နိုင်ငံရေးအကျဉ်းသားများလွတ်မြောက်ရေးအတွက်ဆန္ဒပြ

မတရားဖမ်းဆီးခံထားရသော ကိုမင်းကိုနိုင်နှင့်ကျောင်းသားခေါင်းဆောင်များ ဦးခွန်ထွန်းဦးအပါအ၀င် တိုင်းရင်းသားခေါင်းဆောင်များနှင့် နိုင်ငံရေးအကျဉ်းသားအားလုံး လွတ်မြောက်ရေးအတွက်ဆန္ဒပြတောင်းဆိုပွဲကို နဂိုရာမြို့ kanayama station ရှေ့တွင် အမျိုးသားဒီမိုကရေစီအဖွဲကချုပ် (လွတ်မြောက်နယ်မြေ) ဂျပန်ဌာနခွဲနဂိုရာစည်းရုံးရေးဒေသ မှအဖွဲ့ဝင်များတက်ကြွစွာလှုပ်ရှားဆန္ဒပြခဲ့ကြပြီး စစ်အစိုးရ၏လူ့အခွင့်ရေးချိုးဖောက်နေမှု့များအပါအ၀င် ဒီမိုကရေစီအင်အားစုများအပေါ် မတရားဖိ့နှိုပ်ဖမ်းစီးနေမှု့များကို ဂျပန်ပြည်သူများပိုမိုသိ့ရှိ့ ခံစားနားလည်နိုင်ရန် လက်ကမ်းစာစောင်များကို ဝေငှ၍ ပြောဆိုရှင်းလင်းစည်းရုံးခဲ့ကြပါသည်။

Burma’s Nuclear Ambitions | Democratic Voice of Burma

Burma's Nuclear Ambitions from DVBTV English on Vimeo.

DVBသတင်းမှ ကူးယူဖေါ်ပြပါသည်။

လွှတ်တော်ပြင်ပ နိုင်ငံရေး လုပ်ဆောင်နေကြောင်း ဒေါ်အောင်ဆန်းစုကြည်ပြောကြား

အမျိုးသား ဒီမိုကရေစီ အဖွဲ့ချုပ် အထွေထွေ အတွင်းရေးမှူး ဒေါ်အောင်ဆန်းစုကြည် (အလယ်) အား ဖေဖော်ဝါရီ ၂၄ ရက်နေ့က လာရောက် တွေ့ဆုံ ဆွေးနွေးသော မြန်မာ အီးဂရက်စ် သင်တန်းသူ သင်တန်းသားများနှင့်အတူ NLD ဌာနချုပ်ရုံးတွင် တွေ့ရပုံ ဖြစ်ပါသည်။ (Photo Courtesy of Myanmar Egress)

နိုင်ငံရေးလုပ်တဲ့အခါမှာ လွှတ်တော်တွင်း နိုင်ငံရေးရှိသလို လွှတ်တော်ပြင်ပမှာလည်း နိုင်ငံရေးရှိရမှာ ဖြစ်တဲ့အတွက် NLD အဖွဲ့ချုပ်ဟာ ဒီနေ့ကာလမှာ လွှတ်တော် ပြင်ပ နိုင်ငံရေး လုပ်ဆောင်နေတာ ဖြစ်ကြောင်း ဒေါ်အောင်ဆန်းစုကြည်က ပြောဆိုလိုက်ပါတယ်။

ဒီကနေ့ မနက်မှာ ရန်ကုန်မြို့အခြေစိုက် မြန်မာအီးဂရက်စ် အဖွဲ့ဝင်တွေနဲ့ တွေ့ဆုံစဉ်မှာ ဒေါ်အောင်ဆန်းစုကြည်က အခုလို ပြောကြားလိုက်တာ ဖြစ်ပါတယ်။

မြန်မာအီးဂရက်စ်အဖွဲ့ဝင်တွေက အခုချိန်မှာ လွှတ်တော်ပေါ်လာတဲ့အပြင် အစိုးရအဖွဲ့လည်း ပေါ်လာပြီ ဖြစ်ကြောင်း ပြောဆိုဆွေးနွေးတယ်လို့ ဆိုပါတယ်။ ဒီဆွေးနွေးချက်အပေါ်မှာ ဒေါ်အောင်ဆန်းစုကြည်က ပြန်လည် ရှင်းပြလိုက်တာလို့ အထွေထွေ အတွင်းရေးမှူးရဲ့ ရုံးအဖွဲ့မှူး ဦးဝင်းထိန်က RFA ကို ပြောပါတယ်။

“ဒေါ်စု ရှင်းပြလိုက်တာကတော့ နိုင်ငံရေးမှာ လွှတ်တော်ထဲမှာ အတိုက်အခံ အပြင်ကို လွှတ်တော် ပြင်ပမှာ နိုင်ငံရေး ရှိသင့်တယ်၊ ရှိလည်း ရှိရမယ်။ ဒေါ်အောင်ဆန်းစုကြည် လုပ်နေတဲ့ ဥစ္စာက လွှတ်တော်ပြင်ပ နိုင်ငံရေး လှုပ်ရှားမှု လုပ်နေတာ။ နောက်တခုက နိုင်ငံရေးသမား မှန်လို့ရှိရင် တပ်မတော်သားပဲဖြစ်ဖြစ်၊ ဘာပါတီကမဆို ပြည်သူလူထုကို မလှည့်ဖြားရဘူး၊ ရိုးသားဖြောင့်မတ်ရမယ်၊ အဲဒီ ရိုးသား ဖြောင့်မတ်တဲ့ ပေတံနဲ့ပဲ တိုင်းရမယ်ဆိုပြီး သူတို့ကို ရှင်းပြလိုက်တာပေါ့။ တော်တော်များများကတော့ ဘဝင်ကျသွားကြပါတယ်။”

ဒေါ်အောင်ဆန်းစုကြည်ကို သွားရောက်တွေ့ဆုံတဲ့ အီးဂရက်စ်အဖွဲ့မှာ သင်တန်းဆရာ တဦး အပါအဝင် သင်တန်းသူ သင်တန်းသားတွေနဲ့ စုစုပေါင်း ၁၁ ဦးလောက် ပါဝင်ပါတယ်။ သူတို့ကို အန်အယ်ဒီ ဌာနချုပ် ရုံးခန်းမှာ လက်ခံတွေ့ဆုံခဲ့တယ်လို့ အန်အယ်ဒီ ပြန်ကြားရေးအဖွဲ့ဝင် ဦးအုန်းကြိုင်က RFA ကို ပြောပြပါတယ်။

“ဒီနေ့ အထွေထွေ အတွင်းရေးမှူးက မနက် ၁၁ နာရီမှာ မြန်မာ အီးဂရက်စ် သင်တန်းက သင်တန်းသား သင်တန်းသူ ၁၁ ယောက်၊ နောက် ပြည်တွင်းက ဆရာတယောက် အဖွဲ့ချုပ်ရုံးမှာ ရှိတဲ့ သူ့ရဲ့ ရုံးခန်းမှာပဲ လက်ခံပြီးတော့ တွေ့ဆုံပါတယ်။ တနာရီလောက် ကြာပါတယ်။ တက်ရောက်လာတဲ့ ကလေးတွေက အဲ လွှတ်တော်အကြောင်း၊ အစိုးရ ဖွဲ့စည်းတဲ့အကြောင်း၊ အဲဒီကိစ္စတွေ မေးကြပါတယ်။ အဲဒါကို အထွေထွေ အတွင်းရေးမှူးက စိတ်ရှည်လက်ရှည် ပြန်လည် ဖြေကြားပါတယ်။”

မြန်မာအီးဂရက်စ်အဖွဲ့က လူငယ်တွေနဲ့ တွေ့ဆုံပွဲဟာ ၁၂ နာရီလောက်မှာ ပြီးဆုံးခဲ့ပါတယ်။

နေ့လည်ပိုင်းမှာ ပြုလုပ်တဲ့ အန်အယ်ဒီ ဗဟို အလုပ်အမှုဆောင် အစည်းအဝေးမှာတော့ လာမဲ့ တော်လှန်ရေးနေ့ အခမ်းအနားကို စည်စည်ကားကား ကျင်းပနိုင်ဖို့ ဆွေးနွေး ဆုံးဖြတ်ခဲ့ပါတယ်။

ဒါ့အပြင် ဒီကနေ့ နေ့လည် ၁ နာရီမှာ နိုင်ငံရေးနှင့် ဘောဂဗေဒ ဆိုတဲ့ခေါင်းစဉ်နဲ့ လူငယ်ပညာပေး ဆွေးနွေးပွဲတရပ်ကို အန်အယ်ဒီ ဌာနချုပ်မှာ ပြုလုပ်ခဲ့ပါတယ်။ ဒီဆွေးနွေးပွဲကို ဗဟိုအလုပ်အမှုဆောင် အဖွဲ့ဝင် ဦးစောနိုင်းနိုင်းနဲ့ စီးပွားရေးပညာရှင် ဦးမျိုးမြင့်တို့က ဦးဆောင်ဆွေးနွေးခဲ့ပြီး လူကြီးလူငယ် တက်ရောက်သူ စုစုပေါင်း ၆၀ ကျော်လောက် ရှိပါတယ်။

နိုင်ငံရေးနဲ့ ဘောဂဗေဒ ဆွေးနွေးပွဲအကြောင်းနဲ့ ပတ်သက်လို့ ဦးဆောင် ဆွေးနွေးခဲ့သူတဦး ဖြစ်တဲ့ ၁၉၉၀ ရွေးကောက်ပွဲ အနိုင်ရ NLD ပြည်သူ့လွှတ်တော် ကိုယ်စားလှယ် ဦးစောနိုင်းနိုင်းကို RFA ဝိုင်းတော်သား ကိုနေရိန်ကျော်က ဆက်သွယ် မေးမြန်းထားပါတယ်။
RFAသတင်းမှ ကူးယူဖေါ်ပြပါသည်။

အရှေ့အလယ်ပိုင်းဒေသ အုံကြွမှုနဲ့ မြန်မာနိုင်ငံ အခြေအနေ ဒေါ်စု နှိုင်းယှဉ်သုံးသပ်

အရှေ့အလယ်ပိုင်းနဲ့ အာဖရိက မြောက်ပိုင်းမှာ လူထုဆန္ဒပြမှုတွေကို မြန်မာနိုင်ငံက လူထုတွေကလည်း နီးနီးကပ်ကပ် စောင့်ကြည့်နေကြတယ်လို့ နိုဘယ်လ် ငြိမ်းချမ်းရေးဆုရှင် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောပါတယ်။ အီဂျစ်နဲ့ တူနီးရှား နိုင်ငံတွေမှာ အနည်းနဲ့အများ ဆိုသလို ငြိမ်းချမ်းတယ်လို့ ဆိုရမယ့် ဆန္ဒပြမှုတွေကတဆင့် အစိုးရတွေကို ဖြုတ်ချနိုင်ခဲ့တာ ဖြစ်ပါတယ်။ ဒီအကြောင်းနဲ့ ပတ်သက်ပြီး ဗွီအိုအေ သတင်းထောက် လုခ် ဟန့်တ် (Luke Hunt) မလေးရှားနိုင်ငံ ကွာလာလမ်ပူမြို့ကနေ သတင်းပေးပို့ထားတာကို ဒေါ်လှလှသန်းက တင်ပြပေးထားပါတယ်။

အခုတလော နိုင်ငံတကာ သတင်းတွေမှာ ထိပ်ကပြေးနေတဲ့ အရှေ့အလယ်ပိုင်းနဲ့ အာဖရိက မြောက်ပိုင်းရှိ ဒီမိုကရေစီရေး လှုပ်ရှား ဆန္ဒပြမှုတွေကို မြန်မာနိုင်ငံသားတွေ အနေနဲ့ လက်လှမ်းဝေးအောင် မြန်မာစစ်အစိုးရက နိုင်ငံတွင်းမှာ ဟန့်တားဖို့ ကြိုးစားပေမဲ့လည်း သိပ်အောင်မြင်မှု မရရှိတာ တွေ့ရတယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောခဲ့ပါတယ်။ ရန်ကုန်ကနေ တယ်လီဖုန်းကတဆင့် ကွာလာလမ်ပူရှိ နိုင်ငံခြား သတင်းထောက်တွေနဲ့ ဆက်သွယ် မေးမြန်းခန်းမှာ ဒေါ်အောင်ဆန်းစုကြည်က အခုလို ပြောကြားလိုက်တာ ဖြစ်ပါတယ်။

တူနီးရှားနဲ့ အီဂျစ်မှာ အစိုးရတွေကို ဖြုတ်ချနိုင်ခဲ့တဲ့ ဆန္ဒပြမှုတွေအပြင် လစ်ဗျားခေါင်းဆောင် မိုမာ ကဒါဖီ (Moammar Gadhafi) ကို ထောက်ခံသူတွေနဲ့ အစိုးရ ဆန့်ကျင်သူတွေကြား ထိပ်တိုက် ရင်ဆိုင်မှုတွေကို မြန်မာနိုင်ငံသားတွေ အနေနဲ့ နီးနီးကပ်ကပ် စောင့်ကြည့်နေကြတာ ဖြစ်တယ်လို့ အသက် ၆၅ နှစ်အရွယ် နိုဘယ်လ် ငြိမ်းချမ်းရေးဆုရှင်က ပြောပါတယ်။

“မြန်မာပြည်သူလူထုက ၁၉၈၈ ခုနှစ်မှာ ဖြစ်ပျက်ခဲ့တဲ့ ဖြစ်ရပ်တွေနဲ့ ယှဉ်ကြည့်ကြရာမှာ တူနီးရှားနဲ့ အီဂျစ်မှာ စစ်တပ်က သူတို့ ပြည်သူတွေအပေါ် ပစ်ခတ်ခဲ့ခြင်း မပြုတဲ့ အချက်ကို သတိထားမိကြသလို လစ်ဗျားနိုင်ငံမှာတော့ အခြေအနေက အဲဒီလို မဟုတ်ဘူး ဆိုတာကိုလည်း သတိထားမိကြပါတယ်။ တူနီးရှားနဲ့ အီဂျစ်နိုင်ငံထက်စာရင် လစ်ဗျားမှာ အခြေအနေက ပိုရှုပ်ထွေး၊ ပိုဆိုးဝါးတာကို မြင်ရပါတယ်။ အထူးသဖြင့် အီဂျစ်နိုင်ငံမှာ အာဏာရှင်ကို ဖြုတ်ချနိုင်ခဲ့တဲ့အတွက် လူတွေက သိပ်ကို သဘောကျပြီး စိတ်ဝင်တစားနဲ့ အခြေအနေတွေကို စောင့်ကြည့်နေကြတာ ဖြစ်ပါတယ်။”

မြန်မာနိုင်ငံမှာ ရှစ်လေးလုံး အရေးတော်ပုံလို့ ခေါ်တဲ့ ၁၉၈၈ ခုနှစ်က ကျောင်းသားတွေ ဦးဆောင်တဲ့ ဒီမိုကရေစီရေး လိုလား ဆန္ဒပြမှုတွေကို မြန်မာစစ်တပ်က သွေးထွက်သံယို နှိမ်နင်းခဲ့တာ ဖြစ်ပါတယ်။ ဒါ့အပြင် ဒေါ်အောင်ဆန်းစုကြည်ရဲ့ အမျိုးသား ဒီမိုကရေစီ အဖွဲ့ချုပ် ပါတီဟာ ၁၉၉၀ ခုနှစ် ရွေးကောက်ပွဲမှာ အပြတ်အသတ် အနိုင်ရရှိခဲ့ပေမဲ့လည်း မြန်မာစစ်အစိုးရက အာဏာလွှဲပြောင်းပေးဖို့ ငြင်းဆိုခဲ့ပါတယ်။

ဒေါ်အောင်ဆန်းစုကြည် အနေနဲ့ကတော့ မြန်မာနိုင်ငံ ဒီမိုကရေစီ ရရှိရေး ကြိုးပမ်းမှုအတွက် ပြီးခဲ့တဲ့ နှစ် ၂၀ ကျော်အတွင်း စုစုပေါင်း ၃ ကြိမ်တိုင်အောင် ၁၅ နှစ်နီးပါး နေအိမ်အကျယ်ချုပ် ကျခံနေရတာလည်း ဖြစ်ပါတယ်။ သူမကို ၂၀၁၀ နိုဝင်ဘာလ ၇ ရက်နေ့ ရွေးကောက်ပွဲများ ကျင်းပအပြီး နိုဝင်ဘာလ ၁၃ ရက်နေ့က ပြန်လွှတ်ပေးလိုက်တာ ဖြစ်ပါတယ်။ အဲဒီ ရွေးကောက်ပွဲများဟာ ဒီမိုကရေစီနည်း မကျဘဲ မြန်မာစစ်ခေါင်းဆောင် အာဏာတည်မြဲရေးအတွက် ပိုပြီး အခြေခိုင်စေတယ်လို့ နိုင်ငံတကာက ဝေဖန်ခဲ့တာလည်း ဖြစ်ပါတယ်။

မြန်မာစစ်အစိုးရ အဆက်ဆက်က နှစ် ၄၀ ကျော် အုပ်ချုပ်မှုအတွင်းမှာ နိုင်ငံရေး၊ စီးပွားရေးနဲ့ လူမှုရေး ပြဿနာ ပေါင်းစုံတို့ကြောင့် လူထုက လမ်းမတွေပေါ်မှာ ထွက်ပြီး ဆန္ဒပြမှုတွေ ရှိခဲ့ရာမှာ ၂၀၀၇ ခုနှစ် ရွှေဝါရောင် တော်လှန်ရေး အတွင်းလည်း ငြိမ်းချမ်းစွာ မေတ္တာပို့ လှည့်လည် ဆန္ဒပြခဲ့ကြတဲ့ သံဃာတော်များကိုလည်း မြန်မာစစ်တပ်က ရက်ရက်စက်စက် ရိုက်နှက် ပစ်ခတ် ဖမ်းဆီး ထောင်ချခဲ့တာတွေ ရှိခဲ့ပါတယ်။

အီဂျစ်နဲ့ တူနီးရှားရှိ အာဏာရှင် အစိုးရတွေအောက်မှာ နေထိုင်ကြရသူတွေနဲ့ အတိဒုက္ခရောက်နေတဲ့ မြန်မာနိုင်ငံသားတွေကြား အတွေ့အကြုံ ကွာခြားမှုကတော့ မြန်မာစစ်တပ်က ပြည်သူတွေအပေါ် ရက်ရက်စက်စက် ပစ်ခတ်မှုနဲ့ လစ်ဗျားမှာတော့ ပြည်သူတွေအပေါ် နှိမ်နင်းရာမှာ စစ်တပ်အနေနဲ့ စိတ်ဝမ်းကွဲမှု ရှိတဲ့အချက် ဖြစ်တယ်လို့လည်း ဒေါ်အောင်ဆန်းစုကြည်က အခုလို ထောက်ပြခဲ့ပါတယ်။

“သိတဲ့အတိုင်းပါပဲ၊ မြန်မာနိုင်ငံမှာလည်း ပြည်သူလူထုက ဆန္ဒပြ တောင်းဆိုခဲ့ကြပါတယ်။ အဲဒီ ဆန္ဒပြမှုတွေ အတွင်းမှာ စစ်တပ်က ပြည်သူလူထုကို ပစ်ခတ်ခဲ့ပါတယ်။ ဒါဟာ အဓိက ကွာခြားချက်ပဲလို့ ကျမ ထင်ပါတယ်။ လစ်ဗျားနိုင်ငံက အခြေအနေကတော့ စစ်တပ်ကိုယ်တိုင်က အခြေအနေကို ဘယ်လိုကိုင်တွယ် ဖြေရှင်းရမလဲ ဆိုတာနဲ့ ပတ်သက်ပြီး စိတ်ဝမ်းကွဲနေကြပုံ ရပါတယ်။ မြန်မာနိုင်ငံမှာတော့ စစ်တပ်ရဲ့ မူဝါဒ ပေါ်လစီတွေနဲ့ ပတ်သက်ပြီး သိသာထင်ရှားတဲ့ စိတ်ဝမ်းကွဲမှုတွေ မရှိဘူးလို့ ကျမ ယူဆပါတယ်။”

ဒါပေမဲ့ အီဂျစ်၊ တူနီးရှား၊ လစ်ဗျား အစရှိတဲ့ နိုင်ငံတွေမှာ ဒီမိုကရေစီရေး တောင်းဆို ဆန္ဒပြမှုတွေကို အောင်အောင်မြင်မြင် စည်းရုံးနိုင်ခဲ့ပြီး အစိုးရရဲ့ ကြားဝင် စွက်ဖက်မှုကို ရှောင်နိုင်ခဲ့တဲ့ ၂၁ ရာစုရဲ့ သိပ္ပံနည်းပညာ တိုးတက်မှုကိုတော့ မြန်မာနိုင်ငံ အနေနဲ့ ရှောင်လွှဲလို့ ရနိုင်မှာ မဟုတ်ဘူးလို့လည်း ဒေါ်အောင်ဆန်းစုကြည်က ပြောခဲ့ပါတယ်။

ဒါကြောင့်လည်း Facebook နဲ့ Twitter တို့လို အင်တာနက် ကွန်ရက်တွေကတဆင့် ဆက်သွယ်နိုင်ဖို့လည်း အစီအစဉ်ရှိပြီး အခုလို ပြည်တွင်းရော ပြည်ပကပါ ကြိုးပမ်း အားထုတ်မှုတွေကြောင့် အမျိုးသား ပြန်လည် ရင်ကြားစေ့ရေး ဆွေးနွေးပွဲဆီကို မြန်မာအစိုးရ အနေနဲ့ ရောက်လာအောင် ဖိအားပေးနိုင်လိမ့်မယ်လို့လည်း သူ့အနေနဲ့ မျှော်လင့်တဲ့အကြောင်း ဒေါ်အောင်ဆန်းစုကြည်က ပြောခဲ့ပါတယ်။
VOAသတင်းမှ ကူးယူဖေါ်ပြပါသည်။။

အမေရိကန် သံမှူးကြီး ဒေါ်အောင်ဆန်းစုကြည်နှင့်တွေ့

မြန်မာနိုင်ငံအတွက် အကူအညီ အထောက်အပံ့တွေ ပေးအပ်ရေး အမေရိကန် ပြည်ထောင်စုက မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် သက်ဆိုင်သူတွေနဲ့ ဆွေးနွေးနေတယ်လို့ ရန်ကုန်အခြေစိုက် အမေရိကန်သံရုံး တာဝန်ခံ သံအမတ်ကြီး လယ်ရီ ဒင်းဂါး (Larry Dinger) က ပြောဆိုလိုက်ပါတယ်။

မြန်မာစစ်အစိုးရ တာဝန်ရှိသူတွေ၊ တခြားသူတွေနဲ့လည်း အကူအညီပေးရေးကိစ္စ ဆွေးနွေးနေတဲ့အကြောင်း သံအမတ်ကြီးကို ကိုးကားပြီး ရန်ကုန်ကလာတဲ့ AP သတင်းတပုဒ်က ဖော်ပြခဲ့တာပါ။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ သံအမတ်ကြီးတို့ ဒီတပတ်ထဲ ရန်ကုန်မြို့မှာ တနာရီခွဲလောက် တွေ့ဆုံ ဆွေးနွေးမှုတွေ ရှိခဲ့ပြီး အမေရိကန်ရဲ့ မြန်မာနိုင်ငံဆိုင်ရာ မူဝါဒတွေ ချမှတ်နိုင်ဖို့ အခုလို တွေ့ဆုံမှုတွေ လုပ်ဆောင်နေတာလို့ သံအမတ်ကြီးက ပြောဆိုတဲ့အကြောင်း သတင်းက ဖော်ပြခဲ့တာ ဖြစ်ပါတယ်။

VOA

ပါတီရပ်တည်ခွင့်ကိစ္စ ကမန်ခေါင်းဆောင်များ ဒေါ်အောင်ဆန်းစုကြည်နှင့် ဆွေးနွေး

2011-02-23
ဒီကနေ့ ဖေဖော်ဝါရီ ၂၃ ရက် မနက်ပိုင်းက ကမန်အမျိုးသား ဒီမိုကရေစီအဖွဲ့ချုပ်က ခေါင်းဆောင်တွေ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ လာရောက် တွေ့ဆုံခဲ့ပြီး ပါတီရပ်တည်ခွင့်နဲ့ ပတ်သက်ပြီး NLD ရုံးချုပ်မှာ ဆွေးနွေးခဲ့ပါတယ်။

ကမန်အမျိုးသား ဒီမိုကရေစီအဖွဲ့ချုပ်ရဲ့ ရပ်တည်ချက် သဘောထားတွေနဲ့ ဒီကနေ့ ဖြစ်ပျက်နေတဲ့ နိုင်ငံရေးအခြေ အနေတွေကို လည်းဆွေးနွေးခဲ့ကြတာပါ။ ဒီတွေ့ဆုံပွဲနဲ့ပတ်သက်ပြီး NLD ပါတီ ပြန်ကြားရေးတာဝန်ခံ ဦးအုန်းကြိုင်က အခုလို ပြောပြပါတယ်။

“ကမန် အမျိုးသား ဒီမိုကရေစီ အဖွဲ့ချုပ်က အတွင်းရေးမှူး ဦးဆင်ဝယ်နဲ့ အဖွဲ့ဝင် ၃ ဦးကို အထွေထွေ အတွင်းရေးမှူးရဲ့ ရုံးမှာပဲ လက်ခံ တွေ့ဆုံပါတယ်။ ကမန်အမျိုးသားတွေက လူနည်းစု ဖြစ်ပါတယ်။ အဲဒီမှာ လူ့အခွင့်အရေး ချိုးဖောက်မှုတွေ ခံနေရတဲ့အကြောင်း၊ နောက် ကမန် အမျိုးသား ဒီမိုကရေစီ အဖွဲ့ချုပ်ကို တရားမဝင်ပေါ့လေ၊ ဖျက်သိမ်းခံရတဲ့ ကိစ္စနဲ့ ပတ်သက်လို့လည်း ဥပဒေနဲ့အညီ ဆောင်ရွက်ပေးဖို့ ကော်မရှင်ကို သူတို့ တင်ပြဖို့ စီစဉ်ထားတဲ့အကြောင်း အဲဒါကို ဆွေးနွေးသွားပါတယ်ခင်ဗျ။”

ကမန်အမျိုးသား ဒီမိုကရေစီအဖွဲ့ချုပ်ဟာ ၁၉၈၈ ခုနှစ် နောက်ပိုင်း ထူထောင်ခဲ့တဲ့ ပါတီဖြစ်ပြီး၊ နောက်ပိုင်းမှာ စစ်အစိုးရ ဖျက်သိမ်းခံရတဲ့ ပါတီတွေထဲက ပါတီတခု ဖြစ်ပါတယ်။

ဒါအပြင် ဒီကနေ့ ညနေပိုင်းမှာ အမေရိကန်အခြေစိုက် ဘလွန်းဘတ် ဂျာနယ်က ဒေါ်အောင်ဆန်းစုကြည်ကို တွေ့ဆုံ မေးမြန်းခဲ့တယ်လို့ သိရပါတယ်။

ဒီအတောအတွင်း ဖေဖော်ဝါရီ ၂၂ ရက် မနေ့က အမေရိကန်သံရုံး ယာယီတာဝန်ခံ မစ္စတာ လယ်ရီ ဒင်းဂါးနဲ့ ဒေါ်အောင်ဆန်းစုကြည် တွေ့ဆုံစဉ် အမေရိကန်အစိုးရက စစ်တပ် ကြီးစိုးထားတဲ့ မြန်မာနိုင်ငံကို ဘယ်လို အကူအညီမျိုးတွေ ပေးရမလဲ ဆိုတာ ဆွေးနွေးခဲ့ကြတယ်လို့ AP သတင်း တရပ်မှာ ဒီကနေ့ ဖော်ပြလိုက်ပါတယ်။

မြန်မာစစ်အစိုးရရဲ့ လူ့အခွင့်အရေး ချိုးဖောက်မှုတွေနဲ့ ဒီမိုကရေစီစနစ် ဖော်ဆောင်ရေးမှာ ပျက်ကွက်မှုတွေကြောင့် အမေရိကန်အစိုးရက နှစ်ရှည်လများ စီးပွားရေး ပိတ်ဆို့အရေးယူထားတဲ့ အကြောင်းနဲ့၊ စစ်ဗိုလ်ချုပ်ဟောင်းတွေ ကြီးစိုးထားတဲ့ အစိုးရသစ်အကြောင်းတွေလည်း ပြောဆို ဆွေးနွေးခဲ့ကြတယ်လို့ မစ္စတာ လယ်ရီဒင်းဂါးက ပြောပါတယ်။ ဒါ့အပြင် သမတ အိုဘားမား အစိုးရကလည်း လာမဲ့ အစိုးရသစ်နဲ့ စေ့စပ်ညှိနှိုင်းဆောင်ရွက်နိုင်မဲ့ နည်းလမ်းတွေ ရှာဖွေနေတယ်လို့ သိရပါတယ်။


Copyright © 1998-2011 Radio Free Asia. All rights reserved.

