ်ရပ်ကို ယနေ့(၁၂-၀၆-၂၀၁၁)တနင်္ဂးနွေနေ့တွင်နေ့လည်(၁)နာရီမှ(၃)နာရီအထိ အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ)၊ဂျပန်ဌာနခွဲ၊ နဂိုယာစည်းရုံးရေးဒေသမှ အဖွဲ့ဝင်များက ဂျပန်နိုင်ငံ၊နဂိုယာမြို့၊KANAYAMAဘူတာရှေ့တွင် လှုပ်ရှားတောင်းဆိုဆန္ဒပြခဲ့ကြသည်။
အဆိုပါ လှုပ်ရှားတောင်းဆိုဆန္ဒပြပွဲသို့ မြန်မာ့အရေးကိုစိတ်ဝင်စားသော ဂျပန်နိုင်ငံသူ၊နိုင်ငံသားများနှင့်အခြားနိုင်ငံသားများက ကြည့်ရှု အားပေးခဲ့ကြပြီး၊ အဖွဲ့ချုပ်အဖွဲ့ဝင်များကလည်း၊ မြန်မာနိုင်ငံတွင် နိုင်ငံရေးအကျဉ်းသားများမြောက်များစွာ ကျန်ရှိနေသေးကြောင်းကို ရှင်းလင်းပြောကြားပြီး၊လက်ရှိမြန်မာနိုင်ငံ၏ပြည်တွင်းရေးကိုသိရှိနားလည်စေရန် လက်ကမ်းစာစောင်များကို ဖြန့်ဝေခဲ့ကြသည်။

ဒေါ်အောင်ဆန်းစုကြည် BBC Reith Lectures အစီအစဉ်မှာ ဟောပြောမည်


(၂၀၁၁ ခုနှစ် ဇန်နဝါရီလ ၂၈ရက်နေ့က ဆွဇ်ဇာလန်နိုင်ငံ ဒါဗို့စ်မြို့၌ ပြုလုပ်သည့် ကမ္ဘာ့စီးပွားရေး ညီလာခံတွင် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ပေးပို့သည့် သဝဏ်လွှာမိန့်ခွန်း အသံသွင်းတိတ်ခွေကို ဖွင့်ပြခဲ့ပါသည်။)
မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဗြိတိန်နိုင်ငံက ဘီဘီစီ ရေဒီယို အမှတ် ၄ အသံလွှင့်ဌာနရဲ့ ထင်ရှားတဲ့ ‘ရိသ်လက်ချာ’ Reith Lectures အစီအစဉ်မှာ “အာဏာရှင်အစိုးရများ လက်အောက်မှာ ဒီမိုကရေစီရေး လှုပ်ရှားဆောင်ရွက်ခြင်း” ဆိုတဲ့ ခေါင်းစဉ်နဲ့ ဟောပြောပို့ချမယ်လို့ ဘီဘီစီ အသံလွှင့်ဌာနက ကြေညာပါတယ်။
ဒီဟောပြောချက်တွေကို ရန်ကုန်မြို့မှာ ကြိုတင် အသံသွင်းယူထားပြီး အခုလ ၂၈ ရက်နေ့မှာ ပထမဆုံး ဟောပြောချက်ကို အသံလွှင့်မယ်လို့ သိရပါတယ်။

ဘီဘီစီ သောတရှင်တွေကို ရေဒီယိုကနေ ဟောပြောခွင့်ရတာဟာ သူ့အတွက် အလွန်ထူးခြားတဲ့ အဓိပ္ပာယ် ရှိကြောင်း၊ ဒီအချက်က သူဟာ တရားဝင် လွတ်လပ်တဲ့သူတဦး ပြန်ဖြစ်သွားပြီ ဆိုတဲ့ အဓိပ္ပာယ်ရောက်ကြောင်း၊ မလွတ်လပ်ခင် နေအိမ်အကျယ်ချုပ် ဘဝမှာ ဟောပြောနိုင်သူတဦး မဟုတ်ဘဲ ဘီဘီစီကို နားဆင်သူတဦးသာ ဖြစ်ခဲ့ကြောင်း ဒေါ်အောင်ဆန်းစုကြည်က ပြောပါတယ်။

ဒေါ်အောင်ဆန်းစုကြည်ရဲ့ ပထမ ဟောပြောချက်မှာ မြန်မာနိုင်ငံက အတိုက်အခံတွေရဲ့ အခြေအနေကို ဟောပြောမှာ ဖြစ်ပြီး ဇူလိုင်လ ၅ ရက်နေ့မှာ ထုတ်လွှင့်မယ့် ဒုတိယ ဟောပြောချက်မှာ လွတ်လပ်မှု အကြောင်းနဲ့ ဘယ်လို ရယူနိုင်သလဲ ဆိုတဲ့အကြောင်းတွေကို အရှေ့အလယ်ပိုင်းဒေသက ဒီမိုကရေစီရေး လှုပ်ရှားဆန္ဒပြပွဲတွေကို ကိုးကားပြီး ဟောပြောမယ်လို့ သိရပါတယ်။

ဘီဘီစီ အသံလွှင့်ဌာနရဲ့ ရေဒီယိုအမှတ် (၄) ဟာ ဗြိတိန်နိုင်ငံ အတွင်းမှာသာ ထုတ်လွှင့်တဲ့ ရေဒီယိုအစီအစဉ်တခု ဖြစ်ပြီး သတင်း၊ သမိုင်း၊ ဇာတ်လမ်းစတဲ့ အစီအစဉ်တွေ ထုတ်လွှင့်တယ်လို့ သိရပါတယ်။

RFA မှ ကူးယူဖော်ပြပါသည်။

Friday, June 10, 2011

ကုလသမဂ္ဂ အတွင်းရေးမှူးချုပ်ရဲ့ မြန်မာအရေးဆိုင်ရာ မိတ်ဆွေနိုင်ငံများအဖွဲ့ ဆွေးနွေး


(အာရှနိုင်ငံများသို့ ခရီးလှည့်လည်သော ကုလသမဂ္ဂအတွင်းရေးမှူးချုပ် ဘန်ကီမွန် ပထမဆုံး ဝင်ရောက်သည့် ထိုင်းနိုင်ငံ ဗန်ကောက်မြို့တွင် ထိုင်းဝန်ကြီးချုပ် အဘီဆစ်နှင့်အတူ အောက်တိုဘာ ၂၆ရက်နေ့က သတင်းစာရှင်းလင်းပွဲပြုလုပ်စဉ် မေးခွန်းများကိုဖြေကြားနေပုံ)
မြန်မာနိုင်ငံမှာ စစ်အစိုးရ အုပ်ချုပ်ရေးကနေ ဦးသိန်းစိန် အရပ်သား အစိုးရကို ပြောင်းလဲသွားခဲ့ပေမယ့် နှစ်ပေါင်း များစွာ တည်ရှိနေခဲ့တဲ့ လူ့အခွင့်အရေး ချိုးဖောက်မှုနဲ့ နိုင်ငံရေး၊ စီးပွားရေး၊ လူမှုရေး အကြပ်အတည်းတွေကတော့ တစုံတရာ ပြောင်းလဲ တိုးတက်မှု မရှိသေးဘူးလို့ ကုလသမဂ္ဂ အတွင်းရေးမှူးချုပ် ဘန်ကီမွန်းက မနေ့က ပြောကြားလိုက်ပါတယ်။

မြန်မာနိုင်ငံ အရေး ဆောင်ရွက်ဖို့ ကုလသမဂ္ဂ အကြီးအကဲ မစ္စတာ ဘန်ကီမွန်း ဦးဆောင် ဖွဲ့စည်းထားတဲ့ မြန်မာ့ မိတ်ဆွေနိုင်ငံများ အဖွဲ့ဝင် (၁၅) နိုင်ငံက သံကိုယ်စားလှယ်တွေနဲ့ ကုလသမဂ္ဂ ရုံးချုပ်မှာ တွေ့ဆုံ ဆွေးနွေး အပြီး မစ္စတာ ဘန်ကီမွန်းက ကြေညာချက် တရပ် ထုတ်ပြန် သုံးသပ်လိုက်တာ ဖြစ်တယ်လို့ မစ္စတာ ဘန်ကီမွန်းရဲ့ ပြောခွင့်ရပုဂ္ဂိုလ် Soung-ah Choi က RFA ကို ပြောပါတယ်။

ဒီတွေ့ဆုံ ဆွေးနွေးပွဲမှာ အခြေခံအားဖြင့် သုံးသပ်ခဲ့ကြတာကတော့ မြန်မာနိုင်ငံရဲ့ စိန်ခေါ်မှု အခက်အခဲတွေဟာ အရင်က အတိုင်းရှိနေဆဲ ဖြစ်ကြောင်း၊ ဒါပေမယ့် ပြုပြင် ပြောင်းလဲရေးလုပ်ဖို့ သမ္မတက ပြောဆိုထားတဲ့ အချက်ကတော့ စိတ်အားတက်စရာ လက္ခဏာ အဖြစ် တွေ့ရကြောင်း၊ လတ်တလော အထိတော့ လက်တွေ့ အကောင်အထည်ဖော် လုပ်ဆောင်ချက် မယ်မယ်ရရ မရှိသေးကြောင်း ပြောပါတယ်။

ဒီတွေ့ဆုံပွဲမှာ ကုလသမဂ္ဂ အတွင်းရေးမှူးချုပ်ရဲ့ အထူး ကိုယ်စားလှယ် VJ Nambiar က ပြီးခဲ့တဲ့လက သူ မြန်မာနိုင်ငံကို သွားရောက်ခဲ့တဲ့ ခရီးစဉ် တွေ့ရှိချက်တွေကို မြန်မာ့ မိတ်ဆွေ နိုင်ငံများ အဖွဲ့ဝင်နိုင်ငံတွေကို ရှင်းပြခဲ့တယ်လို့ သိရပါတယ်။

