-
နိုင်ငံရေးက ကိုယ်နဲ့မဆိုင်ဘူးလို့ မပြောပါနဲ့၊ နိုင်ငံရေးက ကိုယ်အပေါ်တိုက်ရိုက်သက်ရောက်လာပါလိမ့်မယ်--ဘယ်လိုလုပ်မလဲဆိုရင် ပြည်သူ့အားနဲ့လုပ်မယ် --ကျမတို့ကို ပြည်သူက ယုံကြည်ရင် ၊ ထောက်ခံရင် ၊ လက်တွဲရင် ကျမအားရှိပါတယ် --

Tuesday, May 31, 2011

ဒေါ်အောင်ဆန်းစုကြည်က ပညာရေးနဲ့ လူ့ ဂုဏ်သိက္ခာ ဆက်စပ် ပြောဆို

2011-05-31
မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် တနင်္လာနေ့ က ဟောင်ကောင် တက္ကသိုလ် ကျောင်းသူ ကျောင်းသားတွေနဲ့  ဂြိုလ်တုက တဆင့် ဆက်သွယ် ပြောဆို ဆွေးနွေးခဲ့ကြ ပါတယ်။



http://www0.hku.hk/socsc/assk/

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ဟောင်ကောင် တက္ကသိုလ် ကျောင်းသူ ကျောင်းသားတွေနဲ့  ဂြိုလ်တုက တဆင့် မေလ (၃၀) ရက်နေ့က ဆက်သွယ် ပြောဆို ဆွေးနွေးခဲ့ကြ ပါတယ်။ Photo - http://www0.hku.hk/socsc/assk/

ဟောင်ကောင် တက္ကသိုလ်က တာဝန်ရှိ ပုဂ္ဂိုလ်တွေ၊ ဆရာ ဆရာမတွေနဲ့  ကျောင်းသားတွေက ဒေါ်အောင်ဆန်းစုကြည်ကို မြန်မာနိုင်ငံရဲ့ လက်ရှိ အခြေအနေတွေနဲ့ နိုင်ငံရေး အကျဉ်းသား အကြောင်းတွေ မေးမြန်းခဲ့ပြီး ဒေါ်အောင်ဆန်းစုကြည်က ပြန်လည် ဖြေကြားခဲ့ ပါတယ်။ ဒါ့အပြင် ဒေါ်အောင်ဆန်းစုကြည်က ဟောင်ကောင် တက္ကသိုလ်ကို ဗွီဒီယို မိန့် ခွန်းတခုလည်း ပေးပို့ ခဲ့ပါတယ်။

အဲဒီ မိန့်ခွန်းမှာ ဒေါ်အောင်ဆန်းစုကြည်က လူတွေကို လူကောင်း နဲ့ လူဆိုး ဒါမှမဟုတ် သုခမိန် နဲ့ လူ့ဗာလရယ်လို့  ခွဲခြားတာထက် လေ့လာ ဆည်းပူးသူနဲ့  လေ့လာ သင်ယူခြင်း ကင်းမဲ့သူရယ်လို့  ခွဲခြားတာက ပိုပြီး အဓိပ္ပါယ် ရှိတယ်လို့  ရှုမြင်ကြောင်း အစချီကာ ဟောင်ကောင် တက္ကသိုလ်ရဲ့ အောင်မြင်မှုတွေကို ချီးမွမ်း ပြောဆိုခဲ့ပါတယ်။

တဆက်တည်းမှာဘဲ မြန်မာနိုင်ငံက တက္ကသိုလ် ကောလိပ်တွေရဲ့ တချိန်က နာမည် ကျော်ကြား ကောင်းမွန်ခဲ့ပုံတွေနဲ့  လက်ရှိ ယိုယွင်းနေတဲ့ ပညာရေး စနစ်၊ တက္ကသိုလ် ကျောင်းသားတွေ က မြန်မာ့ နိုင်ငံရေးမှာ ခေတ်အဆက်ဆက် ပါဝင်ခဲ့ပုံတွေ ၊ လက်ရှိ နှစ်ရှည် ထောင်ဒဏ် ချမှတ်ခံရပုံတွေကို ဖော်ပြထားပြီး မိန့် ခွန်း နောက်ပိုင်းမှာတော့ ပညာရေး စနစ်တခု ဆိုတာဟာ လူ့ ဂုဏ်သိက္ခာနဲ့ လူ့ လောကရဲ့ တိုးတက်မှုကို တန်ဖိုးထား သင်ကြားပေးတဲ့ စနစ်တခုသာ ဖြစ်သင့်ပြီး တရား မျှတမှုနဲ့ လွတ်လပ်ခွင့်တွေဟာ လူသားတွေရဲ့ မွေးရာပါ အခွင့်အရေးတွေ ဖြစ်တယ်ဆိုတာကို နားလည်နိုင်စွမ်း မရှိတဲ့ သြဇာခံ သက်သက် လူတန်းစားကို မွေးထုတ်ပေးတဲ့ ယန္တရား တစ်ခု မဖြစ်သင့်ဘူးလို့  ပြောဆိုလိုက် ပါတယ်။

မြန်မာနိုင်ငံမှာ တနေ့ တော့ စစ်မှန်တဲ့  ပညာရေး စနစ်တခု ပေါ်ပေါက်လာပြီး အသိဥာဏ်နဲ့ ဆင်ခြင်တုံ တရားတွေ ဝေဆာ ဖူးပွင့်လာလိမ့်မယ်လို့  ယုံကြည်ကြောင်းဖြင့် ဒေါ်အောင်ဆန်းစုကြည်က သူမရဲ့မိန့် ခွန်းကို နိဂုံးချုပ်ထားပါတယ်။

Copyright © 1998-2011 Radio Free Asia. All rights reserved.

NLD လူငယ် ထောင်တွင်း ဆန္ဒပြမည်

အထွေထွေ လွတ်ငြိမ်းချမ်းသာခွင့်ပေးရေး အပါအဝင် တောင်းဆိုချက် ၃ ချက်ဖြင့် မေ ၃ဝ ရက်မှစ၍ အစာငတ်ခံ ဆန္ဒပြသွားမည်ဟု စစ်ကိုင်းတိုင်း ခန္တီးထောင်တွင် အကျဉ်းကျနေသည့် ဘိုကလေးမြို့နယ် NLD လူငယ် ကိုနေဝင်းစိုးက ပြောဆိုကြောင်း မကြာသေးခင်က ယင်းထောင်မှ ပြန်လွတ်လာသည့် ပါတီတူလူငယ် ကိုစိုင်းမင်းသိန်းက ပြောသည်။

တောင်းဆိုချက် ၃ ချက်မှာ အထွေထွေ လွတ်ငြိမ်းချမ်းသာခွင့်ပေးရေး၊ အမျိုးသားပြန်လည်ရင်ကြားစေ့ရန်
ဖော်ဆောင်ရေး၊ တိုင်းရင်းသား လက်နက်ကိုင်များအပေါ် တန်းတူညီတူ နွေးဆွေးညှိနှိုင်းရေးတို့ ဖြစ်သည်။

ပြန်ပြောပြသူ ၃ဝ နှစ်အရွယ် ကိုစိုင်းမင်းသိန်းသည် တိုက်ကြီးမြို့နယ် NLD လူငယ်တဦးဖြစ်ကာ လောင်စာဆီ ကျဆင်းရေးအတွက် ၂ဝဝ၇ ခုနှစ်ထဲတွင် ရန်ကုန်၌ လမ်းလျှောက်ဆန္ဒပြသဖြင့် နိုင်ငံတော် အကြည်ညိုပျက်စေမှု ပုဒ်မ ၅ဝ၅ (ခ) အပါအဝင် အခြားပုဒ်မများဖြင့် ထောင်ဒဏ် ၄ နှစ်ခွဲကျခံရမှ မကြာသေးခင်က သမ္မတဦးသိန်းစိန်၏
လျှော့ပေါ့ပြစ်ဒဏ်ဖြင့် ပြန်လွတ်လာခဲ့သည်။

“ဒီနေ့ ဒီပဲယင်းနေ့မှ စပြီးတော့ အစာငတ်ခံ ဆန္ဒပြမယ်လို့ ကျနော့်ကို ကြိုပြီး ပြောပြလိုက်တာခင်ဗျ။ ပထမတချက်က စစ်မှန်တဲ့ အထွေထွေ လွတ်ငြိမ်းချမ်းသာခွင့် ပေးရေး၊ ဒုတိယအချက်က အမျိုးသား ပြန်လည်ရင့်ကြားစေမှု
ဖော်ဆောင်ရေး၊ တတိယအချက်က ပြည်တွင်းငြိမ်းချမ်းမှု ဖော်ဆောင်ရေးအတွက် တိုင်းရင်းသား လက်နက်ကိုင် အဖွဲ့အစည်းတွေနဲ့ လက်နက်ချခြင်း၊ အလင်းဝင်ခြင်းမျိုး မဟုတ်ဘဲနဲ့ တန်းတူ ညီတူဆက်စပ် ညှိနှိုင်းဖော်ဆောင်ရေး ဆိုတဲ့အချက် ၃ ချက်အတွက် တောင်းဆိုထားတယ်ခင်ဗျ” ဟု ကိုစိုင်းမင်းသိန်းက မဇ္စျိမကို ပြောသည်။

နိုင်ငံတကာ ကြက်ခြေနီအဖွဲ့၊ ကုကသကဂ္ဂနှင့် လူ့အခွင့်အရေး အဖွဲ့အစည်းများကို ခန္တီးထောင်သို့ လာရောက်ရန် အကျဉ်းကျခံ အသက် ၂၇ နှစ်အရွယ် ကိုနေဝင်းစိုးက ဖိတ်ခေါ်ကြောင်းပါ သူက ပြောပြသည်။

ခန္တီးထောင်တွင် နိုင်ငံရေးအကျဉ်းသား ၁၆ ဦး ရှိရာ ၄ ဦးမှာ ကျန်းမာရေးအရ အရေးပေါ် ခွဲစိတ်ကုသမှု လိုအပ်နေပြီး၊
လောင်စာဆီဈေးနှုန်း ကျဆင်းရေး ဆန္ဒပြမှုတွင် ဦးဆောင်ခဲ့သူ ရန်ကုန်အခြေစိုက် MDC ခေါ် မြန်မာနိုင်ငံ ဖွံ့ဖြိုးတိုးတက်ရေး လိုလားသူများအဖွဲ့ဝင် ကိုထင်ကျော်ကို လိပ်ခေါင်းရောဂါ ခံစားနေရသည်။

ခန္တီးထောင်တွင် ဦးပါကာလ (ခ) ဇော်မျိုးနိုင်၊ ကိုသန့်ဇော်မြင့်၊ ကိုမျိုးမြင့်ဝေ၊ ကိုဝင်းမြင့်မောင် ခေါ် ပဲပြုတ်၊ ဦးမောင်မောင်စိန်၊ ကိုနေဝင်းစိုး၊ ကိုထင်ကျော်၊ ကိုတင်ထူးအောင်၊ ကိုထင်အောင်၊ ကိုကျော်မိုးဦး၊ ကိုခင်မောင်ချို ခေါ် ကိုဖိုးတုတ်၊ ဦးငြိမ်းမောင်၊ ဦးညီပု(မုံရွာ)၊ သားဖြစ်သူ ကိုကျော်ကြီး၊ လူ့အခွင့်အရေး လှုပ်ရှားသူ မစုစုနွေးနှင့် မထားထားသက် စသဖြင့် နိုင်ငံရေးအကျဉ်းသား ၁၆ ဦး ရှိနေသေးသည်။

မစုစုနွေးသည် မကြာခဏ ဆိုသလို နှလုံးရောဂါ ဝေဒနာခံစားနေရသဖြင့် မိသားစုနှင့် နီးစပ်သည့် အကျဉ်းထောင်သို့
ပြောင်းရွှေ့စေလိုကြောင်း ကိုစိုင်းမင်းသိန်းက ပြောသည်။

ခန္တီးထောင်သည် မြို့နှင့် ၃ မိုင်ခန့်အကွာတွင်ရှိပြီး မိုးရာသီတွင် ကုန်းလမ်းခရီးနှင့် သွားလာရ ခက်ခဲသောကြောင့်
ရေလမ်းကြောင်းမှ စက်လှေဖြင့် သွားလာရကာ အရေးပေါ် ဆေးကုသမှု လိုအပ်လာပါက အချိန်မီ မကုသနိုင်သဖြင့် သေဆုံးသွားသည့် သာမန်အကျဉ်းသားများလည်း ရှိသည်ဟု ဆိုသည်။


mizzima မှ ကူးယူဖော်ပြပါသည်။

နိုင်ငံရေး အကျဉ်းသား လွှတ်ပေးရေး ဂျွန်မက်ကိန်း ပြောမည်

မြန်မာပြည်သူတွေရဲ့ အခြေအနေ တိုးတက် ကောင်းမွန်စေရေးအတွက် နိုင်ငံရေး အကျဉ်းသားတွေ လွှတ်ပေးတာ အပါအဝင် တိုးတက်မှုတွေ ရှိအောင်လုပ်ဖို့ မြန်မာအစိုးရ တာဝန်ရှိသူတွေနဲ့ တွေ့ခဲ့ရင် အဓိက တိုက်တွန်းသွားမယ်လို့ အမေရိကန် ဆီးနိတ်လွှတ်တော်အမတ် ဂျွန်မက်ကိန်း (John McCain) က ပြောလိုက်ပါတယ်။ အခု ထိုင်းနိုင်ငံမှာ ရောက်ရှိနေတဲ့ မစ္စတာ မက်ကိန်းက တနင်္လာနေ့တုန်းက ထိုင်းဝန်ကြီးချုပ် အဘီဆစ် ၀ိတ်ချာချီဝ (Abhisit Vejjajiva) နဲ့ တွေ့ဆုံအပြီးမှာ အခုလို ပြောလိုက်တာ ဖြစ်ပါတယ်။ နိုင်ငံရေး အကျဉ်းသားတွေ ပြန်လွှတ်ပေးရေးဟာ အရေးအကြီးဆုံး ကိစ္စရပ်တခု ဖြစ်တယ်လို့ အမေရိကန်မှာ နိုင်ငံရေး အစဉ်အလာ ကြီးမားတဲ့ အထက်လွှတ်တော်အမတ် မက်ကိန်းက ပြောကြားခဲ့တာပါ။ အပြည့်အစုံကို မစုမြတ်မွန်က တင်ပြပေးထားပါတယ်။

ဒီသီတင်းပတ်ထဲမှာ မြန်မာနိုင်ငံကို သွားဖို့ စီစဉ်ထားတဲ့ အမေရိကန် အထက်လွှတ်တော်အမတ် ဂျွန်မက်ကိန်းက မြန်မာနိုင်ငံမှာ စစ်မှန်တဲ့ ဒီမိုကရေစီစနစ်ဆီ သွားနေတာကို မြင်လိုတယ်လို့ ပြောခဲ့ပါတယ်။ ထိုင်းနိုင်ငံမှာ ဝန်ကြီးချုပ် အဘီဆစ် ၀ိတ်ချာချီဝနဲ့ တနင်္လာနေ့က တွေ့ဆုံအပြီး သတင်းထောက်တွေကို ပြောကြားရာမှာ မစ္စတာ မက်ကိန်းက နိုင်ငံရေး အကျဉ်းသား ၂,၀၀၀ လောက်ကို ပြန်လွှတ်ပေးဖို့ မြန်မာအစိုးရ တာဝန်ရှိသူတွေနဲ့ တွေ့ဆုံတဲ့အခါမှာ တိုက်တွန်းမယ်လို့ ပြောပါတယ်။

“သူတို့အနေနဲ့ ပိုပြီး နောက်ထပ် တိုးတက်မှုတွေဖြစ်အောင် ကျနော် အဓိက ကြိုးစားပြီး နားချပါမယ်။ နိုင်ငံရေး အကျဉ်းသားတွေကို ပြန်လွှတ်ပေးရေးဟာလည်း သိပ်ကို အရေးကြီးပါတယ်။ ဒါပေမဲ့ မြန်မာပြည်သူတွေရဲ့ဘဝ ပိုမိုတိုးတက် ကောင်းမွန်ဖို့ ဘယ်လိုနည်းလမ်းတွေ ရှိနိုင်မလဲ ဆိုတာကိုလည်း ကျနော် ရှာဖွေမှာ ဖြစ်ပါတယ်။”

အထက်လွှတ်တော်အမတ် ဂျွန်မက်ကိန်းဟာ အမေရိကန် အတိုက်အခံ ရီပတ်ဘလီကန် ပါတီထဲက သြဇာညောင်းတဲ့ ပုဂ္ဂိုလ်တယောက် ဖြစ်သလို အမေရိကန် နိုင်ငံရေး လောကမှာလည်း အစဉ်အလာ ကြီးမားတဲ့ နိုင်ငံရေးသမားတယောက် ဖြစ်ပါတယ်။ သူ မြန်မာနိုင်ငံ ရောက်တဲ့အခါ အစိုးရဘက်က ဘယ်တာဝန်ရှိသူတွေနဲ့ တွေ့ဆုံမှာလဲ ဆိုတာကို အတိအကျ မသိရသေးပေမဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့တော့ တွေ့ဆုံဖို့ စီစဉ်ထားပါတယ်။

NLD အမျိုးသား ဒီမိုကရေစီ အဖွဲ့ချုပ် ဗဟိုအလုပ်အမှုဆောင် ကော်မတီဝင်တွေနဲ့ တွေ့ဆုံဖို့ ရန်ကုန် အမေရိကန်သံရုံးက အကြောင်းကြားထားတယ် ဆိုတာကို NLD က ဗွီအိုအေ မြန်မာပိုင်းကို ပြောပြထားပါတယ်။

မစ္စတာ မက်ကိန်းဟာ သမ္မတ ဦးသိန်းစိန် အပါအဝင် အစိုးရ တာဝန်ရှိသူတွေနဲ့ တွေ့ဆုံနိုင်လိမ့်မယ်လို့ မျှော်လင့်ထားပေမဲ့ သိရတဲ့ အချိန်အထိကတော့ မြန်မာအစိုးရဘက်က တစုံတရာ အကြောင်းပြန်တာ မရှိသေးပါဘူး။ ဒါပေမဲ့ တာဝန်ရှိသူတွေနဲ့ တွေ့ဆုံတဲ့ အခါမှာ သူ့အနေနဲ့ မြန်မာနဲ့ မြောက်ကိုရီးယား ဆက်ဆံမှုကိုလည်း ထည့်သွင်းဆွေးနွေးဖို့ ရှိတယ်လို့ တနင်္လာနေ့က ဘန်ကောက်မြို့မှာ သတင်းထောက်တွေကို ပြောခဲ့ပါတယ်။

“မြန်မာနဲ့ မြောက်ကိုရီးယားကြားမှာ နျူကလီးယားဆိုင်ရာ ပူးပေါင်းဆောင်ရွက်မှုတွေ ရှိတယ်ဆိုတဲ့ ပြောဆိုမှုတွေ ထွက်ပေါ်နေတာ အားလုံးအသိပါ။ ဒီကိစ္စကို ကျနော် သူတို့နဲ့ ဆွေးနွေးတဲ့အခါ ထည့်ပြောမှာပါ။ မြောက်ကိုရီးယားက နျူကလီးယားဆိုင်ရာ နည်းပညာတွေကို အရှေ့အလယ်ပိုင်းဒေသ အပါအဝင် တကမ္ဘာလုံးကို ဖြန့်ချိနေတယ်ဆိုတာ နာမည်ကြီးပါတယ်။ ဒီတော့ ဒီကိစ္စကို ကျနော် မေးခွန်းထုတ်မှာပါ။”

မြန်မာအစိုးရဟာ မြောက်ကိုရီးယားရဲ့ အကူအညီနဲ့ နျူကလီးယား ဓာတ်ပေါင်းဖိုတွေ ဆောက်လုပ်နေတယ်ဆိုတဲ့ အထောက်အထားတွေ ထွက်ပေါ်လာခဲ့ပြီးနောက်မှာ နျူကလီးယားလက်နက် ထုတ်လုပ်ဖို့ ကြိုးစားနေသလား ဆိုတာဟာ မေးခွန်းထုတ်စရာ ဖြစ်လာခဲ့တာပါ။ မကြာခင်ကပဲ အပြင်ကို ပေါက်ကြားခဲ့တဲ့ ကုလသမဂ္ဂ လုံခြုံရေးကောင်စီကို ကျွမ်းကျင်သူ ပညာရှင်တွေ တင်ပြတဲ့ အစီရင်ခံစာ တခုထဲမှာလည်း မြန်မာနဲ့ မြောက်ကိုရီးယား ဆက်ဆံရေးကို အထူးသတိထားပြီး စောင့်ကြည့်ရမယ်လို့ အကြံပြုထားတာ ဖြစ်ပါတယ်။

လောလောဆယ် ထိုင်းနိုင်ငံမှာ ရောက်နေတဲ့ အမေရိကန် အထက်လွှတ်တော်အမတ် မစ္စတာ မက်ကိန်းဟာ တနင်္လာနေ့က ထိုင်းဝန်ကြီးချုပ် အဘီဆစ် ၀ိတ်ချာချီဝနဲ့ တွေ့ဆုံစဉ်မှာ ထိုင်း၊ မြန်မာ နယ်စပ်မှာရှိတဲ့ မြန်မာနိုင်ငံဘက်က ဒုက္ခသည်တွေ အရေးကိုလည်း ဆွေးနွေးခဲ့ကြပါတယ်။ ဒီနေ့ အင်္ဂါနေ့မှာလည်း နယ်စပ်က အကြီးဆုံး ဒုက္ခသည်စခန်းဖြစ်တဲ့ မယ်လ ဒုက္ခသည်စခန်းကို မစ္စတာ မက်ကိန်း သွားရောက်ဖို့ စီစဉ်ထားပါတယ်။

VOA မှ ကူးယူဖော်ပြပါသည်။

ဒီပဲယင်း နှစ်ပတ်လည် မန္တလေးမှာ ဆွမ်းကပ်



ဒီပဲယင်း အရေးအခင်း ၈ နှစ်ပြည့် နှစ်ပတ်လည် ဆွမ်းကျွေးနှင့် အမျှအတမ်းပေးဝေပွဲကို အမျိုးသားဒီမိုကရေစီအဖွဲ့ချုပ် NLD က မန္တလေးမြို့အနောက် ခင်မကန်ကျောင်းတိုက်၌ တနင်္လာမနက်တွင်
ပြုလုပ်ခဲ့ကြသည်။

NLD မန္တလေးတိုင်း ဥက္ကဋ္ဌ ဦးသိန်းတန်နှင့် စစ်ကိုင်းတိုင်း ဥက္ကဋ္ဌ ဦးဘာဘာ အပါအဝင် ဗဟိုအလုပ်အမှုဆောင်၊ ဗဟိုအမျိုးသမီး အဖွဲ့ဝင်များနှင့် ပါတီဝင် ၁၅ဝ ခန့်က သံဃာတော် ၁၈ ပါးအား နေ့ဆွမ်းကပ်ခဲ့ကာ ဒီပဲယင်း အရေးအခင်းအတွင်း သေဆုံးခဲ့သူများအတွက် အမျှအတမ်းပေးဝေခဲ့ကြခြင်း ဖြစ်သည်။

“ဆွမ်းကပ်ပြီး ဒီပဲယင်းမှာ ကျဆုံးသွားတဲ့ ကျောင်းသားလူငယ်၊ ရဟန်းရှင်လူတွေအတွက် ဘုန်းကြီးတွေက အမျှအတမ်း ပေးဝေတာပေါ့။ လူငယ်တွေကတော့ မနက် ၈ နာရီလောက်က မဟာမြတ်မုနိဘုရားမှာ ရွှေသင်္ကန်း ကပ်ပြီး ငါးလွှတ်တယ်” ဟု မန္တလေးတိုင်း NLD လူငယ်အကူအညီပေးရေးအဖွဲ့ဝင် ကိုမြင့်မော်က မဇ္ဈိမကို ပြောသည်။

ဗဟိုမှ ဒေါ်မေဝင်းမြင့်၊ ဒေါ်ခင်ဌေးကြွယ်၊ မဖြူဖြူသင်း၊ ဦးနိုင်းနိုင်း၊ ကိုမျိုးညွန့်၊
လယ်သမားရေးရာမှ ဦးမောင်မောင်ကြီးတို့လည်း လာရောက်ခဲ့ကြသည်။