ဒေါ်အောင်ဆန်းစုကြည်မှ ကိုဇာဂနာ အတွက် Cinema For Peace Gala 2011 ဆုပေးပွဲ အခမ်းအနားသို့ ပေးပို့တဲ့ အမှာစကား

News from NLD(LA) JB

ကျနော်တို့နဲ့ အကြမ်းမဖက်တော်လှန်ရေး (မြန်မာ+အင်္ဂလိပ်)

ရေးသားသူ - ဇော်နိုင်ဝင်း (သြစတြေးလျ)၊ ဘာသာပြန် - စိုးလွင် (ဆစ်ဒနီ)
Zaw Naing Wynn - Can we Burmese take on a nonviolent revolution ဒေါက်တာလွဏ်းဆွေblog မှကူးယူဖေါ်ပြပါသည်။

တရားဥပဒေ စိုးမိုးမှု မရှိဘဲ လုံခြုံဘေးကင်းမှု မရနိုင်

ဥပဒေစိုးမိုးမှု ကင်းမဲ့တဲ့ လူ့အဖွဲ့အစည်း တရပ်မှာ လုံခြုံဘေးကင်းမှု မရနိုင်သလို လွတ်လပ်မှု ဆိုတာလည်း အဓိပ္ပာယ်ရှိမှာ မဟုတ်ဘူးလို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ကနေဒါနိုင်ငံ ကာလ်တန် (Carleton) တက္ကသိုလ်က ချီးမြှင့်တဲ့ ဥပဒေဆိုင်ရာ ဂုဏ်ထူးဆောင် ပါရဂူဘွဲ့ ဒေါ်အောင်ဆန်းစုကြည်ကို အပ်နှင်းတဲ့ အခမ်းအနားအတွင်း အမျိုးသား ဒီမိုကရေစီ အဖွဲ့ချုပ် အနေနဲ့ မြန်မာနိုင်ငံတွင်း ဥပဒေစိုးမိုးမှုအတွက် ရပ်တည် ဆောင်ရွက်သွားမယ်လို့ အဲဒီ အခမ်းအနားကို ပေးပို့ခဲ့တဲ့ ဗွီဒီယိုမိန့်ခွန်းမှာ ဒေါ်အောင်ဆန်းစုကြည်က ပြောသွားပါတယ်။ အဲဒီမိန့်ခွန်းနဲ့ ပတ်သက်လို့ ကိုသားညွန့်ဦးက တင်ပြပေးထားပါတယ်။

ကနေဒါနိုင်ငံ ကာလ်တန် တက္ကသိုလ်မှာ ကျင်းပတဲ့ အဲဒီ ဂုဏ်ထူးဆောင် ဥပဒေပါရဂူဘွဲ့ ချီးမြှင့်ပွဲကို တက္ကသိုလ် အဓိပတိ အပါအ၀င် ကနေဒါ လွှတ်တော်အမတ်တွေ၊ ကနေဒါ အစိုးရပိုင်းက အရာရှိတွေပါ တက်ရောက်ခဲ့ကြပါတယ်။ ဆုချီးမြှင့်ခံရသူ ဒေါ်အောင်ဆန်းစုကြည် ကိုယ်တိုင် ဒီပွဲကို ရောက်မလာနိုင်ပေမဲ့ ဗွီဒီယိုကတဆင့် တတ်ရောက်လာသူတွေကို မိန့်ခွန်းစကား ပြောပါတယ်။ လွတ်လပ်မှုနဲ့ လုံခြုံမှုဟာ တပြိုင်နက်တည်း ရှိဖို့လိုသလို အဲဒီအတွက်ဆိုရင် ဥပဒေစိုးမိုးမှုဟာ မဖြစ်မနေ အရေးပါတယ်လို့ ဒေါ်အောင်ဆန်းစုကြည်က ပြောသွားပါတယ်။

“ဥပဒေဆိုတာ လူသားတွေရဲ့ အကြီးမားဆုံး အောင်မြင်မှုတွေအနက် တခုဖြစ်တယ် ဆိုတာကို လွန်ခဲ့တဲ့ နှစ်တွေအတွင်း ကျမ အခိုင်အမာ သဘောပေါက်ခဲ့ပါတယ်။ ဒါပေမဲ့ ဥပဒေဆိုတာဟာ တရားမျှတတဲ့ ဥပဒေ ဖြစ်ရပါမယ်။ အဲဒီလို တရားမျှတတဲ့ ဥပဒေတွေကို ကျင့်သုံးမှသာ လူသားတွေဟာ တကယ့်ကို ယဉ်ကျေးတဲ့ လက္ခဏာ ပေါ်လာမှာပါ။ အခုလို ကျမကို ဥပဒေရေးရာ ဂုဏ်ထူးဆောင် ပါရဂူဘွဲ့ ချီးမြှင့်လိုက်တာဟာ ကျမကို ယဉ်ကျေးတဲ့ လူသားတဦး အနေနဲ့ ယူဆ သတ်မှတ်တဲ့အတွက် အားလုံးကို ကျေးဇူးတင်ပါတယ်။”

အမျိုးသား ဒီမိုကရေစီ အဖွဲ့ချုပ် အနေနဲ့ မြန်မာနိုင်ငံတွင်း ဥပဒေစိုးမိုးမှုအတွက် ဥပဒေ အထောက်အကူပြု အဖွဲ့ဆိုတာကို ဖွဲ့စည်းခဲ့သလို ဒီအဖွဲ့ဟာ နိုင်ငံရေး အကျဉ်းသား အမှုတွေအတွက် အထူးတာဝန်ယူ ဆောင်ရွက်ပေးခဲ့တယ်လို့ ပြောပါတယ်။ တရားရေး လွတ်လပ်ခွင့် မရှိတဲ့ မြန်မာနိုင်ငံမှာ အဖွဲ့ချုပ် ဥပဒေ အထောက်အကူပြု အဖွဲ့က ဆောင်ရွက်တဲ့အမှု အတော်များများဟာ အနိုင်မရခဲ့ပါဘူး။

ဒါပေမဲ့ ဒီအတွက် စိတ်ဓာတ်မကျဘဲ နိုင်ငံရေး အကျဉ်းသားတွေရဲ့ အခွင့်အရေးတွေအတွက် ရပ်တည်မှု ပေးခဲ့တယ်လို့ ဒေါ်အောင်ဆန်းစုကြည်က ပြောပါတယ်။ ဒါကြောင့် အခုချီးမြှင့်တဲ့ ဆုကိုလည်း အဖွဲ့ချုပ် ဥပဒေ အထောက်အကူပြု အဖွဲ့ကိုယ်စား လက်ခံရယူလိုက်ပါတယ်လို့ ဒေါ်အောင်ဆန်းစုကြည်က ပြောသွား ပါတယ်။

“ဒီဂုဏ်ထူးဆောင် ပါရဂူဘွဲ့ကို အမျိုးသား ဒီမိုကရေစီ အဖွဲ့ချုပ်ရဲ့ ဥပဒေ အထောက်အကူပြုရေး အဖွဲ့ရဲ့ ကိုယ်စား လက်ခံရယူတယ်လို့ ခံစားရပါတယ်။ ဒီအဖွဲ့အကြောင်းကို အနည်းငယ် ရှင်းပြချင်ပါတယ်။ မြန်မာ နိုင်ငံမှာ ဒါမျိုးဟာ ပထမဆုံး ဖွဲ့စည်းတဲ့ ဥပဒေရေးရာအဖွဲ့ ဖြစ်တယ်လို့ ဆိုချင်ပါတယ်။ ၁၉၉၅ ခုနှစ် တုန်းက စတင်ဖွဲ့ခဲ့ပါတယ်။

“နိုင်ငံရေး ရာဇ၀တ်မှုတွေ ကျူးလွန်တယ်လို့ စွပ်စွဲခံရသူတွေရဲ့ အမှုကို ကူညီဆောင်ရွက်ပေးဖို့ ဖွဲ့စည်းခဲ့တာ ပါ။ ဒီအမှုမျိုးတွေကို ကျမကတော့ ရာဇ၀တ်မှုရယ်လို့ မမြင်ပါဘူး။ ဒါပေမဲ့ နိုင်ငံရေး အကြောင်းပြချက်နဲ့ စွပ်စွဲဖမ်းဆီးခံရတဲ့ အမှုတွေ ဖြစ်တာကြောင့် နိုင်ငံရေး ရာဇ၀တ်မှုတွေလို့ ကျမကတော့ ခေါ်ချင်ပါတယ်။ အာဏာပိုင်တွေကတော့ သူတို့ကို ရာဇ၀တ်မှု ကျူးလွန်တယ်ဆိုပြီး ထောင်ထဲ ထည့်ခဲ့ပါတယ်။”

ဥပဒေဆိုတဲ့နေရာမှာ တရားမျှတမှု လိုအပ်သလို တရားမျှတတဲ့ ဥပဒေ ဖြစ်မှသာ လူ့ယဉ်ကျေးမှု လက္ခဏာ ရပ် ဖြစ်တယ်လို့လည်း ဒေါ်အောင်ဆန်းစုကြည်က ပြောခဲ့ပါတယ်။

“ဥပဒေ စိုးမိုးရေးအတွက် ကျမတို့ ရပ်တည် ဆောင်ရွက်ပါတယ်။ ဘယ်တိုင်းပြည် ဘယ်လို လူ့အဖွဲ့အစည်းမှာ မဆို ဥပဒေစိုးမိုးမှု မရှိဘဲ လုံခြုံဘေးကင်းမှု မရှိနိုင်ဘူးလို့ ကျမတို့ ယုံကြည်ပါတယ်။ စစ်မှန်တဲ့ လုံခြုံမှု မရ ရင်တော့ စစ်မှန်တဲ့ လွတ်လပ်မှု မရှိနိုင်ပါဘူး။ လုံခြုံမှုမရှိတဲ့ လွတ်လပ်မှု ဆိုတာဟာ ပြီးပြည့်စုံမှု မရှိပါဘူး။ လွတ်လပ်မှုတွေ ဖယ်ထုတ်ထားတဲ့ လုံခြုံဘေးကင်းမှုသက်သက် ဆိုတာဟာလည်း ပြီးပြည့်စုံမှု မရှိပါဘူး။ လွတ်လပ်မှုနဲ့ လုံခြုံဘေးကင်းမှုဟာ တပြိုင်နက်တည်း ရှိရမယ်လို့ ကျမတို့ ယုံကြည်ထားပါတယ်။ ဒါကြောင့် ဥပဒေစိုးမိုးရေးအတွက် ကျမတို့အနေနဲ့ အခိုင်အမာ ရပ်တည် ဆောင်ရွက်နေပါတယ်။”

ကနေဒါနိုင်ငံ အော်တ၀ါမြို့က ကာလ်တန် တက္ကသိုလ်မှာ ကျောင်းသားဦးရေ ၂၄,၀၀၀ လောက်ရှိပြီး အဲဒီက ကျောင်းသားတွေဟာ မြန်မာ့ဒီမိုကရေစီရေးကို ထောက်ခံ ဆောင်ရွက်ပေးလေ့ ရှိပါတယ်။

ဒေါ်အောင်ဆန်းစုကြည်ဟာ လွတ်မြောက်ရေးဆိုတဲ့ ယုံကြည်ချက် အပေါ်မှာ သူမကိုယ်တိုင် လွတ်လပ်မှုကို အနစ်နာခံ ပေးဆပ်ပြီး ဆောင်ရွက်နေတဲ့ ရာစုနှစ်အတွင်း ထူးခြားတဲ့ ပုဂ္ဂိုလ်တဦး ဖြစ်တာကြောင့် အခုလို ဂုဏ်ထူးဆောင် ပါရဂူဘွဲ့ကို ချီးမြှင့်တာ ဖြစ်တယ်လို့ ဆုချီးမြှင့်တဲ့ တက္ကသိုလ်ရဲ့ ကြေညာချက်မှာ ဖော်ပြ ထားပါတယ်။ ဒေါ်အောင်ဆန်းစုကြည်ဟာ ကနေဒါနိုင်ငံရဲ့ ဂုဏ်ထူးဆောင် နိုင်ငံသား အဖြစ်လည်း ချီးမြှင့်ခံခဲ့ ရဖူးပါတယ်။ VOAသတင်းမှ ကူးယူဖေါ်ပြပါသည်။

အဆုံးအဖြတ် နေရာတွင် ဒေါ်စု ရှိဟု မကဒတ ပြော

photo from ABSDF
မြန်မာ့နိုင်ငံ ပြဿနာများကို ဖြေရှင်းရာတွင် လူထုခေါင်းဆောင် ဒေါ်အောင်ဆန်းစုကြည်သည် အဆုံးအဖြတ်ပေးမည့် နေရာတွင် ရှိနေကြောင်း မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (မကဒတ) က ပြောဆိုလိုက်သည်။

ထိုင်း-မြန်မာနယ်စပ် တောတွင်းတနေရာရှိ မကဒတ ဗဟိုဌာနချုပ်တည်ရှိရာ ဒေါင်းဂွင်၌ နဝမ အကြိမ် ညီလာခံကို ယခုလ ၁၄ ရက်နေ့မှ ၁၉ ရက်နေ့အထိ ကျင်းပခဲ့ပြီးနောက် ယခုလို ပြောဆိုခြင်း ဖြစ်သည်။

“မြန်မာ့နိုင်ငံရေးမှာ မလွဲမသွေ အဆုံးအဖြတ်ပေးမယ့် နေရာမှာ ပါဝင်ရမယ့် ဒေါ်အောင်ဆန်းစုကြည်ရဲ့ အခန်းကဏ္ဍက အင်မတန်မှ အရေးကြီးတယ်လို့ ယူဆတယ်။ ဒီယူဆချက်အောက်မှာ အဖွဲ့ချုပ်ရဲ့ လှုပ်ရှားမှုတွေ၊ လူထုခေါင်းဆောင်ရဲ့ လှုပ်ရှားမှုတွေ၊ ကိုယ်ပိုင်အခွင့်အလမ်းတွေအတွက် တိုက်ပွဲဝင်နေတဲ့ ပြည်သူလူထု လှုပ်ရှားမှုတွေက အရှိန်မြင့် လာတော့မယ်လို့ ထင်တယ်’’ ဟု မကဒတ ခေါ် ABSDF ကျောင်းသားတပ်မတော် ဥက္ကဋ္ဌ ရဲဘော်သံခဲက မဇ္ဈိမကို ပြောသည်။

မြန်မာနိုင်ငံတွင် အမျိုးသားပြန်လည်သင့်မြတ်ရေး လုပ်ဆောင်ရန်နှင့် နိုင်ငံရေး ပြဿနာများကို နိုင်ငံရေးနည်းအရ ဖြေရှင်းမည့် တွေ့ဆုံဆွေးနွေးရေးကို စစ်အစိုးရ လုပ်ဆောင်ရန် လိုအပ်လျက်ရှိရာ၊ ဆက်လက်၍ လျစ်လျူရှုပါက စစ်ရေးနှင့် နိုင်ငံရေး ပဋိပက္ခများ ပိုမိုကြီးထွားလာနိုင်သည်ဟု သူက ဆိုသည်။

တပ်ရင်း ၉ ရင်းမှ ကိုယ်စားလှယ်များ၊ အနောက်ပိုင်းနှင့် မြောက်ပိုင်း တပ်ရင်းတပ်ဖွဲ့ တာဝန်ခံများနှင့် ဗဟိုကော်မတီဝင်အဟောင်းများပါ တက်ရောက်ခဲ့သော မကဒတ ညီလာခံကြီးက လူထုတိုက်ပွဲနှင့် လက်နက်ကိုင်တိုက်ပွဲ ပေါင်းစပ်ရေး ဆက်လုပ်သွားမည်ဟု ဆုံးဖြတ်ခဲ့သည်။

’’လူထုတိုက်ပွဲဆိုတာ လူထုက မိမိအခွင့်အရေးကို မိမိကိုယ်တိုင် ကြိုးပမ်းရုန်းကန်တာ ဖြစ်တယ်။ အခွင့်အရေးဆိုင်ရာ တိုက်ပွဲတွေ၊ အစုအဖွဲ့တိုက်ပွဲတွေ ရှိနိုင်တယ်။ တပြိုင်ထဲမှာ နိုင်ငံရေးအခွင့်အရေး လွတ်လပ်ခွင့်တွေ တောင်းဆိုတဲ့ တိုက်ပွဲတွေ ရှိတယ်၊ အလုပ်သမား တိုက်ပွဲတွေ ရှိတယ်။ ဒီဟာတွေရဲ့ ပေါင်းစပ်မှုတွေဟာ လူထုတိုက်ပွဲတွေလို့ ကျနော်တို့ နားလည်တယ်။ လက်နက်ကိုင် တော်လှန်ရေးဆိုတာကလည်း လူထုတိုက်ပွဲတွေထဲမှာ ပုံသဏ္ဍာန်ဝင်တဲ့ တိုက်ပွဲတခုသာ ဖြစ်တယ်။ လူထုတိုက်ပွဲနဲ့ လက်နက်ကိုင် တိုက်ပွဲဆိုတာ ခွဲခြားထားလို့ မရဘူး’’ ဟု ရဲဘော်သံခဲက ဆိုသည်။

စစ်အာဏာရှင် ဖိနှိပ်မှု ကြီးမားသည့် ကာလတွင် အချိန်မရွေး လူထုတိုက်ပွဲဖြစ်နိုင်ပြီး၊ နောက်ဆက်တွဲ လက်နက်ကိုင် တိုက်ပွဲများပါ တဆင့်တက် ပေါ်ပေါက်လာနိုင်ကြောင်းနှင့် အရှေ့အလယ်ပိုင်း အာရပ်နိုင်ငံများတွင် လူထုတိုက်ပွဲများ ဖြစ်ပွားရာနောက် လက်နက်ကိုင်တိုက်ပွဲများ ရှိနေသဖြင့် လူထုတိုက်ပွဲ၊ လက်နက်ကိုင်တိုက်ပွဲ စည်းမခြားဘဲ စစ်အာဏာရှင် ဖြုတ်ချရာ၌ ပူးတွဲသွားရမည်ဖြစ်ကြောင်း သူက ဆက်ပြောသည်။

ထို့ပြင် ၂ဝဝ၈ ဖွဲ့စည်းပုံနှင့် ၂ဝ၁ဝ ရွေးကောက်ပွဲမှ ဖြစ်ပေါ်လာသည့် လွှတ်တော်များနှင့် ကြံ့ဖွံ့အစိုးရက လက်ရှိနိုင်ငံရေး ပြဿနာများကို မဖြေရှင်းနိုင်သည့်အပြင်၊ မြန်မာပြည်လူထုအနေဖြင့် နိုင်ငံရေး အကျပ်အတည်းများ ပိုမိုကြီးထွားလာနိုင်သည်ဟုလည်း ဆိုသည်။

မကဒတ သည် ဘဏ္ဍာငွေ အခက်အခဲများနှင့် ရင်ဆိုင်ခဲ့သော်လည်း နိုင်ငံတကာရောက် မြန်မာအဖွဲ့အစည်းများနှင့် ရဲဘော်ဟောင်းများ၏ ကူညီထောက်ပံ့မှုဖြင့် ရပ်တည်နေခြင်း ဖြစ်သည်။

မကဒတ ညီလာခံက ဥက္ကဋ္ဌအဖြစ် ရဲဘော်သံခဲ၊ ဒုဥက္ကဋ္ဌ ရဲဘော်မျိုးဝင်း၊ အထွေထွေအတွင်းရေးမှူး ရဲဘော်ဆန်နီ၊ တွဲဖက် အထွေထွေအတွင်းရေးမှူး ၁ ရဲဘော်မြင့်ဦး၊ တွဲဖက် အထွေထွေ အတွင်းရေးမှူး ၂ ရဲဘော်ခင်ကျော် အပါအဝင် ဗဟိုကော်မတီဝင် ၁၅ ဦးနှင့် အရံကော်မတီဝင် ၃ ဦးကို ရွေးချယ်ခဲ့ကြသည်။

မကဒတကို ၈ လေးလုံး အရေးတော်ပုံအပြီး ၁၉၈၈ နိုဝင်ဘာ ၁ ရက်နေ့တွင် ဖွဲ့စည်းခဲ့ပြီး၊ စစ်အာဏာရှင်စနစ် ဆန့်ကျင်ရေး၊ ဒီမိုကရေစီရေး၊ လူ့အခွင့်အရေး၊ ပြည်တွင်းငြိမ်းချမ်းရေး၊ ဖက်ဒရယ် ပြည်ထောင်စု ပေါ်ထွန်းရေးအတွက် တိုင်းရင်းသား လက်နက်ကိုင် အဖွဲ့များနှင့်အတူ လက်နက်ကိုင်တိုက်ပွဲကို ယနေ့ထိ ဆင်နွှဲနေခြင်း ဖြစ်သည်။

ဖွဲ့စည်းချိန်မှ ၂ဝဝ၈ သြဂုတ်လအထိ ကျဆုံးသူနှင့် သေဆုံးသူ ရဲဘော် ၆၁ဝ ဦး ရှိပြီဖြစ်ကြာင်း မကဒတ အင်တာနက် ဝဘ်ဆိုဒ်တွင် ဖော်ပြထားသည်။

MIZZIMAသတင်းမှ ကူးယူဖေါ်ပြပါသည်။

စီးပွားရေး ပိတ်ဆို့မှု ရုပ်သိမ်းရေး လှုပ်ရှားမှု ၈၈ မျိုးဆက်အဖွဲ့ ကန့်ကွက်

နိုင်ငံရေး ပါတီ ၁၁ ခု ၏ မကြာသေးခင်က စီးပွားရေး ပိတ်ဆို့မှု ရုပ်သိမ်းရေး လှုပ်ရှားမှုကို ၈၈ မျိုးဆက် ကျောင်းသားများ အဖွဲ့ က ကန့်ကွက်ကြောင်း ပြောဆိုလိုက်သည်။

