တပ်မှူးတပ်သား ပြောစကား

တပ်မှူးတပ်သား ပြောစကား (၀၁၈)

မြန်မာနိုင်ငံလွတ်လပ်ရေးရပြီးနောက်ပိုင်း ခေတ်သစ် မြန်မာ့တပ်မတော်မှာ စစ်သည်တော်ကျင့်ဝတ်တွေကို အတိအကျ ပြဌာန်းခဲ့ပြီး အရာရှိစစ်သည်တွေအနေနဲ့ စစ်သည်တော်ကျင့် ၀တ်တွေကို အပြည့်အ၀လိုက်နာစောင့်ထိန်းကြဘို့ အထက်တပ်မှူးအဆင့်ဆင့်တွေက အမြဲလိုသွန်သင်ဆုံးမခဲ့ကြပါတယ်။ စစ်သည်တော်ကျင့်ဝတ်ပေါင်း(၆၀)ကို အခုအခါ တပ်မတော် ထဲမှာ တည်ဆဲ ပြဌာန်းထားဆဲပဲလားလို့ အငြိမ်းစား ဒုတိယဗိုလ်မှူးကြီးအေးမြင့်နဲ့ ဗီအိုအေ၀ိုင်းတော်သား ဦးရော်နီညိမ်းတို့ မေးမြန်းဆွေးနွေးထားကြပါတယ်။ ၁၉၆၁ခုနှစ် OTS ဗိုလ် သင်တန်းအပတ်စဉ်(၂၆)က ဆင်းပြီး အရှေ့ မြောက်တိုင်းစစ်ဌာနချုပ်မှာ စစ်ဦးစီးမှူး(ပထမတန်း) တာဝန်ထမ်းဆောင်ခဲ့သူ နဲ့ “မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး” ABSDF ကျောင်းသားတပ်မတော်ရဲ့ လေ့ကျင့်ရေးမှူးချုပ် တာဝန်ယူခဲ့သူလည်း ဖြစ်တဲ့ အငြိမ်းစား ဒုတိယဗိုလ်မှူးကြီးအေးမြင့်ရဲ့ပြောစကားတွေကို၊ ဒီတစ်ပတ် “တပ်မှူးတပ် သား ပြောစကား” အပတ်စဉ်ကဏ္ဍမှာ ထုတ်လွှင့်လိုက်ပါတယ်။

ဦးရော်နီညိမ်း။ ။ ဗိုလ်မှူးကြီးအေးမြင့်တို့ခေတ်က စစ်သည်တော်ကျင့်ဝတ်နဲ့ ပတ်သက်ပြီးတော့ အထက်တပ်မှူးတွေက အောက်ကတပ်မှူးတွေကို ဘယ်လိုများ ညွှန်ကြားသွန် သင်ပြီးတော့ ဒီအောက်က တပ်မှူးတပ်သားတွေကလည်း စစ်သည်တော်ကျင့်ဝတ်ပေါ်မှာ လိုက်နာကြဖို့အတွက် လိုလိုလားလား ရှိခဲ့သလဲ ဆိုတာကို နည်းနည်းရှင်းပြပေးပါ ခင်ဗျား။

ဒုတိယဗိုလ်မှူးကြီး အေးမြင့်။ ။ ကျနော်တို့ တပ်ထဲရှိစဉ်တုန်းကတော့ စစ်သည်တော်ကျင့်ဝတ်ဆိုတာ ကာကွယ်ရေးဦးစီးချုပ်ပေါ့ဗျာ။ စစ်ဦးစီးချုပ် အဲဒီတုန်းက ဗိုလ်ချုပ်ကြီးနေ ၀င်းကိုယ်တိုင်က သတ်မှတ်ညွှန်ကြားပြီးတော့ ပြဌာန်း ထုတ်ဝေထားတဲ့ စစ်သည်တော်ကျင့်ဝတ် (၆၀) ပါ။ လူတိုင်း အရာရှိ အရာခံ အကြပ် တပ်သားတိုင်း အားလုံးကို လိုက်နာဖို့ အ တွက်ကို သူကိုယ်တိုင်က သေသေချာချာ ကွပ်ကဲမှုအဆင့်ဆင့်ကို စေ့ဆော် သွန်သင် ညွှန်ကြားခဲ့တယ် ခင်ဗျ။ အဲ..ဦးစီးချုပ် ကိုယ်တိုင်ကတော့ သူကိုယ်တိုင် ညွှန်ကြားခဲ့တဲ့ စည်းမျဉ်း စည်းကမ်း ဥပဒေတွေကို လိုက်နာရန် ပျက်ကွက်ခဲ့ပေမယ့်လို့လည်းပဲ ကွပ်ကဲမှုအောက်မှာရှိတဲ့ အရာရှိ အရာခံ အကြပ် တပ်သားများ အားလုံးလိုက်နာဖို့ကို တော့ဖြင့် စေ့ဆော်သွန် သင်ခဲ့ပါတယ်။ ငါပြောသလိုလုပ်၊ ငါလုပ်သလိုမလုပ်နဲ့ ဆိုတဲ့ ညွှန်ကြားချက်နဲ့လည်းပဲ ကြားဖူးနားဝ ရှိခဲ့ပါတယ် ခင်ဗျ။

ဦးရော်နီညိမ်း။ ။ ဟုတ်ကဲ့ ဗိုလ်မှူးကြီးခင်ဗျား၊ ဒီတော့ စစ်သည်တော်ကျင့်ဝတ်က စစ်ရေးချုပ်ရုံး ကလာမယ် ထင်ပါတယ်။ အဲဒီလိုမျိုး သတ်မှတ်ပြဌာန်းတာ ဘယ်ခုနှစ်လောက် မှာ စခဲ့တယ်လို့ ဗိုလ်မှူးကြီး သိထားပါသလဲ၊ နောက် ဗိုလ်မှူးကြီးတို့ တပ်ထဲဝင်တဲ့အချိန်မှာ ဒါဟာ ပြဌာန်းပြီးသား ဖြစ်နေပါပြီလား ခင်ဗျား။ ဒီအချက် (၆၀) ဟာ။

ဒုတိယဗိုလ်မှူးကြီး အေးမြင့်။ ။ ၁၉၅၃ ခုနှစ်လောက်က စတင်ပြဌာန်းခဲ့တာဆိုတော့ ကျနော်က တပ်ထဲကို ၁၉၅၅ ခုမှာ ရောက်တဲ့ အတွက် ကျနော်တို့ တပ်ထဲ ရောက်တဲ့အ ချိန်မှာ အဲဒီ စစ်သည်တော်ကျင့်ဝတ်(၆၀)ဟာ ပြဌာန်းထားပြီးသားဖြစ်ပြီးတော့ လိုက်နာကျင့်ကြံကြတဲ့ အနေအထားမှာရှိတာကို တွေ့ရပါတယ်။

ဦးရော်နီညိမ်း။ ။ ဟုတ်ကဲ့ ခင်ဗျား။ ဗိုလ်မှူးကြီးရဲ့ အတွေ့အကြုံအရ ဒီစစ်သည်တော်ကျင့်ဝတ်ကို အခြားအဆင့်စစ်သည် အနေအထားမှာရော နောက်တစ်ခါ အရာရှိဖြစ်လာတဲ့ အနေအထားမှာရော ဘယ်လိုတွေ လိုက်နာခဲ့ကြတယ် ဘယ်လိုတွေ ဆောင်ရွက်ခဲ့ကြတယ်ဆိုတဲ့ ကိုယ်တွေ့လေးတွေနဲ့ပါ ဗိုလ်မှူးကြီး ပြောပြပေးပါခင်ဗျား။

ဒုတိယဗိုလ်မှူးကြီး အေးမြင့်။ ။ အဲဒီအချိန်တုန်းက တပ်မတော်ရဲ့အနေအထားက စစ်ရုံးချုပ်ရဲ့ ကွပ်ကဲမှု အောက်မှာ စစ်တိုင်းကြီးနှစ်တိုင်းရဲ့ တိုင်းမှူးတွေရယ်၊ တပ်မဟာ တပ် မင်းတွေရယ် ကွပ်ကဲမှု အဆင့်ဆင့်ရှိခဲ့တယ်ဗျာ။ အဲဒီ ကွပ်ကဲမှု အဆင့်ဆင့်ကနေပြီးတော့ စစ်သည်တော်ကျင့်ဝတ်(၆၀) ကိုလိုက်နာကျင့်သုံး လှုပ်ရှားခဲ့ရတဲ့ အနေအထားမှာ ကျနော် တို့ ရဲဘော်ဘ၀တုန်းက ကတည်းကပေါ့လေ၊ ဒါကို အလေးအနက်ထားပြီးတော့ လိုက်နာကျင့်သုံးခဲ့ ရပါတယ်။ အဲဒီတော့ ကွပ်ကဲမှု အဆင့်ဆင့်အရ ဆိုရင် ကျနော်တို့ရဲ့ စစ်ခေါင်း ဆောင်အကြီးအကဲများအနေနဲ့ စစ်သည်တော်ကျင့်ဝတ်ကို သတ်မှတ် ညွှန်ကြား စေ့ဆော် တိုက်တွန်းတဲ့ နေရာမှာ ပညတ်ချက်တွေ၊ အမိန့်ညွှန်ကြား ချက်တွေ အဆိုအမိန့်တွေ နဲ့ပါ ကျနော်တို့ကို စေ့ဆော် ဆုံးမ သွန်သင်ခဲ့ကြပါတယ် ခင်ဗျား။ ဘာပဲလုပ်လုပ် ဘာပဲ ကိုင်ကိုင် ကျနော်တို့ တစ်တွေဟာ စစ်သည်တော်အားလုံးဟာ ပြည်သူလူထုရဲ့ဆန္ဒကို အစဉ်ထာဝ ရ ဦးထိပ်ထားရမယ်လို့ သွန်သင်ခဲ့ပါတယ်။ ပြည်သူ့ဆန္ဒနဲ့အညီ နေထိုင် ကျင့်ကြံ သွားကြဖို့ ကိုလည်း ကျနော်တို့ကို စေ့ဆော် ဆုံးမ သွန်သင်ခဲ့ကြပါတယ်။

ဒုတိယဗိုလ်မှူးကြီး အေးမြင့်။ ။ ပြည်သူ့ဆန္ဒနဲ့ ညီရင် မင်းတို့ ရဲ့လုပ်ရပ်တွေဟာ မှန်တယ်။ ပြည်သူ့ဆန္ဒနဲ့ မညီတာနဲ့ မင်းတို့ရဲ့လုပ်ရပ်တွေ မှားပြီလို့သာ မှတ်တော့၊ မင်းတို့ ပြည်သူကို ဆက်ဆံတဲ့နေရာမှာ ပြည်သူတွေရဲ့မျက်နှာ ကြည်သာရွှင်ပျဖို့ လိုတယ်။ ပြည်သူတွေရဲ့မျက်နှာ ကြည်သာရွှင်ပျမှု မရှိဘူးဆိုရင် မင်းတို့ရဲ့ကျင့်ဝတ်တွေဟာ ပျက်ပြားစပြုနေပြီ လို့သာမှတ်၊ မင်းတို့ ပြည်သူကို ဆက်ဆံတဲ့နေရာမှာ ပြည်သူနဲ့ တစ်သားတည်း ရှိနေစေရမယ်။ ပြည်သူတို့ မပြုံးတာဟာ မမဲ့ရဲလို့မှတ်၊ ပြည်သူတို့ မဲ့လာတဲ့တစ်နေ့ကျရင်တော့ မင်းတို့ ဟာ စစ်တပ်လို့ တောင် ခေါ်လို့မရတော့ဘူး၊ လက်နက်ကိုယ်စီ ကိုင်ထားတဲ့လူရမ်းကား တစ်စုဖြစ်သွားပြီလို့ အဲဒီလိုကို ကျနော်တို့ကို ဥပမာ၊ ဥပမေယျ တွေနဲ့ ပေါ့ဗျာ၊ သေသေချာချာ လေးကို သွန်သင်ဆုံးမ ညွှန်ကြားခဲ့ကြပါတယ်။

ဦးရော်နီညိမ်း။ ။ ဟုတ်ကဲ့ ဗိုလ်မှူးကြီး ခင်ဗျား၊ ဗိုလ်မှူးကြီး အဲဒီ စစ်သည်တော်ကျင့်ဝတ်(၆၀)ထဲမှာ ဗိုလ်မှူးကြီးရဲ့ တပ်တွင်းမှာ ကျော်ဖြတ်လာခဲ့တဲ့ အတွေ့အကြုံအရ ဘယ်အ ချက်က အရေးအကြီးဆုံးလို့ ဗိုလ်မှူးကြီး ထောက်ပြလိုပါသလဲ ခင်ဗျား။ ဘယ်ဟာကတော့ ဒါသိပ်ကို အရေးကြီးတယ်၊ ကျန်တာက နည်းနည်းပါးပါး ပျက်ကွက်ရင် တောင်ရသေးတယ်၊ ဒါမျိုးကတော့ လုံးဝမရဘူး ဆိုတာမျိုး ဗိုလ်မှူးကြီး မြင်တဲ့ဟာကို ပြောပြပေးပါလား ခင်ဗျား။

ဒုတိယဗိုလ်မှူးကြီး အေးမြင့်။ ။ အဓိက ကတော့ဗျာ ပြည်သူနဲ့ ဆက်ဆံတဲ့ နေရာမှာ ပြည်သူတွေ အပေါ်မှာ ရေလိုလလို ကျင့်ရမယ်တဲ့၊ ဒါကျနော်တို့ကို သေချာညွှန်ကြားတာ၊ ဒါပေမယ့် ဒီနေ့တပ်မတော်ကတော့ ပြည်သူတွေကို မီးလိုနေလိုကျင့်နေတယ်လို့ ကျနော်တော့ အဲဒီလို မြင်တယ်ဗျာ။ အဲဒီတော့ တော်တော့်ကို ဆန့်ကျင်ဘက် ဖြစ်နေပါတယ်။ ဟိုတုန်း ကဆိုလျှင် ကျနော်တို့ရဲ့ခံယူချက်က “ပြည်သူသာလျှင်အမိ ပြည်သူသာလျှင် အဖ”၊ ဒီနေ့ နအဖ တစ်ဖြစ်လဲ န၀တ တပ်မတော်ကတော့ဗျာ “တပ်မတော်သာလျှင် အမိ တပ်မတော်သာ လျှင် အဖ” ဆိုပဲဗျ၊ ဒီနေ့တော့ ဗျ၊ ဟိုတုန်းကနဲ့မတူ တစ်မူထူးပြီးတော့ လုပ်စားနေကြလေရဲ့။

ဦးရော်နီညိမ်း။ ။ ဟုတ်ကဲ့ခင်ဗျား ဗိုလ်မှူးကြီး ၊ ဗိုလ်မှူးကြီးရဲ့ အတွေ့အကြုံအရပေါ့၊ ဗိုလ်မှူးကြီးရဲ့ မျက်စေ့ထဲ မှာ ကိုယ်တိုင်မြင်တွေ့ခဲ့ရတဲ့ ကိုယ့်အထက်တပ်မှူးတွေ ဒီလိုမျိုး စစ်သည်တော်ကျင့်ဝတ်တွေနဲ့ အကုန်လုံး မဟုတ်တောင်မှ ရာနှုန်းပြည့်နီးပါး မဟုတ်တောင်မှ ရာခိုင်နှုန်း တော်တော်များများ အဲဒါတွေနဲ့ ညီညွတ်ပြီးတော့ နေထိုင်ပြုမူ လက်အောက် ငယ်သားတွေကိုလည်း ကျင့်ကြံဆောင်ရွက်သွားတဲ့ တပ်မှူး တစ်ယောက်နှစ်ယောက်လောက်ကို ကျနော်တို့ကို နမူနာ ပြောပြပါလား ခင်ဗျား။

ဒုတိယဗိုလ်မှူးကြီး အေးမြင့်။ ။ ဟိုတုန်းကတော့ဗျာ ကျနော်တို့ တပ်ထဲမှာဆိုရင် ဟုတ်လား၊ အများဆုံး စစ်ရေးနဲ့ပတ်သက်တာရော အုပ်ချုပ်ရေးနဲ့ ပတ်သက်တာရော ဆိုလို့ ရှိရင်တော့ ဟိုတုန်းက ဗိုလ်မှူးကြီးချစ်မြိုင်တို့ ဗိုလ်မှူးချုပ်ကျော်ဇောတို့ ဗိုလ်ချုပ်ကြီးသူရတင်ဦးတို့ ဒီပုဂ္ဂိုလ်တွေကတော့ တကယ့်ကို စစ်သည်တော်ကျင့်ဝတ်နဲ့အညီ နေထိုင်ကျင့်ကြံ သွားတဲ့ စစ်ခေါင်းဆောင်တွေလို့ ကျနော်တော့ မှတ်ယူခဲ့ပါတယ် ခင်ဗျား။

ဦးရော်နီညိမ်း။ ။ ဟုတ်ကဲ့ ဗိုလ်မှူးကြီး အဲဒီလိုမျိုး စစ်သည်တော်ကျင့်ဝတ်နဲ့ ပြည့်စုံတဲ့ တပ်မှူးခေါင်းဆောင်တွေလို့ မြင်ခဲ့သလိုပဲ မပြည့်စုံဘူး၊ မပြည့်စုံတဲ့ ပုဂ္ဂိုလ်ထဲမှာမှ တော် တော်ဆိုးဆိုးရွားရွားပေါ့၊ တပ်မတော်အတွက်ကော တိုင်းပြည်အတွက်ကော တော်တော်လေးကို မကောင်းခဲ့တဲ့ ဒီစစ်သည်တော်ကျင့်ဝတ်(၆၀) နဲ့ ဆန့်ကျင်တဲ့ ပုဂ္ဂိုလ်မျိုးကော ဗိုလ်မှူး ကြီး ပြောပြချင်တာ ရှိပါသေးလားခင်ဗျား။

ဒုတိယဗိုလ်မှူးကြီး အေးမြင့်။ ။ ပွင့်ပွင့်လင်းလင်း ရိုးရိုးသားသား ပြောပြရရင်တော့ဗျာ၊ စစ်သည်တော်ကျင့်ဝတ်(၆၀)ကို သူကိုယ်တိုင်ထုတ်ပြီးတော့ သူကိုယ်တိုင် တိတိကျကျ မလိုက်နာခဲ့တဲ့ပုဂ္ဂိုလ်ကတော့ အဲဒီအချိန်က စစ်ဦးစီးချုပ် ဗိုလ်ချုပ်ကြီးနေ၀င်းပေါ့ဗျာ၊ အခု သွားလေသူ ဦးနေ၀င်းလို့ပဲ ပြောရမှာပဲခင်ဗျ။

ဦးရော်နီညိမ်း။ ။ ဟုတ်ကဲ့ ဗိုလ်မှူးကြီး၊ အဲဒီတော့ ဒီစစ်သည်တော်ကျင့်ဝတ်လိုက်နာမှု အပိုင်းမှာ၊ မလိုက်နာလို့ ၊ တပ်မှူးတွေကနေမှ မလိုက်နာတဲ့ လက်အောက်ငယ်သားကို အရေးယူအပြစ်ပေးတာမျိုးကော ဗိုလ်မှူးကြီး ကြုံတွေ့ မြင်ခဲ့ဖူးပါသလား ခင်ဗျ၊ အတွေ့အကြုံအရ ပေါ့လေ။

ဒုတိယဗိုလ်မှူးကြီး အေးမြင့်။ ။ ဟိုတုန်းက တပ်မတော်ကတော့ဗျာ ကွပ်ကဲမှု အဆင့်ဆင့်က ပီပြင်တယ်လေ၊ ခေါင်က ဦးစီးချုပ် အသုံးမကျပေမယ့်လို့ ဒီ ကွပ်ကဲမှုအောက်မှာရှိ နေကြတဲ့ တိုင်းမှူးတွေ တပ်မမှူးတွေဟာ အဆင့်ဆင့် ကြပ်ကြပ်မတ်မတ် ကွပ်ကဲကြတော့ တပ်မတော်ကြီးဟာ ကနေ့လို ပရမ်းပတာတော့ မဖြစ်ဘူးခင်ဗျ။ အရေးယူစရာရှိလည်း အရေး ယူခဲ့တာတွေ အများကြီး ရှိပါတယ်။ ဒီနေ့ တပ်မတော်ကတော့ဗျာ၊ ဘာခေါ်မလဲ၊ ပရမ်းပတာနဲ့ တော်တော့်ကို အောက်ခြေလွတ်နေတဲ့ အနေအထားမျိုးရှိနေပါတယ်။ ပြောကြဟေ့ ဆို ရင်တော့ဗျာ၊ ဖက်ဆစ်ဂျပန်ထက်ကို ဆယ်ပြန်မက ရက်စက်တယ်၊ ပြည်တွင်းဖြစ် ဖက်ဆစ်စစ်တပ် သဘောမျိုးကို ဖြစ်နေတာ အင်မတန်မှ ၀မ်းနည်းဖို့ ကောင်းပါတယ်။

ဦးရော်နီညိမ်း။ ။ ဟုတ်ကဲ့ပါ ဗိုလ်မှူးကြီး။ ဗိုလ်မှူးကြီးဟာ အခြားအဆင့်စစ်သည်အဆင့်ကနေမှ အရာရှိဖြစ်လာတဲ့အခါကျတော့ ကွာခြားမှု ဘယ်လိုရှိလဲ ခင်ဗျ။ စစ်သည်တော် ကျင့်ဝတ်နဲ့ ပတ်သက်ပြီး အခြားအဆင့်စစ်သည်တွေ တော်တော်များများတော့ အရာရှိတွေက သွန်သင်ဆုံးမတဲ့အတွက်ကြောင့် လိုက်နာကြရတာ ပိုများပြီးတော့ အရာရှိတွေကိုယ်တိုင် ကျတော့ မလိုက်နာကြတာမျိုး ဗိုလ်မှူးကြီး ဘယ်လို နှိုင်းယှဉ်မိခဲ့ ပါသလဲခင်ဗျား၊ တပ်ထဲမှာနေခဲ့တဲ့ အတွေ့အကြုံအရ။

ဒုတိယဗိုလ်မှူးကြီး အေးမြင့်။ ။ ဟိုတုန်းက ကျနော်တို့က ဗိုလ်သင်တန်းကျောင်းမှာကတည်းက ကျနော်တို့ကို သွန်သင်ညွှန်ကြားလိုက်တာလေး တစ်ခုရှိတယ်ခင်ဗျာ။ “မင်းတို့ အရာရှိဖြစ်သွားတဲ့ အခါမှာတဲ့ အမှားတစ်ခုကို ဘယ်တော့မှ အမှားတစ်ခုနဲ့ ပြန်ပြီးမပြင်နဲ့တဲ့၊ အမှားတစ်ခုကို အမှားတစ်ခုနဲ့ ပြင်နေတဲ့ ကာလပတ်လုံး အမှန်မဖြစ်လာဘဲနဲ့ အမှားနှစ်ခု သာ ဖြစ်သွားမယ်တဲ့ “။ အဲဒီ သွန်သင်ချက်ကလေးက တော်တော့်ကိုကောင်းပါတယ်။ ကျနော်တို့ အရာရှိ ဖြစ်လာတဲ့အခါလည်း အဲဒီသွန်သင်ချက်ကလေးကို အတော်လေးကို အလေး ထားဂရုပြုပြီးတော့ အမှားတစ်ခုကို အမှားတစ်ခုနဲ့ မပြင်မိဖို့ ကျနော်တို့ အသေအချာလေး ထိန်းသိမ်းလှုပ်ရှားခဲ့ကြရပါတယ်။ ကျနော်တို့ ခေတ်တုန်းကတော့ဗျာ၊ အထက်အရာရှိရဲ့အ နေအထားပေါ့၊ အထက်အရာရှိရဲ့ဦးဆောင်မှု ခေါင်းဆောင်မှုကို အတုယူပြီး ကျနော်တို့ ကြိုးပမ်းလှုပ်ရှားခဲ့ကြရတာပဲဗျ၊ ကိုယ်ကိုယ်တိုင်ကတော့ Firm ဖြစ်ဖို့တော့လိုတာပေါ့ဗျာ၊ အရာ ရှိဖြစ်သွားပြီ တပ်မှူးတစ်ယောက်ဖြစ်သွားပြီးဆိုရင် Firm ဖြစ်ဖို့လိုတယ်၊ Firm ဖြစ်မှလည်းပဲ လက်အောက်ကို ကိုယ်က မှန်မှန်ကန်ကန် ကွပ်ကဲနိုင်တာကိုး။ အခုခေတ်ကတော့ဗျာ၊ ခေါင်က အစ မိုးမလုံတော့လည်း တံစက်မြိတ်မှာ ရွှဲနေတာကိုတော့ ဘယ်လိုမှ အပြစ်တင်လို့ မရတော့ဘူးပေါ့ဗျာ။