၂ဝဝ၃ ခုနှစ် မေ ၃ဝ ဒီပဲယင်း အရေးအခင်းတွင်
သေဆုံးသွားခဲ့ကြသူများအား ရည်စူး၍
သံဃာတော်များ ဆွမ်းကပ်နှင့် အမျှအတမ်း
ပေးဝေခြင်းကို မန္တလေးတွင် နှစ်စဉ်ပြုလုပ်လာခဲ့ခြင်း
ဖြစ်သည်။

“မန္တလေးတိုင်းနဲ့ စစ်ကိုင်းတိုင်းက နယ်မြေခံလည်းဖြစ်၊
သေတာလည်း များတာကိုး။ အရင်တုန်းကဆို
ကျနော်တို့က ဆွမ်းကပ်မယ်ဆို ကြံ့ဖွံ့တွေက
နှောင့်ယှက်တာတွေ အမြဲလုပ်တယ်ဗျ။
ကျနော်တို့ ကပ်မယ်ဆိုတာ သတင်းကြားတာနဲ့ ညတွင်းချင်း လာပြီး အဲဒီကျောင်းမှာ အလုအယက် ပုံစံမျိုး ဖြစ်သလို ဆွမ်းလာကပ်သွားတာမျိုးပေါ့။ အဖျက်သဘောလေ၊ သူတို့လုပ်နေကျဟာကိုး။ ဒီနှစ် မလုပ်တော့ဘူး” ဟု ကိုမြင့်မော်က ပြောသည်။
ဒီပဲယင်းအရေးအခင်းတွင် မန္တလေးတိုင်းမှ ကိုတင်မောင်ဦး (အနောက်တောင်)၊ ကိုစန်းမြင့် (အနောက်မြောက်)၊ ကိုသိန်းတိုးအေး (အနောက်တောင်)တို့ ၃ ဦး သေဆုံးခဲ့ကြောင်းသာ စာရင်းအတိအကျ ရရှိထားသော်လည်း လူ ၈ဝ သေဆုံးခဲ့သည်ဟု ကြားသိရကြောင်း မန္တလေးတိုင်း ပြန်ကြားရေးတာဝန်ခံ ကိုမျိုးနိုင်က မဇ္ဈိမကို ပြောသည်။

“မန္တလေးတိုင်းက ဦးစီးသွားရတဲ့အုပ်စုထဲက ၃ ဦးကတော့ ဖြစ်ပျက်တဲ့ နေရာမှာပဲ ဆုံးသွားတယ်။ အဲဒါတော့
သေချာပြောလို့ရတယ်။ ကျီရွာမှာ ကျနော်တို့ ကျော်သွားတဲ့အချိန်မှာကို ရိုက်နှက်နေတာတွေ တော်တော်များများ ရှိတယ်။ ကျီရွာကလည်း ထိခိုက်သေဆုံးမှုတွေ ရှိနိုင်သလို မုံရွာကနေ လိုက်လာတဲ့ ကျောင်းသားလေးတွေရှိတယ်။ သူတို့ကို ကျနော်တို့ စာရင်းအတိအကျ မရဘူး။ သူတို့က ဆိုင်ကယ်တွေနဲ့ အများကြီး လိုက်လာတာကိုး။ သူတို့ပျောက်သွားတာကို ကျနော်တို့ဆီမှာ စာရင်းတက်မလာဘူးဗျာ” ဟု ကိုမျိုးနိုင်က ဆိုသည်။
၂ဝဝ၃ ခုနှစ်တွင် NLD အထွေထွေအတွင်းရေးမှူး ဒေါ်အောင်ဆန်းစုကြည်နှင့် ဒုဥက္ကဋ္ဌ ဦးတင်ဦးတို့၏ အထက်မြန်မာပြည် နယ်လှည့်စည်းရုံးရေးခရီးစဉ်အတွင်း နအဖ စစ်အစိုးရ နောက်ခံပြု ကြံ့ခိုင်ရေးအသင်းနှင့် စွမ်းအားရှင်များက လိုက်လံနှောင့်ယှက်မှုများ တလျှောက်လုံးရှိခဲ့ပြီး စစ်ကိုင်းတိုင်း ဒီပဲယင်းမြို့နယ် ကျီရွာအနီးတွင် ကိုယ်ထိလက်ရောက် ရိုက်နှက်သတ်ဖြတ်မှုများ ဖြစ်ပွားခဲ့သည်။
NLD မှ ဤအရေးအခင်းနှင့်ပတ်သက်၍ တိုင်ချက်များ ဖွင့်ထားခဲ့သော်လည်း ယခုချိန်ထိ အာဏာပိုင်တို့က တစုံတရာ အရေးယူဆောင်ရွက်ပေးခြင်းမျိုး မရှိသေးကြောင်း NLD ဒုဥက္ကဋ္ဌ ဦးတင်ဦးက မဇ္ဈိမကို ပြောသည်။

“အမှန်တရားဟာ ပေါ်ပေါက်ဖို့လိုတယ်။ လိုအပ်တဲ့ စုံစမ်းစစ်ဆေးမှုများကို ပြုလုပ်ဖို့လိုတယ်။ ဒီလိုစုံစမ်းစစ်ဆေးခြင်းအားဖြင့် အမှန်တရား ပေါ်လာရင်
နောင်ကို ဒီလိုကိစ္စမျိုး မပေါ်ပေါက်အောင် သင်္ခန်းစာကောင်းတခု ဖြစ်ဖို့ပါပဲ။ နောက်ပြီး ခံရတဲ့သူ၊ သေသွားတဲ့သူ၊ ထိခိုက်တဲ့သူတွေအတွက်လည်း ဥပဒေနဲ့အညီ ကုစားမှုတော့ ရရှိသင့်တယ်လို့ ကျနော်တို့ ရပ်တည်ထားပါတယ်” ဟု သူက ပြောသည်။

၈ နှစ် ကြာသည်အထိ ဒီပဲယင်းအရေးအပေါ် တစုံတရာ အရေးယူဆောင်ရွက်ပေးခြင်း မရှိသေးသော်လည်း
ဒေါ်အောင်ဆန်းစုကြည်အနေဖြင့် မကြာမီ လပိုင်းအတွင်း နယ်လှည့်ခရီးစဉ်များ စတင်တော့မည်ဖြစ်သည်။

ဤခရီးစဉ်များအတွက် လိုအပ်သည့် လုံခြုံရေးအတွက် အာဏာပိုင်များထံ သေချာတောင်းဆိုသွားမည်ဟု ဦးတင်ဦးက ဆိုသည်။

“သူတို့က တရားဥပဒေစိုးမိုးရေးတို့၊ Good governance တို့၊ Clean government တို့ ဒါတွေ သိပ်ပြောထားတဲ့ လူတွေပဲဗျာ။ ဥပဒေနဲ့အညီ ပြည်သူပြည်သားတိုင်းကို လုံခြုံမှုတာဝန် ပေးရမယ်လေ။ လုံခြုံရေးပေးဖို့ ထိုက်ထိုက်တန်တန် သူတို့ဆီမှာရှိတဲ့ တာဝန်ရှိတဲ့ အကြီးအကဲပုဂ္ဂိုလ်တွေနဲ့ ဆွေးနွေးပြီးတော့ လုပ်ကိုင်ပြီးရင် လိုအပ်သည်များကို အပြည့်အဝရဖို့ တောင်းဆိုပြီး သွားမှာပဲလေ” ဟု သူက ပြောသည်။
ဒီပဲယင်း အရေးအခင်းတွင် အသက်ဘေးမှ လက်မတင်လေး လွတ်မြောက်လာခဲ့ကြသည့် ဒေါ်အောင်ဆန်းစုကြည်နှင့် ဦးတင်ဦးကို နေအိမ်အကျယ်ချုပ်ဖြင့် ထားရှိခဲ့ပြီး၊ ပါတီဝင်အချို့ကိုမူ ဖမ်းဆီးထောင်ချမှုများပင် ရှိခဲ့သည်။

ဒေါ်အောင်ဆန်းစုကြည်မှာ ၂ဝ၁ဝ ခုနှစ် နိုဝင်္ဘာလတွင် နေအိမ်အထိန်းသိမ်းခံမှ လွတ်မြောက်လာခဲ့ပြီး နယ်ခရီးများ ပြန်ထွက်ရန် ယခု စီစဉ်နေပြီ ဖြစ်သည်။


mizzima မှ ကူးယူဖော်ပြပါသည်။

Monday, May 30, 2011

ကလေးထောင်တွင် သံဃာ့ခေါင်းဆောင် အရှင်ဂမ္ဘီရအပါအ၀င် နိုင်ငံရေးအကျဉ်းသားများ ဆန္ဒပြ


စစ်ကိုင်းတိုင်းဒေသကြီး၊ ကလေးထောင်တွင် အကျဉ်းကျခံနေရသည့် ရွှေဝါရောင်သံဃာ့လှုပ်ရှားမှု ခေါင်းဆောင် အရှင်ဂမ္ဘီရနှင့် နိုင်ငံရေးအကျဉ်းသားများ ထောင်တွင်းဆန္ဒပြမည့် သတင်းများထွက်ပေါ်နေခြင်းကြောင်း မိသားစုဝင်များကို ထောင်ဝင်စာ တွေ့ခွင့်ပိတ်လိုက်သည်။
အရှင်ဂမ္ဘီရက အစာငတ်ခံဆန္ဒပြမည့် အခြေအနေရှိနေသည့်အတွက် အာဏာပိုင်တွေဘက်က ထောင်ဝင်စာ တွေ့ခွင့်ပိတ်လိုက်တာခြင်းနှင့် ပတ်သက်ပြီး မေလ (၂၇) ရက်နေ့က ထောင်ဝင်စာသွားတွေ့ခဲ့သည့် အစ်မဖြစ်သူ မခင်သူဌေးက ပြောသည်။

“သူတို့ကပိတ်တာပေါ့ အရင်ဆိုလို့ရှိရင် တလကို ဒါ နှစ်ကြိမ်တွေ့ခွင့်ရတယ်လေ၊ ဦးဇင်းကိုတွေ့ချင်လို့မို့သာ သက်သပ်မဲ့ (၁၅)ရက် ပြည့်အောင် ထိုင်စောင့်နေရတာလေ အဲဒါ မတွေ့ခဲ့ရဘူး။ မတွေ့ခဲ့ရတာ အဲဒီထောင်ထဲကို နယ်မြေခံရဲနဲ့ အက်စ်ဘီလာမယ်တဲ့ အဲဒီ့ဝင်လာ ပြီးတော့ ဒီမှာတဲ့ ဒီနေ့ ဦးဇင်းတို့ ဆန္ဒပြမယ်ကြားလို့ လာကြတာ၊ သတင်းလာယူတာလို့ ပြောတယ် ပြီးရင်အက်စ်ဘီတွေလည်း ထပ်ပြီးရောက်လာကြအုံးမှာလို့ ပြောတယ်” ဟု မခင်သူဌေးက ပြောသည်။

မေလ (၁၁)ရက်နေ့က အရှင်ဂမ္ဘီရအပါအ၀င် နိုင်ငံရေးအကျဉ်းသား (၄)ဦးက အကျဉ်းထောင်အတွင်း ကျန်းမာရေး ပြုစုစောင့်ရှောက်မှုနှင့် အစားအသောက် အပြည့်အဝရရှိရေး၊ မိသားစုနဲ့ လွတ်လပ်စွာ စကားပြောဆိုခွင့် တယ်လီဖုန်းဆက်သွယ် စကားပြောခွင့်နှင့် အကျဉ်းထောင်လက်စွဲ စာအုပ်ပါ ပြဋ္ဌာန်းချက်များနှင့်အညီ နိုင်ငံရေးအကျဉ်းသား အခွင့်အရေးများ ရရှိရန် စသည့်အချက် (၆) ချက်ကို မြန်မာအစိုးရသစ်နှင့် နိုင်ငံတကာအဖွဲ့အစည်းများထံ တင်ပြတောင်းဆိုခဲ့သည်။

အဆိုပါတောင်းဆိုချက်များကို သက်ဆိုင်ရာက မလိုက်လျောပါက အစာငတ်ခံဆန္ဒပြမယ်ဟု အရှင်ဂမ္ဘီရကပြောကြားကြောင်း ပြီးခဲ့သည့်အပတ် ထောင်ဝင်စာ တွေ့ပြီးနောက် အစ်မဖြစ်သူ မခင်သူဌေးက သတင်းဌာနများကို ပြောကြားခဲ့သည်။

ယခုအပတ် သောကြာနေ့တွင် ထောင်ဝင်စာတွေ့ခွင့်မရသည့် အခြေအနေနှင့် အစားအသောက်၊ စာအုပ်၊ ပါဆယ်ပေးပို့ခဲ့သော်လည်း စားစရာများကို လက်ခံထားတာမရှိဘဲ ဖတ်စရာ စာအုပ်တွေကိုသာ အရှင်ဂမ္ဘီရကိုယ်စား အခြားတဦးက လက်မှတ်ထိုးလက်ခံခဲ့ခြင်းကြောင့် အစာငတ်ခံ ဆန္ဒပြနေ ခြင်းဖြစ်နိုင်သည်ဟု မဖြစ်သူ မခင်သူဌေးက ဆက်ပြောသည်။

“အစားအသောက်က အဲဒါ လက်ခံထားတာတော့ မတွေ့ရဘူး။ စာအုပ်စာတမ်းတွေကိုတော့ ဂေါက်ချစ်ပြီးတော့ လက်မှတ်ထိုးပြီး ယူထားတယ်ရှင့်၊ နယ်မြေခံရဲတွေ အက်စ်ဘီတွေ လာပုံ ထောက်ရင်တော့ အဲဒါ သေချာသလောက်ပဲလို့ ကျမတော့ထင်တယ်။ အစာငတ်ခံဆန္ဒပြကြမှာပေါ့”ဟု ပြောသည်။

အရှင်ဂမ္ဘီရအပါအ၀င် ဦးညီပု၊ ကိုဌေးအောင် (ခေါ်)ကိုအောင်မြတ်နှင့် ကိုမင်းမင်းထွန်းတို့ (၄)ဦး ရေးသားတောင်းဆိုခဲ့သည့်အချက် (၆)ချက်ပါ စာရွက်သည် ကလေးအကျဉ်းဦးစီးဌာနတံဆိပ်ဖြင့် ပြင်ပကို ရောက်ရှိခဲ့သည့်အတွက် ထောင်ဝန်ထမ်းအချို့ စစ်အဆေးခံရပြီး နယ်ပြောင်းခံရနိုင်ပြီး အရှင်ဂမ္ဘီရတို့အတွက်လည်း စိတ်ပူနေရကြောင်း မခင်သူဌေးက ဆက်ပြောသည်။

“၁၄ ရက်နေ့ တွေ့တဲ့နေ့က အက်စ်ဘီတွေလည်းမရှိဘူး ထောင်မှူး ထောင်ပိုင်တွေလည်းမရှိဘူး အဲဒီနေ့က ဗိုလ်ချုပ်သာအေးရောက်တဲ့နေ့ ဆိုတော့ အဲဒီကို သွားရတယ်ထင်ပါတယ်။ ၀န်ထမ်းအသစ် ကလေးတွေ (၄)ယောက်ပဲရှိတယ်။ ဟိုတယောက်ပြောတာတော့ နားမလည်လို့ ထုတ်ပေးလိုက်တယ် ထုတ်ခွင့်မရှိဘူး လို့ပြောတာပဲ။ အဲဒီကလေးတွေတော့ အတော်အကြပ်ခံနေရ တယ်ပေါ့နော်၊ အစစ်ဆေးခံနေရတယ်တဲ့ နယ်ပြောင်း ခံရမယ်လို့တော့ပြောတယ်။ ဒါဆိုလို့ ရှိရင် ဦးဇင်းတို့ကော ဖိအားပေးလားဆိုတော့ ဦးဇင်းတို့တော့ မပေးဘူးလို့တော့ပြောတာပဲ ဒါပေမယ့် စိတ်တော့ ပူတာပေါ့။ တွေ့ရမယ့်အချိန်မှာ မတွေ့ရတော့”ဟု ပြောသည်။
Yoma ၃ မှ ကူးယူဖော်ပြပါသည်။

၂၁ ကြိမ်မြောက် ရွေးကောက်ပွဲ အနိုင်ရ၊ဒီပဲယင်း(၈)ကြိမ်မြောက် အထိမ်းအမှတ်နှင့် NLD(LA)JP .Nagoya Region ၏ (၄)နှစ်ပြည့် အထိမ်းအမှတ် ဆွမ်းဆပ်ကပ်လှူဒါန်း







(၂၁)နှစ်ပြည့် NLD ၁၉၉၀ ရွေးကောက်ပွဲအနိုင်ရ နှစ်ပတ်လည်အထိမ်းအမှတ်၊ ဒီပဲယင်း အရေးအခင်း(၈)ကြိမ်မြောက် ဝမ်းနည်းခြင်း အထိမ်းအမှတ် နှင့် အမျိုးသားဒီမိုကရေစီအဖွဲ့ ဂျပန်ဌါနခွဲ နဂိုယာ စည်းရုံးရေးဒေသ၏ (၄)နှစ်ပြည့် အထိမ်းအမှတ် ၂၉.၀၅.၂၀၁၁(တနင်္ဂနွေ)နေ့တွင် အမျိုးသားဒီမိုကရေစီအဖွဲ့ ဂျပန်ဌါနခွဲ နဂိုယာ စည်းရုံးရေးဒေသ ရုံးခန်းတွင် အဖွဲ့ဝင် အဖွဲ့သားများက သံဃာတော် အရှင်သူမြတ်အား အာရုံဆွမ်း ဆပ်ကပ်လှူဒါန်းခဲ့ကြပါသည်။

Sunday, May 29, 2011

ဒဂုန်တာရာနဲ့ ဦးဝင်တင် ပါဝင်ဆွေးနွေးတဲ့ “ပြည်တွင်းငြိမ်းချမ်းရေး”စကားဝိုင်း




DVB မှ ကူးယူဖော်ပြပါသည်။

၉၀ ရလဒ် အသိအမှတ် မပြုခြင်းကို NLD က အမြဲကန့်ကွက်မည်


၁၉၉၀ ရွေးကောက်ပွဲဟာ မြန်မာနိုင်ငံအတွက် သမိုင်းတွင်ခဲ့ပြီး အရေးပါတယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောပါတယ်။ ၁၉၉၀ ရွေးကောက်ပွဲ ရလဒ်ကို အသိအမှတ် ပြုပေးဖို့ ပြောနေတာဟာ အမျိုးသား ဒီမိုကရေစီ အဖွဲ့ချုပ် (NLD) ပါတီက အာဏာတောင်းနေတာ မဟုတ်ဘဲ ပြည်သူလူထုရဲ့ ဆန္ဒနဲ့ မျှော်လင့်ချက်တွေကို မလေးစားခဲ့တာကြောင့် ပြောနေရတာ ဖြစ်တယ်လို့လည်း ဒေါ်အောင်ဆန်းစုကြည်က ပြောပါတယ်။ ဒီနေ့ ဗဟန်း ရွှေဂုံတိုင်မှာရှိတဲ့ NLD ပါတီ ရုံးချုပ်မှာ ပြုလုပ်တဲ့ ၁၉၉၀ မေလ ၂၇ ရက် ရွေးကောက်ပွဲ ၂၁ နှစ်ပြည့် နှစ်ပတ်လည် အခမ်းအနားမှာ အခုလို ပြောလိုက်တာပါ။ ဒါ့အပြင် ဒီရွေးကောက်ပွဲအပေါ် တခြား နိုင်ငံရေး ပါတီတွေရဲ့ သဘောထားတွေကို မသင်းသီရိက စုစည်း တင်ပြပေးထားပါတယ်။

၁၉၈၈ လူထုဆန္ဒကို ဖော်ထုတ်ခဲ့တဲ့ လှုပ်ရှားမှုကြီးကနေ ပေါက်ဖွားလာတဲ့ ၁၉၉၀ ရွေးကောက်ပွဲဟာ ဒီနေ့ဆိုရင် ၂၁ နှစ် ပြည့်ခဲ့ပြီ ဖြစ်ပေမဲ့ နိုင်ငံအတွက် သမိုင်းတွင် ကျန်ရစ်တဲ့ အရေးကြီးတဲ့ ရွေးကောက်ပွဲတခု ဖြစ်တယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောပါတယ်။ ပြည်သူလူထုရဲ့ ဆန္ဒကို လေးစားပြီး အသိအမှတ် မပြုခဲ့တဲ့ လုပ်ရပ်တွေ အပေါ်မှာ NLD ပါတီက အခုချိန်ထိ ထောက်ပြ ပြောဆိုနေတာ ဖြစ်တယ်လို့ ဒေါ်အောင်ဆန်းစုကြည်က ပြောပါတယ်။

“ရွေးကောက်ပွဲနဲ့ ပတ်သက်လို့ ဆွေးနွေးတဲ့၊ စကားပြောတဲ့ ဟာတွေထဲမှာ သမိုင်းမှာ ကျန်ရစ်ခဲ့ပြီဆိုတဲ့ အသုံးအနှုန်းကို တချို့က သုံးပါတယ်။ ကျမတို့ရဲ့ ရွေးကောက်ပွဲကို သမိုင်းနဲ့ နှိုင်းယှဉ်ပြီး ပြောရတယ် ဆိုရင်ကို ဒီရွေးကောက်ပွဲဟာ ဘယ်လောက် အရေးပါခဲ့တယ် ဆိုတာကို အသိအမှတ် ပြုတာပဲ။ သမိုင်းနဲ့ကို ချီပြီးတော့ ဒီရွေးကောက်ပွဲက အရေးကြီးခဲ့တယ် ဆိုတာကို ကျမတို့ မမေ့သင့်ပါဘူး။

“ကျမတို့ အနေနဲ့ ၁၉၉၀ ရွေးကောက်ပွဲရဲ့ ရလဒ်ကို အသိအမှတ် မပြုတာကို အမြဲကန့်ကွက်တယ်။ NLD ကို အာဏာမပေးလို့ မဟုတ်ဘူး၊ ပြည်သူလူထုကို မလေးစားလို့။ ပြည်သူလူထုကို မျှော်လင့်ချက်တွေ ပေးပြီးတော့ ဒီမျှော်လင့်ချက်တွေကို ချေဖျက်လို့။ မလုပ်ကောင်းတဲ့ ကိစ္စဆိုတာ ဒီတိုင်းပြည်ရဲ့ သမိုင်းအတွက် မကောင်းဘူး။ ကျန်ခဲ့တဲ့သမိုင်း မဟုတ်ဘူး၊ နောင်လာမယ့် သမိုင်းအတွက်လည်း မကောင်းဘူး။”

ဒီကနေ့ ဗဟန်း ရွှေဂုံတိုင်မှာရှိတဲ့ NLD ပါတီ ရုံးချုပ်မှာ ပြုလုပ်တဲ့ ရွေးကောက်ပွဲ နှစ်ပတ်လည် အခမ်းအနားမှာ စာတမ်းဖတ်ပွဲနဲ့အတူ မကြာသေးခင်က ပြန်လွတ်လာတဲ့ နိုင်ငံရေး အကျဉ်းသားတွေကို နှုတ်ဆက်ဂုဏ်ပြုတဲ့ အခမ်းအနားတွေအတွင်း ဒေါ်အောင်ဆန်းစုကြည်က အခုလို မှတ်ချက်ပေး ပြောဆိုခဲ့တာပါ။ ရွေးကောက်ပွဲလုပ်တိုင်း ဒီမိုကရေစီ ရှိပြီလို့ မပြောနိုင်သလို ဒီမိုကရေစီဆိုတာ ပြည်သူလူထုကို ဘယ်လောက်လေးစားတဲ့ အစိုးရ ဖြစ်မလဲဆိုတဲ့ စံနှုန်းတွေနဲ့သာ တိုင်းတာဖို့ လိုတယ်လို့လည်း ဆိုပါတယ်။

“ရွေးကောက်ပွဲရှိတိုင်း ဒီမိုကရေစီရှိတာ မဟုတ်ပါဘူး။ ဒီမိုကရေစီ မရှိတဲ့ နိုင်ငံတွေမှာလည်း ရွေးကောက်ပွဲတွေဆိုတာ ရှိပါတယ်။ တကယ် နိုင်ငံတနိုင်ငံအတွက် အရေးကြီးတာဟာ ပြည်သူလူထုကို ဘယ်လောက် အလေးထားသလဲ၊ ပြည်သူလူထုရဲ့ ကောင်းကျိုးအတွက် အစိုးရလုပ်တဲ့ သူတွေက ဘယ်လောက် လုပ်ပေးရသလဲ။ လုပ်ပေးနိုင်သလဲ မဟုတ်ဘူး၊ ဘယ်လောက် လုပ်ပေးရသလဲ။ လုပ်ပေးနိုင်ပေမဲ့ မလုပ်ပေးတဲ့သူတွေ ရှိတယ်။ ဘယ်လို အဆောက်အအုံတွေ ရှိလဲ၊ ဘယ်လို စည်းမျဉ်း စည်းကမ်းတွေရှိလဲ၊ ဘယ်လို အထောက်အပံ့တွေရှိလဲ ဆိုတာ အဲဒါ အရေးအကြီးဆုံးပါပဲ။ ဒီနိုင်ငံဟာ တကယ်ပဲ ဒီမိုကရေစီဘက်ကို ဦးတည်နေပြီလား ဆိုတာ ကျမတို့ ကြည့်ရမှာပေါ့။”