အမေရိကန်၊ ဗြိတိန်၊ ပြင်သစ်၊ ထိုင်း၊ ဗီယက်နမ် စတဲ့ နိုင်ငံတွေ ပါဝင်တဲ့ မြန်မာ မိတ်ဆွေ နိုင်ငံများအဖွဲ့ကို ၂၀၀၇ ခုနှစ် အတွင်း ဖွဲ့စည်းခဲ့တာ ဖြစ်ပါတယ်။ မနေ့က ကျင်းပတဲ့ အဲဒိအဖွဲ့ရဲ့ ဆွေးနွေးပွဲဟာ မြန်မာနိုင်ငံမှာ ဦးသိန်းစိန် အစိုးရ တက်လာပြီးနောက် ပထမဆုံး အကြိမ်ပြုလုပ်ခဲ့တာ ဖြစ်ပါတယ်။

RFA မှ ကူးယူဖော်ပြပါသည်။

ကုလ မြန်မာ့အရေး ကြိုးပမ်းမှု NLD ကြိုဆို

ကမ္ဘာ့ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) က မြန်မာနိုင်ငံမှာ နှစ်ပေါင်းများစွာ ဖြစ်လာတဲ့ ပြဿနာတွေကြောင့် တိုင်းပြည်ရဲ့ အနာဂတ်ကို ထိခိုက်မှာမို့ ဒါတွေကို ၀ိုင်းဝန်း ဖြေရှင်းပေးဖို့ အလေးအနက် ဆန္ဒရှိတဲ့အကြောင်း ပြောဆိုလိုက်ပါတယ်။ ဒီပြောကြားချက်ကို NLD အမျိုးသား ဒီမိုကရေစီ အဖွဲ့ချုပ် ခေါင်းဆောင်တဦးဖြစ်တဲ့ ဦးဝင်းတင်က ကြိုဆိုလိုက်ပေမဲ့ ကုလသမဂ္ဂ အနေနဲ့ မြန်မာ့အရေးကို အရင်ကထက်ပိုပြီး လုပ်ဆောင်ဖို့ လိုအပ်တယ်လို့ ပြောဆိုလိုက်ပါတယ်။ အပြည့်အစုံကို ဦးဝင်းမင်းက တင်ပြပေးထားပါတယ်။

မစ္စတာ ဘန်ကီမွန်းက မနေ့က ကုလသမဂ္ဂ ရုံးချုပ်မှာလုပ်တဲ့ ၁၄ နိုင်ငံပါတဲ့ မြန်မာ့မိတ်ဆွေများ အဖွဲ့မှာ အခုလို ရေရှည်ပြဿနာတွေကြောင့် မြန်မာနိုင်ငံရဲ့ အနာဂတ်ကို စိုးရိမ်တာအပြင် ဒီပြဿနာတွေကို ဖြေရှင်းပေးဖို့ ၀ိုင်းကူဖို့ရှိတယ် ဆိုတာကို ပြောလိုက်တာ ဖြစ်ပါတယ်။ အခုလို ပြောလိုက်တာဟာ မြန်မာအစိုးရသစ် တက်လာအပြီးမှာ မြန်မာ့မိတ်ဆွေများ အဖွဲ့နဲ့ ပထမဆုံးတွေ့တဲ့ အစည်းအဝေးမှာ ပြောလိုက်တာ ဖြစ်ပါတယ်။

မစ္စတာ ဘန်ကီမွန်းက မြန်မာအစိုးရသစ် တက်လာအပြီးမှာ သမ္မတသစ်က အပြောင်းအလဲအတွက် ကတိတွေ ပေးခဲ့ပေမဲ့ လက်တွေ့မှာ ဆန္ဒနဲ့ လုပ်နိုင်စွမ်း တကယ်တမ်း ရှိမရှိကိုတော့ အခုထက်ထိ မတွေ့ရသေးဘူးလို့ ဆိုလိုက်တာကို အမျိုးသား ဒီမိုကရေစီ အဖွဲ့ချုပ် ခေါင်းဆောင် ဦးဝင်းတင်က ကြိုဆိုလိုက်ပါတယ်။

“ကျနော်ကတော့ ဒီလိုပြောချင်တယ်ဗျ။ ဦးသိန်းစိန် အစိုးရ တက်လာပြီး နောက်ပိုင်းမှာ ကတိတွေ ပေးကြတယ်ပေါ့ဗျာ၊ လူတွေအကြိုက်ကို လိုက်ပြီး ပြောတဲ့စကားတွေ ပြောတယ်။ အခုအထိလည်း ဘာတခုမှ မယ်မယ်ရရ အကောင်အထည် မပေါ်ဘူး။ ကျနော်တို့က ဒီကိစ္စတွေနဲ့ ပတ်သက်ပြီးတော့ ဒီအစိုးရအပေါ်မှာ ကျေနပ်စရာ လုံးဝမရှိဘူး။ ဒါပေမဲ့ ကုလသမဂ္ဂ အတွင်းရေးမှူးချုပ်က ဒီဟာကို အတည်ပြုပြီး ပြောတဲ့အခါကြတော့ ကျနော်တို့ အများကြီး ၀မ်းသာတယ်၊ ကြိုဆိုတယ်လို့ ပြောချင်ပါတယ်။”

ဘာကြောင့် အခုလို ကြိုဆိုလဲ ဆိုတာကို ဦးဝင်းတင်က ပြောတာက ပြတ်သားတာအပြင် လက်တွေ့အလုပ်လည်း ပါလာလို့ ဖြစ်တယ်လို့ ဆိုပါတယ်။

“ဘာလို့လဲဆိုတော့ ကုလသမဂ္ဂ အတွင်းရေးမှူးချုပ် ဘန်ကီမွန်းက မြန်မာပြည် အရေးနဲ့ ပတ်သက်လို့ စိုးရိမ်ပါတယ်၊ စိုးရိမ်ပါတယ်ဆိုတဲ့ စကားထက် ပိုပြီးတော့ ဘာတခုမှ မပြောခဲ့ဘူး။ အဲဒီလို မပြောခဲ့တဲ့အတွက် ကျနော် တကြိမ်တုန်းကဆိုရင် ဘန်ကီမွန်း ဒီလိုသာ စိုးရိမ်တာတွေ လွန်နေရင်တော့ ခင်ဗျား နှလုံးရောဂါ ဖြစ်လိမ့်မယ်ဆိုပြီး ကျနော် ရယ်စရာ ပြောခဲ့ဖူးတာ ရှိတယ်။

“အခုတော့ ဘန်ကီမွန်းပြောတဲ့ စကားတွေက ပြတ်ပြတ်သားသား ဖြစ်တယ်လို့ တစ် ကျနော် ယူဆတယ်။ နံပါတ်နှစ်က အလုပ်ပါလာတယ်။ ကုလသမဂ္ဂကလည်း ဒီဟာတွေ လုပ်မယ်ဆိုရင် ကူမယ်ဆိုတဲ့ အလုပ်ပါ ပါလာတဲ့ အခါကြတော့ အလွန်ကောင်းတယ်လို့ ကျနော် ယူဆပါတယ်။”

ဒီဆွေးနွေးပွဲထဲမှာပဲ မစ္စတာ ဘန်ကီမွန်းက ရေရှည်ရှိလာတဲ့ နိုင်ငံရေး၊ စီးပွားရေး၊ လူမှုရေး ပြဿနာတွေဟာ မြန်မာနိုင်ငံ ရှေ့သွားမယ့် လမ်းကြောင်းနဲ့ ရပ်တည်ချက်ကို ဒေသတွင်းမှာရော ကမ္ဘာတခုလုံးမှာပါ ထိခိုက်လာနိုင်တာမို့ အချိန်မဆွဲဘဲ ဖြေရှင်းသင့်တယ်လို့ သတိပေးလိုက်ပါတယ်။ အခုလို သတိပေးလိုက်တာကြောင့် မြန်မာအစိုးရဘက်ကလည်း ထူးထူးခြားခြား လိုက်လုပ်လာနိုင်ပါသလား ဆိုတာကိုတော့ ဦးဝင်းတင်က မထင်ဘူးလို့ ဆိုပါတယ်။

“ကျနော်ကတော့ သိပ်ပြီးတော့ မထင်ပါဘူး။ ဘာဖြစ်လို့လဲဆိုတော့ ဒီ စစ်အစိုးရ အနေနဲ့က သူတို့မှာလည်း အကျပ်အတည်းတွေ အများကြီး ရှိလိမ့်မယ်လို့ ကျနော် ထင်တယ်။ တကယ်ပြောရရင်တော့ စစ်အစိုးရက မနေ့တနေ့ကပေါ့ဗျာ၊ ဒီ လွှတ်တော်တို့ ဘာတို့ မပေါ်ခင် ကာလလေးအထိကတော့ စစ်အစိုးရဆိုတာ တိုင်းပြည်ကို မှန်မှန် တိုက်စားနေတဲ့ ဘီလူးလိုပေါ့။ အဲဒီလို အနေအထားမျိုးကနေပြီးတော့ ချက်ချင်း မင်းသားရုပ်ဆောင်တဲ့ မျက်နှာဖုံးကို တပ်လိုက်ပြီးတော့ ဒီလိုစကားတွေ ပြောလာတယ်ပေါ့ဗျာ။ အရပ်သား စကားတွေ ပြောလာတယ်။

“အဲဒီလို အနေအထားဆိုတော့ သူတို့မှာ လုပ်နိုင်တဲ့ အနေအထား မရှိဘူးလို့ ကျနော်က ယူဆတယ်။ အထူးသဖြင့်ကတော့ လူ့အခွင့်အရေး ချိုးဖောက်မှု ကိစ္စမျိုးတွေနဲ့ ဒီမိုကရေစီ အခွင့်အရေးတွေနဲ့ ပတ်သက်ပြီးတော့ ရိုက်ချိုးထားတဲ့ ကိစ္စတွေနဲ့ ပတ်သက်လာရင် ဒီအစိုးရဟာ ပြင်နိုင်တဲ့ အနေအထား ရှိလိမ့်မယ် မဟုတ်ဘူးလို့ ကျနော်တော့ ထင်မြင်ပါတယ်။”

ဦးဝင်းတင်ကပဲ အခုလို လိုက်မလုပ်နိုင်တာက လုပ်နိုင်စွမ်း မရှိတဲ့အပြင် ဆန္ဒလည်း မရှိသေးတာကြောင့်ပါလို့ ဆက်ပြောပါတယ်။