ပြီးခဲ့သည့် ဖေဖော်ဝါရီလ ၁၂ ရက်နေ့ ကျရောက်သော ၆၄ နှစ်မြောက်ပြည်ထောင်စုနေ့ ၌ ယင်း ပြည်တွင်းနိုင်ငံရေး ပါတီ ၁၁ ခုက အမေရိကန်၊ ဥရောပ အပါအ၀င် အနောက်နိုင်ငံများ၏ မြန်မာနိုင်ငံ အပေါ် ချမှတ်ထားသော စီးပွားရေး ပိတ်ဆို့မှု များ အမြန်ဆုံး ရုပ်သိမ်းရန် ပူးတွဲ ကြေညာချက်တစောင် ထုတ်ပြန်၍ တောင်းဆိုမှုကို ကန့်ကွက်ခြင်းဖြစ်သည်။
၈၈ မျိုးဆက် ကျောင်းသားများ အဖွဲ့ ခေါင်းဆောင် တဦးဖြစ်သူ ကိုစိုးထွန်းက “သူတို့ ပါတီတွေ အနေနဲ့ ပြောသင့်တာက နအဖ အစိုးရရဲ့ လူ့အခွင့်အရေး ချိုးဖောက်တာတွေ ကိုလည်း လေ့လာသုံးသပ် ထောက်ပြတာမျိုး လိုတယ်။ ပြည်သူ လူထု အကျိုးစီးပွား လိုလားလို့ Sanction (စီးပွားရေး ပိတ်ဆို့မှု) မရှိသင့်ပါဘူး ဆိုရင် ဒါက ဘာကြောင့် ဖြစ်ပေါ်လာသလဲ ဆိုတာ သေချာ လေ့လာသုံးသပ်ဖို့ လိုတယ်။ ပြည်သူလူထုရဲ့ စီးပွားရေး တကယ်ထိခိုက်၊ မထိခိုက် ဆိုတာကို သေချာလေ့လာ ပြီးမှ NLD (အမျိုးသား ဒီမိုကရေစီအဖွဲ့ချုပ်) က ပြောတဲ့ ပုံစံမျိုးတွေလို သေချာ ပြောဖို့လိုတယ်၊ အခုဟာ က Sanction မရှိသင့်ပါဘူး ဆိုပြီး ယေဘုယျ ပြောနေတာတွေက မဖြစ်သင့်ဘူး”ဟု ဧရာဝတီ ကိုပြောသည်။

စီးပွားရေး ပိတ်ဆို့မှု နှင့် ပတ်သက်ပြီး ၈၈ မျိုးဆက် ကျောင်းသားများ အဖွဲ့ ၏ သဘောထား အမြင်ကို အဆိုပါ နိုင်ငံရေး ပါတီ တပါတီချင်း ဆီသို့ စာပေးပို့ အကြောင်း ကြားထားသည် ဟုလည်း သိရသည်။

နိုင်ငံရေးပါတီ ၁၁ ခုက ထုတ်ပြန်သည့် ကြေညာချက်တွင် စီးပွားရေးပိတ်ဆို့မှုကြောင့် အမေရိကန်နိုင်ငံသည် နှစ်စဉ် ပို့ကုန် အမေရိကန်ဒေါ်လာ ၁၅ ဘီလီယံ နှင့် ၁၉ ဘီလီယံအကြား နစ်နာပြီး အမေရိကန်လုပ်သားများအတွက် လုပ်ခလစာ ၁ ဘီလီယံကျော် ဆုံးရှုံးရကြောင်း၊ မြန်မာနိုင်ငံ အနေနှင့်လည်း စီးပွားရေးပိတ်ဆို့မှုကြောင့် ဒေါ်လာ ဘီလီယံချီ ဆုံးရှုံးရပြီး အလုပ်အကိုင် သိန်းချီဆုံးရှုံးရကြောင်း ၊ ထို့ကြောင့် စီးပွားရေး ပိတ်ဆို့မှု ရုပ်သိမ်းသင့်ကြောင်း ဖော်ပြထားသည်။

စီးပွားရေးပိတ်ဆို့မှု ရုပ်သိမ်းရေးတောင်းဆိုသော နိုင်ငံရေးပါတီ ၁၁ ခုမှာ အမျိုးသား ဒီမိုကရေစီ အင်အားစု ပါတီ၊ ဒီမို ကရက် တစ် ပါတီ(မြန်မာ)၊ ပြည်ထောင်စု ဒီမိုကရေစီ ပါတီ၊ ပြည်ထောင်စု ကရင်အမျိုးသား အဖွဲ့ချုပ်၊ ချင်း အမျိုးသား ပါတီ၊ ဒီမိုကရေစီနှင့် ငြိမ်းချမ်း ရေး ပါတီ၊ ရှမ်းတိုင်းရင်းသားများ ဒီမိုကရက်တစ် ပါတီ၊ ရခိုင်တိုင်း ရင်းသားများ တိုးတက်ရေး ပါတီ၊ ၀ံသာနု NLD(ပြည်ထောင်စုမြန်မာနိုင်ငံ) ပါတီ၊ အမျိုးသားနိုင်ငံရေး မဟာမိတ်အဖွဲ့ချုပ်၊ ဖလုံ-စဝေါ် ဒီမိုကရက်တစ် ပါတီတို့ ဖြစ်သည်။

ကိုစိုးထွန်းက ဆက်လက်ပြီး ၈၈ မျိုးဆက်ကျောင်းသားများအဖွဲ့ သည် NLD က ဖေဖော်ဝါရီ ၈ ရက်နေ့က ထုတ်ပြန်လိုက် သော စီးပွားရေး ပိတ်ဆို့မှုဆိုင်ရာ ကြေညာချက်နှင့် တသားတည်းရှိကြောင်း၊ ထို့ကြောင့် ၈၈ မျိုးဆက်ကျောင်းသားများအဖွဲ့ ကလည်း ကြေညာချက်ထုတ်ပြီးထောက်ခံကြောင်း ပြသခဲ့ခြင်းဖြစ်သည်ဟု ဆိုသည်။

ယခုအခါ ဥရောပ သမဂ္ဂ (EU) အဖွဲ့ဝင် နိုင်ငံများထဲမှ ဂျာမနီ နှင့် အီတလီ နိုင်ငံများက စီးပွားရေး ပိတ်ဆို့မှု ရုပ်သိမ်း စေ လိုသည်များကို ကြားလာရသည်ဟုလည်း ၎င်းက ပြောသည်။

“စီးပွားရေးပိတ်ဆို့မှုကို အခုအနေမှာရှိနေသင့်သေးတယ်၊ ဒေါ်အောင်ဆန်းစုကြည်နဲ့ ကျနော်တို့ တသားတည်းရှိတယ်၊ ဒါ ပေ မယ့်နိုင်ငံရေးအကျဉ်းသားတွေကို ခြွင်းချက်မရှိ လွှတ်ပေးဖို့လိုတယ်၊ ဒါကိုတောင်းဆိုထားတယ်။ ဒီလိုနိုင်ငံရေးအကျဉ်း သားတွေကို စပြီးလွှတ်ပေးမယ်ဆိုရင် နိုင်ငံတကာကလည်း တဖြည်းဖြည်းချင်း လျှော့ပေးလာမှာပဲ၊ ဘာတိုးတက်မှု တစုံ တရာမှ မရှိသေးဘဲ ဖယ်ရှားဖို့ မသင့်ဘူး”ဟု ကိုစိုးထွန်းက ပြောဆိုသည်။

NLD ကြေညာချက်တွင် စစ်အစိုးရသည် သဘာဝဓာတ်ငွေ့နှင့် သယံဇာတ ရောင်းချခြင်းမှ အမေရိကန်ဒေါ်လာ ဘီလီယံ ပေါင်း များစွာ ၀င်ငွေရရှိနေသော်လည်း လူထု၏ကျန်းမာရေးနှင့် ပညာရေးကို အလေးထားခြင်း မရှိသည့်အတွက်၂၀၁၁ ခုနှစ် ကုလသမဂ္ဂဖွံ့ဖြိုးမှုအစီအစဉ်(UNDP)၏ ထုတ်ပြန်ချက်အရ မြန်မာနိုင်ငံသည် လူသားရင်းမြစ်ဖွံ့ဖြိုးမှုတွင် အနိမ့်ကျဆုံးဖြစ်နေပြီး အရှေ့တောင်အာရှတွင် ကမ္ဘောဒီးယားနှင့်လာအိုနိုင်ငံတို့ကပင် ကျော်တက်သွားပြီ ဖြစ်ကြောင်း၊ စီးပွားရေးပိတ်ဆို့မှုသည် စစ်အစိုးရကိုသာ အဓိက တိုက်ရိုက်ထိခိုက်ပြီး ပြည်သူလူထု အပေါ် ထိခိုက်မှုမရှိကြောင်း ထုတ်ပြန်ထားသည်။

“စီးပွားရေး ဒဏ်ခတ်ပိတ်ဆို့မှု လုပ်ထားတဲ့နိုင်ငံတွေ ကိုယ်တိုင်က Sanction ကို အမြဲ လုပ်ထားမှာ မဟုတ်ဘူး၊ နိုင်ငံရေး အကျဉ်းသားတွေ လွှတ်ပေးဖို့နဲ့ လူ့အခွင့်အရေးကိုလေးစား လိုက်နာလာဖို့တွေအတွက် တိုးတက်တဲ့ အခြေအနေ တစုံ တရာကို မမြင်တွေ့ ရသေးလို့သာ သူတို့က ဆက်ထားချင်တာ၊ ဒါဟာ မှန်တယ်”ဟု ရန်ကုန်မြို့ရှိ နိုင်ငံရေးတက်ကြွလှုပ်ရှားသည့် လူငယ်တဦးက ပြောသည်။

မြန်မာနိုင်ငံတွင် တိုင်းရင်းသားလူမျိုးများအပေါ် ဥပဒေမဲ့သတ်ဖြတ်မှု၊ မုဒိမ်းကျင့်မှု၊ ကလေးစစ်သား အသုံးပြုမှု အပါအ၀င် ရာဇ၀တ်မှု၊ လူ့အခွင့်အရေး ချိုးဖောက်မှုများကို စစ်အစိုးရက ကျူးလွန်နေခြင်းကြောင့် ၁၉၉၇ ခုနှစ်မှ စတင်ကာ အမေရိ ကန် နိုင်ငံ၊ ဥရောပ သမဂ္ဂ အပါအ၀င် အနောက်နိုင်ငံများက အရေးယူပိတ်ဆို့မှုများပြုလုပ်ခဲ့ခြင်းဖြစ်သည်။ IRRAWADDYသတင်းမှ ကူးယူဖေါ်ပြပါသည်။

ဒေါ်စုကို ကနေဒါတက္ကသိုလ် ဂုဏ်ထူးဆောင် ပါရဂူဘွဲ့ ချီးမြှင့်

ကနေဒါနိုင်ငံ အော်တ၀ါမြို့မှာရှိတဲ့ ကာလီတန် (Carleton) တက္ကသိုလ်က မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ဒီကနေ့ ဖေဖော်ဝါရီလ ၂၂ ရက်နေ့မှာ ဂုဏ်ထူးဆောင် ပါရဂူဘွဲ့ ချီးမြှင့်ဖို့ ရှိပါတယ်။ ဒေါ်အောင်ဆန်းစုကြည်ဟာ ယုံကြည်ချက် တခုအတွက် ကိုယ်ကျိုးစွန့် တိုက်ပွဲဝင်နေတဲ့သူ၊ တကယ့်ကို ထူးခြားတဲ့ ပုဂ္ဂိုလ်တဦး ဖြစ်တဲ့အတွက် အခုလို ဂုဏ်ထူးဆောင် ပါရဂူဘွဲ့ ချီးမြှင့်ဂုဏ်ပြုတာ ဖြစ်တယ်လို့ ကာလီတန် တက္ကသိုလ်ရဲ့ အဓိပတိ Dr. Roseann O’Reilly Runte က ပြောပါတယ်။ အပြည့်အစုံကို မခင်ဖြူထွေးက တင်ပြပေးထားပါတယ်။

ဒီနေ့ ဖေဖော်ဝါရီလ ၂၂ ရက် ကနေဒါ စံတော်ချိန် နေ့လယ် ၁၂ နာရီမှာ ကာလီတန် တက္ကသိုလ်ရဲ့ Kailash Mital ခန်းမမှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ဂုဏ်ထူးဆောင် ပါရဂူဘွဲ့ ချီးမြှင့်မှာ ဖြစ်ပါတယ်။ အခုလို ဒေါ်အောင်ဆန်းစုကြည်ကို ဂုဏ်ထူးဆောင်ဘွဲ့ ချီးမြှင့်ဖို့ တက္ကသိုလ် တခုလုံးက ဆုံးဖြတ်ခဲ့တာနဲ့ ပတ်သက်လို့တော့ ကာလီတန် တက္ကသိုလ်ရဲ့ အဓိပတိ Dr. Roseann O.Reilly Runte က အခုလို ပြောပြပါတယ်။

“ဒေါ်အောင်ဆန်းစုကြည်ဟာ သူမရဲ့ ယုံကြည်ချက်အတွက်၊ လွတ်လပ်ခွင့်အတွက် တိုက်ပွဲဝင်နေတဲ့သူပါ။ စိတ်ထဲပေါ်လာမှ သတ္တိမွေးပြီး လုပ်တဲ့သူမျိုး မဟုတ်ပါဘူး။ အရာရာကို သေချာစဉ်းစား သုံးသပ်ပြီးမှ စိတ်ရှည်သည်းခံမှု အပြည့်နဲ့ သန္နိဋ္ဌာန် ခိုင်ခိုင်မာမာချပြီး လုပ်သင့်တာကို လုပ်နေသူပါ။ သူ့ရဲ့ ယုံကြည်ချက်ကြောင့်ပဲ မိသားစု၊ မိတ်ဆွေသင်္ဂဟတွေနဲ့ နေရတဲ့အချိန် မရှိဘဲ နှစ်ပေါင်းများစွာ တယောက်တည်း အကျယ်ချုပ် ချခံခဲ့ရသူလည်း ဖြစ်ပါတယ်။ သူ့ဘ၀ရဲ့ အရာရာကို ပေးဆပ်ထားသူပါ။

“ဒါကြောင့် ကျမတို့ ရှင်သန်နေတဲ့ ဒီရာစုနှစ် အတွင်းမှာတော့ ဒေါ်အောင်ဆန်းစုကြည်ဟာ ဘယ်သူနဲ့မှမတူ ထူးခြားလှတဲ့ ပုဂ္ဂိုလ်တယောက်ပါ။ ဆုံးဖြတ်ချက် ခိုင်မာပြီး ရဲစွမ်းသတ္တိရှိတဲ့ အမျိုးသမီးတဦးပါ။ အကြမ်းမဖက်တဲ့ နည်းလမ်းတွေနဲ့ ဂုဏ်သိက္ခာရှိရှိ တိုက်ပွဲဝင်နေသူ ဖြစ်ပါတယ်။ ကျမတို့ အားလုံးအတွက် သတ္တိ ခွန်အားတွေနဲ့ ငြိမ်းချမ်းခြင်းရဲ့ အလှတရားတွေကို ဦးဆောင်လမ်းပြနေသူလို့ ဆိုရမှာပါ။”

ဒီလို ဒေါ်အောင်ဆန်းစုကြည်ရဲ့ မြန်မာနိုင်ငံ ဒီမိုကရေစီရေးအတွက် ကိုယ်ကျိုးမဖက် လုပ်ရပ်တွေကြောင့် အခုလို ဂုဏ်ထူးဆောင် ပါရဂူဘွဲ့ ချီးမြှင့်ရတာ ဖြစ်သလို ဒီလို ချီးမြှင့်ဂုဏ်ပြုခွင့် ရတဲ့အတွက်လည်း ၀မ်းသာဂုဏ်ယူရတယ်လို့ ကာလီတန် တက္ကသိုလ် အဓိပတိက ပြောခဲ့ပါသေးတယ်။

“ဒေါ်အောင်ဆန်းစုကြည်ဟာ ကမ္ဘာတ၀န်းမှာရှိတဲ့ ကျောင်းသူ ကျောင်းသားတွေ၊ တက္ကသိုလ်ဝန်ထမ်းတွေ အားလုံးအတွက် အားကျဂုဏ်ယူစရာ ပုဂ္ဂိုလ်တဦးပါ။ သူ့ရဲ့ ရဲစွမ်းသတ္တိ၊ ငြိမ်းချမ်းတဲ့ စိတ်ခွန်အားတွေနဲ့အတူ ဆက်လက်ပြီး အောင်အောင်မြင်မြင် တိုက်ပွဲဝင်သွားနိုင်ဖို့လည်း ကျမ မျှော်လင့်ပါတယ်။”

ကာလီတန် တက္ကသိုလ်ရဲ့ အဓိပတိ Dr. Roseann O.Reilly Runte ပြောသွားခဲ့တာပါ။

ဂုဏ်ထူးဆောင်ဘွဲ့ ချီးမြှင့်တဲ့ အခမ်းအနားကို ဒေါ်အောင်ဆန်းစုကြည် ကိုယ်တိုင် တက်ရောက်နိုင်ခြင်း မရှိတဲ့အတွက် သူမကိုယ်စား နိုင်ငံတကာ လူသားချင်း စာနာမှုဆိုင်ရာ လုပ်ငန်းတွေမှာ နှစ်မြှုပ်လုပ်ကိုင်နေတဲ့၊ ဒေါ်အောင်ဆန်းစုကြည်နဲ့လည်း ကိုယ်တိုင်တွေ့ဆုံ စကားပြောခဲ့ဖူးတဲ့ ကွန်ဆာဗေးတစ်ပါတီက လွှတ်တော်အမတ်ဟောင်းလည်းဖြစ်၊ နိုင်ငံခြားရေး ၀န်ကြီးဟောင်းလည်း ဖြစ်တဲ့ ဖလော်ရာ မက်ဒေါ်နယ် (Flora MacDonald) က ဂုဏ်ပြုမိန့်ခွန်းနဲ့အတူ ဆုကို လက်ခံပေးမှာ ဖြစ်တယ်လို့လည်း သူက ပြောပြပါတယ်။

ဒေါ်အောင်ဆန်းစုကြည်ဟာ သူ့ရဲ့ ဒီမိုကရေစီရေး လှုပ်ရှားမှုတွေနဲ့ ကိုယ်ကျိုးစွန့် အနစ်နာခံမှုတွေကြောင့် ၁၉၉၃ ခုနှစ်မှာ ကနေဒါနိုင်ငံ တိုရွန်တို (Toronto) တက္ကသိုလ်က ချီးမြှင့်တဲ့ ဂုဏ်ထူးဆောင် ပါရဂူဘွဲ့၊ ၁၉၉၅ ခုနှစ်မှာ ကွင်းစ် (Queens) တက္ကသိုလ်က ချီးမြှင့်တဲ့ ဂုဏ်ထူးဆောင်ဘွဲ့နဲ့ ၁၉၉၅ ခုနှစ်မှာပဲ ဆိုင်မွန် ဖရာစာ (Simon Fraser) တက္ကသိုလ်က ချီးမြှင့်တဲ့ ဂန္ဒီဆုတွေ အပါအ၀င် ကနေဒါနိုင်ငံက ချီးမြှင့်တဲ့ ဂုဏ်ထူးဆောင်ဘွဲ့ များစွာကို ရရှိထားသူပါ။ ၂၀၀၇ ခုနှစ်ကတော့ ကနေဒါနိုင်ငံရဲ့ ဂုဏ်ထူးဆောင် နိုင်ငံသားဆုကို ချီးမြှင့်ခံခဲ့ရတာ ဖြစ်ပါတယ်။

ဒါ့အပြင် ၁၉၉၁ ခုနှစ်က နိုဘဲလ် ငြိမ်းချမ်းရေးဆု အပါအ၀င် လွတ်လပ်စွာ တွေးခေါ်မှုဆိုင်ရာ Sakharov ဆု၊ Rafto လူ့အခွင့်အရေးဆု၊ အမေရိကန် ပြည်ထောင်စုမှာ အရပ်သူ အရပ်သားတွေကို ပေးအပ်တဲ့ အမြင့်ဆုံးဆုဖြစ်တဲ့ လွတ်မြောက်ရေးဆု၊ Jawaharlal Nehru ဆု စတဲ့ နိုင်ငံတကာက ချီးမြှင့်တဲ့ ဆုပေါင်းများစွာ ရရှိထားသူ ဖြစ်ပါတယ်။ VOAသတင်းမှ ကူးယူဖေါ်ပြပါသည်။

ဖိလစ်ပိုင်သံအမတ်နဲ့ ဒေါ်အောင်ဆန်းစုကြည် တွေ့ဆုံ

ဖိလစ်ပိုင်သံအမတ်ကြီး မာရီယာ အယ်လင်ဘာဘာ Maria Hellen M. Barber ဟာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ဒီကနေ့ နေ့လည်ပိုင်းက နေအိမ်မှာ သွားရောက် တွေ့ဆုံခဲ့တယ်လို့ သိရပါတယ်။

ဒီကနေ့ ညနေပိုင်း ၂ နာရီခွဲကနေ ၃ နာရီခွဲအထိ ဒေါ်အောင်ဆန်းစုကြည်ရဲ့ နေအိမ်မှာ လာရောက် တွေ့ဆုံ ဆွေးနွေးခဲ့တာဖြစ်ပြီး ဆွေးနွေးချက်ကိုတော့ နှစ်ဖက်စလုံးက တစုံတရာ ထုတ်ပြန်ခြင်း မရှိဘူးလို့ NLD ပြန်ကြားရေးတာဝန်ခံ ဦးအုန်းကြိုင်က ပြောပြပါတယ်။

ဖိလစ်ပိုင်နိုင်ငံရဲ့ သမ္မတသစ် ဖြစ်လာသူ ဘင်နီနို အကွီနိုဟာ မြန်မာနိုင်ငံ ဒီမိုကရေစီရေးနဲ့ ဒေါ်အောင်ဆန်းစုကြည်ရဲ့ နိုင်ငံရေး ဆောင်ရွက်မှုတွေအပေါ် လူသိရှင်ကြား ရှေ့တန်းက ထောက်ခံ အားပေးနေတဲ့ အာစီယံ ခေါင်းဆောင်တဦး ဖြစ်ပါတယ်။ RFAသတင်းမှ ကူးယူဖေါ်ပြပါသည်။

စီးပွားရေးပိတ်ဆို့မှုထောက်ခံတဲ့အတွက် ဒေါ်စုကိုတောင်းပန်ခိုင်း

အခုရက်ပိုင်းအတွင်း မြန်မာစစ်အစိုးရသတင်းစာတွေမှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် နဲ့ အမျိုးသားဒီမိုကရေစီအဖွဲ့ချုပ်ကို အရင်တုန်းကလိုပဲ ထိုးနှက်တိုက်ခိုက်ရေးသားတဲ့ ဆောင်းပါးတွေ ဆက်တိုက် ဖော်ပြနေခဲ့ပါတယ်။ ဒီကနေ့ ဖေဖော်ဝါရီလ ၁၉ ရက်နေ့ စစ်အစိုးရသတင်းစာက ဆောင်းပါးတပုဒ်မှာတော့ မြန်မာနိုင်ငံမှာ တိုင်းပြည်ရဲ့ ဖွံ့ဖြိုးတိုးတက်မှုကို ကန့်သတ်မှုတွေဖြစ်ပေါ်စေတဲ့ အနောက်နိုင်ငံတွေရဲ့ အရေးယူပိတ်ဆို့ဒဏ်ခတ်မှုတွေကို အားပေးထောက်ခံနေသူ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ ပြည်သူလူထုကို ၀န်ချတောင်းပန်ရမယ်လို့ ဖော်ပြထားပါတယ်။

ဒီဆောင်းပါးအကြောင်းရေးသားထားတဲ့ ရိုက်တာသတင်းထဲမှာတော့ ပြီးခဲ့တဲ့သီတင်းပတ်က စစ်အစိုးရ သတင်းစာတွေမှာ ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ်ဟာ သမိုင်းနိဂုံး အဆုံးသတ် သွားတာကို ရင်ဆိုင်ရမှာဖြစ်တဲ့အကြောင်းနဲ့ နိုဘဲလ်ငြိမ်းချမ်းရေးဆုရှင် ဒေါ်အောင်ဆန်းစုကြည်နဲ့ ပတ်သက်ပြီးတော့ စစ်အစိုးရအနေနဲ့ ပျော့ပျော့ပြောင်းပြောင်း မရပ်တည်ဖို့ တိုက်တွန်းပါကြောင်းတွေကို ဖော်ပြထားတဲ့ ဆောင်းပါးတွေကိုလည်း သတင်းစာတွေမှာ တွေ့ခဲ့ရပါတယ်။

မြန်မာစစ်အစိုးရဟာ ဈေးကွက်စီးပွားရေးအတွက် တံခါးဖွင့်ထားပေးပေမဲ့လည်း အရေးယူပိတ်ဆို့ ဒဏ်ခတ်မှု တွေကြောင့် စိတ်ကျေနပ်စရာ ရှိလောက်အောင် တွန်းအားတွေမဖြစ်ခဲ့ဘူးလို့လည်း ရေးသားထားကြောင်း ရိုက်တာသတင်းမှာ ဖော်ပြထားပါတယ်။