ဒီမိုကရေစီဘက်ကို တကယ်ပဲ ဦးတည်နေပြီ ဆိုရင်တော့ နိုင်ငံမှာ တရားဥပဒေ စိုးမိုးရေးဟာ အရေးကြီးဆုံးပဲလို့လည်း ဒေါ်အောင်ဆန်းစုကြည်က ထောက်ပြခဲ့ပါတယ်။

“တရားဥပဒေ စိုးမိုးရေး မရှိသ၍တော့ ဘယ်လို ကတိတွေပဲပေးပေး၊ ဘယ်လို စကားလှလှတွေပဲ ပြောပြော အဲဒါကတော့ ဘာမှ အရာရောက်မှာ မဟုတ်ပါဘူး။ တရားဥပဒေ စိုးမိုးရေးနဲ့ ပတ်သက်နေတာတော့ ကျမတို့ ခံယူချက်ကြောင့် အကျဉ်းကျနေတဲ့ သူတွေပဲ။ ဒီပုဂ္ဂိုလ်တွေကို တရားဥပဒေနဲ့အညီ အကျဉ်းချခဲ့တာလား၊ တရားဥပဒေနဲ့အညီ စစ်ဆေးခဲ့ကြတာလား၊ တရားဥပဒေနဲ့အညီ ဖမ်းဆီးခဲ့တာလား။ အဲတော့ အဲဒီဟာတွေ မရှိခဲ့ဘူးဆိုရင် ဒီတိုင်းပြည်မှာ တရားဥပဒေ စိုးမိုးရေး မရှိဘူးဆိုတာ အင်မတန်မှ ရှင်းပါတယ်။”

ဒါ့အပြင် အကျဉ်းထောင်တွေက လွတ်လာတဲ့ နိုင်ငံရေး အကျဉ်းသားတွေကို သူတို့ရဲ့ ရပ်တည်ချက်တွေနဲ့ ပတ်သက်လို့ တာဝန်သိမှုတွေအပေါ် ကျေးဇူးတင်ကြောင်းနဲ့ ဖခင် ဗိုလ်ချုပ်အောင်ဆန်းရဲ့ စကားတခုဖြစ်တဲ့ လုပ်ရဲတာ သတ္တိမဟုတ်ဘဲ ခံရဲတာသာ သတ္တိဖြစ်တယ်ဆိုတဲ့ စကားကို လက်ကိုင်ထားကြရင်း မဆုတ်မရွံ့ ဆက်ပြီး လူထုအတွက် ရပ်တည်ဖို့ကိုလည်း ဒေါ်အောင်ဆန်းစုကြည်က တိုက်တွန်းသွားပါတယ်။

မြန်မာနိုင်ငံကို နှစ်ပေါင်း ၂၀ နီးပါး အုပ်ချုပ်ခဲ့တဲ့ အစိုးရဟာ ၁၉၉၀ ရွေးကောက်ပွဲ ရလဒ်ကို အကောင်အထည် မဖော်ဘဲ မနှစ် ၂၀၁၀ က နောက်ထပ် ရွေးကောက်ပွဲတခု ထပ်ကျင်းပခဲ့ပြီး အခုဆိုရင် အရပ်သား အစိုးရကို အာဏာလွှဲပေးလိုက်ပါပြီ။ ဒီလို ဆယ်စုနှစ် ၂ စုနီးပါးကြာမှ ကျင်းပခဲ့တဲ့ ရွေးကောက်ပွဲ ၂ ခုကို ယှဉ်ကြည့်မယ်ဆိုရင် လွတ်လပ်မှု၊ တရားမျှတမှုနဲ့ လူထု စိတ်ဝင်စားမှုက ကွာဟ ခြားနားခဲ့ပေမဲ့ ပြောစရာတခု အနေနဲ့ ကျန်ရစ်ခဲ့တာကလွဲရင် ကျန်တာတွေကတော့ အချိန်လွန်နေပြီလို့ ဒီမိုကရက်တစ်ပါတီ (မြန်မာ) အဖွဲ့က ဦးသုဝေက သုံးသပ်ပါတယ်။

“၁၉၉၀ ခုနှစ် ရွေးကောက်ပွဲက အများကြီး လွတ်လပ်တာပေါ့။ လုပ်ပိုင်ခွင့်တွေ အများကြီးရှိတယ်၊ လူတွေကလည်း တက်တက်ကြွကြွနဲ့ စိတ်ပါဝင်စားစွာ ရှိနေတဲ့ အချိန်ကာလပေါ့။ ၂၀၁၀ ရွေးကောက်ပွဲကျတော့ လူတွေကလည်း ဟိုတုန်းကလို မတက်ကြွတော့ဘူး။ ရွေးကောက်ပွဲရဲ့ လွတ်လပ်မှု၊ တရားမျှတမှု ဆိုတာလည်းပဲ ဟိုတုန်းကလို မရှိဘူးပေါ့။ အဲဒီလို ရွေးကောက်ပွဲ အခြေအနေကတော့ ကွာခြားမှု ရှိပါတယ်။ ဒါပေမဲ့ အချိန်အခါတော့ လွန်သွားပြီ။ လူတွေကလည်း ဒါကတော့ မျှော်လင့်ချက် မရှိတော့ပါဘူး။ ဖြစ်လည်း ဖြစ်လာနိုင်မယ့်ဟာ မဟုတ်တော့ဘူး။”

ပြီးခဲ့တဲ့ ၂၀၁၀ မှာ ရွေးကောက်ပွဲတရပ် ပြုလုပ်ခဲ့တယ် ဆိုပေမဲ့ ပြည်သူလူထုရဲ့ ဆန္ဒအစစ်အမှန်နဲ့ ပေါ်ပေါက်လာတဲ့ အစိုးရ မဟုတ်ဘူးလို့ ရှမ်းတိုင်းရင်းသားများ ဒီမိုကရေစီပါတီ (SNLD) က ပြောရေးဆိုခွင့်ရှိသူ ဦးစိုင်းလိတ်က ဆိုပါတယ်။

“ပြည်သူတရပ်လုံး လိုလားတောင့်တမှု မပြည့်စုံတဲ့ ကိစ္စကို ပြောတာ။ အားလုံးကို အာမခံပေးနိုင်တဲ့ အစိုးရ အဖွဲ့အစည်းမျိုး လိုအပ်တယ်။ အားလုံး လက်သင့်ခံနိုင်တဲ့ တရားဥပဒေ တခုကို ရေးဆွဲပေးနိုင်တဲ့ အစိုးရဖြစ်ဖို့ လိုအပ်တယ်။”

ဒီကနေ့ ကျရောက်တဲ့ ၂၁ နှစ်မြောက် ၁၉၉၀ ရွေးကောက်ပွဲနဲ့ ပတ်သက်လို့ သဘောထားတွေ ဖြစ်ပါတယ်။


VOA မှ ကူးယူဖော်ပြပါသည်။

စစ်အစိုးရပြောင်းလဲခဲ့သည့် Myanmar ကို ဒေါ်အောင်ဆန်းစုကြည် အသိအမှတ်မပြု


မြန်မာနိုင်ငံရဲ့အမည်ကို အင်္ဂလိပ်လို ခေါ်ဝေါ်သုံးစွဲရာမှာ မူလ အသုံးအနှုန်း ဖြစ်တဲ့ Burma ကနေ မြန်မာလို့ စစ်အစိုးရက အဓမ္မ ပြောင်းလဲခဲ့တာဟာ ဒီမိုကရေစီ နည်းလမ်းမကျတဲ့အတွက် မိမိတို့ အသိအမှတ် မပြုခြင်း ဖြစ်တယ်လို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောဆိုလိုက်ပါတယ်။

“NLD နဲ့ ကျွန်မက မူအရ မြန်မာနိုင်ငံကို အင်္ဂလိပ်လို Burma လို့ပဲ ပြောပါတယ်။ မူအရလိ်ု့ ဆိုရတာကတော့ နိုင်ငံတနိုင်ငံရဲ့ အမည်ကို ကမ္ဘာ့အလယ်မှာ ပြောင်းပြီး ခေါ်တဲ့ ကိစ္စဆိုတာ ပြည်သူများရဲ့ ဆန္ဒကို မရယူပဲ လုပ်သင့်တဲ့အရာ မဟုတ်ပါဘူး။ ဒါ့ကြောင့် နဝတက မိမိတို့ ဆန္ဒတခုတည်းနဲ့သာ ပြောင်းပြီး ခေါ်ခဲ့တဲ့ အင်္ဂလိပ်လို Myanmar ဆိုတာကို ကျွန်မတို့ လက်မခံတာ ဖြစ်ပါတယ်။”

RFA က တင်ဆက်နေတဲ့ လူထုနဲ့ ဒေါ်အောင်ဆန်းစုကြည် အစီအစဉ်အတွက် သောတရှင်တဦးရဲ့ မေးမြန်းချက်ကို ဒေါ်အောင်ဆန်းစုကြည်က ခုလို ဖြေကြားခဲ့တာ ဖြစ်ပါတယ်။

ပြီးခဲ့တဲ့ ရက်ပိုင်းအတွင်း အမေရိကန် ဒုတိယလက်ထောက် နိုင်ငံခြားရေးဝန်ကြီး ဂျိုးဇက်ယွန် မြန်မာနိုင်ငံကို လာရောက်စဉ်မှာ ဦးသိန်းစိန်အစိုးရက အမေရိကန် ပြည်ထောင်စုအနေနဲ့ မိမိတို့နဲ့ ဆက်ဆံရေး တိုးတက် ချင်ရင် Burma လို့ ဆက်လက် သုံးစွဲခြင်း မပြုပဲ မြန်မာလို့ ပြောင်းလဲ ခေါ်ဝေါ်စေချင်ကြောင်း ပြောဆိုခဲ့ပါတယ်။

အမေရိကန် ပြည်ထောင်စုဟာ အန်အယ်လ်ဒီနည်းတူ မြန်မာနိုင်ငံကို အင်္ဂလိပ်လို ခေါ်ဆိုရာမှာ Burma လို့ပဲ ဆက်လက် သုံးစွဲပါတယ်၊ နိုင်ငံတကာ စာနယ်ဇင်းကြီးတွေနဲ့ လူ့အခွင့်အရေး အဖွဲ့အစည်းကြီးတွေ၊ RFA ၊ VOA ၊ BBC စတဲ့ အဖွဲ့အစည်းတွေမှာလည်း မြန်မာဌာနကို အင်္ဂလိပ်လို ပြောဆိုရာမှာ Burmese Service လို့ပဲ သုံးနှုန်းပါတယ်။

ဒီတပတ်အစီအစဉ်အတွက် ဒေါ်အောင်ဆန်းစုကြည်က မေးခွန်းတခုကို ဖြေကြားရာမှာ အာဆီယံအဖွဲ့အတွင်း မြန်မာ့ဒီမိုကရေစီရေးအတွက် ဆောင်ရွက်ဖို့ ဦးသိန်းစိန်အစိုးရကို ပိုမို တိုက်တွန်း ပြောဆိုလာတာတွေဟာ တိုးတက်မှုဖြစ်ကြောင်း ဝေဖန်သုံးသပ်ပြောဆိုလိုက်ပါတယ်။

“အာဆီယံအဖွဲ့က အခု မြန်မာအစိုးရကို ဘယ်လို သဘောထားလဲ ဆိုတာကို ကျွန်မ ရှင်းရှင်းလင်းလင်း မသိပါဘူး။ အစဉ်အလာအားဖြင့်တော့ အပြုသဘောဆောင်တဲ့ ချဉ်းကပ်မှု မူဝါဒကို အာဆီယံက စွဲကိုင်ခဲ့ပါတယ်။ အချို့ အာဆီယံနိုင်ငံတွေကတော့ ခုနောက်ပိုင်းမှာ မြန်မာနိုင်ငံအတွင်း လူ့အခွင့်အရေးနဲ့ ပတ်သက်လို့ လိုအပ်ချက်တွေကို ထောက်ပြလာတာတော့ တွေ့ရပါတယ်။ ဒါဟာ တိုးတက်မှုလို့ ပြောနိုင်မယ် ထင်ပါတယ်။”

RFA မှ ကူးယူဖော်ပြပါသည်။

Saturday, May 28, 2011

၉၀ ရွေးကောက်ပွဲသည် သမိုင်းမှတ်တိုင်ဖြစ်ကြောင်း ဒေါ်အောင်ဆန်းစုကြည်ပြောကြား

2011-05-27
၁၉၉၀ ပြည့်နှစ် ရွေးကောက်ပွဲဟာ သမိုင်းမှာ ဘယ်တော့မှ ဖျောက်ဖျက်လို့ မရတဲ့ မှတ်တိုင်တခုလို့ NLD အမျိုးသား ဒီမိုကရေစီ အဖွဲ့ချုပ်က မေလ ၂၇ ရက် ဒီနေ့ ပြောကြားလိုက်ပါတယ်။ ရန်ကုန်မြို့ ရွှေဂုံတိုင် NLD ရုံးချုပ်မှာ ဒီမနက်ပိုင်းက ကျင်းပတဲ့ ၂၁ နှစ်မြောက် ၁၉၉၀ ပြည့်နှစ် ရွေးကောက်ပွဲအောင်ပွဲနေ့ အထိမ်းအမှတ် အခမ်းအနားမှာပြောဆိုခဲ့တဲ့ မိန့်ခွန်းမှာ ဒေါ်အောင်ဆန်းစုကြည်က ခုလိုပြောသွားတာ ဖြစ်တယ်လို့ NLD ပြန်ကြားရေး အဖွဲ့ဝင် ဦးအုန်းကြိုင်က ပြောပါတယ်။



Photo: AFP

မေလ ၂၇ ရက်က ကျင်းပသော ၁၉၉၀ ပြည့်နှစ် ရွေးကောက်ပွဲ နှစ်ပတ်လည် အခမ်းအနားနှင့် လွတ်မြောက်လာသော နိုင်ငံရေး အကျဉ်းသားများအား ကြိုဆိုပွဲတွင် ဒေါ်အောင်ဆန်းစုကြည် မိန့်ခွန်းပြောကြားနေပုံ ဖြစ်ပါသည်။ (Photo: AFP)
“အထွေထွေ အတွင်းရေးမှူး ပြောတဲ့ မိန့်ခွန်းက အဲဒါ အကောင်းဆုံးပဲ၊ ၉၀ ပြည့်နှစ် ရွေးကောက်ပွဲဟာ တချို့က သမိုင်းမှာ ကျန်ရစ်ခဲ့ပြီလို့ ပြောတယ်။ ကျွန်တော်တို့က ကျန်ရစ်ခဲ့တာ မဟုတ်ဖူး၊ သမိုင်းမှာ ဒါ ဘယ်တော့မှ ဖျောက်ဖျက်လို့ မရတဲ့ မှတ်တိုင်တခုအဖြစ်နဲ့ ရှိရစ်မှာ။ မှတ်တိုင်က ဘာလဲဆိုတော့ ပြည်သူလူထုက စစ်မှန်တဲ့ ဒီမိုကရေစီ လိုချင်နေတယ်ဆိုတဲ့ မှတ်တိုင်။ တခဲနက် ရင်ထဲ အသည်းထဲက ရှိတဲ့ ဆန္ဒနဲ့ အဖွဲ့ချုပ်ကို တာဝန်ပေးခဲ့တယ်။”

“ဒါပေမယ်လို့ အကောင်အထည် မပေါ်ဘူး။ အကောင်အထည် မပေါ်ဘူးဆိုတဲ့ သမိုင်းက ရှိရစ်တာပေါ့။ အဲဒါ သမိုင်းပဲ။ အကောင်အထည်မပေါ်တာ ဘယ်သူ့မှာ တာဝန် ရှိသလဲ။”

ဒီနေ့ အခမ်းအနားကို အရင်နှစ်တွေနဲ့ မတူပဲ အစီအစဉ်သစ်တွေနဲ့ နှစ်ပိုင်းခွဲ ကျင်းပပြီး NLD ပါတီဝင် မဟုတ်တဲ့ နိုင်ငံရေး အကျဉ်းသမားဟောင်းတွေလည်း တက်ရောက်တယ်လို့ ဦးအုန်းကြိုင်က ဆိုပါတယ်။

“ပထမပိုင်းက မကြာသေးမီက အကျဉ်းထောင် အသီးသီးက လွတ်လာတဲ့ နိုင်ငံရေး အကျဉ်းသားဟောင်းများကို ကြိုဆို နှုတ်ဆက်တဲ့ အခမ်းအနား၊ ဒုတိယပိုင်း အခမ်းအနားက ရွေးကောက်ပွဲ ဆိုင်ရာ စာတမ်းများ ဖတ်ကြားတဲ့ ပွဲပေါ့။ စာတမ်း နှစ်စောင်ပေါ့ဗျာ။ နောက် ဟောပြောတာက တယောက်ပေါ့။”

“ကျွန်တော်တို့ NLD က ဦးဝင်းမြင့်က ၁၉၉၀ ပြည့်နှစ် ရွေးကောက်ပွဲ ဘာကြောင့် ဝင်ခဲ့ရသလဲ ဆိုတဲ့ စာတမ်းကို ဖတ်တယ်။ SNLD အတွင်းရေးမှူး ဦးစိုင်းစောအောင်က ၁၉၉၀ ပြည့်နှစ် ရွေးကောက်ပွဲ ဝင်ခဲ့တဲ့အပေါ် တိုင်းရင်းသားများတွေရဲ့ အမြင် ဆိုပြီးတော့ သူကလည်း ပြောတယ်။ နောက်တယောက်ကတော့ ပြည်ထောင်စု ဒီမိုကရေစီပါတီက ကိုဖြိုးမင်းသိန်း၊ သူက ၂၀၁၀ ရွေးကောက်ပွဲ ဘာကြောင့် မဝင်ခဲ့ရသလဲ ဆိုတဲ့ စာတမ်းကို ဖတ်တယ်။”

ပထမပိုင်းမှာ NLD ဒုတိယဥက္ကဋ္ဌ ဦးတင်ဦးက ဆေးရုံ တက်ရောက်နေရတဲ့ ဦးဝင်းတင်ကိုယ်စားနဲ့ ဦးတင်ဦးကိုယ်တိုင် ပြောတဲ့ အမှာစကား ပြောကြားပါတယ်။ အထွေထွေ အတွင်းရေးမှူး ဒေါ်အောင်ဆန်းစုကြည်က အမှာစကားပြောရာမှာ ၉၀ ပြည့်နှစ် ရွေးကောက်ပွဲနဲ့ စပ်လျဉ်းပြီး အာဏာပိုင်တွေဟာ ပြည်သူလူထုကို ပေးတဲ့ ကတိမတည်တဲ့အကြောင်း ထောက်ပြပါတယ်။ ရွေးကောက်ပွဲ ရှိတိုင်း ဒီမိုကရေစီ ရှိတယ်လို့ မပြောနိုင်တဲ့အကြောင်း၊ တရားဥပဒေစိုးမိုးရေး အရေးကြီးတဲ့အကြောင်း တရာဥပဒေ စိုးမိုးမှု မရှိရင် ဒီမိုကရေစီ မရှိတဲ့ကြောင်းတွေလည်း ပြောဆိုတယ်လို့ သိရပါတယ်။

အခမ်းအနားကို နိုင်ငံရေး အကျဉ်းသမားဟောင်း ၃၆ ယောက် အပါအဝင် လူ ၂၅၀ လောက် တက်ရောက်တယ်လ်ို့ ဦးအုန်းကြိုင်က ပြောကြားပါတယ်။ ဒီအခမ်းအနားမှာ မြန်မာနိုင်ငံမှာ ကျင်းပခဲ့တဲ့ ရွေးကောက်ပွဲတွေနဲ့ ပတ်သက်ပြီး တင်သွင်းတဲ့ စာတမ်းတွေအကြောင်းကို ဒေါ်စမ်းစမ်းတင်က တင်ပြထားပါတယ်။


Copyright © 1998-2011 Radio Free Asia. All rights reserved.

ဂျွန်မက်ကိန်း NLD နှင့် တွေ့မည်


အမေရိကန် အထက်လွှတ်တော်အမတ် ဂျွန်မက်ကိန်း John McCain ၏ မြန်မာပြည် ခရီးစဉ်အတွင်း အမျိုးသားဒီမိုကရေစီချုပ် NLD ခေါင်းဆောင်များနှင့် တွေ့ဆုံရန်ရှိသည်ဟု NLD သတင်းရပ်ကွက်တခုက ဆိုသည်။

ရီပတ်ပလစ်ကင်ပါတီဘက်မှ ၂ဝဝ၈ ခုနှစ်
အမေရိကန်သမ္မတ
ရွေးကောက်ပွဲတွင် ပါဝင်ယှဉ်ပြိုင်ခဲ့သူ မစ္စတာ ဂျွန်မက်ကိန်းသည်
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့်
လည်း သီးခြားတွေ့ဆုံမည်။

၇၅ နှစ်အရွယ် ဗီယက်နမ်စစ်ပြန်ကြီးသည် နေပြည်တော်သို့ သွားရောက်၍ နိုင်ငံခြားရေးဝန်ကြီး ဦးဝဏ္ဏမောင်လွင် အပါအဝင် အာဏာပိုင်များနှင့်လည်း တွေ့ဆုံဖွယ်ရှိသည်ဟု သံတမန် သတင်းရပ်ကွက်တခုကလည်း ပြောသည်။

မြန်မာအစိုးရ၏ လူ့အခွင့်အရေး ချိုးဖောက်မှုများကြောင့် ပိတ်ဆို့ဒဏ်ခတ်မှုကို ထောက်ခံထားသူဖြစ်ကာ၊
ဒေါ်အောင်ဆန်းစုကြည်ဘက်မှ ရပ်တည်ပေးသူ ဂျွန်မက်ကိန်းခရီးစဉ်က
မြန်မာ့အရေး လေ့လာသူများအတွက် စိတ်ဝင်စားစရာ ဖြစ်သည်။

ထို့အပြင် လာမည့်သီတင်းပတ် နှစ်ပတ်အတွင်း အမေရိကန် အစိုးရ ကိုယ်စားလှယ်အဖွဲ့လည်း မြန်မာနိုင်ငံသို့ ဒုတိယအကြိမ်မြောက် လာရောက်မှာဖြစ်ပြီး၊ ဇွန်လ ၂ ရက်နေ့တွင် မြန်မာအတိုက်အခံ ခေါင်းဆောင်များနှင့်ပါ
တွေ့ဆုံဖွယ် ရှိသည်။

အမေရိကန်၏ အရှေ့အာရှနှင့် ပစိဖိတ်ဒေသဆိုင်ရာ ဒုလက်ထောက်နိုင်ငံခြားဝန်ကြီး ဂျိုးဇက်ဝိုင်ယွန်းသည် မေလ ၁၈ ရက်နေ့မှစ၍ ၄ ရက်ကြာ ခရီးစဉ်အဖြစ် မြန်မာနိုင်ငံသို့ လာရောက်ခဲ့သေးသည်။

သို့သော် အမေရိကန် သမ္မတအိုဘားမား အစိုးရသည် မြန်မာနိုင်ငံအပေါ် ပိတ်ဆို့အရေးယူခြင်းကို ဆက်လက် ကျင့်သုံးနေသလို၊ နေပြည်တော်နှင့် ထိတွေ့ဆက်ဆံမှုကိုလည်း ကျင့်သုံးနေသည်။

mizzima မှ ကူးယူဖော်ပြပါသည်။

ဂျွန်မက်ကိန်း မြန်မာပြည်သွားမည်

အမေရိကန် ဆီးနိတ်အမတ် မစ္စတာဂျွန်မက်ကိန်းသည် လာမည့်သီတင်းပတ်အတွင်း
မြန်မာနိုင်ငံသို့ သွားရောက်လည်ပတ်မှာ ဖြစ်သည်။