ဦးရော်နီညိမ်း။ ။ နောက်တစ်ခုက ဒီဗိုလ်မှူးကြီး ဒီတပ်ထဲကို မ၀င်ခင်ပေါ့နော်၊ ကိုယ်ဝင်မယ်ဆိုတဲ့ အဖွဲ့အစည်း ပေါ့နော်၊ ကိုယ်ယုံကြည်ကိုးစား လေးစားလို့ ၀င်တယ်၊ နောက် တစ်ခါ ဒီအဖွဲ့အစည်းရဲ့ခေါင်းဆောင်တွေကို ယုံကြည်လို့ဝင်တယ်၊ ၀င်ရုံတင် မကဘူး၊ အထဲရောက်တဲ့အခါကျတော့ ကိုယ်က ကြိုးစားတယ်၊ တပ်ထဲကို ရောက်တဲ့အခါကျတော့လည်း အခြားအဆင့်စစ်သည်ကနေ အရာရှိဖြစ်အောင်ကြိုးစားတယ်၊ ကြိုးစားတဲ့အတိုင်းလည်း ဖြစ်လာတယ်။ အဲဒီလိုမျိုး ကိုယ့်ဘ၀ကို တပ်မတော်သားဘ၀ တကယ့် professionalစစ်သား ဘ၀ကို တည်ဆောက်လာရာကနေ၊ ဗိုလ်မှူးကြီး ဘယ်အချိန်မှာ စပြီးတော့ စိတ်ပျက်မိပါသလဲ ခင်ဗျ။ ဒီတပ်မတော်ရဲ့ ဖြစ်ပျက်နေပုံပေါ့နော်၊ ဘယ်လိုအနေအထားမျိုးတွေ့ရလို့၊ ဥပမာ ဆိုလို့ရှိရင်၊ ကျနော် ဦးခင်မောင်ညွှန့်ကို မေးကြည့်တဲ့အခါကျတော့ သူ စိတ်စပျက်တာက တော့ တည်မြဲ-သန့်ရှင်းအကွဲမှာ တပ်က ဘက်လိုက်တာက စပြီးတော့မှ သူ ဒီတပ်ကို စိတ် ကုန်တယ်၊ အဲဒီအချိန်မှာ သူ ဗိုလ်သင်တန်းတောင် မပြီးသေးဘူး၊ ဒုတိယနှစ်လောက်ပဲ ရှိသေးတယ် ပြောပါတယ်ခင်ဗျ၊ အဲဒီလိုမျိုးပဲ ဗိုလ်မှူးကြီးမှာကော မှတ်မှတ်ထင်ထင် ဘယ်အ ချိန်ကစပြီးတော့ စိတ်ကုန်စိတ်ပျက်လာတဲ့ ခံစားမှုမျိုး ဖြစ်ပေါ်မိပါသလဲ ခင်ဗျား။

ဒုတိယဗိုလ်မှူးကြီး အေးမြင့်။ ။ ကျနော့်ရဲ့ စစ်မှုထမ်းသက် နှစ်(၃၀)နီးပါးကာလ တစ်လျှောက်လုံးမှာတော့ဖြင့်ရင် ကျနော်တို့ဟာ ၀ါသနာပါလို့ တပ်ထဲဝင်ကြတာကိုးဗျ။ ၀ါဿ နာဆိုတာကလည်းပဲ အဓိက လုံခြုံရေးနဲ့ ကာကွယ်ရေး တာဝန်တွေကိုထမ်းဆောင်ဖို့ ၀ါသနာပါတာကိုး၊ နိုင်ငံရေးနဲ့ ပတ်သက်လို့ ဒွေးရောယှက်တင် ပါဝင်ပတ်သက်တာမျိုး ကျနော်တို့ က အစကတည်းက စိတ်မ၀င်စားဘူး၊ လုပ်လည်း မလုပ်ခဲ့ဘူး၊ အဲဒီတော့ ခုနက ၁၉၅၈ ဖ.ဆ.ပ.လ အကွဲ အပြဲမှာ တပ်ထဲကဆိုရှယ်လစ်တပ်မှူးတွေ တစ်စခန်းထပြီးတော့ ဘက်လိုက် ကြတာမြင်တော့ နည်းနည်းတော့ စိတ်ပျက်တာပေါ့ဗျာ၊ မှန်တာပြောရရင်လည်းဗျာ၊ တပ်မတော်က ၁၉၄၅ ခုနှစ် Kandy စာချုပ်အရပေါ့ဗျာ၊ အရာရှိ (၂၀၀) အခြားအဆင့် (၅၂၀၀)နဲ့ နောက်ဆုံးပြန်လည် စုဖွဲ့ခဲ့တဲ့ ဗမာ့အမြဲတမ်းတပ်မတော်ကြီးမှာက၊ ဟိုး ဖက်ဆစ်ဂျပန်တော်လှန်ရေးကာလက မြစ်ဖျားခံပြီး ပါလာခဲ့တဲ့ အုပ်စုဖွဲ့မှုလေးတွေဟာ ရှိခဲ့တာကိုးဗျ။ ကွန်မြူ နစ်တွေရဲ့ စည်းရုံးမှုအောက်မှာရှိနေကြတဲ့ ကွန်မြူနစ် အစုအဖွဲ့တွေရယ်၊ ခုနက ကွန်မြူနစ်ကို ဆန့်ကျင်ပြီး စုဖွဲ့ခဲ့တဲ့ ဆိုရှယ်လစ်နွယ်ဝင် အစုအဖွဲ့တွေနဲ့၊ ကွန်မြူနစ်သြဇာကိုလည်းမခံ ဆိုရှယ်လစ်ကိုလည်းဘဲ မနှစ်မြို့ပဲနဲ့ပေါ့ ဗျာ၊ တိုင်းပြည်အတွက် တပ်မတော်အတွက် ပြည်သူ့အတွက် ဦးထိပ်ထားပြီးတော့ နေခဲ့ကြတဲ့ နိုင်ငံရေး အသွေးအရောင်ကင်းမဲ့တဲ့ အဖြူရောင် မျိုးချစ်တပ်မှူးတပ်သားတွေ သုံးမျိုးသုံးစား ဗျာ။ အဲဒီတုန်းကတည်းက တပ်မတော်ထဲမှာ ရှိခဲ့တာကိုးဗျ။

ဦးရော်နီညိမ်း။ ။ ၁၉၆၁ခုနှစ် OTS ဗိုလ်သင်တန်းအပတ်စဉ်(၂၆)ကနေ ဆင်းခဲ့ပြီးတော၊့ အရှေ့မြောက်တိုင်းစစ်ဌာနချုပ်မှာ စစ်ဦးစီးမှူး(ပထမတန်း)တာဝန်အထိ ထမ်းဆောင်ခဲ့ ဖူးတဲ့ အငြိမ်းစားဒုတိယဗိုလ်မှူးကြီးအေးမြင့်ကို ဆက်သွယ်မေးမြန်းတင်ဆက်ခဲ့တာပါ ခင်ဗျာ။ နောက်သီတင်းပတ် သြဂုတ်လ(၁)ရက် တနင်္ဂနွေနေ့မနက် "တပ်မှူးတပ်သားပြောစကား" အပတ်စဉ်ကဏ္ဍမှာ ဒုတိယဗိုလ်မှူးကြီးအေးမြင့်ရဲ့ ပြောစကားတွေကို ဆက်ပြီးထုတ်လွှင့်သွားမယ့်အကြောင်း သတင်းကောင်းပါးလိုက်ပါတယ်။ စောင့်မျှော် နားဆင်ကြပါ။ ကျနော် ရော်နီညိမ်းပါ။


VOA

မြောက်ကိုရီးယားဝန်ကြီး ခရီးစဉ် အမေရိကန် စိုးရိမ်

သောကြာ, 30 ဇူလိုင် 2010

မြောက်ကိုရီးယား နိုင်ငံခြားရေးဝန်ကြီး ပက်အုချမ်း (Pak Ui Chun) မြန်မာနိုင်ငံမှာ ရောက်နေချိန်မှာ ပွင့်ပွင့်လင်းလင်း မသိရတဲ့ ၂ နိုင်ငံဆက်ဆံရေးအပေါ် အမေရိကန်က စိုးရိမ်တယ်လို့ ထပ်ပြီးပြောလိုက်ပါတယ်။ မြန်မာနိုင်ငံကို ကြာသပတေးနေ့က ရောက်လာပြီး တနင်္ဂနွေနေ့အထိ ရှိနေမယ်လို့ ခန့်မှန်းရတဲ့ မြောက်ကိုရီးယား ဝန်ကြီးဟာ နေပြည်တော်မှာ နိုင်ငံခြားရေးဝန်ကြီး ဦးဉာဏ်ဝင်း၊ ဝန်ကြီးချုပ် ဦးသိန်းစိန်တို့နဲ့ တွေ့ဆုံဖို့ ရှိတယ်လို့ သံတမန် ရပ်ကွက်ကလာတဲ့ သတင်းတွေက ပြောပါတယ်။ ဒါပေမဲ့ ဘာတွေ ဆွေးနွေးကြမယ် ဆိုတာကတော့ မသိနိုင်ပါဘူး။

ထင်သာမြင်သာ မသိနိုင်တဲ့ မြန်မာနဲ့ မြောက်ကိုရီးယား ဆက်ဆံရေး အနေအထား အပေါ်မှာ စိုးရိမ်မကင်း ဖြစ်တယ် ဆိုတာကို အမေရိကန် နိုင်ငံခြားရေးဌာန ပြောခွင့်ရသူ PJ Crowley က မနေ့ ကြာသပတေးနေ့က ပြောပါတယ်။ နျူကလီးယား ဆိုင်ရာ တရားမဝင် ဆောင်ရွက်မှုတွေ ရှိနေတဲ့ မြောက်ကိုရီးယား နိုင်ငံနဲ့ ဆက်ဆံတဲ့ မြန်မာနိုင်ငံအနေနဲ့ နျူကလီးယား လက်နက် မပြန့်ပွားအောင် နိုင်ငံတကာက လိုက်နာရမယ့် ဝတ္တရားတွေအတိုင်း လိုက်နာမယ်လို့ မျှော်လင့်တယ်လို့လဲ သူကပြောပါတယ်။

မြောက်ကိုရီးယားနဲ့ မြန်မာဆက်ဆံရေးကိုလဲ အနီးကပ် စောင့်ကြည့်နေတယ်လို့ အမေရိကန်က ပြောပါတယ်။ မြောက်ကိုရီးယား နိုင်ငံခြားရေး ဝန်ကြီးရဲ့  မြန်မာနိုင်ငံ ခရီးစဉ်နဲ့ ပတ်သက်ပြီး ဒီနေ့ထုတ် မြန်မာအစိုးရ သတင်းစာတွေထဲမှာ တစုံတရာ ဖော်ပြတာ မတွေ့ရပါဘူး။ ဒါပေမဲ့ မြောက်ကိုရီးယား ခေါင်းဆောင် ကမ်ဂျုံအီးလ် (Kim Jong Il) ရဲ့ အကြောင်း စာရေးဆရာ ဟိန်းလတ်ရေးသားတဲ့ အထုပ္ပတ္ထိ စာအုပ်တွေကို မြောက်ကိုရီးယား သံရုံးက ကန့်ကွက်ခဲ့ပါတယ်။ စာအုပ်ထဲမှာရေးသားထားတဲ့ အကြောင်းအရာတချို့ မှားယွင်းနေတဲ့အတွက် ထုတ်ဝေပြီးသား စာအုပ်တွေကို မြောက်ကိုရီးယား သံရုံးတာဝန်ရှိသူတွေက သက်ဆိုင်ရာကို စာအုပ် ပြန် သိမ်းခိုင်းတာဖြစ်တယ်လို့ စာရေးဆရာ ဟိန်းလတ်ကပြောပါတယ်။

တကယ်တော့ ဒီစာအုပ်ကို စာပေစိစစ်ရေးရဲ့ ခွင့်ပြုချက်နဲ့ ထုတ်ဝေခဲ့တာလို့ သူက ပြောပါတယ်။ တရုတ် ကွန်မြူနစ်ပါတီ ခေါင်းဆောင်ဟောင်း တိန့်ရှောင်ဖိန်း ကစလို့၊ အမေရိကန်သမ္မတ Barack Obama အထိ ကမ္ဘာ့ခေါင်းဆောင်ပေါင်း ၂၅ ယောက်ရဲ့ အထုပ္ပတ္ထိတွေကို စာရေးဆရာ ဟိန်းလတ်က ရေးသားထုတ်ဝေခဲ့ဖူးပါတယ်။

VOA

နိုင်ငံရေးတာဝန် ထမ်းဦးမည်ဟု ဦးဝင်းထိန် ပြော

ဖနိဒါ | သောကြာနေ့၊ ဇူလိုင်လ ၃၀ ရက် ၂၀၁၀ ခုနှစ် ၂၀ နာရီ ၀၇ မိနစ် .
ချင်းမိုင် (မဇ္ဈိမ) ။ ။ ထောင်တွင်း အနှစ် ၂ဝ နီးပါး နေခဲ့ရသော်လည်း ဒေါ်အောင်ဆန်းစုကြည်၏ ရုံးအဖွဲ့တာဝန် ထမ်းဆောင်ခဲ့သူ ဦးဝင်းထိန်က အားမလျှော့ဘဲ နိုင်ငံရေးလုပ်ငန်းများ ဆက်လုပ်ဦးမည်ဟု ပြောသည်။

“ဟိုး လှုပ်ရှားမှု စကတည်းကိုက ဒေါ်အောင်ဆန်းစုကြည်ရဲ့ ရုံးကိစ္စတွေ လုပ်ပေးခဲ့ရတာကိုး။ ၉၅ မှာ လွတ်တဲ့အချိန်လည်း ဒါတွေပဲ လုပ်ခဲ့ရတယ်ဆိုတော့ ဒါတွေပဲ ရှေ့ဆက်လုပ်ရမလား မပြောတတ်ဘူး” ဟု အသက် ၆၉ နှစ်ရှိ ဦးဝင်းထိန်က ပြောသည်။

သို့သော် စစ်ကိုင်းတိုင်း ကသာအကျဉ်းထောင်မှ လွတ်မြောက်လာပြီးနောက် ကျန်းမာရေး ချို့ယွင်းလာခဲ့သဖြင့် အားကျိုးမာန်တက် လုပ်ဆောင်နိုင်ပါ့မလားဟူ၍ မိမိကိုယ်ကို မေးခွန်း ထုတ်နေမိသည်ဟုလည်း သူက ပြောသည်။



ဦးဝင်းထိန် (အကျီဖြူနှင့်) ထောင်မှလွတ်ပြီး ဦးတင်ဦးကို ဂါရဝပြု
“အဲဒါကို ကိုယ့်ကိုယ်ကို မေးနေတာ။ ဘာဖြစ်လို့လဲဆိုတော့ ၈၉ ခုနှစ်က ဒေါ်အောင်ဆန်းစုကြည်က တတိုင်းပြည်လုံး တောင်ဖျား၊ မြောက်ဖျားအထိ သွားတာတောင် ကျနော်က လိုက်ပါနိုင်တယ်။ အခုတော့ အဲဒီလောက် လုပ်ပေးနိုင်မလား သံသယဖြစ်တယ်။ သို့သော် အဲဒါကြောင့်မလို့ ငြင်းမယ်ဆိုတဲ့ သဘောထားတော့ မဟုတ်ပါဘူး” ဟု သူက ဆက်ပြောသည်။

တပ်မတော်တွင် ဗိုလ်ကြီးအဆင့်အဖြစ် တာဝန်ယူခဲ့ဖူးသူ ဦးဝင်းထိန်သည် ဒေါ်အောင်ဆန်းစုကြည်၏ ရုံးအဖွဲ့တာဝန် လုပ်ကိုင်ခဲ့ဖူးပြီး၊ ဒုဥက္ကဋ္ဌ ဦးတင်ဦး၏ ကိုယ်ရေးအရာရှိလည်း ဖြစ်ခဲ့ဖူးသည်။

ဦးဝင်းထိန် လွတ်လာချိန်တွင် ရွေးကောက်ပွဲ သပိတ်မှောက်ရေး၊ ဝင်ပြိုင်ရေးနှင့် ပတ်သက်၍ အန်အယ်ဒီနှင့် အန်ဒီအက်ဖ် ခေါ် အမျိုးသားဒီမိုကရေစီ အင်အားစုတို့ ကွဲပြဲနေချိန်လည်း ဖြစ်သည်။

“အန်ဒီအက်ဖ်နှင့် ပူးပေါင်းရန် အကြောင်းမရှို” ဟု ဦးဝင်းထိန်က ပြောသည်။

ဦးဝင်းထိန်ကို လွှတ်ပေးလိုက်ခြင်းမှာ အန်အယ်ဒီနှင့် အန်ဒီအက်ဖ် အကွဲအပြဲကို ထပ်မံ မီးထိုးပေးလိုက်ခြင်း ဖြစ်သည်ဟု ပြည်ထောင်စု ဒီမိုကရေစီပါတီ ဥက္ကဋ္ဌ ဦးဖြိုးမင်းသိန်းက ပြောသည်။

“အန်အယ်ဒီနဲ့ အန်ဒီအက်ဖ်တို့က အဆင်မချောဘူးလေ။ နှစ်ဖက်ဖြစ်နေတဲ့ “ကြက်လည်းပန်းစေ၊ ယာလည်း ညက်စေ” အခြေအနေပဲလေ။ ဗိုလ်ချုပ်မှူးကြီးသန်းရွှေကနေ ဒီမိုကရေစီအင်အားစုတွေ အချင်းချင်းချကြတဲ့ ပွဲကို ပိုပြီး အားဖြည့်ပေးနိုင်ဖို့လို့ ထင်တာပဲ။ ဦးဝင်းတင်၊ ဦးတင်ဦးတို့ဘက် အားဖြည့်ပေးလိုက်တဲ့ တပ်မှူးတယောက်ပေါ့ဗျ” ဟု ဦးဖြိုးမင်းသိန်းက ပြောသည်။

လွန်ခဲ့သည့် ၂၂ နှစ်အတွင်း ဦးဝင်းထိန်သည် နိုင်ငံရေးလှုပ်ရှားမှုကြောင့် ထောင်နှစ်ခါကျကာ ၁၉ နှစ်နှင့် ၈ လ နေခဲ့ရသည်။

သူသည် နှလုံး၊ နှလုံးသွေးကြောကျဉ်းရောဂါ၊ သွေးတိုး၊ အစာအိမ်၊ အရိုးကျီးပေါင်း စသည့် ရောဂါများ ခံစားနေရသည်။

သူသည် ၁၉၆၃ ခုနှစ် စစ်တက္ကသိုလ်ကျောင်းဆင်းကာ ၅ နှစ်ကြာ စစ်မှုထမ်းပြီးနောက် တပ်တွင်း အာဏာသ်ိမ်းရန် ကြံစည်မှုတွင် ပါဝင်မှုဖြင့် ထုတ်ပယ်ခံခဲ့ရသည်။

© Copyright 1998 - 2009 Mizzima News

သွေးမုန်တိုင်း၊ ရေး(ကိုမင်းကိုနိုင်)၊ ဆို - ကိုမွန်းအောင်

ဗိုလ်ကြီးဝင်းထိန်နှင့် အင်တာဗျူး

နိုဝင်ဘာတွင် လွတ်မည်ဟု ဒေါ်စုမျှော်လင့်

ဒေါ်အောင်ဆနုးစုကြည်ကို တရားရုံးက ပြစ်ဒဏ် ချမှတ်ခဲ့သောကြောင့် ထပ်မံ သက်တမ်းတိုးနိုင်မည် မဟုတ်ဟု ယူဆနေကြသည်။

ဆလိုင်း ဟံသာစန်း | ကြာသပတေးနေ့၊ ဇူလိုင်လ ၂၉ ရက် ၂၀၁၀ ခုနှစ် ၂၂ နာရီ ၁၇ မိနစ် .

နယူးဒေလီ (မဇ္ဈိမ) ။ ။ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က သူမအပေါ် ချမှတ်ထားသည့် ပြစ်ဒဏ်ကာလ ကုန်ဆုံးသည့် နိုဝင်ဘာလတွင်း လွတ်မြောက်မည်ဟု မျှော်လင့်နေသလို အမျိုးသား ဒီမိုကရေစီ အဖွဲ့ချုပ် ခေါင်းဆောင်များကလည်း မျှော်လင့်နေကြသည်။

အထူး အယူခံကိစ္စနှင့် နေအိမ်ပြင်ဆင်ရေး ကိစ္စများအတွက် ရန်ကုန် တက္ကသိုလ် ရိပ်သာလမ်းရှိ နေအိမ်တွင် ရှေ့နေများနှင့် ယမန်နေ့က တွေ့ဆုံခွင့်ရစဉ် ဒေါ်အောင်ဆန်းစုကြည်က ပြောဆိုခြင်း ဖြစ်သည်။

“နိုဝင်ဘာလမှာ သူ့ကို ပေးထားတဲ့ ပြစ်ဒဏ်က ကုန်သွားပြီ။ ဥပဒေ သဘောအရတော့ သူ့ကို ဆက်ပြီး ချုပ်နှောင်စရာ မရှိတော့ဘူး။ ဘာပြစ်မှုကိုမှ သူကျူးလွန်ခြင်းလည်း မရှိဘူး။ ဒါကြောင့် လွတ်မြောက်မယ်လို့ မျှော်လင့်တဲ့အကြောင်း ပြောပါတယ်” ဟု သူမ၏ ရှေ့နေ ဦးဥာဏ်ဝင်းက မဇ္ဈိမကို ပြောသည်။


ဒေါ်အောင်ဆနုးစုကြည်ကို တရားရုံးက ပြစ်ဒဏ် ချမှတ်ခဲ့သောကြောင့် ထပ်မံ သက်တမ်းတိုးနိုင်မည် မဟုတ်ဟု ယူဆနေကြသည်။
ဒေါ်အောင်ဆန်းစုကြည်နှင့် ရှေ့နေ ဦးဥာဏ်ဝင်း၊ ရှေ့နေ ဦးကြည်ဝင်းတို့ ယမန်နေ့ နေ့လည် ၁ နာရီမှ ၃ နာရီအထိ တွေ့ဆုံခွင့် ရရှိခဲ့သည်။

နေအိမ်အတွင်း တရားမဝင် ဝင်ရောက်လာသည့် အမေရိကန် နိုင်ငံသား ဂျွန်ယက်တောကို လက်ခံထားမှုဖြင့် ရန်ကုန်တိုင်း မြောက်ပိုင်းခရိုင် တရားရုံးက ဒေါ်အောင်ဆန်းစုကြည်ကို ပြီးခဲ့သည့်နှစ် သြဂုတ်လ ၁၁ ရက်နေ့တွင် ၁၉၇၅ ခုနှစ် နိုင်ငံတော်အား နှောင့်ယှက် ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့် ဥပဒေ ပုဒ်မ ၂၂ ဖြင့် အလုပ်ကြမ်းနှင့် ထောင်ဒဏ် ၃ နှစ် ချမှတ်ခဲ့သည်။

သို့သော် ဗိုလ်ချုပ်မှူးကြီး သန်းရွှေက နေအိမ်၌ပင် ဆိုင်းငံ့ပြစ်ဒဏ် ၁၈ လဖြင့် ထိန်းသိမ်းရန် ညွှန်ကြားခဲ့သည်။ ယင်းပြစ်ဒဏ်သည် ယခုနှစ် နိုဝင်ဘာလတွင် ပြည့်မြောက်မည် ဖြစ်သည်။

NLD ပါတီ ဗဟို အလုပ်အမှုဆောင် အဖွဲ့ဝင် ဦးဝင်းတင်က ယခုတကြိမ် ပြစ်ဒဏ်သည် တရားရုံးက ချမှတ်ထားခြင်း ဖြစ်သည့်အတွက် ယခင်ကာလများကဲ့သို့ သက်တမ်းတိုးခြင်း ပြုလုပ်နိုင်မည်မဟုတ်ဟု ယုံကြည်နေသည်။

“အခုက ဒေါ်အောင်ဆန်းစုကြည်ကို နိုင်ငံရေးပုဒ်မနဲ့ ထိန်းသိမ်းထားတာ မဟုတ်ဘူး။ သာမန်ပြစ်ဒဏ်နဲ့ အပြစ်ပေးထားတာ ဖြစ်တယ်။ အဲဒီတော့ သတ်မှတ်ကာလ ကုန်ဆုံးတဲ့အခါ လုံးဝကို လွှတ်ပေးရမှာ ဖြစ်တယ်။ ဒါကြောင့် လွတ်လာမယ်လို့ ယုံကြည်ထားတယ်” ဟု သူက ပြောသည်။

ပါတီ ဗဟိုအလုပ်အမှုဆောင်နှင့် ပြောရေးဆိုခွင့် ရှိသူလည်းဖြစ်သော ရှေ့နေ ဦးဥာဏ်ဝင်းက “ကျနော်တော့ လုံးဝ ယုံကြည်ပါတယ်။ လွှတ်ပေးရမှာပါ။ ဒီထက်စောပြီးတောင်မှ လွှတ်ပေးနိုင်ပါတယ်။ ဒါဟာ ဗိုလ်ချုပ်မှူးကြီး သန်းရွှေရဲ့ အမိန့်အပေါ် မူတည်ပြီး ကျနော် ပြောတာပါ” ဟု ပြောသည်။