ပြည်သူလူထု ထိခိုက်နစ်နာနေရတာဟာ စစ်အစိုးရရဲ့ စီမံခန့်ခွဲမှု ညံ့ဖျင်းမှုကြောင့်သာဖြစ်ပြီး အရေးယူ ပိတ်ဆို့ ဒဏ်ခတ် ပိတ်ဆို့မှုတွေကြောင့်မဟုတ်ဘူးလို့ NLD ကပြောဆိုနေတာ မှားယွင်းကြောင်းနဲ့ NLD ဖန်တီး ခဲ့လို့ဖြစ်ပေါ်လာခဲ့ရတဲ့ ပြဿနာတရပ်ကို NLD ကဖြေရှင်းပေးဖို့တာဝန်ရှိကြောင်းနဲ့ ပုဆိန်ရိုးတွေရဲ့ စီးပွားရေးပိတ်ဆို့ဖို့ တောင်းဆိုတာတွေမရှိခဲ့ရင် မြန်မာနိုင်ငံဟာ လက်ရှိအခြေအနေထက် အလျှံပယ် ဖွံ့ဖြိုး တိုးတက် ကောင်းမွန်သာလွန်နေပြီလို့လည်း အဲဒီဆောင်းပါးမှာ ရေးသားထားကြောင်း ရိုက်တာသတင်းမှာ ဖော်ပြထားပါတယ်။
VOAသတင်းမှ ကူးယူဖေါ်ပြပါသည်။

The Voice ဂျာနယ် 7-11 ဒီမိုဝေယံမှ ကူးယူဖေါ်ပြပါသည်။

လူရွှင်တော် ဇာဂနာ Bremen မြို့ ဂုဏ်ထူးဆောင်ဆုရ

မြန်မာနိုင်ငံမှာ ဖမ်းဆီးထိန်းသိမ်း ခံထားရတဲ့ နိုင်ငံကျော် အနုပညာရှင် ကိုဇာဂနာကို ဂျာမနီနိုင်ငံ ဘရီမန် (Bremen) မြို့က ဒီနှစ်အတွက် ဘရီမန် သွေးစည်းညီညွတ်ရေးဆိုင်ရာဆု ချီးမြှင့်လိုက်ပါတယ်။ ထူးချွန် ပြောင်မြောက်တဲ့ အနုပညာရှင်တဦး ဖြစ်တဲ့အပြင် မြန်မာပြည်သူတွေ လူ့အခွင့်အရေးနဲ့ လွတ်လပ်မှုတွေ ရရှိရေး ကိုယ်ကျိုးစွန့် အနစ်နာခံ တိုက်ပွဲဝင်နေတဲ့အတွက် ကိုဇာဂနာကို ဒီဆုချီးမြှင့်တာလို့ ဆိုပါတယ်။ အပြည့်အစုံကို ကိုဇော်ဝင်းလှိုင်က တင်ပြပေးထားပါတယ်။

ကချင်ပြည်နယ် မြစ်ကြီးနား အကျဉ်းထောင်မှာ ထောင်ဒဏ် ၃၅ နှစ် ချမှတ်ခံထားရတဲ့ စွယ်စုံအနုပညာရှင် ကိုဇာဂနာ ခေါ် ကိုသူရကို ဂျာမနီနိုင်ငံ ဘရီမန်မြို့ရဲ့ သွေးစည်းညီညွတ်ရေးဆု ချီးမြှင့်ရခြင်းနဲ့ ပတ်သက်လို့ ဘရီမန် မြို့တော်ဝန်ရဲ့ သံတမန်ရေးရာဌာန တာဝန်ခံ ဘားဂျစ် ရမ်ဘားလ်စကီး (Birgitt Rambalski) က ရှင်းပြပါတယ်။

“မြန်မာနိုင်ငံသားတွေရဲ့ လူ့အခွင့်အရေးနဲ့ လွတ်မြောက်မှုအတွက် စွန့်လွှတ် အနစ်နာခံပြီး လုပ်ဆောင်နေတဲ့ အနုပညာရှင်တဦး ဖြစ်တာကြောင့် ဒီဆုကို သူ့ကိုပေးဖို့ ကျမတို့က ရွေးချယ်လိုက်တာပါ။ လူ့အခွင့်အရေးနဲ့ လွတ်မြောက်မှုတို့အတွက် ကြိုးပမ်း ဆောင်ရွက်နေကြသူတွေ အတွက် ဘရီမန်မြို့က ၂ နှစ်မှာတခါ ဒီဆုကို ချီးမြှင့်ပေးလာတာ နှစ်ပေါင်း ၂၀ ကျော်သွားပါပြီ။”

အထူးသဖြင့်တော့ သူတို့ရဲ့ ကိုယ်ကျိုးစွန့် အနစ်နာခံမှုတွေအတွက် နိုင်ငံတကာက သွေးစည်းညီညွတ်စွာ ထောက်ခံအားပေးတယ်၊ အသိအမှတ်ပြုတယ် ဆိုတာကို ပြသတဲ့ အနေနဲ့ ဒီဆုကို ပေးတာလို့ ဘားဂျစ် ရမ်ဘားလ်စကီးက ပြောပါတယ်။ ဆုကြေးငွေအဖြစ် ယူရိုငွေ ၁၀,၀၀၀ ရရှိမှာ ဖြစ်ပါတယ်။

ကိုဇာဂနာရဲ့ အနုပညာ၊ သူ့ရဲ့ စွန့်လွှတ် အနစ်နာခံမှုနဲ့ မြန်မာနိုင်ငံသားတွေ စစ်အာဏာရှင်အောက်မှာ ဖိနှိပ် ချုပ်ချယ်ခံနေရတဲ့ ဘ၀တွေကို ဂျာမနီနိုင်ငံက ဟာသပညာရှင်တွေက သူတို့ရဲ့ အနုပညာ ဖျော်ဖြေပွဲတွေမှာ မကြာခန ကိုးကား တင်ဆက်လေ့ ရှိတာကြောင့် ကိုဇာဂနာကို ဂျာမန်ပရိသတ်က အတိုင်းအတာ တခုအထိ သိရှိပြီးသား ဖြစ်တယ်လို့ ဆိုပါတယ်။

ဒီဆုကို ပေးတာဟာ မြန်မာနိုင်ငံအတွင်းက အမှန်တရားကို မြတ်နိုးသူတွေ အားလုံးအတွက် ပေးတာ ဖြစ်တယ်လို့ ကိုဇာဂနာရဲ့ မိတ်ဆွေလည်းဖြစ်၊ လုပ်ဖော်ကိုင်ဘက်ဟောင်း တဦးလည်းဖြစ်တဲ့ ပန်းချီ ထိန်လင်းက ပြောပါတယ်။

“ကျနော့်အမြင်အရတော့ ဒါ တော်တော်အရေးကြီးပါတယ်။ တကယ်တမ်းကျတော့ ကျနော်တို့ မြန်မာနိုင်ငံ အတွင်းမှာရှိတဲ့ အမှန်တရားကို ချစ်ခင် မြတ်နိုးပြီးတော့ လွတ်လပ်မှုကို အမြဲတမ်း တိုက်ပွဲဝင်နေတဲ့ ပြည်သူတရပ်လုံးအတွက် ကိုယ်စားပြုပြီး ပေးတယ်လို့ပဲ သဘောပေါက်ပါတယ်။ နောက်တခုကတော့ ဒီမှာ ပြီးခဲ့တဲ့နှစ်က ဂျာမန်လူရွှင်တော်နဲ့ အင်္ဂလိပ် ဒါရိုက်တာတယောက် ရိုက်တဲ့ ရုပ်ရှင်ဇာတ်ကားကလည်း အခုလိုမျိုး ဆုရွေးချယ်ရေး အဖွဲ့က နေပြီးတော့ ကိုဇာဂနာကို ရွေးချယ်စေဖို့အတွက် ပိုပြီးတော့ မျက်စိကျစေတဲ့ အကြောင်းတကြောင်း ဖြစ်ပါလိမ့်မယ်။

“အဲဒါအပြင် လောလောဆယ် အခြေအနေမှာလည်း လူထုခေါင်းဆောင် ဒေါ်အောင်ဆန်းစုကြည် ကိုယ်တိုင် နေအိမ်အကျယ်ချုပ်က ပြန်လွတ်လာပြီး နောက်ပိုင်း လူငယ်တွေနဲ့ရော၊ နိုင်ငံတကာနဲ့ရော တွဲဖက်ပြီးတော့ မြန်မာ့နိုင်ငံရေးမှာ ဦးဆောင်မှု နေရာတခု ၀င်ပြီးတော့ ထိပ်တန်းက ပေးနေတာပေါ့။ အဲဒီအတွက်လည်း ဒီနိုင်ငံသူ နိုင်ငံသားတွေမှာ ပိုပြီးတော့ မြန်မာနိုင်ငံကို အာရုံစိုက်စရာ ဖြစ်လာတယ်။ အဲဒါကြောင့် နိုင်ငံကျော် လူရွှင်တော် ကိုဇာဂနာကို ရွေးတယ်လို့ပဲ ကျနော် သဘောပေါက်ပါတယ်။”

ကိုဇာဂနာအကြောင်း မှတ်တမ်းတင် ရုပ်ရှင်ကား ရိုက်ကူး ပြသခဲ့သူ ၂ ယောက်ကတော့ ဂျာမနီနိုင်ငံက နာမည်ကြီး ဟာသအနုပညာရှင် Michael Mittenmeier နဲ့ Rex Bloomstein တို့ ဖြစ်ပါတယ်။ မနှစ်က အဲဒီ ကိုဇာဂနာအကြောင်း ရိုက်ထားတဲ့ မှတ်တမ်းတင် ရုပ်ရှင်ကားကို ပြသပြီးနောက်မှာ ဘရီမန်မြို့ ဆီးနိတ်လွှတ်တော်ရဲ့ ဆုရွေးချယ်ရေး အဖွဲ့က ကိုဇာဂနာနဲ့ မြန်မာပြည်သူ ပြည်သားတွေ ခံစားနေရတာတွေကို ပိုသိလာခဲ့တယ်လို့ ဆိုပါတယ်။

ဒီကနေ့ ကျင်းပမယ့် ဆုချီးမြှင့်ပွဲကို ကိုယ်တိုင်တက်ဖို့ ဘရီမန်မြို့ကို ရောက်နေတဲ့ ကိုထိန်လင်းဟာ ဆုပေးပွဲ အခမ်းအနားမှာ ကိုဇာဂနာ ရေးသားခဲ့တဲ့ ကဗျာတချို့ကို ဖတ်ပြမှာ ဖြစ်ပါတယ်။

“ကိုဇာဂနာအကြောင်း ကျနော် နည်းနည်း ပြောမယ်ပေါ့ဗျာ။ နောက်ပြီးတော့ သူ အကျဉ်းထောင်ထဲမှာ ရေးလိုက်တဲ့ ကဗျာ ၂ ပုဒ်ရှိတယ်။ အတိုလေးပေါ့။ တပုဒ်ကတော့ မြစ်ကြီးနားဆိုတဲ့ ကဗျာ၊ တပုဒ်ကတော့ သူ အင်္ဂလိပ်လို ရေးထားတယ်။ အဲဒီဟာ ၂ ခု။ အဲဒါ ကျနော် ရွတ်ပြမယ်၊ ဗမာလိုရော၊ အင်္ဂလိပ် ဘာသာပြန်ရော။”

ပန်းချီ ထိန်လင်း ပြောပြခဲ့တာ ဖြစ်ပါတယ်။

ဒီဆုကို ကိုဇာဂနာ ကိုယ်စား သားဖြစ်သူ ကိုမြတ်ကောင်းက လက်ခံရယူမယ်လို့ ဆိုပါတယ်။

ကိုဇာဂနာကို ပြီးခဲ့တဲ့ ၂၀၀၈ ခုနှစ် အစောပိုင်းက မြစ်ဝကျွန်းပေါ်ဒေသမှာ တိုက်ခတ်ခဲ့တဲ့ နာဂစ်မုန်တိုင်း ဒုက္ခသည်တွေအတွက် ကယ်ဆယ်ရေး လုပ်ငန်းတွေ လုပ်နေစဉ် ၂၀၀၈ ခုနှစ် ဇွန်လဆန်းပိုင်းက သူ့နေအိမ်မှာ လာပြီး အာဏာပိုင်တွေက ဖမ်းသွားခဲ့တာ ဖြစ်ပါတယ်။ VOAသတင်းမှ ကူးယူဖေါ်ပြပါသည်။

စစ်အစိုးရ နည်းဟောင်းသုံးဆဲဟု အမေရိကန် ဝေဖန်

မြန်မာ စစ်အစိုးရသည် ပြုပြင်ပြောင်းလဲမှုများ မလုပ်ဘဲ နည်းလမ်းဟောင်းအတိုင်း ဒီမိုကရေစီ အင်အားစုများကို နှိပ်ကွပ်ရန် ကြိုးစား နေဆဲဖြစ်ကြောင်း အမေရိကန်အစိုးရက ယနေ့ ပြောဆိုလိုက်သည်။

“မြန်မာအစိုးရဟာ ခေတ်သစ်ကို ရောက်ပြီလို့ ကြွေးကြော်နေပေမယ့် နည်းလမ်းဟောင်းတွေအတိုင်း ဒေါ်အောင်ဆန်းစုကြည်ကို ခြိမ်းခြောက်နေဆဲပဲ”ဟု အမေရိကန်အစိုးရ ပြောခွင့်ရ ပီဂျေ ခရော်လီက ၎င်း၏ Tweeter အကောင့်တွင် ရေးသားထားသည်။

အမျိုးသား ဒီမိုကရေစီ အဖွဲ့ချုပ်(NLD) က အနောက်နိုင်ငံများ၏ စီးပွားရေးပိတ်ဆို့မှုအပေါ် သဘောထား ကြေညာချက်ထုတ်ပြန် ခဲ့ အပြီး နအဖ စစ်အစိုးရ သတင်းစာက ဒေါ်အောင်ဆန်းစုကြည်နှင့် NLD ပါတီသည်“သမိုင်း ၏ ဂိတ်ဆုံးသို့ ဦးတည်သွားဖွယ်သာ ရှိကြောင်း”ဟု ရေးသားလာသည့် အပေါ် ပီဂျေ ခရော်လီက မှတ်ချက်ပြုရေးသားခဲ့ခြင်းဖြစ်သည်။

ပြီးခဲ့သည့် ဖေဖော်ဝါရီ ၈ ရက်နေ့ က NLD သည် အနောက်နိုင်ငံအစိုးရများအနေဖြင့် မြန်မာစစ်အစိုးရ၏ ပြုပြောင်းလဲမှုများကို စောင့်ကြည့်ပြီးမှသာ စီးပွားရေးပိတ်ဆို့မှုများကို ရုပ်သိမ်းသင့်ကြောင်း ကြေညာချက်ထုတ်ပြန်ခဲ့သည်။

ထိုကြေညာချက်ထွက်ပေါ်အပြီးတွင် အမေရိကန်နှင့်ကနေဒါတို့က စီးပွားရေးပိတ်ဆို့မှုများကို ဆက်လက်ထားရှိရန် ဆုံးဖြတ်ခဲ့ကြ သည်။

လွန်ခဲ့သည့် တပတ်အတွင်းကလည်း အရှေ့အာရှနှင့် ပစိဖိတ်ရေးရာ အမေရိကန် လက်ထောက် နိုင်ငံခြားရေး ၀န်ကြီး မစ္စတာ ကာ့တ် ကမ်းဘဲလ် က“မြန်မာအစိုးရသစ်ရဲ့မူဝါဒတွေဟာ ပြုပြင်ပြောင်းလဲလာမှုရှိမရှိ စောင့်ကြည့်ပြီး စီးပွားရေးပိတ်ဆို့မှုတွေ ရုပ်သိမ်းဖို့ သင့် မသင့် ကျနော်တို့ စဉ်းစားသွားမှာပါ”ဟု ပြောသည်။

အမေရိကန် အစိုးရသည် ဒေါ်အောင်ဆန်းစုကြည်နှင့် အနီးကပ် ဆက်ဆံရေးရှိသည်။ ဒေါ်အောင်ဆန်းစုကြည် လွတ်မြောက်ပြီး မကြာမီမှာပင် အမေရိကန် နိုင်ငံခြားရေးဝန်ကြီး ဟီလာရီ ကလင်တန်က ဒေါ်အောင်ဆန်းစုကြည်ထံ စာရေးသားပေးပို့ခဲ့သည်။

အမေရိကန်နိုင်ငံ အရှေ့အာရှနှင့် ပစိဖိတ်ရေးရာ လက်ထောက် နိုင်ငံခြားရေးဝန်ကြီး တဦးဖြစ်သူ မစ္စတာ ဂျိုးဇက် ဝိုင်ယွန်း၂၀၁၀ ဒီဇင်ဘာလ အတွင်းက မြန်မာနိုင်ငံသို့ ၄ ရက်ကြာ ရောက်ရှိခဲ့စဉ်ကလည်း NLD ခေါင်းဆောင်များနှင့်တွေ့ဆုံခဲ့သည်။ IRRAWADDYသတင်းမှကူးယူဖေါ်ပြပါသည်။

ချက်နိုင်ငံ မြန်မာ့အရေး ဆွေးနွေးပွဲ

မြန်မာ့အရေး ဆွေးနွေးပွဲတရပ်ကို ချက်သမ္မတနိုင်ငံ၊ ပရာ့ဂ် (Prague) မြို့မှာ ဒီကနေ့ ကျင်းပနေပြီး ချက်သမ္မတဟောင်း ဗားဆလပ်ဗ် ဟာဗဲလ် (Vaclav Havel) နဲ့ လက်ရှိ ချက်နိုင်ငံခြားရေး ၀န်ကြီးတို့က အဖွင့်အမှာစကားတွေ ပြောခဲ့ကြပါတယ်။ ဥရောပသမဂ္ဂရဲ့ မြန်မာနိုင်ငံဆိုင်ရာ ဘုံတူညီတဲ့ မူဝါဒကို ပြန်လည်သုံးသပ် ဆွေးနွေးကြတဲ့အခါ ဒီဆွေးနွေးပွဲက ထွက်လာတဲ့ ရလဒ်တွေက မူဝါဒကို ပုံဖော်နိုင်လိမ့်မယ်လို့ မျှော်လင့်ထားကြောင်း ဆွေးနွေးပွဲကို အဓိကစီစဉ်တဲ့ အဖွဲ့တခုရဲ့ တာဝန်ရှိသူတဦးက ဗွီအိုအေကို ပြောပါတယ်။ အပြည့်အစုံကို ဘန်ကောက်ကနေ ကိုကျော်ကျော်သိန်းက သတင်းပို့ထားပါတယ်။

ပရာ့ဂ်မြို့မှာ ကျင်းပနေတဲ့ ဆွေးနွေးပွဲကို “မြန်မာနိုင်ငံ ရွေးကောက်ပွဲများနှင့် ဥရောပ မူဝါဒ” လို့ ခေါင်းစဉ်တပ်ထားပြီး ရွေးကောက်ပွဲပြီး နောက်ပိုင်း မြန်မာနိုင်ငံ အခြေအနေတွေ၊ အဲဒီအခြေအနေတွေဟာ ဥရောပရဲ့ မြန်မာနိုင်ငံဆိုင်ရာ မူဝါဒကို ပြောင်းလဲစေတဲ့အထိ ဦးတည်သွားဖို့ သင့်၊ မသင့် ဆိုတာတွေကို ဆွေးနွေးကြမှာ ဖြစ်တယ်လို့ ဗွီအိုအေကို ရှင်းပြခဲ့သူကတော့ ချက်သမ္မတနိုင်ငံ အခြေစိုက် People in Need Foundation က မြန်မာ့အရေး စီမံကိန်း လုပ်ငန်းညှိနှိုင်းရေးမှူး မစ်စ် ခရစ္စတီးနား ပရူနယ်ရိုဗာ (Kristina Prunerova) ဖြစ်ပါတယ်။

ဒီဆွေးနွေးပွဲကို ချက်သမ္မတနိုင်ငံ နိုင်ငံခြားရေးဌာနနဲ့ People in Need အဖွဲ့တို့က ပူးတွဲ ကမကထပြု ကျင်းပတာ ဖြစ်တယ်လို့ မစ်စ် ခရစ္စတီးနားက ပြောပါတယ်။

မြန်မာ့ဒီမိုကရေစီရေး လှုပ်ရှားမှုကို ကာလရှည်ကြာ ထောက်ခံအားပေးလာခဲ့တဲ့ ချက်သမ္မတဟောင်း ဗားဆလပ်ဗ် ဟာဗဲလ် ကိုယ်တိုင် ဒီဆွေးနွေးပွဲမှာ အဖွင့်အမှာစကား ပြောကြားပေးမှာ ဖြစ်တဲ့အတွက် မိမိတို့ အင်မတန် ၀မ်းမြောက်တဲ့အကြောင်း၊ ဒါ့အပြင် လူ့အခွင့်အရေးကို လုပ်ငန်းအစီအစဉ်ထဲ အမြင့်ဆုံးနေရာမှာ ထည့်သွင်းထားသူအဖြစ် ထင်ရှားတဲ့ ချက်သမ္မတနိုင်ငံ၊ နိုင်ငံခြားရေးဝန်ကြီး ကာရဲလ် ရှဝါဇန်ဘာ့ဂ် (Karel Schwarzenberg) လည်း အဖွင့်အမှာစကား ပြောကြားပြီး ဖွင့်လှစ်ပေးမှာ ဖြစ်ပါတယ်လို့ မစ်စ် ခရစ္စတီးနားက ပြောပါတယ်။

ဥရောပသမဂ္ဂရဲ့ မြန်မာနိုင်ငံဆိုင်ရာ ဘုံတူညီတဲ့ မူဝါဒကို လာမယ့် ဧပြီလမှာ ဥရောပသမဂ္ဂ အဖွဲ့ဝင် နိုင်ငံတွေ သုံးသပ်ဖို့ ရှိနေချိန်မှာပဲ ဒီဆွေးနွေးပွဲကို ကျင်းပတာမို့ အချိန်အခါအရ အင်မတန် ကိုက်ညီပြီး ထူးခြားပါတယ်လို့ သူက ဆိုပါတယ်။ အခုလက်ရှိမှာကိုပဲ ဥရောပနိုင်ငံ အသီးသီးမှာ မြန်မာနိုင်ငံက အခြေအနေပေါ် ပြန်လည်သုံးသပ်တာတွေ လုပ်နေကြပြီ ဖြစ်ပါတယ်။ ဒါ့အပြင် အခု ဆွေးနွေးပွဲကို ဥရောပသမဂ္ဂ အဖွဲ့ဝင် ၂၇ နိုင်ငံ ရှိတဲ့အထဲမှာ နိုင်ငံ ၁၇ နိုင်ငံက ကိုယ်စားလှယ်တွေ စေလွှတ်ထားတာကြောင့် စိတ်ဝင်စားမှု မြင့်မားတယ်ဆိုတာ ထင်ရှားပြီး ဘုံတူညီတဲ့ ဥရောပမူဝါဒ ချမှတ်ရာမှာ ထောက်ကူနိုင်မယ်လို့ မစ်စ် ခရစ္စတီးနားက ယုံကြည် မျှော်လင့်နေပါတယ်။

ဒီမှာရလာတဲ့ အကြံဉာဏ်တွေကို တင်ပြနိုင်မယ်လို့ မိမိယုံကြည်ပြီး ဥရောပရဲ့ မူဝါဒကို ပုံဖော်ရာမှာ အထောက်အကူ ဖြစ်လိမ့်မယ်လို့ မျှော်လင့်တဲ့အကြောင်း မစ်စ် ခရစ္စတီးနားက ပြောသွားပါတယ်။

မြန်မာ့အရေး လှုပ်ရှားဆောင်ရွက်နေတဲ့ မြန်မာအဖွဲ့အစည်းတွေ၊ ဥရောပအခြေစိုက် မြန်မာ့အရေး အဖွဲ့အစည်းတွေ စသည်အားဖြင့် ဒီဆွေးနွေးပွဲကို တက်ရောက်ကြမှာ ဖြစ်ပါတယ်။ ဆွေးနွေးပွဲအတွင်း ကဏ္ဍသုံးခုကို ခေါင်းစဉ်ခွဲ ဆွေးနွေးကြဖို့ စီစဉ်ထားပြီး အဲဒါတွေကတော့ အရပ်ဘက် လူမှုအဖွဲ့အစည်းနှင့် မြန်မာနိုင်ငံတွင် နိုင်ငံရေး လုပ်ဆောင်ခွင့် နေရာ၊ မြန်မာ့နယ်စပ်ဒေသများ၊ တိုက်ပွဲများ၊ ဒုက္ခသည်များနှင့် နယ်စပ်ဖြတ်ကျော် အကူအညီများ၊ မြန်မာနိုင်ငံနှင့် နိုင်ငံတကာ အသိုက်အ၀န်း၏ ချဉ်းကပ်မှုဆိုတဲ့ ကဏ္ဍတွေ ဖြစ်ပါတယ်။