ရီပတ်ပလစ်ကင်ပါတီမှ ၂ဝဝ၈ ခုနှစ် အမေရိကန် သမ္မတရွေးကောက်ပွဲတွင် ဝင်ရောက်ယှဉ်ပြိုင်ခဲ့သူ ဗီယက်နမ် စစ်ပြန်ကြီးသည် နေပြည်တော်တွင် အာဏာပိုင်များနှင့် တွေ့ဆုံမှာဖြစ်သလို၊ မြန်မာ့ဒီမိုကရေစီခေါင်းဆောင်
ဒေါ်အောင်ဆန်းစုကြည်နှင့်လည်း တွေ့ဆုံမည်ဟု သတင်းရပ်ကွက်များက ပြောသည်။

ဂျွန်မက်ကိန်းသည် မြန်မာစစ်အစိုးရ၏ လူ့အခွင့်အရေး ချိုးဖောက်မှုများကြောင့် ပိတ်ဆို့အရေးယူမှုကို ထောက်ခံသူ
ဖြစ်သည်။

ရွေးကောက်ပွဲတွင် ဒီမိုကရက်တစ်ပါတီမှ လက်ရှိသမ္မတအိုဘားမားကို ရှုံးနိမ့်ခဲ့သူ ဂျွန်မက်ကိန်းသည် အိုဘားမားအစိုးရ၏ လုပ်ဆောင်ချက် အများအပြားကို ပြင်းထန်စွာ ကန့်ကွက်လေ့ရှိသူအဖြစ် ထင်ရှားသည်။

mizzima မှ ကူးယူဖော်ပြပါသည်။

လွတ်မြောက် နိုင်ငံရေးသမားများကို NLD ကြိုဆို



mizzima မှ ကူးယူဖော်ပြသည်။

၁၉၉၀ ရွေးကောက်ပွဲ အောင်ပွဲနေ့(ဓါတ်ပုံ)









naytthit မှ ကူးယူဖော်ပြသည်။

၁၉၉၀ ရွေးကောက်ပွဲမှတ်တမ်းများ(ရုပ်သံ)



mizzima မှ ကူးယူဖော်ပြပါသည်။

Thursday, May 26, 2011

ဦးသိန်းစိန် အစိုးရ၏ လွတ်ငြိမ်းချမ်းသာခွင့်အပေါ် သဘောထားတုန့်ပြန်ချက်များ



DVB မှ ကူးယူဖော်ပြပါသည်။

အကျဉ်းသားများ အစာငတ်ခံဆန္ဒပြမှု ကုလ အနီးကပ်စောင့်ကြည့်


အင်းစိန်အကျဉ်းထောင်တွင်း အစာငတ်ခံ ဆန္ဒပြနေတဲ့ နိုင်ငံရေးအကျဉ်းသား ၂၃ ဦးရဲ့အခြေအနေကို ကုလသမဂ္ဂက အနီးကပ် စောင့်ကြည့်နေတယ်လို့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စတာ ကင်တားနားက RFA ကို ပြောပါတယ်။

နိုင်ငံရေး အကျဉ်းသားတွေ ဆန္ဒပြနေတဲ့သတင်း ကျနော်ရထားပါတယ်။ အခြေအနေတွေကိုလည်း အနီးကပ် စောင့်ကြည့်နေပြီး ကောင်းမွန် တိုးတက်လာဖို့ မြန်မာအစိုးရနဲ့ အဆက်အသွယ်ရအောင် ကြိုးစားနေပါတယ်လို့ မစ္စတာ ကင်တားနားက ပြောပါတယ်။ အစာငတ်ခံ ဆန္ဒပြနေသူတွေကို ထောင်အာဏာပိုင်တွေဖက်က အကြမ်းဖက် ဖိနှိပ်ဖြိုခွဲမှာ၊ ဝေးလံတဲ့ ထောင်တွေဆီကို ပြောင်းရွှေ့ပစ်မှာ စတာတွေကို သူ့အနေနဲ့ စိုးရိမ်မိတယ်လို့ မစ္စတာ ကင်တားနားက ဆိုပါတယ်။

အင်းစိန်ထောင်မှာ ဆန္ဒပြနေတဲ့ ကိစ္စနဲ့ ပတ်သက်ပြီး နိုင်ငံရေး အကျဉ်းသား မိသားစုဝင်တွေကလည်း ရန်ကုန်မြို့ ကမ္ဘာ့ကြက်ခြေနီအသင်း (ICRC) ရုံးမှာ သက်ဆိုင်ရာ တာဝန်ရှိသူတွေနဲ့ ဒီကနေ့ တွေ့ဆုံခဲ့ပါတယ်။ ဆန္ဒပြ နိုင်ငံရေးအကျဉ်းသားတွေ ကိစ္စကို ICRC အနေနဲ့ ကြားဝင်ညှိနှိုင်း ဆောင်ရွက်ပေးဖို့ အဓိကတင်ပြခဲ့တဲ့ အကြောင်း တွေ့ဆုံပွဲမှာ ပါဝင်ခဲ့တဲ့ နိုင်ငံရေးအကျဉ်းသားများ လွတ်မြောက်ရေး ဦးဆောင်လှုပ်ရှားနေသူ ၈၈ မျိုးဆက် ကျောင်းသားခေါင်းဆောင် ကိုဖြိုးမင်းသိန်းက ပြောပါတယ်။

“ကျွန်တော်တို့ ဆွေးနွေးတဲ့ အဓိက ရည်ရွယ်ချက်က အခု ဖြစ်နေတဲ့ ၂၂ ယောက်နဲ့ နောက်တိုး တယောက်ပေါ့ဗျာ၊ အဲဒီလူတွေကို အရေးယူဖို့ တခုအနေနဲ့ လုပ်မယ်ဆိုရင်တောင် လူသားချင်းစာနာတဲ့ အရေးယူမှုမျိုးပဲ သူတို့ဖက်က လုပ်သင့်တယ်။ ဒီလူတွေကို စိုးရိမ်မိတယ်ဆိုတဲ့ အင်ဖော်မေးရှင်းမျိုး အာဏာပိုင်ကို ပြောမယ်ဆိုရင် အာဏာပိုင်ဖက်က သတိထားရမယ်ပေါ့ဗျာ။ ဘာဖြစ်လို့လဲဆိုရင် နိုင်ငံတကာက စောင့်ကြည့်နေတယ်ဆိုရင် နည်းနည်း သတိထားပြီး လုပ်မယ်ပေါ့။ နို့မို့ဆိုရင် လက်လွတ်စပယ် လုပ်မယ်ဆိုရင် ကျွန်တော်တို့ လူတွေ သေဆုံးသွားမှာကို ကျွန်တော်တို့ စိုးရိမ်မိတယ်ပေါ့။ အဲဒီ အကြောင်းလေးပါ။ ကျွန်တော်တို့ ပြောတဲ့အပိုင်းကလေ။”

နိုင်ငံရေးအကျဉ်းသားတွေ အစာငတ်ခံ ဆန္ဒပြနေတာ လေးရက်မြောက်သွားပြီ ဖြစ်ပေမဲ့ သူတို့ တောင်းဆိုထားတဲ့ အချက်တွေကို အာဏာပိုင်တွေဖက်က မလိုက်လျောတဲ့အပြင် ထောင်ပြောင်းရွှေ့တာ အပါအဝင် နည်းမျိုးစုံနဲ့ ဖြိုခွဲဖို့ ပြင်ဆင်နေတဲ့အကြောင်း အင်းစိန်ထောင်နဲ့ နီးစပ်တဲ့ သတင်းရပ်ကွက်အရ သိရပါတယ်။

RFA မှ ကူးယူဖော်ပြပါသည်။

သမ္မတ ဦးသိန်းစိန် တရုတ်ခရီးစဉ် စတင်မည်


မနက်ဖြန် သွားရောက်မယ့် မြန်မာအစိုးရသစ် သမ္မတ ဦးသိန်းစိန်ရဲ့ တရုတ်နိုင်ငံ ချစ်ကြည်ရေး ခရီးစဉ်ဟာ တရုတ်နဲ့ မြန်မာအကြား နီးနီးကပ်ကပ် ရှိနေတယ် ဆိုတာကို ပြည်တွင်းရော နိုင်ငံတကာကိုပါ ပြသလိုတဲ့ ရည်ရွယ်ချက် ရှိပုံရတယ်လို့ လေ့လာသူတွေက ခန့်မှန်းပါတယ်။ ခရီးစဉ်အတွင်းမှာတော့ နှစ်နိုင်ငံ ကုန်သွယ်ရေး၊ စီးပွားရေး ကိစ္စတွေနဲ့ နယ်စပ်တည်ငြိမ်ရေး ကိစ္စတွေကို အလေးပေး ဆွေးနွေးဖွယ် ရှိနေပါတယ်။ အပြည့်အစုံကို စုံစမ်းမေးမြန်းထားတဲ့ ကိုသားညွန့်ဦးက တင်ပြပေးထားပါတယ်။

သမ္မတ ဦးသိန်းစိန်ရဲ့ အခုခရီးစဉ်ဟာ သမ္မတအဖြစ် ဒုတိယမြောက် ပြည်ပခရီးစဉ် ဖြစ်သလို တရုတ်နိုင်ငံကိုတော့ သမ္မတသစ် အနေနဲ့ ပထမဆုံး သွားရောက်တဲ့ ချစ်ကြည်ရေး ခရီးစဉ် ဖြစ်ပါတယ်။ ပထမဆုံး ပြည်ပခရီးစဉ်ကတော့ အင်ဒိုနီးရှားနိုင်ငံဖြစ်ပြီး အာဆီယံ ထိပ်သီးအစည်းအဝေးကို အဲဒီမှာ တက်ရောက်တာလည်း ဖြစ်ပါတယ်။ သမ္မတသစ်ရဲ့ တရုတ်ခရီးစဉ် မတိုင်ခင်မှာဆိုလည်း အစိုးရသစ် ဖွဲ့ပြီးပြီးချင်း မြန်မာပြည် လာရောက်တဲ့ နိုင်ငံခြား အဆင့်မြင့် ခေါင်းဆောင်ဟာ တရုတ်နိုင်ငံက ဖြစ်ပါတယ်။

ဒါကြောင့် အစိုးရသစ် လက်ထက်မှာလည်း တရုတ်၊ မြန်မာ ဆက်ဆံရေး နီးနီးစပ်စပ် ရှိနေတယ်ဆိုတာ ပြသလိုပုံ ရတယ်လို့ တရုတ်အခြေစိုက် မြန်မာ့အရေး လေ့လာသူ ဒေါက်တာ လှကျော်ဇောက သုံးသပ်ပါတယ်။

“အစိုးရသစ် တက်ရင်တော့ သူက အင်အားကြီးနိုင်ငံ၊ မိတ်ဆွေရင်းနိုင်ငံတွေကို သွားပြီး မိတ်ဆက်ရတာ၊ အစိုးရရဲ့ ပေါ်လစီတွေ ရှင်းပြရတာတွေ ရှိတာပေါ့။ အဲဒါအပြင် သူ့မှာ တခြား ရည်ရွယ်ချက်ကတော့ ပြည်တွင်းက သူ့ကို မကျေမနပ် ဖြစ်နေတဲ့ ပြည်သူလူထုကိုလည်း သူက ပြတာ၊ ငါ့နောက်မှာ တရုတ်ကြီးရှိတယ်၊ ထို့အတူပဲ အနောက်နိုင်ငံက လူတွေကိုလည်း ဒီလိုပဲ သူ့ကို ခပ်ခွာခွာ လုပ်ချင်လုပ်၊ ငါ့မှာတော့ ဒီမှာ အားကိုးရှိတာပဲဆိုပြီး ဖိအားပေးတဲ့ သဘောနဲ့ သူက တရုတ်ကို လုံးပြတာ ပါပါတယ်။”

သမ္မတ ဦးသိန်းစိန်ရဲ့ ခရီးစဉ်အတွင်းမှာ နှစ်နိုင်ငံ ၀န်ကြီးဌာနတွေအကြား ပူးပေါင်းဆောင်ရွက်မယ့် ကိစ္စတွေကို လက်မှတ်ထိုးမှာ ဖြစ်သလို စီးပွားရေး ပူးပေါင်းဆောင်ရွက်မှု ကိစ္စတွေကို အလေးပေး လုပ်ဆောင်မှာ ဖြစ်တယ်လို့ မြန်မာနိုင်ငံဆိုင်ရာ တရုတ်သံအမတ်ကြီး လီဂျန်ဟူး (Li Junhua) က တရုတ်ပိုင် ဆင်ဟွာ သတင်းဌာနကို ပြောခဲ့ပါတယ်။

တရုတ်အနေနဲ့ အခုလို စီးပွားရေးနဲ့ ကုန်သွယ်ရေး ကိစ္စကို အလေးပေး ဆွေးနွေးမှာ ဖြစ်သလို တချိန်တည်းမှာလည်း တရုတ်၊ မြန်မာ နယ်စပ်က တိုင်းရင်းသား လက်နက်ကိုင်တွေနဲ့ မြန်မာအစိုးရ တင်းမာနေတဲ့ ကိစ္စကိုလည်း ဆွေးနွေးနိုင်ချေ ရှိတယ်လို့ ဒေါက်တာ လှကျော်ဇောက ယူဆပါတယ်။

“East Asian Community ဆိုတာ သူက ရအောင် ကြိုးစားနေတဲ့ အချိန်မှာ အဲဒီ ၃ နိုင်ငံနဲ့ Asian + 3 ပေါ့၊ အဲဒီဟာကြီး တခုလုံးကို သူက အာရှဈေးကွက်ကြီး ဖြစ်စေချင်တယ်။ ဗမာတို့၊ လာအိုတို့၊ ကမ္ဘောဒီးယားတို့ ဒီထဲမှာ အဆင်းရဲဆုံး နိုင်ငံတွေကို သူက တတ်နိုင်သမျှ မြှင့်တင်ဖို့ ကြိုးစားနေတယ်၊ သူ့ပေါ်လစီက။”

နယ်စပ်ကိစ္စတွေရော ပါနိုင်လားခင်ဗျ။

“ပါတယ်၊ ဒါကတော့ သေချာတယ်။ ငြိမ်းချမ်းရေး ရယူထားတဲ့ အဖွဲ့တွေ၊ အဲဒီကိစ္စတွေကတော့ သူ့အနီးအနားမှာ အပူကွက် ရှိကို မရှိစေချင်ဘူး။”

တရုတ်နိုင်ငံဟာ အရင် မြန်မာစစ်အစိုးရရော အခုလက်ရှိ အစိုးရသစ်နဲ့ပါ နီးနီးကပ်ကပ် ဆက်ဆံပေမဲ့ မြန်မာအစိုးရအပေါ် အများယူဆသလို၊ အထူးသဖြင့် အနောက်နိုင်ငံက လေ့လာသူအချို့ ယူဆသလို တရုတ်ဟာ မြန်မာအပေါ် သြဇာညောင်းတယ် ဆိုတာကိုတော့ တရုတ်နဲ့ မြန်မာ ဆက်ဆံရေး လေ့လာသူအချို့က လက်မခံပါဘူး။ တရုတ်နိုင်ငံဆိုင်ရာ မြန်မာသံအမတ်ကြီးဟောင်း ဖြစ်တဲ့ သခင်ချန်ထွန်းက အရင် စစ်ခေါင်းဆောင်တွေ လက်ထက်ကတည်းက တရုတ်ဘက်ကပြောတိုင်း လိုက်နာတာ မဟုတ်ဘူးလို့ ယူဆပါတယ်။

“တုံးတိုက်တိုက် ကမ်းတိုက်တိုက်ပဲ၊ သိပ်ပြီးတော့ ဂရုစိုက်ချင်တာ မဟုတ်ဘူး။ စစ်ခေါင်းဆောင်တွေက လူထွက်ပြီး အုပ်ချုပ်လာတဲ့အချိန် ဖြစ်လာတယ် အခုက၊ မူလစိတ်ထား၊ မာန်မာနကတော့ ချမယ်လို့ မထင်ဘူး။”

ဒါပေမဲ့လည်း တရုတ်ဘက်ကတော့ မြန်မာနိုင်ငံမှာ အပြောင်းအလဲတွေ ဖြစ်လာဖို့ အနောက်နိုင်ငံတွေရဲ့ ချဉ်းကပ်ပုံနဲ့ မတူဘဲ တိုးတိုးတိတ်တိတ် နားချတဲ့ နည်းလမ်းကို သုံးလေ့ရှိတယ်လို့ ဒေါက်တာ လှကျော်ဇောက ပြောပါတယ်။

“အနောက်နိုင်ငံနဲ့ မတူတာက အနောက်နိုင်ငံက မီဒီယာမှာ အရမ်းကာရော အုတ်အောင်သောင်းနင်းတွေ ပြောတာလေ။ တရုတ်က အဲဒီလို မဟုတ်ဘူး၊ တိုးတိုးတိတ်တိတ်ပေါ့ဗျာ။”

သမ္မတသစ် ဦးသိန်းစိန်ရဲ့ သမ္မတ ကျမ်းသစ္စာဆိုပွဲမှာ သူတို့အစိုးရသစ် အနေနဲ့ Clean Government သန့်ရှင်းတဲ့ အစိုးရနဲ့ Good Governance ကောင်းမွန်တဲ့ အုပ်ချုပ်မှုဖြစ်အောင် လုပ်သွားမယ်လို့ ကတိစကား ဆိုခဲ့ပါတယ်။ ဒါကိုက တရုတ်ရဲ့ အငွေ့အသက် မကင်းဘူး၊ တရုတ်အစိုးရ လက်ရှိ ဆောင်ရွက်နေတဲ့ ပုံစံကို နမူနာ ယူချင်တာ ဖြစ်တယ်လို့ လေ့လာသူ အချို့က ယူဆပါတယ်။ တရုတ်အစိုးရဟာ တဘက်မှာ မြန်မာစစ်ခေါင်းဆောင်တွေကို နိုင်ငံတကာမှာ ဝေဖန်ပြစ်တင် ခံရမှုတွေကနေ အကာအကွယ် ပေးသလို တဘက်မှာ အပြောင်းအလဲ ဖြစ်လာစေရေး တိုက်တွန်း ကူညီမှုတွေ ရှိတယ်လို့ ယူဆကြပါတယ်။

တရုတ်သမ္မတ ဟူကျင်တောင်း (Hu Jintao) ရဲ့ ဖိတ်ကြားချက်အရ အခုသွားရောက်မယ့် သမ္မတသစ်ရဲ့ ချစ်ကြည်ရေး ခရီးစဉ်ဟာ မနက်ဖြန်ကစပြီး စနေနေ့မှာ အဆုံးသတ်မှာ ဖြစ်ပါတယ်။ သမ္မတရဲ့ ခရီးစဉ်အတွင်း ပြည်ထောင်စု အစိုးရအဖွဲ့ဝင် ၀န်ကြီး ၁၀ ဦးကျော်နဲ့ မြန်မာ့စီးပွားရေး လုပ်ငန်းရှင် တော်တော်များများ ပါဝင်မယ်လို့ သိရပါတယ်။

VOA မှ ကူးယူဖော်ပြပါသည်။

ဆန္ဒပြနိုင်ငံရေးအကျဉ်းသားများကို ထောင်ဝင်စာတွေ့ခွင့်ပိတ်


မေလ ၂၂ ရက် ပြီးခဲ့တဲ့ တနင်္ဂနွေက အင်းစိန်ထောင်အတွင်း အစာငတ်ခံ ဆန္ဒပြခဲ့တဲ့ နိုင်ငံရေး အကျဉ်းသားတွေကို အာဏာပိုင်တွေက ထောင်ဝင်စာ တွေ့ခွင့် ပိတ်ပင်ထားတယ်လို့ RFA က စုံစမ်း သိရှိရပါတယ်။

ထောင်ဝင်စာလာတွေ့သူတွေကို ထောင်အာဏာပိုင်တွေက အမည်စာရင်းနဲ့ တိုက်ကြည့်ပြီး ဆန္ဒပြသူ စာရင်းမှာ ပါတဲ့ မိသားစုဝင်တွေကို ထောင်ဝင်စာ တွေ့ခွင့်မပေးဘူးလို့ အင်းစိန်ထောင် နိုင်ငံရေး အကျဉ်းသား မိသားစုတွေနဲ့ နီးစပ်သူတဦးက ပြောပြပါတယ်။

“ပိတ်တဲ့လူတွေ ပိတ်တယ်လို့ ပြောတယ်။ ကိုယ်တိုင်သွားမှပဲ သူက ကြေညာတာလေ။ ပါတဲ့စာရင်းတွေကို သူက ရေးထားတာကိုး။ ၂၂ ယောက်လို့ ပြောတယ်။ ပါတဲ့လူကို သူက ကြည့်လိုက်သေးတယ်။ ဒီလူ ပါတယ်ဆိုရင် ထောင်ဝင်စာ ပေးမတွေ့ဘူး။ ပြန်တော့၊ အဲလိုပေါ့။ ပါတယ် မပါဘူး သူတို့ ခွင့်ပြုထားတဲ့ လူကျရင်တော့ ပေးတွေ့တယ်၊ အဲလိုပေါ့။ အဲဒီတော့ ကိုယ်တိုင် သွားတဲ့ အလှည့်မရောက်သေးတဲ့ လူတွေကတော့ မသိကြသေးဘူးပေါ့နော်။”

အင်းစိန်ထောင်တွင်းမှာ စာနယ်ဇင်း အယ်ဒီတာဟောင်း ကိုညီညီထွန်းနဲ့ ရခိုင်လူငယ် ကိုအောင်နိုင်တို့ ဦးဆောင်ပြီး နိုင်ငံရေးအကျဉ်းသား အယောက်၂၀ ကျော်က အစာငတ်ခံ ဆန္ဒပြခဲ့ပါတယ်။

ထောင်တွင်း ကျန်းမာရေး စောင့်ရှောက်မှုရဖို့ ၊ လုံလောက်တဲ့ အစာအာဟာရ ပေးဖို့၊ စာရေးသားခွင့်နဲ့ လူ့ဂုဏ်သိက္ခာနဲ့ ကိုက်ညီတဲ့ ထောင်ဝတ်စုံကို ခြောက်လတကြိမ် လဲခွင့် စတဲ့ အချက် ၇ ချက်ကို လက်မှတ်ရေးထိုး တောင်းဆိုခဲ့ကြပါတယ်။ ဒါအပြင် သမ္မတဦးသိန်းစိန်ရဲ့လွတ်ငြိမ်းချမ်းသာခွင့် အမိန့်ကို ပြန်လည် ပြင်ဆင်ပေးဖို့ နိုင်ငံရေးအကျဉ်းသားတွေက တောင်းဆိုနေကြတယ်လို့လည်း သိရပါတယ်။

အစာငတ်ခံဆန္ဒပြပွဲ စတင်ပြီး မကြာခင်မှာ အင်းစိန်ထောင် ညွှန်ကြားရေးမှူး ရောက်လာပြီး ကိုညီညီထွန်း၊ ကိုစိုးမိုးထွန်းအပါအဝင် နိုင်ငံရေးအကျဉ်းသား ခြောက်ယောက်ကို သီးသန့်တိုက်ပိတ် အရေးယူခဲ့တယ်လို့ စုံစမ်း သိရှိရပါတယ်။ အခုအချိန်အထိ နိုင်ငံရေးအကျဉ်းသားတွေဟာ ဆက်လက်ပြီး အစာငတ်ခံ ဆန္ဒပြနေကြတယ်လို့ သိရပါတယ်။


RFA မှ ကူးယူဖော်ပြပါသည်။

Wednesday, May 25, 2011

ကလေးမြို့ထောင်မှာ အကျဉ်းသားအခွင့်အရေး တောင်းဆိုသူများ တိုးလာ


စစ်ကိုင်းတိုင်း ကလေးမြို့ အကျဉ်းထောင်ရောက် နိုင်ငံရေးအကျဉ်းသားတွေက ထောင်တွင်း ဆေးကုသမှု ကောင်းကောင်းမွန်မွန် ရရှိဖို့နဲ့ တခြားအခွင့်အရေးတွေ ရရှိဖို့ အတွက် အစိုးရနဲ့ နိုင်ငံတကာ အဖွဲ့တွေဆီကို တင်ပြ တောင်းဆိုတာတွေ ဆက်လက် ဖြစ်ပေါ်နေပါတယ်။