“ဒေါ်စုလွတ်လာတဲ့အခါမှာ ဒီနေ့အထိလည်း ကျနော်တို့ ဒီပြဿနာတွေကို ရှင်းဖို့အတွက်ဆိုရင် တွေ့ဆုံပြီး စကားပြောဖို့သာ ဖြစ်ပါတယ်။ ဒါ တလျှောက်လုံး နှစ်ပေါင်း ၂၀ ကျော် ကျနော်တို့ ကိုင်စွဲခဲ့တဲ့ နိုင်ငံရေး ဖြေရှင်းမှု နည်းလမ်းပဲ။ ဒီနည်းလမ်းက အလွန်ရှင်းလင်း လွယ်ကူတယ်။ အဲဒီ ရှင်းလင်း လွယ်ကူတဲ့ ဟာတောင်မှ သူတို့ ဘာမှမလုပ်ခဲ့ဘူး ဆိုတဲ့ဟာ ဘာလဲဆိုရင် သူတို့မှာ နိုင်ငံရေးကို ဖြေရှင်းချင်တဲ့၊ ဒီပြဿနာကို စားပွဲဝိုင်းမှာ ထိုင်ပြီး ဖြေရှင်းချင်တဲ့ စိတ်စေတနာ မရှိဘူးလို့ ကျနော် အဲဒီလိုပဲ ပြောချင်ပါတယ်။”

အဲဒီတော့ ဘာကြောင့် အခုလို ပြောင်းလဲဖို့ ဆန္ဒနဲ့ လုပ်နိုင်စွမ်း မရှိရတာလဲလို့ မေးရာမှာတော့ ဦးဝင်းတင်ကပဲ စစ်တပ် ခေါင်းဆောင်ပိုင်းကို တည်ဆောက်ရာမှာ ငွေရှာဖို့နဲ့ ရာထူးတက်ဖို့ကိုပဲ အဓိကထားပြီး မှားယွင်းစွာ တည်ဆောက်ခဲ့တာကြောင့် ဖြစ်တယ်လို့ ဆိုပါတယ်။

ဦးဝင်းတင်ကပဲ ကုလသမဂ္ဂဘက်ကလည်း အခုလို ပြတ်ပြတ်သားသား ပြောတာအပြင် ရှေ့မှာလည်း အမြဲတမ်း အထူးကိုယ်စားလှယ်ထားပြီး လက်တွေ့ကျအောင် လုပ်ဖို့လိုမယ်၊ ဘာကြောင့်လဲဆိုတော့ လက်ရှိ အတွင်းရေးမှူးချုပ်ရဲ့ အကြံပေးအရာရှိ မစ္စတာ ဗီဂျေး နမ်ဘီးယား (Mr. Vijay Nambiar) ဟာ ယာယီ ကိုယ်စားလှယ်သာ ဖြစ်ပြီး မြန်မာပြည်မှာ စုံစမ်းနိုင်တဲ့ အဆင့်နဲ့ အကြံပေးနိုင်တဲ့ အဆင့်ပဲ ရှိတယ်၊ တကယ်တမ်း လုပ်ပိုင်ခွင့် မရှိဘူး၊ ဒါကြောင့် လုပ်ပိုင်ခွင့်ပါရှိမယ့် အမြဲတမ်း အထူးကိုယ်စားလှယ် ခန့်ပြီး လုပ်သွားဖို့ လိုမယ်လို့ ဆိုပါတယ်။

VOA မှ ကူးယူဖော်ပြပါသည်။

Thursday, June 9, 2011

မြန်မာ့အရေး ကော်မရှင်ဖွဲ့ စုံစမ်းဖို့ UPR မှာ လူ့အခွင့်အရေး အဖွဲ့တွေ တောင်းဆို

UPR လုပ်ငန်းစဉ်လို့ ခေါ်တဲ့ ကုလသမဂ္ဂ လူ့အခွင့်အရေး ကောင်စီရဲ့ နိုင်ငံအလိုက် လူ့အခွင့်အရေး အခြေအနေ ပုံမှန်သုံးသပ်မှု ဆွေးနွေးပွဲမှာ ဒီကနေ့ မြန်မာနိုင်ငံကိစ္စကို ဆွေးနွေးပါတယ်။ ပါဝင်ဆွေးနွေးခဲ့ကြတဲ့ လူမှု လူ့အဖွဲ့အစည်းတွေကတော့ လက်ရှိ UPR လုပ်ငန်းစဉ်ဟာ မြန်မာနိုင်ငံက လူ့အခွင့်အရေး အခြေအနေဆိုးတွေကို ဟန့်တားနိုင်ဖို့ ထိရောက်မှု မရှိဘူးလို့ သုံးသပ်ပြီး မြန်မာ့အရေးအတွက် ကုလသမဂ္ဂ စုံစမ်းစစ်ဆေးရေး ကော်မရှင်တရပ် ဖွဲ့ရေးကိုသာ တညီတည်း တောင်းဆိုခဲ့ကြပါတယ်။ ဆွေးနွေးပွဲမှာ ပါဝင်ဆွေးနွေးတဲ့ အဖွဲ့ဝင်နိုင်ငံ အတော်များများကတော့ မြန်မာအစိုးရသစ်ဟာ လူ့အခွင့်အရေး တိုးတက် ကောင်းမွန်လာအောင် ကြိုးပမ်းမှု ရှိနေတယ်လို့ အပြုသဘော တုံ့ပြန်ခဲ့ကြပါတယ်။ အပြည့်အစုံကို ကိုသားညွန့်ဦးက တင်ပြပေးထားပါတယ်။

ဒီကနေ့ ဆွေးနွေးပွဲ အတွင်းမှာတော့ မြန်မာအစိုးရ ကိုယ်စားလှယ်က UPR အကြံပြုချက်တွေအပေါ် တုံ့ပြန်ဆွေးနွေးတာတွေနဲ့ အစိုးရသစ်ရဲ့ လူ့အခွင့်အရေးနဲ့ ပတ်သက်လို့ ကတိက၀တ်တွေကို အချိန်အများစုယူပြီး ဆွေးနွေးသွားပါတယ်။ ဆွေးနွေးခဲ့ကြတဲ့ လူမှု လူထုအဖွဲ့အစည်း ၁၀ ဖွဲ့လုံးကတော့ မြန်မာအစိုးရရဲ့ လက်တွေ့ နိုင်ငံတွင်း လူ့အခွင့်အရေး ချိုးဖောက်မှုတွေကို ထောက်ပြပြီး မြန်မာအစိုးရကို အပြင်းအထန် ဝေဖန်သွားခဲ့ပါတယ်။ နိုင်ငံတကာ အနေနဲ့လည်း လက်တွေ့ဆန်တဲ့ အရေးယူမှုကို ဆောင်ရွက်ဖို့ တိုက်တွန်းခဲ့ကြပါတယ်။

“မြန်မာနိုင်ငံတွင်း လူသားမျိုးနွယ်အပေါ် ကျူးလွန်တဲ့ ရာဇ၀တ်မှုတွေနဲ့ စစ်ရာဇ၀တ်တွေ ရှိမရှိ ဆိုတာကို စစ်ဆေးဖို့ နိုင်ငံတကာ စုံစမ်းရေး ကော်မရှင် တရပ်ကို အမြန်ဆုံးဖွဲ့စည်းဖို့ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ အနေနဲ့ ထပ်မံ တောင်းဆိုလိုက်ပါတယ်။”

Amnesty International အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ ကိုယ်စားလှယ်က ပြောဆိုသွားတာပါ။

HRW လူ့အခွင့်အရေး စောင့်ကြည့်မှု အဖွဲ့ကလည်း မြန်မာအစိုးရဟာ နိုင်ငံတွင်း လူ့အခွင့်အရေး ချိုးဖောက်မှုတွေ ရှိနေတယ် ဆိုတာကို ငြင်းဆန်နေတုန်းပဲလို့ ပြောပါတယ်။

“မြန်မာအစိုးရ အနေနဲ့ ဆိုးဝါးတဲ့ လူ့အခွင့်အရေး ချိုးဖောက်မှုတွေကို ငြင်းဆန်နေတုန်းပဲဆိုတာ အခု UPR သုံးသပ်ဆွေးနွေးပွဲမှာ အထင်အရှား တွေ့နိုင်ပါတယ်။ မရိုးသားမှုတွေ ရှိခဲ့တဲ့ ပြီးခဲ့တဲ့ ၂၀၁၀ နိုဝင်ဘာ ရွေးကောက်ပွဲအတွင်း လွတ်လပ်စွာ အဖွဲ့အစည်း ဖွဲ့စည်းခွင့်၊ စုရုံးခွင့်တွေ မရှိဘူး ဆိုတာကိုပါ ငြင်းဆန်နေပါတယ်။

“နိုင်ငံရေး အကျဉ်းသားတွေ မရှိဘူး၊ အဖမ်းခံရသူတွေဟာ ရာဇ၀တ် ပြစ်မှုတွေကို ချိုးဖောက် ကျူးလွန်သူတွေ ဖြစ်တယ်လို့ ပြောနေပါတယ်။ ဒါပေမဲ့ နိုင်ငံရေး အကျဉ်းသား ၂,၀၀၀ ဟာ အကျဉ်းထောင်တွေထဲမှာ ထိန်းသိမ်းခံနေရဆဲ ဖြစ်ပါတယ်။”

မြန်မာအစိုးရ ကိုယ်စားလှယ်ကတော့ မြန်မာအစိုးရသစ် အနေနဲ့ လူ့အခွင့်အရေး အခြေအနေ တိုးတက်လာအောင် လက်တွေ့ ဆောင်ရွက်နေပြီး အစိုးရသစ်ရဲ့ သက်တမ်း နုနယ်သေးတာကြောင့် စိတ်ရှည်ဖို့သဘော ပြောခဲ့ပါတယ်။