နေအိမ် ပြန်လည်ပြင်ဆင်ခြင်းနှင့် ပတ်သက်၍ အိမ်မကြီး၏ ပျက်စီးသွားသော အစိတ်အပိုင်းများကို အင်္ဂတေဖြင့် ပြန်လည်၍ ဖာထေးထားသဖြင့် ထိုနေရာများကို ဆေးသုတ်ရန်နှင့် ယိုယွင်းနေသည့် မှန်များ လဲလှယ်တပ်ဆင်ရန် ကျန်ရှိနေသေးပြီး ခြံဝင်း လုံခြုံရေး ယူထားသည့် အာဏာပိုင်များက ယခုလအတွင်း အပြီးသတ် လုပ်ဆောင်ရန် ပြောကြားထားသည်။

“ကျနော်တို့ကတော့ တတ်နိုင်သမျှ မြန်အောင်လုပ်တယ်။ ကျန်နေတဲ့ လုပ်ငန်းတွေ ပြီးဖို့ကတော့ နောက်ထပ် ၃ ပတ်လောက် လိုသေးတယ်။ အဲဒါကို ဒေါ်အောင်ဆန်းစုကြည်က သူ့ရဲ့ အင်ဂျင်နီယာအဖွဲ့ကို စေ့စေ့စပ်စပ် တွက်ချက်ပြီးတော့ ထပ်မံ စာတင်ဖို့ ညွှန်ကြားပါတယ်”ဟု ဦးဥာဏ်ဝင်းက ပြောသည်။

ထို့ပြင် အထူးအယူခံ တက်ထားသည့် ကိစ္စရပ်များနှင့် ပတ်သက်၍လည်း ဒေါ်အောင်ဆန်းစုကြည်နှင့် ရှေ့နေများ ဆွေးနွေးခဲ့ကြပြီး လျှောက်လဲချက်ကို ရှင်းလင်းစွာ ရေးသားလျှောက်လဲရန် ညွှန်ကြားခဲ့သည်။

ဒေါ်အောင်ဆန်းစုကြည်က သူမအပေါ် ချမှတ်ထားသည့် ပြစ်ဒဏ်ပြင်ဆင်မှု အထူးအယူခံကို ပြီးခဲ့သည့် မေလ ၁ဝ ရက်နေ့တွင် ရန်ကုန် ဗဟိုတရားရုံးချုပ်သို့ တင်သွင်းခဲ့ရာ လက်ခံခဲ့သော်လည်း နှစ်ဖက်ရှေ့နေများ လျှောက်လဲရန် နေ့ရက်ကို တရားရုံးက ကြေညာခြင်း မရှိသေးပေ။

ဒေါ်အောင်ဆန်းစုကြည် လွတ်မြောက်လာပါက မြန်မာပြည်သူများက သူမနောက်သို့ တခဲနက် လိုက်ပါကြမည်ဟု ယုံကြည်ကြောင်း ဦးဝင်းတင်က ပြောသည်။

“ကျနော်တို့ အပါအဝင် တခြားလူတွေ ထောင်က လွတ်လာတဲ့အခါ ဝမ်းသာကြတယ်၊ လက်ခုပ်သြဘာ ပေးကြတယ်။ သို့သော် ကျနော်တို့ လွတ်မြောက်ခြင်းဟာ ပန်းပင်တပင်ထဲကို ရေလောင်းတဲ့ သဘောလောက်ပဲ ရှိတယ်။ လန်းဆန်းသွားတယ်ပေါ့ဗျာ။ ဒေါ်အောင်ဆန်းစုကြည် လွတ်မြောက်ခြင်းကျတော့ မိုးကြီး ရွာချလိုက်တဲ့အခါ တလောကလုံး စိမ်းစို လန်းဆန်းသွားပြီးတော့ သစ်ပင်ပန်းမာလ်တွေက အကုန်လုံး ရုန်းကန်နိုးကြားလာသလိုပဲ မြန်မာပြည်ရဲ့ နိုင်ငံရေး နိုးကြားမှုတွေဟာ အလွန်မြင့်မားတဲ့ ပုံသဏ္ဍာန်နဲ့ လူထုကြီးက အုံကြွပြီးတော့ ဒေါ်အောင်ဆန်းစုကြည်ကို ကြိုဆိုလိမ့်မယ်။ ဒေါ်အောင်ဆန်းစုကြည်ရဲ့ နိုင်ငံရေး ဦးဆောင်မှု နောက်ကို လူထုကြီးက တခဲနက် လိုက်ပါလိမ့်မယ်လို့ ယုံကြည်တယ်” ဟု သူက ပြောသည်။


© Copyright 1998 - 2009 Mizzima News. All Rights Reserved.[x] close

ရွေးကောက်ပွဲ တရားမျှတမှု ရှိမည်မဟုတ်ဟု ဒေါ်အောင်ဆန်းစုကြည်ပြော

ကိုထွေး Thursday, July 29, 2010


ရွေးကောက်ပွဲ ကျင်းပမည့် နေ့ရက်ကို ထုတ်ပြန် ကြေညာခြင်း မရှိသေး သောကြောင့် ပါတီများ စည်းရုံး လှုပ်ရှားရမည့် အချိန် နည်းပါးသဖြင့် ရွေးကောက်ပွဲသည် တရားမျှတမှု ရှိမည် မဟုတ်ကြောင်း ဒေါ်အောင်ဆန်းစုကြည်က ထပ်မံပြောဆိုသည်။


ရှေ့နေများ ဖြစ်သည့် ဦးကြည်ဝင်းနှင့် ဦးဉာဏ်ဝင်း တို့သည် ဒေါ်အောင်ဆန်း စုကြည်၏ နေအိမ်သို့ ယမန်နေ့ နေ့လယ် ၁ နာရီ မှ ၃ နာရီ အထိ ၂ နာရီကြာ သွားရောက် တွေ့ဆုံရာတွင် ယင်းသို့ ပြောဆို လိုက်ခြင်း ဖြစ်ကြောင်း ဦးဉာဏ်ဝင်းက ပြောပြသည်။

ရှေ့နေဖြစ်သူ ဦးဉာဏ်ဝင်းက “ရွေးကောက်ပွဲ ကျင်းပမယ့်ရက် အခုထိ ကြေညာတာ မရှိသေးဘူး။ ဒီလို အခြေအနေမှာ ရွေးကောက်ပွဲ ၀င်မယ့် ပါတီတွေ အနေနဲ့က စည်းရုံး လှုပ်ရှားမယ့် အချိန်က အရမ်းနည်းတယ်။ တရားမျှတမှု ရှိမယ် ဆိုတာ ကတော့ ဘယ်လိုမှ မဖြစ်နိုင်ဘူးလို့ ပြောပါတယ်” ဟု ဧရာဝတီသို့ ပြောသည်။

“ရွေးကောက်ပွဲဝင်တဲ့ ပါတီအဖွဲ့ အစည်းတွေရဲ့ အသံကလည်း သိပ်ပြီးတော့ ကျယ်ကျယ်လောင်လောင် မကြားရဘူး လို့လည်း ပြောပါတယ်”ဟုလည်း ဦးဉာဏ်ဝင်းက ဆိုသည်။

ဒေါ်အောင်ဆန်းစုကြည် အထူးအယူခံ လျှောက်လဲချက်နှင့် နေအိမ်ပြင်ဆင်မှုများကို ထပ်မံဆွေးနွေးခဲ့ကြောင်း၊ ဒေါ်အောင်ဆန်းစုကြည်၏ လက်ရှိ ကျန်းမာရေး အခြေအနေမှာ ကောင်းမွန်လျက်ရှိကြောင်း ဦးဉာဏ်ဝင်း က ဆက်လက် ပြောဆိုသည်။

ဒေါ်အောင်ဆန်းစုကြည် ခေါင်းဆောင်သည့် အမျိုးသား ဒီမိုကရေစီအဖွဲ့ချုပ် (NLD) က ကျင်းပမည့် ရွေးကောက်ပွဲ သည် တရားမျှတမှုရှိမည် မဟုတ်သည့်အတွက် ၀င်ရောက်ယှဉ်ပြိုင်ခြင်းမပြုရန် ဆုံးဖြတ်ခဲ့သည်။

NLD သည် ပြီးခဲ့သည့် နှစ် ဧပြီလအတွင်းက ထုတ်ပြန်ခဲ့သော ရွှေဂုံတိုင် ကြေညာစာတမ်းပါ နိုင်ငံရေး အကျဉ်းသား အားလုံး ခြွင်းချက်မရှိ လွှတ်ပေးရန်၊ ၂၀၀၈ ဖွဲ့စည်းပုံအခြေခံ ဥပဒေကို ပြန်လည် သုံးသပ်ပြင်ဆင်ရန်နှင့် ရွေးကောက်ပွဲတွင် အလွှာအသီးသီး ပါဝင်ပြီး နိုင်ငံတကာက စောင့်ကြည့်လေ့လာခွင့်ပြုရန် စသည့် အချက်များကို စစ်အစိုးရက လိုက်လျောလျင် ၂၀၁၀ ရွေးကောက်ပွဲကို လက်ခံမည်ဟူသော မူပေါ်တွင် ရပ်တည်ထားသည်။

နိုင်ငံတကာရှိ လူ့အခွင့်အရေး အဖွဲ့များနှင့် နိုင်ငံတကာ အသိုင်းအ၀န်းကလည်း စစ်အစိုးရက ကျင်းပမည့် ရွေးကောက်ပွဲသည် တရားမျှတမှုရှိမည် မဟုတ်ကြောင်း ဝေဖန်ပြောဆိုလျက်ရှိသည်။

ဒေါ်အောင်ဆန်းစုကြည်သည် ပြီးခဲ့သည့် မေလ၊ အိမ်အကျယ်ချုပ် ၆ နှစ် ပြည့်တော့မည့် အချိန်တွင် ၎င်း၏ နေအိမ်သို့ တိတ်တဆိတ် ဝင်ရောက်ခဲ့သော အမေရိကန် နိုင်ငံသား ဂျွန် ဝီလျံ ယက်ထောကြောင့် ရုံးတင် တရားစွဲ ခံခဲ့ရသည်။

စစ်အစိုးရက ဒေါ်အောင်ဆန်းစုကြည်ကို နေအိမ်အကျယ်ချုပ်ကျနေချိန်တွင် ဥပဒေ ဖောက်ဖျက်သည်ဟု ဆိုကာ သြဂုတ်လ အတွင်းက ထောင်ဒဏ် ၃ နှစ် စီရင်ချက် ချမှတ်ခဲ့သည်။

သို့သော် စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေ၏ အမိန့်ဖြင့် ထောင်ဒဏ်ကို ထက်ဝက် လျှော့ချကာ ဆိုင်းငံ့ ပြစ်ဒဏ်၊ နေအိမ် အကျယ်ချုပ် ၁ နှစ်ခွဲ ကျခံစေခဲ့သည်။

ပြစ်ဒဏ်လျှော့ပေါ့ရခြင်း အကြောင်းရင်းမှာ ဒေါ်အောင်ဆန်းစုကြည်သည် ဗိုလ်ချုပ်အောင်ဆန်း၏ သမီး ဖြစ်၍ လည်းကောင်း၊ ရပ်ရွာ အေးချမ်း သာယာရေးနှင့် တည်ငြိမ်ရေးကို ရှေးရှု၍ လည်းကောင်း၊ အာဃာတ မရှိစေရေး အတွက် လည်းကောင်း၊ ဒီမိုကရေစီ လမ်းကြောင်းတွင် အနှောင့်အယှက် မဖြစ်စေရေးအတွက် လည်းကောင်း ဖြစ်သည်ဟု ဆိုသည်။

ဒေါ်အောင်ဆန်းစုကြည်သည် ၁၉၈၉ ခုနှစ်မှ စ၍ နေအ်ိမ် အကျယ်ချုပ်ဘ၀ဖြင့် စုစုပေါင်းနေရချိန် ၁၄ နှစ်ကျော် ရှိပြီ ဖြစ်သည်။

Copyright © 2010 ဧရာဝတီ.

(၈၈) ကျောင်းသားခေါင်းဆောင်များ အမှတ်တရ

ကမ္ဘာမကြေဘူးဟေ့

DVB

မြောက်ကိုရီးယားသမတကင်ဂျုံအီအတ္တုပ္ပတိစာအုပ်များဖျက်ဆီး

DVB

မြောက်ကိုရီးယား နိုင်ငံခြားဝန်ကြီး မြန်မာနိုင်ငံ သွားမည်

မဇ္ဈိမသတင်းဌာန | ဗုဒ္ဓဟူးနေ့၊ ဇူလိုင်လ ၂၈ ရက် ၂၀၁၀ ခုနှစ် ၂၁ နာရီ ၄၉ မိနစ်

ချင်းမိုင် (မဇ္ဈိမ) ။ ။ မြောက်ကိုရီးယား နိုင်ငံခြားရေးဝန်ကြီး ပတ်ဝေ့ချွန်း Pak Ui-Chun သည် မြန်မာနိုင်င်ငံသို့ လေးရက်ကြာခရီးစဉ်အဖြစ် မနက်ဖြန်တွင် စတင်၍ သွားရောက်လည်ပတ်မှာ ဖြစ်သည်။

ဟနွိုင်းတွင် ဒေသတွင်းလုံခြုံရေးဆိုင်ရာ အစည်းအဝေးတက်ရောက်နေသော မစ္စတာ ပတ်ဝေ့ချွန်း ခေါင်းဆောင်သော ကိုယ်စားလှယ်အဖွဲ့သည် ရန်ကုန်သို့ ကြာသာပတေးနေ့ နံနက်တွင် ထိုင်းလေကြောင်းလိုင်းဖြင့် ရောက်ရှိမှာဖြစ်ပြီး ခရီးစဉ်အတွင်း နေပြည်တော်သို့လည်း သွားမှာဖြစ်သည်။

နေပြည်တော် သတင်းရပ်ကွက်က မြောက်ကိုရီးယား ဝန်ကြီးသည် မြန်မာနိုင်ငံခြားရေး ဝန်ကြီး ဦးဥာဏ်ဝင်းနှင့် တွေ့ဆုံမည်ဟု အတည်ပြုပြောသည်။ အတည် မပြုနိုင်သေးသော်လည်း သီးခြားသတင်းရပ်ကွက် တခုက စစ်ခေါင်းဆောင် ဗိုလ်ချုပ်မှူးကြီးသန်းရွှေကပါ လက်ခံတွေ့ဆုံဖွယ် ရှိသည်ဟု ပြောသည်။

ခရီးစဉ်က မြန်မာနိုင်ငံနှင့် သံတမန်အဆက်သွယ်ပြန်လည်ထူထောင်ပြီး ၃ နှစ်အကြာတွင် မြောက်ကိုရီးယားနိုင်ငံမှ အဆင့်မြင့်ကိုယ်စားလှယ်အဖွဲ့၏ ပထမအကြိမ် လည်ပတ်မှု ဖြစ်လာပါလိမ့်မည်။

တောင်ကိုရီးယားသမတချန်ဒူးဝှမ်ခေါင်းဆောင်သော ဧည့်သည်တော်များအား ရန်ကုန်မြို့ အာဇာနည် ကုန်းတွင် ဗုံးခွဲတိုက်ခိုက်မှုကို မြောက်ကိုရီးယားက လုပ်ဆောင်မှုဖြင့် ၁၉၈၃ ခုနှစ်တွင် မြန်မာက သံတမန် အဆက်သွယ် ဖြတ်တောက်ခဲ့သည်။ ဗုံးကြောင့် တောင်ကိုရီးယား ဝန်ကြီးများ အပါအဝင် လူ ၂၁ ဦး သေဆုံးခဲ့ရသည်။ သို့သော် အနောက်နိုင်ငံများက ပိတ်ဆို့အရေးယူခြင်းခံရသော ဘဝတူ နှစ်နိုင်ငံမှာ ၁၉၉၉ ခုနှစ်တွင် နှစ်နိုင်ငံ တိတ်တဆိတ် ဆက်သွယ်မှုများ ပြန်လည်ပြုလုပ်ပြီး မြောက်ကိုရီးယားမှာ မြန်မာစစ်တပ်အတွက် လက်နက်ရောင်းချခြင်းနှင့် နည်းပညာ အကူအညီပေးမှုများ ပေးနေသော နိုင်ငံတခုလည်း ဖြစ်လာသည်။

မြန်မာနိုင်ငံသည် နူကလီးယားလက်နက်ထုတ်လုပ်ရန် ကြိုးပမ်းနေသည်ဆိုသော သတင်းများထွက်ပေါ်နေပြီး မြောက်ကိုရီးယား၏ စစ်ဘက်အထောက်အပံ့များနှင့် ပတ်သက်၍ မြန်မာ့ဒီမိုကရေစီအရေးကို ထောက်ပံ့နေသော နိုင်ငံတခုဖြစ်သည့် အမေရိကန်နိုင်ငံ နိုင်ငံခြားရေး ဝန်ကြီး ဟီလာရီရိုဒမ်ကလင်တန်က လွန်ခဲ့သည့် သီတင်းပတ်တွင်းက ဗီယက်နမ်တွင် ပြုလုပ်သော အရှေ့တောင်အာရှ နိုင်ငံများအသင်း ဒေသဆိုင်ရာဖိုရမ် ARF အစည်းအဝေးတွင် ပြောကြားသွားသည်။

” မြောက်ကိုရီးယားကနေ နူကလီးယား စီမံကိန်းနဲ့ပတ်သက်ပြီးရအောင် မြန်မာက အထောက်အပံ့ ရှာဖွေကောင်း ရှာဖွေနေတယ်ဆိုတဲ့ သတင်းတွေကြောင့် ကျမတို့မှာ ဆက်ပြီး စိုးရိမ်နေရတယ်” ဟု ကလင်တန်က ပြောသွားခဲ့သည်။

မြောက်ကိုရီးယား ဝန်ကြီးသည် ရန်ကုန်ရှိ ရွှေတိဂုံဘုရား၊ အမျိုးသားပြတိုက်တို့ကို နေပြည်တော်သို့ ၃ဝ ရက်နေ့တွင် မသွားရောက်မှီ သွားရောက်လည်ပတ်မှာဖြစ်ကာ သြဂုတ် ၁ ရက်နေ့တွင် မြန်မာနိုင်ငံမှ ပြန်လည် ထွက်ခွာမှာ ဖြစ်သည်။ လာအိုနှင့် အင်ဒိုနီးရှားတို့ကို ဆက်လက်သွားရောက်လည်ပတ်ပါလိမ့်မည်။

အိန္ဒိယနိုင်ငံသို့ အလည်အပတ် ရောက်ရှိနေသော နအဖအကြီးအကဲ ဗိုလ်ချုပ်မှူးကြီး သန်းရွှေသည် ၂၉ ရက်နေ့တွင် မြန်မာနိုင်ငံသို့ ပြန်လည်ရောက်ရှိမှာ ဖြစ်သည်။

ယခုအချိန်သည် တောင်နှင့် မြောက်ကိုရီးယား နှစ်နိုင်ငံ၏ ဆက်ဆံရေး တင်းမာမှု မြင့်မားနေချိန်လည်း ဖြစ်သည်။ မတ်လအတွင်းက တောင်ကိုရီးယား စစ်သင်္ဘောတစင်း တော်ပီဒိုထိမှန် နစ်မြုပ်၍ လူ ၄၆ ဦး သေဆုံးခဲ့ရာ မြောက်ကိုရီးယား၏ လက်ချက်ဟု နိုင်ငံတကာ စုံစမ်းစစ်ဆေးရေးအဖွဲ့က ထုတ်ပြန်ထားသည်။

© Copyright 1998 - 2009 Mizzima News. All Rights Reserved

ရွေးကောက်ပွဲနေ့ရက် မကြေညာတာ ဒေါ်စု ဝေဖန်

၂၀၁၀ ရွေးကောက်ပွဲကို ဦးစီးကျင်းပပေးမယ် ဆိုတဲ့ မြန်မာစစ်ခေါင်းဆောင်တွေ အနေနဲ့ အခုအချိန်ထိ ရွေးကောက်ပွဲ ကျင်းပမယ့်ရက်ကို မကြေညာသေးတာဟာ ၀င်ရောက် ယှဉ်ပြိုင်ကြမယ့် နိုင်ငံရေးပါတီတွေ အပေါ်မှာ တရားမျှတမှု မရှိရာ ရောက်တယ်လို့ နေအိမ်မှာ ထိန်းသိမ်းခံထားရတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ဒီကနေ့ နေ့လယ်ပိုင်းက သူ့ရဲ့နေအိမ်မှာ အမှုကိစ္စတွေအတွက် သွားတွေ့ခဲ့ကြတဲ့ အကျိုးဆောင် ရှေ့နေတွေကို ဒေါ်အောင်ဆန်းစုကြည်က အခုလို ပြောလိုက်တာပါ။ အပြည့်အစုံကို မသင်းသီရိက တင်ပြပေးထားပါတယ်။

ဒီကနေ့ နေ့လယ် နေအိမ်မှာ သွားတွေ့ခဲ့ကြတဲ့ ရှေ့နေကြီး ဦးဉာဏ်ဝင်း၊ ဦးကြည်ဝင်းတို့ ၂ ဦးနဲ့ အမှုကိစ္စအတွက် ပြောဆိုကြစဉ် ဒေါ်အောင်ဆန်းစုကြည်က ရွေးကောက်ပွဲ အခြေအနေနဲ့ ပတ်သက်လို့ သုံးသပ် ပြောဆိုလိုက်တာပါ။ အထူးသဖြင့် ဒီနှစ်ထဲမှာ ကျင်းပပေးမယ်ဆိုပြီး အခုချိန်ထိ ရွေးကောက်ပွဲ ပြုလုပ်မယ့်ရက်ကို အတိအကျ ထုတ်ပြန် ပြောဆိုခြင်း မရှိသေးတာဟာ ၀င်ရောက် ယှဉ်ပြိုင်ကြမယ်ဆိုတဲ့ နိုင်ငံရေးပါတီတွေ အတွက် တရားမျှတပြီး လွတ်လပ်တဲ့ ရွေးကောက်ပွဲရဖို့ အခြေအနေ မရှိနိုင်ဘူးလို့ ဒေါ်အောင်ဆန်းစုကြည်က သုံးသပ်ကြောင်း ဒီကနေ့ နေအိမ်မှာ သွားရောက်တွေ့ဆုံခဲ့သူ ရှေ့နေ ဦးဉာဏ်ဝင်းက ပြောပြပါတယ်။

“လက်ရှိ နိုင်ငံရေး အခြေအနေက ၂၀၁၀ ရွေးကောက်ပွဲ ဆိုတာကြီးက အခုချိန်ထိ မကြေညာသေးတာ ရွေးကောက်ပွဲ ၀င်သူတွေအတွက် တရားမျှတမှု ရဖို့၊ ညီမျှသော ယှဉ်ပြိုင်မှုဖြစ်ဖို့ အခြေအနေ မရှိဘူး။ ဘာဖြစ်လို့ ဒီလို ကြန့်ကြာနေရလဲဆိုတာနဲ့ ပတ်သက်ပြီး သူ စဉ်းစားနေတယ် ဆိုတဲ့အကြောင်း ပြောပါတယ်။ အချိန်နည်းနေတဲ့အတွက် တရားမျှတတဲ့ ရွေးကောက်ပွဲ Free and Fair ဆိုတာကိုတော့ ဘယ်လိုမှ စဉ်းစားလို့ မရဘူးလို့ ပြောပါတယ်။”

တခါ ရွေးကောက်ပွဲအတွက် မဲဆွယ်စည်းရုံးရေး ကိစ္စတွေမှာလည်း အာဏာပိုင်တွေဆီက ရှင်းလင်းပြတ်သားတဲ့ စည်းမျဉ်းစည်းကမ်းတွေ မတွေ့ရတဲ့အတွက် နိုင်ငံရေးပါတီတွေ အခက်အခဲ ဖြစ်နေတာကို တွေ့ရတယ်လို့လည်း ဒေါ်အောင်ဆန်းစုကြည်က ပြောတယ်လို့ ဦးဉာဏ်ဝင်းက ပြောပြပါတယ်။

“ဒေါ်စုပြောတာက ဒီရွေးကောက်ပွဲ စည်းရုံးရေးကိစ္စနဲ့ ပတ်သက်ပြီးတော့ အာဏာပိုင် အဖွဲ့အစည်းကသော်လည်းကောင်း၊ ကော်မရှင်ကသော်လည်းကောင်း ရှင်းလင်း ပြတ်သားတဲ့ စည်းမျဉ်းစည်းကမ်းတွေ မတွေ့ရသေးတဲ့ အကြောင်း၊ ဒါတွေ ရှင်းရှင်းလင်းလင်း မရှိဘဲနဲ့ အခုမှ ပါတီဖွဲ့၊ ရွေးကောက်ပွဲဝင်မယ့် သူတွေအတွက် အများကြီး အခက်အခဲတွေ ဖြစ်နေမှာပဲလို့ အဲဒီလိုပြောပါတယ်။ ရွေးကောက်ပွဲ ၀င်မယ်ဆိုတဲ့ ပါတီတွေရဲ့ အခြေအနေကို သူနားထောင်တာ အသံတွေက အရှိန်အဟုန် ကျနေတယ်လို့ သူ အဲဒီလို နားလည်တယ် ဆိုတာကို ပြောပါတယ်။”