ပြီးခဲ့တဲ့ မေလ ၁၁ ရက်နေ့ကစပြီး ရွှေဝါရောင် သံဃာ့လှုပ်ရှားမှု ခေါင်းဆောင် အရှင်ဂမ္ဘီရနဲ့ NLD ပြည်သူ့လွှတ်တော် ကိုယ်စားလှယ် ဦးညီပု အပါအဝင် နိုင်ငံရေးအကျဉ်းသား ၄ ယောက် လက်မှတ်ရေးထိုးပြီး တောင်းဆိုခဲ့တဲ့ နိုင်ငံရေး အကျဉ်းသားများ ရပိုင်ခွင့်အချက် ၆ ချက် အပေါ် နောက်ထပ် နိုင်ငံရေးအကျဉ်းသား ၈ ယောက်က မေလ ၁၈ ရက်နေ့မှာ ထပ်မံ ပါဝင်ေ ထာက်ခံ တောင်းဆိုခဲ့ကြောင်း RFA က စုံစမ်းသိရှိရပါတယ်။

အဲဒီ နိုင်ငံရေးအကျဉ်းသားတွေကတော့ တောင်ကုတ်မြို့နယ် NLD အဖွဲ့ဝင် ကိုမင်းအောင်၊ ကိုနေလင်းအောင်၊ ကိုမြင့်လှိုင်၊ ကိုလှိုင်မျိုး ခေါ် မျိုးကြီး၊ ကိုအောင်အောင်၊ ဦးသိန်းလွင်ဦး၊ ကိုရန်ရွှေနဲ့ ဦးအေးချိုတို့ ဖြစ်ပါတယ်။

သူတိုရဲ့တောင်းဆိုချက်တွေမှာ ကျန်းမာရေး စောင့်ရှောက်မှု အပြည့်အဝ ပေးဖို့၊ အစားအသောက် အသုံးအဆောင် အပြည့်အဝပေးဖို့၊ ထောင်ဝင်စာ တွေ့ချိန်မှာ မိသားစုနဲ့ လွတ်လွတ်လပ်လပ် စကားပြောခွင့်ရဖို့၊ ထောင်ဝင်စာ မလာနိုင်သေးတဲ့ ကြားကာလမှာ တယ်လီဖုန်း ဆက်သွယ် စကားပြောခွင့် ပြုဖို့၊ တရားဝင် ထုတ်ဝေထားတဲ့ စာအုပ်စာတမ်းမှန်သမျှ ဖတ်ရှုခွင့်ရဖို့၊ ရေဒီယို ရုပ်မြင်သံကြား ကြည့်ရှုခွင့် ရဖို့နဲ့ အကျဉ်းထောင် လက်စွဲဥပဒေအတိုင်း ရပိုင်ခွင့်တွေ ပေးဖို့ ဖြစ်ပါတယ်။

အဲဒီတောင်းဆိုစာကို နိုင်ငံတော်သမ္မတ အပါအဝင် အကျဉ်းဦးစီးဌာနနဲ့ ကုလသမဂ္ဂ၊ အာဆီယံ လူ့အခွင့်အရေး ကော်မရှင်တွေဆီကို ပေးပို့ခဲ့ကြောင်း သိရပါတယ်။


RFA မှ ကူးယူဖော်ပြပါသည်။

မြန်မာအစိုးရကို ဖိအားပေးဖို့ USCB နှိုးဆော်


ရန်ကုန် အင်းစိန်ထောင်တွင်းက အကျဉ်းသား ရပိုင်ခွင့်အတွက် တောင်းဆိုနေကြတဲ့ နိုင်ငံရေး အကျဉ်းသားတွေရဲ့ ဆန္ဒပြမှုကို နိုင်ငံတကာ အစိုးရတွေအနေနဲ့ သိရှိပြီး နိုင်ငံရေးအကျဉ်းသား အားလုံးကို လွှတ်ပေးဖို့အတွက် မြန်မာအစိုးရကို ဖိအားပေး တိုက်တွန်းကြဖို့ USCB လို့ ခေါ်တဲ့ အမေရိကန်နိုင်ငံ အခြေစိုက် မြန်မာ့အရေး လှုပ်ရှားမှုအဖွဲ့က မေလ ၂၃ ရက်နေ့စွဲနဲ့ ကြေညာချက် ထုတ်ပြန် တောင်းဆိုလိုက်ပါတယ်။
အကျဉ်းထောင်အတွင်းက ဆန္ဒပြ နိုင်ငံရေး အကျဉ်းသားတွေကို အာဏာပိုင်တွေက ပိုပြီး ဖိနှိပ်ချုပ်ချယ်မှာကို စိုးရိမ်ပူပန်တဲ့အတွက် ဒီအကျဉ်းသားတွေရဲ့ အရေးကို နိုင်ငံတကာက ဝိုင်းဝန်း ကူညီ ဖြေရှင်းပေးကြဖို့ တောင်းဆိုရတာ ဖြစ်ကြောင်း USCB ရဲ့ ညွှန်ကြားရေးမှူး ဦးအောင်ဒင်က ပြောပါတယ်။

“ဒီအင်းစိန်ထောင်ထဲက နိုင်ငံရေး အကျဉ်းသားတွေ အခုလိုမျိုး အစာငတ်ခံ ဆန္ဒပြ တိုက်ပွဲဝင်နေကြပြီ။ သူတို့ တောင်းဆိုတာကလည်း သူတို့ ရသင့်ရထိုက်တဲ့ အခွင့်အရေးကို တောင်းဆိုတာ ဖြစ်တယ်။ ဒီပေါ်မှာ နိုင်ငံတကာ အစိုးရတွေကနေပြီးတော့ မျက်ခြေမပြတ် စောင့်ကြည့်ပြီး မြန်မာစစ်အစိုးရအပေါ်မှာ မတရားမှုတွေ ဆက်ပြီး မကျူးလွန်ဖို့ ဝိုင်းဝန်း ဖိအားပေးဖို့ ကျွန်တော်တို့ တောင်းဆိုသွားတာ။ အဲဒီ တောင်းဆိုတာကိုလည်း ဒီကနေ့ပဲ အမေရိကန် အစိုးရကိုရော၊ ဒီ နိုင်ငံတကာ အစိုးရတွေကိုရော၊ ကုလသမဂ္ဂ အဖွဲ့အစည်း အားလုံးကိုပါ ကျွန်တော်တို့ ပေးပို့ပါတယ်။”

အင်းစိန်အကျဉ်းထောင်တွင်းက အကျဉ်းသား သံဃာ ၃ ပါးနဲ့ အမျိုးသမီး ၇ ဦး အပါအဝင် နိုင်ငံရေးအကျဉ်းသား ၃၀ ခန့်က အကျဉ်းသားရပိုင်ခွင့် အခွင့်အရေးတွေနဲ့ ပတ်သက်ပြီး မေလ ၁၇ ရက်နေ့က စတင် ဆန္ဒပြခဲ့ကြပါတယ်။

ထောင်ကကျွေးတဲ့ အစားအစာတွေကို သတ်မှတ်ချက်အတိုင်း ပြည့်ပြည့်စုံစုံ ကျွေးဖို့ ၊ လူ့ဂုဏ်သိက္ခာနဲ့ လျော်ညီတဲ့ အဝတ်အစား၊ စောင်၊ အိပ်ယာခင်းတွေကို ၆ လ တကြိမ် လဲလှယ်ပေးဖို့ ၊ အခန်းကျဉ်းအတွင်း သတ်မှတ်ဦးရေထက် ပိုပြီးမထားဖို့နဲ့ ကြွက်၊ ခြင်၊ ယင် စတဲ့ ပိုးမွှားတွေ ရှင်းလင်းပေးဖို့၊ တခြား အကျဉ်းသားတွေနဲ့ နည်းတူ လျှော့ရက် ခံစားခွင့်နဲ့ စာရေးစာဖတ်ခွင့် ပေးဖို့၊ ထောင်ဝင်စာ လွတ်လွတ်လပ်လပ် တွေ့ခွင့်ပေးဖို့၊ နိုင်ငံရေး အကျဉ်းသားတွေကို တခြားအကျဉ်းသားတွေနဲ့ သီးသန့်ခွဲထားဖို့ စတဲ့ အချက်တွေကို တောင်းဆိုနေကြတာကို နိုင်ငံတကာက စာနာနားလည်ပြီး အကူအညီတွေ ပေးကြဖို့ တောင်းဆိုရတာ ဖြစ်ကြောင်းလည်း ကြေညာချက်မှာ ဖော်ပြထားပါတယ်။

RFA မှ ကူးယူဖော်ပြပါသည်။

အန်အယ်လ်ဒီတွင် ၉၀ ရွေးကောက်ပွဲအထိမ်းအမှတ် စာတမ်းသုံးစောင်ဖတ်မည်

ဒီလ ၂၇ရက်နေ့ကျရင် အမျိုးသားဒီမိုကရေစီအဖွဲ့ချုပ်မှာ ကျင်းပမယ့် ၁၉၉၀ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲ အောင်ပွဲ အထိမ်းအမှတ်အခမ်းအနားမှာ စာတမ်းသုံးစောင် ဖတ်ကြားဖုိ့ စီစဉ်ထားတယ်လို့ အဖွဲ့ချုပ် ပြောခွင့်ရသူ ဦးအုန်းကြိုင် ကပြောပါတယ်။
“၁၉၉၀ပြည့်နှစ် ရွေးကောက်ပွဲကို ဘာကြောင့်ဝင်ခဲ့ရသလဲ”စာတမ်းကို အဖွဲ့ချုပ် မွန်ပြည်နယ်စည်းရုံးရေးကော်မတီဝင် ပြည်သူ့လွှတ်တော်အမတ် ဦးအောင်ကြည်ညွှန့်၊ “၂၀၁၀ ရွေးကောက်ပွဲကို ဘာကြောင့် မဝင်ခဲ့တာလဲ” စာတမ်းကို ရှစ်ဆယ့်ရှစ် မျိုးဆက်ကျောင်းသား ကိုဖြိုးမင်းသိမ်း နဲ့ “၁၉၉၀ ပြည့်နှစ် ရွေးကောက်ပွဲနဲ့ ၂၀၁၀ ရွေးကောက်ပွဲတွေပေါ်မှာ တိုင်းရင်းသားတွေရဲ့ သဘောထား” စာတမ်းကို စီအာပီပီ အတွင်းရေးမှူး ဦးအေးသားအောင် က အသီးသီး ပြုစုဖတ်ကြားကြမှာဖြစ်ပါတယ်။
ဒီအခမ်းအနားမှာ မကြာသေးခင်က ပြန်လည်လွတ်မြောက်လာကြတဲ့ နိုင်းငံရေးအကျဉ်းသားတွေကို အမျိုးသားဒီမိုကရေစီအဖွဲ့ချုပ်က
ဂုဏ်ပြုတဲ့ အစီအစဉ်တရပ်ကိုလည်း ထူးထူးခြားခြား ထည့်သွင်းထားတယ်လို့ သူကပြောပါတယ်။
သမိုင်းဝင် ရှစ်လေးလုံး လူထုအုံကြွမှုအပြီး တပ်မတော်အစိုးရက ဦးစီးကျင်းပတဲ့ ပါတီစုံဒီမိုကရေစီ အထွေထွေရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်ဟာ အပြတ်အသတ် အနိုင်ရပေမယ့် တပ်မတော်အစိုးရက အာဏာလွှဲပြောင်းပေးဖို့ ပျက်ကွက်ခဲ့ပါတယ်
၂၀၁၀ ခုနှစ်မှာ တပ်မတော်အစိုးရက ထပ်မံကျင်းပတဲ့ ရွေးကောက်ပွဲမှတော့ အမျိုးသားဒီမိုကရေစီအဖွဲ့ချုပ်က ဝင်မပြိုင်ပါဘူး။

DVB မှ ကူးယူဖော်ပြပါသည်။

NLD လူငယ်နှစ်ဦး ရဲခေါ်စစ်

သမ္မတကို ဆဲဆိုထားသည့် ဆေးနီပက်ဖျန်းမှုများ ရန်ကုန်တိုင်း ဒဂုံမြို့သစ်တောင်ပိုင်း လမ်းမများ၌ တနင်္လာညတွင် ဖြစ်ပွားခဲ့ပြီးနောက် အင်္ဂါမနက်တွင် တောင်ဒဂုံ အမျိုးသားဒီမိုကရေစီအဖွဲ့ချုပ် NLD လူငယ်နှစ်ဦးကို ရဲက ခေါ်ယူမေးမြန်းမှုအချို့ ပြုလုပ်ခဲ့သည်။

မြို့နယ်တွင်း ၅၄၊ ၅၃၊ ၁၈ နှင့် ၁၉ ရပ်ကွက်၌ ယမန်နေ့ညဦးပိုင်းတွင် ဆေးနီများဖြင့် ဆဲရေးတိုင်းထွာစာများအား ကွန်ကရစ်ခင်း လမ်းမတလျှောက် ပက်ဖျန်းမှုအပြီး၊ ရဲက လုံခြုံရေးအကြောင်းပြချက်ဖြင့် တောင်ဒဂုံ အမှတ် ၅၃ ရပ်ကွက်မှ ကိုဇေယျနှင့် ကိုဖိုးဇော်တို့ကို ရပ်ကွက်အုပ်ချုပ်ရေးမှူးရုံးတွင် ခေါ်ယူစစ်ဆေးခဲ့ခြင်း ဖြစ်သည်။

“ညက မင်းတို့ ထိန်ဝင်းနဲ့ အတူရှိလားပေါ့၊ တောင်ဒဂုံစခန်းက နယ်ထိန်းတာဝန်ခံက မေးတယ်တဲ့။ ... ရဲက ဆေးမှုတ်တဲ့ ကိစ္စနဲ့တော့ မဆိုင်ပါဘူး၊ ရန်ကုန်ကို ဖောက်ခွဲရေးသမားတွေ အယောက် ၅ဝ လောက် ရောက်နေတယ်၊ တောင်ဒဂုံမှာ တယောက်ရှိတယ်ဆိုလို့ ဧည့်စာရင်း စစ်တာပါလို့ ပြောတယ်” ဟု တောင်ဒဂုံ NLD မြို့နယ်လူငယ်တာဝန်ခံ ကိုထိန်ဝင်းက မဇ္ဈိမကို ပြောသည်။

လူငယ်နှစ်ဦး မိနစ်ပိုင်းအကြာ စစ်ဆေးခံရခြင်းနှင့် ပတ်သက်၍ ကိုထိန်ဝင်း၊ မြို့နယ်စည်းရုံးရေးအဖွဲ့မှ ဦးကြည်လင်းနှင့် လူငယ်အချို့က ရပ်ကွက်အုပ်ချုပ်ရေးရုံးသို့ သွားရောက်စုံစမ်းရာမှ သိခဲ့ရခြင်း ဖြစ်သည်။

၎င်းတို့က ဆေးဖျန်းပက်မှု၊ ဖောက်ခွဲမှုများနှင့် မသက်ဆိုင်သလို၊ NLD အနေဖြင့် ထိုလုပ်ရပ်မျိုး မလုပ်ဆောင်ကြောင်း အာဏာပိုင်များကို ပြန်လည် ပြောကြားခဲ့သေးသည်။

ဆေးဖျန်းခံရသည့် နေရာများအား ဒေသအာဏာပိုင်များက ယခုအခါ ဘိလပ်မြေဖြင့် ဖုံးအုပ်ခဲ့ပြီးဖြစ်သည်။

“၅၄ ရပ်ကွက်က ဇေယျာမြိုင်လမ်းမှာ ရှိတယ်ဗျာ၊ ကျွန်းရွှေမြိုင်လမ်းမှာ ရှိတယ်ဗျာ။ ကျနော်တွေ့တာတော့ ၃ နေရာ ရှိတယ်ဗျ။ နောက်ပြီးတော့ တချို့တွေက တွေ့တာကတော့ ၄-၅ နေရာလောက် ရှိမယ်လို့ ဆိုတယ်။ လမ်းတွေက ကွန်ကရစ်လမ်းတွေဆိုတော့ သူတို့ အဲဒါတွေကို ဘိလပ်မြေနဲ့ အပေါ်ကနေ ထပ်မံလိုက်တယ်” ဟု ဒေသခံတဦးက မဇ္ဈိမကို ပြောသည်။

mizzima burmese မှ ကူးယူဖော်ပြပါသည်။

နိုင်ငံရေးအကျဉ်းသားမျာ၏တောင်းဆိုချက်(၆)ချက်

၁။ ကျန်းမာရေး စောင့်ရှောက်မှု အပြည့်အဝရရှိရေး
၂။ အစားအသောက် အသုံးအဆောင်များ အပြည့်အဝ ခံစားရရှိရေး
၃။ မိသားစုနှင့် လွတ်လပ်စွာ စကားပြောခွင့် တယ်လီဖုန်းဆက်သွယ်ခွင့်ပြုရေး
၎။ တရားဝင် ထုတ်ဝေထားသော မည်သည့် စာအုပ်စာတမ်းကိုမဆို လွတ်လပ်စွာ ဖတ်ခွင့်ရရေး
၅။ ရေဒီယို၊ ရုပ်မြင်သံကြား (ပြည်တွင်း/ပြည်ပ) ဒေသတွင်းနှင့် နိုင်ငံတကာမှ ထုတ်လွှင့်သော ဂြိုဟ်တု စလောင်း/ ရုပ်သံလိုင်းများကို လွတ်လပ်စွာ ကြည့်ရှု နားထောင်ခွင့်ရရေး
၆။ အကျဉ်းထောင် လက်စွဲဥပဒေပါ အခွင့်အရေးနှင့် ရပိုင်ခွင့်များအားလုံး အပြည့်အဝ ရရှိရေး တို့ဖြစ်သည်။
mizzima burmese မှ ကူးယူဖော်ပြသည်။

Tuesday, May 24, 2011

အင်းစိန်ထောင်မှာ အကျဉ်းသားများ ဆန္ဒပြနေ


ရန်ကုန်၊ အင်းစိန်ထောင်အတွင်းမှာ နိုင်ငံရေးအကျဉ်းသားတွေ အပါအဝင် အကျဉ်းသားတချို့ မေလ ၂၃ ရက် ဒီကနေ့ အထိ ဆန္ဒပြနေကြတယ်လို့ ထောင်နဲ့ နီးစပ်သူတွေက RFA ကို ပြောပါတယ်။
အင်းစိန်ထောင် အမျိုးသားဆောင်က နိုင်ငံရေးအကျဉ်းသား အပါအဝင် ၂၂ ဦးဟာ တောင်းဆိုချက် ၆ ချက်ကို မနေ့က ထောင်အာဏာပိုင်တွေထံ တင်ပြ တောင်းဆိုခဲ့ကြပါတယ်။ သူတို့အားလုံးဟာ အခန်းပြင် မထွက်ပဲ ဆန္ဒပြနေကြတာ ဖြစ်တယ်လို့ အင်းစိန်ထောင်နဲ့ နီးစပ်သူတဦးက ပြောပါတယ်။

“ဒီနေ့ ၂ နာရီလောက်က သတင်းကြားတာတော့ အဲဒီလူတွေ ဆန္ဒပြတဲ့လူက ဆက်ပြနေတယ်။ တချို့ကိုလည်း လူစုခွဲတဲ့အနေနဲ့ တိုက်ထဲ ပို့ထားတယ်လို့ ကြားတယ်။ ဆန္ဒပြတာ နိုင်ငံရေး အကျဉ်းသားတွေပါ။”

“အဲဒီမှာ ရခိုင် အုပ်စုထဲက တချို့ ရှိတယ်ဆိုတာ၊ နောက် တခြား အုပ်စုတွေလည်း ရှိတယ်။ ပထမဆုံး ကျွန်တော်တို့ သိတာတော့ အဲဒီ ရခိုင်အုပ်စုက စတယ်လို့ပဲ ပြောကြတယ်။ ခိုင်ကျော်မိုးတို့၊ ခိုင်ကျော်လင်းလား၊ နောက် ရဲထက်စိုးတို့ ၇ ယောက် ရှိတယ်။”

ဒီကနေ့ နေ့လည် ၂ နာရီခန့်မှာတော့ ဆန္ဒပြသူတွေထဲက တချို့နိုင်ငံရေးအကျဉ်းသားတွေကို ပြစ်ဒဏ်ပေးရင် ပို့လေ့ရှိတဲ့ စစ်ခွေးတိုက်ထဲ ပို့လိုက်တယ်လို့ သိရပါတယ်။

အင်းစိန်ထောင်အတွင်းက အကျဉ်းသားတွေအားလုံးဟာ အစိုးရက ပြီးခဲ့တဲ့ ရက်ပိုင်းက ကြေညာခဲ့တဲ့ လွတ်ငြိမ်းချမ်းသာခွင့်နဲ့ ပတ်သက်ပြီး မကျေနပ်ကြတဲ့အတွက် အခုလို ဆန္ဒပြမှုတွေ ဖြစ်လာတာလို့ အင်းစိန်ထောင်နဲ့ နီးစပ်သူ နောက်တဦးက ပြောပါတယ်။

“၁၇ ရက်နေ့က ဒီ အကျဉ်းသား လွတ်ငြိမ်းချမ်းသာခွင့် ပေးလိုက်တဲ့အချိန်မှာ သူတို့က ထောင်အာဏာပိုင်တွေကို လွတ်ငြိမ်းချမ်းသာခွင့်နဲ့ ပတ်သက်ပြီးတော့ သူတို့ လုံးဝ ကျေနပ်မှု မရှိဘူး၊ အဲဒီအတွက် သူတို့ အစာငတ်ခံ ဆန္ဒပြမယ်ဆိုပြီးတော့ သူတို့ ထောင်အာဏာပိုင်တွေကို အကြောင်းကြားတယ်။ အဲဒီကနေ စပြီးတော့ သူတို့ ထမင်းမစားပဲ နေခဲ့တာ မနေ့က ၂၂ ရက်နေ့အထိ၊ အဲဒီအချိန်မှာ မနေ့က ၂၂ ရက်နေ့ ညကျတော့ သူတို့ ၁၀ ယောက်လုံး ည ၂ ချက်ထိုးလောက်မှာ လာခေါ်သွားပြီးတော့ တိုက်ပိတ်လိုက်တယ်လို့ ပြောသံကြားရပါတယ်။”

ဆန္ဒပြနေသူ နိုင်ငံရေးအကျဉ်းသားတွေရဲ့ တောင်းဆိုချက်တွေထဲမှာ ထောင်တွင်း သန့်ရှင်းရေး၊ သန့်ရှင်း လတ်ဆတ်တဲ့ အစားအစာ ရရှိရေး၊ လူ့ဂုဏ်သိက္ခာကို မထိခိုက်စေသော ဝတ်စုံကို ၆ လ တကြိမ် လဲပေးရေး၊ ထောင်တွင်း ကြမ်းပိုးအလွန်ကိုက်၍ ပိုးသတ်ဆေး ဖျန်းပေးဖို့ တောင်းဆိုချက်တွေ ပါတယ်လို့ သိရပါတယ်။


RFA မှကူးယူဖော်ပြပါသည်။

လူ့အခွင့်အရေးချိုးဖောက်မှုများ ရှိနေဆဲဟု အထူးကိုယ်စားလှယ်သုံးသပ်


အဓမ္မလုပ်အားပေး ခိုင်းစေမှုတွေ၊ အကြမ်းဖက် သတ်ဖြတ်မှုတွေ အပါအဝင် လူ့ အခွင့်အရေး ချိုးဖောက်မှုတွေနဲ့ ပတ်သက်ပြီး တားမြစ်ပေးဖို့ လက်ရှိအစိုးရက ဆောင်ရွက်မှု မရှိသေးဘူးလို့ ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ တောမတ်စ် ကင်တာနားက မေလ ၂၃ ရက် ဒီကနေ့ ထိုင်းနိုင်ငံ ဗန်ကောက်မြို့မှာ ကျင်းပတဲ့ သတင်းစာရှင်းလင်းပွဲမှာ ပြောလိုက်ပါတယ်။
မစ္စတာ ကင်တားနားဟာ ထိုင်းနိုင်ငံ နယ်စပ်ဒေသ တလျှောက်က စစ်ပြေးဒုက္ခသည်တွေနဲ့ တပတ်ကြာ တွေ့ဆုံပြီး အခုလို သတင်းစာရှင်းလင်းပွဲကို ဗန်ကောက်မြို့မှာ ဒီကနေ့ ကျင်းပခဲ့တာပါ။

မြန်မာအစိုးရဟာ တိုင်းရင်းသားအရေးကို နိုင်ငံရေးနည်းလမ်းအရ ဖြေရှင်းဖို့ ပျက်ကွက်တာဟာ အထူးစိုးရိမ်စရာပါပဲ၊ အခု အသစ်တက်လာတဲ့ အစိုးရသစ်ဟာ ဒီမိုကရေစီ လမ်းညွှန်ချက်အတိုင်း နောက်ဆုံး အကောင်အထည်ဖော်တာ ဖြစ်ကြောင်း၊ ဒါပေမဲ့ ဒီမိုကရေစီစနစ်တခုကို အသွင်ကူးပြောင်းမယ်ဆိုရင် အစိုးရတရပ် ထွက်ပေါ်လာရုံနဲ့ မပြီးပဲ လူ့အခွင့်အရေးဆိုင်ရာ အကာအကွယ်ပေးမှုတွေ လိုအပ်ကြောင်း မစ္စတာ ကင်တားနားက ပြောပြပါတယ်။