“မြန်မာအစိုးရရဲ့ သက်တမ်းဟာ အခုမှ ၆၉ ရက်သားပဲ ရှိပါသေးတယ်။ အင်မတန် နုနယ်ပါတယ်။ ဒါပေမဲ့ အခြားနိုင်ငံတွေ ပြောသလိုပါပဲ၊ လူ့အခွင့်အရေး ကာကွယ် မြှင့်တင်ရေးအတွက် စိတ်ဆန္ဒ အပြည့်ရှိပါတယ်။ ဒီလို စိတ်ဆန္ဒတွေကြောင့်ပဲ အစိုးရရဲ့ အခုလို နုနယ်တဲ့ သက်တမ်းအတွင်းမှာ ဥပဒေတွေနဲ့ လက်တွေ့ကိစ္စတွေမှာ လူ့အခွင့်အရေးနဲ့ ပတ်သက်လို့ ဆောင်ရွက်ချက်တွေ တွေ့ရပါမယ်။ ဒီအထဲမှာ လူ့အခွင့်အရေး အခြေအနေ တိုးတက်လာဖို့ ကုလသမဂ္ဂနဲ့ ပူးပေါင်း ဆောင်ရွက်တာလည်း ပါဝင်ပါတယ်။” ဆိုပြီး မြန်မာကိုယ်စားလှယ် ဦးရဲမြင့်အောင်က ပြောသွားတာပါ။

အာရှနိုင်ငံအများစု အထူးသဖြင့် အိမ်နီးချင်း နိုင်ငံတွေကတော့ မြန်မာနိုင်ငံရဲ့ UPR လုပ်ငန်းစဉ်အပေါ် အပြုသဘော ပူးပေါင်းဆောင်ရွက်မှု ရှိတယ်ဆိုပြီး ချီးကျူးခဲ့ကြပါတယ်။ တရုတ်နိုင်ငံကတော့ တည်ငြိမ်တဲ့ အပြောင်းအလဲဖြစ်ဖို့ လိုလားတယ်လို့ သူ့ဆန္ဒကို ပြောခဲ့ပါတယ်။

“မြန်မာနိုင်ငံမှာ လူမှုတည်ငြိမ်ရေး ရှိနေဖို့နဲ့ ဒီမိုကရေစီ တိုးတက်မှုတွေကို တည်တည်ငြိမ်ငြိမ်နဲ့ လုပ်ဆောင်သွားနိုင်ဖို့ တရုတ်နိုင်ငံက မျှော်လင့်ထားပါတယ်။ မြန်မာနိုင်ငံ တိုးတက်ဖွံ့ဖြိုးရေး ကိစ္စမှာ မြန်မာနိုင်ငံ အခြေအနေနဲ့အညီ မြန်မာနိုင်ငံသားတွေ ကိုယ်တိုင် လွတ်လွတ်လပ်လပ် ရွေးချယ်ပြီး ဆောင်ရွက်မှု အပေါ်မှာ နိုင်ငံတကာ အနေနဲ့ လေးစား လက်ခံလိမ့်မယ်လို့ တရုတ်နိုင်ငံက မျှော်လင့်ပါတယ်။”

အခုဆွေးနွေးပွဲမှာ အချိန်အများစုကို မြန်မာအစိုးရနဲ့ အိမ်နီးချင်း အာရှနိုင်ငံတွေက ပြောဆိုသွားလို့ မြန်မာ့ဒီမိုကရေစီရေး ဝေဖန်လေ့ရှိတဲ့ အနောက်နိုင်ငံတွေက ပြောဆိုခွင့် မသာခဲ့ဘူးလို့ ဆွေးနွေးပွဲမှာ တက်ရောက်ခဲ့တဲ့ ဒေါက်တာ သောင်းထွန်းက ပြောပါတယ်။

ဒါပေမဲ့ ဂျပန်အစိုးရ ကိုယ်စားလှယ်ကတော့ လိုအပ်ချက်တွေ ရှိနေသေးတယ်ဆိုတဲ့ စိုးရိမ်ချက်တွေ အပေါ်မှာ အသိအမှတ်ပြု ပြောသွားပါတယ်။

“လူ့အခွင့်အရေး အခြေအနေတွေ တိုးတက် ကောင်းမွန်လာဖို့ လိုအပ်ချက်တွေ ရှိနေသေးတယ် ဆိုတဲ့ စိုးရိမ်ချက်တွေ ရှိနေတယ်ဆိုတာ သိပါတယ်။ မြန်မာနိုင်ငံ အနေနဲ့ ဒီမိုကရေစီရေးနဲ့ အမျိုးသား ပြန်လည် သင့်မြတ်ရေးအတွက် နောက်ထပ် အပြုသဘော ဆောင်ရွက်မှုတွေ တုံ့ပြန်လာလိမ့်မယ်လို့ အတော်လေး မျှော်လင့်ထားပါတယ်။ ယုံကြည်ချက်ကြောင့် အကျဉ်းကျနေသူတွေကို ထပ်လွှတ်ပေးဖို့၊ ဒီမိုကရေစီ အင်အားစုတွေနဲ့ တွေ့ဆုံ ညှိနှိုင်းဖို့၊ နောက် လူ့အခွင့်အရေး အခြေအနေတွေ တိုးတက် ကောင်းမွန်လာဖို့ စသဖြင့်ပါ။”

ဆွေးနွေးပွဲအတွင်း လူမှု လူ့အဖွဲ့အစည်း ကိုယ်စားလှယ်တဦး အနေနဲ့ ပါဝင်ဆွေးနွေးခဲ့သူ တဦးဖြစ်တဲ့ NCGUB အဝေးရောက် ညွန့်ပေါင်းအစိုးရ ကုလသမဂ္ဂရေးရာ တာဝန်ခံ ဒေါက်တာ သောင်းထွန်းကတော့ လူမှု လူ့အဖွဲ့အစည်းတွေဘက်က တညီတည်း တောင်းဆိုမှုဟာ မြန်မာနိုင်ငံတွင်း လူ့အခွင့်အရေး အခြေအနေတွေကို စစ်ဆေးဖို့ ကုလသမဂ္ဂ စုံစမ်းရေး ကော်မရှင်ဖွဲ့ဖို့ ဖြစ်တယ်လို့ ပြောပါတယ်။

“လူထု လူ့အဖွဲ့အစည်းတွေ အားလုံးကတော့ UPR လုပ်ငန်းစဉ်လောက်နဲ့တော့ မြန်မာနိုင်ငံရဲ့ လူ့အခွင့်အရေး အခြေအနေတွေကို ထိထိရောက်ရောက် ကြပ်မတ်နိုင်မှာ မဟုတ်ဘူး။ ဒါကြောင့် လွတ်လပ်တဲ့ လူ့အခွင့်အရေး စုံစမ်းရေးဆိုင်ရာ ကော်မရှင် တရပ်ကို ကုလသမဂ္ဂ ဖွဲ့စည်းဖို့ဆိုတာ တညီတညွတ်တည်း ပြောသွားတယ်။ Council အစည်းအဝေးခန်းမ တခုလုံးဟာ လူထု လူ့အဖွဲ့အစည်းတွေရဲ့ တောင်းဆိုချက်ကို သတိမပြုဘဲ နေလို့မရအောင်ကို လူထု လူ့အဖွဲ့အစည်း ၁၀ ဖွဲ့က တညီတညွတ်တည်း တောင်းဆိုခဲ့ပါတယ်။”

မြန်မာနိုင်ငံတွင်း တိုင်းရင်းသား ဒေသတွေမှာ ဖြစ်နေတဲ့ လူ့အခွင့်အရေး ချိုးဖောက်မှုတွေနဲ့ ဥပဒေစိုးမိုးမှု ကင်းမဲ့တဲ့ ကိစ္စတွေကိုလည်း လူမှု လူ့အဖွဲ့အစည်း ၁၀ ဖွဲ့က တင်ပြ ဆွေးနွေးသွားကြပါတယ်။ အခုလို အဖွဲ့ဝင်နိုင်ငံ အစိုးရတွေနဲ့ လူမှု အဖွဲ့အစည်းတွေရဲ့ ဆွေးနွေးချက်ကိုတော့ UPR သုံးသပ်ချက်မှာ မှတ်တမ်းတင်ထားမှာ ဖြစ်ပေမဲ့ အစိုးရအနေနဲ့ မဖြစ်မနေ လိုက်နာရမယ့် ဆုံးဖြတ်ချက်မျိုးတော့ မထုတ်ပေးနိုင်ပါဘူး။

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် တောမတ်စ် အိုဟေး ကင်တားနား (Tomas Ojea Quintana) ကိုယ်တိုင်ကလည်း UPR လုပ်ငန်းစဉ်ဟာ ပုံစံအသစ် ဖြစ်လေတော့ ဒီလုပ်ငန်းစဉ်ရဲ့ ထိရောက်မှု၊ လက်တွေ့ အကောင်အထည် ဖော်မှုပိုင်း အားနည်းမှု ရှိနေသေးတာတွေကို ဗွီအိုအေ မြန်မာပိုင်းကို မနေ့က ထောက်ပြ ပြောဆိုခဲ့ပါတယ်။

VOA မှ ကူးယူဖော်ပြပါသည်။

Wednesday, June 8, 2011

ဂျာမဏီနိုင်ငံ လူအခွင့်အရေးအဖွဲ့ ဥက္ကဌ နဲ့ ဒေါ်အောင်ဆန်းစုကြည် တွေ့ဆုံ ဆွေးနွေး


(ဂျာမနီနိုင်ငံ လူ့အခွင့်အရေးအဖွဲ့ ဥက္ကဋ္ဌ markus loning)
ဒေါ်အောင်ဆန်းစုကြည်က မြန်မာနိုင်ငံအပေါ် အနောက်နိုင်ငံတွေရဲ့ တားဆီး ပိတ်ဆို့မှု အပေါ် NLD ပါတီရဲ့ သဘောထားကို ဂျာမဏီနိုင်ငံက လူ့အခွင့်အရေး၊ မူဝါဒနဲ့လူသားခြင်းစာနာ ထောက်ထားမှု ဆိုင်ရာ ကော်မရှင်နာ ကို ဆွေးနွေး ပြောဆိုခဲ့တယ်လို့ သိရပါတယ်။
မြန်မာနိုင်ငံကို ရောက်ရှိနေတဲ့ ဂျာမဏီ နိုင်ငံ လူ့ အခွင့်အရေး ကော်မရှင်နာ Mr. Markus Loning ဟာ ဒီကနေ့ မနက် ၁၀ နာရီက ဒေါ်အောင်ဆန်းစုကြည်ကို နေအိမ်မှာ လာရောက်တွေ့ဆုံခဲ့တာပါ။