၂၀၁၀ ရွေးကောက်ပွဲဝင်ဖို့ နိုင်ငံရေးပါတီအဖြစ် မှတ်ပုံမတင်ဖို့ NLD ပါတီက ဆုံးဖြတ်ခဲ့ပေမဲ့ NLD ပါတီ မရှိတော့ဘူး ဆိုတာကို လုံးဝ လက်မခံကြောင်း ဒေါ်အောင်ဆန်းစုကြည်က ပြောလိုက်တယ်လို့လည်း ဆိုပါတယ်။

“NLD ရဲ့ ရပ်တည်ချက်နဲ့ ပတ်သက်ပြီးတော့ NLD ပါတီ မရှိတော့ဘူးဆိုတာ သူ လုံးဝ လက်မခံဘူး ဆိုတဲ့အကြောင်း၊ ဘာကြောင့်လဲဆိုတော့ NLD ဟာ နဂိုကတည်းက ရှိပြီးသားပါတီ၊ အခုလို မေလ ၆ ရက်နေ့မှာ ထပ်မံ မှတ်ပုံမတင်ရင် အလိုအလျောက် ပျက်ပြယ်တယ်ဆိုတဲ့ အချက်ကို လက်မခံနိုင်ကြောင်း၊ လက်မခံနိုင်တာကိုလည်း ပြောနေတာသက်သက် မဟုတ်ဘူး၊ တရားဥပဒေ လမ်းကြောင်းနဲ့ ဆောင်ရွက်နေတယ် ဆိုတဲ့အကြောင်း အဲဒါတွေကို ပြောပါတယ်။”

ဒီကနေ့ နေ့လယ် ၁ နာရီကနေ ၃ နာရီလောက်ထိ တွေ့ဆုံစဉ်မှာ ဒေါ်အောင်ဆန်းစုကြည်ရဲ့ အမှုကိစ္စအတွက် အထူးအယူခံ လျှောက်ထားမှု လျှောက်လဲချက် ပေးဖို့အပြင် အိမ်ပြင်ဆင်ရေး ကိစ္စတွေကိုပါ ဆွေးနွေးခဲ့ကြတာ ဖြစ်ပါတယ်။

“ကျနော်တို့ နောက်ဆုံးအဆင့် အယူခံပေါ့၊ လုပ်ထုံးလုပ်နည်းအရ အဆင့် ၂ ဆင့်ရှိတယ်။ ပထမတဆင့်က အထူးအယူခံ ၀င်ခွင့်ပြုဖို့ လျှောက်ထားခြင်းပေါ့။ နောက်တခုကတော့ အထူးအယူခံပေါ့။ ပထမအဆင့်ဖြစ်တဲ့ အထူးအယူခံဝင်ဖို့ ခွင့်ပြုတယ်၊ မပြုတယ် အတွက်ကို သီးခြား လျှောက်လဲချက် ပေးရပါမယ်။ အဲဒီ သီးခြားလျှောက်လဲချက် ပေးဖို့ ရက်ချိန်း စောင့်မျှော်နေတာ အခုထိ မရသေးပါဘူး။ အဲဒါအတွက် ပြင်ဆင်တဲ့လုပ်ငန်းကို ထပ်ပြီးတော့ ဆွေးနွေးတာပါ။

“နေအိမ်ပြင်ဆင်ရေး ကိစ္စအတွက် ဒီလအကုန်ထိပဲ အချိန်ရနိုင်မယ်ဆိုပြီး အာဏာပိုင်တွေက ပြောထားတာ ရှိတယ်။ အဲတော့ ဒီလအကုန်မှာ အရေးကြီးတဲ့ အကြမ်းထည် ပြုပြင်မှုတွေ အားလုံး ပြီးနိုင်တယ်။ အချောသတ်တွေက မပြီးနိုင်သေးဘူး။ အဲဒါကြောင့် ဘယ်လောက် အချိန်အတိုင်းအတာ ထပ်လိုမယ်၊ အခြေအနေ အသေးစိတ် ပြုစုပြီးတော့ တင်ပြဖို့ စာကြမ်းပြုစုရန် ဒေါ်အောင်ဆန်းစုကြည်က ညွှန်ကြားပါတယ်။”

ဒီကနေ့ နေအိမ်မှာ ဒေါ်အောင်ဆန်းစုကြည်နဲ့ တွေ့ဆုံခဲ့တဲ့ ရှေ့နေကြီး ဦးဉာဏ်ဝင်း ပြောပြခဲ့တာ ဖြစ်ပါတယ်။

VOA

ထိုင်း-မြန်မာနယ်စပ်ရှိ ဒုက္ခသည်များကို ဂျပန်က ခေါ်ယူရန် အသင့်ဖြစ်နေ

DVB

ွှ်ွှအမျိုးသားဒီမိုကရေစီအဖွဲ့ချုပ်လူငယ်စာဖတ်ဝိုင်းပြန်လည်စတင်

ီDVB

ဂျပန်ဝန်ကြီးချုပ်ကတော် ခင်ပွန်းသည်ကို ဝေဖန်

ဂျပန်ဝန်ကြီးချုပ်အနေနဲ့ နိုင်ငံကိုအုပ်ချုပ်နိုင်စွမ်းရှိမရှို လူသိရှင်ကြားမေးခွန်းထုတ်ထားတဲ့ စာအုပ်တအုပ်ကို ဝန်ကြီးချုပ်ကတော်က ရေးသားခဲ့ပါတယ်။

ဒီသီတင်းပတ်မှာ စတင်ဖြန့်ချိလိုက်တဲ့စာအုပ်ထဲမှာ ဝန်ကြီးချုပ်ကတော် Nobuko Kan က သူ့ခင်ပွန်းသည်ဟာ ဝန်ကြီးချုပ် ဖြစ်သင့် ဖြစ်ထိုက်သလားဆိုပြီး မေးခွန်းထုတ်ထားတာပါ။ သူ့ခင်ပွန်းသည်အကြောင်း သူသေချာသိတာကြောင့် ဒီမေးခွန်းကိုမေးရတာဖြစ်တယ်လို့ သူကပြောပါတယ်။

စာအုပ်ထဲမှာ ဝန်ကြီးချုပ်တို့စုံတွဲရဲ့ နှစ်ပေါင်း ၄၀ အိမ်ထောင်သက်တမ်းကို ဘယ်လို ကျော်ဖြတ် ခဲ့သလဲဆိုတာ ရေးထားပြီး အိမ်တွင်းမှုကိစ္စ အသေးအဖွဲလေးတွေကအစ သူ သွေးဆူတဲ့ကိစ္စ အဆုံး ဖော်ပြထားပါတယ်။

သူ့ခင်ပွန်းဟာ စကားပြောရင်တော့ ဖြောင့်ဖြောင့်တန်းတန်းဖြစ်ပေမယ့် ကြိုတင်ရေးသားထားတဲ့ မိန့်ခွန်းတွေကို ကြည့်ပြောရရင်တော့ သိပ်အဆင်မပြေတော့ဘူးလို့လည်း Mrs. Kan ကပြောပါ တယ်။ မကြာခင်ကဘဲ မူဝါဒရေးရာမိန့်ခွန်းတခု သူ့ခင်ပွန်းပြောကြားခဲ့တာ စာမေးပွဲစစ်ရင် အောင်မှတ် တောင်မရဘူးလို့ သူကပြောပါတယ်။

ဒီစာအုပ်ကို အုပ်ရေ ၆၀,၀၀၀ ထပ်ပြီး ပုံနှိပ်ရပါတယ်။ ဝန်ကြီးချုပ်ကတော့ ဒီစာအုပ်ကို သူ မဖတ်ရဲဘူးလို့ ဆိုပါတယ်။

VOA

စစ်အစိုးရရွေးကောက်ပွဲ ထင်သာမြင်သာရှိဖို့ ကုလသမဂ္ဂနဲ့ အမေရိကန်တိုက်တွန်း

(၁၇) ကြိမ်မြောက် အာရှဒေသ လုံခြုံရေး နှီးနှောဖလှယ်ပွဲ တက်ရောက်နေကြသည့် ကိုယ်စားလှယ်များ (ဇူလိုင်လ ၂၃၊ ၂၀၁၀)
အမေရိကန်နဲ့ မြောက်ကိုရီးယား နိုင်ငံတို့ဟာ ကိုရီးယားကျွန်းဆွယ်မှာ တင်းမာမှုတွေပိုပြီးတော့ ဖြစ်လာနေတာနဲ့ ပတ်သက်ပြီး တဘက်နဲ့ တဘက် အပြန်အလှန် ဝေဖန်ပြစ်တင်လိုက်ကြပါတယ်။ ဗီယက်နမ်နိုင်ငံမှာကျင်းပနေတဲ့ ဒေသတွင်း လုံခြုံရေး ဆွေးနွေးပွဲအတွင်း အခုလို အပြန်အလှန် ဝေဖန်ပြစ်တင်လိုက်တာ ဖြစ်ပြီး၊ အဲဒီအစည်းအဝေးအတွင်းမှာ မြောက်ကိုရီးယားနိုင်ငံရဲ့ ရန်လိုတဲ့ လုပ်ရပ်တွေနဲ့ ပတ်သက်ပြီး အဓိကထားဆွေးနွေးခဲ့ကြပါတယ်။ ဒါ့အပြင် မြောက်ကိုရီးယားနဲ့ မြန်မာနိုင်ငံကြား နျူးကလီးယား ရည်မှန်းချက်အပေါ် စိုးရိမ်မှုတွေနဲ့ ပတ်သက်ပြီးတော့ ဒီအစည်းအဝေးတွင်းမှာ ဆွေးနွေးပြောဆိုခဲ့ကြပါတယ်။ ဒီအကြောင်းနဲ့ ပတ်သက်ပြီး ဗီအိုအေသတင်းထောက် Daniel Schearf ဟနွိုင်းမြို့ကနေ သတင်းပေးပို့ထားတာကို ကိုရန်နိုင်က တင်ပြထားပါတယ်။

မြောက်ကိုရီးယားနိုင်ငံဟာ အန္တရာယ်ရှိပြီး၊ ရန်လိုတဲ့အပြုအမူတွေကို လုပ်ဆောင်နေတယ်လို့ အမေရိကန်နိုင်ငံခြားရေးဝန်ကြီး ဟီလရီကလင်တန်က သောကြာနေ့မှာ ပြောကြားလိုက်ပါတယ်။ မြောက်ကိုရီးယား နိုင်ငံခြားရေးဝန်ကြီး အပါအ၀င် အာရှပစိဖိတ်ဒေသနဲ့ အနောက်နိုင်ငံတွေက နိုင်ငံခြားရေးဝန်ကြီးတွေ တက်ရောက်နေတဲ့ ဟနွိုင်းမြို့က နှစ်စဉ်အစည်းအဝေးအတွင်း ၀န်ကြီးကလင်တန်က အခုလို ပြောလိုက်တာပါ။ မြောက်ကိုရီးယားဟာ ပြီးခဲ့တဲ့မတ်လက တောင်ကိုရီးယား ရေတပ်သင်္ဘောကို တော်ပီဒိုနဲ့ ပစ်ခတ်ခဲ့တယ်လို့ အမေရိကန်အစိုးရနဲ့ တောင်ကိုရီးယား အစိုးရက ပြောပါတယ်။ အဲဒီပြစ်ခတ်တိုက်ခိုက်မှုကြောင့် လူပေါင်း ၄၆ ယောက်သေဆုံးခဲ့ပါတယ်။ မြောက်ကိုရီးယားကတော့ ဒီတိုက်ခိုက်မှုဟာ သူတို့ရဲ့ လက်ချက်မဟုတ်ဘူးလို့ ဆိုပါတယ်။

ဂျပန်ပင်လယ်ထဲမှာ အမေရိကန်နဲ့ တောင်ကိုရီးယားတို့ ပူးတွဲစစ်ရေးလေ့ကျင့်ဖို့ ပြီးခဲ့တဲ့ သီတင်းပတ်အတွင်းက စီစဉ်ခဲ့တဲ့အပေါ်မှာ မြောက်ကိုရီးယား ကိုယ်စားလှယ်အဖွဲ့ရဲ့ ပြောခွင့်ရပုဂ္ဂိုလ်က ပြင်းပြင်းထန်ထန် ဝေဖန်လိုက်ပြီး၊ ဒီ ပူးတွဲစစ်ရေးလေ့ကျင့်မှုဟာ အာရှဒေသတခုလုံးကို ခြိမ်းခြောက်နေတယ်လို့ ပြောလိုက်ပါတယ်။

တနင်္ဂနွေနေ့အတွက် ပြင်ဆင်ထားတဲ့ စစ်ရေးလေ့ကျင့်မှုဟာ မြောက်ကိုရီးယားနိုင်ငံရဲ့ အချုပ်အချာအာဏာကို ခြိမ်းခြောက်နေတာဖြစ်တယ်လို့ Ri Tong Il က သတင်းထောက်တွေကို ပြောကြားလိုက်ပြီး ဒါဟာ ၁၉ ရာစုရဲ့ စစ်သင်္ဘော သံတမန်ရေးနဲ့ တူတယ်လို့ ခိုင်းနှိုင်းလိုက်ပါတယ်။

ဒါ့အပြင် မြောက်ကိုရီးယားရဲ့ တရားဝင်နာမည်ဖြစ်တဲ့ DPRK ဒါမှမဟုတ် ကိုရီးယား ဒီမိုကရက်တစ် ပြည်သူ့သမ္မတနိုင်ငံ လို့ ခေါ်ဆိုဖို့လဲ ပြောခဲ့ပါတယ်။

“ဒါဟာ ကိုရီးယား ဒီမိုကရက်တစ် ပြည်သူ့ သမ္မတနိုင်ငံ အပေါ် ရန်လိုတဲ့ မူဝါဒတွေဖြစ်ပြီး၊ DPRK ရဲ့ ရပ်တည်ချက်က ရှင်းပါတယ်။ ဒီ ခြိမ်းခြောက်မှု အပေါ်မှာ ပြန်ပြီးတော့ လက်တုံ့ ပြန်သွားရလိမ့်မှာ ဖြစ်ပါတယ်။”

နိုင်ငံပေါင်း ၂၆ နိုင်ငံနဲ့ ဥရောပသမဂ္ဂ ကိုယ်စားလှယ်တွေဟာ ဟနွိုင်းမြို့မှာ ကျင်းပတဲ့ အာဆီယံအဖွဲ့ဝင် နိုင်ငံများရဲ့ ဒေသတွင်း အစည်းအဝေးမှာ တွေ့ဆုံခဲ့ကြပါတယ်။

ဝန်ကြီးအဆင့် အစည်းအဝေးတွေ အတွင်း ဒေသတွင်းလုံခြုံရေးနဲ့ ပူးပေါင်း ဆောင်ရွက်မှုတွေကို ဆွေးနွေးခဲ့ကြပါတယ်။ ဒါပေမဲ့ မြောက်ကိုရီးယားနဲ့ မြန်မာအရေးကိစ္စတွေကပဲ ဒီဆွေးနွေးပွဲအတွင်း လွှမ်းမိုးနေခဲ့ပါတယ်။ အစည်းအဝေးတွေအပြီး ပြောကြားရာမှာတော့ မြောက်ကိုရီးယား နိုင်ငံဘက်က ခြိမ်းခြောက်မှုတွေ ဆက်ပြီးတော့ လုပ်နေတာက အလွန်စိတ်ပျက်စရာကောင်းကြောင်း၊ အဲဒီလို လုပ်နေတဲ့အတွက် အိမ်နီးချင်းနဲ့ ဒေသတွင်းနိုင်ငံတွေကို တုန်လှုပ် ခြောက်ခြားမှုတွေ ဖြစ်စေတယ်လို့ ပြောပါတယ်။ မြောက်ကိုရီးယားဘက်က ရန်လိုတဲ့ လုပ်ရပ်တွေရှိပေမဲ့လဲ အမေရိကန်အစိုးရအနေနဲ့ သံတမန်ရေး နည်းလမ်းနဲ့ ဖြေရှင်းဖို့ကိစ္စကို လမ်းဖွင့်ထားဆဲဖြစ်တယ်လို့ သူကပြောပါတယ်။

“လွန်ခဲ့တဲ့ ၅ နှစ် ၂၀၀၅ ခုနှစ်တုန်းကလို ကိုရီးယားကျွန်းဆွယ်မှာ နျူးကလီးယား ဖျက်သိမ်းရေး ကိစ္စတွေကို သူတို့ဘက်က သန္ဒိဌာန် ချလုပ်ဆောင်သွားမယ် ဆိုရင်၊ တောင်ကိုရီးယားမှာတင် မဟုတ်ဘဲ မြောက်ကိုရီးယား ဘက်မှာပါ နျူးကလီးယား လက်နက် ကင်းစင်အောင် လုပ်သွားမယ်ဆိုရင် ကျမတို့ဘက်ကလဲ သူတို့နဲ့ တွေ့ဆုံဆွေးနွေး သွားချင်ပါတယ်။ ပြီးတော့ ပုံမှန်ဆက်ဆံရေး ဖြစ်အောင် တည်ဆောက်ပြီး၊ စီးပွားရေး အထောက်အကူတွေကိုလဲ ပေးသွားချင်ပါတယ်။ မြောက်ကိုရီးယား ပြည်သူတွေကို ကျမတို့ဘက်က အကူအညီပေးချင်ပါတယ်။”

မြောက်ကိုရီးယားနိုင်ငံရဲ့ နျူးကလီးယား နဲ့ သမာရိုးကျ လက်နက်တွေ ပြန့်ပွားအောင် လုပ်ဆောင်နေတာတွေက ဒေသတွင်းမှာ နျူးကလီးယား လက်နက် အပြိုင်အဆိုင် တပ်ဆင်တာတွေ ဖြစ်လာနိုင်တယ်လို့ ၀န်ကြီး ကလင်တန်က သတိပေးပါတယ်။ ဒါဟာ ဒီကနေ့ ကမ္ဘာကြီးရင်ဆိုင်နေရတဲ့ ပြဿနာတွေထဲက တခုဖြစ်တယ်လို့ သူမက ဆိုပါတယ်။

ဒါ့အပြင် မြန်မာနိုင်ငံဟာ မြောက်ကိုရီးယားနိုင်ငံရဲ့ အကူအညီကိုယူပြီး နျူးကလီးယား လက်နက် တည်ဆောက်ဖို့ ကြိုးပမ်းနေတာမျိုး ဖြစ်နိုင်တယ်လို့ သတင်းတွေ ထွက်ပေါ်နေတာကြောင့် မြန်မာစစ်အစိုးရ ခေါင်းဆောင်တွေကို နျူးကလီးယား မပြန့်ပွားရေး စာချုပ်အတိုင်း လိုက်နာဆောင်ရွက်ဖို့အတွက် အိမ်နီးချင်းနိုင်ငံတွေက တိုက်တွန်းကြဖို့ဟာလဲ အရေးကြီးတယ်လို့ ၀န်ကြီးကလင်တန်က ပြောပါတယ်။

“ကျမအနေနဲ့ မြန်မာအစိုးရကို အထူးသဖြင့် ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေ အာလုံးကို လွှတ်ပေးဖို့၊ အခြေခံ လူ့အခွင့်အရေးတွေကို လေးစားလိုက်နာဖို့နဲ့ တိုင်းရင်းသား လူနည်းစုတွေအပေါ် ထိုးစစ်ဆင် တိုက်ခိုက်နေတာတွေကို ရပ်တန့်ဖို့ အပါအ၀င် အများ လက်ခံနိုင်လောက်တဲ့ ရွေးကောက်ပွဲ ဖြစ်အောင် လုပ်ဖို့အတွက် တိုက်တွန်းပါတယ်။”

မြန်မာစစ်အစိုးရဟာ ဒီနှစ်အတွင်းမှာ ရွေးကောက်ပွဲကျင်းပဖို့ လုပ်ဆောင်နေပြီး ဒါဟာ ဆယ်စုနှစ် ၂ ခုအတွင်း ပထမဆုံးအကြိမ် ကျင်းပတာဖြစ်ပါတယ်။ ဒါပေမဲ့ ဝေဖန်သူတွေကတော့ ဒီရွေးကောက်ပွဲဟာ စစ်အစိုးရ သက်တမ်းရှည်ဖို့အတွက် လုပ်ဆောင်ထားတာဖြစ်တယ်လို့ ဆိုပါတယ်။

အခုသီတင်းပတ်အတွင်း နိုင်ငံခြားရေးဝန်ကြီး ကလင်တန်က မြောက်ကိုရီးယားနိုင်ငံကို အရေးယူပိတ်ဆို့မှုအသစ်တွေလုပ်သွားဖို့ ကြေညာခဲ့သလို၊ အမေရိကန် လွှတ်တော်အမတ်တွေကလဲ မြန်မာနိုင်ငံကို လူ့အခွင့်အရေး ချိုးဖောက်မှုတွေကြောင့် ဒဏ်ခတ်ပိတ်ဆို့ အရေးယူထားတာကို သက်တမ်းတိုးမြှင့်ခဲ့ပါတယ်။

တောင်တရုတ်ပင်လယ်အတွင်း ကျွန်းတွေကို သူပိုင်တယ် ငါပိုင်တယ်ဆိုပြီး အပြိုင်အဆိုင် ပြောဆိုနေတာတွေနဲ့ ပတ်သက်ပြီး အမေရိကန်အစိုးရဘက်က စေ့စပ်ဆွေးနွေးမှုတွေမှာ အကူအညီ ပေးသွားဖို့ ဆန္ဒရှိတယ်လုိ့ ၀န်ကြီးကလင်တန်က အာဆီယံ အစည်းအဝေးအတွင်းမှာ ပြောကြားခဲ့ပါတယ်။ တရုတ်၊ ဘရူနိုင်း၊ မလေးရှား၊ ဖိလစ်ပိုင်၊ ထိုင်ဝမ် နဲ့ ဗီယက်နမ်နိုင်ငံတို့ အားလုံးက ဒီကျွန်းတွေကို ပိုင်ဆိုင်တယ်ဆိုပြီး ပြောနေကြပါတယ်။

အခုလို အငြင်းပွားနေတဲ့အပေါ်မှာ အမေရိကန်အနေနဲ့ ကြားဝင် ကူညီဆောင်ရွက်ပေးဖို့ ဆန္ဒရှိကြောင်း၊ ဒါပေမဲ့ အမေရိကန် အစိုးရအနေနဲ့ ဘယ်နိုင်ငံရဲ့ တောင်းဆိုမှုကိုမှ ထောက်ခံသွားမှာ မဟုတ်ဘူးလို့ ပြောပါတယ်။

အာဆီယံအစည်းအဝေးကလဲ သောကြာနေ့က ကြေညာချက်တစ်စောင်ကို ထုတ်ပြန်လိုက်ပြီး အဲဒီထဲမှာ မြန်မာနိုင်ငံမှာ အများလက်ခံနိုင်လောက်တဲ့ ရွေးကောက်ပွဲဖြစ်ဖို့ မြောက်ကိုရီးယား နျူးကလီးယား စီမံကိန်းအပေါ် ဆွေးနွေးမှုတွေ ပြန်လုပ်သွားဖို့နဲ့ တောင်တရုတ် ပင်လယ်တွင်း ကျွန်းပိုင်နက် အငြင်းပွားမှုတွေကို ငြိမ်းချမ်းစွာ ဖြေရှင်းဖို့ စတာတွေ ပါဝင်နိုင်ဖွယ်ရှိပါတယ်။

တဆက်တည်းမှာပဲ မနေ့က သောကြာနေ့က ကုလသမဂ္ဂ ဌာနချုပ်မှာကျင်းပတဲ့ နေ့စဉ် ပုံမှန် သတင်းစာရှင်းလင်းပွဲမှာ စစ်အစိုးရ ကျင်းပမယ့် ရွေးကောက်ပွဲနဲ့ပတ်သက်တဲ့ ကုလသမဂ္ဂရဲ့ သဘောထားကို အတွင်းရေးမှူးချုပ် ဘန်ကီမွန်းရဲ့ ပြောခွင့်ရသူ မက်တင် နဲဆားကီး (Martin Nesirky) က အခုလို ပြောပါတယ်။

“ရွေးကောက်ပွဲအတွက် အရေးကြီးတာက ထင်သာမြင်သာရှိဖို့နဲ့ သက်ဆိုင်သူတွေ အားလုံး ပါဝင်ဖို့ပါ။ ဒါကြောင့် ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေအားလုံးကို ချွင်းချက်မရှိ အမြန်ဆုံးပြန်လွှတ်ပေးဖို့လဲ လိုပါတယ်။”