မြန်မာအစိုးရဟာ ကုလသမဂ္ဂ လူ့အခွင့်အရေး ကိုယ်စားလှယ် မြန်မာနိုင်ငံအတွင်း ဝင်ရောက် လည်ပတ်ခွင့် ပိတ်ပင်ထားပါတယ်။ ဗန်ကောက်မြိ်ု့မှာ ကျင်းပတဲ့ သတင်းစာရှင်းပွဲအကြောင်းကို သွားရောက် သတင်းယူခဲ့တဲ့ RFA သတင်းထောက် ဒေါ်ခင်မျိုးထွေးက တင်ပြထားပါတယ်။

RFA မှ ကူးယူဖော်ပြပါသည်။

မြန်မာအစိုးရသစ်လက်ထက် လူ့အခွင့်အရေး ချိုးဖောက်မှု ကျယ်ပြန့်နေဆဲ


မြန်မာအစိုးရက အကျဉ်းသားတွေကို ပြန်လွှတ်ပေးတာဟာ လွတ်ငြိမ်းချမ်းသာခွင့် မဟုတ်ဘူး၊ အမျိုးသား ပြန်လည်သင့်မြတ်ရေးကို ရှေ့ရှုတဲ့ သဘောလည်း မတွေ့ရဘူးလို့ ကုလသမဂ္ဂရဲ့ မြန်မာပြည်ဆိုင်ရာ လူ့အခွင့်အရေး အထူးကိုယ်စားလှယ် တောမတ်စ် အိုဟေး ကင်တားနား (Tomas Ojea Quintana) က ပြောလိုက်ပါတယ်။ ဘန်ကောက်မြို့ နိုင်ငံခြား သတင်းထောက်များ အသင်းမှာ ဒီကနေ့ ကျင်းပခဲ့တဲ့ မစ္စတာ ကင်တားနားရဲ့ သတင်းစာ ရှင်းလင်းပွဲမှာ အခုလို ပြောဆိုခဲ့တာပါ။ အပြည့်အစုံကို ကိုကျော်အောင်လွင်က တင်ပြပေးထားပါတယ်။

လွတ်ငြိမ်းချမ်းသာခွင့် ပေးတယ်ဆိုပြီး မြန်မာအစိုးရသစ်က အကျဉ်းသူ၊ အကျဉ်းသား ၁၄,၀၀၀ ကျော်ကို မေလ ၁၇ ရက်နေ့မှာ ပြန်လွှတ်ပေးခဲ့တဲ့ အထဲမှာ နိုင်ငံရေး ယုံကြည်ချက်ကြောင့် အကျဉ်းချခံထားရတဲ့သူတွေ ၅၀ လောက်ပဲ ပါဝင်တာကို ဘ၀င်မကျနိုင်ဘဲ ဖြစ်နေသူတွေ အထဲမှာ ကုလသမဂ္ဂရဲ့ မြန်မာပြည်ဆိုင်ရာ လူ့အခွင့်အရေး အထူးကိုယ်စားလှယ် တောမတ်စ် အိုဟေး ကင်တားနားလည်း ပါဝင်ပါတယ်။ အခု ပြန်လွှတ်ပေးလိုက်တာက မြန်မာအစိုးရ ပြောသလို လွတ်ငြိမ်းချမ်းသာခွင့် မဟုတ်ဘူးလို့ မစ္စတာ ကင်တားနားက ပြောပါတယ်။

“အခု ပြန်လွှတ်ပေးတာဟာ ပြည့်စုံလုံလောက်မှု မရှိဘူးလို့ ပြောရမှာပါ။ ဘာကြောင့်လဲဆိုတော့ ယုံကြည်ချက်ကြောင့် အကျဉ်းချခံထားရသူတွေက ထောင်တွေ တော်တော်များများမှာ ကျန်နေပါသေးတယ်။ အခု ပြန်လွှတ်ပေးတယ် ဆိုတာက လွတ်ငြိမ်းချမ်းသာခွင့် မဟုတ်ပါဘူး။ လျှော့ပေါ့ပေးတာက တနှစ်တည်းပါ။ မြန်မာအစိုးရက အခုလို ဆုံးဖြတ်ချက်ဟာ စိတ်ပျက်ဖို့လည်း ကောင်းပါတယ်။ ဘာကြောင့်လဲဆိုတော့ အမျိုးသား ပြန်လည်သင့်မြတ်ရေးကို လိုလားတဲ့သဘော၊ ရှေ့ရှုတဲ့ သဘောတွေ မပါဝင်လို့ပါပဲ။” လို့ ပြောသွားခဲ့တာပါ။

“လွှတ်တော်သာလျှင် အမျိုးသား ပြန်လည်သင့်မြတ်ရေးအတွက် ဆွေးနွေးရမယ့် နေရာလို့ မြန်မာအစိုးရက ပြောထားပေမဲ့လည်း ဒီလွှတ်တော်တခုတည်းနဲ့တင် ဆွေးနွေးဖို့က မလုံလောက်ပါဘူး။” လို့ မစ္စတာ ကင်တားနားက ပြောသွားပါတယ်။

မစ္စတာ ကင်တားနားဟာ အခု မေလ ၁၆ ရက်နေ့ကစပြီး ထိုင်းနိုင်ငံအတွင်းက မြန်မာ့အရေး လှုပ်ရှားတဲ့ လူ့အခွင့်အရေး အဖွဲ့အစည်းတွေ၊ ကုလသမဂ္ဂ အမှုထမ်းတွေ၊ သံတမန်တွေနဲ့ တွေ့ဆုံပြီး မြန်မာပြည်ဆိုင်ရာ လူ့အခွင့်အရေး အခြေအနေတွေနဲ့ ပတ်သက်လို့ အချိန်တပတ်ကျော်ကြာ အချက်အလက်တွေ ရှာဖွေ စုံစမ်းခဲ့တာပါ။ ဒီခရီးစဉ်အတွင်း ထိုင်းနိုင်ငံခြားရေးဝန်ကြီး၊ ထိုင်းနိုင်ငံဆိုင်ရာ မြန်မာသံအမတ်ကြီးတို့နဲ့လည်း သူတွေ့ဆုံခဲ့တဲ့အပြင် ဒေါ်အောင်ဆန်းစုကြည်နဲ့လည်း တယ်လီဖုန်းကတဆင့် စကားပြောဆိုခဲ့ပါတယ်။

“ဒီခရီးစဉ်ကနေ ရတဲ့ အချက်အလက်တွေကတော့ နယ်စပ်မှာရှိတဲ့ လူနည်းစု တိုင်းရင်းသားတွေရဲ့ အခြေအနေတွေဟာ မြန်မာအစိုးရက ဒီမိုကရေစီ ကူးပြောင်းရေးကို ဖော်ဆောင်မယ်လို့ ကတိတွေ ပေးထားပေမဲ့လည်း စိုးရိမ်ဖို့ ကောင်းလောက်အောင် အကြမ်းဖက်မှုတွေက ဆက်ပြီး ဖြစ်နေတာ တွေ့ရတယ်။ စစ်တပ်က လူ့အခွင့်အရေး ချိုးဖောက်မှုတွေကို စနစ်တကျ ကျူးလွန်နေတာတွေ၊ မြေယာတွေကို အတင်းသိမ်းပိုက်တာတွေ၊ အဓမ္မ လုပ်အားပေးခိုင်းတာ၊ ပြည်တွင်းမှာပဲ အိုးအိမ်စွန့်ခွာ ထွက်ပြေးနေရမှုတွေ၊ တရားဥပဒေမဲ့ သတ်ဖြတ်မှုတွေနဲ့ လိင်ပိုင်းဆိုင်ရာ အကြမ်းဖက်မှုတွေဟာ ဒီကနေ့အထိ ကျယ်ကျယ်ပြန့်ပြန့် ရှိနေတာကို တွေ့ရပါတယ်။ အာဏာပိုင်တွေကလည်း ဒီကျူးလွန်မှုတွေကို ဟန့်တားနိုင်ဖို့ အရေးယူ ဆောင်ရွက်တာတွေကို မတွေ့ရပါဘူး။” လို့ ဆိုပါတယ်။

“မြန်မာပြည်ဟာ တရားဥပဒေ စိုးမိုးမှု ခိုင်ခိုင်မာမာရှိဖို့ လိုအပ်နေပါတယ်။ အခြေခံ အဆောက်အဦးဆိုင်ရာ ဖွံ့ဖြိုးရေး လုပ်ငန်းတွေ လုပ်တဲ့အခါမှာ ဒေသခံတွေနဲ့ တိုင်ပင်သင့်ပါတယ်။ ဒီလုပ်ငန်းတွေက ရလာတဲ့ ၀င်ငွေတွေကို ဒေသဖွံ့ဖြိုးရေးအတွက် ပြန်ပြီး အသုံးပြုသင့်ပါတယ်။ ပြည်သူတွေရဲ့ ရပိုင်ခွင့်တွေကို အာမခံမှု ရှိနိုင်ရပါလိမ့်မယ်။” လို့ ပြောသွားခဲ့တာပါ။

မြန်မာပြည်တွင်းက လူ့အခွင့်အရေးဆိုင်ရာ ချိုးဖေါက်မှုတွေနဲ့ ပတ်သက်ပြီး ကုလသမဂ္ဂက စုံစမ်းစစ်ဆေးရေး ကော်မရှင် ဖွဲ့စည်းဖို့ အရေးကိုလည်း မစ္စတာ ကင်တားနားက တိုက်တွန်းထားတာပါ။ ဒီအချက်ကို ဒေါ်အောင်ဆန်းစုကြည်ကလည်း သဘောတူတယ်လို့ မစ္စတာ ကင်တားနားက ဆိုပါတယ်။

မစ္စတာ ကင်တားနားရဲ့ အခု ထိုင်းနိုင်ငံ ခရီးစဉ်ကနေ ရလာတဲ့ မြန်မာပြည်ဆိုင်ရာ လူ့အခွင့်အရေး အချက်အလက်တွေကို ကုလသမဂ္ဂ အထွေထွေညီလာခံမှာ ဒီနှစ်ကုန်ရင် တင်သွင်းသွားမှာပါ။ ဒီလို တင်သွင်းနိုင်ရေး အချက်အလက် ပြည့်စုံအောင် မြန်မာပြည်တွင်းကို သူကိုယ်တိုင်သွားဖို့ ပြည်ဝင်ခွင့်ဗီဇာ တောင်းထားပေမဲ့လည်း အခုထိ မရနိုင်သေးဘဲ ဖြစ်နေပါတယ်။ သူ့ဘက်ကတော့ သွားဖို့ အဆင်သင့် ဖြစ်နေပြီလို့ ဆိုပါတယ်။ ပြီးခဲ့တဲ့နှစ် မတ်လတုန်းက မြန်မာပြည်ကို နောက်ဆုံးအကြိမ် သူ ရောက်ခဲ့တာပါ။ မြန်မာပြည်မှာ စစ်အစိုးရကနေ အရပ်သား အစိုးရသစ် ပြောင်းခဲ့ပြီး နောက်ပိုင်း မစ္စတာ ကင်တားနား မြန်မာပြည်ကို တခါမှ လာခွင့်မရသေးပါဘူး။

VOA မှ ကူးယူဖော်ပြသည်။

Monday, May 23, 2011

နိုင်ငံရေးအကျဉ်းသားလွတ်မြောက်ရေး လှုပ်ရှားမှုများ အလျင်မပြတ် လှုပ်ရှားနေ


နိုင်ငံရေးအကျဉ်းသား လွတ်မြောက်ရေး ဆုတောင်းပွဲတခုကို ရန်ကုန် တောင်ဒဂုံမြို့နယ် အောင်ဘောဂ စေတီမှာ အင်္ဂါ ဝတ်ပြုဆုတောင်း အဖွဲ့က ဒီကနေ့ ပြုလုပ်ခဲ့ပါတယ်။
အဲဒီပွဲမှာ ပါဝင်သူ အယောက် ၃ဝ လောက် ရှိပြီး သူတို့ ဆုတောင်းနေချိန်မှာ အာဏာပိုင်တွေက ဝိုင်းထားပြီး စောင့်ကြည့်နေခဲ့တယ်လို့ သိရပါတယ်။

ဒီကိစ္စနဲ့ ပတ်သက်လို့ ဦးဆောင် လှုပ်ရှားသူတဦး ဖြစ်တဲ့ ရွှေပြည်သာမြို့နယ်က ဦးသိန်းအောင်က အခုလိုပြောပါတယ်။

“အင်္ဂါမိသားစုက ဦးဆောင်ပြီး အောင်ဘောဂ စေတီမှာ နိုင်ငံရေးအကျဉ်းသား ၂ ထောင်ကျော် လွတ်မြောက်ရေးအတွက် ဆုတောင်းပွဲလုပ်တယ်။ မြို့နယ် အထွေထွေအုပ်ချုပ်ရေးမှူးက မာဇဒါဂျစ်နဲ့ လာပြီးတော့ မြို့နယ် ရဲတပ်ဖွဲ့မှူး အပါအဝင် ထောက်လှမ်းရေး တပ်ဖွဲ့ (၃)၊ နောက် ပြည်သူ့ စွမ်းအားရှင်လည်း ပါတယ်။ သူတို့ အင်အား ၃ ရာလောက်က ဘုရားပတ်လည်မှာ ဝိုင်းထားတယ်”

ထောက်လှမ်းရေးတွေက ဝတ်ပြု ဆုတောင်းသူတွေကို ဓာတ်ပုံရိုက်ကြတယ်လို့ ဦးသိန်းအောင်က ပြောပါတယ်။

အင်္ဂါ ဝတ်ပြုဆုတောင်းပွဲ အဖွဲ့ကို ဒေါ်အောင်ဆန်းစုကြည် နေအိမ်အကျယ်ချုပ် ကျနေတဲ့ နှစ်တွေတုန်းက ဒေါ်နော်အုန်းလှ ဦးဆောင်ပြီး နိုင်ငံရေးအကျဉ်းသား လွတ်မြောက်ရေး ဆုတောင်းပွဲကို အပတ်စဉ် ပြုလုပ်ခဲ့ကြတာပါ။ အခုလည်း အဲဒီ အဖွဲ့ဝင်တွေကပဲ ဆက်လက် လှုပ်ရှားကြတာလို့ သိရပါတယ်။

ဦးသိန်းစိန်အစိုးရရဲ့ လွတ်ငြိမ်းချမ်းသာခွင့် အမိန့်ကြောင့် ပြန်လွတ်လာတဲ့ နိုင်ငံရေးအကျဉ်းသား စုစုပေါင်း ၅ဝ ပတ်ဝန်းကျင်သာ ရှိတယ်လို့ သိရပါတယ်။ ဒါကြောင့် ဒီလွတ်ငြိမ်းချမ်းသာခွင့်ကို ကုလသမဂ္ဂ အပါအဝင် ပြည်တွင်းပြည်ပ အဖွဲ့ အသီးသီးက ပြစ်တင် ဝေဖန်နေကြပါတယ်။

RFA မှ ကူးယူဖော်ပြသည်။

အစိုးရ၏ လွတ်ငြိမ်းချမ်းသာခွင့်မှ မလွတ်မြေက်နိုင်သေးသော လူရွှင်တော် ဦးဇာဂနာ

လွတ်ငြိမ်းချမ်းသာခွင့်ကို ပြန်စဉ်းစားပေးဖို့ အကျဉ်းသားမိသားစုတွေ တောင်းဆို


သမ္မတ ဦးသိန်းစိန်ရဲ့ လွတ်ငြိမ်းချမ်းသာခွင့် အမိန့်မှာ နိုင်ငံရေးအကျဉ်းသား အနည်းငယ်သာ ပါဝင်ခဲ့တဲ့အတွက် ပြည်တွင်းပြည်ပမှာ ဝေန်ပြောဆိုတာတွေ ရှိနေသလို မကြာခင်က ပြန်လွတ်လာတဲ့ နိုင်ငံရေးအကျဉ်းသားတွေနဲ့ အကျဉ်းကျဆဲ အကျဉ်းသားတွေရဲ့ မိသားစုတွေ ကပါ လွတ်ငြိမ်းချမ်းသာခွင့်ကို ပြန်စဉ်းစားပေးဖို့ တောင်းဆိုနေကြပါတယ်။
ပခုက္ကူအကျဉ်းထောင်ကနေ လွတ်ငြိမ်းချမ်းသာခွင့်နဲ့ ပြန်လည် လွတ်မြောက်လာတဲ့ ဒေါပုံမြို့နယ် အမျိုးသား ဒီမိုကရေစီအဖွဲ့ချုပ် အဖွဲ့ဝင် ဦးကျင်လှိုင်က နိုင်ငံရေးအကျဉ်းသား အများစုဟာ နှစ်ကြီးသမားတွေ ဖြစ်လို့ မိသားစုလိုက် ထောင်ဒဏ် ကျခံနေရတဲ့ နိုင်ငံရေးအကျဉ်းသားတွေအတွက် အများကြီး စိတ်မကောင်း ဖြစ်ရတယ်လို့ ပြောပါတယ်။

အလားတူပဲ လက်ရှိ ထောင်ထဲမှာ ကျန်နေသေးတဲ့ နိုင်ငံရေးအကျဉ်းသား အားလုံးဟာ အပြစ်မရှိဘဲ အကျဉ်းကျနေကြတာ ဖြစ်ကြောင်း၊ မိသားစုတွေရဲ့ သောကကို ကိုယ်ချင်းစာကြည့် စေလိုကြောင်း၊ ရမည်းသင်းထောင်မှာ ထောင်ဒဏ်ကျနေတဲ့ ကိုနေဇာမျိုးဝင်းရဲ့ မိခင် ဒေါ်လှလှဝင်း က ပြောပါတယ်။

“အကုန်လုံး လွှတ်ပေးမယ်လို့ ထင်တာပေ့ါနော်။ စစ်အစိုးရလက်ထက်မှာလည်း အဲဒီလိုမျိုး ရှိခဲ့တာ ဆိုတော့၊ သမ္မတကြီး ဦးသိန်းစိန် လက်ထက်မှာ အကုန်လုံးကို လွှတ်လိမ့်မယ်လို့ အဲဒီလို တွေးထားတာ။ ရွေးကောက်ပွဲ ပြီးကတည်းက နိုင်ငံရေးသမားတွေနဲ့ အကျဉ်းကျတွေ အားလုံး လွှတ်ပေးလိမ့်မယ်လို့ မျှော်လင့်ထားတာ။ ခုလိုမျိုး လွတ်ငြိမ်းချမ်းသာခွင့်က တနှစ်ပဲ ပေးတယ်ဆိုတော့ ကိုယ့်သားသမီးတွေနဲ့ နှစ်ကြီးသမားတွေ ပါမလာတဲ့အတွက် အရမ်းကို စိတ်မကောင်း ဖြစ်ကြတယ်။ မျှော်လင့်ပါတယ် အခုပေါ့နော်။ ကိုယ်လည်းပဲ ကိုယ့်သားလေးကို လွတ်စေချင်တယ်၊ အကုန်လုံးကိုလည်း လွှတ်ပါလို့ ပြောချင်ပါတယ်၊ တောင်းဆိုချင်ပါတယ်”

အလားတူပဲ အခု လွတ်ငြိမ်းချမ်းသာခွင့်နဲ့ ပြန်လွတ်လာတဲ့ NLD လူငယ် ကိုညီညီအောင်ကလည်း ထောင်ထဲမှာ ကျန်ခဲ့တဲ့ ရဲဘော်တွေ၊ မလွတ်သေးတဲ့ သူတွေအတွက် ဆက်ပြီး နိုင်ငံရေးကို လုပ်ဆောင်သွားမယ်လို့ ပြောပါတယ်။


RFA သတင်းမှ ကူးယူဖော်ပြပါသည်။

Friday, May 20, 2011

နိုင်ငံရေးအကျဉ်းသား လွတ်မြောက်ရေး NLD အရှိန်မြှင့်မည်


သမ္မတဦးသိန်းစိန်ရဲ့ လွတ်ငြိမ်းချမ်းသာခွင့် အမိန့်ကြောင့် နိုင်ငံရေးအကျဉ်းသား ၂၀၀၀ ကျော်ထဲက ၅၀ နီးပါးပဲ လွတ်မြောက်လာခဲ့တဲ့အတွက် အင်အယ်လ်ဒီ ပါတီအနေနဲ့ နိုင်ငံရေးအကျဉ်းသား လွတ်မြောက်ရေး လှုပ်ရှားမှု တွေကို အရှိန်မြှင့် ဆောင်ရွက်သွားမယ်လို့ ပါတီရဲ့ ထိပ်ပိုင်း ခေါင်းဆောင်တဦးဖြစ်သူ ဟံသာဝတီ ဦးဝင်းတင်က ပြောပါတယ်။
သမ္မတရဲ့ အကြံပေးပုဂ္ဂိုလ်တဦးက နိုင်ငံရေးအကျဉ်းသားတွေ လွှတ်ပေးဖို့ အစိုးရမှာ အစီအစဉ် ရှိသေးကြောင်း ပြောဆိုချက်ဟာ လက်တွေ့မကျဘူးလို့လည်း ဦးဝင်းတင်က ဝေဖန်ပါတယ်၊ ဒါ့ပြင် နိုင်ငံရေး အကျဉ်းသားတွေဟာ အစိုးရ စိုးရိမ်နေသလို မတည်မငြိမ် ဖြစ်အောင် ဆူပူ နှောင့်ယှက်မဲ့သူတွေ မဟုတ်ပဲ၊ နိုင်ငံရဲ့ ဖွံ့ဖြိုးတိုးတက်မှုနဲ့ အမျိုးသား အကျိုးစီးပွားအတွက် ပါဝင် ဆောင်ရွက်မဲ့သူတွေ ဖြစ်တယ်ဆိုတာ အစိုးရ အနေနဲ့ နားလည်သဘောပေါက်ပြီး သူတို့အားလုံးကို အမြန်ဆုံး လွှတ်ပေးဖို့ လိုအပ်တယ်လို့ ဦးဝင်းတင်က အလေးထား ပြောဆိုပါတယ်။
RFAသတင်းမှ ကူးယူဖေါ်ပြပါသည်။

ဒေါ်အောင်ဆန်းစုကြည် မကြာမီ ခရီးထွက်မည်


ဒီမိုကရေစီ ခေါင်းဆောင် ဒေါ်အောင်ဆန်းစုကြည်က မကြာမီ လများအတွင်း ခရီးထွက်၍ ပြည်သူများနှင့် တွေ့ဆုံမည်ဟု အမေရိကန်နိုင်ငံ အရှေ့အာရှနှင့် ပစိဖိတ် ဒေသရေးရာ ဒု လက်ထောက် နိုင်ငံခြားရေးဝန်ကြီး မစ္စတာ ဂျိုးဇက် ဝိုင် ယွန်း နှင့် တွေ့ဆုံ အပြီးတွင် သတင်းထောက်များကို ပြောဆိုသည်။
ထိုသို့ ပြောဆိုသော်လည်း ဒေါ်အောင်ဆန်းစုကြည်၏ လုံခြုံရေးနှင့် ပတ်သက်၍ စီစဉ်ထားခြင်း မရှိသေးကြောင်းသိရသည်။၂၀၀၃ ခုနှစ် မေလ ၃၀ ရက်က အထက်မြန်မာပြည် ခရီးစဉ်၌ ဒီပဲယင်းမြို့အနီးတွင် ဒေါ်အောင်ဆန်းစုကြည်နှင့် ထောက်ခံသူများကို စစ် အစိုးရ ကျောထောက်နောက်ခံပြုထားသူများက ၀ိုင်းဝန်းရိုက်နှက်ခဲ့သည့်အပြင် ဒေါ်အောင်ဆန်းစုကြည်ကိုလည်း နေအိမ် အကျယ် ချုပ် ချခဲ့သည်။