လူ့အခွင့်အရေး ကော်မရှင်နာနဲ့ အတူ မြန်မာ နိုင်ငံ ဆိုင်ရာ ဂျာမဏီ သံအမတ်ကြီး နဲ့ အဖွဲ့ ၀င် လေးဦး ပါဝင်ပါတယ်။

NLD ပါတီဘက်က ဒေါ်အောင်ဆန်းစုကြည်နဲ့ အတူ ပါတီ ပြောခွင့်ရ ဦးဥာဏ်ဝင်းနဲ့ ပါတီ ဗဟိုကော်မတီဝင် ဦးဟံသာမြင့်တို့ က လက်ခံတွေ့ဆုံခဲ့တယ်လို့ သိရပါတယ်။ တွေ့ဆုံပွဲနဲ့ ပတ်သက်ပြီး ပါတီ ပြောခွင့်ရ ဦးဥာဏ်ဝင်းက-

"သူကတော့ သူရဲ့ လူ့အခွင့်အရေးဆိုင်ရာ ကိစ္စတွေရယ်၊ နေပြည်တော်မှာ သူ့အတွေ့အကြုံတွေရယ်၊ အဲဒါတွေကို ပြောပါတယ်။ ဒေါ်စုဘက်ကလည်း သူ့ကို ပြန်ရှင်းပြတာတွေ ရှိတာပေါ့။ ဥပမာ sanction နဲ့ ပတ်သက်ပြီးတော့ ကျတော်တို့ ထုတ်ပြန်ခဲ့တဲ့ဟာရယ်၊ tourism ကိစ္စ ဒါတွေကို ဆွေးနွေး ပြောပြပါတယ်။"

ဂျာမဏီနိုင်ငံ အနေနဲ့ မြန်မာ နိုင်ငံအပေါ် ဥရောပ သမဂ္ဂက ကထားရှိတဲ့ စီးပွားရေးအရ ပိတ်ဆို့ အရေးယူထားတာတွေနဲ့ ပတ်သက်ပြီး ဖယ်ရှားပစ်ရေး စိတ်ဝင်စားမှု ရှိတယ်ဆိုတဲ့ ထင်မြင်ချက်တွေ ထွက်ပေါ်နေချိန်မှာ ခုလို ဂျာမဏီ လူ့ အခွင့်အရေး ကော်မရှင်နာက ဒေါ်အောင်ဆန်းစုကြည်ကို လာရောက်တွေ့ဆုံတာ ဖြစ်ပါတယ်။

ဂျာမန်လူ့အခွင့်အရေး ကော်မရှင်နာဟာ မနေ့ကလည်း နေပြည်တော်မှာ ပြည်ထောင်စု လွှတ်တော် နာယက ဦးခင်အောင်မြင့်နဲ့ တိုင်းရင်းသား ပေါင်းစုံ ပါဝင်တဲ့ လွှတ်တော် ကော်မတီဝင်တွေနဲ့ တွေ့ဆုံခဲ့တယ်လို့ ဒီကနေ့ထုတ် အစိုးရ သတင်းစာတွေမှာ ဖေါ်ပြထားပါတယ်။

RFA မှ ကူးယူဖော်ပြပါသည်။

Tuesday, June 7, 2011

ဒေါ်အောင်ဆန်းစုကြည်ခရီး အစိုးရကို အသိပေးမည်


မကြာမီ ပြုလုပ်မည့် ဒေါ်အောင်ဆန်းစုကြည်၏ ခရီးစဉ်နှင့် ပတ်သက်ပြီး အာဏာပိုင်တို့ကို ကြိုတင် အသိပေးမည်ဟု အမျိုးသား ဒီမိုကရေစီ အဖွဲ့ချုပ် (NLD) က ယနေ့ ပြောလိုက်သည်။

“ဒေါ်အောင်ဆန်းစုကြည်ရဲ့ လုံခြုံရေးအရ ဘယ်ဒေသ၊ ဘယ်အချိန်၊ နေ့၊ ရက်၊ နာရီတွင် သွားမယ် ဆိုတာကိုတော့ လက်ရှိအစိုးရကို အကြောင်းကြားဖို့  ရှိတယ်။ ခွင့်ပြုချက် ယူတာမျိုးလည်း မဟုတ်ဘူး” ဟု NLD ခေါင်းဆောင် တဦးဖြစ်သူ ဦးဝင်းတင်က ဧရာဝတီကို ပြောသည်။

ခရီးစဉ်ကို ယခုလ ၁၉ ရက်နေ့တွင် ကျရောက်မည့် ဒေါ်အောင်ဆန်းစုကြည်၏ ၆၆ နှစ်ပြည့် မွေးနေ့အပြီး ရက်ပိုင်း အတွင်း စတင် နိုင်ဖွယ်ရှိသည်ဟုလည်း NLD အဖွဲ့ဝင်များထံမှ သိရသည်။

ဒေါ်အောင်ဆန်းစုကြည်၏ လုံခြုံရေးကိစ္စများ တာဝန်ယူထားသူတဦးဖြစ်သည့် NLD မှ ဗိုလ်ကြီးဟောင်း ဦးဝင်းထိန်ကမူ “ခရီးစဉ်နဲ့ ပတ်သက်ပြီး ပြောဖို့ အများကြီး စောနေသေးတယ်။ လုံခြုံရေးကြောင့် ကျနော်တို့က အသေးစိတ်ကို မပြောသေးပါဘူး” ဟု ဧရာဝတီကို ရှင်းပြသည်။

မကြာခင်က မြန်မာနိုင်ငံသို့ သွားရောက်ခဲ့သော အမေရိကန် ဒု-လက်ထောက် နိုင်ငံခြားရေး ၀န်ကြီး ဂျိုးဇက်ယွန်း၊ အမေရိကန် အထက် လွှတ်တော်အမတ် ဂျွန်မက်ကိန်းတို့ကလည်း ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ လုံခြုံရေးကို တာဝန်ယူရန် အစိုးရကို တိုက်တွန်းခဲ့သည်။

အစိုးရကမူ ဒေါ်အောင်ဆန်းစုကြည်ကို သာမန် အရပ်သားတဦးအဖြစ်သာ သဘောထားကြောင်း ဂျွန်မက်ကိန်းကို ပြန်လည် တုန့်ပြန်လိုက်သည်။

“ဥပဒေနှင့်အညီ သွားလာ လှုပ်ရှား ဆောင်ရွက်မှုများကို ကန့်သတ်ရန် မရှိပါကြောင်း၊ သို့သော်လည်း နိုင်ငံတော် တည်ငြိမ် အေးချမ်းရေးနှင့် တရားဥပဒေ စိုးမိုးရေးကိုမူ အလေးထား စောင့်ထိန်းရန် လိုအပ်ပါကြောင်း” ဟု ဒုသမ္မတ သီဟသူရ ဦးတင်အောင်မြင့်ဦးက ဂျွန်မက်ကိန်းနှင့် နေပြည်တော်တွင် တွေ့ဆုံစဉ် ပြောကြားလိုက်ပုံကို အစိုးရသတင်းစာများတွင် ဖော်ပြထားသည်။

အများအပြားက စိတ်ဝင်တစား စောင့်ကြည့်သွားမည့် ခရီးစဉ်အတွင်း စာနယ်ဇင်းသမားများ လိုက်ပါ သတင်းယူနိုင်လျှင် လုံခြုံရေး ပိုမို ကောင်းမွန်မည် ဖြစ်ကြောင်း သံတမန် အသိုင်းအ၀န်းနှင့် နီးစပ်သူတဦးက သုံးသပ်သည်။

ဤအတောအတွင်း NLD လူငယ်များ၊ ဒေါ်အောင်ဆန်းစုကြည်၏ အစီအစဉ်ဖြင့် ပေါ်ပေါက်လာသည့် လူငယ် ကွန်ရက် အဖွဲ့ဝင်များ၊ နိုင်ငံရေး တက်ကြွ လှုပ်ရှားသူများက စနစ်ကျသော လုံခြုံရေး အစီအမံများ လုပ်ဆောင်နေကြကြောင်း လူငယ်ကွန်ယက် ဦးဆောင်သူ တဦး ဖြစ်သည့် ကိုဖြိုးမင်းသိန်းက ပြောသည်။

“ခရီးစဉ် အသေးစိတ်ကိုတော့ ကျနော်တို့ မသိရသေးပါဘူး။ အခု လူငယ်တွေ အနေနဲ့ စနစ်ကျ တဲ့ ကြိုတင် ပြင်ဆင်မှုတွေနဲ့ လုံခြုံရေး ယူပေးကြဖို့ စီစဉ်နေကြပါတယ်”ဟု ၎င်းက ဆက်ပြောသည်။

ဒေါ်အောင်ဆန်းစုကြည်၏ လုံခြုံရေးကို စိုးရိမ် ပူပန်ကြသော်လည်း လူထုနှင့် အနီးကပ် တွေ့ဆုံနိုင်မှ လူထုအကျိုးကို ပို၍ ဖော်ဆောင်နိုင်မည်ဟု NLD လူငယ်ခေါင်းဆောင် ကိုရာဇာက မှတ်ချက်ပေး ပြောဆိုသည်။

ဒေါ်အောင်ဆန်းစုကြည် နောက်ဆုံး ခရီးထွက်ခဲ့သည့် အချိန်မှာ ၂၀၀၃ ခုနှစ် မေလက ဖြစ်သည်။

ထိုစဉ်က ဒီပဲယင်းမြို့အနီးတွင် အာဏာပိုင်တို့က ကျောထောက် နောက်ခံပြုထားသည်ဟု အများက ယူဆသော တုတ်၊ ဓား လက်နက်ကိုင် လူရမ်းကားများက ဒေါ်အောင်ဆန်းစုကြည်တို့၏ ယာဉ်တန်းကို စောင့်ဆိုင်း တိုက်ခိုက်ခဲ့သည်။