မြန်မာနိုင်ငံမှာ နိုင်ငံရေး ပြုပြင်ပြောင်းလဲမှုတွေ ဖြစ်လာအောင် အမျိုးသား ပြန်လည် ရင်ကြားစေ့ရေးအတွက် ကုလသမဂ္ဂ အတွင်းရေးမှူးချုပ် ရုံးရဲ့ ကြားဝင်ကြိုးပမ်းမှုတွေကိုလဲ အားမလျော့ဘဲ ဆက်လက် ဆောင်ရွက်နေဆဲပါပဲလို့ မာတင် နဲဆားကီး က အခုလို ပြောပါတယ်။

“ကုလသမဂ္ဂ အတွင်းရေးမှူးချုပ်ရုံးရဲ့ ကြိုးပမ်းမှုဟာ တဦးတယောက်တည်းက ကြိုးပမ်းတဲ့သဘော မဟုတ်ပါဘူး။ အများပြည်သူတွေရဲ့ အမြင်မှာ ကျနော်တို့ ဆောင်ရွက်နေတာတွေကို ထင်ထင်ရှားရှား တွေ့မြင်ကြတာမျိုး မဟုတ်ပါဘူး။ ကန့်လန့်ကာ နောက်ကွယ်ကနေ ကြိုးစားကြရတာမျိုးပါ။ ဒါကြောင့် တခါတလေ ရလဒ်က ခပ်မြန်မြန် တွေ့ချင်တွေ့ရမှာ ဖြစ်ပေမဲ့ တခါတလေတော့လဲ အချိန်ယူကြရပါတယ်။ ဒါပေမဲ့ ဘာပဲပြောပြော မြန်မာနိုင်ငံက ရွေးကောက်ပွဲတွေနဲ့ ပတ်သက်လို့ကတော့ ယုံကြည်ကိုးစားထိုက်တဲ့ ရွေးကောက်ပွဲ ကျင်းပဖို့လိုတယ်လို့ လူသိရှင်ကြား ပွင့်ပွင့်လင်းလင်း ပြောထားတာကတော့ သေချာပါတယ်။”

မြန်မာနိုင်ငံမှာကျင်းပမယ့် ရွေးကောက်ပွဲအပေါ်မှာ ကုလသမဂ္ဂ အပါအ၀င် နိုင်ငံတကာရဲ့ သဘောထားတွေကို တင်ပြခဲ့တာဖြစ်ပါတယ်။


VOA

မြန်မာနိုင်ငံအပေါ် အာဆီယံ ဖိအား ပြင်းထန်

မြန်မာနိုင်ငံခြားရေးဝန်ကြီး ဦးဉာဏ်ဝင်း(၀ဲ) ကို ကမ္ဘောဒီးယား နိုင်ငံခြားရေးဝန်ကြီး(၀ဲ-ဒု)၊ စင်ကာပူ နိုင်ငံခြားရေးဝန်ကြီး(ယာ-ဒု) နှင့် လာအို နိုင်ငံခြားရေးဝန်ကြီး(ယာ) တို့ ၀ိုင်းဝန်းမေးမြန်းနေကြစဉ်။ (ဇူလိုင် ၂၀၊ ၂၀၁၀)



(၄၃) ကြိမ်မြောက် အာဆီယံဝန်ကြီးများအဆင့် ဆွေးနွေးပွဲမှာ မြန်မာပြည်အရေးနဲ့ ပတ်သက်ပြီး တိုက်တွန်း ပြောဆိုမှုတွေ ရှိလာတာဟာ အာဆီယံရဲ့ တိုးတက်မှု တစိတ်တပိုင်းပဲလို့ ဆိုနိုင်ပေမဲ့ ထိရောက်မှုတွေ ဖြစ်တဲ့အထိ တိုက်တွန်းဖို့လိုနေတယ်လို့ စောင့်ကြည့်လေ့လာ သူတွေက ပြောပါတယ်။ အာဆီယံအနေနဲ့ ဘာမှမပြောဘဲ စစ်အစိုးရကို အကာအကွယ်ပေးနေတာထက်စာရင် အခုလို တိုက်တွန်းနေတာက ကောင်းတယ်လို့တော့ ယူဆကြပါတယ်။ ဒီအကြောင်း ဘန်ကောက်မြို့ ကနေ ကိုကျော်အောင်လွင် သတင်းပေးပို့ထားပါတယ်။

နိုင်ငံတခုရဲ့  ပြည်တွင်းရေးကို တခြားနိုင်ငံတခုက ၀င်ပြီးတော့ မစွက်ဖက်ရေး ဆိုတဲ့ အရှေ့ တောင်အာရှ နိုင်ငံများအသင်း အာဆီယံရဲ့  နံမည်ကြီးမူဝါဒဟာ မြန်မာ့အရေးနဲ့ ပတ်သက်ပြီး ပြောင်းလဲမှုတွေ ရှိလာနေတယ်လို့ လေ့လာသူတွေက ပြောနေကြပါတယ်။ အခုအာဆီယံဆွေးနွေးပွဲမှာ ရောက်နေတဲ့ မြန်မာ့အရေး ကျွမ်းကျင်သူ သတင်းထောက် လယ်ရီ ဂျေဂင် (Larry Jagan) ကတော့ အာဆီယံအသင်းဟာ မြန်မာ စစ်အစိုးရကို ဒီတခေါက် အစည်းအဝေးမှာ မကြုံဖူးတဲ့ဖိအားတွေ ပေးခဲ့ကြတယ်လို့ ဆိုပါတယ်။

“အာစီယံအသင်းဟာ အခုအခေါက်မှာတော့ မြန်မာပြည်နဲ့ ပတ်သက်ပြီး ဖိအားတွေကို အပီအပြင် ပေးခဲ့ကြပါတယ်။ အစည်းအဝေးထဲမှာ မဟုတ်ပေမဲ့ အစည်းအဝေး အပြင်ဘက်မှာ အာဆီယံ နိုင်ငံခြားရေးဝန်ကြီးတွေက အရင်က မလုပ်ဘူးခဲ့တဲ့ ဖိအားပေးတာမျိုးတွေကို ထူးထူးခြားခြား လုပ်ခဲ့ကြတာပါ။” - လို့ ပြောခဲ့တာပါ။ အထူးသဖြင့် အင်ဒိုနီးရှားနိုင်ငံခြားရေး ၀န်ကြီးက သီးသန့်ဆွေးနွေးပွဲမှာ မြန်မာကို ဖိဖိစီးစီး ပြောခဲ့တယ်လို့ ဆိုပါတယ်။ အာဆီယံ နိုင်ငံခြားရေးဝန်ကြီးတွေ အားလုံးလိုလိုက ဒီတခေါက်မှာတော့ မြန်မာပြည်ဆိုင်ရာ အပြောင်းအလဲတွေကို တကယ်ပဲ လိုလားကြတယ် ဆိုတဲ့အကြောင်း တရားမျှတပြီး လွတ်လပ်တဲ့ ရွေးကောက်ပွဲတွေ ဖြစ်လာစေချင်တဲ့ အကြောင်းတွေ ပြောဆိုခဲ့ကြလို့ မြန်မာစစ်အစိုးရ အနေနဲ့ အာဆီယံရဲ့ ဖိအားကို သတိထားရပါတော့မယ်လို့ မြန်မာ့အရေး ကျွမ်းကျင်သူ သတင်းထောက် လယ်ရီ ဂျေဂင် က ပြောပါတယ်။

လေးရက်ကြာ ကျင်းပခဲ့တဲ့ ဗီယက်နမ် နိုင်ငံက အာဆီယံဝန်ကြီးများအဆင့် ဆွေးနွေးပွဲမှာ မြန်မာပြည်က ရွေးကောက်ပွဲတွေဟာ အများက လက်ခံယုံကြည်နိုင်အောင် လုပ်ဆောင်ဖို့၊ လွတ်လပ်ပြီး တရားမျှတမှုရှိဖို့ မြန်မာစစ်အစိုးရကို တိုက်တွန်းခဲ့ကြတယ်ဆိုပေမဲ့ ထိရောက်မှုတွေ သိပ်ရှိလိမ့်မယ်လို့ မထင်တဲ့သူကတော့ စင်ပြိုင် အာဆီယံလို့ ခေါ်တဲ့ Alternative ASEAN Network for Burma အဖွဲ့က တာဝန်ခံ တဦးဖြစ်သူ ဒက်ဘီ စတော့ဟဒ် (Debbie Stothard) ပါ။

“ခုလို တိုက်တွန်းပြောဆိုမှုတွေဟာ အာဆီယံအသင်းအတွက် ရှေ့ ကို လှမ်းလာတဲ့ ခြေလှမ်းငယ် တရပ်ပါပဲ။ တကယ်တမ်းတော့ ဒီထက်မက အများကြီး လုပ်ဆောင်ဖို့ လိုနေပါသေးတယ်။ ဘာကြောင့်လဲဆိုတော့ အခုလို မြန်မာ့အရေးကို တိုက်တွန်းပြောဆိုကြဖို့ ဆိုတာက လွန်ခဲ့တဲ့ နှစ်တွေကတည်းက ထိထိမိမိ လုပ်ရမယ့် ကိစ္စတွေပါ။ အခုဆိုရင်ပဲ တော်တော် နောက်ကျနေပါပြီ” - လို့ ပြောသွားတာပါ။ မြန်မာစစ်အစိုးရက ပြောင်းလဲမှုတွေ လုပ်လာအောင် အာဆီယံဘက်က အကာအကွယ် ပေးတာတွေ မလုပ်တော့ဘူး ဆိုတာမျိုး ထိရောက်တဲ့ ပြောဆိုမှုတွေလုပ်ဖို့ လိုနေတာလို့လဲ မစ္စ ဒက်ဘီ က ထောက်ပြပါတယ်။

“အစည်းအဝေးမှာ အာဆီယံဘက်က မြန်မာစစ်အစိုးရကို ပြောဖို့ ပြင်ဆင်သွားဖို့လိုတာက မြန်မာစစ်အစိုးရဘက်က အခြေအနေတွေကို ပြောင်းလဲလာအောင် မလုပ်ဘူးဆိုရင်တော့ ကုလသမဂ္ဂနဲ့ နိုင်ငံတကာ ဆွေးနွေးပွဲတွေမှာ အာဆီယံဘက်က အကာအကွယ် ပေးတာတွေ မလုပ်တော့ဘူး ဆိုတာမျိုး ပြောဆိုသင့်တာပါလို့ စင်ပြိုင်အာဆီယံအဖွဲ့က မစ္စ ဒက်ဘီ ပြောခဲ့တာပါ။ တကယ်တော့ မြန်မာပြည် ပြောင်းလဲ ရေးအတွက် အာဆီယံအသင်းဝင် နိုင်ငံတွေကပဲ တိုက်တွန်းခဲ့တာ မဟုတ်ပါဘူး။ ဗီယက်နမ်မှာပဲ တဆက်ထဲကျင်းပနေတဲ့ ARF လို့ခေါ်တဲ့ အာဆီယံဒေသ လုံခြုံရေးဆိုင်ရာ ဆွေးနွေးပွဲကို တက်လာကြတဲ့ အမေရိကန်ဘက်ကရော ဂျပန်နိုင်ငံကပါ တိုက်တွန်းနေတာ ဖြစ်ပါတယ်။

VOA

ဒေါ်အောင်ဆန်းစုကြည်ကို ရွေးကောက်ပွဲဝင်ခွင့်ပြုမည်ဟု နအဖ၀န်ကြီး ပြော

DVB

ရွေးကောက်ပွဲဆိုင်ရာ မူဝါဒ မပြောင်းလဲလျှင် ဂျပန်အနေဖြင့် မြန်မာကို အထောက်အကူများ အပြည့်အဝ ပေး မည်မဟုတ်

မင်းဆက်ခိုင်
---------------
မြန်မာ့ စစ်အစိုးရမှ ကျင်းပပြုလုပ်မည့် ၂၀၁၀ ရွေးကောက်ပွဲဆိုင်ရာ မူဝါဒကို မပြောင်းလဲလျှင် ဂျပန်နိုင်ငံ အနေဖြင့် မြန်မာနိုင်ငံကို စီးပွားရေး အထောက်အကူများ အပြည့်အဝ ပေးမည် မဟုတ်ဟု ဂျပန် နိုင်ငံခြားရေး ဝန်ကြီး ခက်ဆူယာ အိုခါတာ ( Katsuya Okada)က ပြောကြားလိုက်သည်။

၎င်းအပြင် မြန်မာစစ်အစိုးရမှ ဒေါ်အောင်ဆန်းစုကြည်အား ရွေးကောက်ပွဲတွင် မပါဝင်နိုင်အောင် အခြေအနေများကို ဖန်တီး တားမြစ်ထားမည်ဆိုလျှင် မြန်မာနိုင်ငံသည် နိုင်ငံတကာ အသိုင်းအဝိုင်း၏ အထောက်အကူ များလည်း ရရှိလိမ့်မည်မဟုတ်ဟု သူက ပြောသည်။

ဂျပန်နိုင်ငံခြားရေး ဝန်ကြီးသည် ပြီးခဲ့သော အင်္ဂါနေ့က အာဖဂန်နစ္စတန်နိုင်ငံ ကဘူးမြို့တော်တွင် ရောက်ရှိနေစဉ် သတင်းထောက်များအား ထို့ကဲ့သို့ ပြောကြား လိုက်ခြင်း ဖြစ်သည်။

ဝန်ကြီးက“ ယခုကျင်းပပြုလုပ်မည့် မြန်မာ့ရွေးကောက်ပွဲကို တရားမျှတပြီး ပွင့်ပွင့်လင်းလင်းရှိတဲ့ အခြေအနေမျိုးနှင့် ကျင်းပ ပြုလုပ်ပေးမည်ဆိုလျှင် မြန်မာနိုင်ငံ အတွက် အလွန်အရေးပါသော အပြောင်းအလဲ တရပ် ဖြစ်လာနိုင်မည်ဖြစ်သလို အခွင့်အလမ်းကောင်းများလည်း ပွင့်လန်း လာလိမ့်မည်” ဟု ပြောကြားသည်။

ဂျပန်နိုင်ငံခြားရေး ဝန်ကြီးသည် ယမန်နေ့က ဗီယက်နမ်နိုင်ငံ ဟနွိုင်းမြို့တွင် မြန်မာ နိုင်ငံခြားရေး ဝန်ကြီး ဦးဥာဏ်ဝင်းနှင့် တွေ့ဆုံစဉ် ၂၀၁၀ ရွေးကောက်ပွဲတွင် ဒေါ်အောင်ဆန်းစုကြည် ပါဝင်နိုင်အောင် ဆောင်ရွက်ပေးရန်ကိုလည်း တောင်းဆို တိုက်တွန်းခဲ့သည်။

ဦးဥာဏ်ဝင်းကမူ မြန်မာ့ရွေးကောက်ပွဲ ကျင်းပမည့်ရက်ကို သူ့အနေဖြင့် မသိရှိသေးကြောင်း အာဆီယံ နိုင်ငံများ၏ နိုင်ငံခြားရေးဝန်ကြီးများ အစည်းအဝေးတွင် ပြောကြားလိုက်သည်ဟု AP သတင်း တပုဒ်တွင် ဖေါ်ပြထားသည်။

အဆိုပါ အာဆီယံ အစည်းအဝေးတွင် အာဆီယံဝန်ကြီးများက မြန်မာ့ရွေးကောက်ပွဲနှင့် ပတ်သက်၍ ဖြစ်ပေါ်လာမည့် ကောင်းကျိုးဆိုးကျိုးမှန်သမျှသည် အာဆီယံအဖွဲ့ကြီးအပေါ်တွင် ရိုက်ခတ်လာမည် ဖြစ်သလို ငြိမ်းချမ်းစွာ ဖြစ်ပေါ်လာမည့် အမျိုးသား ပြန်လည်သင့်မြတ်ရေးကိုလိုလားကြောင်း ဦးဥာဏ်ဝင်းအား အသိပေး ပြောဆိုခဲ့ကြသည်။



: ----------------------------------- ----------------------------------- ----------------------------------- :



(နိရဉ္စရာ သတင်းများကို မည်သူ မဆို လွတ်လပ်စွာ ကူးယူ အသုံးပြုနိုင်ပါသည်။ သို့သော် သတင်းရင်းမြစ်နေရာတွင် နိရဉ္စရာ နာမည်ကို ဖေါ်ပြပေးစေလိုပါသည်။)

ထောင်ဆိုတာကတော့ လူ့ပြည်က အပယ်ဘုံ တဘုံပါပဲ

ဧရာဝတီ Wednesday, July 21, 2010

ဦးဝင်းထိန်သည် စစ်တက္ကသိုလ် အပတ်စဉ် ၅ သင်တန်းဆင်း ဗိုလ်ကြီးဟောင်း တဦးဖြစ်ပြီး အမျိုးသား ဒီမိုကရေစီ အဖွဲ့ချုပ် (NLD) ဒု ဥက္ကဋ္ဌ ဦးတင်ဦး၏ ကိုယ်ရေး အရာရှိ အဖြစ် ဆောင်ရွက် ခဲ့ဖူးသူ ဖြစ်သည်။ ၁၉၈၈-၈၉ နှစ်များအတွင်း ဒေါ်အောင်ဆန်းစုကြည်၏ အထက်မြန်မာပြည်၊ အောက်မြန်မာပြည် စည်းရုံးရေး ခရီးစဉ် များတွင် ပါဝင်ခဲ့သည်။ ဦးဝင်းထိန်ကို ၁၉၈၉ ခုနှစ်တွင် စစ်အစိုးရက စတင်ဖမ်းဆီးခဲ့ပြီး စုစုပေါင်း ထောင်ထဲတွင် အနှစ် ၂၀ ကျော်နေခဲ့ရသည်။ ကသာထောင်မှ နေ၍ ဇူလိုင် ၁၅ ရက်နေ့က ပြန်လည် လွတ်မြောက်ခဲ့သည့် ဦးဝင်းထိန်ကို ဧရာဝတီသတင်းထောက် စိုင်းဇွမ်ဆိုင်းက ဆက်သွယ် မေးမြန်းထားသည်များကို ဖော်ပြလိုက်ပါသည်။

ဦးဝင်းထိန် (ဓာတ်ပုံ - အေပီ)
မေး။ ။ ဦးဝင်းထိန် အခု မီဒီယာတွေမေးတာ တော်တော် ဖြေနေရမယ် ထင်တယ်။

ဖြေ။ ။ ဖြေရတာကတော့ အပ်ချည် တစကို ဆွဲထုတ်သလို ဖြစ်နေတာပေါ့။ ကျနော့် မိန်းမကတော့ လုံးဝ သဘော မတူဘူး။

မေး။ ။ ထောင်ထဲမှာ နေခဲ့ရတုန်းက ကြုံခဲ့ရတဲ့ အနေအထား၊ အစားအသောက်တွေ၊ ဆေးဝါးတွေ ရရှိမှုနဲ့ ပတ်သက်ပြီး ပြောပြပေးပါ။

ဖြေ။ ။ ၁၉၈၉ ကနေပြီး ၉၅ အထိက အဲဒါ ၅ နှစ်ခွဲ၊ ၉၆ ကနေပြီးတော့ မကြာသေးခင်က အထိ ၁၄ နှစ်နဲ့ ၂ လ ထောင်ထဲမှာ နေခဲ့ရတယ်။ မြင်းခြံထောင်မှာ၊ မန္တလေးထောင်မှာ၊ မိတ္ထီလာထောင်မှာ နေခဲ့ရတယ်။ နောက်ဆုံးလွှတ်လိုက် တာကတော့ ကသာထောင်ကပေါ့။ ထောင်ထဲမှာကတော့ အမျိုးမျိုး ကြုံခဲ့ရတာပဲ။ စောစောပိုင်းကဆိုရင် ထမင်းမဝတာမျိုးတွေတော့ ရှိခဲ့ဖူးတယ်။ ကိုယ်ကတော့ အဲဒီမဝတဲ့ ဒဏ်ကိုခံခဲ့ရပြီး ထိခဲ့တာပေါ့။ နောက်ပိုင်းတော့ အဲဒီပြဿနာ မရှိတော့ပါဘူး။ ကိုယ်ကလည်း အစားသောက် များများမစားတော့ ပြဿနာ သိပ် မရှိဘူး။ နှိပ်စက်တာတို့ ဘာတို့တော့ အခုနောက်ပိုင်း သူတို့ သိပ်မလုပ်ကြတော့ဘူး။ နည်းနည်း ပညာပြတာလေးလောက်ပဲ ရှိတာပေါ့။ ထူးထူးခြားခြားတော့ သူတို့ သိပ်မလုပ်ကြတော့ဘူး။ အပေါ်ကလည်း တားတယ်နဲ့ တူပါတယ်။

မေး။ ။ ဘယ်အချိန်လောက်အထိ အဲဒီလို နှိပ်စက်ညှဉ်းပမ်းမှုတွေ ရှိခဲ့ပါသလဲ။

ဖြေ။ ။ ၁၉၉၉ လောက်အထိတော့ ရှိဖူးတယ်။

မေး။ ။ ဦးဝင်းထိန်အနေနဲ့ ဒီတခေါက်လွတ်လာတာက လွတ်ရက်စေ့လို့လား။

ဖြေ။ ။ အဲဒီ သဘော ပါပဲ။

မေး။ ။ ၂၀၀၈ မှာတုန်းက ဦးဝင်းထိန် တခေါက်ပြန်လွတ်ခဲ့သေးတယ်နော်။ ဘာဖြစ်လို့ပြန်ဖမ်းတာပါလဲ။

ဖြေ။ ။ ကျနော့် အထင်ပြောပြမယ်နော်။ ကျနော်က ဒီနေရာမှာပြောချင်တာကတော့ ထောင်က ထွက်လာတဲ့ လူတယောက်ဟာ တပတ်နှစ်ပတ်၊ တလနှစ်လ စိတ်က ပုံမှန်ပြန်မဖြစ်ဘူး။ ပတ်ဝန်းကျင် ရိုက်ခတ်မှုတွေရှိတယ်၊ စကားပြောတာ မှန်ချင်လည်း မှန်မယ်၊ မှားချင်လည်းမှားမယ်၊ ဒီ သဘောလေးကတော့ တော်တော် သဘောပေါက်ထားမှ ဖြစ်မယ်။

ကျနော့်ကို ၂၀၀၈ စက်တင်ဘာ ၂၃ မှာလွှတ်ပေးလိုက်တယ်။ လွှတ်ပေးလိုက်တော့ ကသာက ဧရာဝတီ တည်းခိုခန်းမှာ တည်းတယ်။ တည်းတော့ သူတို့ကနောက်တနေ့မှာ သင်္ဘောနဲ့ ကျနော့်ကို မန္တလေး၊ အဲဒီနောက်မှာ ရန်ကုန်ပို့ပေးမယ်လေ။ အဲဒီတော့ ကျနော်လည်း အိမ်နဲ့ တယ်လီဖုန်းတွေ ဆက်သွယ်၊ စိတ်ကတော့ ဝမ်းသာ ကျေနပ်နေတာပေါ့။ မမျှော်လင့်ဘဲနဲ့ သတင်းဌာနတခုက ဝင်လာတဲ့ အခါမှာတော့ ကျနော်က စိတ်ထဲမှာ ရှိတဲ့အတိုင်း ပြောလိုက်တယ်။ တရားဥပဒေ အရ လူတွေကို ၆၅ နှစ်၊ အနှစ် ၁၀၀ ချတာ၊ အဲဒါ ရုပ်ပျက်ဆင်းပျက် နိုင်လွန်းတဲ့ ကိစ္စ၊ နောက်ပြီးတော့ နိုင်ငံရေးမှာ တဘက်စောင်းနင်း လုပ်ပြီးတော့ မျှမျှတတ မရှိဘဲနဲ့ လုပ်ချင်သလို လုပ်တဲ့ကိစ္စ။ နောက် ကျန်းမာရေးစောင့်ရှောက်မှု ညံ့တဲ့ ကိစ္စ၊ အဲဒါတွေ ပြောလိုက်တယ်။ ပြောလိုက်တော့၊ နောက်နေ့ကျတော့ ရဲမှူးကြီးတယောက်က လာပြီးတော့ ခဏလောက် လိုက်ခဲ့ပါဆိုပြီး ထောင်ထဲပြန်ပို့လိုက်တယ်။

မေး။ ။ အဲဒါပြီးသွားတော့ ထောင်ထဲက တရာရုံးမှာ ပြန်စစ်သေးလား။

ဖြေ။ ။ ဘာမှ မစစ်တော့ဘူး။ အဲဒီတုန်းက ၁၄ နှစ် မပြည့်သေးဘူးလေ၊ ထောင်ထဲမှာ ၁၄ နှစ်ပြည့်တော့ လည်း မလွှတ်သေးဘူး။ နောက် ၂ လ ဆက်ထားတာ။