မစ္စတာ ဂျိုးဇက် ဝိုင် ယွန်း နှင့်တွေ့ဆုံအပြီး ဒေါ်အောင်ဆန်းစုကြည်က အမေရိကန်အစိုးရအနေဖြင့် မြန်မာနိုင်ငံ အပေါ် ပိတ်ဆို့မှု သက်တမ်း တနှစ်ထပ်မံတိုးမြှင့်လိုက်ခြင်းသည် မြန်မာအစိုးရသစ်အနေဖြင့် လုံလောက်သော အပြောင်းအလဲများ မပြုလုပ်နိုင်သေး သည့် အတွက် ထပ်မံတိုးမြှင့်ခြင်းဖြစ်နိုင်သည်ဟု သတင်းထောက်များကို ပြောကြားကြောင်း ပြည်တွင်း အခြေစိုက် ဧရာဝတီ သတင်း ထောက်က ပြောသည်။

ပြီးခဲ့သည့် ရက်ပိုင်းက သမ္မတ ဦးသိန်းစိန်ထုတ်ပြန်ခဲ့သည့် လွတ်ငြိမ်းချမ်းသာခွင့်ကြေညာချက်နှင့် ပတ်သက်၍ လွတ်ငြိမ်းချမ်း သာခွင့်မဟုတ်ဘဲ လျော့ပေါ့ခွင့်သာဖြစ်ကြောင်း ဒေါ်အောင်ဆန်းစုကြည်က ပြောဆိုသည်ဟုလည်း သိရသည်။

ယခု လွတ်မြောက်လာသည့် နိုင်ငံရေး အကျဉ်းသားများတွင် အမျိုးသား ဒီမိုကရေစီ အဖွဲ့ချုပ်(NLD)အဖွဲ့ဝင် ၂၇ ဦး ပါဝင်သည်။

မစ္စတာ ဂျိုးဇက် ဝိုင် ယွန်း အား ယခုခရီးစဉ်နှင့် ပတ်သက်၍ သတင်းထောက်များက မေးမြန်းရာတွင် ၎င်း အနေဖြင့် အစိုးရနှင့် ဒီမိုကရေစီ အရေးလှုပ်ရှားသူများ၏ ပြောဆိုမှုများကို လာရောက်နားထောင်ခြင်း ဖြစ်ကြောင်း ပြန်လည်ပြောဆိုသည်ဟု သိရသည်။

အမေရိကန်အစိုးရ အဆင့်မြင့်အရာရှိ မစ္စတာ ဂျိုးဇက် ၀ိုင် ယွန်းသည် မြန်မာနိုင်ငံသို့ ဒုတိယအကြိမ် လာရောက်ခြင်း ဖြစ်ပြီး မြန်မာ အစိုးရ ၏ ပြည်ထောင်စု နိုင်ငံခြားရေးဝန်ကြီး ဦးဝဏ္ဏမောင်လွင် အပါအ၀င် ပြည်သူ့လွှတ်တော် ဒု ဥက္ကဋ္ဌ ဦးနန္ဒကျော်စွာ တို့နှင့် လည်း ယမန်နေ့က တွေ့ဆုံဆွေးနွေးခဲ့သေးသည်။
IRRAWADDYသတင်းမှ ကူးယူဖေါ်ပြပါသည်။

Wednesday, May 18, 2011

မြန်မာအစိုးရအပေါ် စီးပွားရေးပိတ်ဆို့မှု အမေရိကန် သက်တမ်းတိုး


အမေရိကန်ပြည်ထောင်စုက မြန်မာနိုင်ငံအပေါ် စီးပွားရေးပိတ်ဆို့မှု ချမှတ်ထားတာကို နောက်ထပ် တနှစ် သက်တမ်း တိုးမြှင့်လိုက်ကြောင်း အမေရိကန်သမတ အိုဘားမားက မေလ ၁၆ ရက် မနေ့က တရားဝင် ထုတ်ပြန်လိုက်ပါတယ်။
မြန်မာအစိုးရရဲ့ မူဝါဒနဲ့ လုပ်ဆောင်ချက်တွေဟာ အမေရိကန် ပြည်ထောင်စုရဲ့ နိုင်ငံခြားရေး မူဝါဒနဲ့ အမျိုးသား လုံခြုံရေးကို ခြိမ်းခြောက်နေဆဲ ဖြစ်တဲ့အတွက် ပိတ်ဆို့အရေးယူမှုကို ဆက်လက် ထားရှိမှာ ဖြစ်ကြောင်း၊ အမေရိကန် အောက်လွှတ်တော်ကို ပေးပို့တဲ့ သမတရဲ့အမိန့်စာမှာ ဖော်ပြထားပါတယ်။

အတိုက်အခံ ဒီမိုကရေစီအင်အားစုတွေကို အကြီးအကျယ် ဖိနှိပ်နေတဲ့ မြန်မာအစိုးရရဲ့ လုပ်ရပ်တွေကြောင့် စီးပွားရေးပိတ်ဆို့မှုတွေ ဆက်လက်ထားရှိဖို့ ဆုံးဖြတ်ရတာ ဖြစ်တယ်လို့လည်း ဆိုပါတယ်။ အမေရိကန်အစိုးရဟာ မြန်မာနိုင်ငံအပေါ် ချမှတ်ထားတဲ့ စီးပွားရေးပိတ်ဆို့မှုကို တနှစ်တကြိမ် သက်တမ်းတိုးမြင့်ခဲ့ရာမှာ လာမယ့် မေလ ၂ဝ ရက်နေ့၊ တနှစ်သက်တမ်း ကုန်ဆုံးခါနီး အချိန်မှာ သမတ အိုဘားမားက အခုလို နောက်ထပ်တနှစ် တိုးမြင့်လိုက်တာပါ။
အမေရိကန်အစိုးရဟာ ၂ဝဝ၉ ခုနှစ်မှာ မြန်မာစစ်အစိုးရနဲ့ တိုက်ရိုက် ထိတွေ့ဆက်ဆံတဲ့ နည်းလမ်းကို ပြောင်းလဲ ကျင့်သုံးခဲ့ပါတယ်။ ဒါပေမယ့် စစ်အစိုးရနဲ့ ဆွေးနွေးပွဲ ရလဒ်တွေနဲ့ ပတ်သက်ပြီး စိတ်ပျက်လက်ပျက် ဖြစ်ရကြောင်း ထုတ်ဖော် ပြောကြားခဲ့ပြီးနောက် မြန်မာအပေါ် စီးပွားရေး ပိတ်ဆို့မှုတွေ ရုပ်သိမ်းပေးဖို့ အာရှနိုင်ငံတချို့ရဲ့ တောင်းဆိုချက်ကိုလည်း အမေရိကန်အစိုးရက ပယ်ချခဲ့ပါတယ်။
RFAသတင်းမှ ကူးယူဖေါ်ပြပါသည်။

နိုင်ငံရေးအကျဉ်းသား ၃၆ ဦး လွတ်


သမ္မတဦးသိန်းစိန်က ပြစ်ဒဏ်တနှစ် လျှော့ပေးသဖြင့် နိုင်ငံတဝှန်း အကျဉ်းထောင်ပေါင်းစုံမှ ပြန်လွတ်လာသည့် နိုင်ငံရေးအကျဉ်းသားပေါင်း ၃၆ ဦးအထိ ရှိကြောင်း မဇ္ဈိမက လတ်တလော စုဆောင်းရရှိထားသည့် သတင်းအချက်အလက်များအရ သိရသည်။

ယင်းတို့ထဲတွင် အမျိုးသားဒီမိုကရေစီအဖွဲ့ချုပ် NLD မှ ၁၉ ဦးပါဝင်ကာ အင်းစိန်၊ တောင်ငူ၊ ပေါင်းတည်၊ ကော့သောင်း၊ ဘားအံနှင့် မြစ်ကြီးနား ထောင်များမှဖြစ်ကြောင်း ပါတီပြန်ကြားရေးတာဝန်ခံ ဦးအုန်းကြိုင်က ပြောသည်။ ဤသည်မှာ အင်္ဂါနေ့ မြန်မာစံတော်ချိန် ည ၇ နာရီအထိ ရန်ကုန် ပါတီရုံးချုပ်သို့ အနယ်နယ်အရပ်ရပ်ရှိ ပါတီဝင်များ ပေးပို့ခဲ့သည့် စာရင်းများအရ သိရခြင်း ဖြစ်သည်။

ကျန် ၁၇ ဦးမှာ ကိုကျော်ဝင်းထွန်း (ဗဟန်း)၊ ကိုအောင်အောင်ဦး (ဗဟန်း)၊ ကိုမြင့်ထွန်း (ရွှေပြည်သာ)၊ ကိုထွေးသိန်း (ရွှေပြည်သာ)၊ ကိုညီညီစံ (ခ) ရှင်ဆန္ဒာဓိက (ခရမ်း)၊ ကိုမြင့်စိုး (တွံတေး)၊ ကိုရဲထွဋ်ခေါင် (တွံတေး)၊ ကိုဝင်းမြင့် (ကျောက်မြောင်း)၊ မြဆန်းထူး (တောင်ဒဂုံ)၊ ကိုသန်းဌေး (ဒေါပုံ)၊ ကိုခင်ထွန်း (သာကေတ)၊ မောင်သိန်းဆွေ (ကမာရွတ်)နှင့် အဆိုတော် ဇေယျာသော်တို့အပြင် အခြားပုဂ္ဂိုလ်များမှာ ထွန်းထွန်းနိုင်၊ ကျော်ဆန်းလင်း၊ စိုးမြင့်ထိန်နှင့် ကိုသိန်းဆွေတို့ဖြစ်ကြောင်း ရန်ကုန်မြို့ရှိ ရှေ့နေဦးအောင်သိန်း ပြုစုထားသည့် စာရင်းက ဆိုသည်။ ဦးအောင်သိန်းသည် နိုင်ငံရေးအမှုအခင်းများအတွက် လိုက်ပါအကျိုးဆောင်နေသူ ဖြစ်သည်။

သူ၏ စာရင်းပါ ၁၇ ဦးမှာ အင်းစိန်၊ ဗန်းမော်၊ မော်လမြိုင်၊ တောင်ကြီး၊ စစ်တွေနှင့် ကော့သောင်းထောင်များမှ လွတ်မြောက်လာခြင်း ဖြစ်သည်။

အကျဉ်းထောင်ပေါင်း ၄၂ ခုမှ အကျဉ်းသား ၁၄၆၀၀ လွှတ်ပေးကြောင်း အင်းစိန် အကျဉ်းဦးစီးဌာန ညွှန်ကြားရေးမှူးချုပ် ဦးဇော်ဝင်းက အင်္ဂါမနက်တွင် သတင်းမီဒီယာများသို့ ပြောဆိုခဲ့သည်။ အင်းစိန်ထောင်မှ ၂၅ဝဝ ကျော် ပြန်လွှတ်မည်ဟု ဆိုသည်။

ပြစ်ဒဏ်လျှော့ပေါ့မှုမှာ သတင်းကောင်းတခုဖြစ်သော်လည်း လုံလောက်မှု မရှိသေးကြောင်းနှင့် အလုံးစုံ လွှတ်ပေးရန် အပြည်ပြည်ဆုိုင်ရာ လွတ်ငြိမ်းချမ်းသာခွင့်အဖွဲ့ Amnestry International က အင်္ဂါနေ့တွင် ကြေညာချက်ထုတ် ဦးသိန်းစိန် အစိုးရကို တောင်းဆိုခဲ့သည်။

“ပြစ်ဒဏ်လျှော့ပေါ့ခြင်းတွေက နို်င်ငံရေးအကျဉ်းသားတွေအတွက် ကြိုဆိုရမယ့် သတင်းစကားဖြစ်ပေမယ့် ဘယ်နည်းနဲ့မှ မလုံလောက်ဘူး။ ယုံကြည်ချက်ကြောင့် အကျဉ်းကျနေသူအားလုံး လွတ်မြောက်ရေးအတွက်တော့ ဒီလုပ်ဆောင်ချက်က ဖြစ်ဖြစ်မြောက်မြောက် မရှိလှပါဘူး” ဟု AI ၏ မြန်မာ့ရေးရာသုတေသီ ဘင်ဂျမင် ဇာဝါကီ Benjamin Zawacki က ထုတ်ပြန်ချက်ထဲတွင် ပြောဆိုထားသည်။

သေဒဏ်ကို တသက်တကျွန်းပြစ်ဒဏ် လျှော့ပေးခြင်းနှင့်ပတ်သက်ပြီး အားရဖွယ် ဖြစ်သော်လည်း သေဒဏ်ကို ဖျက်သိမ်းရန်အတွက် ဥပဒေကြောင်းအရ ပြုပြင်ပြောင်းလဲမှုများ ပြုလုပ်ရန်ပါ AI က တိုက်တွန်းသည်။

ထုိုင်းနုိုင်ငံအခြေစိုက် နုိုင်ငံရေးအကျဉ်းသား ကူညီစောင့်ရှောက်ရေးအသင်း (မြန်မာနိုင်ငံ) AAPP-B ကလည်း ကြေညာချက်တစောင် ထုတ်ပြန်ခဲ့ပြီး နုိုင်ငံတကာအနေဖြင့် နုိုင်ငံရေး အကျဉ်းသားများ အလုံးစုံ လွှတ်ပေးရန်အတွက် မြန်မာအစိုးရကို ဖိအားပေးကြရန် တုိုက်တွန်းသည်။

မြန်မာနိုင်ငံတွင် ယုံကြည်ချက်ကြောင့် အကျဉ်းကျသူပေါင်း ၂၀၆၁ ဦး ရှိကြောင်း AAPP-B စာရင်းအရ သိရသည်။
MIZZIMAသတင်းမှ ကူးယူဖေါ်ပြပါသည်။

Tuesday, May 17, 2011

မြန်မာသမ္မတရဲ့ လွတ်ငြိမ်းခွင့် နိုင်ငံတကာဖိအား တိုးဖွယ်ရှိ


ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် မစ္စတာ ဗီဂျေး နမ်ဘီးယား (Mr. Vijay Nambiar) မြန်မာနိုင်ငံက ပြန်သွားခဲ့ပြီးတဲ့ နောက် ၂ ရက်အကြာ ဒီကနေ့မှာပဲ သမ္မတ ဦးသိန်းစိန်က လွတ်ငြိမ်းချမ်းသာခွင့် အမိန့် ထုတ်ပြန်ပြီး သေဒဏ်ကနေ တသက်တကျွန်းဒဏ်ကို ပြောင်းလဲတာ၊ ကျန်တဲ့ ထောင်ဒဏ်ကျသူတွေကို ထောင်ဒဏ် တနှစ်စီ လျှော့ပေါ့ပေးလိုက်တာတွေကို ဒီနေ့ ညနေနဲ့ ညပိုင်း မြန်မာအစိုးရ ရေဒီယိုနဲ့ ရုပ်မြင်သံကြားတွေကနေ ကြေညာသွားခဲ့ပါတယ်။ ဒါပေမဲ့ ဒါဟာ နိုင်ငံတကာ အသိုင်းအ၀န်းက တိုက်တွန်းထားသလို၊ အများက မျှော်လင့်ထားသလို နိုင်ငံရေး အကျဉ်းသားတွေ အမြောက်အမြားကို ပြန်လွှတ်ပေးတာ မဟုတ်တဲ့အတွက် နိုင်ငံတကာရဲ့ ဖိအားကတော့ အခုထက်ပိုပြီး ကြီးမားလာနိုင်တယ်လို့ ဝေဖန်မှုတွေ ရှိနေပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။

မစ္စတာ ဗီဂျေး နမ်ဘီးယား မြန်မာနိုင်ငံကို လာရောက်ခဲ့တဲ့ ၃ ရက် ခရီးစဉ်အတွင်း သမ္မတရဲ့ အကြံပေး ဦးကိုကိုလှိုင်က သမ္မတအနေနဲ့ သင့်တော်တဲ့ အချိန်မှာ အထွေထွေ လွတ်ငြိမ်းချမ်းသာခွင့်တွေ ပေးဖို့ရှိကြောင်း ပြောဆိုခဲ့ပါတယ်။ တနင်္လာနေ့ ညနေမှာတော့ သမ္မတရဲ့ အမိန့်အမှတ် ၂၈ လွတ်ငြိမ်းချမ်းသာခွင့်ကို သတင်းတွေမှာ ကြေညာခဲ့ပါတယ်။

“မေလ ၁၇ ရက် မတိုင်မီ ကျူးလွန်ခဲ့သော ပြစ်မှု တခုခုနှင့် စပ်လျဉ်း၍ ပြစ်ဒဏ်ချမှတ်ခြင်း ခံရပြီးပါက ယင်းကဲ့သို့ ကျခံနေရသော ပြစ်ဒဏ် အသီးသီးကို အောက်ပါအတိုင်း လွတ်ငြိမ်းချမ်းသာခွင့် ပြုလိုက်သည်။
(က) သေဒဏ်ချမှတ်စေခြင်း ခံရသူများအတွက် ထောင်ဒဏ် တသက်သို့ လည်းကောင်း၊
(ခ) ထောင်ဒဏ် ကျခံနေရသူများသည် ယင်းတို့အပေါ် သတ်မှတ်ထားသော ထောင်ဒဏ်ကို သာမန်ရရှိပြီးသော လျှော့ပေါ့ရက်များအပြင် ၁ နှစ် ထပ်မံ လျှော့ပေါ့ ရရှိစေရန်လည်းကောင်း လွတ်ငြိမ်းချမ်းသာခွင့် ပြုလိုက်သည်။
ပုံ
သိန်းစိန်
နိုင်ငံတော်သမ္မတ
ပြည်ထောင်စု သမ္မတ မြန်မာနိုင်ငံတော်

သေဒဏ်ကျနေသူတွေကို တသက်တကျွန်းဒဏ် ပြောင်းပေးပြီး ကျန်အကျဉ်းသားအားလုံးကို တနှစ် လျှော့ပေးမယ်ဆိုတဲ့ သမ္မတရဲ့ လွတ်ငြိမ်းချမ်းသာခွင့်ဟာ ကုလသမဂ္ဂနဲ့ နိုင်ငံတကာကပါ ၀ိုင်းဝန်း ပြောဆိုနေတဲ့ ယုံကြည်ချက်ကြောင့် အကျဉ်းကျခံနေရတဲ့ နိုင်ငံရေး အကျဉ်းသား ၂,၀၀၀ ကျော်အတွက် ရည်ရွယ်ပြီး ထုတ်ပြန်တာမျိုး မဟုတ်ဘူးလို့ အမျိုးသား ဒီမိုကရေစီ အဖွဲ့ချုပ် ပြောခွင့်ရ ဦးဉာဏ်ဝင်းက သုံးသပ်ပါတယ်။

“အခုထုတ်တယ်ဆိုတဲ့ လွတ်ငြိမ်းချမ်းသာခွင့်က နိုင်ငံရေးသမား၊ ယုံကြည်ချက်ကြောင့် အကျဉ်းကျနေတဲ့ ပုဂ္ဂိုလ်တွေအတွက် ရည်ရွယ်ထုတ်တာ မဟုတ်ဘူးလို့ အဲဒါပဲ ပြောနိုင်တာ။”

ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ်နဲ့ တွေ့ဆုံချိန်မှာ သမ္မတရဲ့ အကြံပေး ဦးကိုကိုလှိုင်က မြန်မာနိုင်ငံမှာ နိုင်ငံရေး အကျဉ်းသား မရှိဘူးလို့ ပြောဆိုခဲ့တာမို့ ဒါဟာ မျက်စိမှိတ် ငြင်းတာမျိုးလို့ ဆိုပါတယ်။

“ကျနော်တို့အမြင်ကတော့ နိုင်ငံရေး အကျဉ်းသား မရှိဘူးလို့ ပြောတာ မျက်စိမှိတ် ပြောတာပဲ။ နိုင်ငံရေး ယုံကြည်ချက်ကြောင့် ရှာဖွေပြီး ပြစ်ဒဏ်ပေးထားတာက နိုင်ငံရေး အကျဉ်းသားတွေပဲ။ သူတို့ ထောင်ချခြင်တဲ့ လူတွေကို အပြစ် ပုဒ်မတွေနဲ့ စွဲပြီးတော့ တင်တယ်၊ အဲဒီပုဒ်မတွေနဲ့ ငြိသည်ဖြစ်စေ၊ မငြိသည်ဖြစ်စေ၊ အပြစ်ပေးတယ်။ ကျနော်တို့ ဒါတွေ တောက်လျှောက်တွေ့နေတာ။ တခုချင်းအလိုက် ပြောလို့လည်း ရတယ်။ အားလုံးခြုံပြီး ပြောလို့ရှိရင် သူတို့ဟာ အပြစ်ကျူးလွန်ခြင်း မရှိဘဲနဲ့ နိုင်ငံရေးအရသာ တာဝန်ရှိတယ်၊ အပြစ်ပေးတယ်လို့ ကျနော် အဲဒီလိုပဲ မြင်ပါတယ်။ ဒါ မရှိဘူးလို့ ပြောတာက မျက်စိမှိတ်ပြောတဲ့ သဘောပဲ။ ကျိုးကြောင်းဆီလျော်မှု မရှိဘူးလို့ပဲ ပြောချင်တယ်။”

နိုင်ငံရေး အကျဉ်းသားတွေအတွက် ရည်ရွယ် ထုတ်ပြန်တဲ့ လွတ်ငြိမ်းချမ်းသာခွင့် မဟုတ်တဲ့အတွက် အမျိုးသား ပြန်လည်သင့်မြတ်ရေးအတွက် စဉ်းစားတာမျိုး မဟုတ်ဘဲ နိုင်ငံတကာက မြင်ချင်တဲ့ ကြေညာချက်မျိုး မဟုတ်ဘူးလို့ နိုင်ငံရေး အကျဉ်းသားများ ကူညီစောင့်ရှောက်ရေး အသင်း (မြန်မာနိုင်ငံ) က ဦးတိတ်နိုင်က ပြောပါတယ်။

“ဒါ တော်တော့်ကို ဆိုးတဲ့ လွတ်ငြိမ်းချမ်းသာလို့ ပြောလို့ရပါတယ်။ သာမန် အကျဉ်းသားတွေထက် နိုင်ငံရေး အကျဉ်းသားတွေအတွက် ဆိုရင် ပိုပြီးတော့ ခံစားခွင့်က ပိုဆိုးတယ်။ အခုလို ပုံစံမျိုး အတည်ဖြစ်သွားပြီ၊ နောက်ထပ် ဆက်လက်ပြီး ထုတ်ဖို့ အစီအစဉ် မရှိတော့ဘူး ဆိုရင်တော့ နိုင်ငံတကာရဲ့ ဖိအားက ပိုတောင် ကြီးမားလာနိုင်တဲ့ အနေအထားမျိုး ဖြစ်ပါတယ်။

“ဆိုတော့ သူတို့ ချမှတ်ထားတဲ့ နိုင်ငံရေး ပြစ်မှုတွေက အနိမ့်ဆုံး ၁၀ နှစ်၊ နောက်ပိုင်းမှာ အနှစ် ၃၀ တို့၊ အနှစ် ၂၀ တို့၊ ၈၈ မျိုးဆက် ကျောင်းသားတွေဆိုရင် အကုန်လုံး ၆၅ နှစ်စီ ချမှတ်ခံထားရတယ်။ ပြီးတော့ မတရားသဖြင့် ၆၅ နှစ် ချမှတ်ထားပြီးတော့မှ တနှစ်လျှော့တယ် ဆိုတဲ့ ကိစ္စမျိုးကတော့ နိုင်ငံတကာ ဖိအားတွေက ပိုပြီးတော့သာ ကြီးဖို့ ရှိပါတယ်။”

အစိုးရ အဖွဲ့သစ် ပေါ်ပေါက်လာအောင် ပုံသွင်းခဲ့တဲ့ စစ်အစိုးရ ဗိုလ်ချုပ်မှူးကြီး သန်းရွှေ လက်ထက်ကလည်း အခုလို သေဒဏ်ကျခံနေရသူတွေကို တသက်တကျွန်းဒဏ် ပြောင်းပေးခဲ့တာမျိုး လုပ်ခဲ့ပါတယ်။ ဒါပေမဲ့ နိုင်ငံရေး အကျဉ်းသားတွေနဲ့ ပတ်သက်ပြီး သက်ညှာမှုတော့ မရှိပါဘူး။ လက်ရှိအစိုးရသစ်ဟာလည်း စစ်အစိုးရရဲ့ မူဝါဒတွေအတိုင်း ဆက်ပြီး လုပ်ကိုင်နေတာ ထင်ရှားတာမို့ နိုင်ငံတကာရဲ့ ၀ိုင်းဝန်း ဖိအားပေးမှုတွေ ပိုပြီး တိုးလာနိုင်တယ်လို့ ဆိုပါတယ်။