နောက်တနေ့တွင် အာဏာပိုင်တို့က ထိုဖြစ်ရပ်အကြောင်း သတင်းစာရှင်းလင်းပွဲ ပြုလုပ်ရာ ဒေါ်အောင်ဆန်းစုကြည်တို့နှင့် ပဋိပက္ခဖြစ်ခဲ့သည့် လူအုပ်၏ အင်အားမှာ အရေအတွက် ၅၀၀၀ ရှိသည်ဟု ပြောဆိုခဲ့သည်။

တိုက်ခိုက်မှုအပြီး ဒေါ်အောင်ဆန်းစုကြည် အပါအ၀င် ယာဉ်တန်းတွင် ပါဝင်သူ အများအပြား အထိန်းသိမ်းခံလိုက်ရသည်။

ပြီးခဲ့သည့် နိုဝင်ဘာလက နေအိမ် အကျယ်ချုပ်မှ ပြန်လည် လွတ်မြောက်လာသည့် နောက်ပိုင်းတွင် ဒေါ်အောင်ဆန်းစုကြည်က ရန်ကုန်မြို့ အတွင်းသာ သွားလာခဲ့ပြီး NLD လုပ်ငန်းများကို ဦးဆောင်လျက်ရှိသည်။

Arrawaddy မှ ကူးယူဖော်ပြပါသည်

Monday, June 6, 2011

နိုင်ငံရေးအကျဉ်းသား လွတ်မြောက်ရေး ဆုတောင်းပွဲတွေ ရန်ကုန်မှာ ပြန်စ


နိုင်ငံရေးအကျဉ်းသား အားလုံး ခြွင်းချက်မရှိ ပြန်လွတ်ရေး ဆုတောင်းပွဲတခုကို ရန်ကုန်တိုင်း မရမ်းကုန်းမြို့နယ် ကျိုက်ဝိုင်းဘုရားမှာ ဒီကနေ့မနက် ၁၁ နာရီက ပြုလုပ်ခဲ့ကြပါတယ်။

မြို့နယ်တချို့က အမျိုးသားဒီမိုကရေစီ အဖွဲ့ချုပ် ပါတီဝင်တွေ၊ တက်ကြွလှုပ်ရှားသူတွေ စုစုပေါင်း ၄ဝ ကျော် လောက်က ဆုတောင်းပွဲ ပြုလုပ်ခဲ့ကြတာပါ။ ဒီပွဲကို ထောက်လှမ်းရေးတွေက စောင့်ကြည့်ပြီး ဓာတ်ပုံရိုက် မှတ်တမ်းယူကြတယ်လို့ သိရပါတယ်။

ဆုတောင်းပွဲကို ဦးဆောင်သူတဦး ဖြစ်တဲ့ မြောက်ဒဂုံမြို့နယ်က အမျိုးသားဒီမိုကရေစီ အဖွဲ့ချုပ် အဖွဲ့ဝင် ဒေါ်ခင်ဝင်းခိုင်က RFA ကို အခုလိုပြောပါတယ်။

“နိုင်ငံရေးအကျဉ်းသား ၂ ထောင်ကျော် အမြန်ဆုံး လွတ်မြောက်ပါစေဆိုပြီး တနင်္ဂနွေနေ့တိုင်း ကျမတို့ ဘုရားတွေ အကုန်လုံး လှည့်ပြီး သွားတာ။ ဒီတပတ် သမိုင်း ကျိုက်ဝိုင်းဘုရားမှာ။ လူ ၄၄ ယောက် ဆုတောင်းပွဲ လုပ်ခဲ့ပါတယ်။ ထောက်လှမ်းရေးတွေကလည်း စိတ်ဝင်စားတယ်။ တော်တော်များများပဲ ၃ဝ လောက် ရှိတယ်။ ဝိုင်းပြီးတော့ ဓာတ်ပုံရိုက်တယ်။ ပြီးတော့ တအုပ်ကြီးပဲ သမိုင်းလမ်းဆုံအထိ နောက်က လိုက်လာတယ်”

ဆုတောင်းပွဲမှာ ပါဝင်ခဲ့သူတွေကတော့ ဒဂုံ-တောင်၊ ဒဂုံ-မြောက်၊ မရမ်းကုန်း၊ သံလျင်၊ မြောက်ဥက္ကလာ၊ တွံတေးမြို့နယ်တွေက ဖြစ်တယ်လို့ သိရပါတယ်။ သူတို့အားလုံးဟာ နိုင်ငံရေးအကျဉ်းသား လွတ်မြောက်ရေး လက်မှတ်ထိုးပြီး သမ္မတ ဦးသိန်းစိန်ဆီ ပေးပို့တဲ့ လှုပ်ရှားမှုမှာလည်း ပါဝင်ကြတယ်လို့ သိရပါတယ်။


RFA မှ ကူးယူဖော်ပြပါသည်။

ဆန္ဒပြမယ်ဆိုလို့ မြို့တော်ခန်းမ ရှေ့မှာ လူတွေ စောင့်ကြည့်နေ


နိုင်ငံရေးပါတီတချို့ ဆန္ဒပြမယ်ဆိုတဲ့ သတင်းတွေ ကြောင့် ရန်ကုန် မြို့တော်ခန်းမရှေ့မှာ ဒီကနေ့ နေ့လည်ပိုင်းက လူနှစ်ရာ ဝန်းကျင်လောက် စုရုံးခဲ့ပြီး ရဲနဲ့ လုံထိန်းတွေ၊ အရပ်ဝတ် လုံခြုံရေး ဝန်ထမ်းတွေ ရောက်ရှိလာတယ်လို့ သိရပါတယ်။
ဒီလို လူစုလူဝေး ဖြစ်နေချိန်မှာ အရပ်ဝတ် လုံခြုံရေးအရာရှိတဦးက အရင် စစ်အစိုးရ ထုတ်ပြန်ထားတဲ့ ‘ငါးယောက်ထက် လူ ပိုမစုရ’ ဆိုတဲ့အမိန့်ကို သိသလားလို့ ခြိမ်းခြောက် မေးမြန်းတဲ့အတွက် စောင့်ကြည့်နေသူ တချို့နဲ့ စကား အချေအတင် ဖြစ်ခဲ့ကြတယ်လို့ သိရပါတယ်။

NLD အဖွဲ့ဝင်တဦး ဖြစ်တဲ့ ဒေါ်ခင်ဝင်းခိုင်က အခုလို ပြောပါတယ်။

“မြို့တော်ခန်းမမှာ လူနှစ်ရာကျော်လောက်၊ ဘုရားကျောင်းရှေ့မှာ ဒီဘက်က ပန်းခြံထောင့်မှာ လေးငါးဆယ်ယောက် အဲဒီလို လူတွေက စုနေတာ။ ဒီနေရာတွေက တနင်္ဂနွေနေ့ဆိုရင် လူရှင်းတယ်။ အခုကျတော့ လူအများကြီး ရောက်နေတယ်။ လုံခြုံရေးတွေလည်း အများကြီးပဲ။ တအောင့်လောက်နေတော့ ရဲမှူးလား ဘာလားမသိဘူး သူက လာပြီးတော့ ဒီမှာ ဘာလာလုပ်တာလဲတဲ့။ ခင်ဗျားတို့ မာရှယ်လော မသိဘူးလား တဲ့။ ကျမတို့ဘက်က လူတွေကလည်း ပြန်ပြောတယ်၊ အရပ်သားအစိုးရ ဖြစ်တဲ့အတွက် ဒီ ပုဒ်မတွေ မာရှယ်လောတွေ ရှိသေးလို့လား ဆိုတော့ သူတို့က ‘မဟုတ်ပါဘူး၊ မရှိပါဘူး’ တဲ့။ မရှိရင် ကျမတို့ကို လာမပြောနဲ့ဆိုပြီး ကျမတို့နဲ့ စကားများပြီး ကျမတို့လည်း တအောင့်လောက်နေတော့ ကိုယ့်လမ်းကိုယ် ပြန်လာကြတယ်”

နိုင်ငံရေးပါတီ တချို့က ပြီးခဲ့တဲ့ မေလ ၂၆ ရက်နေ့စွဲနဲ့ ဦးသိန်းစိန် အစိုးရဆီမှာ ဆန္ဒပြခွင့် တင်ပြ တောင်းခံထားကြပါတယ်။ ဒီအတွက် ဆန္ဒပြပွဲ ဖြစ်မဖြစ် အကဲခတ်ကြသူတွေ စုရုံး ရောက်ရှိနေကြတာလို့ သိရပါတယ်။

အဲဒီ ဆန္ဒပြခွင့် တင်ပြချက်ကို အာဏာပိုင်တွေက ခွင့်မပြုဘဲ ဇွန်လ ၂ ရက်နေ့က ငြင်းဆန်ထားပြီးပြီလို့လည်း သိရပါတယ်။


RFA မှ ကူးယူဖော်ပြပါသည်။

Sunday, June 5, 2011

ဒေါ်အောင်ဆန်းစုကြည်မွေးနေ့တွင် သွေးလှူဒါန်းနိုင်ရန် လူငယ်များ ကြိုးပမ်းနေ




မြန်မာပြည်တွင်းက လူငယ်တစုဟာ ၂၀၁၁ ဇွန်လ ၁၉ ရက်နေ့တွင် ကျရောက်တဲ့ ဒေါ်အောင်ဆန်းစုကြည်ရဲ့ အသက် ၆၆ နှစ်မြောက် မွေးနေ့ကို ဂုဏ်ပြုတဲ့အနေနဲ့ ဇွန်လ ၁၄ ရက်နေ့မှ စတင်ကာ သွေးလှူဒါန်းတဲ့ လှုပ်ရှားမှုကို ပြုလုပ်မှာ ဖြစ်ကြောင်း၊ ထို အဖွဲ့ကို BG အဖွဲ့လို့ အမည်ပေးထားပြီး သွေးလှူဒါန်းလိုသူများအနေနဲ့ ရန်ကုန်မြို့က ကိုညီညီ (၀၉၄၉ ၃၂၈ ၀၅၅)၊ဒေါ်သီတာ (၁ ၃၉၆ ၄၇၆)၊ ကိုလင်းထက် (၀၉၇၃ ၁၂၅ ၈၈၅)၊ ကိုကောင်းထက်ကျော် (၀၉၉ ၉၂၇ ၀၈၂) တို့ထံ ပူးတွဲပါ တယ်လီဖုန်းအမှတ်များမှတဆင့် ဆက်သွယ်နိုင်ကြောင်း သိရပါတယ်။