မေး။ ။ အဲဒါဆို ဦးဝင်းထိန်က အမိန့်ချထားတဲ့ ပြစ်ဒဏ်ထက် ပိုပြီး နေခဲ့ရတာလား။

ဖြေ။ ။ အဲဒီလို ယူဆလို့ ရပါတယ်။

မေး။ ။ ဦးဝင်းထိန် ထောင်ထဲမှာနေရတုန်းက NLD ခေါင်းဆောင် တွေဖြစ်တဲ့ ဒေါ်အောင်ဆန်းစုကြည်တို့၊ ဦးတင်ဦးတို့ဆီက အားပေးတဲ့စာတွေ ဘာတွေကော ရဖူးပါသလား။

ဖြေ။ ။ အဲဒါကတော့ အာဏာပိုင်တွေက ခွင့်မပြုဘူး။ အိမ်ကတော့ တလတခါ လာတယ်၊ စားစရာတွေ ပို့ပေးတယ်၊ နောက် ဖတ်စရာ ဂျယ်နယ်တို့၊ စာအုပ်တို့ သွင်းပေးတယ်။

မေး။ ။ ဦးဝင်းထိန်လို စစ်တပ်အရာရှိ တယောက်အနေနဲ့ ဘယ်လိုဖြစ်ပြီး အမျိုးသားဒီမိုကရေစီ အဖွဲ့ချုပ်ဝင် ဖြစ်ခဲ့တာပါလဲ။

ဖြေ။ ။ NLD ဖွဲ့တဲ့အချိန်မှာ ကျနော်က တပ်မှာ မရှိတော့ဘူး။ တပ်က ထွက်သွားပြီးပြီ။ အဲဒီအချိန်မှာ ကျနော်တို့ ဒုဥက္ကဋ္ဌ ဦးတင်ဦးရဲ့ မေတ္တာရပ်ခံချက်အရ နိုင်ငံရေး ကိစ္စတွေနဲ့ ပတ်သက်လို့ ဒေါ်အောင်ဆန်းစုကြည်ကို သွားပြီးတော့ ကူပါဆိုတာနဲ့ ဒေါ်အောင်ဆန်းစုကြည် ဆီမှာ မြဲသွားတာပေါ့။ ၁၉၈၈၊ ၈၉ မှာ အထက်ဗမာပြည်၊ အောက်ဗမာပြည် စည်းရုံးရေး ခရီးစဉ်မှာ ပါခဲ့တယ်။ ပါပြီးတော့မှ ၈၉ မေ မှာ ရွေးချယ်တင်မြှောက်ခံရတဲ့ ပုဂ္ဂိုလ်တွေ အစည်းအဝေး လုပ်မယ်ဆိုပြီးတော့ တတိုင်းတပြည်လုံး ဖိတ်လိုက်တဲ့အခါမှာ သူတုိ့က အဲ့ဒီအဖွဲ့တွေ အကုန်လုံး အကျဉ်းချုပ်ချတဲ့သူချတယ်၊ အကျယ်ချုပ်ချတဲ့သူ ချတယ်။ အဲဒီအချိန်မှာ ကျနော့်ကို ဖမ်းလိုက်တာပေါ့။ ၁၉၈၉ ဇန်နဝါရီလ ၂၀၊ အဲဒီကနေပြီးတော့ ကျနော် ၉၅ အထိ နေခဲ့ရတယ်။

မေး။ ။ အခု စစ်အစိုးရလုပ်မယ့် ရွေးကောက်ပွဲရယ်၊ ဒေါက်တာသန်းငြိမ်းတို့ရဲ့  NDF ပါတီရယ်ကို ဘယ်လိုမြင်ပါသလဲ။

ဖြေ။ ။ ရွေးကောက်ပွဲ ကိစ္စကတော့ ကျနော်တို့က မှတ်ပုံ မတင်ဘူးဆိုတော့ ပြောစရာမလိုတော့ဘူး၊ ပြီးသွားပြီလေ။ ဒေါက်တာသန်းငြိမ်းနဲ့ ဦးခင်မောင်ဆွေတို့ကလည်း လုပ်ပိုင်ခွင့်ရှိပါတယ်၊ လုပ်ကြပါ။ ကျနော်တော့ မပတ်သက် ချင်တော့ဘူး။ မပတ်သက်ဘူးပေါ့။

မေး။ ။ ဦးဝင်းထိန် တယောက်တည်း အနေနဲ့ကော ဘာတွေဆက်လုပ်သွားဖို့ အစီအစဉ်တွေ ရှိပါသလဲ။

ဖြေ။ ။ ကျနော် လောလောဆယ်တော့ ကျန်းမာရေးအတွက် ဆေးစစ်တာတွေ လုပ်ရမယ်။ နှလုံးရောဂါရှိတယ်၊ အစာအိမ်ရောဂါရှိတယ်၊ နောက်ပြီးသွေးတိုးလည်းရှိတယ်၊ အရိုးကျည်းပေါင်း တက်တော့ ဆေးက တရက်ကို ၈ မျိုးလောက်သောက်ရတယ်။ အဲဒါပြီးတော့မှ ထောင်ထဲမှာ ကျန်ခဲ့တဲ့ ဘဝတူတွေ အတွက် လူမှုရေးအထောက်ပံ့တွေလုပ်မယ် အားပေးတာတို့၊ တချို့ ဆိုလည်း တတ်နိုင်သလောက်ပိုက်ဆံတွေ ကူတာတို့ အဲဒါတွေလုပ်ပေးမယ်။

မေး။ ။ ဦးဝင်းထိန် အနေဲ့ ထောင်ထဲမှာ နေခဲ့ရတဲ့ အချိန်တွေကို စကားလုံး တလုံးတည်းနဲ့ အဓိပ္ပာယ်ပေါ်အောင် ပြောပါဆိုရင် ဘယ်လိုပြောမလဲ။

ဖြေ။ ။ အဲဒါကတော့ ဦးနိုင်းနိုင်းကို ကိုးကားရတော့ မှာပဲ။ ထောင်ဆိုတာကတော့ လူ့ပြည်က အပယ်ဘုံ တဘုံပါပဲ ခင်ဗျာ။

NLDနှင့်ILOပူပေါင်းပြီးလူအခွင့်အရေးပူးပေါင်းဆောင်ရွက်မည်

NLD to Cooperate With ILO[1]

ရွှေခမောက်စာစောင်အမှတ်စဉ်(၁၁၉)

Shwekhama Bulletin (119)

သတင်း--မြတ်လေးငုံ

အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ) (၆၃)နှစ်မြောက် အာဇာနည်နေ့ ထုတ်ပြန်ကြေငြာချက်

NLD _LA_'s Statement on 63 Years of Martyr Day

သတင်း--မြတ်လေးငုံ

(၆၃)နှစ်မြောက် အာဇာနည်နေ့ အထိမ်းအမှတ် လူငယ်စကားဝိုင်းအားအမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ)တွင် ပြလုပ်သော ဓါတ်ပုံမှတ်တမ်း

သတင်း မြတ်လေးငုံ

The Voice ဂျာနယ်...(6-35)

The-Voice 6-35


သတင်း ဒီမိုဝေယံ

ဦးတင်ဦးနေအိမ်၌ အာဇာနည်နေ့အခမ်းအနား ကျင်းပွဲဓာတ်ပုံမှတ်တမ်း

သတင်း-- ဒီမိုဝေယံ

ဦးတင်ဦးနေအိမ်၌ အာဇာနည်နေ့အခမ်းအနား ကျင်းပ

အောင်ထက် / ၁၉ ဇူလိုင် ၂၀၁၀


ယနေ့ကျရောက်သည့် (၆၃) နှစ်မြောက် အာဇာနည်နေ့ အထိမ်းအမှတ် အခမ်းအနားကို အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က ပါတီဒု-ဥက္ကဋ္ဌ ဦးတင်ဦး၏ နေအိမ်တွင် ကျင်းပပြုလုပ်သည်။

အာဇာနည်နေ့အခမ်းအနားကို နံနက် (၉) နာရီကျော်ကျော်တွင် စတင်ပြုလုပ်ပြီး အန်အယ်လ်ဒီ ဗဟိုအလုပ်အမှုဆောင်အဖွဲ့ဝင်များဖြစ်ကြသည့် ဦးညွန့်ဝေ၊ ဦးဝင်းတင်၊ ဦးလှဖေ၊ ဦးဉာဏ်ဝင်း၊ ဦးအုန်းကြိုင်၊ ဦးသန်းထွန်းတို့အပါအ၀င် အန်အယ်လ်ဒီလူငယ်များ၊ ၀ါရင့်နိုင်ငံရေးသမားကြီးများ၊ စီအာပီပီအဖွဲ့ဝင်များ စသဖြင့် ပရိသတ်ပေါင်း (၅၀၀) ခန့် စုံညီစွာတက်ရောက်ခဲ့ကြကြောင်း သိရသည်။

ဦးဉာဏ်ဝင်းက “အဓိကကတော့ အာဇာနည်တွေနဲ့ ထိတွေ့ခဲ့ဖူးတာတွေကို ပြန်လည်ပြောပြဖို့ ရည်ရွယ်ပြုလုပ်တာပါပဲ” ဟု ပြောသည်။

အဆိုပါအခမ်းအနားတွင် အန်အယ်လ်ဒီ ဗဟိုအလုပ်အမှုဆောင် ဦးသန်းထွန်းက ၎င်းနှင့် ဗိုလ်ချုပ်အောင်ဆန်းတို့ ဖဆပလ ခေတ်တလျှောက် လက်တွဲ ပတ်သက်ခဲ့ပုံများကို ပြောပြပြီး သခင်ချန်ထွန်း၊ သခင်သိန်းမောင်တို့က ၎င်းတို့နှင့် ဗိုလ်ချုပ်အောင်ဆန်း ရင်းနှီးပတ်သက် လက်တွဲခဲ့ပုံများကို ပြောပြကာ နံနက် (၁၀) နာရီ (၃၇) မိနစ်တွင် ကျဆုံးသွားသော အာဇာနည်ကြီးများအား ရည်စူးကာ ဦးတင်ဦး၏ နေအိမ်ခြံဝင်းအတွင်း ကားဟွန်းဆွဲပြီး (၁) မိနစ်ကြာ အလေးပြုခဲ့ကြကြောင်း၊ လူကြီးများက အိမ်အတွင်းမှ အလေးပြုကာ လူငယ်များက အိမ်အပြင်ဘက် ခြံဝင်းအတွင်းထွက်ကာ အလေးပြုကြကြောင်း သိရသည်။

ထို့နောက် ဆက်လက်ပြုလုပ်သည့်အစီအစဉ်တွင် ဦးဝင်းတင်က ဗိုလ်ချုပ်နှင့်ပတ်သက်မှုကို မပြောဘဲ ဗိုလ်ချုပ်ကို လုပ်ကြံသူ စိန်ကြီးအကြောင်း ဟောပြောခဲ့သည်ဟု အခမ်းအနားတက်ရောက်ခဲ့သည့် အန်အယ်လ်ဒီ လူငယ်အဖွဲ့ဝင်တဦးက ပြောသည်။

စိန်ကြီးသည် တော်လှန်ရေးသမားစစ်စစ်ဖြစ်ပြီးလျှင် ဗိုလ်ချုပ်ကို အလွန်ကြည်ညိုသူဖြစ်ကြောင်း၊ နိုင်ငံရေး အပေါင်းအသင်းမှားမှုကြောင့် ကိုယ်ကြည်ညိုခဲ့သူကို ပြန်လုပ်ကြံခဲ့သည်ဟု ဦးဝင်းတင်က ပြောကြားသွားကြောင်း သိရသည်။

“ဒါကြောင့် ယနေ့လူငယ်တွေအနေနဲ့ နိုင်ငံရေးအတွေးအခေါ်မှားတွေကို လက်မခံဖို့၊ ကိုယ့်ခေါင်းဆောင်ကို ကိုယ်ပြန်မသတ်မိဖို့၊ စဉ်းစားဆင်ခြင်ကြဖို့လိုကြာင်း ဟောပြောသွားပါတယ်” ဟု အန်အယ်လ်ဒီလူငယ်တဦးက ပြောသည်။

ထို့နောက် ဦးတင်ဦးက ဗိုလ်ချုပ်ကို စစ်ဝတ်စုံအပြည့်နှင့် အဝေးကကြည့်ခဲ့ရစဉ်ကတည်းက ကြည်ညိုခဲ့ကြောင်း ဟောပြောခဲ့သည်ဟု သိရသည်။

အန်အယ်လ်ဒီမှ လူငယ်များအပါအ၀င် ပါတီဝင်အင်အား (၂၀၀) ကျော်ခန့်က အခမ်းအနားအပြီးတွင် အာဇာနည်ကြီးများအား လွမ်းသူ့ပန်းခွေချရန်အတွက် အာဇာနည်ဗိမာန်သို့ လမ်းလျှောက်ချီတက်ခဲ့ကြကြောင်းလည်း သိရသည်။

::: Copyright © 1992-2010 The New Era Journal :::

အာဇာနည်နေ့အထိမ်းအမှတ် အလံတဝက်လွှင့်ထူရန် ပျက်ကွက်

ဝီရ / ၁၉ ဇူလိုင် ၂၀၁၀


ဗိုလ်ချုပ်အောင်ဆန်းနှင့်တကွ ကျဆုံးလေပြီသော အာဇာနည်ခေါင်းဆောင်ကြီးများ ကျဆုံးခဲ့သည့် ဇူလိုင် (၁၉) ရက်နေ့၌ ဝမ်းနည်းသည့်အထိမ်းအမှတ်ဖြင့် နိုင်ငံတော်အလံတဝက် လွှင့်ထူသည့်အစဉ်အလာကို အစိုးရရုံး၊ ဌာနများ၊ မယကရုံးများက လိုက်နာခြင်း မရှိတော့ကြောင်း ရန်ကုန်မြို့ခံများထံမှ သိရသည်။

“ဒီနေ့မှာ ဘယ်ရုံးဌာနပဲဖြစ်ဖြစ် (နိုင်ငံတော်) အလံတဝက် လွှင့်ထားရမယ်ဆိုတဲ့အမိန့် ရှိပြီးသားပါ။ ဒါပေမယ့် ရန်ကုန်က အစိုးရဌာနတွေရဲ့ အလံတွေက တိုင်ထိပ်မှာ ဒီအတိုင်း ပုံမှန်လွှင့်ထားကြတာ မမြင်ချင်အဆုံးပဲ။ ဒီနေ့မှာ မြို့တော်ခန်းမမှာတောင် အလံအပြည့်ထူထားတယ်” ဟု ဗဟန်းမြို့နယ်တွင် နေထိုင်သူတဦးက ခေတ်ပြိုင်သို့ ပြောကြားသည်။

နိုင်ငံတော်အလံကို တိုင်တဝက်တွင် လွှင့်ထူထားခြင်း မရှိသည့်အတွက် ရှုမြင်သူတိုင်း ဒေါသဖြစ်ရကြောင်း အဆိုပါ ရန်ကုန်မြို့ခံက ဆိုသည်။

“ဒီနေ့ အလံတဝက် လွှင့်မထားတဲ့ ရုံးတွေထဲမှာ မြို့နယ်ရဲစခန်းတွေ၊ ပြီးတော့ ရန်ကုန်တိုင်း တရားရုံးရယ်၊ ကမ်းနားလမ်းတလျှောက်က ရုံး၊ ဌာနတွေ အားလုံးလိုလိုပဲ။ မလွှင့်လည်း ရတယ်ဆိုပြီး ဒါ သက်သက်မဲ့ လုပ်တာ” ဟု ရန်ကုန်မြို့တွင်းပိုင်းသို့ ရောက်ရှိခဲ့သူ တက္ကသိုလ်ကျောင်းသား လူငယ်တဦးက ပြောသည်။

ယနေ့၌ ယင်းကဲ့သို့ တိုင်ထိပ်၌ နိုင်ငံတော်အလံ လွှင့်ထူထားသည့်အထဲတွင် ဗဟန်းမြို့နယ်၊ တာမွေအဝိုင်းအနီး၊ ခြောက်ထပ်ကြီးဘုရားရှိ ရွှေဂုံတိုင်ဆေးခန်း၊ မြေနီကုန်းရှိ ဒဂုံအရောင်းစင်တာ စသည့် ပုဂ္ဂလိကဌာနများစွာလည်း ပါဝင်ကြောင်း သိရသည်။

ယင်းကဲ့သို့ အစိုးရရုံးဌာနများက အလံတဝက် လွှင့်ထူခြင်း မရှိခဲ့သည်မှာ ယခင်နှစ်များတွင် ရှိခဲ့သော်လည်း ယခုနှစ်ကဲ့သို့ ထင်သာမြင်သာသည့် အဖြစ်မျိုးမဟုတ်ကြောင်း ရန်ကုန်မြို့ခံတို့က ပြောဆိုသည်။

အာဇာနည်နေ့ အထိမ်းအမှတ်ကို ဂုဏ်ပြုသောအားဖြင့် မြန်မာစစ်အစိုးရ၏ သတင်းစာများတွင် ကဗျာ၊ ဆောင်းပါးများ ယနေ့ ဖော်ပြခြင်း မရှိသည့်အတွက်လည်း ဝါရင့်စာရေးဆရာတဦးက ဝေဖန်လိုက်သည်။

၎င်းက “အာဇာနည်နေ့ဆိုတာ လူတွေရဲ့စိတ်ထဲမှာ ကိန်းအောင်းမှု မရှိတော့အောင် တမင်သက်သက် ရည်ရွယ်ချက်ရှိရှိနဲ့ လုပ်နေတာ ဖြစ်တယ်။ အစိုးရရုံးတွေ အလံမထောင်ဘူး။ ဘာဖြစ်သွားလို့လဲ။ အရေးယူတယ်ဆိုတာ ဝေးရောပဲ။ ဒါကြောင့် လူတွေမေ့သွားအောင် တမင်ကို လုပ်ကြံတာ။ အခုဆို အစိုးရဝန်ထမ်းတွေကိုယ်တိုင်က ဒီနေ့ နားရက်ရတာထက် ပိုမသိတော့ဘူး။ မထူးတော့သလို ဖြစ်လာကြတယ်။ ဒါတွေအားလုံးဟာ စစ်အစိုးရရဲ့ ပယောဂ မကင်းဘူးဆိုတာ နားလည်သင့်တယ်” ဟု ပြောကြားသည်။

::: Copyright © 1992-2010 The New Era Journal :::

လွတ်လပ်မှုကိုဘဲကျမတို့လိုချင်တယ် ---(ဒေါ်အောင်ဆန်းစုကြည်)

33257551 All We Want is Our Freedom by DASSK Bur Trans လ

သူတော်စင်ဒေါ်အောင်ဆန်းစုကြည့်နှင့် တွေ့ဆုံခြင်း

Saint.assk[1]

မူပိုင်ခွင့် © ၂၀၀၉ နေ့သစ်

အာဇာနည်နေ့ ပြည်သူ့ချီတက်ပွဲ ရွှေဂုံတိုင်မှတ်တိုင်မှာ စုရပ်လုပ်မည်

DVB

အာဇာနည်နေ့အကြို မိတ္ထီလာအဖွဲ့ချုပ်ဝင်များ သစ်ပင်စိုက်

DVB

အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ)၊ ဂျပန်ဌာနခွဲ၊ နဂိုယာစည်းရုံးရေးဒေသမှ (၆၃)နှစ်မြောက်အာဇာနည်နေ့အထိမ်းအမှတ်ဆွမ်းကပ်လှူပွဲအခမ်းအနားကျင်းပ

အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ)၊ ဂျပန်ဌာနခွဲ၊ နဂိုယာစည်းရုံးရေးဒေသမှ (၆၃)နှစ်မြောက်အာဇာနည်နေ့အထိမ်းအမှတ်ဆွမ်းကပ်လှူပွဲအခမ်းအနားကို ယနေ့(၁၈-၇-၂၀၁၀) တနင်္ဂးနွေနေ့၊ နံနက်(၈)နာရီတွင် နဂိုယာစည်းရုံးရေးဒေသ၏ ရုံးခန်းတွင်ကျင်းပခဲ့ကြသည်။ အဆိုပါ (၆၃)နှစ်မြောက်အာဇာနည်နေ့အထိမ်းအမှတ်ဆွမ်းကပ်လှူပွဲအခမ်းအနားသို့ အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ)၊ ဂျပန်ဌာနခွဲ၊ နဂိုယာစည်းရုံးရေးဒေသမှအဖွဲ့ဝင်များနှင့် မြန်မာနိုင်ငံသားဒုက္ခသည်များ ကူညီစောင့်ရှောက်ရေးအသင်း(ဂျပန်)မှအဖွဲ့ဝင်များ၊ စုစုပေါင်းအင်အား(၃၀)ခန့် တက်ရောက်ခဲ့ကြသည်။ နံနက်(၈း၃၀)တွင် ဆရာတော်အား မုန့်ဟင်းခါးဆွမ်းနှင့်အချိုပွဲများဆက်ကပ်လှူဒါန်းခြင်း၊ (ဆွမ်း၊သင်္ကန်း၊ကျောင်း၊ဆေး)စသည်တို့အတွက် အဖွဲ့ဝင်များမှပူးပေါင်းလှူတန်းထားသော နဝကမ္မအလှူငွေများဆက်ကပ်လှူဒါန်းခြင်းနှင့် ဆရာတော်မှဟောကြားတော်မူသော တရားဒေသနာတော်များကိုကြားနာခဲ့ကြသည်။ ဆက်လက်ပြီး (၁၉၄၇)ခုနှစ်၊ ဇူလိုင်လ၊ (၁၉)ရက်နေ့တွင်ကျဆုံးသွားသော ဗိုလ်ချုပ်အောင်ဆန်းနှင့်တကွ အာဇာနည်ခေါင်းဆောင်ကြီးများအားရည်စူးပြီး ရေစက်ချအမျှဝေခဲ့ကြသည်။ ထို့နောက် ကြွရောက်လာကြသော ဒီမိုကရေစီအင်အားစုများနှင့် ဧည့်သည်တော်များအား မုန့်ဟင်းခါးနှင့်တည်ခင်းဧည့်ခံပြီး နေ့လည်(၁၁း၃၀)ခန့်တွင် အခမ်းအနားကိုရုပ်သိမ်းခဲ့ကြသည်။

ဦးအောင်ဆန်း၏ နောက်ဆုံးနေ့

ဒဂုန်တာရာ Saturday, July 17, 2010 . ဇူလိုင်လ ၁၉ ရက်၊ စနေနေ့ ၁၀ နာရီခွဲ။
မိုးလင်းကတည်းကပင် ကောင်းကင်သည် အုံ့မှိုင်း ညို့မှုန်လျက်ရှိသည်။ တိမ်တိုက်ဟူ၍ ဘာမှကြည်လင်စွာမမြင်ရ။ မိုးကိုကြည့်ရသည်မှာ မြူသန်းနေသောပင်လယ်ပြင်ကြီးလို ၀ိုးဝိုးဝါးဝါးနေသည်။ မိုးသည် ကင်းကင်းလွတ်လွတ်စဲသည် ဟူ၍မရှိ၊ တဖွဲဖွဲ ဖွဲနေလိုက်၊ တဖြိုင်ဖြိုင်ရွာချလိုက် နှင့်၊ နောက် စွေ၍ နေလေသည်။

ဒီကနေ့ အတွင်းဝန်များရုံးသို့ သွားစရာရှိသည်။ တိုင်းပြုပြည်ပြုလွှတ်တော် အထူးအရာရှိ ဦးသိန်းဟန်(ဇော်ဂျီ)က စနေနေ့ နေ့လယ်တွင် ဆောင်းပါးလာယူရန် ချိန်းထားသည်။ ဗိုလ်ချုပ်၏ အပါးတော်မြဲ ဗိုလ်ထွန်းလှထံမှလည်း ခရီးသွားခြင်း ဆောင်းပါးဝင်ယူရင်း ခဏတဖြုတ် စကားစမည်ပြောပြီးနောက် ဇော်ဂျီဆီသို့ သွားမည်ဟု စိတ်ကူးထား သည်။

၁၀ နာရီလောက်ကတည်းက အ၀တ်အစားလဲပြီး မိုးအတိတ်ကို စောင့်လျက်ရှိသည်။ မိုးကား မစဲနိုင်။ သို့နှင့် စားပွဲတွင် ထိုင်ကာ အပြီးမသတ်သေးသော ကဗျာတပုဒ်ကိုစပ်ရင်း ၁၁ နာရီ ထိုးသွားလေပြီ။ မိုးကား မတိတ်သေးပေ။