VOA သတင်းမှ ကူးယူဖော်ပြသည်။

ဦးသိန်းစိန် လွတ်ငြိမ်းချမ်းသာခွင့် ထောင်ဒဏ် ၁ နှစ်လျှော့


အများမျှော်လင့်ထားသလို နိုင်ငံရေးအကျဉ်းသား အစုလိုက် အပြုံလိုက် လွှတ်ပေးခြင်းမဟုတ်ပဲ သမ္မတဦးသိန်းစိန် အစိုးရသစ်က ထောင်ဒဏ်ကျခံနေရသူ အားလုံးကို ထောင်ဒဏ် ၁ နှစ်လျှော့ပေးလိုက်သည်။

စစ်တပ်ပိုင် မြဝတီရုပ်မြင်သံကြား တနင်္လာနေ့ ညနေသတင်းတွင် ကဆုန်လပြည့်နေ့မှစ၍ သေဒဏ်ကျနေသူများကို တသက်တကျွန်းဒဏ် ပြောင်းပေးခြင်းနှင့် ကျန်အကျဉ်းသားအားလုံးကို တနှစ်လျှော့ပေ့ါပေးမည်ဟု သတင်းတို ပါရှိသည်။

အစိုးရသစ်လက်ထက် မြန်မာနိုင်ငံတဝှမ်းအကျဉ်းထောင်များရှိ နိုင်ငံရေးအကျဉ်းသား ၂ဝဝဝ ကျော်ကို လွှတ်ပေးလိမ့်မည်ဟု မျှော်လင့်မှုများကို ယခုကြေညာချက်က အားယုတ်သွားစေသည်။

“ဒါက လွတ်ငြိမ်းချမ်းသာခွင့်မှ မဟုတ်ဘဲ၊ လျှော့ပေါ့ပေးလိုက်တာဘဲ။ အမျိုးသားပြန်လည် သင့်မြတ်ရေးအတွက်
ပြောဆိုနေတာတွေနဲ့တော့ ဘာမှ အဝေးကြီးကို ဖြစ်နေပါတယ်လို့ ကျနော် ခံစားမိပါတယ်” ဟု အဓိက အတိုက်အခံပါတီ အမျိုးသားဒီမိုကရေစီအဖွဲ့ချုပ် ပြောရေးဆိုခွင့်ရှိသူ ဦးအုန်းကြိုင်က ပြေသည်။

ယခင်အာဏာရှင်ဟောင်း ဗိုလ်ချုပ်မှူးကြီး သန်းရွှေလက်ထက်ကလည်း သေဒဏ်ကျနေသူများကို တသက်တကျွန်း ဒဏ်ပြောင်းပေးခြင်းများ ပြုလုပ်ခဲ့သည်။

ဦးသိန်းစိန်အစိုးရ၏ နိုင်ငံရေးအကြံပေးတဦးဖြစ်သော စစ်မှုထမ်းဟောင်း ဒေါက်တာနေဇင်လတ်က မြန်မာနိုင်ငံတွင်
နိုင်ငံရေးအကျဉ်းသား မရှိကြောင်း ကုလသမဂ္ဂ အထွေထွေအတွင်းရေးမှူးချုပ် အထူးကိုယ်စားလှယ် ဗီဂျေ နမ်ဘီးယားနှင့် တွေ့ဆုံရာတွင် ထည့်သွင်း ပြောကြားခဲ့သည်။
MIZZIMA သတင်းမှ ကူးယူဖော်ပြသည်။

Thursday, May 12, 2011

ဒေါ်အောင်ဆန်းစုကြည်နှင့် ကုလသမဂ္ဂ အတွင်းရေးမှူးချုပ်၏ အထူးကိုယ်စားလှယ် မစ္စတာ ဗီဂျေး နမ်ဘီးယား Vijay Nambiar ကို ဆွေးနွေး


မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် ကုလသမဂ္ဂ အတွင်းရေးမှူးချုပ်၏ အထူးကိုယ်စားလှယ် မစ္စတာ ဗီဂျေး နမ်ဘီးယား Vijay Nambiar ကို ရန်ကုန်မြို့ တက္ကသိုလ်ရိပ်သာလမ်း နေအိမ်၌ ၂ဝ၁၁ ခုနှစ် မေလ ၁၂ ရက်၊ ကြာသပတေးနေ့တွင် ၂ နာရီခန့်အကြာ ဆွေးနွေးမှုအပြီး တွေ့ရစဉ် (ဓာတ်ပုံ - မဇ္ဈိမ)။ မြန်မာ့နိုင်ငံရေး အပြောင်းအလဲဖြစ်ရန် တိုက်တွန်းနေသော ကုလအထူးကိုယ်စားလှယ်၏ ၃ ရက်ကြာ မြန်မာပြည် ခရီးစဉ်မှာ ဦးသိန်းစိန်အစိုးရ ဖွဲ့စည်းပြီးနောက် ပထမဆုံးလာရောက်သော ကုလသမဂ္ဂ အဆင့်မြင့်ပုဂ္ဂိုလ် ဖြစ်သည်။

© Copyright 1998 - 2011 Mizzima News. All Rights Reserved.

ကုလအထူးကိုယ်စားလှယ် ၃ရက်ကြာ မြန်မာနိုင်ငံခရီးစဉ် ရောက်ရှိ


, 11 မေ 2011
မြန်မာအစိုးရသစ် တာဝန်ရှိသူတွေ အပါအ၀င်၊ နိုင်ငံရေး ပါတီတွေနဲ့ပါ တွေ့ဆုံ ဆွေးနွေးမှုတွေ လုပ်ဆောင်သွားဖို့ ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် မစ္စတာ ဗီဂျေး နမ်ဘီးယား (Vijay Nambiar) ဟာ အစိုးရရုံးစိုက်ရာ နေပြည်တော်မှာ ဒီကနေ့ ရောက်နေပါတယ်။ မြန်မာ့နိုင်ငံရေး အပြောင်းအလဲတွေ ဖြစ်ပေါ်ဖို့ တိုက်တွန်းနေတဲ့ ကုလသမဂ္ဂရဲ့ အထူးကိုယ်စားလှယ်အဖြစ် သွားရောက်နေတဲ့ ဒီခရီးစဉ် အပေါ်မှာတော့ နိုင်ငံတကာ အသိုင်းအ၀န်းရဲ့ တုံ့ပြန်မှုတွေက ဘယ်လိုရှိနေပါသလဲ။ ဒီအကြောင်း အပြည့်အစုံကို ကိုအောင်လွင်ဦးက တင်ပြပေးထားပါတယ်။

ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် ဗီဂျေး နမ်ဘီးယား ၃ ရက်ကြာ ခရီးစဉ်အဖြစ် မြန်မာနိုင်ငံကို ရောက်လာပြီး အစိုးရ ရုံးစိုက်ရာ နေပြည်တော်ကို ရောက်နေတာ ဖြစ်ပါတယ်။ အခု ခရီးစဉ်အတွင်း နေပြည်တော်နဲ့ ရန်ကုန်မြို့တွေကို သွားရောက်ပြီး အစိုးရ တာဝန်ရှိသူတွေသာမက တိုင်းပြည်တွင်းက တခြား သက်ဆိုင်ရာ ပုဂ္ဂိုလ်တွေနဲ့ပါ တွေ့ဆုံဖို့ ရှိတဲ့အကြောင်း အင်္ဂါနေ့တုန်းက ကုလသမဂ္ဂ ရုံးချုပ်ရှိရာ နယူးယောက်မြို့က သတင်းစာ ရှင်းလင်းပွဲအတွင်း အတွင်းရေးမှူးချုပ်ရဲ့ ပြောခွင့်ရသူက ပြောဆိုထားတာမို့ နေပြည်တော်မှာ အစိုးရသစ်ရဲ့ တာဝန်ရှိသူတွေနဲ့ တွေ့ဆုံဖြစ်မယ်လို့လည်း မျှော်လင့်ထားကြတာပါ။

မြန်မာအစိုးရရဲ့ ဖိတ်ကြားချက်နဲ့ သွားရောက်တဲ့ ခရီးစဉ် ဖြစ်တဲ့အကြောင်းကိုတော့ အတွင်းရေးမှူးချုပ် ဘန်ကီမွန်း (Ban Ki-moon) ရဲ့ လက်ထောက် ပြောခွင့်ရသူ ဖာဟန် ဟပ်ခ် (Farhan Haq) က သတင်းစာ ရှင်းလင်းပွဲအတွင်း ပြောဆိုခဲ့တာ ဖြစ်ပါတယ်။

“အတွင်းရေးမှူးချုပ်ရုံးက အပ်နှင်းထားတဲ့ တာဝန်တွေကို အကောင်အထည် ဖော်ရာမှာ အထူးအကြံပေးပုဂ္ဂိုလ် အနေနဲ့ အသစ်ဖွဲ့စည်းလိုက်တဲ့ မြန်မာအစိုးရ၊ လူမှုအဖွဲ့အစည်းတွေနဲ့ သာမက တခြား သက်ဆိုင်ရာ ပုဂ္ဂိုလ်တွေနဲ့လည်း နေပြည်တော်နဲ့ ရန်ကုန်မြို့တွေမှာ တွေ့ဆုံသွားမှာပါ။”

မြန်မာနိုင်ငံမှာ အစိုးရသစ် ဖွဲ့စည်းပြီးတဲ့နောက် ပထမဆုံးအကြိမ် ကုလသမဂ္ဂရဲ့ အဆင့်မြင့် ပုဂ္ဂိုလ်တဦး အဖြစ်နဲ့ ရောက်ရှိလာတာ ဖြစ်ပါတယ်။ မြန်မာအစိုးရက နိုင်ငံရေး အပြောင်းအလဲတွေကို ဦးတည်တဲ့ လုပ်ငန်းစဉ်အဖြစ် ပြီးခဲ့တဲ့နှစ် နိုဝင်ဘာလမှာပဲ ရွေးကောက်ပွဲတွေ ကျင်းပပြီး ဒီနှစ်ဆန်းပိုင်းမှာ အစိုးရသစ်တရပ်ကို ဖွဲ့စည်းလိုက်တာပါ။ ဒါပေမဲ့လည်း စစ်တပ်က ကျောထောက်နောက်ခံ ပေးထားတဲ့ နိုင်ငံရေး ပါတီကသာ အများစု အနိုင်ရခဲ့တဲ့ ရွေးကောက်ပွဲတွေဟာ လွတ်လပ်မျှတတဲ့ အခြေအနေမှာ မရှိဘူးဆိုပြီး ဝေဖန်မှုတွေလည်း ရှိခဲ့တာ ဖြစ်ပါတယ်။

ရွေးကောက်ပွဲ ကျင်းပမယ့် အခြေအနေတွေအပေါ် ကန့်ကွက်တဲ့အနေနဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ဦးဆောင်တဲ့ အမျိုးသား ဒီမိုကရေစီ အဖွဲ့ချုပ် (NLD) ပါတီကလည်း ပါဝင်ယှဉ်ပြိုင်တာတွေ မလုပ်ဖို့ ဆုံးဖြတ်ခဲ့တာပါ။

ရွေးကောက်ပွဲနောက်ပိုင်း အစိုးရသစ်တရပ် ပေါ်ပေါက်လာပေမဲ့ ဒီလို မပြေလည်နိုင်သေးတဲ့ နိုင်ငံရေး ကိစ္စတွေကို ဖြေရှင်းသွားနိုင်ဖို့ ကုလသမဂ္ဂက ကြိုးပမ်းနေရာမှာ အခု အထူးကိုယ်စားလှယ် ခရီးစဉ်အတွင်း ဒေါ်အောင်ဆန်းစုကြည်၊ NLD ပါတီ တာဝန်ရှိသူတွေနဲ့ပါ တွေ့ဆုံသွားမှာ ဖြစ်တယ်လို့ အတွင်းရေးမှူးချုပ်ရဲ့ ပြောခွင့်ရသူ ဖာဟန် ဟပ်ခ်က ပြောပါတယ်။

“သက်ဆိုင်သူပုဂ္ဂိုလ် အများအပြား ပါဝင်ကြမှာပါ။ သူ့အနေနဲ့ ဒေါ်အောင်ဆန်းစုကြည်နဲ့ရော အမျိုးသား ဒီမိုကရေစီ အဖွဲ့ချုပ်နဲ့ပါ တွေ့ဆုံဖို့ မျှော်လင့်ထားတယ်ဆိုတာ ကျနော် သိထားပါတယ်။”

နိုင်ငံရေး၊ လူ့အခွင့်အရေး အခြေအနေတွေ တိုးတက်မှု မရှိဘူးဆိုပြီး အရေးယူ ဒဏ်ခတ်မှုတွေ ချမှတ်ထားတဲ့ အမေရိကန် ပြည်ထောင်စုကတော့ အထူးကိုယ်စားလှယ်ရဲ့ ဒုတိယအကြိမ် မြန်မာနိုင်ငံ ခရီးစဉ်အပေါ် သတိနဲ့ ကြိုဆိုခဲ့တာပါ။ မြန်မာအစိုးရဘက်က ဒီမိုကရေစီရေး ဦးတည်တဲ့ လုပ်ရပ်တွေ မမြင်ရသေးတဲ့အတွက် သံသယတွေ ရှိနေဆဲ ဖြစ်ပေမဲ့လည်း ထိတွေ့ဆက်ဆံမှုတွေ၊ ပြုပြင်ပြောင်းလဲရေးတွေ တိုးမြှင့်သွားမယ့် အတွင်းရေးမှူးချုပ်ရဲ့ အထူးအကြံပေးပုဂ္ဂိုလ် ဗီဂျေး နမ်ဘီးယားရဲ့ ခရီးစဉ်ကို ကြိုဆိုပါတယ်လို့ အမေရိကန် နိုင်ငံခြားရေးဌာန ပြောခွင့်ရသူ မာ့ခ် တုန်နာ (Mark Toner) က ပြောဆိုခဲ့တာ ဖြစ်ပါတယ်။

အမေရိကန်အစိုးရ အနေနဲ့လည်း အရေးယူ ဒဏ်ခတ်မှုတွေနဲ့ ထိတွေ့ဆက်ဆံမှုတွေလို နှစ်လမ်းသွား ချဉ်းကပ်တဲ့ မူဝါဒတွေကို ဆက်လက် ကျင့်သုံးသွားမှာ ဖြစ်တယ်လို့လည်း ပြောခွင့်ရသူက အင်္ဂါနေ့ သတင်းစာ ရှင်းလင်းပွဲအတွင်း ပြောဆိုခဲ့တာ ဖြစ်ပါတယ်။

VOA

လူထုအခြေပြု အဖွဲ့များ ဖွံ့ဖြိုးရေး NLD ကြိုးပမ်း

လင်းသန့် Thursday, 12 May 2011 12:46 .အမျိုးသား ဒီမိုကရေစီ အဖွဲ့ချုပ် (NLD) သည် ဒေါ်အောင်ဆန်းစုကြည်၏ ဦးဆောင်မှုဖြင့် လူထုအခြေပြု အဖွဲ့အစည်းများ ကျယ်ပြန့်စွာ ပေါ်ပေါက်လာရေး အတွက် ဧပြီနှင့် မေလများအတွင်း တိုးမြှင့်ဆောင်ရွက်နေကြောင်း သိရသည်။




မေလ ၂ ရက်နေ့က ရန်ကုန် NLD ရုံးချုပ်၌ ကျင်းပသော လယ်ယာမြေဖွံ့ဖြိုးရေး သင်တန်းတွင် ဒေါ်အောင်ဆန်းစုကြည် အမှာ စကားပြောကြားနေစဉ် (ဓာတ်ပုံ - ခင်မောင်ဝင်း / AP)

လယ်သမားများအား လယ်ယာမြေဖွံ့ဖြိုးရေး သင်တန်းများပေးခြင်းနှင့် လယ်သမားသမဂ္ဂများ ပေါ်ထွန်းရေး လှုပ်ရှားနေကြ သူများနှင့် ဆွေးနွေးကူညီမှုများကို NLD က လတ်တလော ဆောင်ရွက်ပေးနေသည်။

လယ်သမားသမဂ္ဂများ ပေါ်ထွန်းရေး လှုပ်ရှားနေကြသူများ၌ NLD ပါတီဝင် မဟုတ်သူများနှင့် NLD ပါတီဝင်များပါဝင်သည်။

“ဒီမိုကရေစီစနစ် အမှန်တကယ်ကျင့်သုံးနိုင်ဖို့အတွက်က ဒီလို လယ်သမားတွေ၊ အလုပ်သမားတွေရဲ့အခွင့်အရေး ကာ ကွယ်ပေးနိုင်တဲ့ အစည်းအရုံးတွေပေါ်ပေါက်လာဖို့ဆိုတာ မရှိမဖြစ်လိုတယ်၊ ဒီလို သမဂ္ဂတွေခေါ်ခေါ်၊ အစည်းအရုံး ပြော ပြော ပေါ်ပေါက်ဖို့ စိတ်အားထက်သန်တဲ့သူတွေနဲ့ဆွေးနွေးမှုတွေ၊ ကူညီမှုတွေလုပ်နေတယ်”ဟု NLD ခေါင်းဆောင် တဦးဖြစ်သည့် ဦးဝင်းထိန်က ဧရာဝတီကိုပြောသည်။

၂၀၀၉ ခု ဒီဇင်ဘာလ ၃၁ ရက်နေ့အထိ ကောက်ယူထားသော မြန်မာနိုင်ငံ သန်းခေါင်စာရင်းအရ လူဦးရေ ၅၉ သန်း ကျော် ရှိပြီး ၇၀ ရာခိုင်နှုန်းကျော်သည် လယ်သမားများဖြစ်၍ စိုက်ပျိုးရေးနိုင်ငံ ဖြစ်ကြောင်း အမျိုးသား စီမံကိန်းနှင့် စီးပွားရေး ဖွံ့ဖြိုးတိုးတက်မှု ၀န်ကြီးဌာန စာရင်းဇယားများတွင် ဖော်ပြထားသည်။

“မြန်မာနိုင်ငံက စိုက်ပျိုးရေးနိုင်ငံဖြစ်တော့ လယ်သမားအရေး အကာအကွယ်ပေးဖို့လိုတယ်။ အခု အဖွဲ့ချုပ်က ကျနော် တို့ ဖြစ်ချင်တာတွေကို အကူအညီပေးတော့ ပိုအားရတာပေါ့ဗျာ။ ကျယ်ပြန့်ဖို့ဆိုတာက ကျနော်တို့ကကြိုးစားရမှာပဲ။ ဒေါ် အောင်ဆန်းစုကြည်က ကျနော်တို့ဆန္ဒကို အလေးအနက်ထားတာကို ကျနော်တို့ဂုဏ်ယူတယ်”ဟု လယ်သမား သမဂ္ဂ ပေါ်ပေါက်ရေးကြိုးပမ်းနေသည့် အမည်မဖော်လိုသူ လယ်သမားတဦးက ပြောသည်။

ကမ္ဘာ့အလုပ်သမားအဖွဲ့ချုပ်(ILO)ပြဌာန်းချက်များနှင့်အညီ အခြေခံအလုပ်သမားအစည်းအရုံးများ အလုပ်ဌာနအလိုက် ဖွဲ့စည်း၍ နိုင်ငံလုံးဆိုင်ရာ အလုပ်သမားအစည်းအရုံး အဖွဲ့ချုပ်(Trades Union Congress)ဖွဲ့စည်းတည်ထောင်ပြီးအလုပ် သမားအကျိုး အမြဲတမ်း ကာကွယ်စောင့်ရှောက်သွားမည် ဖြစ်သည်ဟု NLD ၏ ပြီးခဲ့သည့် အလုပ်သမားနေ့ ကြေညာချက် တွင်ဖော်ပြထားသည်။

သက်ဆိုင်ရာ စက်ရုံ အလုပ်ရုံ အလုပ်သမား၏ အခွင့်အရေး ကာကွယ်ရန်အတွက် တက်ကြွလှုပ်ရှားနေသူများနှင့် ဆွေးနွေးပြီး NLD ပါတီအနေဖြင့် လိုအပ်သည်များကို ကူညီထောက်ပံ့နေသည်ဟု သိရသည်။

“ဒါပေမယ့် ဒေါ်အောင်ဆန်းစုကြည် ဖြစ်စေချင်တာက ဘယ်နိုင်ငံရေးပါတီအသင်းအဖွဲ့ကမှ ဒီလို သမဂ္ဂတွေ၊ အစည်း အရုံး တွေကို မလွှမ်းမိုး စေချင်ဘူး”ဟု ဦးဝင်းထိန် က ဆက်လက်ပြောသည်။

အလုပ်သမားသမဂ္ဂများ ပေါ်ပေါက်ရေးကြိုးပမ်းနေကြသူများက ၄င်းတို့အနေဖြင့် တရားဝင် သမဂ္ဂပေါ်ပေါက်ရေး ဆက် လက်ကြိုးပမ်းသွားမည်ဖြစ်ပြီး NLD နှင့်လက်တွဲသွားမည်ဟုလည်း ဆိုသည်။ ၄င်းတို့မှာ သိုသိပ်စွာလုပ်ဆောင်နေရကြောင်း သိရသည်။

NLD ပါတီသည် ဒေါ်အောင်ဆန်းစုကြည် ပြန်လည် လွတ်မြောက်လာပြီးနောက်ပိုင်း လူမှုကူညီရေးလုပ်ငန်းများ၊ လူငယ် ကွန်ရက်များ၊ သဘာဝ ပတ်ဝန်းကျင်ထိန်းသိမ်းရေးဆိုင်ရာ ဟောပြောပွဲများ၊ ပညာရေးဆိုင်ရာ လုပ်ငန်းများ စသည် တို့ကို အရှိန်မြှင့်လုပ်ဆောင်လာခဲ့သည်။

လာမည့် ဇွန်လပိုင်းမှ စတင်၍ NLD က ဆယ်တန်း ဖြေဆိုမည့် အဖွဲ့ဝင်လူငယ်များကို အခမဲ့ ပညာ သင်ကြားပေးမည် ဖြစ် ကြောင်း၊ လတ်တလော၌ သင်ကြားမည့် လူငယ် ၃၀ ခန့်ရှိပြီး NLD မှ ဆရာ၊ ဆရာမ များက သင်ကြားပေးရန် စီစဉ် ထားကြောင်း သိရသည်။

NLD ပါတီသည် မြန်မာနိုင်ငံဒီမိုကရေစီ စနစ် ရှင်သန်ကြီးထွားစေရေးအတွက် လူထုအခြေပြုအဖွဲ့အစည်းများ ခိုင်မာစွာ ပေါ်ထွန်းရေး အရှိန်မြှင့်လုပ်ဆောင်နေမှုများအပေါ် အစိုးရသစ်အနေနှင့်လည်း ပြင်းထန်သော ဟန့်တား ဝေဖန်မှုမျိုး မတွေ့ရသေးပေ။

သို့သော် အစိုးရသစ်တက်လာပြီးနောက်ပိုင်း ရွေးကောက်ပွဲကော်မရှင် ဥက္ကဌ၏ ရွေးကောက်ပွဲဝင်ပါတီများကို ပေးပို့ သည့် ညွှန်ကြားချက်တခုတွင် NLD ကို တိုက်ရိုက်မရည်ညွှန်းသော်လည်း တရားမ၀င်အသင်းတခုအသွင် ဖော်ပြခဲ့ သည် ဟု သိရသည်။ ယင်းညွှန်ကြားချက်မှာ နိုင်ငံရေးပါတီများသည် တရားမ၀င် အဖွဲ့အစည်းများနှင့် မဆက်သွယ်ရ ဟူသော ညွှန်ကြားချက်ဖြစ်သည်။

NLD ပါတီသည် နအဖ စစ်အစိုးရကျင်းပပေးသည့် ၂၀၁၀ ရွေးကောက်ပွဲမ၀င်ရန် ဆုံးဖြတ်ပြီး ပါတီမှတ်ပုံတင်ရန် အတွက် လည်း ဥပဒေအရ တရားဝင်တည်ရှိနေဆဲဖြစ်၍ ထပ်မံမှတ်ပုံမတင်ဟု ငြင်းဆိုခဲ့သည်။

မြန်မာအစိုးရသစ်၏ ပြည်ထောင်စုဝန်ကြီးများ အနေဖြင့်လည်း အလုပ်သမား၊ လယ်သမားများ၏ အကျိုးအတွက် သက် ဆိုင်ရာ တိုင်း၊ ဒေသကြီး အစိုးရ ၀န်ကြီးများနှင့် လက်တွဲပြီးဆောင်ရွက်သွားမည်ဟု နိုင်ငံပိုင်သတင်းစာများတွင် ဖော်ပြ ထားသည်။

Copyright © 2011 ဧရာဝတီ. All Rights Reserved.