(အခု ဖော်ပြထားတဲ့ ဓါတ်ပုံများဟာ မေ ၃၀ ရက် ဒီပဲယင်း လုပ်ကြံမှု နှစ်ပတ်လည် အထိမ်းအမှတ်အဖြစ် BG အဖွဲ့ သွေးလှူဒါန်းစဉ်က ဓါတ်ပုံများ ဖြစ်ပါတယ်။)

burmatoday မှ ကူးယူဖော်ပြပါသည်။

အခိုင်အမာ ခြေလှမ်းများ လှမ်းရန် ဂျွန်မက်ကိန်း တိုက်တွန်း


(အမေရိကန် ဆီးနိတ်အမတ် မစ္စတာဂျွန်မတ်ကိန်းသည် ရန်ကုန်တိုင်း ဒဂုံမြို့နယ်ရှိ အမေရိကန်စင်တာ၌ သောကြာနေ့ ဇွန်လ(၃)ရက်၂၀၁၁ခုနှစ်၊ မနက်တွင် သတင်းစာရှင်းလင်းပွဲပြုလုပ်နေစဉ်။ဓါတ်ပုံ-မဇ္ဈိမ)
`စကားအလှများ´ ပြောနေရုံသက်သက်သာ မဟုတ်ဘဲ `အခိုင်အမာ ခြေလှမ်းများ´ လှမ်းပါရန် အမေရိကန် အထက်လွှတ်တော်အမတ် ဂျွန်မက်ကိန်းက သူ၏ ၃ ရက်ကြာ မြန်မာခရီးစဉ်အပြီး သောကြာနေ့တွင် မြန်မာအစိုးရကို တိုက်တွန်းပြောကြားခဲ့သည်။

အဆိုပါ ၃ ရက်ကြာ ခရီးစဉ်အတွင်း ဂျွန်မက်ကိန်းသည် ဒုသမ္မတ သီဟသူရ ဦးတင်အောင်မြင့်ဦး အပါအ၀င် အခြား အရေးပါသော အစိုးရခေါင်းဆောင်များ၊ နိုဘယ်ဆုရှင် ဒေါ်အောင်ဆန်းစုကြည် အပါအ၀င် အမျိုးသားဒီမိုကရေစီအဖွဲ့ချုပ် NLD ပါတီဝင်များနှင့် တွေ့ဆုံခဲ့ပြီး NLD က ရန်ကုန်တွင် ဖွင့်လှစ်ထားသော HIV/AIDS `ကယ်ဆယ်ရေးဂေဟာ´ သို့လည်း သွားရောက်ကြည့်ရှုခဲ့သည်။

`အစိုးရသစ်သည် အမေရိကန်နိုင်ငံနှင့် ဆက်ဆံရေးကောင်းမွန်ရန် စိတ်ဆန္ဒရှိနေကြောင်း´ ထင်ရှားသည်ဟု လွန်ခဲ့သော ၁၅ နှစ်လုံးလုံး ဗီဇာငြင်းပယ်ခံခဲ့ရသည့် မစ္စတာမက်ကိန်းက တွေ့ဆုံဆွေးနွေးပွဲများအပြီး ပြောကြားခဲ့သည်။

မြန်မာနိုင်ငံကို နောက်တခေါက် လာရောက်ရသည့်အတွက် `အလွန်ဝမ်းမြောက်ကြောင်း´ အနာဂတ် အမေရိကန်-မြန်မာ ဆက်ဆံရေးအတွက်လည်း အကောင်းမြင် မျှော်လင့်ချက်ထားရှိပါကြောင်း သူက ပြောကြားသည်။

အမေရိကန်အနေနှင့် မည်သည့်နိုင်ငံနှင့်မျှ ဆက်ဆံရေး ဆိုးရွားစေလိုသည့် ဆန္ဒမရှိကြောင်း နှစ်နိုင်ငံကြား အလွန်ပင် ဆက်ဆံရေး ဆိုးရွားခဲ့သည့် အိမ်နီးချင်း ဗီယက်နမ်နှင့် သံတမန်ရေးဆက်ဆံမှု တိုးတက်လာမှုကို ဥပမာပေးကာ သူက အလေးပေး ပြောကြားသွားခဲ့သည်။

`အခု အစိုးရသစ်ဟာ အတိတ်နဲ့နှိုင်းစာရင် အပြောင်းအလဲ တစုံတရာရှိခဲ့တာကို ကျနော် အသိအမှတ်ပြုပါတယ်။ သို့သော် ကျနော် မနေ့က အစိုးရအရှာရှိတွေနဲ့ တွေ့ဆုံတုန်း ပြောခဲ့သလိုပါဘဲ ဆက်ဆံရေး တိုးတက်လာဖို့ဆိုတာ စကားအလှတွေ ပြောနေရုံနဲ့ မရဘူး၊ အခိုင်အမာ လုပ်ဆောင်ပြဖို့ လိုတယ်´ ဟု အမေရိကန်သံရုံးသို့ လာရောက်သော အကဲခတ်များကို သူက ပြောကြားခဲ့သည်။

`ထိတွေ့ဆက်ဆံရေးမူဝါဒအရ ကြိုးပန်းမှုတွေဟာ ရလဒ်ပြနိုင်ရမယ်၊ အချိန်အကန့် အသတ်ရှိရမယ်´ ဟုလည်း အလျင်အမြန် အပြောင်းအလဲများ ပြုလုပ်ရန် သူက တိုက်တွန်းပြောကြားသွားသည်။

အမေရိကန်အစိုးရ၏ မြန်မာနိုင်ငံအပေါ် ထားရှိသော ထိတွေ့ဆက်ဆံရေးမူဝါဒသည် အရေးပါသော ခြေလှမ်းများ လှမ်းနိုင်မှုအပေါ်တွင် မူတည်နေပြီး၊ ဤသို့လှမ်းနိုင်မှသာ မြန်မာအစိုးရသည် ဒီမိုကရေစီရေး အပြောင်းအလဲများ ပြုလုပ်ရန် အမှန်တကယ် ပိုင်းဖြတ်လုပ်ဆောင်နေခြင်းဖြစ်ကြောင်း သက်သေပြနိုင်မည်ဖြစ်ကာ အမေရိကန်ဘက်ကလည်း အပြန်အလှန် အပြောင်းအလဲများ ပြုလုပ်လိုသည့် ဆန္ဒပေါ်လာစေမည်ဖြစ်ကြောင်း သူက ပြောသည်။

နိုင်ငံရေးအကျဉ်းသားများကို ခြွင်းချက်မရှိ လွှတ်ပေးရေးသည်လည်း မြန်မာနိုင်ငံတွင် စစ်မှန်သော ဒီမိုကရေစီ အပြောင်းအလဲများ ပေါ်ပေါက်ရေးအတွက် အရေးပါသော လိုအပ်ချက်ဟု သူက သာဓကအဖြစ် ပြောခဲ့သည်။

အပြုသဘောဆောင်သော ထိတွေ့ဆက်ဆံမှုမူဝါဒတွင် လက်ရှိ ပိုနေမြဲကျားနေမြဲ အခြေအနေမှ ပြောင်းလဲရန် လိုအပ်ပြီး ထိုသို့အပြောင်းအလဲများ အထင်အရှား ပေါ်ပေါက်လာခြင်းမရှိပါက ပိတ်ဆို့အရေးယူမှုသည်လည်း ဆက်လက်ရှိနေဦးမည်ဟု သူက ပြောသည်။ `ဒီမိုကရေစီရေး အပြောင်းအလဲအတွက် နက်နက်ရှိုင်းရှိုင်း စိတ်ဆန္ဒရှိနေတယ်ဆိုတာကို သက်သေပြနိုင်တဲ့ အခိုင်အမာခြေလှမ်းတွေကို ဒီအစိုးရအနေနဲ့ မလုပ်ဆောင်နိုင်ရင် ပိတ်ဆို့အရေးယူမှုတွေကို ဖြေလျှော့ပေးနိုင်မယ့် အလားအလာလည်း ရှိမှာမဟုတ်ပါဘူး´ ဟု သူက ဆိုသည်။

ရှိရင်းစွဲ ပိတ်ဆို့အရေးယူမှုများကို ပိုမိုထိရောက်စေရေးအတွက် တိုးတက်ကောင်းမွန်အောင် လုပ်ဖို့လိုသေးသည်ဟုလည်း သူက ပြောသည်။ `တကယ်တော့ ကျနော်တို့ လုပ်ရမှာ လက်ရှိ ရှိနေတဲ့ ပိတ်ဆို့အရေးယူမှုတွေကို အကောင်အထည်ဖော်ရာမှာ ပိုမိုထိရောက်တဲ့ နည်းလမ်းတွေကို ရှာဖို့ပဲ´ ဟုလည်း သူက ပြောသည်။

အမျိုးသား ရင်ကြားစေ့ရေး ဒီမိုကရေစီလုပ်ငန်းစဉ်ဖြင့် တိုင်းပြည်ကို တစည်းတလုံးတည်း ဖြစ်အောင်လုပ်ရာတွင် ငြိမ်းချမ်းစွာ တွေ့ဆုံဆွေးနွေးမှု ပြုလုပ်ရန်လည်း မစ္စတာမက်ကိန်းက တောင်းဆိုလိုက်သည်။ ကုလသမဂ္ဂ လူ့အခွင့်အရေး ကောင်စီ၏ ကြေညာချက်ဖြစ်သည့် `မည်သည့် ရင်ကြားစေ့ရေး လုပ်ငန်းစဉ်တွင်မဆို ဒေါ်အောင်ဆန်းစုကြည်၊ တိုင်းရင်းသား လူနည်းစုများ၊ အခြားအတိုက်အခံခေါင်းဆောင်များ၊ NLD တို့ ပါဝင်ရမည်´ ကို သူသဘောတူညီကြောင်းနှင့် NLD သည် ယခင်က တရားဝင် ပါတီအဖြစ် အသိအမှတ်ပြုခံခဲ့ရသည့် ပါတီဖြစ်ပြီး ယခုလည်း တရားဝင်နိုင်ငံရေးပါတီ တရပ်အဖြစ် နောက်ထပ် ပြန်လည်အသိအမှတ်ပြုသင့်ကြောင်းလည်း သူက ပြောသည်။