ဒေါ်အောင်ဆန်းစုကြည် ဦးဆောင်တဲ့ မြန်မာ့ဒီမိုကရေစီရေး လှုပ်ရှားမှု၊ အမျိုးသား ပြန်လည်သင့်မြတ်ရေး လှုပ်ရှားမှုတွေကို ဥရောပဘက်ကနေ ဘယ်လို ပူးပေါင်းပါဝင်ပြီး ထောက်ခံ ၀န်းရံပေးသွားဖို့ လိုမယ်ဆိုတာကို နိုင်ငံတကာ အသိုက်အ၀န်း၏ ချဉ်းကပ်မှုဆိုတဲ့ ကဏ္ဍမှာ ဆွေးနွေးတင်ပြမယ့် သူတွေထဲ တဦးကတော့ ထိုင်းနိုင်ငံ အခြေစိုက်၊ မြန်မာ့အရေး ပူးပေါင်းဆောင်ရွက်သူများ အဖွဲ့က မခင်ဥမ္မာ ဖြစ်ပါတယ်။ ဥရောပသမဂ္ဂရဲ့ မြန်မာနိုင်ငံဆိုင်ရာ ဘုံတူညီတဲ့ မူဝါဒကို ဧပြီလမှာ ပြန်လည်သုံးသပ်တဲ့အခါ အထောက်အကူ ဖြစ်နိုင်အောင် ဆွေးနွေးသွားမယ်လို့ မခင်ဥမ္မာက ပြောပါတယ်။

“အခုလောလောဆယ် ဥရောပသမဂ္ဂရဲ့ ဘုံသဘောထားမှာဆိုရင် Sanction စီးပွားရေး ပိတ်ဆို့မှုနဲ့ ပတ်သက်တဲ့ ကိစ္စတွေ၊ ပြီးတော့ နအဖ အရာရှိတွေနဲ့ သူတို့ရဲ့ အသိုင်းအ၀ိုင်းတွေကို ဥရောပသမဂ္ဂကို ဗီဇာဝင်ခွင့် ပိတ်ထားတဲ့ ကိစ္စတွေ၊ ဒါတွေကို ဆက်ပြီးတော့ သူတို့အနေနဲ့ တားဆီးထားဖို့။ မြန်မာနိုင်ငံ အပြောင်းအလဲဖြစ်ဖို့ အတွက်ဆို ဒါတွေက အဓိက နအဖအပေါ်မှာ ဆက်လက် ဖိအားပေးမှုတွေ ဒီအချိန်မှာ ပိုတောင်မှ လိုအပ်နေတယ် ဆိုတဲ့ဟာ၊ အထူးသဖြင့်တော့ အတုအယောင် ရွေးကောက်ပွဲက ပေါ်လာတဲ့ အခုအစိုးရဟာ ပြည်သူရွေးချယ်ထားတဲ့ အစိုးရ မဟုတ်ဘူး။ သူတို့ အသိအမှတ် မပြုဖို့ လိုတယ်။ ကျမတို့ ဒါတွေကို ဥရောပသမဂ္ဂရဲ့ ဘုံသဘောထားထဲမှာ ဒါတွေပါလာအောင် အဓိကပဲ ကျမတို့ ဒီနေရာမှာ သူတို့ကို တင်ပြပြီး သူတို့အနေနဲ့ ဆုံးဖြတ်ချက် ချနိုင်အောင် ဆွေးနွေးတင်ပြဖို့ ဖြစ်ပါတယ်။”

ဥရောပသမဂ္ဂ အဖွဲ့ဝင် နိုင်ငံတွေဟာ မြန်မာ့ဒီမိုကရေစီရေးကို အစဉ်တစိုက် ထောက်ခံအားပေးခဲ့ကြတယ် ဆိုပေမဲ့လည်း ဘုံတူညီတဲ့ မူဝါဒဟာ အားပျော့လွန်းတယ်၊ အကောင်အထည်ဖော်တဲ့ နေရာမှာလည်း ထိရောက်မှု မရှိဘူးဆိုပြီး ဝေဖန်ခံနေရပါတယ်။ ဒါ့အပြင် ရှေ့ဆက် ဘယ်လိုသွားကြမယ် ဆိုတာအပေါ် နိုင်ငံတခုချင်းစီမှာ ကွဲပြားတဲ့ သဘောထားတွေ ရှိနေကြတာကြောင့်လည်း ခိုင်မာတဲ့ မူဝါဒတရပ် ထွက်လာအောင် မြန်မာ့အရေး လှုပ်ရှားသူတွေက ၀ိုင်းပြီး ဖိအားပေးနေကြပုံ ရပါတယ်။ VOAသတင်းမှကူးယူဖေါ်ပြပါသည်။

မြန်မာအစိုးရကို ဖိအားတိုးပေးဖို့ ချက်သမတဟောင်းတိုက်တွန်း

မြန်မာနိုင်ငံမှာ လူ့အခွင့်အရေး လေးစား လိုက်နာလာဖို့ မြန်မာအစိုးရအပေါ် ဖိအားပေးမှု ပိုတိုးလုပ်ဆောင်ဖို့ ချက်သမတဟောင်း ဗားဆလပ် ဟာဗဲက ဖေဖော်ဝါရီ ၁၅ ရက် ဒီကနေ့ တိုက်တွန်းလိုက်ပါတယ်။
မြန်မာနိုင်ငံအပေါ် ထားရှိတဲ့ ဥရောပနိုင်ငံတွေရဲ့ ဘုံမူဝါဒ သဘောထား ပေါ်လစီ ပြောင်းလဲသင့် မသင့် သုံးသပ်တဲ့ ဆွေးနွေးပွဲတခု ချက်သမတ နိုင်ငံမြို့တော် Prague မှာ ဒီကနေ့ ကျင်းပရာမှာ ချက်သမတဟောင်း မစ္စတာဟာဗဲက အခုလို တိုက်တွန်းလိုက်တာ ဖြစ်ပါတယ်။

လူ့အခွင့်အရေး သတ်မှတ်ချက်တွေဟာ လူသားအားလုံးနဲ့ ဆိုင်တဲ့ စံတန်ဖိုးတွေ ဖြစ်ပြီး အခုလို ခေတ်ကာလ အခြေအနေမျိုးမှာ ပိုပြီး လေးစားလိုက်နာလာဖို့ တောင်းဆိုရမှာ ဖြစ်ကြောင်း၊ အခု အရှေ့အလယ်ပိုင်းဒေသမှာ လွတ်လပ်ခွင့်ရဖို့ တောင်းဆိုနေမှုတွေကို ကြည့်ရင် ဒီမိုကရေစီစံတွေဟာ လူသားအားလုံးနဲ့ သက်ဆိုင်နေတယ်ဆိုတာ ပြသလိုက်တာ ဖြစ်ကြောင်း ချက်သမတဟောင်းက ပြောပါတယ်။

ဆွေးနွေးပွဲကို ချက်ရီပတ်ဘလစ်နိုင်ငံ နိုင်ငံခြားရေးဝန်ကြီး Karel Schwarzenberg လည်း တက်ရောက်ခဲ့ပြီး ချက်သမတဟောင်း ဗားဆလပ် ဟာဗဲနဲ့ အတူ ဆွေးနွေးပွဲကို ဒီကနေ့ မနက်ပိုင်းက ဖွင့်လှစ်ပေးခဲ့တာပါ။ ဆွေးနွေးပွဲကို မြန်မာပြည် ရွေးကောက်ပွဲလွန် ဥရောပနိုင်ငံတွေရဲ့ သဘောထားပေါ်လစီလို့ အမည်ပေးထားပါတယ်။ ဒီဆွေးနွေးပွဲမှာ ဥရောပနိုင်ငံ နိုင်ငံခြားရေးဝန်ကြီးနဲ့အတူ ဌာနက တာဝန်ရှိသူတွေ တက်ရောက်တယ်လို့ Burma Project တာဝန်ခံ Ms Kristina Prunerova က ပြောပါတယ်။

ဥရောပ ၁၇ နိုင်ငံက အစည်းအဝေး တက်ရောက် နားထောင်ကြသလို တချို့ဟာလည်း ပါဝင်ဆွေးနွေးမှာ ဖြစ်တယ်လို့ ပြောပါတယ်။ ဒါ့အပြင် ဥရောပမှာ ရှိတဲ့ အစိုးရမဟုတ်တဲ့ အဖွဲ့အစည်းတွေ၊ မြန်မာ့အရေး ဆောင်ရွက်နေတဲ့ အဖွဲ့အစည်းတွေလည်း တက်ရောက် ဆွေးနွေးနေတယ်လို့ ပြောပါတယ်။

ဒီအစည်းအဝေးကနေ ရွေးကောက်ပွဲ ပြီးသွားချိန် မြန်မာနိုင်ငံတွင်းက တိုးတက်ပြောင်းလဲမှုတွေကို လေ့လာမှာပါ။ ဒီဆွေးနွေးပွဲဟာ လာမဲ့ ဧပြီလမှာ ကျင်းပမဲ့ ဥရောပသမဂ္ဂ နိုင်ငံတွေရဲ့ မြန်မာနိုင်ငံအပေါ် ထားရှိတဲ့ ဘုံသဘောထားကို ပြန်လည်သုံးသပ်ရာမှာ အထောက်အကူပေး မှာ ဖြစ်တယ်လို့ အစည်းအဝေး ကျင်းပသူတွေက ပြောဆိုပါတယ်။

အစည်းအဝေးနဲ့ ကျင်းပပုံနဲ့ ပတ်သက်ပြီး RFA မှ ဦးတင်အောင်ခိုင်က Prague မြို့က မြန်မာ့အရေး ဆောင်ရွက်နေသူတွေကို မေးမြန်းပြီး စုစည်း တင်ပြထားပါတယ်။ RFAသတင်းမှကူးယူဖေါ်ပြပါသည်။

ဒေါ်စု လုံခြုံရေးနဲ့ မြန်မာပြည် အခြေအနေ အမေရိကန် အနီးကပ် စောင့်ကြည့်

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ အမေရိကန် ပြည်ထောင်စု ကင်တာကီပြည်နယ်က ၀ါရင့် ရီပတ်ဘလစ်ကန် အထက်လွှတ်တော်အမတ် ခေါင်းဆောင် မစ်ခ်ျ မက်ကောနဲလ် (Mitch McConnell) တို့ မနေ့ မနက်ပိုင်းမှာ တယ်လီဖုန်း ပြောဆိုခဲ့ကြပါတယ်။

ဒေါ်အောင်ဆန်းစုကြည်ဟာ စိတ်ဓာတ်တက်ကြွမှုနဲ့ စိတ်အားထက်သန်မှုတွေ အပြည့်ရှိနေပြီး မြန်မာပြည်သူတွေအတွက် အစွမ်းကုန် ဆောင်ရွက်ပေးမယ့် ခေါင်းဆောင်ကောင်း တဦးပါလို့ အထက်လွှတ်တော်အမတ် မစ်ခ်ျ မက်ကောနဲလ်က ထုတ်ပြန်တဲ့ ကြေညာချက်ထဲမှာ ဖော်ပြထားပါတယ်။

တယ်လီဖုန်း ပြောဆိုမှုထဲမှာ ဒေါ်အောင်ဆန်းစုကြည်ရဲ့ လုံခြုံရေးနဲ့ ပတ်သက်ပြီး ဆွေးနွေးခဲ့ကြပါတယ်။

အခုရက်ပိုင်းတွေအတွင်း အစိုးရပိုင် သတင်းစာတွေကနေ ဒေါ်အောင်ဆန်းစုကြည်နဲ့ NLD ပါတီကို ခြိမ်းခြောက်မှုတွေ လုပ်နေတဲ့အပေါ် သူ့အနေနဲ့ အထူးပဲ စိုးရိမ်နေတဲ့အကြောင်း၊ ဒီလို လုပ်ရပ်တွေကို ကမ္ဘာက ၀ိုင်းပြီး ရှုတ်ချသင့်တယ်လို့လည်း ဆိုပါတယ်။

ဒေါ်အောင်ဆန်းစုကြည်ရဲ့ လုံခြုံရေးနဲ့ မြန်မာပြည် အခြေအနေတွေကို သူဆက်ပြီး အနီးကပ် စောင့်ကြည့်သွားမယ်လို့လည်း ကြေညာချက်မှာ ဖော်ပြထားပါတယ်။

ပြီးခဲ့တဲ့ ဇန်န၀ါရီလ ၁၉ ရက်နေ့တုန်းကလည်း အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) နဲ့ ဒေါ်အောင်ဆန်းစုကြည်တို့ တယ်လီဖုန်း ပြောဆိုခဲ့ကြပါသေးတယ်။ လူထုအခြေပြု အဖွဲ့အစည်းတွေနဲ့ မြန်မာပြည် ဒီမိုကရေစီ ရရှိရေးအတွက် ဒေါ်အောင်ဆန်းစုကြည်ရဲ့ ကြိုးပမ်းမှုတွေကို အမေရိကန် ပြည်ထောင်စုက ထောက်ခံ အားပေးသွားမယ့်အကြောင်း ၀န်ကြီး ကလင်တန်က ကတိပေး ပြောဆိုခဲ့ပါတယ်။ VOAသတင်းမှ ကူးယူဖေါ်ပြပါသည်။

စီးပွားရေး ပိတ်ဆို့ဒဏ်ခတ်မှုအပေါ် အန်အဲလ်ဒီ သုံးသပ်ချက်

မြန်မာစစ်အစိုးရအပေါ် အနောက်နိုင်ငံတွေက ပိတ်ဆို့ဒဏ်ခတ်မှုတွေ ချမှတ်ထားတာတွေကို လျှော့ပေါ့ဖို့ တိုက်တွန်းသံတွေ မကြာသေးခင်တုန်းကပဲ ထွက်ပေါ်လာပြီးတဲ့နောက် အဓိကနိုင်ငံရေးပါတီကြီးတခုဖြစ်တဲ့ အမျိုးသား ဒီမိုကရေစီ အဖွဲ့ချုပ် (NLD) ပါတီကတော့ အရေးယူမှုတွေကို ထောက်ခံအားပေးကြောင်း ပြောဆိုလိုက်ပါတယ်။ နိုင်ငံရေး၊ လူ့အခွင့်အရေး အခြေအနေတွေ တိုးတက်ဖို့ ရည်ရွယ်ချမှတ်ထားတာ ဖြစ်ပေမဲ့ အချေအတင် ပြောစရာဖြစ်လာနေတဲ့ ဒဏ်ခတ်မှုတွေနဲ့ ပတ်သက်လို့ NLD ပါတီနဲ့ စီးပွားရေး ကျွမ်းကျင်သူတွေက ဘယ်လို သဘောထား အမြင်တွေ ရှိကြသလဲ ဆိုတာကိုတော့ ဒီတပတ်ရဲ့ စီးပွားရေး ကဏ္ဍမှာ ကိုအောင်လွင်ဦး က စုစည်းတင်ပြပေးမှာ ဖြစ်ပါတယ်။

မြန်မာနိုင်ငံမှာ နိုင်ငံရေးနဲ့ လူ့အခွင့်အရေး အခြေအနေတွေ တိုးတက်မှုမရှိတဲ့အတွက် စစ်အစိုးရအပေါ် ဒဏ်ခတ်တဲ့ အနေနဲ့ စီးပွားရေးအရ ပိတ်ဆို့မှုတွေကို ၁၉၉၀ ပြည့်လွန်နှစ်တွေကစလို့ အနောက်နိုင်ငံတွေက စတင်ကျင့်သုံးလာတာတွေဟာ ထိရောက်မှု မရှိဘူး၊ လူထုကိုသာ နစ်နာစေတယ်ဆိုပြီး ပြန်လည်ရုပ်သိမ်းဖို့ တိုက်တွန်းနေကြတာပါ။ ဒါပေမဲ့လည်း အမျိုးသားဒီမိုကရေစီအဖွဲ့ချုပ် (NLD) ပါတီကတော့ ဒီအကြောင်းပြချက်တွေဟာ ခိုင်လုံမှုမရှိဘူးဆိုပြီး ဖေဖော်ဝါရီလ ဒုတိယပတ်ထဲမှာပဲ ကြေညာချက်တစောင် ထုတ်ပြန်ပြီး တုံ့ပြန်လိုက်ပါတယ်။

မြန်မာနိုင်ငံမှာ အပြုသဘောဆောင်တဲ့ အပြောင်းအလဲတွေအတွက် ဆွေးနွေးမှုတွေ လုပ်ခဲ့ရာမှာ လက်ရှိ စီးပွားရေးပိတ်ဆို့ဒဏ်ခတ်မှု ကိစ္စတွေဟာလည်း ထပ်တလဲလဲ ပါဝင်နေတာမို့ ဒီအပေါ်မှာ NLD ရဲ့ ရပ်တည်ချက်နဲ့ သုံးသပ်ချက်ကို အခုနောက်ဆုံး ထုတ်ပြန်လိုက်တာလို့ ပါတီပြောခွင့်ရသူ တဦးဖြစ်တဲ့ ဦးအုန်းကြိုင် ကပြောပါတယ်။
“တကယ့်တကယ် စီးပွားရေး တိုးတက်မှု နှေးကွေးရခြင်း၊ စီးပွားရေး အကျပ်အတည်းတွေ ကြုံတွေ့ရခြင်းရဲ့ အဓိက အကြောင်းရင်းကတော့ အစိုးရရဲ့ စီးပွားရေး စီမံခန့်ခွဲမှု ညံ့ဖျင်းခြင်းနဲ့ စီးပွားရေးမှာ လွတ်လပ်ခွင့်၊ တရားမျှတခွင့်၊ တရားဥပဒေ စိုးမိုးမှုတွေ ဒီနယ်ပယ်မှာလည်း မရှိတာကြောင့် ဖြစ်တယ်။ Good Governance မဟုတ်တာကြောင့် ဖြစ်တယ်လို့ ကျနော်တို့ သုံးသပ်ပါတယ်။”

စီးပွားရေးဖွံ့ဖြိုးမှုနိမ့်ကျနေတဲ့ မြန်မာနိုင်ငံက အခြေအနေတွေဟာ အဓိကအားဖြင့် မူဝါဒနဲ့ စွမ်းဆောင်မှုတွေ၊ စီမံခန့်ခွဲမှုတွေမှာ အားနည်းချက်တွေ ရှိနေတာ၊ ပြည်ပရင်းနှီးမြုပ်နှံမှုတွေကို ဆွဲဆောင်နိုင်တဲ့ ပတ်ဝန်းကျင်မျိုး မရှိတာတွေကြောင့် ဖြစ်တယ်လို့ အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF) ရဲ့ အစီရင်ခံစာကိုလည်း NLD က ကိုးကားဖော်ပြခဲ့တာပါ။ စီးပွားရေး ပိတ်ဆို့မှုတွေကြောင့် ဖွံ့ဖြိုးရေးအတွက် အကူအညီတွေလည်း အရနည်းသွားတယ်လို့ ဝေဖန်သူတွေရဲ့ ပြောဆိုချက်ကိုလည်း ၁၉၇၈ ခုနှစ်ကနေ ၁၉၈၈ ခုနှစ်ကြား အမေရိကန် ဒေါ်လာသန်းပေါင်း ၃,၇၁၂ သန်းရခဲ့တဲ့ မြန်မာနိုင်ငံဟာ ၁၉၈၇ ခုနှစ်ကုန်ပိုင်းမှာ ဖွံ့ဖြိုးမှု အနည်းဆုံးတိုင်းပြည်အဖြစ် ရောက်ခဲ့ရတယ်လို့ ပြန်လည်ထောက်ပြထားတာ ဖြစ်ပါတယ်။

မြန်မာ့စီးပွားရေး အခြေအနေတွေကို စောင့်ကြည့်လေ့လာ အစီရင်ခံနေတဲ့ သြစတြေးလျနိုင်ငံ McQuarie တက္ကသိုလ်က ပါမောက္ခ ရှောင် တာနဲလ် (Sean Turnell) ကလည်း စီးပွားရေး ပိတ်ဆို့မှုတွေဟာ စစ်အစိုးရထက် တိုင်းပြည်ဖွံ့ဖြိုးရေးနဲ့ လူထုကို ထိခိုက်နစ်နာစရာတွေ ဖြစ်ရတယ်လို့ ပြောနေတာတွေဟာ အပြည့်အ၀ မမှန်ဘူးလို့ သူ့အမြင်ကို ပြောပါတယ်။
“ကျနော့်ရဲ့ ကိုယ်ပိုင်အမြင်ကတော့ မြန်မာနိုင်ငံမှာ ဖွံ့ဖြိုးတိုးတက်မှု အားနည်းနေရတာဟာ ပိတ်ဆို့ဒဏ်ခတ်မှုတွေကြောင့် ဆိုတာထက် စစ်အစိုးရရဲ့ မူဝါဒတွေကြောင့်သာ အများကြီး ဖြစ်ပါလိမ့်မယ်။ ဒါကို သက်သေထူရမယ်ဆိုရင်တော့ အရေးယူ ဒဏ်ခတ်မှုတွေ မတိုင်ခင် အခြေအနေတွေကို ကြည့်လို့ရပါတယ်။ တကယ်တော့ ပိတ်ဆို့ဒဏ်ခတ်မှုတွေ ဆိုတာက ၂၀၀၀ ပြည့်နှစ် တ၀ိုက်လောက်မှ ချမှတ်လာတာပါ။”

နိုင်ငံရေး၊ လူ့အခွင့်အရေး အခြေအနေတွေ တိုးတက်မှုမရှိတဲ့အတွက် ဒဏ်ခတ်မှုတွေ ချမှတ်ခံထားရတဲ့ စစ်အစိုးရက ပြီးခဲ့တဲ့နှစ် နိုဝင်ဘာလထဲမှာတုန်းကတော့ ရွေးကောက်ပွဲတွေ ကျင်းပပြီး နှစ်ပေါင်း ၂၀ ကျော်အတွင်း ဇန်န၀ါရီလကုန်မှာ ပထမဆုံးအကြိမ် လွှတ်တော် ခေါ်ယူပြီး အုပ်ချုပ်ရေး အပြောင်းအလဲတွေလုပ်ဖို့ ပြင်ဆင်မှုတွေ လုပ်လာခဲ့တာပါ။ ဒီလို အခြေအနေတွေကို ထောက်ပြပြီး မြန်မာနိုင်ငံလည်း အသင်းဝင်အဖြစ် ပါဝင်နေတဲ့ အရှေ့တောင်အာရှ နိုင်ငံများအသင်း (Asean) ကတော့ အနောက်နိုင်ငံတွေရဲ့ ဒဏ်ခတ်မှုတွေကို လျှော့ပေါ့ပေးဖို့ တိုက်တွန်းမှုတွေလည်း ထွက်ပေါ်လာပါတယ်။ ဒါပေမဲ့လည်း ပိတ်ဆို့ဒဏ်ခတ်မှုတွေ ချမှတ်ထားတဲ့ နိုင်ငံတွေကတော့ လတ်တလော မြန်မာနိုင်ငံက အခြေအနေတွေဟာ အရေးယူမှုတွေကို ရုပ်သိမ်းရလောက်တဲ့ ပြုပြင်ပြောင်းလဲမှုမျိုးအဖြစ် မမြင်ကြပါဘူး။ စစ်အစိုးရက ကမကထလုပ် စီစဉ်ခဲ့တဲ့ ရွေးကောက်ပွဲတွေဟာ ပွင့်လင်းလွတ်လပ်မှု မရှိသလို၊ လွှတ်တော် ကျင်းပနေတာတွေဟာလည်း နည်းမှန်လမ်းမှန် မဟုတ်ဘူးလို့ ဆိုနေကြတာပါ။ NLD ကတော့ တိုင်းပြည်မှာ အပြောင်းအလဲတွေဖြစ်ဖို့ ဒီမိုကရေစီ ပေါ်ထွန်းဖို့ ရည်ရွယ်ချမှတ်ထားတဲ့ ဒဏ်ခတ်မှုတွေ ရုပ်သိမ်းဖို့ အတွက်ကတော့ သိသာတဲ့ နိုင်ငံရေး ပြုပြင်ပြောင်းလဲမှုတွေ လိုလိမ့်မယ်လို့ ဆိုပါတယ်။
မြန်မာနိုင်ငံက ပြည်ပကုန်သွယ်မှုတွေမှာ ရေနံ သဘာဝဓာတ်ငွေ့က ရောင်းချတဲ့ ၀င်ငွေတွေ အမြောက်အများရနေပေမဲ့လည်း အရှေ့တောင်အာရှမှာတော့ လူသားအရင်းအမြစ် ဖွံ့ဖြိုးမှုမှာ အနိမ့်ကျဆုံး စာရင်းဝင် ဖြစ်လာခဲ့တာတွေကိုလည်း NLD က ထောက်ပြခဲ့ပြီး စီးပွားရေး ပိတ်ဆို့မှုကြောင့် ကုန်သွယ်မှုတွေအပေါ် ကန့်သတ်မှုတွေကတဆင့် မြန်မာလူထု ထိခိုက်ရတယ်ဆိုတာ ဖြစ်နိုင်မဖြစ်နိုင် မေးခွန်းထုတ်ခဲ့တာပါ။ စီးပွားရေး ပိတ်ဆို့မှုတွေ စတင်ကျင့်သုံးချိန်မှာ လူထုတွေနစ်နာရတယ်လို့ ပြောစရာဖြစ်ခဲ့ရတဲ့ အထည်ချုပ် လုပ်ငန်းမှာ ဆိုရင်လည်း ဆုံးရှုံးမှု ပမာဏ သန်း ၄၀၀ လောက်အနက်မှာ ၂.၅ ရာခိုင်နှုန်းလောက်ကသာ အလုပ်သမားတွေရဲ့ လုပ်ခလစာနဲ့ သက်ဆိုင်တယ်လို့ ကြေညာချက်မှာ ဖော်ပြပါတယ်။