နောက်ဆုံးတွင် မိုးစဲလိမ့်မည် မဟုတ်ဟု စိတ်ချလိုက်ပြီး အပေါ်အင်္ကျီ ၀တ်ကာ လမ်းမကြီးသို့ ထွက်ခဲ့သည်။ အဆင် သင့် တွေ့ သော ဒေါင်းတံဆိပ် တာမွေ ဘတ်စ်ကားကို တက်စီးလိုက်သည်။ ကားထဲတွင် ကြည့်မြင်တိုင်ဘက်မှ လိုက်ပါ လာမည် ထင်ရသော တောသား ၃ ယောက်နှင့် တရုတ်မ ၂ ဦးကိုတွေ့ရသည်။ ကား ပြတင်း တံခါးများမှာ ပိတ်ထားသည်။ ခရီးသည်တို့ကား တိတ်ဆိတ်စွာလိုက်ပါလာကြသည်။ အပြင်ဘက်တွင်ကား မိုးသည်ရွာလျက်ပင်။ ရွှံ့ဗွက်ချိုင့်ဝှမ်းတို့ဖြင့် ပြွမ်းသော ရန်ကုန် ကားလမ်းကား စိုစွတ်လှသည်။

ကားသည် သိမ်ကြီးဈေးတွင် ခေတ္တရပ်ပြီး ဆက်လက်၍ တဟုန်တည်း မောင်းလာသည်။ ခရီးသည် အဆင်း အတက် သိပ် မရှိလှ။ သို့နှင့် စပတ်လမ်း(ယခု ဗိုလ်အောင်ကျော်လမ်း) ရောက်လျှင် ကျနော် ဆင်းလိုက်သည်။

ထို့နောက် ဒါလဟိုဇီ လမ်း(ယခု မဟာဗန္ဓုလ လမ်း)ဘက်မှ စပတ်လမ်းကို ဖြတ်ကူးလိုက်သည်။ လမ်းဘေးတွင် မော်တော်ကားများသည် ဟိုတစု သည်တစု ရပ်လျက်ရှိသည်။ ကားတချို့ကား သွားလာလျက်။

ထီးဆောင်းလျက်၊ မိုးကာဝတ်လျက် လူများသည် သွားကြလာကြနှင့် ရှုပ်ရှက်ခတ်နေသည်။

သူရိယတိုက်ရှေ့အ၀င် တံခါးမပေါက်ကြီးတွင်ကား လူများသည် အတွင်းသိုမျှော်လိုက်။ စကားပြောလိုက်နှင့် နေကြ သည်ကိုတွေ့မြင်ရသည်။ ကျနော်ကား ရုံးဆင်းချိန်မို့ လူတွေရှုပ်နေတာ ထင်ပါရဲ့ ဟုသာ သာမန် အောက်မေ့ မိသည်။

ကျနော်သည် အင်မတန်အရိပ်ခြေကို မသိတတ်၊ မမြင်တတ်သူ ဖြစ်ချေသည်။ ခါတိုင်းကဲ့သို့ပင် ရဲရဲတင်းတင်း တံခါး ပေါက်မှ အတွင်းသို့ ၀င်သွားသည်။ လမ်းကူး တွင်ကားလက်နက်ကိုင် စစ်သားများ စောင့်ကျပ်လျက် ရှိသည်ကို တွေ့ရ သည်။ ခါတိုင်းလည်း စောင့်နေကျပဲဟု ထင်လိုက်မိသည်။ ကျနော်သည် အတွင်းဝန်ရုံးကို သွားခဲလှပေသည်။

ညှိုးလျော်သော မျက်နှာနှင့် လုံချည် အပြာ ၀တ်ထားသော စာရေးမ နှစ်ဦးသည် သုတ်သုတ် သုတ်သုတ်နှင့် ရုံးထဲမှ ထွက်လာသည်။ သို့နှင့် အလယ် ဆင်ဝင်အောက် ကားဆိုက်သည့်နေရာသို့ ရောက်လာသည်။ ခါတိုင်းလို ရုံးစေများ ချာပရာစီများ ရပ်ပြုနေသည်ကို အလျင်းမတွေ့ရ၊ တိတ်ဆိတ် ငြိမ်သက်၍ နေသည်။

ဗိုလ်ထွန်းလှ အခန်းသို့တက်ရန် လှေကားထစ် တထစ် နှစ်ထစ် တက်မိပြီးမှ တိတ်ဆိတ်ငြိမ်ချက်သား ကောင်းလှသည် ကို စိတ်ထင့်သွား၍ ဗိုလ်ထွန်းလှ ခေတ္တရုံးဆင်းချိန် လက်ဖက်ရည်သောက် သွားနေလိမ့်မည်ဟုတွေးကာ မတက် တော့ဘဲ ဆင်ဝင်အောက်မှဖြတ်သန်းကာ တဘက်ရှိ တိုင်းပြုပြည်ပြု လွှတ်တော်ရုံးခန်းသို့ လာခဲ့လေသည်။ ဇော်ဂျီထံသို့ အပြန်ကျမှပဲ ၀င်တော့မည်လေ၊

လွှတ်တော်ရုံး ၀င်ဝင်ခြင်း သခင်နု၏ ရုံးခန်းတံခါးမှာ ပိတ်ထားသည်ကို တွေ့ရသည်။ သက္ကလပ် ခန်းဆီး အစိမ်းပုတ် ကြီးမှာလည်း ဆွဲပိတ်၍ထားသည်။ သခင်နု၏ရုံးခန်းကိုကျော်၍ဇော်ဂျီ၏အခန်းသို့ရောက်လေပြီ။ သူ့အခန်းမှာ လည်း တံခါး ပိတ်ထားပြီး ခန်းဆီးအစိမ်းပုတ်ကြီးလည်း ဆွဲ၍ထားသည်။ ရုံးစေ နှစ်ယောက်မှာ နံရံကိုမှီကာရပ်နေကြသည်။ ခါတိုင်းလိုစကားပြောမနေကြ။ သူတို့သည်ငေးမှိုင်တွေဝေ၍ တမျိုးကြီးဖြစ်နေသည်ဟု အောက်မေ့လိုက်သည်။

ကျနော်က ငိုင်တိုင်တိုင်နေသော ရုံးစေတဦးအား ‘ဦးသိန်းဟန်ရှိသလား’ ဟုမေးသည်။ ‘ရှိပါတယ်ခင်ဗျ’ ဟု ခပ်တိုးတိုး သာသာအေးအေးဖြေသည်။ သည်တော့မှ မျက်နှာပျက်နေကြောင်းအသေအချာ သိလိုက်တော့သည်။ စိတ်ထဲတွင်ကား မရှင်း။

တံခါးစေ့ထားသဖြင့် အတွင်းသို့ ရုတ်တရက်မ၀င်ဝံ့သေးဘဲ တံခါးဝတွင် ရပ်ကာ ရုံးစေဘက်သို့တဖန်လှည့်၍ ‘‘အထဲမှာအစည်းအဝေးလုပ်နေသလား’’ ဟု မေးရသည်။

ရုံးစေသည် ဘာမှမပြောဘဲ အသာတယာ စေ့ထားသော တံခါးကိုဖွင့်ပေးသည်။ လှမ်းကြည့်လိုက်ရာ သူ၏စားပွဲတွင် ထိုင်နေသော ဇော်ဂျီကိုတွေ့မှ ထီးကိုထောင်ပြီးအတွင်းသို့ ၀င်လိုက်သည်။

ရုံးခန်းကား တိတ်ဆိတ်ငြိမ်သက်လျက်။ စေ့ထားသော ပြတင်းတံခါးမှ ပြာစိမ်းစိမ်း မှန်ရောင်ရိုက်ဟပ်သဖြင့် အခန်းသည် စိမ်းစိမ်း ပြာပြာ ဖြစ်နေသည်။ အခန်းထိပ်ရှိ စားပွဲကြီးတွင်ကား တိုင်းပြုပြည်ပြု လွှတ်တော် အကြံပေး အရာရှိ ၀တ်လုံ ဦးချန်ထွန်းသည် ခေါင်းငိုက်ကာ ငေးမှိုင်လျက်ရှိသည်။

ဇော်ဂျီသည် ကျနော်ဝင်လာသည်ကို မြင်သော အခါ ဆိတ်ဆိတ်ပင်၊ စကားမဟဘဲ ထိုင်ရန် ကုလားထိုင်ကိုသာ လက် ဖြင့် ညွှန်ပြသည်။ သူသည်ငေးငိုင်၍နေသည်။ အတန်ကြာတိတ်ဆိတ်လျက်ရှိသည်။ ကျနော်ကား ခါတိုင်းလှုပ်ရှား ဆူညံ၍ နေတတ်သော အတွင်းဝန်များရုံးသည် ဘာကြောင့် ယခုလိုအုံ့မှိုင်းရီဝေ၍နေသည်၊ ဆိတ်ငြိမ်၍ နေသည်ကို အံ့သြလျက်ရှိသည်။

အတန်ကြာ ဆိတ်ငြိမ်နေရာမှ ‘‘အားလုံးတော့ဒုက္ခဖြစ်ကုန်ပြီ’’ ဟု ဇော်ဂျီက တိုးတိုးညည်းလေသည်။ ကျနော်ကား ဘာမှန်း မသိသေးသဖြင့် ကြောင်နေရာ သူကအကဲခတ်မိ၍ နေရာမှထကာလက်ပြ၍ အပြင်သို့ခေါ်ခဲ့သည်။ ကျနော်သည်ထိက်ကနဲဖြစ်သွားသည်။

‘‘လက်ဖက်ရည်ဆိုင် သွားရအောင်’’

မိုးတဖွဲဖွဲတွင် ရုံးခန်းအပြင်ဘက် မြေနီလမ်းကလေးပေါ်ရောက်မှ ကျနော်က မနေနိုင်၍ ဘာဖြစ်လို့လဲဆရာ ဟု မေးမိသည်။

‘‘မင်း မကြားသေးဘူးလား’’ဟု ဇော်ဂျီက အံ့သြနေသည်။

‘‘ဟင့်အင်း … ကျနော်အခုပဲ ဘတ်စ်ကားပေါ်ကဆင်းပြီး ရုံးကိုတန်းလာတာ’’
သည်တော့မှ ဇော်ဂျီက ဖြစ်ပုံကို ပြောပြသည်။ ခြသေ့င်္တပ် စစ်ယူနီဖေါင်းကို ၀တ်ထားသော လက်နက်ကိုင် လူ ၄ ယောက်သည် ကျနော် ဖြတ်လာခဲ့သော အလယ်ဆင်ဝင်အောက်မှ တက်လာကာ ဦးအောင်ဆန်း ရုံးခန်း အတွင်းသို့ အတင်းတွန်းဝင်၍ အစည်းအဝေးပြုလုပ်လျက်ရှိသော အမှုဆောင် ၀န်ကြီးများအားစတင်းဂန်းဖြင့်ပစ်ခတ်ကြပြီး မည်သူမျှ ဖမ်းဆီးခြင်းမခံရဘဲ ဂျစ်ကားဖြင့် ထွက်ပြေး လွတ်မြောက်သွားသည်။ ကျနော် မရောက်မီ ၁ နာရီ ကျော်ကျော်ခန့်က ဖြစ်သည်။

ကျနော်သည် သည်သတင်းကိုကြားသောအခါ ထိတ်လန့် တုန်လှုပ်သွားသည်။ အသားများ တဆတ်ဆတ်တုန်လာ သည်။ အတွင်းဝန်ရုံး လက်ဖက်ရည်ဆိုင်ထဲတွင်ကား စာရေး စာချီ စသော ရုံးသားတို့သည် ညှိုးးငယ်သော မျက်နှာဖြင့် ဆိတ်ငြိမ်စွာစားသောက်၍ နေကြသည်ကိုတွေ့မြင်ရသည်။ တစားပွဲခြားရှိ နိုင်ငံရေးရာအတွင်းဝန် ကိုကျော်မြင့် ကလေး က လှမ်း၍ နှုတ်ဆက်လိုက်သည်။ သူသည် ခပ်အေးအေး ခပ်တွေတွေပင် လက်ဖက်ရည်ကို သောက်နေသည်။

‘‘အင်မတန်နှမြောဖို့ ကောင်းတယ်ဗျာ၊ သိပ်ပြီး ရက်စက်ကြမ်းကြုတ်တဲ့နိုင်ငံရေး လုပ်ကြံမှုပဲ’’ စသည်ဖြင့် လူအချို့သည်ငြီးတွားလျက်ရှိကြသည်။

ဇော်ဂျီက ‘‘အမျိုးသားပျက်စီးခြင်းတရပ်ပဲ’’ ဟု တသသပြောသည်။

‘‘ကျနော် ရုံးဝင်းထဲဝင်လာတော့ လက်နက်ကိုင် ပုလိပ်တွေကိုတွေ့တယ်။ ဒါပေမယ့် ကျနော် ၀င်လာတာကိုမတားကြ ဘူး။ ဆင်ဝင်အောက် အ၀င်မှာတောင် အသိစာရေး ၁ ယောက်နဲ့တွေ့သားပဲ။ သူကလည်း ဘာမှမပြောဘူး’’။

‘‘လူတွေဟာမပြောရက်ကြဘူး’’ ဟု ဇော်ဂျီကဆိုလေသည်။

လက်ဖက်ရည်သောက်နေကြစဉ် ခုတင်ပဲ ဆေးရုံကပြန်လာသော ရုံးသားတဦး အပါးကပ်လာ၍ ‘‘ဘယ့်နဲ့လဲ’’ဟု ကျနော်တို့က ၀ိုင်း၍မေးမြန်းကြသည်။ သူက မိုင်းပွန်စောဘွားကြီးမှ တပါး အားလုံးဆုံးရှာပြီဟု ပြောသည်။ သူ့အသံမှာ တုန်နေ၍မျက်နှာမှာ ဖြူဖတ်ဖြူရော်ဖြစ်နေသည်။

‘‘ဗိုလ်ချုပ်ကော’’ ဟု တယောက်က တိုးတိုးမေးသည်။

‘‘မျက်နှာကို အ၀တ်ဖြူနဲ့ ဖုံးထားတယ်’’

ကျနော်လည်း ကြာကြာမနေနိုင်ဘဲ ဂျူဒါအီစကယ်လမ်း(ယခု သိမ်ဖြူလမ်း) တံခါးပေါက်မှကျော်၍ အပြင်ဘက်လမ်းသို့ ထွက်ခဲ့သည်။ မိုးသည် တစိမ့်စိမ့်ရွာလျက်ပင်။ လူတအုပ်သည် မိုးထဲတွင် ထီးဆောင်း၍၊ တချို့ထီးမပါဘဲ၊ အချို့ ပလက်ဖောင်းပေါ်တွင်ရပ်ကာ အတွင်းဝန်ရုံးဘက်သို့ မျှော်ကြည့်နေကြသည်။ ကုလားနှင့် တရုတ်လည်းပါသည်။

လူတယောက်က ကျနော်၏ လက်မောင်းကိုဆွဲကိုင်၍ ‘‘ဒီမယ်… ခုနက၀န်ကြီးတွေ သေနတ်ပစ်ခံရတယ် ကြားတယ်၊ ဟုတ်သလားခင်ဗျာ’’ဟု မေးသည်။ သူကား အကြောင်းမျိုးစုံကို သိချင်နေပေလိမ့်မည်။

‘‘ဟုတ်ကဲ့…’’ ဟူ၍သာ ဖြေကြားပြီး တဘက်သို့ ဖြတ်ကူးရင်းအသင့်တွေ့ရသော ဒေါင်းတံဆိပ်ကားကို တက်စီးလိုက် သည်။ ကားသည် လမ်းမတော်ဘက်သို့ပြေးလျက်ရှိသည်။

ကားထဲတွင် လူမနည်းလှပေ။ ခရီးသည်အားလုံး မျက်စိမျက်နှာမကောင်းကြ။ ခပ်ရွယ်ရွယ် မိန်းမပျိုတဦးက ‘‘ဖြစ်မှဖြစ်ရလေနော် ဖြစ်မှဖြစ်ရလေ’’ ဟု မြည်တမ်းလျက်ရှိသည်။

ဈေးသည်ဟုထင်ရသော ခပ်အိုအိုမိန်းမကြီး နှစ်ယောက်သည် ‘‘ဗိုလ်ချုပ် အသက်ရှင်ပါစေတော်’’ ဟု ဆုတောင်း၍ နေသည်။

ယခုမှပင် သိရသော မိန်းမတယောက်က မေးမြန်းသည်ကို ‘‘မပြောကြနဲ့ မပြောကြနဲ့’’ ဟု အသာလက်ကုတ်၍ တီးတိုးတားမြစ်သည်။ သူတို့သည် မပြောရက်ကြ။ သန့်ပြန့်စွာ ၀တ်စားထားသော တရုတ်တဦး က‘‘အားကီး ရက်စက်တာပဲ’ဟု ကျနော့် ဘက်သို့ လှည့်၍ ရေရွတ်လျက်ရှိသည်။ မျက်နှာထားတင်းတင်းနှင့် ဘတ်စ် ကား ဒရိုင်ဘာသည် တောက်ခေါက်လိုက်သည်။

သိမ်ကြီးဈေးသို့ ရောက်သောအခါ လူသွားလူလာ ကင်းရှင်းနေပေပြီ။ ဈေးဆိုင်များပိတ်ထားလေပြီ။ သတင်းသည် တမုဟုတ်ချင်းပျံ့နှံ့၍သွားလေပြီ။ မော်တော်ကား၊ လန်ချားတို့ကား ခပ်မြန်မြန်သွားလာနေကြသည်။

ကားလမ်းပေါ်မှဆင်း၍ လမ်းထဲသို့ ၀င်လာသောအခါ အိမ်ဝတွင် လူတို့သည် မှိုင်တိုင်တိုင်နှင့်ရပ်ကာကြည့်နေသည်ကို တွေ့မြင်ရသည်။ လူတို့သည် အငြိမ်မနေနိုင်ကြ။ မိုးသည်မစဲဘဲ ရွာလျက်ပင်။

လူတို့သည် ဖြစ်မှဖြစ်ရလေ၊ ဖြစ်မှဖြစ်ရလေ ဟု တတွတ်တွတ် မြည်တမ်းရင်းပင် ညနေစောင်းလာတော့သည်။ ဗိုလ်ချုပ် ဆုံးကြောင်းကား ညနေထုတ် သတင်းစာများမှ ကြားရလေပြီ။

မည်သူ့မျက်နှာကြည့်ကြည့် မျက်နှာညှိုးငယ်နွမ်းလျစွာနှင့်။ လမ်းမပေါ်မှ စက်ပြင်ဆရာ တဦး၏ မိန်မပါးစပ်မှ ‘‘ကျုပ်တို့တော့ ထမင်းလည်း မချက်တော့ဘူး၊ စားချင်စိတ်လည်း မရှိတော့ပါဘူးရှင်’’ဟူသောအသံသည် သဲ့သဲ့မျှ ပေါ်ထွက်လာသည်။

နေ၀င်မီးငြိမ်း အမိန့်ထုတ်ထားသဖြင့် ညဥ့်ဦးသည် တိတ်ဆိတ်ကာ မှောင်လှသည်။ အိမ်သားများ ဆုံတိုင်း နေ့ခင်းက အကြောင်းကိုသာ ပြောကြသည်။ ရှိုက်သံ၊ တမ်းတသံ၊ ညဉ်းညူသံ၊ တသသံ။

တိတ်ဆိတ်မှောင်မည်းသဖြင့် စောစော အိပ်ရာဝင်ကြသော်လည်း အိပ်မပျော်နိုင်ကြ။ နေ့ခင်းကဟာ အိပ်မက်ပဲ ဖြစ်ပါစေတော့ဟု မိန်းမများက ဆုတောင်းကြသည်။

ညဥ့်နက်သော်လည်း ချောင်းဟန့်သံ၊ လူးလွန့်သံတို့သည် ဆက်၍နေသည်။ ရှဲခနဲ မီးခြစ်၍နောက်ဖေး ထကြ ပြန်သည်။

တရေးနိုးဆုံလျှင် ‘‘ဘယ်တော့များမှ မေ့ပျောက်ပါ့မလဲနော်’’ဟု အိပ်ချင်သံနှင့်ဆိုကြသည်။ တရေးနိုးတိုင်းသတိရလျက် ရှိသည်။ မကြာခဏအိပ်မက်ပြီး နိုးသည်။ သို့နှင့်ပင် တအောက်မေ့မေ့၊ တသသနှင့်ထိုညကို လွန်မြောက်ရသည်။

၁၉၄၇
သြဂုတ်လ

“အယ်ဒီတာ စာပွဲ၊ စာပေ၊ အနုပညာ ဝေဖန်ရေး နှင့် ပန်းနုရောင်အို” စာအုပ်တွင် ဖော်ပြပါရှိသော ဤ ဆောင်းပါးအား ဆရာ ဒဂုန်တာရာ ၏ ခွင့်ပြုချက်ဖြင့် ပြန်လည်ဖော်ပြပါသည်။

Copyright © 2010 ဧရာဝတီ

ဦးဝင်းထိန် နိုင်ငံရေးအကျဉ်းသားများကို ကူညီမည်

NLD ခေါင်းဆောင် ဦးတင်ဦး (ယာ) နှင့် ဦးဝင်းထိန်တို့ ပြန်ဆုံကြစဉ်။ (ဓာတ်ပုံ - AP)


စိုင်းဇွမ်ဆိုင်း Saturday, July 17, 2010 .
ကသာထောင်မှ ဇူလိုင်လ ၁၅ ရက်နေ့တွင် ပြန်လည် လွတ်မြောက်လာသည့် ဒေါ်အောင်ဆန်းစုကြည်၏ ကိုယ်ရေး အရာရှိဖြစ်ခဲ့သူဦးဝင်းထိန်က ဘဝတူ နိုင်ငံရေး အကျဉ်းသားများအား အကူအညီပေးရေးကို ဆောင်ရွက်သွားမည် ဖြစ်ကြောင်း သိရသည်။

“လောလောဆယ်တော့ ကျန်းမာရေး စစ်ဆေးမှုတွေအရင် လုပ်ရမယ်။ အဲဒါတွေ ပြီးတော့မှ ထောင်ထဲမှာ ကျန်ခဲ့တဲ့ ဘဝတူတွေအတွက် လူမှုရေးအထောက်အပံ့တွေ၊ တချို့တွေကိုဆိုရင် ငွေရေးကြေးရေး ထောက်ပံ့မှုတွေ လုပ်ပေး မယ်”ဟု ဦးဝင်းထိန်က ပြောသည်။

ဦးဝင်းထိန်သည် ဗိုလ်ကြီးဟောင်းတဦးဖြစ်ပြီး အမျိုးသား ဒီမိုကရေစီ အဖွဲ့ချုပ် (NLD) မှ ဦးတင်ဦး၏ ကိုယ်ရေးအရာရှိ အဖြစ်လည်း ဆောင်ရွက်ခဲ့ဖူးသည်။


NLD ခေါင်းဆောင် ဦးတင်ဦး (ယာ) နှင့် ဦးဝင်းထိန်တို့ ပြန်ဆုံကြစဉ်။ (ဓာတ်ပုံ - AP)
၁၉၈၈-၈၉ နှစ်များအတွင်း ဒေါ်အောင်ဆန်းစုကြည်၏ အထက်မြန်မာပြည်၊ အောက်မြန်မာပြည် စည်းရုံးရေး ခရီးစဉ် များတွင် ပါဝင်ခဲ့သည်။

ဦးဝင်းထိန်ကို ၁၉၈၉ ခုနှစ်တွင် စစ်အစိုးရမှ စတင်ဖမ်းဆီးခဲ့ပြီး ၁၉၈၉ မှ ၁၉၉၅ အထိ ထောင်ဒဏ် ၅ နှစ်ခွဲ၊ ၁၉၉၆ မှ ယခုနှစ် ဇူလိုင်လ အထိ ထောင်ဒဏ် ၁၄ နှစ် ၂ လ ကြာ ထောင်ဒဏ်များ ချမှတ်ခဲ့သည်။ မြင်းခြံ၊ မန္တလေး၊ မိတ္ထီလာ၊ ကသာ ထောင်များတွင် ပြစ်ဒဏ် ကျခံခဲ့ရသည်။

၂၀၀၈ ခုနှစ် စက်တင်ဘာလ ၂၃ ရက်နေ့တွင် ကသာထောင်မှ လွတ်မြောက်ခဲ့သော်လည်း ဒေသခံရဲအဖွဲ့၏ ပြန်လည် ဖမ်းဆီးခြင်းကို ခံခဲ့ရသည်။

“ထောင်ကလွတ်လာပြီးတော့ တည်းခိုခန်းတခုမှာ တည်းတယ်။ အဲဒီမှာ သတင်းဌာနတခုက ဖုန်းဆက်လာတယ်။ ကျနော်လည်း စိတ်ထဲမှာ ရှိတာတွေ ပြောလိုက်တယ်။ တရားဥပဒေက လူတွေကို နှစ်ရှည် ထောင်ဒဏ်ချထားတာ တွေက အင်မတန် ရုပ်ပျက်ဆင်းပျက် နိုင်လွန်းတဲ့ကိစ္စ၊ နောက်ပြီးတော့ နိုင်ငံရေးမှာ တဘက်စောင်းနင်း လုပ်ပြီးတော့ မျှမျှတတမရှိဘဲနဲ့ လုပ်ချင်သလို လုပ်တဲ့ကိစ္စ၊ နောက် ကျန်းမာရေး စောင့်ရှောက်မှု ညံ့တဲ့ကိစ္စ၊ အဲဒါတွေ ပြောလိုက် တယ်။ နောက်တရက်ကျတော့ ရဲမှူးကြီး တယောက် ရောက်လာတယ်။ ခဏလိုက်ခဲ့ပါပြောပြီး ထောင်ထဲ ပြန်ထည့် လိုက်တယ်”ဟု ဦးဝင်းထိန်က ဆိုသည်။

ဦးဝင်းထိန်သည် လက်ရှိအခြေအနေတွင် နှလုံးရောဂါ၊ အစာအိမ်ရောဂါ၊ သွေးတိုးနှင့် လည်ပင်းအရိုး ကျီးပေါင်းတက် စသည့် ရောဂါများကို ခံစားနေရသည်။ တနေ့တာ သောက်သုံးနေရသော ဆေးအမျိုးအစား ၈ မျိုးခန့်ရှိသည်ဟု ဦးဝင်းထိန်က ပြောသည်။

စစ်အစိုးရက ယခုနှစ်တွင် ကျင်းပပေးမည်ဟု ဆိုသော ရွေးကောက်ပွဲတွင် အမျိုးသား ဒီမိုကရေစီ အဖွဲ့ချုပ်မှ ဝင်ရောက် ယှဉ်ပြိုင်ခြင်း မရှိသည့်အပေါ်တွင်လည်း ကျေနပ်အားရမိကြောင်း ဦးဝင်းထိန်က ဆက်လက်ပြောသည်။

“တရားမျှတမှုမရှိတဲ့ ရွေးကောက်ပွဲကို ဝင်မပြိုင်ဘဲနေတာက ပိုကောင်းပါတယ်။ ဒေါက်တာ သန်းငြိမ်းတို့၊ ဦးခင်မောင်ဆွေ တို့ကလည်း သူတို့ လုပ်ပိုင်ခွင့်တွေ ရှိနေလို့ လုပ်သွားတာပဲလေ။ သူတို့အပေါ်ကိုတော့ ပြောစရာ မရှိပါဘူး”ဟု အမျိုးသား ဒီမိုကရေစီ အင်အားစု ပါတီနှင့် ပတ်သက်၍ ဦးဝင်းထိန်က ဆိုသည်။

ဦးဝင်းထိန်သည် ထောင်ထဲတွင် စုစုပေါင်း အနှစ် ၂၀ ခန့် နေခဲ့ရပြီး “ထောင်” ဆိုသည်မှာ လူ့ပြည်မှ အပါယ်ဘုံ(ငရဲဘုံ) တခုပင် ဖြစ်ကြောင်း ဦးဝင်းထိန်က မှတ်ချက်ပေးသည်။

Copyright © 2010 ဧရာဝတီ. All Rights Reserved.