အနုမြူမပြန့်ပွားရေးဆိုင်ရာ ကုလသမဂ္ဂ လုံခြုံရေးကောင်စီ ဆုံးဖြတ်ချက်များကို လိုက်နာရန်လည်း သူက မြန်မာအစိုးရကို တောင်းဆိုသွားသည်။ မြန်မာနိုင်ငံ၏ နျူကလီးယား အစီအစဉ်ကို ရပ်တန့်ထားပြီးဖြစ်ကြောင်း အဆိုပါခရီးစဉ်အတွင်း ဒုသမ္မတ သီဟသူရ ဦတင်အောင်မြင့်ဦးက သူ့ကို ပြောဆိုခဲ့သည်ဟု ဆိုသည်။ အစိုးရထုတ်သတင်းစာ မြန်မာ့အလင်းတွင် ဖော်ပြထားချက်အရ `မြန်မာနိုင်ငံအနေဖြင့် အနုမြူလက်နက်များ ထုတ်လုပ်ရန် အခြေအနေမရှိပါကြောင်း၊ ထိုသို့ထုတ်လုပ်နိုင်ရန် စီးပွားရေးအင်အားလည်း တောင့်တင်းခြင်း မရှိပါကြောင်း´ ဒုသမ္မတက သူ့ကို ပြောကြားခဲ့သည်။

`မြောက်ကိုရီးယားအစိုးရနှင့် စစ်ရေးပူးပေါင်းဆောင်ရွက်မှု မှန်သမျှကို ရပ်ဆိုင်းရန်နှင့် နိုင်ငံတကာ ဥပဒေအရ တာဝန်ရှိမှုများကိုလည်း လေးစားလိုက်နာပါရန်´ သူက မြန်မာအစိုးရကို တောင်းဆိုပြောကြားခဲ့သည်။

ရန်ကုန်မြို့ပြင်ပသို့ ထွက်ရန် ရည်ရွယ်ထားသည့် ဒေါ်အောင်ဆန်းစုကြည်၏ ခရီးစဉ်သည် မြန်မာအစိုးရအတွက် အပြောင်းအလဲများကို အမှန်တကယ် လိုလားကြောင်း ပြသရန် အခွင့်အရေးတရပ်ဟုလည်း သူက ပြောဆိုခဲ့သည်။ ယခင်က ဖြစ်ပွားခဲ့သော NLD ပါတီဝင်များ၏ နိုင်ငံရေး လူထုအစည်းအဝေးကြီးများကို အကြမ်းဖက် တိုက်ခိုက်ခဲ့ခြင်းများကို ရည်ညွှန်း၍ သူက `ယခင်ကကဲ့သို့သော အဖြစ်အပျက်များ ယခုတခါ မဖြစ်ပေါ်စေရေးအတွက် အစိုးရသစ်၏ ဆောင်ရွက်နိုင်စွမ်းနှင့် လိုလိုလားလား ရှိမှုသည် သူတို့၏ အပြောင်းအလဲအပေါ် တကယ်စိတ်ဆန္ဒရှိမှုကို စမ်းသပ်မည့် အရေးကြီးသော စမ်းသပ်ချက်တရပ်ဖြစ်ကြောင်း၊ ဒေါ်အောင်ဆန်းစုကြည်ကို အကာအကွယ်ပေးရေးသည် ထင်ရှားသော နိုင်ငံသားတဦးကို ပေးအပ်သည့် အထူးအခွင့်အရေးမျှသာ မဟုတ်ဘဲ လူသားဂုဏ်သိက္ခာအတွက် တောင်းဆိုမှုတရပ်လည်းဖြစ်ကာ နိုင်ငံသားတိုင်း ရထိုက်သော အခွင့်အရေးတရပ်လည်းဖြစ်သည်ဟု ပြောဆိုသည်။

နအဖ ၏ လူမှုရေးအသင်းဟုဆိုကာ ယခုအခါ အစိုးရရာထူးကြီးမျာကို ရယူထားသည့် ယခင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအဖွဲ့၏ အဖွဲ့ဝင်များနှင့် စစ်အစိုးရ ဗိုလ်ချုပ်ကြီးများသည် NLD ပါတီဝင်များ၏ ယာဉ်တန်းကို ၂၀၀၃ ခုနှစ်တွင် ဒီပဲယင်း၌ တိုက်ခိုက်ခဲ့ရာတွင် စီစဉ်ကြံစည်ခဲ့ကြသည်ဟု စွပ်စွဲပြောဆိုမှုများ ရှိသည်။ ယင်းဒီမိုကရေစီစနစ် ဆန့်ကျင်သည့် လုပ်ရပ်၌ NLD ပါတီဝင် အနည်းဆုံး ၇၀ ကို ကြံ့ခိုင်ဖွံ့ဖြိုးရေး အဖွဲ့ဝင်များက သတ်ဖြတ်ခဲ့သည်ဟုလည်း ဆိုကြသည်။

မြန်မာနိုင်ငံတွင်း လူ့အခွင့်အရေး ချိုးဖောက်မှုများနှင့် လူသားဖြစ်မှုအပေါ် ကျူးလွန်သည့် ရာဇ၀တ်မှုများကို စုံစမ်းစစ်ဆေးနိုင်ရန်အတွက် ကုလသမဂ္ဂ စုံစမ်းစစ်ဆေးရေး ကော်မရှင်တရပ် ဖွဲ့စည်းစစ်ဆေးရေး ဆက်လက် လုပ်ဆောင်ရန်လည်း မစ္စတာမက်ကိန်းက ကမ္ဘာ့နိုင်ငံများကို တောင်းဆိုပြောကြားသွားသည်။ သို့သော် ထိုသို့ စုံစမ်းရေးကော်မရှင် ဖွဲ့စည်းစစ်ဆေးရေးကို ထောက်ခံပြောကြားခြင်းသည် `လက်စားချေရန်နှင့် အပြစ်ပေးဒဏ်ခတ်ရန်´ တောင်းဆိုခြင်း မဟုတ်ကြောင်းလည်း သူက အလေးပေးပြောဆိုခဲ့သည်။ `အရာရာကို တာဝန်ခံမှုရှိစေရန်နှင့် မြန်မာပြည်သူလူထုအတွက် တရားမျှတမှု ပေါ်ပေါက်ရေးအတွက်သာဖြစ်ကြောင်း´ သူက ပြောဆိုခဲ့သည်။

သူက အာရပ်ကမ္ဘာတွင် ဖြစ်ပေါ်လျက်ရှိသော နွေဦးရာသီ တော်လှန်ရေးများကို ရည်ညွှန်းကာ `ယခုအခါ အပြောင်းအလဲများ ဖြစ်ပေါ်တော့မည့် လက္ခဏာများကို တွေ့မြင်နေကြရပြီဖြစ်သည်။ ထိုအပြောင်းအလဲများသည် အာရပ်ကမ္ဘာတွင်သာ ရပ်တန့်နေမည် မဟုတ်ပါ။ တရွေ့ရွေ့ပြောင်းလဲသော ပြုပြင်ပြောင်းလဲရေး လုပ်ငန်းများကို အစိုးရများက ရှောင်ဖယ်နေမည်ဆိုလျှင် တော်လှန်ရေးနည်းဖြင့် ဖြစ်ပေါ်မည့် အပြောင်းအလဲများကို သူတို့ ရင်ဆိုင်ကြရမည်။ ထိုသို့ရွေးချယ်ခွင့်ကို ရွှေ့ဆိုင်းထား၍မူ ရနိုင်ကောင်း ရနိုင်ပါသည်၊ အချိန်ဆွဲထား၍ ရကောင်းရနိုင်ပါသည်၊ သို့သော် ငြင်းပယ်၍မူ ရမည်မဟုတ်ပါ´ ဟု သတိပေးပြောကြားသွားခဲ့သည်။

မြို့တော်သစ် နေပြည်တော်ကို အမေရိကန်ဒေါ်လာ ၃၀ ဘီလျံ အကုန်ခံ၍ တည်ဆောက်ခဲ့သော လက်ရှိအစိုးရကို ဖွံ့ဖြိုးမှုအတွက် တကယ်လိုအပ်နေသည့် အရာများကိုလည်း ပိုမိုအာရုံစိုက် လုပ်ဆောင်ပါရန်လည်း သူက တိုက်တွန်းပြောကြားသွားသည်။ `ပြည်သူလူထုအတွက် အကောင်းဆုံး ဖြည့်ဆည်းဆောင်ရွက်ပေးနိုင်မည့် အရာများကို မျက်ခြည်မပြတ်ရန်လည်း လိုပါသည်။ တိုင်းပြည်တွင်းရှိ အရေးတကြီး စိန်ခေါ်နေသည့် ပြဿနာများဖြစ်သော ကျန်းမာရေး၊ ဆင်းရဲမွဲတေမှု၊ ပညာရေး၊ အုပ်ချုပ်မှု စသည်တို့ကိုလည်း အစိုးရသစ်က အလားတူ ကိုင်တွယ်ဆောင်ရွက်သင့်ပါကြောင်း၊ နေပြည်တော် တည်ဆောက်စဉ်က အသုံးပြုခဲ့သော ဇွဲနှင့် အရင်းအမြစ်များ အတိုင်းပင် အသုံးပြု ဆောင်ရွက်သင့်ပါသည်´ ဟု သူက ပြောသည်။

`အစိုးရသစ်က တကယ့်ဒီမိုကရေစီ ပြုပြင်ပြောင်းလဲရေး လုပ်ငန်းများနှင့် စီးပွားရေး ဖွံ့ဖြိုးတိုးတက်မှုကို စစ်စစ်မှန်မှန် လုပ်ဆောင်လိုစိတ် ရှိသည်ဆိုပါက သူတို့သည် အမေရိကန် ပြည်ထောင်စုဘက်မှ အလားတူ လိုလိုလားလား ဆောင်ရွက်မည့်သူကို တွေ့နိုင်မှာ ဖြစ်ပါသည်´ ဟုလည်း သူက ပြောသည်။

mizzima မှ ကူးယူဖော်ပြပါသည်။