တကယ်တော့ စစ်အစိုးရအပေါ် ပိတ်ဆို့ဒဏ်ခတ်မှုတွေမှာ ပစ်မှတ်ထား အရေးယူတာတွေဟာ ထိရောက်မှု ရှိနေတာမို့ ပိုပြီးတိုးမြှင့် ဆောင်ရွက်နိုင်တာတွေတောင် ရှိနေတယ်လို့ သြစတြေးလျနိုင်ငံ McQuarie တက္ကသိုလ်က စီးပွားရေးပညာရှင် ပါမောက္ခ တာနဲလ် ကတော့ မြင်ပါတယ်။
“နိုင်ငံတကာ ဘဏ္ဍာရေး လွှဲပြောင်းမှုတွေမှာ ပိတ်ဆို့ဒဏ်ခတ်ထားတာတွေက စစ်အစိုးရနဲ့ လက်ဝေခံ စီးပွားရေး သမားတွေအပေါ် တကယ့်ကို ပစ်မှတ်ထားရာ ရောက်ပါတယ်။ ဒါကြောင့်လည်း အမေရိကန် ပြည်ထောင်စုနဲ့ ဥရောပသမဂ္ဂ (EU) သြစတြေးလျ တို့လို နိုင်ငံတွေက ဘဏ္ဍာရေး လုပ်ငန်းတွေအပေါ် ပိတ်ဆို့အရေးယူထားတဲ့ ကိစ္စတွေ ချဲ့ထွင်လုပ်ကိုင်ဖို့ဟာ စဉ်းစားကြည့်သင့်တဲ့ အပိုင်းတွေ ဖြစ်မယ်လို့ ကျနော်ယူဆပါတယ်။”

ဆယ်စုနှစ် ၂ ခုလောက်ကြာလာတဲ့ အခုအချိန်မှာတော့ အရေးယူဒဏ်ခတ်မှုတွေနဲ့ ပတ်သက်လို့ အဆိုးအကောင်း၊ ဆက်လက် ကျင့်သုံးသင့်မသင့်၊ ပြုပြင်မှုတွေ လုပ်ဖို့လိုမလို စတာတွေကို သက်ဆိုင်ရာ တိုင်းပြည်တွေနဲ့ ဆွေးနွေးလိုတယ်လို့လည်း NLD က ကမ်းလှမ်းထားတာပါ။ လက်တလော ပြဋ္ဌာန်းထားတဲ့ ဒဏ်ခတ်မှုတွေမှာတော့ အမေရိကန် နိုင်ငံက မြန်မာနိုင်ငံမှာ ရင်းနှီးမြုပ်နှံမှု အသစ်လုပ်တာတွေကို တားမြစ်တာတွေ၊ စစ်အစိုးရနဲ့ ဆက်နွယ် ပတ်သက်သူတွေ၊ အစိုးရပိုင် လုပ်ငန်းတွေရဲ့ ဘဏ္ဍာငွေကြေးဆိုင်ရာ လုပ်ငန်းတွေကို အမေရိကန် ပြည်ထောင်စုမှာ လုပ်ဆောင်ခွင့် မပြုတာတွေ ပါဝင်ပါတယ်။ ဥရောပ သမဂ္ဂ (EU) ကလည်း အလားတူ ဒဏ်ခတ်မှုတွေနဲ့အတူ စစ်အစိုးရကို လက်နက်ရောင်းချတာတွေ မလုပ်ဖို့ တားမြစ်ထားတာ ဖြစ်ပါတယ်။ ဒီလိုပဲ မြန်မာစစ်အစိုးရ တာဝန်ရှိသူတွေကို ပစ်မှတ်ထားပြီး စီးပွားရေး၊ သံတမန်ရေး ဒဏ်ခတ် အရေးယူမှုတွေကို လုပ်ဆောင်လာကြတဲ့ အထဲမှာတော့ သြစတြေးလျ၊ ကနေဒါ၊ နယူးဇီလန် စတဲ့ နိုင်ငံတွေလည်း ပါဝင်လာခဲ့ကြတာပါ။

၂၀၀၇ ခုနှစ်က သံဃာတော်တွေရဲ့ ငြိမ်းချမ်းတဲ့ ဆန္ဒပြပွဲတွေကို သွေးထွက်သံယို နှိမ်နင်းမှုတွေအပါအ၀င် နောက်ပိုင်းနှစ်တွေမှာလည်း မြန်မာနိုင်ငံတွင်းမှာ ဖိနှိပ်မှုတွေ လူ့အခွင့်အရေး ချိုးဖောက်မှုတွေရှိခဲ့တဲ့အတွက် ဒဏ်ခတ်မှုတွေကို တိုးမြှင့်ကျင့်သုံး လာတာတွေကိုသာ တွေ့မြင်လာရတာ ဖြစ်တဲ့အကြောင်း တင်ပြရင်းနဲ့ပဲ ဒီသီတင်းပတ်ရဲ့ စီးပွားရေးကဏ္ဍကို ရပ်နားပါရစေ။ VOAသတင်းမှ ကူးယူဖေါ်ပြပါသည်။

ဒေါ်စုကို ခြိမ်းခြောက်မှု အမေရိကန် ဝေဖန်

ဒေါ်အောင်ဆန်းစုကြည်နဲ့ အမျိုးသား ဒီမိုကရေစီ အဖွဲ့ချုပ်ကို အစိုးရ သတင်းစာတွေကနေ ခြိမ်းခြောက် ရေးသားနေတာတွေကို ထောက်ရင် မြန်မာအာဏာပိုင်တွေဟာ ဘာမှ ပြောင်းလဲမှုမရှိဘဲ နည်းဟောင်း လမ်းဟောင်းအတိုင်း ဆက်သွားနေတာ တွေ့ရတယ်လို့ အမေရိကန် နိုင်ငံခြားရေးဌာနက တုံ့ပြန်လိုက်ပါတယ်။ အမေရိကန် နိုင်ငံခြားရေးဌာနရဲ့ ဒီတုံ့ပြန်ချက်ကို ကိုသားညွန့်ဦးက စုံစမ်းမေးမြန်းပြီး တင်ပြပေးထားပါတယ်။

မြန်မာအစိုးရပိုင် သတင်းစာတွေကနေ ဒေါ်အောင်ဆန်းစုကြည်ကို ဝေဖန်တိုက်ခိုက် ရေးသားလာတာကြောင့် ဒေါ်အောင်ဆန်းစုကြည်ရဲ့ လုံခြုံရေးအတွက် အင်မတန် စိုးရိမ်မိတယ်လို့ အမေရိကန် နိုင်ငံခြားရေးဌာနက တုံ့ပြန်လိုက်ပါတယ်။ မြန်မာနိုင်ငံမှာ ရွေးကောက်ပွဲလုပ်ပြီး အစိုးရသစ်တရပ် ပေါ်ထွက်လာတော့မယ့် အခင်းအကျင်းသစ် ပေါ်လာပြီ ဆိုကြပေမဲ့ တကယ်တော့ ဘာမှ ပြောင်းလဲတဲ့ လက္ခဏာ မတွေ့ရဘူးလို့လည်း အပြစ်တင်ပါတယ်။

ဒေါ်အောင်ဆန်းစုကြည် ပြန်လည် လွတ်မြောက်လာပြီး ကတည်းကဆိုရင် ဒေါ်အောင်ဆန်းစုကြည်နဲ့ အမျိုးသား ဒီမိုကရေစီ အဖွဲ့ချုပ်ကို နာမည်တပ်ပြီး ဝေဖန်တိုက်ခိုက်တာ ဒါ ပထမဆုံးလို့ ပြောရမှာပါ။ မြန်မာနိုင်ငံအပေါ် ပိတ်ဆို့အရေးယူ ဒဏ်ခတ်မှုနဲ့ ပတ်သက်လို့ အမျိုးသား ဒီမိုကရေစီ အဖွဲ့ချုပ်ရဲ့ ထုတ်ပြန်ချက်ကို ဝေဖန်လိုက်ပြီး ဒေါ်အောင်ဆန်းစုကြည်နဲ့ အမျိုးသား ဒီမိုကရေစီ အဖွဲ့ချုပ်တို့ဟာ ဒီအတိုင်းဆိုရင် သမိုင်းရဲ့ ဂိတ်ဆုံးကို ဦးတည်သွားဖွယ် ရှိတယ်ဆိုပြီး ပြီးခဲ့တဲ့ စနေနေ့တုန်းက မြန်မာအစိုးရပိုင် သတင်းစာတွေမှာ သတိပေး ရေးသားထားပါတယ်။

ဒေါ်အောင်ဆန်းစုကြည်ရဲ့ ဘေးအန္တရာယ်အတွက် စိုးရိမ်ကြောင်းနဲ့ သူမ လုံခြုံရေးအတွက် မြန်မာအာဏာပိုင်တွေမှာ အဓိက တာဝန်ရှိတယ်လို့ အမေရိကန် နိုင်ငံခြားရေးဌာနရဲ့ သဘောထားကို နိုင်ငံခြားရေးဌာန အရာရှိတဦးက ဗွီအိုအေ မြန်မာပိုင်းကို အခုလို ပြောပါတယ်။

“ဒေါ်အောင်ဆန်းစုကြည်ရဲ့ ဘေးအန္တရာယ်နဲ့ လုံခြုံရေးအတွက် အဓိကအားဖြင့် စိုးရိမ်ပူပန်မိပါတယ်။ ဒေါ်အောင်ဆန်းစုကြည် အပါအ၀င် မြန်မာနိုင်ငံသား အားလုံးရဲ့ လုံခြုံရေးအတွက် မြန်မာအာဏာပိုင်တွေမှာ တာဝန်ဝတ္တရား ရှိပါတယ်။ မြန်မာပြည်သူတွေအတွက် ၂၂ နှစ်ကြာ ဒီမိုကရေစီရေး တိုက်ပွဲဝင်နေတဲ့ အမျိုးသား ဒီမိုကရေစီ အဖွဲ့ချုပ်ရဲ့ တရားဝင်မှုကို အသိအမှတ်ပြုဖို့ မြန်မာအာဏာပိုင်တွေကို ဆက်လက်ပြီး တိုက်တွန်းပါတယ်။

“နိုင်ငံရေးအကျဉ်းသား အားလုံး လွှတ်ပေးပြီး နိုင်ငံရေး လုပ်ငန်းစဉ်တွေမှာ ပါဝင်ခွင့်ပေးဖို့၊ ဒီကတဆင့် အမျိုးသား ပြန်လည်သင့်မြတ်ရေးအတွက် ပထမဆုံးအဆင့် အနေနဲ့ ဒီမိုကရေစီ အင်အားစုတွေ၊ တိုင်းရင်းသား အင်အားစုတွေနဲ့ စစ်မှန်တဲ့ တွေ့ဆုံညှိနှိုင်းမှုတွေ စတင်ဖို့ ထပ်မံ တိုက်တွန်းပါတယ်။”

တကယ်တမ်းတော့ မြန်မာနိုင်ငံမှာ လွှတ်တော်တွေ ခေါ်ယူပြီး အစိုးရဖွဲ့မယ်၊ သမိုင်းသစ် စာမျက်နှာသစ်ကို စိုက်ထူလိုက်ပြီ၊ လူထုလိုချင်တဲ့ အပြောင်းအလဲတွေ ပေါ်ပေါက်လာပြီ ဆိုပြီး မြန်မာအစိုးရက သတင်းမီဒီယာတွေမှာရော အခြား နိုင်ငံတကာကိုပါ ပြောဆိုနေတဲ့အချိန် ဖြစ်ပါတယ်။ တလောက ဂျီနီဗာမှာလုပ်တဲ့ ကုလသမဂ္ဂ လူ့အခွင့်အရေးကောင်စီ အစည်းအဝေးမှာ မြန်မာကိုယ်စားလှယ် ဦးထွန်းရှင်က နိုင်ငံတကာကို အခုလို ပြောခဲ့ပါတယ်။

“မြန်မာနိုင်ငံမှာ အပြုသဘောဆောင် တိုးတက်မှုတွေနဲ့ မှတ်တိုင်သစ် တခုကို စိုက်ထူလိုက်ပါပြီ၊ အခန်းကဏ္ဍသစ်ကို စတင်ပါပြီ၊ စာမျက်နှာသစ်ကို ဖွင့်လှစ်လိုက်ပါပြီ။ နိုင်ငံတကာ အသိုင်းအ၀ိုင်း အနေနဲ့ နားလည်မှုရှိရှိ အားပေး တုံ့ပြန်တာမျိုး ဘာကြောင့် မလုပ်နိုင်တာပါလဲ။”

အမေရိကန် နိုင်ငံခြားရေးဌာန ပြောခွင့်ရသူ ပီ.ဂျေ ခရော်လေက သူ့ရဲ့ Twitter အကောင့်ကနေ အခုလို ဒေါ်အောင်ဆန်းစုကြည်ကို ဝေဖန်တိုက်ခိုက် ရေးသားလာတာနဲ့ ပတ်သက်လို့ မနေ့က မှတ်ချက်ရေးခဲ့ပါတယ်။ မြန်မာအစိုးရဟာ ခေတ်သစ်ကို ရောက်ပြီလို့ ကြွေးကြော်နေပေမဲ့လည်း အရင်ပုံစံ၊ အရင်လုပ်ပုံ လုပ်နည်းတွေနဲ့ ဒေါ်အောင်ဆန်းစုကြည်ကို ခြိမ်းခြောက်လာပါတယ်။ ဒါကြောင့် အခု အသစ်ပါလို့ ပြောနေတာဟာ ဘာမှ ထူးထူးခြားခြား ပြောင်းလဲသစ်လွင်မှု မရှိပါဘူးလို့ နိုင်ငံခြားရေးဌာန ပြောခွင့်ရသူ မစ္စတာ ခရော်လေက မှတ်ချက်ရေးခဲ့ပါတယ်။

အစိုးရ သတင်းစာမှာတော့ ဒေါ်အောင်ဆန်းစုကြည်ဘက်က ထိပ်တိုက်ရင်ဆိုင်ရေး၊ အလုံးစုံ ပျက်သုဉ်းရေးနဲ့ မြန်မာနိုင်ငံအပေါ် စီးပွားရေး ပိတ်ဆို့မှု အပါအ၀င် ပိတ်ဆို့မှုများ ချမှတ်ရေး ကိုင်စွဲထားတာတွေကို စွန့်လွှတ်မယ်ဆိုရင် စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေက ဒေါ်အောင်ဆန်းစုကြည်နဲ့ တွေ့ဆုံမယ်လို့ ကြေညာခဲ့တဲ့အကြောင်း ပြန်လည် ဖော်ပြပါတယ်။ ဒါပေမဲ့ ဒေါ်အောင်ဆန်းစုကြည်နဲ့ အမျိုးသား ဒီမိုကရေစီ အဖွဲ့ချုပ်ဟာ ပိတ်ဆို့မှုတွေကို စိတ်အားထက်သန်စွာ တောင်းဆိုမှုတွေ လုပ်ခဲ့တယ်လို့ ဝေဖန် အပြစ်တင်ထားပါတယ်။

မြန်မာအစိုးရပိုင် သတင်းစာ ဆောင်းပါးတွေဟာ ရေးသူတဦးချင်းရဲ့ အမြင် ဆောင်းပါးတွေလို့ ဆိုပေမဲ့ အစိုးရရဲ့ မူဝါဒ၊ အစိုးရရဲ့ အာဘော်တွေကို ထင်ဟပ်လေ့ ရှိပါတယ်။ VOAသတင်းမှကူးယူဖေါ်ပြပါသည်။

ရှေးကထက် ပို ချစ်ကြမယ်

မိုးချိုသင်း
သြဂုတ် ၇၊ ၂၀၀၈

ကိုယ့်မှာ မောင်လေးတယောက် ရှိခဲ့ဖူးပါတယ်။ အသက် တနှစ်ပဲ ကိုယ့်ထက်ငယ်တဲ့ အထက်အောက်ပါ။ အခုတော့ သူဆုံးသွားတာ ၇နှစ်တောင် ရှိခဲ့ပါပြီ။ မနေ့ကတော့ သူ့မွေးနေ့မို့ သူ့ကို သတိရပြီး သူနဲ့ ငယ်ငယ်က အကြောင်းတွေ ပြန်တွေးမိပါတယ်။

အထက်အောက်ဆိုတော့လဲ တခြားမောင်နှမတွေထက် ပိုပါတယ်။ ပိုလဲ ရင်းနှီး၊ ပိုလဲ ရန်ဖြစ် ခဲ့ကြတယ်လေ။ ရန်ဖြစ်၊ ပြန်ချစ်ပေါ့။ သူကလဲ အစ အနောက် အရမ်းသန်တယ်။ ကိုယ့်ကိုဆို ခဏခဏ စ တာမို့ စိတ်ဆိုးရတာလဲ ခဏခဏပါပဲ။

သူက မောင်နှမ ၅ယောက်မှာ အငယ်ဆုံးလဲ ဖြစ်ပြန်၊ ယောကျာင်္းလေးလဲ သူတယောက်ပဲ ပါတော့ အားလုံးရဲ့ အချစ်တွေ စုပြုံပြီး သူရတယ်လေ။ ဒါကို အငယ်ဆိုပြီး အလျှော့မပေးပါဘူး။ (တကယ်တော့ အကြီးက လျှော့ပေးရတာပါ၊ ကိုယ်ကတော့ သူလျှော့ပေးစေချင်လို့ ပြောင်းရေးလိုက်ပြီ။)

ကလေးတုန်းကတော့ အဖေတို့အမေတို့ သူ့ကို ဆူတဲ့အချိန်ဆို ကိုယ်က ဘာပြောကောင်းမလဲ၊ တံမြက်စည်းတွေလှည်း၊ ရေတွေ ပြေးခပ်ပေး၊ ဆန်တွေ စပါးလုံး ကူရွေးပေး၊ ကန်စွန်းရွက်တွေ ကူသင် နဲ့ ရှုပ်ရှပ်ခတ်နေတာ။ တယောက်ကို ဆူလိုက်ရင် တယောက်က အလိုလို လိမ်မာသွားရော။ အဲဒါကို မိဘတွေက ရိပ်မိပြီး ပြုံးကြတယ်လေ။

အဲဒီတော့ အချင်းချင်း မသင့်မမြတ်ဖြစ်ကြပြီဆိုရင် အမေက ခဏနေ ပြန်တည့်သွားလိမ့်မယ် ဆိုပြီး ဘာသိဘာသာ နေတတ်ပေမယ့် အဖေကတော့ မရပါဘူး။ ရန်ဖြစ်တဲ့ နှစ်ယောက်ကို အတင်းလက်ဆွဲပြီး ပြန်ခေါ်ခိုင်းပါတယ်။

ကိုယ်တို့ကလဲ အခုပဲ ရန်ဖြစ်ပြီး ပြောချင်တာတွေ ပြောပစ်ထားတာ၊ ခဏနေတော့ ဟီးဟီး ဟီးဟီးနဲ့ ဘယ်လက်ဆွဲ နှုတ်ဆက်ချင်ပါ့မလဲ။ ဒါပေမဲ့ အဖေကတော့ လက်မခံပါဘူး။ ပျော်ရွှင်စွာ ချစ်ခင်ညီညွတ်သွားကြလေသတည်းဆိုတဲ့ happy ending ကို တော်တော် သဘောကျပုံပါပဲ။

“ကဲ သမီးက ဒီဖက်ကိုလာ၊ မောင်လေးကို တောင်းပန်လိုက်၊ မမချို နောက်တခါ မောင်လေး စိတ်ဆိုးအောင် မလုပ်တော့ပါဘူးလို့။ ကဲ သားကလဲ တောင်းပန်လိုက်၊ မောင်လေးလဲ နောက် မမချို မကြိုက်တာ မစ တော့ပါဘူး လို့..”

အဖေက ပြောရမဲ့စကား၊ တောင်းပန်ရမဲ့ စကားကို ရှေ့က တိုင် ပေးနေတာပါ။ နှစ်ယောက်စလုံး ခပ်ပေပေပဲ၊ မပြောသေးဘူး။ စွေစောင်းပြီးတောင် ကြည့်နေလိုက်သေး။ ဒါပေမဲ့လည်း ဒိုင်သူကြီးက ဇွတ်ပဲ။ မပြောမချင်း၊ မတောင်းပန်မချင်း လက်ဆွဲထားတာ မလွှတ်ပါဘူး။

ကဲ … ကဲ … ဒါဆိုလဲ ကြာတယ်ကွာ၊ တောင်းပန်လိုက်ပါတော့မယ် ဆိုပြီး စိတ်မရှည်သူပီပီ အဖေတိုင်ပေးသလို လိုက်ပြောလိုက်ရတယ်။ အဲဒီတော့ သူကလဲ ပြန်တောင်းပန်ပါတယ်။ ပြီးတော့မှ အဖေ့ကို ကွယ်ပြီး လက်သီးက ဆုပ်ပြလိုက်သေးတာ။

ဒီလိုနဲ့ ကြီးလာတော့ ကိုယ်တို့လဲ ရန်မဖြစ်ကြတော့ပါဘူး။ သူဆုံးသွားတဲ့အထိပါပဲ။ အဖေလဲ စေ့စပ်ဆွေးနွေးစရာ မလိုတော့ဘူး လို့ ထင်လိုက်တာ၊ အဖေ့ happy ending နဲ့ အချင်းချင်း ညီညွတ်စေချင်တဲ့ စိတ်ကြီးက လားလားမှ မပျောက်သေးတာကို ဒီကဗျာလေး ဖတ်လိုက်တော့ သွားတွေ့ရတယ်လေ။

၂၀၀၂ က ဂျပန် နဲ့ ကိုးရီးယားက ပေါင်းထုတ်တဲ့ ခွပ်ဒေါင်းအလံခေါ်ရာသို့ ကဗျာစာအုပ် ထဲမှာလဲ ပုံနှိပ်ဖော်ပြခဲ့ဖူးပါတယ်။ ကဗျာလေးကို ဖတ်ကြည့်ဖို့ ကိုယ်ချစ်ခင်သူတွေကို မျှဝေလိုက်ပါတယ်။ ၈ လေးလုံး အနှစ် ၂၀ အမှတ်တရပါ။



ဘယ်က ရဲဘော်လဲ

တင်မိုး


သူ့မယုံရ ကိုယ့်မယုံရနဲ့
သံသယတွေ ပိုကဲ
ဟိုတစ သည်တစ ပြိုကွဲ

ဘယ်က ရဲဘော် ဖြစ်မှာလဲ။

တီးတိုးတီးတိုး
သဖန်းပိုး
ကွယ်ရာတမျိုး ရှေ့တမျိုး
ခြေထိုးမတော် ချော်လို့လဲ
ဘယ်က ရဲဘော် ဖြစ်မှာလဲ။

နေရာပိုင်မှု အပြိုင်လု
လူထုအတွက် ပြည့် အတွက် … တဲ့
အရှက်ကနဲ သွေးကခွဲ
ဘယ်က ရဲဘော် ဖြစ်မှာလဲ။

ခြေပုန်းခုတ်လို့ ကုပ်ပေါ်တက်
မျက်နှာနှစ်ဖက် လျှာ နှစ်ခွ
နှစ်ဖက်လွှနဲ့ သပ်လျှို ခွဲ
ဘယ်က ရဲဘော် ဖြစ်မှာလဲ။

၁၆၊ ၃၊ ၂၀၀၀



ပြန်ခေါ်ပြီးမှ ကွယ်ရာမှာ လက်သီးတော့ ဆုပ်မပြနဲ့ပေါ့ နော..။



(မိုးချိုသင်း ဘလောက်ထံက ရယူပါတယ်။ http://moechothin.blogspot.com )

ဗိုလ်ချုပ်အောင်ဆန်း ၉၆ နှစ်မြောက်မွေးနေ့ အထိမ်းအမှတ် NLD ကျင်းပ

(Photo: AFP)

၂ဝ၁၁ ခုနှစ် ဖေဖော်ဝါရီလ ၁၃ ရက်နေ့က NLD ရုံးချုပ်တွင် ကျင်းပပြုလုပ်သည့် ဗိုလ်ချုပ်အောင်ဆန်း ၉၆ နှစ်မြောက်မွေးနေ့ အထိမ်းအမှတ် အခမ်းအနားတွင် ဒေါ်အောင်ဆန်းစုကြည် အဖွင့်မိန့်ခွန်းပြောကြားစဉ်။ (Photo: AFP)



2011-02-13
အာဇာနည်ခေါင်းဆောင်ကြီး ဗိုလ်ချုပ်အောင်ဆန်း ရဲ့ ၉၆ နှစ်မြောက် မွေးနေ့အထိမ်းအမှတ် မြန်မာနိုင်ငံကလေးများနေ့ အခမ်းအနားကို အမျိုးသား ဒီမိုကရေစီအဖွဲ့ချုပ် ရုံးချုပ်မှာ ဒီကနေ့ ကျင်းပခဲ့ပြီး ဒေါ်အောင်ဆန်းစုကြည်က အာဇာနည် စိတ်ဓာတ်အကြောင်း ဟောပြောပြီး အခမ်းအနား ဖွင့်လှစ်ပေးခဲ့တယ်လို့ သိရပါတယ်။