အန်အယ်ဒီအဖွဲ့ဝင် သန်းမြင့်အောင်ကို ထောင်ဒဏ် ၁ဝ နှစ် ထပ်တိုး

မြင့်မောင် | သောကြာနေ့၊ ဇူလိုင်လ ၁၆ ရက် ၂၀၁၀ ခုနှစ် ၁၅ နာရီ ၅၇ မိနစ် .
နယူးဒေလီ(မဇ္ဈိမ) ။ ။ ရန်ကုန်မြို့ အင်းစိန်ထောင်တွင် ပြစ်ဒဏ် ၅ နှစ် ကျခံနေရသည့် အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ - မလေးရှားဌာနခွဲ) အဖွဲ့ဝင် ကိုသန်းမြင့်အောင်ကို အီလက်ထရောနစ် ပုဒ်မဖြင့် ယမန်နေ့က ထောင်ဒဏ် ၁ဝ နှစ် ထပ်မံချမှတ်လိုက်သည်။

ပြီးခဲ့သည့်လ ၁ ရက်နေ့တွင် သင်္ကန်းကျွန်းမြို့နယ် တရားရုံးက တရားမဝင် နယ်စပ်ဖြတ်ကျော်မှု၊ တရားမဝင် အဖွဲ့အစည်းနှင့် ဆက်သွယ်မှုတို့ဖြင့် ထောင်ဒဏ် ၅ နှစ် ချမှတ်ခဲ့ပြီးနောက် ယမန်နေ့တွင် ကျောက်တံတား မြို့နယ်ရှိ အနောက်ပိုင်းခရိုင် တရားရုံး တရားသူကြီး ဒေါ်နုနုခင်က ထပ်တိုးအမှု ပုဒ်မ ၃၃ (က) ဖြင့် အလုပ်ကြမ်းနှင့် ထောင်ဒဏ် ၁ဝ နှစ် ထပ်မံ၍ ချမှတ်ခြင်း ဖြစ်သည်။

“ထောင်ဒဏ်ချအပြီး အင်းစိန်ထောင်ကို ပြန်ခေါ်သွားတယ်။ ကျန်းမာရေးကောင်းတော့ ပြည့်ပြည့်ဖြိုးဖြိုးနဲ့၊ ရွှင်ရွှင်လန်းလန်းနဲ့၊ တက်တက်ကြွကြွပဲ။ သူများတွေ ၆၅ နှစ်နဲ့စာရင် သူ အများကြီးတော်သေးတယ်၊ ဘာမှ ဝမ်းနည်းစရာ အကြောင်းမရှိဘူးလို့ပဲ ပြောတယ်” ဟု တရားရုံး တက်ရောက်ခဲ့သည့် မိသားစုဝင်နှင့် နီးစပ်သူတဦးက မဇ္ဈိမကို ပြောသည်။

သူသည် မလေးရှားတွင် ၂ဝဝ၂ ခုနှစ်မှ ၂ဝဝ၈ ခုနှစ် နှောင်းပိုင်းအထိ အလုပ်လုပ်ကိုင်ခဲ့ပြီး နာဂစ်မုန်တိုင်းသင့် ပြည်သူများကို ကူညီရန်အတွက် မြန်မာပြည်သို့ ပြန်လည်ရောက်ရှိလာကာ ပြီးခဲ့သည့်နှစ် မတ်လ ၄ ရက်နေ့တွင် မလေးရှားနိုင်ငံသို့ ပြန်လည်ထွက်ခွာရန် နိုင်ငံကူးလက်မှတ် လျှောက်ထားစဉ် တာမွေမြို့နယ် ဘတ်စ်ကား မှတ်တိုင်တခု၌ ရဲက ဖမ်းဆီးခဲ့သည်။

အမျိုးသား ဒီမိုကရေစီ အဖွဲ့ချုပ် (လွတ်မြောက်နယ်မြေ - မလေးရှားဌာနခွဲ) တွင် အလုပ်လုပ်ပြီး တရားမဝင် ပြန်လည်ဝင်ရောက်လာသူအဖြစ် ရဲက တရားစွဲဆိုခဲ့သည်။

ပြီးခဲ့သည့်လ ၁ ရက်နေ့တွင် မတရားအသင်း အက်ဥပဒေ ပုဒ်မ ၁၇ (၁) ဖြင့် ၂ နှစ်၊ လဝက အက်ဥပဒေပုဒ်မ ၁၃ (၁) ဖြင့် အလုပ်ကြမ်းနှင့် ထောင်ဒဏ် ၃ နှစ် ချမှတ်ကာ အလုပ်ကြမ်းနှင့် ထောင်ဒဏ် ၅ နှစ်အဖြစ် တပေါင်းတည်းကျခံရန် သင်္ကန်းကျွန်းမြို့နယ် တရားရုံး တရားသူကြီး ဒေါ်ညွန့်ညွန့်ဝင်းက ချမှတ်ခဲ့သည်။

ပြီးခဲ့သည့် ဇွန်လ ၄ ရက်နေ့တွင် အနောက်ပိုင်းခရိုင် တရားရုံးက အီလက်ထရောနစ် အက်ဥပဒေ ပုဒ်မ ၃၃ (က) ဖြင့် ထပ်မံအမှုတင်ခဲ့ပြီး ယမန်နေ့တွင် နောက်ထပ် အလုပ်ကြမ်းနှင့် ထောင်ဒဏ် ၁ဝ နှစ် စီရင်လိုက်ကာ ယခင် ပြစ်ဒဏ် ၅ နှစ်နှင့် တပေါင်းတည်း ကျခံရမည် ဖြစ်သည်။

ထိုဥပေဒသည် နိုင်ငံတော် တည်ငြိမ်ရေးနှင့် လုံခြုံရေးကို ထိခိုက်စေနိုင်သော သတင်းအချက်အလက်များကို အင်တာနက်မှ ပေးပို့ဖြန့်ချိမှုဖြစ်ကာ ဒီမိုကရေစီ လိုလားသူ အတိုက်အခံများကို ထောင်ချရာတွင် စစ်အစိုးရက တွင်ကျယ်စွာ အသုံးပြုသော ဥပဒေ ဖြစ်သည်။

ကိုသန်းမြင့်အောင် အမှုအတွက် လိုက်ပါဆောင်ပေးသည့် ရှေ့နေ ဒေါ်စိုးစိုးမာက ယခင် ၂ မှုအတွက် အယူခံဝင်ထားသလို၊ ယခုအမှုအတွက်ပါ အယူခံဝင်သွားမည်ဟု သိရသည်။

© Copyright 1998 - 2009 Mizzima News. All Rights Reserved

၆၃ နှစ်မြောက် အာဇာနည်နေ့

(63) 19 July

ဝန်ကြီး ကလင်တန် အာရှလုံခြုံရေး အစည်းအဝေးမှာ မြန်မာ့အရေး ဆွေးနွေးဖွယ်ရှိ

အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ဟာ လာမယ့် တနင်္လာနေ့မှာ ၅ ရက်ကြာ အာရှခရီးထွက်ဖို့ ရှိနေပါတယ်။ လာမယ့်အပတ်ထဲ ဗီယက်နမ်နိုင်ငံမှာ ကျင်းပမယ့် အာရှဒေသ လုံခြုံရေး နှီးနှောဖလှယ်ပွဲကိုလည်း ၀န်ကြီး ကလင်တန် တက်ရောက်မှာ ဖြစ်ပါတယ်။ ၀န်ကြီး ကလင်တန်ရဲ့ အာရှခရီးစဉ်အတွင်း မြန်မာနိုင်ငံအရေး ထည့်သွင်းဆွေးနွေးဖို့ ရှိပါသလား။ နိုင်ငံခြားရေးဝန်ကြီးရဲ့ လာမယ့် အာရှခရီးစဉ်နဲ့ ပတ်သက်လို့ မနေ့က နိုင်ငံခြားရေးဌာနမှာ သတင်းစာ ရှင်းလင်းပွဲတရပ် ပြုလုပ်ခဲ့ပါတယ်။ အပြည့်အစုံကို မခင်ဖြူထွေးက တင်ပြပေးထားပါတယ်။

အမေရိကန် နိုင်ငံခြားရေးဝန်ကြီး ဟီလာရီ ကလင်တန်ဟာ ဇူလိုင်လ ၁၉ ရက်နေ့ကနေ ၂၃ ရက်နေ့အထိ အာရှနိုင်ငံတချို့ကို သွားရောက်မှာ ဖြစ်ပါတယ်။ သူ့ရဲ့ ဒီခရီးစဉ်အတွင်း မြောက်ကိုရီးယား လက်ချက်နဲ့ တောင်ကိုရီးယား စစ်သင်္ဘော ချိုနန် နစ်မြုပ်ခဲ့တဲ့ကိစ္စ ဆွေးနွေးဖို့ရှိသလို မြန်မာနိုင်ငံ ကိစ္စကိုလည်း ချန်လှပ်သွားမှာ မဟုတ်ပါဘူးလို့ နိုင်ငံခြားရေးဌာနရဲ့ အရှေ့အာရှနဲ့ ပစိဖိတ်ရေးရာ လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် (Kurt Campbell) က မနေ့က နိုင်ငံခြားရေးဌာန သတင်းစာ ရှင်းလင်းပွဲမှာ ပြောသွားခဲ့ပါတယ်။

“ကိုရီးယားကျွန်းဆွယ် လုံခြုံရေးကိစ္စအပြင် မြန်မာနိုင်ငံ လူ့အခွင့်အရေး ကိစ္စတွေကို ၀န်ကြီး ကလင်တန် ဆွေးနွေးဖြစ်ပါလိမ့်မယ်။ ဒေသတွင်း နိုင်ငံတွေ အားလုံးနဲ့ တွေ့ဆုံတဲ့အခါမှာရော၊ ၂ နိုင်ငံချင်း တွေ့ဆုံတဲ့ အခါတွေမှာပါ ဒီကိစ္စနှစ်ရပ်စလုံးကို အဖွဲ့ဝင်နိုင်ငံတွေနဲ့ သူ ဆွေးနွေးမှာပါ။ စိတ်မကောင်းစရာ ဖြစ်ပျက်ခဲ့တဲ့ ချိုနန်သင်္ဘော နစ်မြုပ်မှု ဖြစ်ခဲ့ရတာနဲ့ ပတ်သက်ပြီး စကားလုံး အတိအကျ ဘာပြောမလဲဆိုတာ သူ့မှာ ရှိပြီးသားပါ။ ဒီလိုပဲ မြန်မာနိုင်ငံမှာ ဒီနှစ်နှောင်းပိုင်းလောက် ကျင်းပဖြစ်လိမ့်မယ်လို့ ခန့်မှန်းရတဲ့ ရွေးကောက်ပွဲကိစ္စ အပါအ၀င် တခြား အကြောင်းအရာ တော်တော်များများမှာ အမေရိကန် ပြည်ထောင်စုရဲ့ စိုးရိမ်ချက်တွေကိုလည်း ပြောဖြစ်ပါလိမ့်မယ်။”

ဒါပေမဲ့ အာရှဒေသ လုံခြုံရေး နှီးနှောဖလှယ်ပွဲ တက်ရောက်မယ့် ၀န်ကြီး ကလင်တန် အနေနဲ့ မြောက်ကိုရီးယားနဲ့ မြန်မာနိုင်ငံတို့က တက်ရောက်လာမယ့် ကိုယ်စားလှယ်တွေနဲ့ တွေ့ဆုံဆွေးနွေးမှုတွေ လုပ်ဖို့တော့ လတ်တလော အခြေအနေမှာ အစီအစဉ် မရှိဘူးလို့ မစ္စတာ ကမ်းဘဲလ်က ပြောပါတယ်။

“မြန်မာနဲ့ မြောက်ကိုရီးယား ၂ နှစ်နိုင်ငံလုံးဟာ အာဆီယံ လုံခြုံရေးညီလာခံ အဖွဲ့ဝင်တွေပါ။ သူတို့ရဲ့ ကိုယ်စားလှယ်တွေ ဒီနှစ် ညီလာခံ လာတက်ဖို့ ရှိမရှိ ကျနော် မသိပါဘူး။ ပြီးခဲ့တဲ့နှစ်တွေတုန်းကတော့ ပုံမှန်အားဖြင့် သူတို့ကိုယ်စားလှယ်တွေ လွှတ်လေ့ရှိပါတယ်။ လက်တလော အခြေအနေမှာတော့ ဒီနိုင်ငံတွေက ကိုယ်စားလှယ်တွေနဲ့ နိုင်ငံခြားရေးဝန်ကြီး ကလင်တန် နှစ်နိုင်ငံချင်း တွေ့ဆုံဆွေးနွေးဖို့ အစီအစဉ် မရှိပါဘူး။”

မြန်မာစစ်အစိုးရ ခေါင်းဆောင်တွေဘက်က ပွင့်လင်းမြင်သာမှု ရှိဖို့နဲ့ အမေရိကန် ပြည်ထောင်စုနဲ့ ပူးပေါင်း ဆောင်ရွက်နိုင်တဲ့ အခွင့်အလမ်းကောင်းတွေ ရှိနေတာကို အမိအရယူဖို့ နိုင်ငံခြားရေး ၀န်ကြီးတွေ အတော်များများက ပြီးခဲ့တဲ့နှစ်အတွင်း မြန်မာစစ်အစိုးရကို တိုက်တွန်းပြောဆိုခဲ့ကြတာတွေ ရှိသလို ဒီအပေါ် အမေရိကန် ပြည်ထောင်စုက ၀မ်းသာကျေနပ်ရတဲ့ အကြောင်းနဲ့ ၀န်ကြီး ကလင်တန် အနေနဲ့ မြန်မာနိုင်ငံနဲ့ ပတ်သက်ပြီး နောက်ပိုင်းမှာ ကြေညာချက် ထုတ်နိုင်တယ်လို့လည်း မစ္စတာ ကမ်းဘဲလ်က ပြောသွားပါတယ်။

ဒေသတွင်း လုံခြုံရေး ညီလာခံကို တက်ရောက်လာမယ့် မြန်မာ့အိမ်နီးချင်း အိန္ဒိယနိုင်ငံရဲ့ နိုင်ငံခြားရေးဝန်ကြီးနဲ့ ၀န်ကြီး ကလင်တန်တို့ တွေ့ဆုံတဲ့အခါ မြန်မာ့အရေး ဆွေးနွေးဖို့ ရှိမရှိ ဆိုတာနဲ့ ပတ်သက်လို့တော့ မစ္စတာ ကမ်းဘဲလ်က အခုလို ဖြေသွားခဲ့ပါတယ်။

“အိန္ဒိယ ခေါင်းဆောင်တွေနဲ့ ကျနော်တို့ စကားပြောကြတဲ့ အခါတိုင်း မြန်မာကိစ္စကို ပြောဖြစ်ပါတယ်။ အိန္ဒိယက မိတ်ဆွေတွေကို ကျနော်တို့ ရှင်းရှင်းလင်းလင်း ပြောပြီးသားပါ။ မြန်မာ့အရေးမှာ အိန္ဒိယရဲ့ အခန်းကဏ္ဍက အင်မတန် အရေးပါပါတယ်။ မြန်မာစစ်အစိုးရ အနေနဲ့ ပြုပြင်ပြောင်းလဲမှုတွေ လုပ်လာအောင်၊ နိုင်ငံရေး အကျဉ်းသားတွေကို ပြန်လွှတ်ပေးအောင်၊ နိုင်ငံတကာ အသိုင်းအ၀ိုင်းနဲ့ ဆက်ဆံတဲ့ နေရာမှာလည်း ပိုပြီးတော့ လေးလေးစားစား ရှိလာအောင် သူတို့အနေနဲ့ မြန်မာစစ်ခေါင်းဆောင်တွေကို တိုက်တွန်းပြောဆိုဖို့ ကျနော်တို့ တောင်းဆိုထားပါတယ်။

“အိမ်နီးချင်းနိုင်ငံဖြစ်တဲ့ အိန္ဒိယအနေနဲ့ မြန်မာနိုင်ငံနဲ့ ဆက်ဆံရာမှာ မဟာဗျူဟာကျတဲ့ အကျိုးစီးပွားကို ရှေ့တန်းတင်ရတယ် ဆိုတာကို ကျနော်တို့ နားလည်ပါတယ်။ ဒါပေမဲ့ နေပြည်တော်မှာရှိတဲ့ မြန်မာစစ်ဗိုလ်ချုပ်ကြီးတွေကို တာဝန်ယူမှု ရှိလာအောင် ပြောင်းလဲဖို့ အိန္ဒိယရော တခြား ဒေသတွင်း နိုင်ငံတွေ အနေနဲ့ တိုက်တွန်းဖို့ လိုပါတယ်။ အမေရိကန် ပြည်ထောင်စု အနေနဲ့ မြန်မာ့အရေးအတွက် ဒီနိုင်ငံတွေနဲ့ အနီးကပ် ပူးပေါင်းဆောင်ရွက်လိုပါတယ်။”

မြန်မာစစ်အစိုးရ အနေနဲ့ ရွေးကောက်ပွဲ ကျင်းပဖို့ စီစဉ်နေတာနဲ့ ပတ်သက်လို့ အခုထိ တိတိကျကျ ထုတ်ဖော်ပြောဆိုခြင်း မရှိသေးတဲ့ အကြောင်းနဲ့ မြန်မာနိုင်ငံတွင်းမှာ လူ့အခွင့်အရေး ချိုးဖောက်မှုတွေ ပြဿနာမျိုးစုံ ရှိနေသေးတာကြောင့် ရွေးကောက်ပွဲတွေဟာ လွတ်လပ်ပြီး တရားမှုတမှု ရှိလိမ့်မယ်လို့ မထင်ရတဲ့ အကြောင်းလည်း မစ္စတာ ကမ်းဘဲလ်က ပြောပါတယ်။

“မြန်မာစစ်အစိုးရ အနေနဲ့ ပြည်တွင်းက နိုင်ငံရေး အတိုက်အခံ အင်အားစုတွေနဲ့ တွေ့ဆုံဆွေးနွေးမှုတွေ မလုပ်သေးတဲ့ ကိစ္စကို ကျနော်တို့ စိုးရိမ်ပါတယ်။ အမေရိကန် ပြည်ထောင်စု အနေနဲ့ လုပ်သင့်တဲ့အချိန် တခုမှာ မြန်မာစစ်အစိုးရနဲ့ စေ့စပ်ဆွေးနွေးမှုလုပ်ပြီး တိုက်တွန်းမှုတွေလုပ်ဖို့ အဆင်သင့် ရှိပါတယ်။ မြန်မာနိုင်ငံတွင်း နိုင်ငံရေး တိုးတက်ပြောင်းလဲမှုတွေ ဖြစ်လာအောင်နဲ့ နိုင်ငံတကာနဲ့ ဆက်ဆံရာမှာ ပွင့်လင်းမြင်သာမှု ရှိလာအောင် လုပ်ဖို့ အမေရိကန် ပြည်ထောင်စုက မြန်မာစစ်အစိုးရကို တိုက်တွန်းနေတာပါ။”

အမေရိကန် ပြည်ထောင်စု အနေနဲ့ မြန်မာနိုင်ငံဆိုင်ရာ အထူးကိုယ်စားလှယ် သံအမတ်ကြီးတဦး ခန့်အပ်ဖို့ ကိစ္စကတော့ ဆွေးနွေးနေတုန်း ဖြစ်သလို သိပ်မကြာတော့တဲ့ အချိန်ကာလ တခုမှာတော့ တရားဝင် ထုတ်ပြန် ကြေညာနိုင်လိမ့်မယ်လို့လည်း မစ္စတာ ကမ်းဘဲလ်က ပြောပါတယ်။ မြန်မာနဲ့ မြောက်ကိုရီးယား အစိုးရတို့အကြား အပြန်အလှန် ဆက်သွယ်မှုတွေ ရှိနေတဲ့အပေါ် အမေရိကန် ပြည်ထောင်စုက စိုးရိမ်တဲ့အကြောင်းလည်း သူက အခုလို ပြောပါတယ်။

“မြန်မာစစ်အစိုးရက ကုလသမဂ္ဂ လုံခြုံရေးကောင်စီ ဆုံးဖြတ်ချက် အမှတ် ၁၈၇၄ ကို ချိုးဖောက်ပြီး မြောက်ကိုရီးယားနဲ့ အပြန်အလှန် ဆက်သွယ်နေတဲ့ ကိစ္စကို ကျနော်တို့ အဓိက စိုးရိမ်ပါတယ်။ လုံခြုံရေးကောင်စီ ဆုံးဖြတ်ချက်အမှတ် ၁၈၇၄ ကို လိုက်နာဖို့နဲ့ မြောက်ကိုရီးယား ဆက်သွယ်မှုတွေမှာ ထိန်ချန် ဖုံးကွယ်မှုတွေ မရှိဘဲ ပွင့်လင်းမြင်သာမှု ရှိဖို့အတွက် မြန်မာစစ်အစိုးရကို အမေရိကန် ပြည်ထောင်စုက တိုက်တွန်းထားပါတယ်။ ဒါပေမဲ့ ဒီကိစ္စက ခုထိတော့ အောင်မြင်မှု မရသေးပါဘူး။”

အမေရိကန် နိုင်ငံခြားရေးဝန်ကြီးရဲ့ မကြာခင် သွားရောက်မယ့် အာရှခရီးစဉ်နဲ့ ပတ်သက်ပြီး မနေ့က နိုင်ငံခြားရေး ၀န်ကြီးဌာနမှာ ကျင်းပခဲ့တဲ့ သတင်းစာ ရှင်းလင်းပွဲအတွင်း လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် ပြောသွားခဲ့တာ ဖြစ်ပါတယ်။

ဝန်ကြီး ကလင်တန်ဟာ လာမယ့် တနင်္လာနေ့မှာ သူ့ရဲ့ အာရှခရီးစဉ်ကို စတင်မှာ ဖြစ်ပြီးတော့ အာရှဒေသ လုံခြုံရေး နှီးနှောဖလှယ်ပွဲ ကျင်းပမယ့် ဗီယက်နမ်နိုင်ငံအပြင် တောင်ကိုရီးယားနဲ့ အာဖဂန်နစ္စတန် နိုင်ငံတွေကိုလည်း သူသွားရောက်ဖို့ ရှိပါတယ်။

VOA