ဒီ အခမ်းအနားကို ရန်ကုန်တိုင်း မြို့နယ်စုံက ကလေးငယ် ၁၅ဝ လောက် တက်ရောက်တယ်လို့ ပါတီ ပြန်ကြားရေး တာဝန်ခံ ဦးအုန်းကြိုင်က ပြောပြပါတယ်။

“ဖွင့်ပွဲမတိုင်ခင် ဒေါ်အောင်ဆန်းစုကြည် ရောက်လာတာနဲ့ ကလေးတွေက သီချင်းတွေ၊ အကအခုန်တွေနဲ့ မြို့နယ်အလိုက် ဖျော်ဖြေကြပါတယ်။ ပြီးတော့ အခမ်းအနားကို ဒေါ်အောင်ဆန်းစုကြည်က ဖွင့်ပေးပါတယ်။ အဖွင့်အမှာစကား ပြောကြားရာမှာ ဒေါ်အောင်ဆန်းစုကြည်က မှတ်သားဖွယ်ရာ အာဇာနည်စိတ်ဓာတ် အကြောင်း ကလေးတွေကို အကျဉ်းချုပ် ပြောပြပါတယ်”

မွန်းလွဲပိုင်းမှာ ဗိုလ်ချုပ်အောင်ဆန်းမိန့်ခွန်း ကောက်နှုတ်ချက်တွေကို ကလေးတွေက သဏ္ဍန်လုပ် သရုပ်ဆောင် ရွတ်ဆိုတဲ့ ပြိုင်ပွဲကို ဆက်ပြီး ကျင်းပသလို ကလေးတွေအတွက် ဖျော်ဖြေရေး အစီအစဉ်တွေကို လည်း ပြုလုပ်ပေးပါတယ်။

ဒါ့ပြင် ဗိုလ်ချုပ်အောင်ဆန်းရဲ့ ၉၆ နှစ်မြောက် မွေးနေ့ အထိမ်းအမှတ်အဖြစ် ဒေါ်အောင်ဆန်းစုကြည်က ပြီးခဲ့တဲ့ ဖေဖော်ဝါရီလ ၁၁ ရက်နေ့က မင်္ဂလာဒုံ၊ လှည်းကူး၊ တိုက်ကြီး၊ မှော်ဘီ မြို့နယ်တွေက မူလတန်းကျောင်းတွေကို တမြို့နယ်ကို ဗလာစာအုပ် ၉၆ ဒါဇင်နှုန်းနဲ့ စုစုပေါင်း ကျပ်ငွေ သိန်း ၁ ရာဖိုး လှူဒါန်းခဲ့ပါတယ်။

အဲ့ဒီလို လှူဒါန်းရာမှာ မင်္ဂလာဒုံနဲ့ တိုက်ကြီးမြို့နယ်တွေမှာ အာဏာပိုင်တွေရဲ့ အတားအဆီး လုပ်တာတွေ ခံခဲ့ရပါတယ်။ ဒါပေမယ့် မှော်ဘီနဲ့ လှည်းကူးမြို့နယ်တွေမှာတော့ အနှောက်အယှက်မရှိဘူးလို့ NLD ဗဟိုအမျိုးသမီးအဖွဲ့က ဒေါက်တာ ဒေါ်မေဝင်းမြင့်က ပြောပါတယ်။

ဒီကနေ့ NLD ရုံးချုပ်မှာ ပြုလုပ်တဲ့ ကလေးများနေ့ အခမ်းအနား ကျင်းပပုံနဲ့ ပတ်သက်ပြီး ဦးတင်အောင်ခိုင်က စုစည်း တင်ပြထားပါတယ်။


RFA

NLD ကို စစ်အစိုးရ သတင်းစာ သတိပေး

ခင်ဦးသာ Monday, 14 February 2011 19:24
.မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် အမျိုးသား ဒီမိုကရေစီ အဖွဲ့ချုပ် (NLD) သည် အနောက် နိုင်ငံများ၏ စီးပွားရေး ပိတ်ဆို့မှုများကို ဆက်လက် ထောက်ခံနေပါက “သမိုင်း၏ ဂိတ်ဆုံးသို့” ဦးတည်သွားနိုင်ကြောင်း စစ်အစိုးရ သတင်းစာ များ၌ သတိပေး ရေးသားထားသည်။

အနောက်နိုင်ငံများက ပိတ်ဆို့အရေးယူမှုသည် စစ်အစိုးရကိုသာထိခိုက်ပြီး ပြည်သူများ၏ လူနေမှုဘ၀များကို တိုက်ရိုက် မထိ ခိုက်ဟူသော မကြာသေးခင်က ထုတ်ပြန်ခဲ့သည့် NLD ကြေညာချက်နှင့် ပတ်သက်၍ စစ်အစိုးရ မီဒီယာများက ယင်းသို့ ရေး သားလာခြင်း ဖြစ်သည်။

စစ်အစိုးရအပေါ် စီးပွားရေးပိတ်ဆို့ထားခြင်းသည် ဒေါ်အောင်ဆန်းစုကြည်၊ NLD တို့နှင့် မသက်ဆိုင်ကြောင်း၊ အနောက်နိုင်ငံများက ၎င်းတို့၏ သဘောထားအရ လုပ်ဆောင်ခြင်း ဖြစ်ကြောင်းနှင့် စစ်အစိုးရ၏ လူ့အခွင့်အရေး ချိုးဖောက်မှု၊ ဒီမိုကရေစီ ကျင့်စဉ်မရှိခြင်းတို့ကြောင့် ဖြစ်ကြောင်း NLD ကြေညာချက်တွင် ဆိုထားသည်။

စစ်အစိုးရ၏ ဖေဖော်ဝါရီလ ၁၃ ရက်နေ့ထုတ် ကြေးမုံ သတင်းစာ ဆောင်းပါး၌ ပိတ်ဆို့မှုများ ဖယ်ရှားလိုလျှင် အနောက်နိုင်ငံများ ပြောသည့်အတိုင်းလိုက်နာ ပြောင်းလဲပါ၊ ပိတ်ဆို့မှုများ လျှော့ပေ့ါရန်၊ တိုးမြှင့်ရန်၊ ပြောင်းလဲရန် အနောက်နိုင်ငံများက NLD နှင့်ဆွေးနွေးပါဟု NLD ကြေညာချက်က ဆိုလိုသည်ဟု ထင်ကြောင်း၊ ကြေညာချက်ပါ စီးပွားရေး ပိတ်ဆို့မှုအပေါ် အမြင်အကျဉ်း မှ ထုတ်နုတ်ဖော်ပြခြင်းဖြစ်ကြောင်းနှင့် ဒေါ်အောင်ဆန်းစုကြည်သည် ၁၉၈၉ မှ ၂၀၀၂ ခုနှစ် ထိ မြန်မာနိုင်ငံအပေါ် ပိတ်ဆို့မှု ပြုလုပ်ရန် ပြင်းပြင်းထန်ထန်တောင်းဆို ခဲ့သူဖြစ်ကြောင်း ဝေဖန်ရေးသားထားသည်။

ဖေဖော်ဝါရီ ၈ ရက်နေ့ ရက်စွဲဖြင့် ထုတ်ပြန်သော NLD ကြေညာချက်ပါ စီးပွားရေး ပိတ်ဆို့မှုအပေါ် အမြင်အကျဉ်း အချက် (၇) တွင် စီးပွားရေး ပိတ်ဆို့မှု ဆိုင်ရာ စည်းကမ်းချက်များကို မည်သည့်အချိန်တွင် မည်သို့နှင့် မည်သည့်အခြေအနေများ အောက်၌ ပြုပြင် မွမ်းမံ နိုင်မည်ကို သဘောတူညီမှု ရရှိစေရေးအတွက် အမေရိကန်၊ ဥရောပ သမဂ္ဂ အဖွဲ့ဝင် နိုင်ငံများ၊ ကနေဒါ၊ နယူး ဇီလန်၊ သြစတြေးလျ နိုင်ငံတို့ကို ညှိနှိုင်းဆွေးနွေးရန် အမျိုးသား ဒီမိုကရေစီ အဖွဲ့ချုပ်က တောင်းဆိုပါသည်ဟု ဖော်ပြထား သည်။

သတင်းစာပါ ဖေဖော်ဝါရီလ ၁၂ ရက်နေ့တွင် ကျရောက်ခဲ့သည့် ၆၄ နှစ်မြောက် ပြည်ထောင်စုနေ့ ဂုဏ်ပြုဆောင်းပါး ၌လည်း ဒေါ်အောင်ဆန်းစုကြည်၏ ဒုတိယပင်လုံ ညီလာခံကျင်းပမည်၊ တိုင်းရင်းသား လူမျိုးများ၏ စည်းလုံးညီညွတ်ရေးကို တည် ဆောက်မည်ဟု ကြွေးကြော်နေခြင်းသည်“ မရောင်ရာ ဆီလူးသကဲ့သို့” ဖြစ်နေသည်ဟု ဆောင်းပါးရှင် သခင်တင်မြ က ဝေဖန် ရေး သားထားသည်။

“အစိုးရက ရေးခိုင်းလို့ရေးတာ မဟုတ်ပါဘူး၊ ကျနော့်ရင်ထဲက သဘောထားပါ၊ ဒေါ်အောင်ဆန်းစုကြည်ကို ဝေဖန်ရေးတာက သူ့သဘောထားတွေက မတည်ငြိမ်ဘူး၊ အခုတမျိုး၊ တော်ကြာ တမျိုးပြောတယ်၊ ကျနော်သူနဲ့ တွဲပြီး လုပ်ခဲ့တာ ကြာပြီ”ဟု သခင် တင်မြ က သူ၏ ဆောင်းပါးနှင့်ပတ်သက်၍ ဧရာဝတီ၏ မေးမြန်းမှု ကိုဖြေဆိုသည်။

“အခြေအနေတွေက အရင်နဲ့မတူတော့ဘူးလေ၊ ဗြိတိသျှနယ်ချဲ့တွေ အုပ်ချုပ်နေတာမဟုတ်ဘူး၊ တပ်မတော်က အုပ်ချုပ်နေ တာ၊ တပ်မတော်ကို နားလည်မပေးဘဲ ဆန့်ကျင်နေမယ်ဆိုရင် ဘာမှ ဖြစ်လာမှာ မဟုတ်ဘူး”ဟု သခင်တင်မြက ဆက်ပြော သည်။

စစ်အစိုးရ သတင်းစာများ၏ ရေးသားဖော်ပြချက်သည် လုပ်ရိုးလုပ်စဉ် တခုသာဖြစ်ကြောင်း၊ ထိုရေးသားချက်များနှင့်ပတ်သက်၍ ဒေါ်အောင်ဆန်းစုကြည် ကိုယ်တိုင် တစုံတရာ ပြောဆိုမှု မရှိသေးကြောင်း NLD ပြောခွင့်ရ ဦးအုန်းကြိုင်က ဧရာဝတီကို ပြော သည်။

NLD နှင့် ဒေါ်အောင်ဆန်းစုကြည်သည် အစိုးရသစ်ဖွဲ့၍ ဖော်ဆောင်နေသော ဒီမိုကရေစီနိုင်ငံတော်သစ် ဖော်ဆောင်ရာ၌ စိတ် ကောင်းစေတနာဖြင့် လက်တွဲပူးပေါင်းရန် ဖိတ်ခေါ်ကြောင်းလည်း သတင်းစာက ရေးသားထားသည်။

Copyright © 2011 ဧရာဝတီ.

ဂုဏ်ယူတယ်ဆို ကူကြပါ

ဖြူဖြူသင်း
Saturday, 12 February 2011 18:15 ဆောင်းပါး .HIV/AIDS လူနာတွေကို စောင့်ရှောက်တဲ့ လုပ်ငန်းမှာ ဘာအခက်ခဲတွေ ရှိသလဲဆိုတဲ့ မေးခွန်းကို ထပ်ခါတလဲလဲ အမေးခံရ ပါတယ်။ ကျမလည်း ဖြေစရာစကား မရှိသလိုတောင် ဖြစ်ဖြစ်နေပါပြီ။ အကုန်လုံး လိုအပ်တယ်လို့ ပြောရင် နှာခေါင်းရှုံ့ကြလေမလား မသိဘူး။

“ဆယ့်ရှစ်အိမ်” လို့ ကျမတို့ အလွယ်ခေါ်ကြတဲ့ ရန်ကုန်မြို့ဒဂုံမြို့သစ် တောင်ပိုင်း အမှတ် ၁၈ ရပ်ကွက်က ဂေဟာမှာ လူနာ တချို့က ကျမတို့ကို ပြန်ကူညီနေကြပါတယ်။

တခါတော့ သူတို့က ကျမကို ထူးဆန်းတဲ့ မေးခွန်းတခု မေးပါတယ်။ “လူနာတွေကို မီဒီယာသမားတွေနဲ့ တွေ့တဲ့အခါ ပိုက်ဆံရှိတယ်၊ တည်းစရာနေရာ ရှိတယ်လို့ မပြောဖို့ ခြိမ်းခြောက်ထားသလား” တဲ့။ ဒီလို လုပ်စရာ မလိုပါဘူး၊ ဘာဖြစ်လို့ မေးတာလဲ ဆိုတော့ “လာသမျှ လူနာတွေက ဘာမှမပါဘူး၊ ဘယ်မှမသွားတတ်ဘူး၊ ဘယ်မှာမှ နေစရာမရှိဘူး၊ ဘာမှ မလုပ်တတ်ဘူး၊ ဘာ စားစရာမှမပါဘူး ဆိုတာချည်း ပြောပြောနေလို့ပါ” တဲ့။ ဒါဟာ ရင်းနှီးခင်မင်လာတဲ့ သူတို့က မွန်းကျပ်စရာ အခြေအနေနဲ့ ကြုံချိန်မှာ နောက်ပြောင်ပြောတာဖြစ်လို့ ကျမ သက်ပြင်းချရင်း ရယ်မောမိပါတယ်။

တကယ် လက်တွေ့မှာတော့ အခြေအနေတွေက ရယ်မောစရာ နည်းပါးပြီး ရင်မောစရာတွေပဲ များပါတယ်။ ကျမက ပင်ကိုအားဖြင့်တော့ အဆင်ပြေတာ၊ မပြေတာကို ပြောလေ့ မရှိပါဘူး။ ဒါပေမယ့် ဒါဇင်နဲ့ချီပြီး များလှတဲ့ လူနာတွေကို စောင့်ရှောက်ရင်းမှ ကျမလည်း ညည်းတတ်တဲ့ အကျင့် ပါလာသလား မသိပါဘူး။ မညည်းမိအောင် ထိန်းသိမ်းနေရင်းကကို ညည်းညူမိနေတာပါ။

ကျမတို့ကို ထောက်ပံ့သူတွေကလည်း နိုင်သလောက်၊ စွမ်းသလောက် လှူနေကြတာပါ။ ဒါပေမယ့် မလောက်ငှဘူး ဆိုတဲ့ စကားတခွန်းတောင် ထပ်တိုး ပြောရမလိုပါပဲ။

ဒီလောက်ဆိုရင်တော့ ဒီခုခံအားကျဆင်းမှု ရောဂါနဲ့ ပတ်သက်လို့ ကျမတို့ တိုင်းပြည်မှာ ဘယ်လောက် အခက်အခဲ ဖြစ်နေသလဲ၊ အကူအညီ အကာအကွယ် မဲ့နေသူ ဘယ်လောက် များသလဲ ဆိုတာ အနည်းအကျဉ်းတော့ ပေါ်လွင် ထင်ရှားမယ်လို့ ထင်ပါတယ်။ ကျမတို့ ကူညီနိုင်တဲ့ အ၀န်းအ၀ိုင်းလေးမှာတောင် ဒီလောက် ခက်ခဲမှု၊ ကျပ်တည်းမှု ဖြစ်နေတယ်ဆိုရင် တပြည်လုံး အတိုင်းအတာနဲ့ဆို ဘယ်လောက်တောင်များ ခက်ခဲနေသလဲ၊ ဘယ်လောက်များ လူတွေ သေနေသလဲဆိုတာ တွေးမိပြီး ကျမ စိတ်ဆင်းရဲကြီးစွာ ဖြစ်ရပါတယ်။

တနေ့တနေ့ ဒီ ခုခံအားကျဆင်းမှု ရောဂါ ကာကွယ်ကုသရေး ဆေးရုံတွေမှာ လူဘယ်လောက် သေနေလဲဆိုတာ ကျမ မျက်မြင် ကိုယ်တွေ့ပါ။ ဒီဆေးရုံတွကို ကျမအပြစ် မမြင်၊ မပြောချင်ပါဘူး။ ဒီဆေးရုံ ဆေးခန်းတွေမှာ ၀န်ထမ်း အင်အားကလည်း မလုံလောက်၊ နောက် ဆေးဆိုရင်လည်း ပဋိဇီဝဆေးလောက်သာ ပေးနိုင်ပြီး တခြားဆေးဝါးတွေက မရှိသလောက် ဆိုတော့ လူနာတွေက ဆေးရုံဆို တယ် မသွားချင်ကြလှပါဘူး။

လူတွေမှာ “အားကိုးမရဘူး” ဆိုတဲ့ အသိ ၀င်နေတာက အတော်လေး ခက်ပါတယ်။ မဖြစ်လွန်းမှ ဆေးရုံတင်ကြ၊ ဆေးရုံရောက်ချိန်မှာလည်း ခြေလွန်လက်လွန် ဖြစ်နေကြ၊ နောက် ဆေးဖိုးဝါးခကလည်း မတတ်နိုင် ဆိုတာနဲ့ လုံးချာလည်၊ အသက် ဆုံးရှုံးနေသူ အများကြီးပါပဲ။ တကယ်တော့ တာဝန်ရှိသူ ဘယ်သူလဲ မေးရင်တော့ ရွှေသမင်ဘယ်ကထွက် ဆိုတာပါပဲ။ တကယ် တာဝန်ရှိသူ အစိုးရကမှ ဂရုမစိုက်ဘူးဆိုရင် သူတို့လက်အောက်မှာ တာဝန် ထမ်းဆောင်နေသူတွေကတော့ ပြောစရာ မရှိလောက်အောင်ပါပဲ။ သူတို့မှာ ဘယ်လောက် ကောင်းတဲ့ စိတ်စေတနာ ရှိတယ် ဆိုဆို ဘာမှ လုပ်မရပါဘူး။

ဒါတွေဟာ အရေးပေါ်ဖြေရှင်းရမယ့် ကိစ္စတွေပါ။ ကျမတို့ လူမျိုးတွေဟာ မဖြစ်ခင်ကတော့ ဘာမှမဖြစ်ပါဘူး၊ ဖြစ်ပြီးရင်တော့ ပြာပြာသလဲ ဖြစ်တတ်ပါတယ်။ ဒါပေမယ့် တည့်တည့်ရင်ဆိုင်ရမယ့် ဟာမျိုးကို ရှောင်ပါတယ်။

ဒီလို အကူအကယ် မဲ့နေတာကိုလည်း အစိုးရ တာဝန်ရှိသူ၊ အောက်ခြေဆေးရုံအုပ် အစရှိသဖြင့် မတင်ပြရဲပါဘူး။ အဖြစ်မှန်ပြောရင် အလုပ်ပြုတ်မယ် ဆိုတာကို တွေးပြီး မပြောတာ ဖြစ်ပါတယ်။

မကြာသေးခင်က ပဲခူးမှာ လူငယ်နှစ်ယောက်ကို ကလေးစစ်သားက သေနတ်နဲ့ ပစ်သတ်တာ ဟိုးလေးတကြော်ဖြစ်သွားပါတယ်။ ဒါပေမယ့် လူတွေ မရိပ်မိတာကတော့ သေနတ်သံ မထွက်ဘဲ သွယ်ဝိုက်သောနည်းနဲ့ ဖြစ်နေတာတွေ ရှိပါတယ်။ ဒါကတော့ စစ်အစိုးရက လူတွေ သေကြေနေတာကို လျစ်လျူရှုနေတယ် ဆိုတဲ့ အချက်ပါပဲ။

ဒီအကျိုးဆက်ဟာ နောင် လေးငါးခြောက်နှစ်လောက် အထိ ကုစားဖို့ မလွယ်ပါဘူး။ အထူးသဖြင့် ရွေးကောက်ပွဲလွန် ကာလတွေမှာလည်း တခြားနိုင်ငံရေး အာဏာလုပွဲတွေပဲ လုပ်နေဦးမယ် ဆိုရင်တော့ လူတွေ ဒီထက်မက သေကြဦးမှာပါ။ ဒီတော့ တာဝန်ရှိတဲ့ အစိုးရကတော့ ဘာတာဝန်မှ မယူပါဘူး။ ကျမတို့ နိုင်သလောက် တာဝန်ယူကြရမှာပါ။

ကျမ အင်တာဗျူးတခုမှာ ပြောခဲ့ဖူးတဲ့ စကားက လောကြီးပြီး ပြောလိုက်မိတာပါ၊။“တရားမ၀င်ငွေလည်း ယူမယ်” ဆိုတာပါ။ အမှန် ကျမ ဆိုလိုရင်းက အစိုးရက အသိမှတ်ပြုသည်ဖြစ်စေ မပြုသည်ဖြစ်စေ၊ ဘယ်အဖွဲ့စည်း ဘယ်နိုင်ငံက ငွေကြေးမဆို ကျမ လက်ခံပြီး လူနာတွေအတွက် ဆောင်ရွက်သွားမယ်လို့ ဆိုလိုချင်တာပါ။

ကျမကို လာတွေ့တဲ့ နိုင်ငံခြားသားတွေ၊ ပြီးတော့ ပြည်တွင်း ပြည်ပက မြန်မာပြည်သားတွေလည်း ပြောကြပါတယ်။ ကျမ လုပ်ရပ်အတွက် အရမ်းကို ဂုဏ်ယူပါတယ်တဲ့။ ကျမလည်း ဒီလို အပြောခံရတာကို ဂုဏ်ယူပါတယ်။ ဒါပေမယ့် ဂုဏ်ယူနေကြရုံနဲ့ ပြီးမတဲ့လား။ ဒီ အကာကွယ်မဲ့ လူသားတွေကိုရော ဘယ်လို ကူညီကြမလဲ ဆိုတာလေး စဉ်းစားပေးကြပါ။

ဒါကြောင့် ဂုဏ်ယူကြတယ်၊ ဒီထက်မက ဂုဏ်ယူချင်တယ်ဆိုရင် အထိရောက်ဆုံး ၀ိုင်းဝန်းကူညီကြတာဟာ အကောင်းဆုံးပါလို့ ကျမ တိုက်တွန်းချင်ပါတယ်။

Copyright © 2011 ဧရာဝတီ. All Rights Reserved.

The Voice ဂျာနယ် Feb Week 3 ဒီမိုဝေယံ မှကူးယူဖေါ်ပြပါသည်။

ဗိုလ်ချုပ်အောင်ဆန်း၏ ပင်ကိုယ်သဘာဝစရိုက်

၁၉၄၆ ခုနှစ်၊ ဒီဇင်ဘာလ ၂၆ ရက်နေ့က ဗိုလ်ချုပ်အောင်ဆန်း သည် ဗြိတိသျှ ဘုရင်ခံထံမှ အစိုးရအဖွဲ့ အာဏာကို လွှဲပြောင်းလက်ခံ ယူပြီးနောက် ရန်ကုန်မြို့  ဗိုလ်အောင်ကျော်လမ်းရှိ အတွင်းဝန်ရုံး (ယခုဝန်ကြီးများရုံး) သို့ နေ့စဉ် ရုံးတက်ခဲ့ရပါသည်။

သူ၏ရာထူး (တရားဝင် အခေါ်အဝေါ်) မှာ ဘုရင်ခံ၏ အမှုဆောင်ကောင်စီ ဒုတိယ ဥက္ကဌသာ ဖြစ်ပါသည်။ ဥက္ကဌက ဘုရင်ခံဖြစ်သော်လည်း အစည်းအဝေးလုပ်လျှင် ဘုရင်ခံ မတက်ပါ။ ဒုတိယ ဥက္ကဌဖြစ်သူ ဗိုလ်ချုပ်ကပင် သဘာပတိ အဖြစ် ဦးဆောင် စည်းဝေးရပါ သည်။ လွတ်လပ်ရေး မရသေးခင် ကာလဖြစ်၍ “ဘုရင်ခံ အမှုဆောင် ကောင်စီ” ဟု ခေါ်သော်လည်း စင်စစ်အားဖြင့် အစိုးရအဖွဲ့ (ကက်ဘိနက်)ပင် ဖြစ်ပါသည်။ ဗိုလ်ချုပ်၏ တာဝန်က ၀န်ကြီးချုပ်၊ ကာကွယ်ရေးဝန်ကြီး၊ နိုင်ငံခြားရေးဝန်ကြီး အဖြစ် ၀န်ကြီးဌာနသုံးခုကို တာဝန်ယူရသဖြင့် အလွန် အလုပ်များလှပါသည်။

တစ်နေ့သ၌ ဗိုလ်ချုပ်သည် မွန်းလွဲ ၃ နာရီခန့်တွင် ကျွန်တော့်အား လျှပ်စစ်ခေါင်းလောင်း တီး၍ ကျွန်တော်လည်း ချက်ချင်းပင် သူ၏ရုံးခန်းသို့ လျှင်မြန်သွက်လက်စွာ ၀င်သွားလိုက်ပါသည်။ ထိုနေ့အဖို့ မျက်နှာဖြူ အတွင်းဝန်က သူ့ထံ တင်ပြဆုံးဖြတ်ချက် ရယူသည့် ဖိုင်တွဲများအားလုံး လေ့လာ၍ ဆုံးဖြတ်ချက် ချပေးပြီး သူ၏စားပွဲတွင် စာရွက်စာတမ်းများ ဖိုင်တွဲများ ရှင်းနေပြီ ဖြစ်သည်။

“ဘာများလည်း ဗိုလ်ချုပ်”

ကျွန်တော်ထုံးစံအတိုင် သတင်းပို့ရင်း မေးလိုက်ရာ ဗိုလ်ချုပ်သည် ၀န်ကြီးတစ်ဦးက သူ့ ပီအေ (အပါးတော်မြဲ) ကို ပြောသည့် ဟန်မျိုးမဟုတ်ဘဲ ရင်းနှီးသော ကျောင်းနေဖက် သူငယ်ချင်းအား ရင်ဖွင့်ပြောသလို ဟန်ဖြင့် “ငါအခု ဗိုက်ဆာလို့ တစ်ခုခု စားချင်တယ် ကွာ” ဟုပြောပါသည်။ ဗိုလ်ချုပ်က ဘာကြောင့် ဤသို့ပြောသည်ကို ကျွန်တော်ချက်ချင်း ရိပ်မိလိုက်ပါပြီ။

ထို့နေ့ နံနက်က ရုံးသို့မလာမီ ကျွန်တော်တို့ ဆရာတပည့်နှစ်ဦးအား နံနက်စာထမင်း ကျွေးရာတွင် ဗိုလ်ချုပ်ကတော် ဒေါ်ခင်ကြည်က (ထိုအချိန်က ဈေးအပေါဆုံး ဟင်းလျာတစ်ခု ဖြစ်သည့်) ဘဲဥဟင်းနှင့် ကျွေးခဲ့ပါသည်။ ဗိုလ်ချုပ်သည် ဘဲဥဟင်းကို မကြိုက်လို့လားမသိ၊ ထမင်းမြိ်န်ပုံမရဘဲ တစ်ပန်းကန်သာစားပြီး စားပွဲမှ ထလိုက်သဖြင့် ကျွန်တော်လည်း ကပျာကယာ လက်ဆေး၍ ရုံးသွားရန် ပြင်ဆင်လိုက်ရပါသည်။ နံနက် ဆယ်နာရီခန့် အတွင်းဝန်ရုံးသို့ ရောက်ပြီးနောက် ဗိုလ်ချုပ်သည် တစ်နေကုန်နီးပါး ဆက်တိုက် အလုပ် လုပ်နေရချိန်တွင် ဘာမျှမစားမသောက် ရသောကြောင့် ဆာလောင်လာပြီး ကျွန်တော့် အား တစ်ခုခုစားချင်ကြောင်း ပြောခြင်းဖြစ်ပါသည်။ [မှတ်ချက်။ ဗိုလ်ချုပ်အောင်ဆန်း အနေဖြင့် ၀န်ကြီးလစာ ရသည်မှန်သော်လည်း ယင်းလ စာငွေကို ကိုင်ပြီး ၀င်ငွေထွက်ငွေ မျှတအောင် သို့မဟုတ် “ဘတ်ဂျက်” မအောက်အောင် စီစစ် သုံးစွဲ ရရှာသူ ဒေါ်ခင်ကြည်အဖို့ မလွယ်လှပါ။ နေ့စဉ်နှင့်အမျှ လာရောက်သော ဧည့်သည်များ၊ ရဲဘော်များအားလည်း ဧည့်ခံကျွေးမွေးရသောကြောင့် လကုန်ခါနီးရက်များဆိုလျှင် အထူး ခြိုးခြံချွေတာ ရရှာပါသည်။ ထို့ကြောင့် ကျွန်တော်တို့အား ဘဲဥဟင်း တမယ်တည်း ချက်ကျွေးသည်ကိုလည်း မည်သို့မျှ အပြစ်မဆိုသာပါချေ။

စာရေးသူ ကျွန်တော်သည် ဗိုလ်ချုပ်ကိုကြည့်ပြီး စိတ်ထဲမှ သနားသွားမိပါသည်။ သူ့ခမျာ တကယ်ပင် ဆာလောင်၍ ပြောမှန်းသိ၍လည်း တစ်ခုခု ၀ယ်ကျွေးချင်စ်ိတ် ဖြစ်ပေါ်လာမိပါသည်။

“ဗိုလ်ချုပ် ဘာများ စားချင်လို့လဲ”

ကျွန်တော်က မေးလိုက်ရာ ဗိုလ်ချုပ်သည် ၀မ်းသာသလို ဖြစ်သွားပြီးမှ တစ်စုံတစ်ခု စဉ်းစား မိဟန်ဖြင့် ပြန်မေးခွန်းထုတ်ပြန်ပါသည်။

“ဘာလဲ မင်းက ငါ့ကို ၀ယ်ကျွေးမလို့လား၊ ၀ယ်ကျွေးရအောင် မင်းမှာ ပိုက်ဆံကောရှိ လို့လား”

သာမန်အားဖြင့် ကျွန်တော်သည် ဗိုလ်ချုပ်အား လိမ်ပြောလေ့ မရှိပါ။ သူသည် လိမ်ပြော ခြင်းကို လုံးဝမကြိုက်။ မှန်ရာကိုသာပြောမှ သဘောကျသူ ဖြစ်၍ ကျွန်တော်တို့ လူငယ်တွေ ကလည်း သူ့အား လိမ်မပြောဝံ့ကြပါ။ သို့ရာတွင် ထိုကနေ့ သူဗိုက်ဆာ၍ တစ်ခုခု စားချင် ကြောင်းကို ကလေးငယ်တစ်ယောက်လို ပြောသဖြင့် ကျွန်တော်ဘာပဲဖြစ်ဖြစ် သည်တစ်ခါ တော့ အမှန်ကိုမပြောမှ ဖြစ်မယ်ဟု ဆုံးဖြတ်လိုက်ပါသည်။

“ကျွန်တော့်မှာ ပိုက်ဆံပါပါတယ်။ ဗိုလ်ချုပ်ဘာစားချင်တယ် ဆိုတာသာ ပြောပါ”

ကျွန်တော်သည် ခပ်တည်တည်ဖြင့် အင်္ကျီအိတ်ကို လက်ဖြင့် ပုတ်ပြရင်း ပြောလိုက်မိပါသည်။ အမှန်က ကျွန်တော့်၏ အင်္ကျီအိတ်ထဲတွင် ငွေငါးကျပ်တန်နှင့် ကျပ်တန်နှစ်ရွက်၊ စုစုပေါင်း ငွေခုနှစ်ကျပ်သာ ရှိပါသည်။ သို့သော် ကျွန်တော်မှင်သေသေဖြင့် ပြောလိုက်သောကြောင့် ဗိုလ်ချုပ် ယုံသွားပုံရသည်။

“ဟုတ်လား၊ မင်းတတ်နိုင်ရင်တော့ မဂိုလမ်း (ရွှေဘုံသာလမ်း)က ပလာတာနဲ့ ခပတ် စားချင်တယ်ကွာ ”

“ဟုတ်ကဲ့ ဒါဆိုရင်ရပါတယ်၊ ကျွန်တော့်မှာ ပါတဲ့ငွေနဲ့ လုံလောက်ပါတယ်၊ ရုံးကနေ မဂိုလ်လမ်း (ရွှေဘုံသာလမ်း) သွားစားပြီးမှ အိမ်ပြန်ကြတာပေါ့။ ကိုင်း လာပါ ဗိုလ်ချုပ်”

ပြောပြောဆိုဆို ကျွန်တော်သည် ဗိုလ်ချုပ်၏ ရုံးခန်းဝတွင် စောင့်နေသူ ရုံးလုလင်အား

“ဟေ့ ငါတို့ ရုံးဆင်းတော့မယ်၊ လေးနာရီထိုးရင် တံခါးတွေ ပိတ်လိုက်တော့”

ဟုညွှန်ကြားပြီး ဗိုလ်ချုပ်အားခေါ်၍ ရုံးခန်းအောက်သို့ ဆင်းခဲ့ပါသည်။

ထိုနေ့က ဗိုလ်ချုပ်ကားမောင်းသူ ရဲဘော်ကျော်စိန် နေမကောင်းသဖြင့် အိမ်မှ ရုံးသို့ အလာတွင် ကျွန်တော်ကပင် ကားမောင်းခဲ့ရပါသည်။ ထို့ကြောင့် အပြန်လည်း ကျွန်တော် ကပင် ဗိုလ်ချုပ်ကို ကားပေါ်တင်၍ မဂိုလမ်း (ရွှေဘုံသာလမ်း)၊ ဒါလဟိုဇီလမ်း (မဟာဗန္ဓုလလမ်း)ထိပ်အနီး ဗလီကြီးအောက်ရှိ် ပလာတာဆိုင်သို့ တိုက်ရိုက်မောင်းသွား လိုက်ပါသည်။

ကျွန်တော်သည် ကားမောင်းသွားရင်း စိတ်ထဲမှာ ဗိုလ်ချုပ်အား သူစားချင်သော ပလာတာနှင့် ခပတ်ကိုကျွေးရန် မည်သို့မည်ပုံ ပရိယာယ် ဆင်ရမည်ကို ကြိုတင် အကွက်ချ ထားပြီးပြီ ဖြစ်သည်။ မဂိုလမ်း (ရွှေဘုံသာလမ်း) ဗလီကြီးအောက်ရှိ ပလာတာနှင့် ဒံပေါက်ဆိုင်မှာ ကျွန်တော်တို့ တက္ကသိုလ်ကျောင်းသားဘ၀က မကြာခဏ ၀င်စားလေ့ရှိသော ဆိုင်များဖြစ်ပြီး ဆိုင်ရှင် များနှင့်လည်း သိကျွမ်းနေခဲ့ပါသည်။ ယင်းအချက်ကို အားကိုးပြီး ကျွန်တော်က ထိုဆိုင်သို့ ရဲဝံ့စွာ လာခဲ့ခြင်း ဖြစ်ပါသည်။

ထုံးစံအတိုင်း ဆိုင်ရှိ လူငယ်စားပွဲထိုးများသည် အလွန်ဖော်ရွေစွာဖြင့် ခရီးဦးကြိုပြုကာ နေရာထိုင်ခင်း ပေးကြရာ ကျွန်တော်တို့လည်း စားပွဲတစ်လုံးတွင် ၀င်ထိုင်ပြီး တစ်ယောက်လျှင် ပလာတာနှစ်ချပ်နှင့် ဆိတ်သားခပတ် တစ်ပွဲစီ နှစ်ယောက်အတွက် နှစ်ပွဲ မှာလိုက်သည်။ ပြီးတော့မှ ကျွန်တော်သည် ဆေးလိပ်မီးညှိဟန်ဖြင့် ငွေသိမ်းကောင်တာတွင် ထိုင်နေသူဆိုင်ရှင် အနီးသို့ ကပ်သွားပြီး ခပ်တိုးတိုးလေး ပြောလိုက်ပါသည်။

“ဒီမယ် ခင်ဗျားကျုပ်ကို သိတယ်မဟုတ်လား၊ ဒီဆိုင်မှာ စားနေကျ ဖောက်သည်တစ် ယောက်ပဲ၊ ဟိုမှာ ထိုင်နေတဲ့ လူက ဗိုလ်ချုပ်အောင်ဆန်းဆိုတာ ခင်ဗျား သိမှာပေါ့၊ အခု သူက ပလာတာနဲ့ ခပတ် စားချင်တယ်ဆိုလို့ ခေါ်လာခဲ့တာ၊ ခက်တာက ကျုပ်ဆီမှာ ပိုက် ဆံအလုံအလောက် မပါဘူး၊ ဒါကြောင့် ကျုပ်တို့ အခု စားလို့ ကျသင့်ငွေကို နက်ဖြန်ကျမှ ကျုပ် လာပေးပါရစေ၊ နောက်ပြီး ကျုပ်တို့ ပြန်ခါနီး ဗိုလ်ချုပ်ကမေးရင် ပိုက်ဆံရှင်းပြီး ပါပြီလို့လည်း ပြောပေးပါ၊ ကျုပ်မှာ ပိုက်ဆံမပါတာကို သူ မသိစေချင်ဘူး”

ကျွန်တော်က ခပ်တိုးတိုး ပြောလိုက်ရာ ဆိုင်ရှင်ကုလားသည် ဗိုလ်ချုပ်အား တစ်ချက်မျှ လှမ်းကြည့်ပြီးနောက် နားလည်ဟန်ဖြင့် ခေါင်းညိတ်ပြပါသည်။

“စိတ်ကျပါ ဆပ်၊ ကျသင့်တဲ့ ငွေကို ဆပ်တို့ ကြုံတော့မှ ၀င်ပေးပါ၊ ရပါတယ်၊ ဗိုလ်ချုပ် မေးရင်လည်း ငွေရှင်းပြီးပါပြီလို့ ဖြေပါ့မယ်။”

ဤသို့ပြောတော့မှ ကျွန်တော်လည်း သက်ပြင်းချနိုင်ပြီး ဗိုလ်ချုပ်ရှိရာသို့ ပြန်လာခဲ့ပါသည်။

ပလာတာနှင့် ခပတ်နှစ်ပွဲ ရောက်သောအခါ ဗိုလ်ချုပ်သည် ဆာလောင်နေဟန်ဖြင့် စကားတစ်ခွန်းမှ မပြောဘဲ အားရပါးရ စားပါတော့သည်။ ကျွန်တော်လည်း ကိုယ့်ပန်းကန်မှ နှိုက်စားရင်း ဗိုလ်ချုပ်ကို ကြည့်ပြီး ၀မ်းသာမိသည်နှင့်အမျှ မြန်မာ့လွတ်လပ်ရေးကို မရရအောင် ကြိုးပမ်းယူရန် အားမာန်အပြည့်နှင့် ဆုံးဖြတ်ထားသူ ကျွန်တော်တို့၏ ခေါင်းဆောင်ကြီး ဗိုလ်ချုပ်အောင်ဆန်းသည် လူသားတစ်ယောက်အနေဖြင့် သနားစရာ ကောင်းလှသည်ပါ တကားဟု စိတ်ထဲမှ ကျိတ်၍ မှတ်ချက်ချမိပါသည်။

သူစားပြီးသွားသည်နှင့် ကျွန်တော်လည်း ခပ်မြန်မြန်ပင် စားလိုက်ရပါသည်။ ကျွန်တော် စားပြီးသည်ကို မြင်လျှင် ဗိုလ်ချုပ်သည်

“ဟေ့ကောင် ပိုက်ဆံ ရှင်းပေးလိုက်လေကွာ၊ ငါတို့ သွားကြမယ်” ဟု ပြောရာ ကျွန်တော်လည်း -

“ရှင်းပြီးပါပြီ ဗိုလ်ချုပ်၊ စောစောက စားစရာမှာရင်း တခါတည်း ငွေရှင်းပေးခဲ့ပါတယ်”

ဟု ပြောပြောဆိုဆို ဆိုင်ရှင်ကုလားနှင့် ကြိုတင် စီစဉ်ထားသည့်အတိုင်း အချက်ပြ ခေါ်လိုက်ရာ ဆိုင်ရှင်သည် ခပ်သွက်သွက်လျှောက်လာပြီး ဗိုလ်ချုပ်အား ရိုသေစွာ ဆလံပေး အလေးပြုရင်း -

“ပိုက်ဆံ ရှင်းပြီးပါပြီ”ဟု ပြုံး၍ ပြောပါသည်။

သည်တော့မှ ဗိုလ်ချုပ်သည် ကျေနပ်သွားဟန်ဖြင့် ခေါင်းညိတ်ပြီး ထိုင်ရာမှ ထလိုက်ပါသည်။

“ဘယ့်နှယ်လဲ ဗိုလ်ချုပ်၊ စားလို့ ကောင်းပါရဲ့ လား”

ကျွန်တော်က ဆိုင်ရှင်ရှေ့ တွင်ပင် မေးလိုက်သောအခါ ဗိုလ်ချုပ်က -

“အေးကွ၊ မစားရတာ ကြာလို့လား မသိဘူး၊ အလွန် စားလို့ကောင်းတယ်”

ဟု ပြုံး၍ ပြောသည်ကို ဆိုင်ရှင် ကုလားသည် သဘောကျသွားပုံ ရပါသည်။

ထို့နောက် ဆရာတပည့်နှစ်ဦး ကားပေါ်တက်ကြပြီး ကျွန်တော်သည် ဗဟန်း တာဝါလိန်းလမ်း (နတ်မောက်လမ်း) နေအိမ်သို့ မောင်းပြန်လာခဲ့ပါသည်။ နောက်တစ်နေ့ နံနက်ကျမှ ကျွန်တော်သည် ရုံးချိန်မတိုင်မီ မဂိုလမ်း (ရွှေဘုံသာလမ်း) ပလာတာဆိုင်သို့ အမြန်သွားပြီး ဗိုလ်ချုပ်နှင့် ကျွန်တော်တို့ စားခဲ့သော ပလာတာနှင့် ခပတ်ဖိုး ကျသင့်ငွေကို ရှင်းပေးလိုက်ရပါသည်။

ဒီအဖြစ်အပျက်လေးကို ကျွန်တော်ရေးရင်း သမိုင်းပညာရှင်ကြီး ပြောသလို အသေးအဖွဲ ကိုယ်ရေးကိုယ်တာ ကိစ္စလေးတွေကလည်း ကာယကံရှင်ပုဂ္ဂိုလ်ရဲ့  ပင်ကိုယ်စရိုက် သဘာဝ ကို ပေါ်လွင်စေတယ်ဆိုတဲ့ အဆိုအမိန့်ကို အလေးအနက် ထောက်ခံမိပါတော့သည်။

ဗိုလ်ထွန်းလှ (တက္ကသိုလ် နေ၀င်း)
MAUKKHAသတင်းမှ ကူယူဖေါ်ပြပါသည်။

တိုင်းရင်းသားအားလုံး တန်းတူ အခွင့်အရေးရဖို့ အရေးကြီးကြောင်း ဒေါ်အောင်ဆန်းစုကြည်ပြော

မြန်မာနိုင်ငံမှာ တိုင်းရင်းသားအားလုံး ဥပဒေပါ အခွင့်အရေးတွေအတိုင်း ညီတူညီမျှ ခံစားခွင့်ရဖို့နဲ့ နိုင်ငံရေးမှာ တိုင်းရင်းသားအားလုံး ပါဝင်ခွင့်ရဖို့ အထူး အရေးကြီးကြောင်း ဒီကနေ့ ကျရောက်တဲ့ ၆၄ နှစ်မြောက် ပြည်ထောင်စုနေ့မှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောကြားလိုက်ပါတယ်။

ရန်ကုန်မြို့က NLD ဌာနချုပ်ရုံးမှာ ဒီကနေ့ နေ့လည်က ကျင်းပခဲ့တဲ့ ပြည်ထောင်စုနေ့ အခမ်းအနားမှာ ဒေါ်အောင်ဆန်းစုကြည်က အခုလို ပြောကြားလိုက်တာပါ။

ဒေါ်အောင်ဆန်းစုကြည်ရဲ့ ပြည်ထောင်စုနေ့ မိန့်ခွန်းနဲ့ ပတ်သက်လို့ NLD ပြန်ကြားရေးအဖွဲ့ဝင် ဦးအုန်းကြိုင်က RFA ကို အခုလို ပြောပါတယ်။

“အထွေထွေ အတွင်းရေးမှူး ဒေါ်အောင်ဆန်းစုကြည်က ပြောသွားရာမှာ ဒီကနေ့ အလိုအပ်ဆုံးဟာ အမျိုးသားပြန်လည် သင့်မြတ်ရေးနဲ့ ပြည်ထောင်စုတိုင်းရင်းသားအားလုံး ညီညွတ်ဖို့ဖြစ်တယ်၊ အဲဒီလို ညီညွတ်ဖို့ဆိုရင် တရားဥပဒေ စိုးမိုးဖို့လိုတယ်၊ ဥပဒေပါ အခွင့်အရေးတွေကို တိုင်းရင်းသားအားလုံး တန်းတူရည်တူ ညီတူညီမျှ ခံစားခွင့် ရကြဖို့ အရေးကြီးတယ်၊ နိုင်ငံရေးဆောင်ရွက်တဲ့နေရာမှာလည်း တိုင်းရင်းသားအားလုံး ပါဝင်နိုင်အောင် ကျယ်ကျယ်ပြန့်ပြန့် ဆောင်ရွက်ရမယ်၊ အဲလိုပါဝင်နိုင် အလုပ်လုပ်နိုင်ကြမှသာ စစ်မှန်တဲ့ တိုင်းရင်းသားညီညွတ်ရေး ရမယ်၊ အလုပ်လုပ်တဲ့ နေရာမှာလည်း မှန်ကန်တဲ့စေတနာနဲ့၊ ဇွဲသတ္တိ ရှိရှိနဲ့ အောင်မြင်ရမယ်ဆိုတဲ့ သံန္နိဋ္ဌာန်နဲ့ ကြိုးပမ်းမှသာ ပြည်ထောင်စုစိတ်ဓာတ် ရှင်သန်ရေးနဲ့ တကယ့် တိုင်းရင်းသား သွေးစည်းညီညွတ်ရေး ရမှာဖြစ်တယ်လို့ ပြောသွားပါတယ်”

NLD ဒု-ဥက္ကဋ္ဌ ဦးတင်ဦးကလည်း လွတ်လပ်ရေး ဖခင်ကြီး ဗိုလ်ချုပ်အောင်ဆန်း ဆောင်ရွက်ပေးခဲ့တဲ့ ပင်လုံစိတ်ဓာတ်ကြောင့် မြန်မာနိုင်ငံက တိုင်းရင်းသားအားလုံး လွတ်လပ်ရေး ရခဲ့တာလို့ ပြောပါတယ်။

NLD ရုံးချုပ်မှာ ပြည်ထောင်စုနေ့ အခမ်းအနား ကျင်းပသလို ပြည်ထောင်စုစိတ်ဓာတ်၊ ပင်လုံစိတ်ဓာတ် ရှင်သန်ထက်မြက်ဖို့ အမျိုးသားရင်ကြားစေ့ရေး အကောင်အထည် ဖော်နိုင်ရေးအတွက် နိုင်ငံရေးအရ အဓိပ္ပါယ်ပြည့်ဝတဲ့ တွေ့ဆုံဆွေးနွေးရေး အမြန်ဆုံး ကျင်းပဖို့နဲ့၊ သံဃာတော်တွေ၊ တိုင်းရင်းသား ခေါင်းဆောင်တွေ၊ ကျောင်းသားခေါင်းဆောင်တွေ အပါအဝင် နိုင်ငံရေးအကျဉ်းသား အားလုံး ခြွင်းချက်မရှိ အမြန်ဆုံး လွှတ်ပေးဖို့လည်း အမျိုးသား ဒီမိုကရေစီအဖွဲ့ချုပ်က ကြေညာချက်ထုတ်ပြန် တောင်းဆိုလိုက်ပါတယ်။

ဒီနေ့ အခမ်းအနားကို ဦးဝင်းတင်နဲ့ ဗဟိုအလုပ်အမှုဆောင်တွေ အပါအဝင် အမေရိကန်၊ ဗြိတိန် စတဲ့ နိုင်ငံတကာ သံတမန်တွေ၊ တိုင်းရင်းသား ခေါင်းဆောင်တွေ၊ CRPP ပြည်သူ့လွှတ်တော် ကိုယ်စားပြု ကော်မတီဝင်တွေနဲ့ ဝါရင့် နိုင်ငံရေးသမားကြီးတွေ တက်ရောက်ကြသလို ကျန်းမာရေးကြောင့် အချိန်အတန်ကြာ NLD ရုံးကို မလာနိုင်တဲ့ NLD ဥက္ကဋ္ဌ ဦးအောင်ရွှေလည်း ရောက်လာခဲ့ပါတယ်။

အခမ်းအနားမှာ ကဗျာ၊ ကာတွန်း၊ ဆောင်းပါး၊ဝတ္ထုတိုတွေ ပြသထားတဲ့ နံရံကပ် ပိုစတာပြပွဲကို မနက် (၈) နာရီက စပြီး ဖွင့်လှစ် ပြသခဲ့ပါတယ်။ ဒါ့အပြင် ကရင် ဒုံးယိမ်းအက၊ အိုးစည်အကတွေနဲ့ ဖျော်ဖြေပြီး နာမည်ကျော် တေးရေးဆရာနဲ့ အဆိုတော်တွေရဲ့ ပြည်ထောင်စုစိတ်ဓာတ် အခြေခံသီချင်းတွေလည်း သီဆိုခဲ့ကြပါတယ်။ အခမ်းအနားကို မနက် ၁၁ နာရီကနေ နေ့လည် ၃ နာရီအထိ ကျင်းပခဲ့ပြီး ညနေပိုင်းမှာ ပြည်ထောင်စုနေ့ ညစာစားပွဲကို NLD ရုံးမှာပဲ ပြုလုပ်ခဲ့တယ်လို့ သိရပါတယ်။RFAသတင်းမှ ကူးယူဖေါ်ပြပါသည်။